PASALṬHA THANGNGHILHLOVA BUNG 14 NA
PASALṬHA THANGNGHILHLOVA
.......M. Lusei Palian.......
BUNG 14 NA
......... ........ .........
Chutah le, khawchhung lam chuan an pasalṭhate leh tlangval rammu a chhuak an hlawhtling hle tih inhrilh hran ngai lovin an hre leh ta! Tlai lama an thu leng hriat chu nemngheh a ni ta, Val upa Buanga te ho pawh an phur hle a, Zawlbuk aṭang chuan Kawtchhuah a mihrangte chu Chengrang rawlin an lo chhawn ve zat a. Kawtchhuah lam a mite pawh chuan bawhhla a khat tawkin an chham ve reng bawk a, Lal tualah lah chuan Darkhuang a khat tawkin a tuvu reng tawh mai le! Nula te lah chuan an arkeziak an tuaihnum a, mihrangte hmuah hun ngawt chu an suangtuah ber a ni ta! Hringnunah hian thil lo thleng tur nghahhlelhna hian hun hi alo thunun ṭhin niin a lang. Nghahhleh neih hian hun a kalmuang ṭhin e mai! Puklui lam tan lah zanmu han chhin hleihtheih ni hek lo le!
Khawchhunga pathlawi vengva deuhte chuan pasalṭha te ngal tha hah dawmna tur bel an pu a, kawtchhuah lamah an va dah a. Inbiak erawh an la inbe bik lo, rammu hlawhtling te hi khawvar hma loh chuan pawh mai hi a thiang lova, ṭul bik thil a awm a nih chuan Sadawtin inthawina neiin a thual zat ṭhin!
Kawtchhuah Lungdawhah chuan tlangval hovin meipui an chhep a, pathlawi bengvarte bel pui rawn chhawp chhunga buhtui tuitawk leh tho ṭha tawka um ngei mai chu tukhum sai ngar ngarin an han fawp a. An hlim thawm chu a ring viau a ni, Zawlbuk lam aṭang lah chuan a khat tawkin Silai ri chu an hre ve reng a, khawchhung tlangval pawh an mu thei bik lo a ni. Tualvum pasalṭhate tan erawh chuan rorelna an hmachhawn hun an hnaih tial tial a, damin an laitual an mawi leh an ring tawh lo hial mai!
Chu zan khaw thiang tak, zan lam ropuina seifate tual mawitu mawina chhim phak a Puklui kawtchhuaha awm mek Tualvum lal nula Lalngovi hmel chu tawrh a har ngei mai! A ngaihla tawk lek chuan mei eng chuan a chhun a, tlangval tan zawng thlir tawh tihreng a awm thei lo. An thlir nawn sek mai a, Thangnghilhlova lamah hlir chu lal nula mit chu a fu thung. Thangnghilhlova lah chuan chu lal nula chu a melh tawh der lo, pasalṭha Chala nen chuan eng emaw an sawi dun leh zauh ṭhin! Raltawna te pawh Buktea te ho nen an hlim ve hle mai! Indona a thi te hi sarthi a ngaih an ni lova, khaw tana nun chantate chu zah takin an zalh a, tlema lungchhe zual chuan an va ṭah leh zeuh ṭhin bawk a. An chikim takzet a ni. Zanlai hun a awm hlei thei lova, a khat tawkin Silai ah chuan zen chauh thunin an kap ul ul reng a, Puklui khua chuan hetiang hun hi an tawng khat bawk a a ropui kher mai!
Hunbi hriltu ten hunbi an hril reng a, zan lam ropuina te an liam ta pheuh pheuh a, khawvar a hnai ta! Puklui tlangval lah chuan uar takin chengrang rawl an au tir a, khawchhung lam lah an inring tawh hle! Nula ho lah arkeziak nen an tei thuak thuak tawh a. Khua han var chiang se an ti tawh hle a ni. An nghahhlelh khua a var ta, Lal leh upa te chuan Lungdawh lam an pan ta. Lal Saitluanga chuan Vakul chang tawn ngau in ngen hmel takin a pen vei nghat nghat a. An hnungah tlangvalin Darkhuang nen an zui a, a vaw tuvu hlurh hlurh reng a, nula lam lah an parh ṭha, arkeziak te leh ṭhimal te chu an lek far mai a, tin Haizang no hian zu thlum ber nia an hriat an chawi tel bawk a. Lal nula te pahnih pawh an ropuina nen an inthuam a, lal nu te, mi ṭha nupui leh tlangchhuak nuho lah chuan ṭhimal bo lo, ṭhihna tum leh ṭhifen chenin rammu a chhuak mihrang te pek tur an lo keng ve bawk a. Lal leh upa ten kawtchhuah an thleng ta, Silai puak a nasa kher mai! Pawi hawl zawnga puak a ni lova, lawmna in a kentel hnehna chhawm a ni.
Chutah nula ho leh mi ṭha nupui te an rawn thleng ve ta, an lawmpa te, an hmel duh tlangval te chu arkeziak banin an zu thlum te chu an han hlan a. Thihna te ṭhimal te an dawng ta zut mai a. Thangnghilhlova alangsar nalh mai, Lal nula Saimawii chuan ngaihla taka han melhin ṭhihna alo hlan tlat mai le! A piah deuh aṭanga lo thlir rengtu Chalmawii chuan rilru no nghalh hian a lo thlir thung a. Lal fanu a kal kian hnu chuan ava pan ve ta, Chalmawii leh Thangnghilhlova mitmeng han intawng chiah chu le.... ṭawng lo hian thu an va sawi hnem teh kher em! Chalmawii mitmeng erawh a buai ta nak mai le, dem leh sel theih ni hek lo le! Lal Saitluanga chuan Tualvum lal nula chu an pan a, han melh vang vangin,
" Puklui khuaah kan lo lawm a che, Lo haw tawh, eng mahin an tina lovang che...!" dam thlap hian an ti a. Lal fanu te chuan an lo hnaih vat a, Tualvum lal nula hmel ṭi dai, ṭha tak si chu an lainat kher mai! Lalngovi, Kawisariheni chu an han thlir a, an hnaih a, hmelma en hauh lo chuan an kai ta! Lal Saitluanga pawh chuan a lo thlir ve vung vung a, chutah pasalṭha Chala chu han melhin,
" Pasalṭha, in thawh hlawk hle mai ka ti, ka chhuang hle mai che u, in naute ṭhenkhat kan tana nunhlan ta te hi vui liam zet ila, kan hrang lam dawn nia, ropui rel pawh a ngai dawn ta!" a ti chhuak a. Pasalṭha Chala chu a lo bu nghat a.
Khawchhung lam pan chuan an kal ta, a khat tawkin silai a ri ul ul a, khaw mipui chu an kokim hle a, hnung lamah erawh khaw tana nun hlantu te chu an lo ṭah ngai ngai bawk a.An miman te pawh a hnung lamah tlangval chuan an rawn chhawm ve zel bawk a, khawtual valin rammu te an chhawk tawh a, Val upa Buanga thu ang chuan kut erawh an thlak ta lo! Mipui hlim thawm a rin em avang chuan tam zawkin an hre pha lo mai a ni. Seifate tualah chuan inpawngnekna, inrumnekna hian thla a zar reng a, mihrang te mihranga an than nan mi eng emaw zatin nun an chan a ngai si ṭhin. Chung hnehna in a kentel lusunna chuan khua tin a fang chhuak a, a deng chhuak a, thuahriat hnuaia zal turin mittui nen an thlah a! Chung mihuai kalta te thisen erawh a thlawna piallei daia luangral lovin mihrang nun zir thinlungah an lungphu phut ruala phu tel turin huaisenna a tuh ṭhin! Khaw chhung an thleng ta, mi lu chu an lal thupek angin hawn lo mahse, ral tam tak an that ngei si a. A finfiahna hmuh tur a awm miau mai bawk si. Lal mual an thleng ta, an rallak Silai an han dah khawm a mipui in an han hmu chu Phung Palian hmu ang mai chu an ni. Chung Silai zozai zawng thlamuanpui tham a tling ngei ang le! Lal leh pasalṭha ten thu an han sawi nual a, mipui pawh an hlim avang chuan an ri laih laih a, Lal nula te chuan Mihrang rammu te chu Haizang no hmang chuan Nopui an lo dawm tir zel bawk a, chung mihrang No chawi te zawng an hawi lur mai a ni. Thangnghilhlova leh Raltawna chu a langsar pawl an ni, nula te mit fukna ber an ni a. Lal nula te pawh an bang bik hauh lo nia.
Lal mual aṭanga mipui nawlpui an ṭin hnu chuan mihrang ho an la hnufual a, an mi mante chu lal tualah an rawn khalhkhawm ta thung a. Lal Saitluanga leh upa ho chuan an mi mante chu an han enkual a, chutah rawn ṭawngchhuakin,
" Tualvum mihrang te u, in chunga thil thleng kha pawi kan tihpui viau che u, amah erawh chu in cho chhuah ngei a ni si a! In chungchang thu hi kan rel tawh na a, pasalṭha te nen kan sawiho leh hnuah thu thlukna inla hria ang!" nelawm hauh lo chuan an ti a.
Tualvum tlangval ho chu an ngawi ṭhap mai a, an zinga Buansiama ṭawng duhtui lo tak chu rawn khuh kharh kharh in,
" Chu Lal ve meuhin thuthlukna pawh siam ngam lovin pasalṭha te i nghak a maw? Lal nep tak i nih dawn chu...!?" an rawn tichhuak chuan boruak a siam ṭang ta alh mai le.
Upa Talha huatzawng tak a lo ni nen, Lal ṭawng chhuah hma chuan Buansiama chu a tuksam ziala manin an khai ding lawp a,
" Kan pasalṭha te hi kan himna kulh an ni tih kan hria a, kawng engkimah an thu tlukna kan ngaichang ṭhin! Nangni hian ṭawng hun pawh in hre lo a ni... tlangval te u, hei kher hi chu zuah lo mai teh u!" tih pah chuan tlangval ho lamah an beng phei lawp mai a. Tlangval ho phur zawng tak alo ni bawk nen, an piai ta liam liam a! Pialral kawngah a hawi kawkva reng ngei ang!
......... .......... ...........
Tualvum lal inah thung chuan lungngaihna in thla a zar mek a, khatia tlangval ho ruang an zuk la kha ṭum khatah zo thei hek lo le! Ṭum hnih lai an thawk chhuak a, Tuitun hnar kina an tlangval te ruang chu an la kim ta! Tualvum lal hian tlawm chiah hmabak a nei ta, a nih loh vek leh a unaute pun chu a hmabak a ni ta! Lungngai taka an ṭhut lai chuan Lal inah chuan mikhual an rawn dak lut ta tlat mai le!
( chhunzawm tur)
.......M. Lusei Palian.......
BUNG 14 NA
......... ........ .........
Chutah le, khawchhung lam chuan an pasalṭhate leh tlangval rammu a chhuak an hlawhtling hle tih inhrilh hran ngai lovin an hre leh ta! Tlai lama an thu leng hriat chu nemngheh a ni ta, Val upa Buanga te ho pawh an phur hle a, Zawlbuk aṭang chuan Kawtchhuah a mihrangte chu Chengrang rawlin an lo chhawn ve zat a. Kawtchhuah lam a mite pawh chuan bawhhla a khat tawkin an chham ve reng bawk a, Lal tualah lah chuan Darkhuang a khat tawkin a tuvu reng tawh mai le! Nula te lah chuan an arkeziak an tuaihnum a, mihrangte hmuah hun ngawt chu an suangtuah ber a ni ta! Hringnunah hian thil lo thleng tur nghahhlelhna hian hun hi alo thunun ṭhin niin a lang. Nghahhleh neih hian hun a kalmuang ṭhin e mai! Puklui lam tan lah zanmu han chhin hleihtheih ni hek lo le!
Khawchhunga pathlawi vengva deuhte chuan pasalṭha te ngal tha hah dawmna tur bel an pu a, kawtchhuah lamah an va dah a. Inbiak erawh an la inbe bik lo, rammu hlawhtling te hi khawvar hma loh chuan pawh mai hi a thiang lova, ṭul bik thil a awm a nih chuan Sadawtin inthawina neiin a thual zat ṭhin!
Kawtchhuah Lungdawhah chuan tlangval hovin meipui an chhep a, pathlawi bengvarte bel pui rawn chhawp chhunga buhtui tuitawk leh tho ṭha tawka um ngei mai chu tukhum sai ngar ngarin an han fawp a. An hlim thawm chu a ring viau a ni, Zawlbuk lam aṭang lah chuan a khat tawkin Silai ri chu an hre ve reng a, khawchhung tlangval pawh an mu thei bik lo a ni. Tualvum pasalṭhate tan erawh chuan rorelna an hmachhawn hun an hnaih tial tial a, damin an laitual an mawi leh an ring tawh lo hial mai!
Chu zan khaw thiang tak, zan lam ropuina seifate tual mawitu mawina chhim phak a Puklui kawtchhuaha awm mek Tualvum lal nula Lalngovi hmel chu tawrh a har ngei mai! A ngaihla tawk lek chuan mei eng chuan a chhun a, tlangval tan zawng thlir tawh tihreng a awm thei lo. An thlir nawn sek mai a, Thangnghilhlova lamah hlir chu lal nula mit chu a fu thung. Thangnghilhlova lah chuan chu lal nula chu a melh tawh der lo, pasalṭha Chala nen chuan eng emaw an sawi dun leh zauh ṭhin! Raltawna te pawh Buktea te ho nen an hlim ve hle mai! Indona a thi te hi sarthi a ngaih an ni lova, khaw tana nun chantate chu zah takin an zalh a, tlema lungchhe zual chuan an va ṭah leh zeuh ṭhin bawk a. An chikim takzet a ni. Zanlai hun a awm hlei thei lova, a khat tawkin Silai ah chuan zen chauh thunin an kap ul ul reng a, Puklui khua chuan hetiang hun hi an tawng khat bawk a a ropui kher mai!
Hunbi hriltu ten hunbi an hril reng a, zan lam ropuina te an liam ta pheuh pheuh a, khawvar a hnai ta! Puklui tlangval lah chuan uar takin chengrang rawl an au tir a, khawchhung lam lah an inring tawh hle! Nula ho lah arkeziak nen an tei thuak thuak tawh a. Khua han var chiang se an ti tawh hle a ni. An nghahhlelh khua a var ta, Lal leh upa te chuan Lungdawh lam an pan ta. Lal Saitluanga chuan Vakul chang tawn ngau in ngen hmel takin a pen vei nghat nghat a. An hnungah tlangvalin Darkhuang nen an zui a, a vaw tuvu hlurh hlurh reng a, nula lam lah an parh ṭha, arkeziak te leh ṭhimal te chu an lek far mai a, tin Haizang no hian zu thlum ber nia an hriat an chawi tel bawk a. Lal nula te pahnih pawh an ropuina nen an inthuam a, lal nu te, mi ṭha nupui leh tlangchhuak nuho lah chuan ṭhimal bo lo, ṭhihna tum leh ṭhifen chenin rammu a chhuak mihrang te pek tur an lo keng ve bawk a. Lal leh upa ten kawtchhuah an thleng ta, Silai puak a nasa kher mai! Pawi hawl zawnga puak a ni lova, lawmna in a kentel hnehna chhawm a ni.
Chutah nula ho leh mi ṭha nupui te an rawn thleng ve ta, an lawmpa te, an hmel duh tlangval te chu arkeziak banin an zu thlum te chu an han hlan a. Thihna te ṭhimal te an dawng ta zut mai a. Thangnghilhlova alangsar nalh mai, Lal nula Saimawii chuan ngaihla taka han melhin ṭhihna alo hlan tlat mai le! A piah deuh aṭanga lo thlir rengtu Chalmawii chuan rilru no nghalh hian a lo thlir thung a. Lal fanu a kal kian hnu chuan ava pan ve ta, Chalmawii leh Thangnghilhlova mitmeng han intawng chiah chu le.... ṭawng lo hian thu an va sawi hnem teh kher em! Chalmawii mitmeng erawh a buai ta nak mai le, dem leh sel theih ni hek lo le! Lal Saitluanga chuan Tualvum lal nula chu an pan a, han melh vang vangin,
" Puklui khuaah kan lo lawm a che, Lo haw tawh, eng mahin an tina lovang che...!" dam thlap hian an ti a. Lal fanu te chuan an lo hnaih vat a, Tualvum lal nula hmel ṭi dai, ṭha tak si chu an lainat kher mai! Lalngovi, Kawisariheni chu an han thlir a, an hnaih a, hmelma en hauh lo chuan an kai ta! Lal Saitluanga pawh chuan a lo thlir ve vung vung a, chutah pasalṭha Chala chu han melhin,
" Pasalṭha, in thawh hlawk hle mai ka ti, ka chhuang hle mai che u, in naute ṭhenkhat kan tana nunhlan ta te hi vui liam zet ila, kan hrang lam dawn nia, ropui rel pawh a ngai dawn ta!" a ti chhuak a. Pasalṭha Chala chu a lo bu nghat a.
Khawchhung lam pan chuan an kal ta, a khat tawkin silai a ri ul ul a, khaw mipui chu an kokim hle a, hnung lamah erawh khaw tana nun hlantu te chu an lo ṭah ngai ngai bawk a.An miman te pawh a hnung lamah tlangval chuan an rawn chhawm ve zel bawk a, khawtual valin rammu te an chhawk tawh a, Val upa Buanga thu ang chuan kut erawh an thlak ta lo! Mipui hlim thawm a rin em avang chuan tam zawkin an hre pha lo mai a ni. Seifate tualah chuan inpawngnekna, inrumnekna hian thla a zar reng a, mihrang te mihranga an than nan mi eng emaw zatin nun an chan a ngai si ṭhin. Chung hnehna in a kentel lusunna chuan khua tin a fang chhuak a, a deng chhuak a, thuahriat hnuaia zal turin mittui nen an thlah a! Chung mihuai kalta te thisen erawh a thlawna piallei daia luangral lovin mihrang nun zir thinlungah an lungphu phut ruala phu tel turin huaisenna a tuh ṭhin! Khaw chhung an thleng ta, mi lu chu an lal thupek angin hawn lo mahse, ral tam tak an that ngei si a. A finfiahna hmuh tur a awm miau mai bawk si. Lal mual an thleng ta, an rallak Silai an han dah khawm a mipui in an han hmu chu Phung Palian hmu ang mai chu an ni. Chung Silai zozai zawng thlamuanpui tham a tling ngei ang le! Lal leh pasalṭha ten thu an han sawi nual a, mipui pawh an hlim avang chuan an ri laih laih a, Lal nula te chuan Mihrang rammu te chu Haizang no hmang chuan Nopui an lo dawm tir zel bawk a, chung mihrang No chawi te zawng an hawi lur mai a ni. Thangnghilhlova leh Raltawna chu a langsar pawl an ni, nula te mit fukna ber an ni a. Lal nula te pawh an bang bik hauh lo nia.
Lal mual aṭanga mipui nawlpui an ṭin hnu chuan mihrang ho an la hnufual a, an mi mante chu lal tualah an rawn khalhkhawm ta thung a. Lal Saitluanga leh upa ho chuan an mi mante chu an han enkual a, chutah rawn ṭawngchhuakin,
" Tualvum mihrang te u, in chunga thil thleng kha pawi kan tihpui viau che u, amah erawh chu in cho chhuah ngei a ni si a! In chungchang thu hi kan rel tawh na a, pasalṭha te nen kan sawiho leh hnuah thu thlukna inla hria ang!" nelawm hauh lo chuan an ti a.
Tualvum tlangval ho chu an ngawi ṭhap mai a, an zinga Buansiama ṭawng duhtui lo tak chu rawn khuh kharh kharh in,
" Chu Lal ve meuhin thuthlukna pawh siam ngam lovin pasalṭha te i nghak a maw? Lal nep tak i nih dawn chu...!?" an rawn tichhuak chuan boruak a siam ṭang ta alh mai le.
Upa Talha huatzawng tak a lo ni nen, Lal ṭawng chhuah hma chuan Buansiama chu a tuksam ziala manin an khai ding lawp a,
" Kan pasalṭha te hi kan himna kulh an ni tih kan hria a, kawng engkimah an thu tlukna kan ngaichang ṭhin! Nangni hian ṭawng hun pawh in hre lo a ni... tlangval te u, hei kher hi chu zuah lo mai teh u!" tih pah chuan tlangval ho lamah an beng phei lawp mai a. Tlangval ho phur zawng tak alo ni bawk nen, an piai ta liam liam a! Pialral kawngah a hawi kawkva reng ngei ang!
......... .......... ...........
Tualvum lal inah thung chuan lungngaihna in thla a zar mek a, khatia tlangval ho ruang an zuk la kha ṭum khatah zo thei hek lo le! Ṭum hnih lai an thawk chhuak a, Tuitun hnar kina an tlangval te ruang chu an la kim ta! Tualvum lal hian tlawm chiah hmabak a nei ta, a nih loh vek leh a unaute pun chu a hmabak a ni ta! Lungngai taka an ṭhut lai chuan Lal inah chuan mikhual an rawn dak lut ta tlat mai le!
( chhunzawm tur)
ka first hlauh mai a,vannei hle mai
ReplyDeletengaihnawm ṭhin khawp mai.mizo zia,kan pipu hunlai ah te min chen thar tir nite hian ka inhria
pui rep rep hle mai
A ngaihnawm thin e,
ReplyDeleteNext a nghahhlelh awm thin a ni
Ngaihnawm thin ve.
ReplyDeleteKa va kham lo thin tak.. Next nghahhlehawm thin teh e
ReplyDelete