PASALṬHA THANGNGHILHLOVA BUNG 4 NA
PASALṬHA THANGNGHILHLOVA
.......M. Lusei Palian.......
BUNG 4 NA
......... ........ .........
Ke an pen ve zel a, an bawhram an hnaih telh telh mai si! An hma hruaitu Nekliana, Tualvum pasalṭha Khuangliana kaihza veng ṭhintu chu a ding ta chat a, a Silai chu rang fe hian a lek chhuak nghal a! An lam pan thawm a hre tlat a ni,hringmi thawm a ni tlat lehnghal, upa Bilha chu an melh zawk a, a rilru chu a thunun hlei thei ta tlat lo mai! An mahni tawk zawnga mi pahnih lokal te chu a lo thlir ran a, an ni lah zin haw anni tih hriatreng hian an rawn bawr viau mai! Puklui khua hian leido an nei lova, chuvanga khaw mipuite pawh muanga leng an ni, an ni Puklui khaw mite zin haw pawh hi thawm an dim fahran lo! Zuata leh Khara te ṭhiandun an ni a, Bukpui khaw lama an lainate chhiat tawh avanga furpui laia chhuak an ni. Tualvum tlangval upa lam Nekliana chuan a hnaih zel a, an ni ṭhiandun lah chuan hlim fe in upa Bilha te chu an han melh a, biak an tum hle ni chuan a lang a.
Nekliana chuan pasalṭha Sangthanga phuba lak chu a chak et et a, thinlung chhunga perhpawng chiri lam char char ang mai hian a awm a, chu chuan thisen chhuah turin a nawr ta. An inhnaih ta hle a, an karah hlam bak a awm tawh lovang tih chuan Nekliana Silai chu a puak ta dur mai le. Puklui pa, hma hruaitu Zuata chu a thinglubul tluk dawp a, a hnung zawk a mi Khara chu a hawihai kher mai! Chuveleh Nekliana chuan a chempui phawrhin Khara tlanchhe tur chu a chhipah an sat ta a le, a ri no chawk a bawkkhup thlawrhin a ke chu a leng vut vut a, an ṭhian dun chuan Pialral lamtluang an zawh ta! An chunga thil thleng teh thut chu an hrethiam lo khawp ang, Rihlipui an thlen chhoh hunah an la sawi dun mahna!
Upa Bilha chuan, " Neka, engti zia ngawt nge ni ngai a!" rum fe chuan a ti chhuak a.
Nekliana chuan Zuata leh Khara lu han sah chawrh chawrh pah chuan,
" U sangthanga phuba ka la ta a nih hi..! A ṭul danin lal hnenah kan thlen mai ta lawng...kan aia khaw te zawk kut tuar hi ka duh hauh lova, kan mite pakhat an thih chuan an mite pahnih zel an thi ang." chang rat chuan an ti a, a huaisen hmel kuk kuk khawp mai!
Thil kal dan chu upa Bilha ngaih dan a ni lo kher mai, mahse han khap sen ni ta hek lo. Nekliana chuan Zuata leh Khara lu chu a ak ta hmiah mai a, chu thil chuan a nghawng thui hle ngei ang. Puklui khaw lam khan an pasalṭha chapo zet Sangthanga lu erawh an la hauh lo. Ral sawngbawl in an sawngbawl hauh si lo. Thil kal dan chu a hnawk chho ta telh telh mai le..! Rei chawlh khaw muan chi ni hek lo, an milu lak takte ruang pawh chu an kalsan ta tawp a. Puklui lamin an rawn hmuh hun chuan an lai a na ngawt ngei ang le.
............ ............ ............
Unau hmel hai hun a nih chuan kawtchhuah lungdawh an thleng ta, Val upa Buanga chuan pasalṭha Chala han melh pah chuan,
" U Chal, Sapui hlado han chham la, hlado kan chham chho mawlh mawlh dawn niin a lang" awmze ril tak nei chuan an ti a.
Pasalṭha Chala chu a inthlahrung viau mai a, khawchhung boruak hre hek lo le! Chutih lai chuan, Mangvunga chuan,
" Han chham mawlh teh, riam tinin i riam teh ang u!" thinrim hmel fe chuan a ti a.
Hetih lai hian Thanga chu kawchhung khawsikin a tuam na hle tawh a, ala ding sai duh hauh lo. Thinlung huaisenna leh luhlulna hian taksa a lo thunun thei hle a ni, a mitmeng pawh a chau hauh lo. Mikawl thinlung chu lung anga sak, hliam tenau in a bawhbeh theih loh, hmalam pan tura pen ṭalh ṭalh mi a ni ṭhin!
Pasalṭha Chala chu han ding rem te te in heti hian hlado an chham ta a....
" Valpa e, hran ni khan e,
Kei chu e, zum tuk hlah law,
Mual ling e, leng hnuaiah khan e,
Rumlian e, hrang lai ka tuk ni'n e!"
kal raih a an tih hnu chuan a silai chu a puak ta thawr a. Tlangval ho chu an haw haw hluah hluah a, chutih lai chuan pasalṭha Chala chuan Thanga chu an hui lauh lauh a.
" Thanga ti teh Savawm hlado han chham ngat teh le!" tih pah chuan Thanga hliam chu an melh zawk a, chhel a ti hle mai!
Thangnghilhlova chuan inngaitlawm fe hian, " A.....ka pa Chal....hlado ka la chham miah lova, ka thiam ngut lovang!" hnuai lam melh ralh chuan an ti a. Pasalṭha Chala ngaih dan a ni hauh lo,
" Ti teh, ka sawi zawh rualin i lo ti ve zel dawn nia, " tichung chuan Silai chu a pe ta a.
Chutah hetiang hian lai rutin a chham chhuak ve ta,
" Sai lian e, nang hmasa u law,
Kawla fungṭial a zuitu e,
A sa a hrang kim ṭhiau ve,
Vawmphuai e, hnutiang ka daltir e.."
Thanga chuan a ti ve ta a, Buktea leh Raltawna chuan a ṭhen leh sak ṭhin tih an lo hmu reng a. Raltawna chuan a ṭhiana chu chhel a ti hle mai!
Khawchhung lama an thawm lo hre pha te hlimna chuan ava chim sang tehlul em! An hlauh leh ṭih khai ber chu pasalṭha ten an tudawl tawh tih an hria a. Chu an khaw ti ralṭi tu chu riam tinrenga riam an tum a ni. Khaw mipuite chuan kawtchhuah lam an pan ta hlawm a, naupang ho lah chu Sapui ruang hmuh hmasak tum chuan vahui rual rilṭam taka hmawng bei tur ang mai hian an rik hian an ri huk huk a....khawlai lo nal nen an robawm lang huang chuan an tleng leh nawk nawk a, khai then nalh nalh chuan berh phangin kawtchhuah lam an pan ta.
Kawtchhuah lam aṭang chuan haw haw chungin tlangval rualin khawchhung an rawn pan a, tu nge Sapui tihlumtu chu? Tih chu hre lo leh hre lo fe fe an inzawt a, rin dan hlir chu an sawi ṭan! A ṭhenin Savawm chu tu tihhlum nge an lo ti ve sek bawk a... A chhanna zawng lal tualah an hmu ngei ang. Tlangval rual savawm leh Hlaiba zawn tute chuan lal mual lam an pan a. Pasalṭha Mangvunga zawntute chuan an inlam an panpui thuai a, tlangval bengvar deuhin Bawlpu an kohsak nghal bawk a. Puklui khua zawng a ri hep hep mai!
Puklui lal Saitluanga chu a luhka sangah chuan a lo ding peu al a, pavalai tak hmel ṭha vengvawng tak hi a ni. A ropuina tizual turin a fanu te pahnih a sirah an lo ding paw pheu mai bawk a. Meichher en danin a zir bawk a, Tlangval tan zawng thlir nin an har a ni, an nauṭam tlei te, an tawrhbawm han ṭhatzia te chu hmuh hmaih rual a ni si lo. Puklui khua zawng an mawi meuh mai! Lal Saitluanga chuan Sapui leh Savawm chu a melh tawn chhen a, chutah tlangval ho lama a kut veilam han lek zeuh chuan aw an thian a.Mipui pawh thehhmeh ang mai an ni ta! Heti hian a rawn ṭawngchhuak ta a,
" Ka pasalṭha te zarah muangin kan leng leh thei dawn ta a ni ngat mai! Pasalṭha thinlung chuan khua hi ralmuanga dah a tum ber a, chu thinlung neitu chu in lal ai hian a ropui zawk! In lal hi eng ka ni lova, ka pasalṭha te leh mipuite zara awm ka ni....! Puklui ropuina hi nangmahni in ni e..! Tu nge kan Bengtawia chu han tudawl le, Nopui dawm a phu takzet e. Chala....Buanga tu nge ni? Luhka sangah hian rawn chho teh u le.." an ti zui a.
Lal Saitluanga, lal fing zet thu khi mipuite thinlung ava dek ngai em, an lal hi a chapo ngai hauh lo. Tu te tan pawh a ṭha em em a, hmeithai te pa, fahrahte tuamtu, nelawm tak zuamawm hauh loh hi a ni reng a. A khaw mipui kawhmawh bawl an awm ngai lo! Lal ṭha leh fel chuan a khaw mipuite a inngainat tir a, zuamawm in a awm phah ngai lo!
Pasalṭha Chala chungah chuan mipui mit a fu ta.... ! Val upa Buanga pawh chuan a melh ralh a, pasalṭha Chala pawh a hawikual ruai mai, chutah hreh zet chuan lal luhkapui a pan chho ta! Lal fanu Saipari chuan Nopui chu chawiin a pa an mitmei nghal var a. Chutih lai tak chuan pasalṭha Chala chuan Lal chu melh pah in,
" Lalpa, thil sawi duh ka nei e, khawngaihin ka sawi thei a ngem?" a han ti a.
Lal Saitluanga chuan, " Eh...pasalṭha, i duh tawk han sawi teh!" an ti vei khuk a. Chutih lai chuan tlangval ṭhenkhat chuan meichher chu an lo chhit belh leh hlawm a.
Chutah le, pasalṭha Chala chuan Sapui an beih dan chanchin te, pasalṭha Mangvunga Silai tlawlh thu te, Thangnghilhlova huaisen zia leh Savawm a lo thah thu te an sawi kai ta chu ṭawngzai rel reng an awm lo. Mipui thinlung a lo lawm em em a. Rodawla te ṭhian ho tih chauh lo chu an hlim a ni. Ralthatchhunga tupa Thangnghilhlova chu an hmuchak tak zet a ni. Pasalṭha Chala chuan a hming mai a, sapui hnukchattu a nih zia chu pasalṭha thinlung diktak pu chuan a sawi zo ta! Mipui meichher kara mang neu nuau a rawn hawi ther fur chuan Thanga chu an zawng ṭan ta! Lal luhkasang aṭang chuan Thangnghilhlova hming an lam ta sek a.
Pasalṭha Chala chuan lal hnenah chuan Thanga hliam neih nual thu leh a hliamte pawh a nasat zia a sawi ta! Lal Saitluanga pawh hlim tih hriat fe hian a thirseh nuih hui a, chu hmel zawng lungmuanna leh beiseina hmel a ni thung. Lal chuan thu han sawi zawm leh in Sapui chu an ai leh ai loh tur tlangau in a hriattir tur thu a sawi ta a. Chutah tlangval ho chuan Savawm pawh chu Vela ( Thangnghilhlova pa) te inlam panin an zawn ta. An sapui lian fe lah chu a ka chu thing rinawm deuh hian an kap ang bui mai a. Meichher engah pawh chuan hmuh nuam tak a ni hauh lo. Lal chuan pasalṭha Chala chu an bekbawr leh zeuh a, an ṭin ta rih a. Lal hian Sapui hi ai ngei a duh a, mahse a khaw hmalam hun tur an rel dawn bawk nen, a ngaihtuahna a buai hle a ni.
Upa Talha fanu Chalmawii chuan Pasalṭha Chala thusawi Thanga huaisen zia te kha a lo hlimpui em em a. A thinlung chu lawmna in a khat a, chu lawmna tak thinlung chu hlauhthawnna in a tuam a, Thanga khan hliam a tuar tih a hre ngat si a. Zan zana Pu Vela te inlam pan chu a nap hial a, mahse nula tuaitir han tih chi va ni suh. A thaw te chu alo sa pup pup mai chu a ni. Thanga hliam tuar han buaipui chu a chak takzet a ni. He nula chauh hi a ni lo, Lal fanu Saipari pawh Thanga hliam tawrh thu a hriat khan zu han nghilh dup thei a, kha tlangval inkhai thli tak, dar pharh hlai hlep hlawp, mitmeng fiah tak kha a mitthlaah a cham nawn awn awn mai le! Artui kengin a tlawh mawlh ang!
Thangan an in a thlen chuan dawhthlengah a ṭhu hnawk a, a nu chuan chik fe in a lo thlir a, hliam a nei tih a hrethei nghal a, a tuibur zuk lai dah meuh in a fanu Ringi nen chuan an buaipui nghal a. Mei han tuah eng ṭha in a hliam an han hmu chu an ṭe dun ṭhawt mai! Saphai thau han hem tui nghalin a hliam chu an lo chhem sek a...Thanga lah chu na ti hmel pawn a awm lo. A nu chuan a pang an dek chu alo sa vur tawh mai le...! An buai nufa kher mai! An thiam ang ang chuan an buaipui a, Bawlpu ko tur chuan Ringi chu a tlan nghal a! Bawlpu lah Mangvunga buaipui turin a lo liam hman si, a umzui ve ta zel chu a ni. Bawlpu in Thanga hliam a enfel a, a buaipui zawh lai tak chuan Vela te in chu tlangval rualin an rawn pan ta a.Savawm zawn chung chuan an rawn ri phei a, naupang ho lah bang lo, an ri luai luai mai chu a ni. Naupang ho hian a ke tin chan an tum vek a, a tihlumtu dil an tum a ni. Ralthatchhungan a tupa chanchin a hriat meuh chuan rang fe hian a tho tharh a, a tupa te inlam chu a pan ding ta nghal a. A tupa chuan engah a silai a rawn hman loh ni aw....pahnih lai a nei ngat mai si a. A tupa Thangnghilhlova tan hian a ui ngai hauh lo, a ui ngai lovang.
Chu zanah chuan mahni hmun ngai luah ṭhin Chhawrthla chuan inthlahrun hmel takin chhum karah Puklui khua chu a thlir vei duk a. Chu chhawrthla pui lah chu Tarpilu phel phawk a te lam zawk tia vel hi a nia, a kaihza veng ṭhintu arsi te pawh an rawn inlan ve tiar a. Lal inah chuan ropui an rel dawn ta.
Lal Saitluanga chuan a vaibel ek an khawng thla kauh kauh a, lalnu han pek zat pah chuan an thupui chu tihian a ṭhet ta a...
( chhunzawm tur)
.......M. Lusei Palian.......
BUNG 4 NA
......... ........ .........
Ke an pen ve zel a, an bawhram an hnaih telh telh mai si! An hma hruaitu Nekliana, Tualvum pasalṭha Khuangliana kaihza veng ṭhintu chu a ding ta chat a, a Silai chu rang fe hian a lek chhuak nghal a! An lam pan thawm a hre tlat a ni,hringmi thawm a ni tlat lehnghal, upa Bilha chu an melh zawk a, a rilru chu a thunun hlei thei ta tlat lo mai! An mahni tawk zawnga mi pahnih lokal te chu a lo thlir ran a, an ni lah zin haw anni tih hriatreng hian an rawn bawr viau mai! Puklui khua hian leido an nei lova, chuvanga khaw mipuite pawh muanga leng an ni, an ni Puklui khaw mite zin haw pawh hi thawm an dim fahran lo! Zuata leh Khara te ṭhiandun an ni a, Bukpui khaw lama an lainate chhiat tawh avanga furpui laia chhuak an ni. Tualvum tlangval upa lam Nekliana chuan a hnaih zel a, an ni ṭhiandun lah chuan hlim fe in upa Bilha te chu an han melh a, biak an tum hle ni chuan a lang a.
Nekliana chuan pasalṭha Sangthanga phuba lak chu a chak et et a, thinlung chhunga perhpawng chiri lam char char ang mai hian a awm a, chu chuan thisen chhuah turin a nawr ta. An inhnaih ta hle a, an karah hlam bak a awm tawh lovang tih chuan Nekliana Silai chu a puak ta dur mai le. Puklui pa, hma hruaitu Zuata chu a thinglubul tluk dawp a, a hnung zawk a mi Khara chu a hawihai kher mai! Chuveleh Nekliana chuan a chempui phawrhin Khara tlanchhe tur chu a chhipah an sat ta a le, a ri no chawk a bawkkhup thlawrhin a ke chu a leng vut vut a, an ṭhian dun chuan Pialral lamtluang an zawh ta! An chunga thil thleng teh thut chu an hrethiam lo khawp ang, Rihlipui an thlen chhoh hunah an la sawi dun mahna!
Upa Bilha chuan, " Neka, engti zia ngawt nge ni ngai a!" rum fe chuan a ti chhuak a.
Nekliana chuan Zuata leh Khara lu han sah chawrh chawrh pah chuan,
" U sangthanga phuba ka la ta a nih hi..! A ṭul danin lal hnenah kan thlen mai ta lawng...kan aia khaw te zawk kut tuar hi ka duh hauh lova, kan mite pakhat an thih chuan an mite pahnih zel an thi ang." chang rat chuan an ti a, a huaisen hmel kuk kuk khawp mai!
Thil kal dan chu upa Bilha ngaih dan a ni lo kher mai, mahse han khap sen ni ta hek lo. Nekliana chuan Zuata leh Khara lu chu a ak ta hmiah mai a, chu thil chuan a nghawng thui hle ngei ang. Puklui khaw lam khan an pasalṭha chapo zet Sangthanga lu erawh an la hauh lo. Ral sawngbawl in an sawngbawl hauh si lo. Thil kal dan chu a hnawk chho ta telh telh mai le..! Rei chawlh khaw muan chi ni hek lo, an milu lak takte ruang pawh chu an kalsan ta tawp a. Puklui lamin an rawn hmuh hun chuan an lai a na ngawt ngei ang le.
............ ............ ............
Unau hmel hai hun a nih chuan kawtchhuah lungdawh an thleng ta, Val upa Buanga chuan pasalṭha Chala han melh pah chuan,
" U Chal, Sapui hlado han chham la, hlado kan chham chho mawlh mawlh dawn niin a lang" awmze ril tak nei chuan an ti a.
Pasalṭha Chala chu a inthlahrung viau mai a, khawchhung boruak hre hek lo le! Chutih lai chuan, Mangvunga chuan,
" Han chham mawlh teh, riam tinin i riam teh ang u!" thinrim hmel fe chuan a ti a.
Hetih lai hian Thanga chu kawchhung khawsikin a tuam na hle tawh a, ala ding sai duh hauh lo. Thinlung huaisenna leh luhlulna hian taksa a lo thunun thei hle a ni, a mitmeng pawh a chau hauh lo. Mikawl thinlung chu lung anga sak, hliam tenau in a bawhbeh theih loh, hmalam pan tura pen ṭalh ṭalh mi a ni ṭhin!
Pasalṭha Chala chu han ding rem te te in heti hian hlado an chham ta a....
" Valpa e, hran ni khan e,
Kei chu e, zum tuk hlah law,
Mual ling e, leng hnuaiah khan e,
Rumlian e, hrang lai ka tuk ni'n e!"
kal raih a an tih hnu chuan a silai chu a puak ta thawr a. Tlangval ho chu an haw haw hluah hluah a, chutih lai chuan pasalṭha Chala chuan Thanga chu an hui lauh lauh a.
" Thanga ti teh Savawm hlado han chham ngat teh le!" tih pah chuan Thanga hliam chu an melh zawk a, chhel a ti hle mai!
Thangnghilhlova chuan inngaitlawm fe hian, " A.....ka pa Chal....hlado ka la chham miah lova, ka thiam ngut lovang!" hnuai lam melh ralh chuan an ti a. Pasalṭha Chala ngaih dan a ni hauh lo,
" Ti teh, ka sawi zawh rualin i lo ti ve zel dawn nia, " tichung chuan Silai chu a pe ta a.
Chutah hetiang hian lai rutin a chham chhuak ve ta,
" Sai lian e, nang hmasa u law,
Kawla fungṭial a zuitu e,
A sa a hrang kim ṭhiau ve,
Vawmphuai e, hnutiang ka daltir e.."
Thanga chuan a ti ve ta a, Buktea leh Raltawna chuan a ṭhen leh sak ṭhin tih an lo hmu reng a. Raltawna chuan a ṭhiana chu chhel a ti hle mai!
Khawchhung lama an thawm lo hre pha te hlimna chuan ava chim sang tehlul em! An hlauh leh ṭih khai ber chu pasalṭha ten an tudawl tawh tih an hria a. Chu an khaw ti ralṭi tu chu riam tinrenga riam an tum a ni. Khaw mipuite chuan kawtchhuah lam an pan ta hlawm a, naupang ho lah chu Sapui ruang hmuh hmasak tum chuan vahui rual rilṭam taka hmawng bei tur ang mai hian an rik hian an ri huk huk a....khawlai lo nal nen an robawm lang huang chuan an tleng leh nawk nawk a, khai then nalh nalh chuan berh phangin kawtchhuah lam an pan ta.
Kawtchhuah lam aṭang chuan haw haw chungin tlangval rualin khawchhung an rawn pan a, tu nge Sapui tihlumtu chu? Tih chu hre lo leh hre lo fe fe an inzawt a, rin dan hlir chu an sawi ṭan! A ṭhenin Savawm chu tu tihhlum nge an lo ti ve sek bawk a... A chhanna zawng lal tualah an hmu ngei ang. Tlangval rual savawm leh Hlaiba zawn tute chuan lal mual lam an pan a. Pasalṭha Mangvunga zawntute chuan an inlam an panpui thuai a, tlangval bengvar deuhin Bawlpu an kohsak nghal bawk a. Puklui khua zawng a ri hep hep mai!
Puklui lal Saitluanga chu a luhka sangah chuan a lo ding peu al a, pavalai tak hmel ṭha vengvawng tak hi a ni. A ropuina tizual turin a fanu te pahnih a sirah an lo ding paw pheu mai bawk a. Meichher en danin a zir bawk a, Tlangval tan zawng thlir nin an har a ni, an nauṭam tlei te, an tawrhbawm han ṭhatzia te chu hmuh hmaih rual a ni si lo. Puklui khua zawng an mawi meuh mai! Lal Saitluanga chuan Sapui leh Savawm chu a melh tawn chhen a, chutah tlangval ho lama a kut veilam han lek zeuh chuan aw an thian a.Mipui pawh thehhmeh ang mai an ni ta! Heti hian a rawn ṭawngchhuak ta a,
" Ka pasalṭha te zarah muangin kan leng leh thei dawn ta a ni ngat mai! Pasalṭha thinlung chuan khua hi ralmuanga dah a tum ber a, chu thinlung neitu chu in lal ai hian a ropui zawk! In lal hi eng ka ni lova, ka pasalṭha te leh mipuite zara awm ka ni....! Puklui ropuina hi nangmahni in ni e..! Tu nge kan Bengtawia chu han tudawl le, Nopui dawm a phu takzet e. Chala....Buanga tu nge ni? Luhka sangah hian rawn chho teh u le.." an ti zui a.
Lal Saitluanga, lal fing zet thu khi mipuite thinlung ava dek ngai em, an lal hi a chapo ngai hauh lo. Tu te tan pawh a ṭha em em a, hmeithai te pa, fahrahte tuamtu, nelawm tak zuamawm hauh loh hi a ni reng a. A khaw mipui kawhmawh bawl an awm ngai lo! Lal ṭha leh fel chuan a khaw mipuite a inngainat tir a, zuamawm in a awm phah ngai lo!
Pasalṭha Chala chungah chuan mipui mit a fu ta.... ! Val upa Buanga pawh chuan a melh ralh a, pasalṭha Chala pawh a hawikual ruai mai, chutah hreh zet chuan lal luhkapui a pan chho ta! Lal fanu Saipari chuan Nopui chu chawiin a pa an mitmei nghal var a. Chutih lai tak chuan pasalṭha Chala chuan Lal chu melh pah in,
" Lalpa, thil sawi duh ka nei e, khawngaihin ka sawi thei a ngem?" a han ti a.
Lal Saitluanga chuan, " Eh...pasalṭha, i duh tawk han sawi teh!" an ti vei khuk a. Chutih lai chuan tlangval ṭhenkhat chuan meichher chu an lo chhit belh leh hlawm a.
Chutah le, pasalṭha Chala chuan Sapui an beih dan chanchin te, pasalṭha Mangvunga Silai tlawlh thu te, Thangnghilhlova huaisen zia leh Savawm a lo thah thu te an sawi kai ta chu ṭawngzai rel reng an awm lo. Mipui thinlung a lo lawm em em a. Rodawla te ṭhian ho tih chauh lo chu an hlim a ni. Ralthatchhunga tupa Thangnghilhlova chu an hmuchak tak zet a ni. Pasalṭha Chala chuan a hming mai a, sapui hnukchattu a nih zia chu pasalṭha thinlung diktak pu chuan a sawi zo ta! Mipui meichher kara mang neu nuau a rawn hawi ther fur chuan Thanga chu an zawng ṭan ta! Lal luhkasang aṭang chuan Thangnghilhlova hming an lam ta sek a.
Pasalṭha Chala chuan lal hnenah chuan Thanga hliam neih nual thu leh a hliamte pawh a nasat zia a sawi ta! Lal Saitluanga pawh hlim tih hriat fe hian a thirseh nuih hui a, chu hmel zawng lungmuanna leh beiseina hmel a ni thung. Lal chuan thu han sawi zawm leh in Sapui chu an ai leh ai loh tur tlangau in a hriattir tur thu a sawi ta a. Chutah tlangval ho chuan Savawm pawh chu Vela ( Thangnghilhlova pa) te inlam panin an zawn ta. An sapui lian fe lah chu a ka chu thing rinawm deuh hian an kap ang bui mai a. Meichher engah pawh chuan hmuh nuam tak a ni hauh lo. Lal chuan pasalṭha Chala chu an bekbawr leh zeuh a, an ṭin ta rih a. Lal hian Sapui hi ai ngei a duh a, mahse a khaw hmalam hun tur an rel dawn bawk nen, a ngaihtuahna a buai hle a ni.
Upa Talha fanu Chalmawii chuan Pasalṭha Chala thusawi Thanga huaisen zia te kha a lo hlimpui em em a. A thinlung chu lawmna in a khat a, chu lawmna tak thinlung chu hlauhthawnna in a tuam a, Thanga khan hliam a tuar tih a hre ngat si a. Zan zana Pu Vela te inlam pan chu a nap hial a, mahse nula tuaitir han tih chi va ni suh. A thaw te chu alo sa pup pup mai chu a ni. Thanga hliam tuar han buaipui chu a chak takzet a ni. He nula chauh hi a ni lo, Lal fanu Saipari pawh Thanga hliam tawrh thu a hriat khan zu han nghilh dup thei a, kha tlangval inkhai thli tak, dar pharh hlai hlep hlawp, mitmeng fiah tak kha a mitthlaah a cham nawn awn awn mai le! Artui kengin a tlawh mawlh ang!
Thangan an in a thlen chuan dawhthlengah a ṭhu hnawk a, a nu chuan chik fe in a lo thlir a, hliam a nei tih a hrethei nghal a, a tuibur zuk lai dah meuh in a fanu Ringi nen chuan an buaipui nghal a. Mei han tuah eng ṭha in a hliam an han hmu chu an ṭe dun ṭhawt mai! Saphai thau han hem tui nghalin a hliam chu an lo chhem sek a...Thanga lah chu na ti hmel pawn a awm lo. A nu chuan a pang an dek chu alo sa vur tawh mai le...! An buai nufa kher mai! An thiam ang ang chuan an buaipui a, Bawlpu ko tur chuan Ringi chu a tlan nghal a! Bawlpu lah Mangvunga buaipui turin a lo liam hman si, a umzui ve ta zel chu a ni. Bawlpu in Thanga hliam a enfel a, a buaipui zawh lai tak chuan Vela te in chu tlangval rualin an rawn pan ta a.Savawm zawn chung chuan an rawn ri phei a, naupang ho lah bang lo, an ri luai luai mai chu a ni. Naupang ho hian a ke tin chan an tum vek a, a tihlumtu dil an tum a ni. Ralthatchhungan a tupa chanchin a hriat meuh chuan rang fe hian a tho tharh a, a tupa te inlam chu a pan ding ta nghal a. A tupa chuan engah a silai a rawn hman loh ni aw....pahnih lai a nei ngat mai si a. A tupa Thangnghilhlova tan hian a ui ngai hauh lo, a ui ngai lovang.
Chu zanah chuan mahni hmun ngai luah ṭhin Chhawrthla chuan inthlahrun hmel takin chhum karah Puklui khua chu a thlir vei duk a. Chu chhawrthla pui lah chu Tarpilu phel phawk a te lam zawk tia vel hi a nia, a kaihza veng ṭhintu arsi te pawh an rawn inlan ve tiar a. Lal inah chuan ropui an rel dawn ta.
Lal Saitluanga chuan a vaibel ek an khawng thla kauh kauh a, lalnu han pek zat pah chuan an thupui chu tihian a ṭhet ta a...
( chhunzawm tur)
chhiar a va nuam ṭhin tak em!!!! ngaihnawn lutuk
ReplyDelete