31st JULY( UNCHAINED MELODY) EPISODE -1
31 st JULY( UNCHAINED MELODY)
M.LUSEI PALIAN
EPISODE -1
....... .......
Thuhma
Nikir thla chawhnu lam a ni a, Zan a ni a, ruah atla cherh cherh a, Hruaia chuan Calendar chu a bih vang vang a. A rilruah lehkha zir lam reng reng alang thei mawlh lo! Rilru kaptu lian tak a nei a ni.Chu a thinlung kaptu chu biahthu ahlan lo na a, ni tin college a khawi kipa azui ṭhin a ni. Chu a thinlung lalnu piancham chu a hnai tawh em em a. Chu tak chu a rilru tibuaitu chu a ni.
A ni Hruaia chu Zirlai rethei te mai a ni a, Aizawl tlak lam veng pakhatah mi inhnuai luahin a khawsa ve ṭawk ṭawk a. Tlai lamah zirlai naupangte tuetion te pe in a inluah man atan leh a ei leh in manah a thawkchhuak ve hram hram a ni.
A theih tawka nu leh pa tibuai miah lova, khawsak chu a tum ve ran a, chu chu a thil duh ber a ni. Class XII ṭha taka a passed hnuah Hrangbana College ah akal ve a. Chu hmunah tak chuan, aw chu hmunah tak chuan a ni a thinlung zawng zawng luahtu a tawnna chu a ni.Lairil luah khattu a tawng ta si a! Hringnun hi a par vul chuk a ni. Khawvel tharah cheng ta dawrhin thinlung tharin a inthlak ta hlawk mai a ni.
Aizawl- Kolasib road khaw pakhat aṭanga seilian a ni a. Zirna sang zawk belin Aizawlah kum 4 lai a awm ve ta a ni.
Chu tlangval thinlungah chuan a hmangaih ber lairil luahtu chu thilpek pek duhna in a khat a. Mahse Sum leh pai eng mah reng a nei silo, a zam mai lova, a hmangaih tan chuan ke pen a huam tlat si. Hmangaihna hi zawng alo mak em a ni. Sawifiah thiam reng hringmi zingah an la awm si lo!
..........
Sakhmel intawnna
College Week meuh zawng zirlaite hlimna hi ava ni tehlul em! Hruaia pawh a theih ang angah an House Leader in a tel tir ve zel a. Boxing khel tur chuan an select ve ta tlat mai! Mahse he tlangval Hmartlangpui Awithangpa khua hi a zam mai lova, zam thiang a ni ve hek lo! A phur ve tho, a thiam phei zawng a ni lo, mahse a phur ve hrim hrim a ni. A thianpa Puia lah chuan "An hnek hrep ang che tel ve lo mai teh..."
a lo ti ve sek mai lehnghal a.
A ni Hruaia lah chuan a hminng alo pe ve laklawh tawh si. A telve ngei a ngai ta a ni.
SAI hmunah chuan College zirlaite chu an kal khawma, Boxing leh thil dang te an khel dawn a ni.
Microphone( au rinna) aṭang chuan Hruaia hming chu an puang ta dum dum mai le, Blue House anni a, Blue corner ala ni zui a. A second man ah Puia lah chu chawrche zet hian alo ding ve thung a.
Boxing ring chhungah chuan a lut ve ta, Hmanah a naupan laiin Boxing glove hi alo bun ve tawh a. Mahse a tumpui tur chu huphurhna reng a nei bik lo....!
Ring sirah chuan hmeichhe pathum chuan Hruaia chu an lo thlir a, Pakhati mit chu Hruaia tanchuan a mikhual hauh lo. Public Administration class ah an ṭhu ho fo a, achang chuan insit chung chungin a bulah chuan a ṭhu ve ṭhin.
Hruaia chuan a hming chu a hre miah lo na a, a ngaina a ni. Chu hmeichhia pawh chuan a haw miah lo a ni. An mit hi a intawng leh zeuh zeuh ṭhin si a.
Bell ari ta, rin ang a ni lo aniang, boruak aṭang phat mai! Hruaia Blue House alo ni kher nen.... an house chuan Blue Corner an lo ti ve ta tuar tuar mai! College zirlaite mit chu an chungah a fu ṭhup ta mai si a.
Round khatna chu an inveh kual hi a ni ringawt mai a, a tumpuipa chuan Hruaia pumah chuan ahnek leh zeuh ṭhin! Hruaia pawh a thisen alum ṭan ta! Hruaia chuan Changel hmun, An khuaa Changel vawkchaw tura a put ṭhinna a a tih dan ṭhin kha a hrechhuak uai uai a, a thaza changel a hnek a, zuang chunga a tih dan te kha a hrechhuak ṭan ta! Chutianga tih chu a tum ṭan ta a.
Round khatna chu a zo ṭep a........ I hi le, hun remchang lutuk Hruaia chuan a hmu ta, a tumpuipa Red Corner khabe kualah chuan chiang zet chuan ahnek fuh ta....!
A thal chiang ngei mai! A let hlawm tawp a, a tho hlei thei lo, A hamtupa chuan an chhiar kauh kauh a, a ding ngil hlei thei ta tlat lo,a lu a hai tlat ta mai!
Hruaia chu a chak mai dawn niin alang a...
Tunlai ang hian Pro-Fight te hi ala awm ve lova! Boxing thiam deuhte chu SAI Hostel a awmte kha anni mai!
Chuvang tak chuan Hruaia pawh chuan a huphurh lo kha a ni. Thaza rual a ni ve hrim hrim bawk a, mahni inrintawk hunlai a ni ve hrim hrim bawk a ni atin ni.
A hamtupa chuan le.....
Red Corner mit bulah a kut chu a lek a, eng emaw a sawi a, Red Corner chu a mit a vai a niang, a meng ã ruai mai a.
A hamtupa chuan a ti tawp ta tlat mai!
Hruaia chu chakzawk a puan a ni ta. Knock out a ni ber ang chu....... chu pawh round khatnaah lehnghal..
A hamtupa in ban a phar tir ta a.Hruaia chu a chak zawk ta a ni. Ahlim ngei mai..
Puia lah chu a rawn tlan lut ve nghal.....
A sir, ring sirah chuan hlim em em an awm ve tlat..an lo zuang tawr tawr mai...An hlim a ni. Hlim lohna chi em ni ni dawn an ṭan a chak a, an House lehnghal an hlim a ni. Lo zuang tawr tawrte chu Hruaia chuan a zuk en a, a nui sak a. Pakhati mit nen chuan an intawng leh ta chat mai!
Hruaia chu a ṭek chuai hian a inhria a, mahse a melh rei ngam ngang lo a ni. Melh zawh hnu pawh a, melh nawn fo ngai a ni si a. Nelawm si zuam awm hauh si lo a ni.
Ring aṭangin a chhuk dawn ta, Puia chuan alo pawt kau a, ring hrui chu... an chhuak thla ta. An towel pai chuan Hruaia chu a inhru fai mawlh mawlh a, mahse hmeichhe pathum chuan an rawn pawh phei ngam mai bik chuang lo.
Hruaia mit leh hmeichhe pathum zinga alaia ṭhu mit chu a intawng leh ṭhin a, mahse an inmelh rei ngam lo ve ve a. An mit a intawn meuh hi chuan Current man ang deuh hi an ni ve ve tlat si!
Chutia an ṭhut lai chuan lehlam Microphone aṭang chuan Hruaia hming chu an rawn puang leh ta tlat mai!
Taekwondo a khel leh dawn a ni.
Naupan laia hnim buk bawh en te, Vai film a Mithuna posi te, Bruce Lee a posi te Hruaia mitthlaah alang uai uai a. A hahdam ta deuh bawk nen Puia nen bawk chuan an inzui phei leh ta a.
Puia, " Ṭhianpa, i tel hnem lutuk a ni lo maw...? I kulcho mai ange aw...I tello zawk dawn em ni? " alo ti ve sek a.
" Lungngai suh ṭhianpa ka hneh em em ang...!" Hruaia chuan a ti ve ta tlat.
Hruaia chu thawmhnaw var chuan an thuam mawlh mawlh a, chutih chhung zawng chuan alo chhing tlat thung a! A rilru chuan a ṭawngṭai a ni. Amah Siamtu Lei leh Van Lalber hnenah a inhlan a..
An siam zo ta, a men rual chiah chuan Chhingmitmawii te ṭhian thum bawk chu ava hmu lehnghal ta pang a. A sir ading nen chuan an mit a intawng leh ta chat mai!
Hruaia thinlung chu sawifiah hleih theih loh hlimna chuan chhumpui ang chuan a tuam mup mup a, tu nge hlim lo teh lul ang ni?
Hmel huat miah loh ten sir lam aṭanga min thlir tlat chuan hringnun hi a pâr vul chuk ṭhin reng a ni.
Tawnhriat nei miah lo Hruaia hi a thinlung hi a huaisen tlat, chu thinlung huaisenna chuan a pui a ngem le?
M.LUSEI PALIAN
EPISODE -1
....... .......
Thuhma
Nikir thla chawhnu lam a ni a, Zan a ni a, ruah atla cherh cherh a, Hruaia chuan Calendar chu a bih vang vang a. A rilruah lehkha zir lam reng reng alang thei mawlh lo! Rilru kaptu lian tak a nei a ni.Chu a thinlung kaptu chu biahthu ahlan lo na a, ni tin college a khawi kipa azui ṭhin a ni. Chu a thinlung lalnu piancham chu a hnai tawh em em a. Chu tak chu a rilru tibuaitu chu a ni.
A ni Hruaia chu Zirlai rethei te mai a ni a, Aizawl tlak lam veng pakhatah mi inhnuai luahin a khawsa ve ṭawk ṭawk a. Tlai lamah zirlai naupangte tuetion te pe in a inluah man atan leh a ei leh in manah a thawkchhuak ve hram hram a ni.
A theih tawka nu leh pa tibuai miah lova, khawsak chu a tum ve ran a, chu chu a thil duh ber a ni. Class XII ṭha taka a passed hnuah Hrangbana College ah akal ve a. Chu hmunah tak chuan, aw chu hmunah tak chuan a ni a thinlung zawng zawng luahtu a tawnna chu a ni.Lairil luah khattu a tawng ta si a! Hringnun hi a par vul chuk a ni. Khawvel tharah cheng ta dawrhin thinlung tharin a inthlak ta hlawk mai a ni.
Aizawl- Kolasib road khaw pakhat aṭanga seilian a ni a. Zirna sang zawk belin Aizawlah kum 4 lai a awm ve ta a ni.
Chu tlangval thinlungah chuan a hmangaih ber lairil luahtu chu thilpek pek duhna in a khat a. Mahse Sum leh pai eng mah reng a nei silo, a zam mai lova, a hmangaih tan chuan ke pen a huam tlat si. Hmangaihna hi zawng alo mak em a ni. Sawifiah thiam reng hringmi zingah an la awm si lo!
..........
Sakhmel intawnna
College Week meuh zawng zirlaite hlimna hi ava ni tehlul em! Hruaia pawh a theih ang angah an House Leader in a tel tir ve zel a. Boxing khel tur chuan an select ve ta tlat mai! Mahse he tlangval Hmartlangpui Awithangpa khua hi a zam mai lova, zam thiang a ni ve hek lo! A phur ve tho, a thiam phei zawng a ni lo, mahse a phur ve hrim hrim a ni. A thianpa Puia lah chuan "An hnek hrep ang che tel ve lo mai teh..."
a lo ti ve sek mai lehnghal a.
A ni Hruaia lah chuan a hminng alo pe ve laklawh tawh si. A telve ngei a ngai ta a ni.
SAI hmunah chuan College zirlaite chu an kal khawma, Boxing leh thil dang te an khel dawn a ni.
Microphone( au rinna) aṭang chuan Hruaia hming chu an puang ta dum dum mai le, Blue House anni a, Blue corner ala ni zui a. A second man ah Puia lah chu chawrche zet hian alo ding ve thung a.
Boxing ring chhungah chuan a lut ve ta, Hmanah a naupan laiin Boxing glove hi alo bun ve tawh a. Mahse a tumpui tur chu huphurhna reng a nei bik lo....!
Ring sirah chuan hmeichhe pathum chuan Hruaia chu an lo thlir a, Pakhati mit chu Hruaia tanchuan a mikhual hauh lo. Public Administration class ah an ṭhu ho fo a, achang chuan insit chung chungin a bulah chuan a ṭhu ve ṭhin.
Hruaia chuan a hming chu a hre miah lo na a, a ngaina a ni. Chu hmeichhia pawh chuan a haw miah lo a ni. An mit hi a intawng leh zeuh zeuh ṭhin si a.
Bell ari ta, rin ang a ni lo aniang, boruak aṭang phat mai! Hruaia Blue House alo ni kher nen.... an house chuan Blue Corner an lo ti ve ta tuar tuar mai! College zirlaite mit chu an chungah a fu ṭhup ta mai si a.
Round khatna chu an inveh kual hi a ni ringawt mai a, a tumpuipa chuan Hruaia pumah chuan ahnek leh zeuh ṭhin! Hruaia pawh a thisen alum ṭan ta! Hruaia chuan Changel hmun, An khuaa Changel vawkchaw tura a put ṭhinna a a tih dan ṭhin kha a hrechhuak uai uai a, a thaza changel a hnek a, zuang chunga a tih dan te kha a hrechhuak ṭan ta! Chutianga tih chu a tum ṭan ta a.
Round khatna chu a zo ṭep a........ I hi le, hun remchang lutuk Hruaia chuan a hmu ta, a tumpuipa Red Corner khabe kualah chuan chiang zet chuan ahnek fuh ta....!
A thal chiang ngei mai! A let hlawm tawp a, a tho hlei thei lo, A hamtupa chuan an chhiar kauh kauh a, a ding ngil hlei thei ta tlat lo,a lu a hai tlat ta mai!
Hruaia chu a chak mai dawn niin alang a...
Tunlai ang hian Pro-Fight te hi ala awm ve lova! Boxing thiam deuhte chu SAI Hostel a awmte kha anni mai!
Chuvang tak chuan Hruaia pawh chuan a huphurh lo kha a ni. Thaza rual a ni ve hrim hrim bawk a, mahni inrintawk hunlai a ni ve hrim hrim bawk a ni atin ni.
A hamtupa chuan le.....
Red Corner mit bulah a kut chu a lek a, eng emaw a sawi a, Red Corner chu a mit a vai a niang, a meng ã ruai mai a.
A hamtupa chuan a ti tawp ta tlat mai!
Hruaia chu chakzawk a puan a ni ta. Knock out a ni ber ang chu....... chu pawh round khatnaah lehnghal..
A hamtupa in ban a phar tir ta a.Hruaia chu a chak zawk ta a ni. Ahlim ngei mai..
Puia lah chu a rawn tlan lut ve nghal.....
A sir, ring sirah chuan hlim em em an awm ve tlat..an lo zuang tawr tawr mai...An hlim a ni. Hlim lohna chi em ni ni dawn an ṭan a chak a, an House lehnghal an hlim a ni. Lo zuang tawr tawrte chu Hruaia chuan a zuk en a, a nui sak a. Pakhati mit nen chuan an intawng leh ta chat mai!
Hruaia chu a ṭek chuai hian a inhria a, mahse a melh rei ngam ngang lo a ni. Melh zawh hnu pawh a, melh nawn fo ngai a ni si a. Nelawm si zuam awm hauh si lo a ni.
Ring aṭangin a chhuk dawn ta, Puia chuan alo pawt kau a, ring hrui chu... an chhuak thla ta. An towel pai chuan Hruaia chu a inhru fai mawlh mawlh a, mahse hmeichhe pathum chuan an rawn pawh phei ngam mai bik chuang lo.
Hruaia mit leh hmeichhe pathum zinga alaia ṭhu mit chu a intawng leh ṭhin a, mahse an inmelh rei ngam lo ve ve a. An mit a intawn meuh hi chuan Current man ang deuh hi an ni ve ve tlat si!
Chutia an ṭhut lai chuan lehlam Microphone aṭang chuan Hruaia hming chu an rawn puang leh ta tlat mai!
Taekwondo a khel leh dawn a ni.
Naupan laia hnim buk bawh en te, Vai film a Mithuna posi te, Bruce Lee a posi te Hruaia mitthlaah alang uai uai a. A hahdam ta deuh bawk nen Puia nen bawk chuan an inzui phei leh ta a.
Puia, " Ṭhianpa, i tel hnem lutuk a ni lo maw...? I kulcho mai ange aw...I tello zawk dawn em ni? " alo ti ve sek a.
" Lungngai suh ṭhianpa ka hneh em em ang...!" Hruaia chuan a ti ve ta tlat.
Hruaia chu thawmhnaw var chuan an thuam mawlh mawlh a, chutih chhung zawng chuan alo chhing tlat thung a! A rilru chuan a ṭawngṭai a ni. Amah Siamtu Lei leh Van Lalber hnenah a inhlan a..
An siam zo ta, a men rual chiah chuan Chhingmitmawii te ṭhian thum bawk chu ava hmu lehnghal ta pang a. A sir ading nen chuan an mit a intawng leh ta chat mai!
Hruaia thinlung chu sawifiah hleih theih loh hlimna chuan chhumpui ang chuan a tuam mup mup a, tu nge hlim lo teh lul ang ni?
Hmel huat miah loh ten sir lam aṭanga min thlir tlat chuan hringnun hi a pâr vul chuk ṭhin reng a ni.
Tawnhriat nei miah lo Hruaia hi a thinlung hi a huaisen tlat, chu thinlung huaisenna chuan a pui a ngem le?
Comments
Post a Comment