PASALṬHA THANGNGHILHLOVA BUNG 3 NA
PASALṬHA THANGNGHILHLOVA
.......M. Lusei Palian.......
BUNG 3 NA
......... ........ .........
Thawm awmna lam chu inring fe chuan a pan hnai ta zawk a, pasalṭha Vunga Silai kha a awm na a, ruahin a nan reng avang chuan a tlawlh leh a hlau a, tin, midang silai chul nin loh lo hum ve ngawt chu thil ni thei niin a hre bawk si lo! Thawm lah chuan a rawn pan zel mai si, a kut dinglamin a muzuk fei a hum a, a kut veilamin a chempui chu a hum thung a. Chutah le, Savawm lian tak a rawn lang dum hmak ta mai le! Beisei loh thil a ni ta tlat mai, chu Vawmsial lah chu a kawchhungah Tulum a lut ngei ni hian a lang! A ke pahnih a dingin thing ban puam tia vel chu a kut hruknan hmang ni awm tak chuan a rawn ri phei buan buan a. A lian kher mai, Thangnghilhlova Puklui rawlthar patuai chu a rawn hmu ve ta!
Savawm hi mihring hmai eng zah lo tak an ni a, pasalṭha tam tak hian Savawm lakah nun an chan ve fo ṭhin a. An lian in an rang em em a, mihring hmai han ham thler vek hi an duh ṭhin niin a lang. Chu Savawm chuan Thanga chu han ben per lawp a, a mai chum ṭhin dan a chum a tum ta tlat! Thangnghilhlova, rawlthar inkhaithli zet, Sakawl pian ṭha ang mai chuan chet hmasak a ngai tih a hre chiang ngang mai. A kut dinglam a a muzuk fei ken chuan Savawm awmah chuan na fe hian an khawh ta a. A awm a hliam a lo nei hman chuan chet a ti har ve hle a ni, a duh anga na chuan a khawh bik hauh lo! Chu Savawm lian tak chu a ding dawt mai a, Thanga pawh rang fe hian hmalam a pan nghal a. Khua a tui hul lo nen a nal hle mai, Savawm lah chuan nal a hre ve awm pawh hian a lang lo! Savawm awmah chuan Thanga muzuk fei chu a bur ngar mai a, chutah rang zet chuan a chem chu an vai vak, chu Vawmsial chu a khek ring ta hle a. A hma a ding hi a rin ang ngawt a ni lo chiang hle ang le! Pasalṭha Mangvunga pawh a rawn meng chhuak a, thawm chuan a ti harh ngat si, an hawi chhuak chu Thangnghilhlova leh Savawm lo innuai lai chu a hmu ta!Thawhchhuah an tum ṭhin, a thei der lo, sapui sehna lah chu a ṭuah dup dawn ngei si a, rilru na fe chuan a thlir ta! Thangnghilhlova huaisen zia leh chet lak thiam zia a hmuh chuan a thaw hawk a! A hliam lah chuan a tur et et zui a.
Chu Savawm in tha na taka Thanga han ban vak chuan a tum a thlawn ta tih a hriat rual chuan a ke hma dinglam a uai ta hnawk a, a hmang zui thei tawh lo ngei ang. Thanga lah rang fe hian Savawm sirah a petek nalh a, mahse lei a nal avang chuan thui fe a tleng ta zawk a, thingtuai ah inman betin rang fe chuan a inher nghal zat a. A thawhhnihna an ṭan leh dawn chauh a ni. Savawm lah chuan a awma muzuk fei bur ngur chu a beng tliak ve lawp mai, a hma aia thinrim zawk chuan Thanga chu inher lawp chuan a pan ve leh ta chhut chhut mai a, hliam a tuar tih a hriat bik loh!
Huaisenna hian thahrui a tipung a, thinrimna chuan chu thahrui pung chu a tichak a mikawl thinlungah chuan remhriatna a tuh nghal ṭhin! Thanga chuan a lam rawn pan mek vawmsial chu lo thlir zawk in rang fe chuan a chempui hriam tak chu leiseh chin aia sang hretah chuan ṭhingṭhit pah chuan an vai leh chiah chu Vawmsial pawh atlu thum ta dawp mai le! A hnung pawh a thip ngap ve ṭhat a....Chutah rang fe a ding chhuak zat in a bula thingtuai ban puam aia lian hret chu a fik nghal zat a. Rang fe chuan hlam dawn chuan a tan a, a chem chu leinemah chuan a vawm bur chat a. Chu Vawmsial kawlh tak tal bat bat chu a pan ta chheu chheu mai! Rang fe chuan a thingtuai chuan an hmelma hlap tak tak a le, a thum hian a thum pawp pawp mai a, thahrui rawn pun belh zelin a hlap na tial tial a, chu Vawmsial pawh chu a indang hlei thei ta bik lo! Thangnghilhlova pawh a chawl ve ta, a hah hle chu a ni, a ka leh a hnarah chuan a thaw a leng hauh lo!
A chempui leia a chanve hmawk pila a vawm luh chu phawi zatin a kut veilam chuan a thingtuai filh hun tawh chu kengin Vawmsial chu a pan leh ta, chutah chu Vawmsial chu a kut veilam a thingtuai hmang chuan a nawr a, a hmui no laia sah ngei tum chuan a chem chu an vai chhuak leh ta, chu Vawmsial meuh chuan cho loh tur a cho chiang hle mai le!
Han thaw hawkin a mit a vai dawn ti tih ta mai a, a hriat loh karin thisen chuan a lo chiahpiah hle chu niin, a lo a thing ta nar nar a.A thinlung chuan huaisenna leh chakna pe mahse, hliam nei chunga thapui a thawhna chuan thahrui a heh hle mai si! Thingbul phen chuan a ṭhu ta hnawk a, a bul hnaia rawn ṭawng nawk nawk thawm chu a mang hriat ta tlat! Din chhuat ṭal chu ala tum a, chutih lai tak chuan a darah kut thap hraih hian an rawn vuan ta chat a.
Pasalṭha Chala khan Pualhrang zau a riak ho zawng a zuk khawm vek a, Thangnghilhlova kha tlangval zuanzang zawk mah ni se hliam a nei si a, amah ngei a zuk kal ta kha a ni. Rang fe a let thuaiin Pasalṭha Mangvunga zawn haw tur leh Sapui ruang hlawm tham chu an ni a, Zaliana pawh a hmanhmawh kher mai! A hmangaih em em anupui chuti taka a lo damlo chu a rilruah chuan a thum tlut tlut a. Chhingmitthla ah a nupui Vawmṭhiangi a lang zut zut a, a pen sau pawk pawk tawh mai! Ruah chu a han ta rih a, chutih lai tak chuan an hma la hla deuh taka Savawm thinrim thawm chu an hre ta! Pasalṭha Chala leh tlangval ho chu pulh hri tlansan tur ni awm tak hian an hmanhmawh a, ke zungpui tlum kawk kawk chuan an tlan ta! An Sapui ruang awmna an han thlen meuh chuan sulhnu pe vekvuk leh Vawmsial lo mu ngut leh thingbul behchhana lo ṭhu thaw kawk kawk Thangnghilhlova din chhuah tum chu an hmu ta! Pasalṭha Chala chuan rang fe in a pan nghal a.
" Chhe hiau leh...! Thanga hei, a rawn suam che u e lo? Eh....hliam i neih belh lah ni a, khai aw...!" a ti chhuak khuk a. Thangnghilhlova chu a en tlawk tlawk a, mi pathumin savawm lian tak chu an lo va chian a, Sapui awm bawk, an thlir tawn sek mai le!
Ramriak tlangval zinga pakhat chu pasalṭha Chala chuan ko hrang zui in Zaliana nen chuan an haw hmasa ta a. Chu tlangval chuan khaw chhunga awm tlangval te a han pun dawn a ni. Zaliana a hmanhmawh bawk a, an liam hian an liam zung zung mai! An thleng har lo tawp ang!
Pasalṭha Chala rem a han ruat zung zung a, hlang an siam nghal a. Sapui leh Pasalṭha Mangvunga zawn haw an ngai ngei dawn a, Thangnghilhlova hi zawn a ngai mai thei bawk! Hetih mek lai hian ramriak tlangval pakhat Buktea chuan Thanga chu vaibel a lo fawh tir ve mek a, a hliam te chu an hruk fai sak nawk nawk a tihtheih an nei tlem hle mai si! Losul haw hun a ni tawh a, ruah a han a, thosi chu duhthusam a ni hawt tawh a. Tlangval ho pawhin an rawtuai leh mautuai ah te chu hnawk an ti ṭan hle niin alang! Sapui chu han chian leh pah chuan a zawnna tura an siam ah chuan an dah a, Hlaiba lian tak a lo ni, Thanga sahna leh muzuk feia a khawhna pawh chu alang chiang ta hle mai, a kut thlak nat zia chu an sawi sap sap hlawm a.
Hun a liam a, Puklui val rual pawh val upa Buangan a rawn ho a, an rawn thleng ta, Zaliana nupui a zia deuh thu sawiin ....Tualvum nena an kar thu erawh an sawi rih lo thung! An sapui huaisar zet an tihlum thei chu an lawm hle a ni, an lawm zia chu ke thup thlo chhuak tura inngai Silai zawn thlo chhuak ang vel an ni awm e. An rik hian an ri chuah chuah mai a, tlangval rual zingah chuan Thanngnghilhlova ṭhianpa Raltawna a rawn tel ve a. A ṭhiana, lo dang lap mitmeng huaisen fe chu a rawn pan ta chat mai a!
" Thanga....eh...kha, a hliam hlek che e lo!" han chek hlak hlak chuan a ti vei khuk a.A vaibel chu hmehbel nghal in, a diar chuan Thanga hliam chu an tuam ṭhat sak ve luam a.
Thangnghilhlova chuan han thirseh nuih sak pah chuan,
" Tawna, min hliam ve zeuh chauh a ni e!" thu khuh fe chuan an ti a.
Puklui val rualte an inpeih ta! Pasalṭha Mangvunga chuan zawn a ngai chu hrehawm a ti hle a, han kal luih ngial chu a tumna a, a thei meuh si lo. Val upa Buanga chuan lo khap thuaiin an zawn lui ta a. Pasalṭha Chala chuan Thanga chu a ngaihtuah hle mai a, amah erawh chu chhel tak leh tlawmngai tak chuan a pen thei tlat mai si! Tlangval te zawn ngaia awm hi an thil hreh ber a ni a, zuau ta viauah an ngai tlat si! Mipa fa chuan chhel tak leh huai takin hmalam an pan ṭhin si, chu chu pasalṭha nun kawng hmalam panna rahbi a ni. Kawng a nal a, pasalṭha Mangvunga zawn nen, Sapui zawn nen, Vawmsial an zawn tel nen an kal chak hlei thei lo, an tleng leh zak zak ṭhin a. A rik hian an ri ham ham mai a, valrualte hlimna chu a va sang tehlul em! Thimhmulah chuan khawchhung an thleng ngei ang! An Bawlpu chuan enkawl tur pahnih a nei dawn ngat mai!
Hmuaka leh Raltawna inkara kal Thanga chuan rum miah lo leh pen nghauh nghauh chuan hmalam a pan zel a. Lo chik rengtu pasalṭha Chala mit zawng he tlangval chungah hian a fu lo thei lo. Kha Sapui lah kha a tukzal titih a, a awm loh hlanin Vawmsial a lo tihlum der bawk si! Puklui khua hian mikawl an neih belh dawn tih a hrechiang bertu a ni. Khawchhung an hnaih ta hret hret a, an thleng har tawh lo tawp ang le!
......... ........... .............
Hetih lai hian Tualvum upa Bilha leh a hnung zuitu te chuan ngawi rengin karkawng chu an zawh ve mek a. Ruah lah chuan a nan huh hnap tawh mai a, an rilru an kawm tlang ni maw...ṭawngchhuah zai reng an rel lo! An pasalṭha Sangthanga chet dan chu an dem ru viau na a, a kir ve ta si lo! An lal hnenah chuan engtin tak han sawi dawn chu ni maw? Ke an pen ve zel a, an bawhram an hnaih telh telh mai si! An hma hruaitu Nekliana, Tualvum pasalṭha Khuangliana kaihza veng ṭhintu chu a ding ta chat a, a Silai chu rang fe hian a lek chhuak nghal a...
( chhunzawm tur)
.......M. Lusei Palian.......
BUNG 3 NA
......... ........ .........
Thawm awmna lam chu inring fe chuan a pan hnai ta zawk a, pasalṭha Vunga Silai kha a awm na a, ruahin a nan reng avang chuan a tlawlh leh a hlau a, tin, midang silai chul nin loh lo hum ve ngawt chu thil ni thei niin a hre bawk si lo! Thawm lah chuan a rawn pan zel mai si, a kut dinglamin a muzuk fei a hum a, a kut veilamin a chempui chu a hum thung a. Chutah le, Savawm lian tak a rawn lang dum hmak ta mai le! Beisei loh thil a ni ta tlat mai, chu Vawmsial lah chu a kawchhungah Tulum a lut ngei ni hian a lang! A ke pahnih a dingin thing ban puam tia vel chu a kut hruknan hmang ni awm tak chuan a rawn ri phei buan buan a. A lian kher mai, Thangnghilhlova Puklui rawlthar patuai chu a rawn hmu ve ta!
Savawm hi mihring hmai eng zah lo tak an ni a, pasalṭha tam tak hian Savawm lakah nun an chan ve fo ṭhin a. An lian in an rang em em a, mihring hmai han ham thler vek hi an duh ṭhin niin a lang. Chu Savawm chuan Thanga chu han ben per lawp a, a mai chum ṭhin dan a chum a tum ta tlat! Thangnghilhlova, rawlthar inkhaithli zet, Sakawl pian ṭha ang mai chuan chet hmasak a ngai tih a hre chiang ngang mai. A kut dinglam a a muzuk fei ken chuan Savawm awmah chuan na fe hian an khawh ta a. A awm a hliam a lo nei hman chuan chet a ti har ve hle a ni, a duh anga na chuan a khawh bik hauh lo! Chu Savawm lian tak chu a ding dawt mai a, Thanga pawh rang fe hian hmalam a pan nghal a. Khua a tui hul lo nen a nal hle mai, Savawm lah chuan nal a hre ve awm pawh hian a lang lo! Savawm awmah chuan Thanga muzuk fei chu a bur ngar mai a, chutah rang zet chuan a chem chu an vai vak, chu Vawmsial chu a khek ring ta hle a. A hma a ding hi a rin ang ngawt a ni lo chiang hle ang le! Pasalṭha Mangvunga pawh a rawn meng chhuak a, thawm chuan a ti harh ngat si, an hawi chhuak chu Thangnghilhlova leh Savawm lo innuai lai chu a hmu ta!Thawhchhuah an tum ṭhin, a thei der lo, sapui sehna lah chu a ṭuah dup dawn ngei si a, rilru na fe chuan a thlir ta! Thangnghilhlova huaisen zia leh chet lak thiam zia a hmuh chuan a thaw hawk a! A hliam lah chuan a tur et et zui a.
Chu Savawm in tha na taka Thanga han ban vak chuan a tum a thlawn ta tih a hriat rual chuan a ke hma dinglam a uai ta hnawk a, a hmang zui thei tawh lo ngei ang. Thanga lah rang fe hian Savawm sirah a petek nalh a, mahse lei a nal avang chuan thui fe a tleng ta zawk a, thingtuai ah inman betin rang fe chuan a inher nghal zat a. A thawhhnihna an ṭan leh dawn chauh a ni. Savawm lah chuan a awma muzuk fei bur ngur chu a beng tliak ve lawp mai, a hma aia thinrim zawk chuan Thanga chu inher lawp chuan a pan ve leh ta chhut chhut mai a, hliam a tuar tih a hriat bik loh!
Huaisenna hian thahrui a tipung a, thinrimna chuan chu thahrui pung chu a tichak a mikawl thinlungah chuan remhriatna a tuh nghal ṭhin! Thanga chuan a lam rawn pan mek vawmsial chu lo thlir zawk in rang fe chuan a chempui hriam tak chu leiseh chin aia sang hretah chuan ṭhingṭhit pah chuan an vai leh chiah chu Vawmsial pawh atlu thum ta dawp mai le! A hnung pawh a thip ngap ve ṭhat a....Chutah rang fe a ding chhuak zat in a bula thingtuai ban puam aia lian hret chu a fik nghal zat a. Rang fe chuan hlam dawn chuan a tan a, a chem chu leinemah chuan a vawm bur chat a. Chu Vawmsial kawlh tak tal bat bat chu a pan ta chheu chheu mai! Rang fe chuan a thingtuai chuan an hmelma hlap tak tak a le, a thum hian a thum pawp pawp mai a, thahrui rawn pun belh zelin a hlap na tial tial a, chu Vawmsial pawh chu a indang hlei thei ta bik lo! Thangnghilhlova pawh a chawl ve ta, a hah hle chu a ni, a ka leh a hnarah chuan a thaw a leng hauh lo!
A chempui leia a chanve hmawk pila a vawm luh chu phawi zatin a kut veilam chuan a thingtuai filh hun tawh chu kengin Vawmsial chu a pan leh ta, chutah chu Vawmsial chu a kut veilam a thingtuai hmang chuan a nawr a, a hmui no laia sah ngei tum chuan a chem chu an vai chhuak leh ta, chu Vawmsial meuh chuan cho loh tur a cho chiang hle mai le!
Han thaw hawkin a mit a vai dawn ti tih ta mai a, a hriat loh karin thisen chuan a lo chiahpiah hle chu niin, a lo a thing ta nar nar a.A thinlung chuan huaisenna leh chakna pe mahse, hliam nei chunga thapui a thawhna chuan thahrui a heh hle mai si! Thingbul phen chuan a ṭhu ta hnawk a, a bul hnaia rawn ṭawng nawk nawk thawm chu a mang hriat ta tlat! Din chhuat ṭal chu ala tum a, chutih lai tak chuan a darah kut thap hraih hian an rawn vuan ta chat a.
Pasalṭha Chala khan Pualhrang zau a riak ho zawng a zuk khawm vek a, Thangnghilhlova kha tlangval zuanzang zawk mah ni se hliam a nei si a, amah ngei a zuk kal ta kha a ni. Rang fe a let thuaiin Pasalṭha Mangvunga zawn haw tur leh Sapui ruang hlawm tham chu an ni a, Zaliana pawh a hmanhmawh kher mai! A hmangaih em em anupui chuti taka a lo damlo chu a rilruah chuan a thum tlut tlut a. Chhingmitthla ah a nupui Vawmṭhiangi a lang zut zut a, a pen sau pawk pawk tawh mai! Ruah chu a han ta rih a, chutih lai tak chuan an hma la hla deuh taka Savawm thinrim thawm chu an hre ta! Pasalṭha Chala leh tlangval ho chu pulh hri tlansan tur ni awm tak hian an hmanhmawh a, ke zungpui tlum kawk kawk chuan an tlan ta! An Sapui ruang awmna an han thlen meuh chuan sulhnu pe vekvuk leh Vawmsial lo mu ngut leh thingbul behchhana lo ṭhu thaw kawk kawk Thangnghilhlova din chhuah tum chu an hmu ta! Pasalṭha Chala chuan rang fe in a pan nghal a.
" Chhe hiau leh...! Thanga hei, a rawn suam che u e lo? Eh....hliam i neih belh lah ni a, khai aw...!" a ti chhuak khuk a. Thangnghilhlova chu a en tlawk tlawk a, mi pathumin savawm lian tak chu an lo va chian a, Sapui awm bawk, an thlir tawn sek mai le!
Ramriak tlangval zinga pakhat chu pasalṭha Chala chuan ko hrang zui in Zaliana nen chuan an haw hmasa ta a. Chu tlangval chuan khaw chhunga awm tlangval te a han pun dawn a ni. Zaliana a hmanhmawh bawk a, an liam hian an liam zung zung mai! An thleng har lo tawp ang!
Pasalṭha Chala rem a han ruat zung zung a, hlang an siam nghal a. Sapui leh Pasalṭha Mangvunga zawn haw an ngai ngei dawn a, Thangnghilhlova hi zawn a ngai mai thei bawk! Hetih mek lai hian ramriak tlangval pakhat Buktea chuan Thanga chu vaibel a lo fawh tir ve mek a, a hliam te chu an hruk fai sak nawk nawk a tihtheih an nei tlem hle mai si! Losul haw hun a ni tawh a, ruah a han a, thosi chu duhthusam a ni hawt tawh a. Tlangval ho pawhin an rawtuai leh mautuai ah te chu hnawk an ti ṭan hle niin alang! Sapui chu han chian leh pah chuan a zawnna tura an siam ah chuan an dah a, Hlaiba lian tak a lo ni, Thanga sahna leh muzuk feia a khawhna pawh chu alang chiang ta hle mai, a kut thlak nat zia chu an sawi sap sap hlawm a.
Hun a liam a, Puklui val rual pawh val upa Buangan a rawn ho a, an rawn thleng ta, Zaliana nupui a zia deuh thu sawiin ....Tualvum nena an kar thu erawh an sawi rih lo thung! An sapui huaisar zet an tihlum thei chu an lawm hle a ni, an lawm zia chu ke thup thlo chhuak tura inngai Silai zawn thlo chhuak ang vel an ni awm e. An rik hian an ri chuah chuah mai a, tlangval rual zingah chuan Thanngnghilhlova ṭhianpa Raltawna a rawn tel ve a. A ṭhiana, lo dang lap mitmeng huaisen fe chu a rawn pan ta chat mai a!
" Thanga....eh...kha, a hliam hlek che e lo!" han chek hlak hlak chuan a ti vei khuk a.A vaibel chu hmehbel nghal in, a diar chuan Thanga hliam chu an tuam ṭhat sak ve luam a.
Thangnghilhlova chuan han thirseh nuih sak pah chuan,
" Tawna, min hliam ve zeuh chauh a ni e!" thu khuh fe chuan an ti a.
Puklui val rualte an inpeih ta! Pasalṭha Mangvunga chuan zawn a ngai chu hrehawm a ti hle a, han kal luih ngial chu a tumna a, a thei meuh si lo. Val upa Buanga chuan lo khap thuaiin an zawn lui ta a. Pasalṭha Chala chuan Thanga chu a ngaihtuah hle mai a, amah erawh chu chhel tak leh tlawmngai tak chuan a pen thei tlat mai si! Tlangval te zawn ngaia awm hi an thil hreh ber a ni a, zuau ta viauah an ngai tlat si! Mipa fa chuan chhel tak leh huai takin hmalam an pan ṭhin si, chu chu pasalṭha nun kawng hmalam panna rahbi a ni. Kawng a nal a, pasalṭha Mangvunga zawn nen, Sapui zawn nen, Vawmsial an zawn tel nen an kal chak hlei thei lo, an tleng leh zak zak ṭhin a. A rik hian an ri ham ham mai a, valrualte hlimna chu a va sang tehlul em! Thimhmulah chuan khawchhung an thleng ngei ang! An Bawlpu chuan enkawl tur pahnih a nei dawn ngat mai!
Hmuaka leh Raltawna inkara kal Thanga chuan rum miah lo leh pen nghauh nghauh chuan hmalam a pan zel a. Lo chik rengtu pasalṭha Chala mit zawng he tlangval chungah hian a fu lo thei lo. Kha Sapui lah kha a tukzal titih a, a awm loh hlanin Vawmsial a lo tihlum der bawk si! Puklui khua hian mikawl an neih belh dawn tih a hrechiang bertu a ni. Khawchhung an hnaih ta hret hret a, an thleng har tawh lo tawp ang le!
......... ........... .............
Hetih lai hian Tualvum upa Bilha leh a hnung zuitu te chuan ngawi rengin karkawng chu an zawh ve mek a. Ruah lah chuan a nan huh hnap tawh mai a, an rilru an kawm tlang ni maw...ṭawngchhuah zai reng an rel lo! An pasalṭha Sangthanga chet dan chu an dem ru viau na a, a kir ve ta si lo! An lal hnenah chuan engtin tak han sawi dawn chu ni maw? Ke an pen ve zel a, an bawhram an hnaih telh telh mai si! An hma hruaitu Nekliana, Tualvum pasalṭha Khuangliana kaihza veng ṭhintu chu a ding ta chat a, a Silai chu rang fe hian a lek chhuak nghal a...
( chhunzawm tur)
A ngaihnawm lutuk
ReplyDeleteA ngaihnawm lutuk
ReplyDeleteBung 1 na hi ka va hmulo ve engtia search tur nge
ReplyDelete