PANGEN NGAW..1.. (RAUTHLA TE CHAWLHNA!?)
PANGEN NGAW ....1......
( RAUTHLA TE CHAWLHNA!?)
M.Lusei Palian
...... ...... ..........
Khuangchawi thla, thla chawhma lam a ni a, Chhawrthlapui in thlahrung hmel taka rawn eng zam raih mai chu thlir a nuam ngang mai! Kan luhkapui thlang lamah ka ṭhu a, kan khaw piah a, vamur puk tlang leh Sathar kham kan tih mai chu ka thlir vang vang a, ka lung a tileng ngang mai! Ka ngaihtuahna chu ram ngaw ramhnuai lamah daih a awm a. Zan hnih khat riaka ramvah ka chak hle a ni. Ruahtui a nghal tawh lova, ramvah nawm hun kan thleng chho ta. Khua a ṭhal leh dawn ta val lawman tih zawng zawng hi ka nei zo a ni ber mai. Ka phone chu a rawn khur ta cher cher mai a. Kan enchiang chu le, ka ṭhianpa Rina a ni tlat...rang tak chuan kan la a,
" Aw....ṭhianpa....eng nge ni ta a...in dam tlang em?"
" E...dam tlang e....Eng lo...hei....rawn zin teh a, ramvahna tur ka hual a nia...a hlawhchham theih loh...mahse huaisen a ngai..."
Ka thin a dek zar mai...
" Eng nge a awmzia...lawmpa...?"
" I rawn zin theih hun min hrilh la, phone a sawi vek chi a ni lo, silaimu kha rawn ngah hle la a ni mai..."
" Ka chhungte ka lo rawn ange!?"
" Ṭhianpa, rawn kal ngei ang che, mahse huaisen a ngai dawn khawp, hei...kan khawthar a mite hi kal ngam an awm mang lova, Sa chu duhthusam an ti! I han dai dar ang hmiang..."
" Aw le, a theih anga ranga rawn zin ka tum ang, in khaw thar chu a nuam a maw?"
" Nuam tehreng e....i rawn kal theih hun min rawn hrilh rang ang che..."
Kan in mang ṭha ta rih a.
Ka phone dawn chuan ka rilru a dek ta zar mai! Ka ṭhianpa Rintluanga hi naupan tet aṭanga inkawm kan ni a,huaisen tak, hlauh nei lo, phut zuk pawh nei lo a ni, a pa leh ka pa hi inkawmngeih tak niin ṭhian sabeng an ni.An inkawm ṭhin vang ni fa hmiang in rual tak leh tuina lam in ang chu kan inzui nasa in, Sava veh rual kan nih aṭanga sa chan thlengin kan inzui a. Kan khua a zirtirtu lo awm Nula Lalmalsawmi nen an innei ta a.An inneih pawn a ṭhianah min hmang ta reng a.A nupui hmar lam hla ve taka an sawn avangin kan inhmu khat hle tawh a. An insawn phei chuan ka han thlah nghe nghe kha a nia. kan inbiakna thawm ri hre pha ka pa chuan,
" Tu nge i biak a? Zin chhuah lam te i sawi tak a?"
" Rintluanga alawm le....Sa chan tur a hre ṭha a nih kha....Zin turin min rawn sawm a.."
Ka pa chu ka melh let thung a. A phal leh phal loh zawt mit menga en ka ni, a ngawi leh ta rih a. Ka tho tharh a, ka Silai ulhbun, mal bun chu ka hrufai surh surh a. Ka pa hian Silai a nei ve tho a, mahse mahni a neih ka duh ve hrim hrim a, ka intuak a ka lei ve ta nge nge a, ka tluanpui rih phian mai a. Sakhi tih tham fe, Sanghal, Saza leh Savawm te ka kap ve tawh a ni. Tualchher anih avangin ka pa license ka ṭawm mai a, silaimu lei dawnin a ṭangkai phian a. Tin, Silai tun a hunah ka pa Silai zawk kan tung leh hlauh a.Hei vanga ulhbun lei ka ni nghe nghe a.
Ka Silai ka hruk lai chuan Rintluanga pa a rawn lenglut ta a. Kei tapah ka lo inhrufai sur sur thung a, min en ang he haw a,
" Lawma, vah chhuah i tum hnai elo?"
a rawn ti mai rengah...!
Ka pa chuan min lo chhan khalh a,
" Kha ....Rintluanga'n a rawn phone a, ramvahna tur a hre ṭha a ni awm e, zin a rilruk a niang.." ati ban charh a.
" Kan Rintluanga te lah hi aw....kohhran lam hlim leh hlim loh lam te ai chuan sa chan tur ṭhat leh ṭhat loh hi a hre thei a..A....a....Han zin tak teh khai...I nu Hmuni pawn thil thawn tur che pawh a ngah ang... " a ti ban charh a.
Ka nu lah chuan, " Han zin tawh, nupui tur te hi han zawng teh, hei i u ten pasal an nei zova, ka hah lutuk hi ka tar bawih bawih in ka hria a nia." A la ti ta deuh deuh a.
A ni reng a, nupui lam ka ngaihsak lo lutuk hi ka chhungte an buai a ni. Kei lah chuan hetia tal mai mai hi nuam ka ti zawk si a.Nupui fanau te nei deh duah ila, ka ramvak thei nang le, an hre lo a ni. A reng thuah duh duh huna neih ngawt theih va ni suh....
Zin tur chuan ka rilru ka siam ta mai reng a, nupui te lo nei ila chuan a buaithlak dawn si a, kha kha a ni mai! Ka silai pawh uluk fe in a ahna ah chuan ka thun leh zan tawh a, Silaimu erawh Aizawl lamah lam chhoh ka ngai dawn a ni. A rang lama han zin chhoh chu ka tum nghet bur a. Ka rilru chuan huaisen a ngai a tih lai tak chu hriat chian ka chak em em a ni. Mut hmunah te chuan ka ngaihtuah nasa ngang mai! Sih huai neite hi kan chang dawn nge ni aw... !!!
.........( kai tawi hret ang)
Zing kar hma takah kan motor chuan ka chhuak a, Aizawla chaw ei chhoh ka tum a, ka tluang angreng hle a. Rintluanga chu ka phone nghal a, ka inchhir ṭep thil min rawn chah hnur mai a. Chhangchhe pa tak hi chu aw! Zawlkhawpui chu ka thleng chho hma a, ka u te ka phone lawk a, tukṭhuan chu ka bar zung zung a. Ka ute Bike chu ka hawlchhuak a, Silaimu leh ka ṭhiana thil min chahte ka lei kim thaw khat a. Ka ute inah chuan ka let ta a. Rintluanga te awmna ( khaw hming hi thup ila) khua hi kawng a chhe angreng a, chuvanga chhuah leh hma tum chu ka ni. Aizawl an hlat lutuk hi a buaithlak a ni, chutah an khaw ṭhenawmah bungrua lam tur a awm thu te min la rawn hrilh ta deuh deuh a. Fehreh san hun vel chuan Zawlkhawpui chu ka chhuah san leh ta a.
Ka tluang hle a, thingpui ina ka chawl zeuh tih loh chu ka muangchang hran lo, an khaw ṭhenawm ah chuan an bungrua ka lam kawi sak a, passenger pahnih ka nei ta a. Kar kawngah hian a theih hram chuan phurh tur hi ka zawng ve hram zel! Mahni mai hi chuan a khawhar thlak ṭhin a. Tin, kuhva min siam tur tal neih hi a ṭha ve hrim hrim! Kawng chu a chhe tawh hle a, a hma a ka han dah ai mah khan alo chhe tawh zawk a. Motor a uiawm duh angreng hle a ni. Ka rilru tak chuan huaisen a ngai tih khan min kap ve run a, engti zawng chu ni ang maw? Mahse eng ka ti nge ni!? Ka phur viau tlat, hlauhawm leh mi beidawnnaah te hian ka hlau ve mang lova, eng thil thil emaw hi chu ka tawng nual tawh a, rammi leh huai hi an awm tih ka hria a. Lasi erawh ka tawng chiah lo, amah erawh chu hmun hlauhawm deuhah hi chuan mang lamah nula pakhat ka hmu ṭhin thung. Ka ṭangkai pui phian ṭhin, lasi zawl erawh ka ni lo a nia.
Ni suk chen vel upa in an tih ah chuan kawtchhuah chu kan thleng ve ta a. Ka mi phurh te an ṭawng duh phian a, kawng kar(kar kawng) pawh a tawi ruakin ka hria a. Ka ṭhiana chuan mi rawn phone kur dup a, a insawi danin min lo hmuah ngei ka ring! Ka mi phurhte khan an lo hrechiang ve bawk a, an inluah pawh ka hmuh har ka ring lo. Zun ram kan thiar zawh hnu chuan kan tlan chhunzawm a, kan thleng ta reng mai!
Kawn zau laiah chuan ka ṭhiana chu nau paw chung chuan ka va hmu a, kawr alo la ha lo zui a. Kuhva alo ei sen leh hle pek a, min lo hui lauh lauh a. Ka mi phurh te pawh an chhuk ta a, pawisa min pek vei ngial an tum a, ka laksak duh ta lo. Lawmthu min hrilh ta lawm lawm a, 'chaw eitui' tiin kan inthlah a. Ka ṭhiana chu motor ah a rawn lut a, an inluah lam kan pan ta a, daido deuhah hian an lo awm a. Sawmi'n min hmuh chuan a lawm ve hle a, min lo be siam siam a, an naute pi in a thil rawn thawn vel kan pek lai chuan a hlim hle mai! Kan ri deuh hluai a, an fapa Ṭhakima chuan min nel rih lem lova, min melh min melh a.Kei lah naupang lawm thiam lo chi ka lo ni kher nen, kan chhaih ve tak na a, ka vel a ni mah zawk awm e.Sawmi nau hmeichhe pakhat awmpui an lo nei a, lehkha zirlai tho alo ni, Puii an ti in ka hria.Sawmi chuan ka inbualna tur tui min lo lum sak a, mizia inhre sa kan ni a, kan hlim tlang hle a ni. Bual in lam chu ka pan a, faifuk raih raihin ka inbual ta a....
Zanriah kan han ei dawn ta ale! Rintluanga hian tunlai Air gun ang chi hi a telescope nen alo nei thar niin Sava chhum kan hmeh dawn alo ni.. A hang tui dawn ma nge! Zanriah kil pah chuan kan ti ti ta a. A tuk maia ramchhuah chu kan rel ta a. Sawmi chuan, " U Rina, pawh hi aw...miin hmun tihbaiawm an ti na na na, U Lawma te ila zuk chah ta deuh deuh va, kei zawng ka hlauthawng a nia, a hming te kha 'Pa ngen' an ti a ni lawm ni, sa an tam tih mai mai..." a ti chhuak phawng mai a.
Rina chuan, " Mai mai a...ramvak an tam tawh e mai! Tin, mi kal ngai lohna hi alawm nuam le...ti raw Lawmpa"
Ka lo nui mai a, " Pa ngen ngaw maw ni?a hming chuan awmzia a nei chek ang chu maw?" Ka lo ti zui a.
Rina, " Ni e, zan in hian Pu Kaptluanga te Inah kan va leng dawn nia, he ngaw hi a lut thuk ber a, a aia chiang an awm lovang an ti asin..." a ti a.
Zanriah chu ka ei hnem ngang mai, kan chawhmeh khan a zir bawk a. Thingpui hanga kan chilh hnu chuan kan thiandun chuan kan tei chhuak ta a. Kuhva te lam in Pu Kaptluanga te In chu kan pan ta a. Pu Kaptluanga hi he khaw Pasalṭha a ni a, mi huaisen tak a ni, chem pui ngatin Savawm pawh alo sat hlum tawh a ni awm e. An thlahtute aṭanga pasalṭha an ni e an ti a. Hmanlai in sak deuh a bang dap a chung rangva In lianpui chu kan va thleng ta a. Rina chuan kawngka chu a kik kauh kauh a. Kan lut ta a. Duhthusam ang ngeiin Pu Kapa chu a mah chauh chuan alo awm a, a nupui a leng a, an fate lah Aizawl lamah an lo awm daih si. Hun ṭha kan nei thei dawn a ni. A lo bengvar phian a, ṭhutna min kawhhmuh zung zungin tap lamah chuan kan ṭhu ta a. YMA no, no lian deuh hian thingpui senhang min thlit nghal a.. Pehhel lem lo tak chuan Rina chuan kan len chhan 'Pa ngen ngaw' kal kan tum thu leh ram chin min hrilh tura leng kan ni tih chu a sawi nghal a. A dan ve reng a ni, thu han peh hel hi a thiam lo.
Pu Kaptluanga chuan uluk fe chuan min han thlir dun leh ren rawn a, a aw a thian kharh kharh a, a rawn ṭawngchhuak ta a!
" Pa ngen ngaw khu ngaw mak tak a ni a, tlawhpawh loh a nih vangte khu emaw ni dawih deuh tan chuan chhun pachang ah pawh ṭihawm tak a ni. Tun hma khan an lo zuk dai tawh a, lo ah hial pawh an nei lui a ni awm a, mahse khulai ngaw hmuna lo nei reng reng an pa ber an boral zel a, chuta ṭang chuan 'Pa ngen' an ti ta a ni awm e. Zuksih mual aṭanga luhthlak a, tlang pawng langlai khu mak ang reng deuh hian a chhip zawl thlen a har khawp a, ( a ngawi deuh vang vang a...) kei ni pawh Hnuna pa nen kan bo ṭhelh a ni. Zan khat chu kan in hloh nghe nghe a ni.( Tukverh thlang lama thla eng lo lut chu a thlir vang vang a) A chhip zawl khu a nia, ka lut thui ta lova, Hnuni pa khan, thlarau tualchaina ni berin ka hria tih ka bulah a sawi a, a aia thuk luh kha a chak tlat a, khap beh khan awmzia a awm lo, a lut ta nge nge a,( A hmel a inthlak thut a,) aw lo dang ila, tunah te hian ala dam awm si a aw...( a ngawi leh ta rih a, kuhva ka ei a, zial ka ṭan a....aw a thian a, a rawn sawi chhunzawm leh ta a) Tlang pawng ding lamah khuan sih pakhat a awm a, a lun ngang mai, mahse a hmunah khuan riahchilh chi a ni lem lova. Vei lam a zingzum lamah khuan ruam rai a awm thung a, chu erawh hmun nuam tak a ni. Tlang chung zawl mawlh khu inlut a nih pawhin chawhnu lamah lut suh ang che u. Tin, ngaw chhah tawh tak a nih avang khuan fimkhur a ngai viau dawn a nia. .....
( kan zawm zel dawn nia...)
( RAUTHLA TE CHAWLHNA!?)
M.Lusei Palian
...... ...... ..........
Khuangchawi thla, thla chawhma lam a ni a, Chhawrthlapui in thlahrung hmel taka rawn eng zam raih mai chu thlir a nuam ngang mai! Kan luhkapui thlang lamah ka ṭhu a, kan khaw piah a, vamur puk tlang leh Sathar kham kan tih mai chu ka thlir vang vang a, ka lung a tileng ngang mai! Ka ngaihtuahna chu ram ngaw ramhnuai lamah daih a awm a. Zan hnih khat riaka ramvah ka chak hle a ni. Ruahtui a nghal tawh lova, ramvah nawm hun kan thleng chho ta. Khua a ṭhal leh dawn ta val lawman tih zawng zawng hi ka nei zo a ni ber mai. Ka phone chu a rawn khur ta cher cher mai a. Kan enchiang chu le, ka ṭhianpa Rina a ni tlat...rang tak chuan kan la a,
" Aw....ṭhianpa....eng nge ni ta a...in dam tlang em?"
" E...dam tlang e....Eng lo...hei....rawn zin teh a, ramvahna tur ka hual a nia...a hlawhchham theih loh...mahse huaisen a ngai..."
Ka thin a dek zar mai...
" Eng nge a awmzia...lawmpa...?"
" I rawn zin theih hun min hrilh la, phone a sawi vek chi a ni lo, silaimu kha rawn ngah hle la a ni mai..."
" Ka chhungte ka lo rawn ange!?"
" Ṭhianpa, rawn kal ngei ang che, mahse huaisen a ngai dawn khawp, hei...kan khawthar a mite hi kal ngam an awm mang lova, Sa chu duhthusam an ti! I han dai dar ang hmiang..."
" Aw le, a theih anga ranga rawn zin ka tum ang, in khaw thar chu a nuam a maw?"
" Nuam tehreng e....i rawn kal theih hun min rawn hrilh rang ang che..."
Kan in mang ṭha ta rih a.
Ka phone dawn chuan ka rilru a dek ta zar mai! Ka ṭhianpa Rintluanga hi naupan tet aṭanga inkawm kan ni a,huaisen tak, hlauh nei lo, phut zuk pawh nei lo a ni, a pa leh ka pa hi inkawmngeih tak niin ṭhian sabeng an ni.An inkawm ṭhin vang ni fa hmiang in rual tak leh tuina lam in ang chu kan inzui nasa in, Sava veh rual kan nih aṭanga sa chan thlengin kan inzui a. Kan khua a zirtirtu lo awm Nula Lalmalsawmi nen an innei ta a.An inneih pawn a ṭhianah min hmang ta reng a.A nupui hmar lam hla ve taka an sawn avangin kan inhmu khat hle tawh a. An insawn phei chuan ka han thlah nghe nghe kha a nia. kan inbiakna thawm ri hre pha ka pa chuan,
" Tu nge i biak a? Zin chhuah lam te i sawi tak a?"
" Rintluanga alawm le....Sa chan tur a hre ṭha a nih kha....Zin turin min rawn sawm a.."
Ka pa chu ka melh let thung a. A phal leh phal loh zawt mit menga en ka ni, a ngawi leh ta rih a. Ka tho tharh a, ka Silai ulhbun, mal bun chu ka hrufai surh surh a. Ka pa hian Silai a nei ve tho a, mahse mahni a neih ka duh ve hrim hrim a, ka intuak a ka lei ve ta nge nge a, ka tluanpui rih phian mai a. Sakhi tih tham fe, Sanghal, Saza leh Savawm te ka kap ve tawh a ni. Tualchher anih avangin ka pa license ka ṭawm mai a, silaimu lei dawnin a ṭangkai phian a. Tin, Silai tun a hunah ka pa Silai zawk kan tung leh hlauh a.Hei vanga ulhbun lei ka ni nghe nghe a.
Ka Silai ka hruk lai chuan Rintluanga pa a rawn lenglut ta a. Kei tapah ka lo inhrufai sur sur thung a, min en ang he haw a,
" Lawma, vah chhuah i tum hnai elo?"
a rawn ti mai rengah...!
Ka pa chuan min lo chhan khalh a,
" Kha ....Rintluanga'n a rawn phone a, ramvahna tur a hre ṭha a ni awm e, zin a rilruk a niang.." ati ban charh a.
" Kan Rintluanga te lah hi aw....kohhran lam hlim leh hlim loh lam te ai chuan sa chan tur ṭhat leh ṭhat loh hi a hre thei a..A....a....Han zin tak teh khai...I nu Hmuni pawn thil thawn tur che pawh a ngah ang... " a ti ban charh a.
Ka nu lah chuan, " Han zin tawh, nupui tur te hi han zawng teh, hei i u ten pasal an nei zova, ka hah lutuk hi ka tar bawih bawih in ka hria a nia." A la ti ta deuh deuh a.
A ni reng a, nupui lam ka ngaihsak lo lutuk hi ka chhungte an buai a ni. Kei lah chuan hetia tal mai mai hi nuam ka ti zawk si a.Nupui fanau te nei deh duah ila, ka ramvak thei nang le, an hre lo a ni. A reng thuah duh duh huna neih ngawt theih va ni suh....
Zin tur chuan ka rilru ka siam ta mai reng a, nupui te lo nei ila chuan a buaithlak dawn si a, kha kha a ni mai! Ka silai pawh uluk fe in a ahna ah chuan ka thun leh zan tawh a, Silaimu erawh Aizawl lamah lam chhoh ka ngai dawn a ni. A rang lama han zin chhoh chu ka tum nghet bur a. Ka rilru chuan huaisen a ngai a tih lai tak chu hriat chian ka chak em em a ni. Mut hmunah te chuan ka ngaihtuah nasa ngang mai! Sih huai neite hi kan chang dawn nge ni aw... !!!
.........( kai tawi hret ang)
Zing kar hma takah kan motor chuan ka chhuak a, Aizawla chaw ei chhoh ka tum a, ka tluang angreng hle a. Rintluanga chu ka phone nghal a, ka inchhir ṭep thil min rawn chah hnur mai a. Chhangchhe pa tak hi chu aw! Zawlkhawpui chu ka thleng chho hma a, ka u te ka phone lawk a, tukṭhuan chu ka bar zung zung a. Ka ute Bike chu ka hawlchhuak a, Silaimu leh ka ṭhiana thil min chahte ka lei kim thaw khat a. Ka ute inah chuan ka let ta a. Rintluanga te awmna ( khaw hming hi thup ila) khua hi kawng a chhe angreng a, chuvanga chhuah leh hma tum chu ka ni. Aizawl an hlat lutuk hi a buaithlak a ni, chutah an khaw ṭhenawmah bungrua lam tur a awm thu te min la rawn hrilh ta deuh deuh a. Fehreh san hun vel chuan Zawlkhawpui chu ka chhuah san leh ta a.
Ka tluang hle a, thingpui ina ka chawl zeuh tih loh chu ka muangchang hran lo, an khaw ṭhenawm ah chuan an bungrua ka lam kawi sak a, passenger pahnih ka nei ta a. Kar kawngah hian a theih hram chuan phurh tur hi ka zawng ve hram zel! Mahni mai hi chuan a khawhar thlak ṭhin a. Tin, kuhva min siam tur tal neih hi a ṭha ve hrim hrim! Kawng chu a chhe tawh hle a, a hma a ka han dah ai mah khan alo chhe tawh zawk a. Motor a uiawm duh angreng hle a ni. Ka rilru tak chuan huaisen a ngai tih khan min kap ve run a, engti zawng chu ni ang maw? Mahse eng ka ti nge ni!? Ka phur viau tlat, hlauhawm leh mi beidawnnaah te hian ka hlau ve mang lova, eng thil thil emaw hi chu ka tawng nual tawh a, rammi leh huai hi an awm tih ka hria a. Lasi erawh ka tawng chiah lo, amah erawh chu hmun hlauhawm deuhah hi chuan mang lamah nula pakhat ka hmu ṭhin thung. Ka ṭangkai pui phian ṭhin, lasi zawl erawh ka ni lo a nia.
Ni suk chen vel upa in an tih ah chuan kawtchhuah chu kan thleng ve ta a. Ka mi phurh te an ṭawng duh phian a, kawng kar(kar kawng) pawh a tawi ruakin ka hria a. Ka ṭhiana chuan mi rawn phone kur dup a, a insawi danin min lo hmuah ngei ka ring! Ka mi phurhte khan an lo hrechiang ve bawk a, an inluah pawh ka hmuh har ka ring lo. Zun ram kan thiar zawh hnu chuan kan tlan chhunzawm a, kan thleng ta reng mai!
Kawn zau laiah chuan ka ṭhiana chu nau paw chung chuan ka va hmu a, kawr alo la ha lo zui a. Kuhva alo ei sen leh hle pek a, min lo hui lauh lauh a. Ka mi phurh te pawh an chhuk ta a, pawisa min pek vei ngial an tum a, ka laksak duh ta lo. Lawmthu min hrilh ta lawm lawm a, 'chaw eitui' tiin kan inthlah a. Ka ṭhiana chu motor ah a rawn lut a, an inluah lam kan pan ta a, daido deuhah hian an lo awm a. Sawmi'n min hmuh chuan a lawm ve hle a, min lo be siam siam a, an naute pi in a thil rawn thawn vel kan pek lai chuan a hlim hle mai! Kan ri deuh hluai a, an fapa Ṭhakima chuan min nel rih lem lova, min melh min melh a.Kei lah naupang lawm thiam lo chi ka lo ni kher nen, kan chhaih ve tak na a, ka vel a ni mah zawk awm e.Sawmi nau hmeichhe pakhat awmpui an lo nei a, lehkha zirlai tho alo ni, Puii an ti in ka hria.Sawmi chuan ka inbualna tur tui min lo lum sak a, mizia inhre sa kan ni a, kan hlim tlang hle a ni. Bual in lam chu ka pan a, faifuk raih raihin ka inbual ta a....
Zanriah kan han ei dawn ta ale! Rintluanga hian tunlai Air gun ang chi hi a telescope nen alo nei thar niin Sava chhum kan hmeh dawn alo ni.. A hang tui dawn ma nge! Zanriah kil pah chuan kan ti ti ta a. A tuk maia ramchhuah chu kan rel ta a. Sawmi chuan, " U Rina, pawh hi aw...miin hmun tihbaiawm an ti na na na, U Lawma te ila zuk chah ta deuh deuh va, kei zawng ka hlauthawng a nia, a hming te kha 'Pa ngen' an ti a ni lawm ni, sa an tam tih mai mai..." a ti chhuak phawng mai a.
Rina chuan, " Mai mai a...ramvak an tam tawh e mai! Tin, mi kal ngai lohna hi alawm nuam le...ti raw Lawmpa"
Ka lo nui mai a, " Pa ngen ngaw maw ni?a hming chuan awmzia a nei chek ang chu maw?" Ka lo ti zui a.
Rina, " Ni e, zan in hian Pu Kaptluanga te Inah kan va leng dawn nia, he ngaw hi a lut thuk ber a, a aia chiang an awm lovang an ti asin..." a ti a.
Zanriah chu ka ei hnem ngang mai, kan chawhmeh khan a zir bawk a. Thingpui hanga kan chilh hnu chuan kan thiandun chuan kan tei chhuak ta a. Kuhva te lam in Pu Kaptluanga te In chu kan pan ta a. Pu Kaptluanga hi he khaw Pasalṭha a ni a, mi huaisen tak a ni, chem pui ngatin Savawm pawh alo sat hlum tawh a ni awm e. An thlahtute aṭanga pasalṭha an ni e an ti a. Hmanlai in sak deuh a bang dap a chung rangva In lianpui chu kan va thleng ta a. Rina chuan kawngka chu a kik kauh kauh a. Kan lut ta a. Duhthusam ang ngeiin Pu Kapa chu a mah chauh chuan alo awm a, a nupui a leng a, an fate lah Aizawl lamah an lo awm daih si. Hun ṭha kan nei thei dawn a ni. A lo bengvar phian a, ṭhutna min kawhhmuh zung zungin tap lamah chuan kan ṭhu ta a. YMA no, no lian deuh hian thingpui senhang min thlit nghal a.. Pehhel lem lo tak chuan Rina chuan kan len chhan 'Pa ngen ngaw' kal kan tum thu leh ram chin min hrilh tura leng kan ni tih chu a sawi nghal a. A dan ve reng a ni, thu han peh hel hi a thiam lo.
Pu Kaptluanga chuan uluk fe chuan min han thlir dun leh ren rawn a, a aw a thian kharh kharh a, a rawn ṭawngchhuak ta a!
" Pa ngen ngaw khu ngaw mak tak a ni a, tlawhpawh loh a nih vangte khu emaw ni dawih deuh tan chuan chhun pachang ah pawh ṭihawm tak a ni. Tun hma khan an lo zuk dai tawh a, lo ah hial pawh an nei lui a ni awm a, mahse khulai ngaw hmuna lo nei reng reng an pa ber an boral zel a, chuta ṭang chuan 'Pa ngen' an ti ta a ni awm e. Zuksih mual aṭanga luhthlak a, tlang pawng langlai khu mak ang reng deuh hian a chhip zawl thlen a har khawp a, ( a ngawi deuh vang vang a...) kei ni pawh Hnuna pa nen kan bo ṭhelh a ni. Zan khat chu kan in hloh nghe nghe a ni.( Tukverh thlang lama thla eng lo lut chu a thlir vang vang a) A chhip zawl khu a nia, ka lut thui ta lova, Hnuni pa khan, thlarau tualchaina ni berin ka hria tih ka bulah a sawi a, a aia thuk luh kha a chak tlat a, khap beh khan awmzia a awm lo, a lut ta nge nge a,( A hmel a inthlak thut a,) aw lo dang ila, tunah te hian ala dam awm si a aw...( a ngawi leh ta rih a, kuhva ka ei a, zial ka ṭan a....aw a thian a, a rawn sawi chhunzawm leh ta a) Tlang pawng ding lamah khuan sih pakhat a awm a, a lun ngang mai, mahse a hmunah khuan riahchilh chi a ni lem lova. Vei lam a zingzum lamah khuan ruam rai a awm thung a, chu erawh hmun nuam tak a ni. Tlang chung zawl mawlh khu inlut a nih pawhin chawhnu lamah lut suh ang che u. Tin, ngaw chhah tawh tak a nih avang khuan fimkhur a ngai viau dawn a nia. .....
( kan zawm zel dawn nia...)
Ngaihnawm dawn e.
ReplyDelete