PASALṬHA THANGNGHILHLOVA BUNG 13 NA
PASALṬHA THANGNGHILHLOVA
.......M. Lusei Palian.......
BUNG 13 NA
......... ........ .........
" Tunah zawng tlangval tih tur kan nei ta lo maw! Eng aiah nge remthu kan sawi mai lovang ni...! Kan zahve pawh tlinglo in kan buzawl an luhchhuah thei ngat mai si! Ka unaute chuan min enhniam ngawt ta ve ang! Kan Lalngovi avang pawh hian tlawmzawk kan nih mai a ngai ta a nih hi!" tih pah chuan a ṭhu leh ta. A rilru erawh a nat hmel hle a ni.
Upa Bilha chuan tlangvalte chu an en a, Bawlpu hmu turin a tir ta a. Ala ṭawngchhuak duh chiah lo a ni. Upa Sangduna erawh hnar khawn ang a ni ta! A vaibel chu an fawp kawk kawk a, zing lamah a lo lem hnem deuh nen a pawr hle a, rawn ṭawngchhuak nghal in,
" Lalpa...eng aiah nge remthu kan sawi ang ni. Tihtak emah chuan i unaute pawh kan pun mai tur lah ni, Nisapui leh Khanpui khua pawhin kan tha an ba ve bawk alawm! Kamlova theih loh lai a ni chu a pawi takzet a ni, i unaute hnena kal i tih chuan ka inpeih reng e.Kan siper pawh zah lo hma a han tlawm chu ka lai a na em a ni!" a ti ṭeng per chhak a.
Upa Zikpuia chuan, " Lalpa, hmalak dan tur a sawi zui theihah ka ngai a, ( aw an thian leh te te a) thil kal dan hi han thlir ve u la ka ti hle mai. Khuanu hi kan lamah aṭang lo nge kan Sa biak lai a nuar zawk ni..! Hmelma, leido kan neih ve leh Sapui huangtau kan kawl chhunzawm zat a, khu pui engtia han tihtur chu ni maw? Kan Sapui kan tlangvalten an han dah ṭha a, chutah remruatna fing tak hmanga beih kan ni a, Zawlbuka tlangval hmanrua zawng kan chan a, kan lal fanu nen, chumai a ni lo, kan tlangvalte Tuitun hnarkinah ruang chaicheh an la thlak khum zui ta cheu mai! Remruatna fing fe hmanga run kan ni, kan tlangvalte ruang lak a ngai a, Puklui lam hian an mi mante tlannan eng thil leh engzat tak phut ang maw, hei hi kan ngaihtuah a ngai hmasa dawn lo'm ni?" dawn thui leh hmathlir thiam tak chuan an tichhuak a.
Upa Bilha chuan rawn tuihnihin, " Upa Zikpuia, thu kha ka ṭawm e, kan tlangvalte ruang la tur a apa chhuaka liam kan ngai ta! Puklui pasalṭhate remruatna kan dang zo ta lo a ni ber e. Thinlung lam tlawm lo chungin kan tlawm a ngai ta a ni e!" a tichhuak ve leh ta a.
Upa Sangduna pawh a meng ram ram tawh mai! Ama ruahmanna leh a thil tih avanga tun dinhmun hi thleng an ni si! A ni ngei a, Puklui lal Saitluanga a huatna a dai thei lova. Kawrvai len laia tlangval a rawn tirh tlem avanga a fapa Sangliana kha boral ta ah angai tlat a ni. Ni, Puklui hian thih ngam lupu in an rawn dinpui ngei a, phaw khat inṭawmin Kawrvai an rawn bei ngei a, mahse a fapa aiin Puklui khua a dahhniam zawk ngat mai si. A vanduai pawlah a ṭang tih kha a pawm thei ngang lo a ni. A ruahman rukna ah kha chuan Puklui khua nuai chimih tura an thawhchhuah rum rum kha a ring a ni.
Laltawna chuan aw an thian leh a, " Tlangaupa, khaw chhunga mipa in awm zawng muala kal khawm turin va au tawh. Sapui khu a lu la se, a ruang khu chu tlangval in hlawm teh se. Kan tlangvalte ruang la turin a pa chhuak a kan thawhchhuah a ngai ta a ni e. Kan tlangval te ruang han thlak fel ila, an chhungte pawh an zahawm a, an mitmu keh hma in ro kan nei dawn nia!" a ti chhuak a. Tumah ṭawng zui reng an awm tawh lo.
Lalnu erawh a lung dam thei lo, sutpui chu a vuan leh ṭhin! Nu tan zawng rila rah fate hmelma hnuaia kun tur chu dawn thiam a har ngawt ang le! Ngurpui lal lai duhthing lena leng thei, sal ni tura han man ngat zawng, dawn chian chuan hrilh thiam a har dawn a ni. Laltawna pawh eng ruai a ni lo, a thinlung tlawm tawh chu a phawrh lo mai a ni. Tlangaupa chuan khawchhunga mipa ho an aukhawm chiam na a, hmai uan pui tham tlangval an awm ta lo a ni e. In tin a nu ho chu an ṭap chuah chuah mai a, uluk zawka han ngaihthlak phei chuan ṭap thei zawng zawng an ṭap ta emaw tih mai tur a ni. Tualvum khua hian an chunga thleng thei lo tur emaw an tih an hmachhawn ta! Lal te ropuina hi zawng pasalṭhate remhriatna leh tlangval ho an kaihhruai danah a lang ṭhin a. Pasalṭha te an huaisen a ralrel an thiam a khawchhung himna an ngaih pawimawh zawh poh leh Lal te an hming a ṭha ṭhin!
Puklui lam thung chu tlangval ho an hlim viau na a, an ṭhiante ruang zawn pawl an awm bawk a, tlangval sal sarih lai an chan ve thova an lawm akim chuang lo. Tlangval boralta te chu pasalṭha Chalan an thlir a, a ralrel fuh chiah loh vang a ni tih a hrechiang a hrehawm a ti hle mai! An chhungten han ṭahkhum ta se, chhanna a haihchham ngawt ngei ang. Hnehtu nih hi hlimna kim a ni bik hauh lova, nun a rum vawng vawng chang a awm ve tho a ni. Pasalṭha Hingliana chuan tlangval pahnih chu Lal Saitluanga hnena thu thlen turin a tir chhuak a, an ni lah hmanhmawh fe in an liam zat mai si! An thleng har lo tawp ang le! Pasalṭha Hingliana hian khaw thim hnu a khaw luhpui a tum avangin an hmanhmawh lo hle a, Mualthum pengah chuan an chawlhpui ta!
Tualvum lal fanu pawh a biang a sen tek tawh mai a, a ṭha telh telh emaw tih mai tur hi a ni thung! Thangnghilhlova nen chuan an mitmeng a intawng leh zauh ṭhin a, thu a sawi fiah chi ni hian alang lo. Lalngovi hian amah ru chhuaktu tlangval hmel ṭha leh pianthiam tak hi 'a hmelma thlir thei hauh dawn lo' niin alang. An kal pah a Lalngovi vangvat kai rawn lak sak chat chat thei tlangval pawh hi a mitmeng a awm hla hauh lo chu a ni. Mahse daidangtu lungbang sut keh rual loh su tur chuan mi naran chunglam nih a ngai ngei dawn si! Mualthuam pengah chuan an chawfun te han bar lehin an mi man te pawh eitur an hlui ve ta a. Tualvum pasalṭha te pawh chuan Puklui lam thil tih dan mak an ti ve hle mai! An hmelma en pumhlum hauh lo niin a lang tlat a ni. Chu a chhapah hliam nei ho pawh ramhmul damdawi an hnawihsak ve thlap kha a ni.Ni, pasalṭha tak tak te chuan a hunah chuan an hmelma te chungah pawh khawngaihna an lan chhuahtir ṭhin!
Lalngovi pawh chuan Puklui lamin eitur an hlui tlem azawng chu a ei ve ta a. A rilṭam zia a hria a, tam erawh a ei thei hauh lo. Pasalṭha Chala hian Laltawna unaute lo lian tur vennan Lalngovi kawl hi ṭha ber hian a hria a, chuvanga hruai tel chu an ni. Laltawna hian unaute a ngah phian a, an ṭanrual ngat zawngin khaw sarih pawhin an dang zo lo hial ang. Chung ṭangrual tur lo dan beh dan awmchhun chu Lalngovi lo kawl chiah hi a nih avangin a naute zinga a mi rin ber man tir kha a tihtur a ni tlat si! Pasalṭha tan hian vawi leh khata hmelma tam thei ang thah hi hnehna a ni mai lova, hmelma lo lian leh thei lo dan tel thiam hi pasalṭha ropui zia a ni. Chung ruahmanna erawh pasalṭha ah pawh mibik te chauhin an nei thung.
Lal Saitluanga In ah chuan Puklui upa ho an ṭhu khawm far a, Upa Hawla te, Upa Talha te leh Upa Khailiana te ho chuan an pasalṭha te chin chu an lo ngaihruat sawi a. Lalnu bel phai thei lo chu Saimawii chuan dawn fung nen an chhawp a, a chhawptu lahin a zir bawk a, tukhum sai nger nger chuan an han dawn a an chimsang ṭan hle a ni. Pasalṭha Chala ralrel a sual an ring lo, hlawhtling taka an lo haw an ring hle a ni. Behliang mun hun a nih meuh chuan Pasalṭha Hinga tlangval tirhte pawh chuan kawtchhuah an rawn thleng ta! Phur taka han penin Lal in an pan ta, an phei khai a zang hle a ni. Khawtual mi lah chuan an chin zawh chak em em in an lo thlir a, lo biak lum lam vak chi ala ni si lo.
Lal tual an thleng a, Lal inchhung boruak pawh a lo zang hle a chutah luh an han dil a, Lal nula Saipari chuan zang fe hian alo chhawn zat a, tlangval te chu an lut ta. Lal Saitluanga chuan lo thlir vang vangin,
" Saii, an dang a ro a nge, kha lo ti ṭha hle teh!" hawihhawm tak chuan an ti a.
Tlangval Zuiliana chuan, " Lalpa, pasalṭha Hingliana leh Chala te mi tirh kan ni e! Kan chet a fuh a, Tualvum tlangval kan chimih ṭhelh a, a damchhuak ho kan rawn kai e. Keini pawh kan him kim bik lo, An lal fanu Lalngovi pawh kan rawn kai tel e! Zanin hian dai an rawn thleng ang..." a ti chhuak a.
Lal leh upa ho boruak lo ṭha sa nen, an hlim lutuk chuan chhuatpui an lo beng a. Lal Saitluanga pawh nui hui chung chuan,
" Tlangval te u, inngal tha hah ka lo dawm a nge, Saii lo duat teh u.Tualvum tlangval chu in chimih ṭhelh a ni maw? In zavaia him chu a har ngawt ang tih kan hria alawm " an ti chhuak leh a.
Chutah upa Talha chuan rang fe hian, " Zuilian, in chet dan chu a Hauhuk kai aṭangin han sawi teh u, kan thu hriat chak ber a ni!"a rawn tih chuan upa dangte pawhin an rawn thual ve hlawm a.
Zuiliana te ṭhian dun pawh chuan an han sawi ve ta par par a, thil sawi nuam a lo ni vei nen, an insawi chhawk ta a. Upa ho hmaah erawh a hming chauh in Haileng no chu an dawm ve a an hlim hle a ni. Puklui mihrangte chet dan chuan reilote chhungin khua a khah nghal a, hmelma kuta boral ta te an la hrechiang lo chuan an awm a ti nuam chiah lo a ni. Chutih rualin a che ṭha zawk an nih avang chuan an hlim hle lawi si!
Hringnun tinuamtu hram thiam chi tinten tlaini tlak dawn thleng chuan Seifate an awi a. Hunbi an hril reng bawk a, chutin khua pawh a lo thim ta! Zan lam ropuina te an rawn inlar a, chhum lah chu hawlhfai ang hlauh a ni a van boruak a thiang hle a ni. Arsi te pawh phe sep sepin enna an rawn chhuah ve hlawm a. Upa Talha fanu Chalnawii pawhin rammu te an rawn haw dawn tih a hria a, a thinlung chu a phu dup dup thei hial a ni. Lenghawn ar khuan hma hret chuan kawtchhuah lam aṭang chuan thawm an hre ta, an han ngaithla ṭhap a. Chutah pasalṭha Hingliana rawl ngei mai chuan,
" Arsi e thlapa chawh lo,
Ralvawng zalang ka duhin e,
Hawihkawm e, thanlung ṭhawn ka do,
Rim nampa ka tlun e....."
tiin bawhhla an chham ta a. Chu bawhhla chham zawh rual chuan Chengrang rawl an han au tir ta tak tak a le! Puklui mihrangte chuan Silai an hawn hnem hle tih chu an hre thei ngat mai! Chutah le...
( chhunzawm tur)
.......M. Lusei Palian.......
BUNG 13 NA
......... ........ .........
" Tunah zawng tlangval tih tur kan nei ta lo maw! Eng aiah nge remthu kan sawi mai lovang ni...! Kan zahve pawh tlinglo in kan buzawl an luhchhuah thei ngat mai si! Ka unaute chuan min enhniam ngawt ta ve ang! Kan Lalngovi avang pawh hian tlawmzawk kan nih mai a ngai ta a nih hi!" tih pah chuan a ṭhu leh ta. A rilru erawh a nat hmel hle a ni.
Upa Bilha chuan tlangvalte chu an en a, Bawlpu hmu turin a tir ta a. Ala ṭawngchhuak duh chiah lo a ni. Upa Sangduna erawh hnar khawn ang a ni ta! A vaibel chu an fawp kawk kawk a, zing lamah a lo lem hnem deuh nen a pawr hle a, rawn ṭawngchhuak nghal in,
" Lalpa...eng aiah nge remthu kan sawi ang ni. Tihtak emah chuan i unaute pawh kan pun mai tur lah ni, Nisapui leh Khanpui khua pawhin kan tha an ba ve bawk alawm! Kamlova theih loh lai a ni chu a pawi takzet a ni, i unaute hnena kal i tih chuan ka inpeih reng e.Kan siper pawh zah lo hma a han tlawm chu ka lai a na em a ni!" a ti ṭeng per chhak a.
Upa Zikpuia chuan, " Lalpa, hmalak dan tur a sawi zui theihah ka ngai a, ( aw an thian leh te te a) thil kal dan hi han thlir ve u la ka ti hle mai. Khuanu hi kan lamah aṭang lo nge kan Sa biak lai a nuar zawk ni..! Hmelma, leido kan neih ve leh Sapui huangtau kan kawl chhunzawm zat a, khu pui engtia han tihtur chu ni maw? Kan Sapui kan tlangvalten an han dah ṭha a, chutah remruatna fing tak hmanga beih kan ni a, Zawlbuka tlangval hmanrua zawng kan chan a, kan lal fanu nen, chumai a ni lo, kan tlangvalte Tuitun hnarkinah ruang chaicheh an la thlak khum zui ta cheu mai! Remruatna fing fe hmanga run kan ni, kan tlangvalte ruang lak a ngai a, Puklui lam hian an mi mante tlannan eng thil leh engzat tak phut ang maw, hei hi kan ngaihtuah a ngai hmasa dawn lo'm ni?" dawn thui leh hmathlir thiam tak chuan an tichhuak a.
Upa Bilha chuan rawn tuihnihin, " Upa Zikpuia, thu kha ka ṭawm e, kan tlangvalte ruang la tur a apa chhuaka liam kan ngai ta! Puklui pasalṭhate remruatna kan dang zo ta lo a ni ber e. Thinlung lam tlawm lo chungin kan tlawm a ngai ta a ni e!" a tichhuak ve leh ta a.
Upa Sangduna pawh a meng ram ram tawh mai! Ama ruahmanna leh a thil tih avanga tun dinhmun hi thleng an ni si! A ni ngei a, Puklui lal Saitluanga a huatna a dai thei lova. Kawrvai len laia tlangval a rawn tirh tlem avanga a fapa Sangliana kha boral ta ah angai tlat a ni. Ni, Puklui hian thih ngam lupu in an rawn dinpui ngei a, phaw khat inṭawmin Kawrvai an rawn bei ngei a, mahse a fapa aiin Puklui khua a dahhniam zawk ngat mai si. A vanduai pawlah a ṭang tih kha a pawm thei ngang lo a ni. A ruahman rukna ah kha chuan Puklui khua nuai chimih tura an thawhchhuah rum rum kha a ring a ni.
Laltawna chuan aw an thian leh a, " Tlangaupa, khaw chhunga mipa in awm zawng muala kal khawm turin va au tawh. Sapui khu a lu la se, a ruang khu chu tlangval in hlawm teh se. Kan tlangvalte ruang la turin a pa chhuak a kan thawhchhuah a ngai ta a ni e. Kan tlangval te ruang han thlak fel ila, an chhungte pawh an zahawm a, an mitmu keh hma in ro kan nei dawn nia!" a ti chhuak a. Tumah ṭawng zui reng an awm tawh lo.
Lalnu erawh a lung dam thei lo, sutpui chu a vuan leh ṭhin! Nu tan zawng rila rah fate hmelma hnuaia kun tur chu dawn thiam a har ngawt ang le! Ngurpui lal lai duhthing lena leng thei, sal ni tura han man ngat zawng, dawn chian chuan hrilh thiam a har dawn a ni. Laltawna pawh eng ruai a ni lo, a thinlung tlawm tawh chu a phawrh lo mai a ni. Tlangaupa chuan khawchhunga mipa ho an aukhawm chiam na a, hmai uan pui tham tlangval an awm ta lo a ni e. In tin a nu ho chu an ṭap chuah chuah mai a, uluk zawka han ngaihthlak phei chuan ṭap thei zawng zawng an ṭap ta emaw tih mai tur a ni. Tualvum khua hian an chunga thleng thei lo tur emaw an tih an hmachhawn ta! Lal te ropuina hi zawng pasalṭhate remhriatna leh tlangval ho an kaihhruai danah a lang ṭhin a. Pasalṭha te an huaisen a ralrel an thiam a khawchhung himna an ngaih pawimawh zawh poh leh Lal te an hming a ṭha ṭhin!
Puklui lam thung chu tlangval ho an hlim viau na a, an ṭhiante ruang zawn pawl an awm bawk a, tlangval sal sarih lai an chan ve thova an lawm akim chuang lo. Tlangval boralta te chu pasalṭha Chalan an thlir a, a ralrel fuh chiah loh vang a ni tih a hrechiang a hrehawm a ti hle mai! An chhungten han ṭahkhum ta se, chhanna a haihchham ngawt ngei ang. Hnehtu nih hi hlimna kim a ni bik hauh lova, nun a rum vawng vawng chang a awm ve tho a ni. Pasalṭha Hingliana chuan tlangval pahnih chu Lal Saitluanga hnena thu thlen turin a tir chhuak a, an ni lah hmanhmawh fe in an liam zat mai si! An thleng har lo tawp ang le! Pasalṭha Hingliana hian khaw thim hnu a khaw luhpui a tum avangin an hmanhmawh lo hle a, Mualthum pengah chuan an chawlhpui ta!
Tualvum lal fanu pawh a biang a sen tek tawh mai a, a ṭha telh telh emaw tih mai tur hi a ni thung! Thangnghilhlova nen chuan an mitmeng a intawng leh zauh ṭhin a, thu a sawi fiah chi ni hian alang lo. Lalngovi hian amah ru chhuaktu tlangval hmel ṭha leh pianthiam tak hi 'a hmelma thlir thei hauh dawn lo' niin alang. An kal pah a Lalngovi vangvat kai rawn lak sak chat chat thei tlangval pawh hi a mitmeng a awm hla hauh lo chu a ni. Mahse daidangtu lungbang sut keh rual loh su tur chuan mi naran chunglam nih a ngai ngei dawn si! Mualthuam pengah chuan an chawfun te han bar lehin an mi man te pawh eitur an hlui ve ta a. Tualvum pasalṭha te pawh chuan Puklui lam thil tih dan mak an ti ve hle mai! An hmelma en pumhlum hauh lo niin a lang tlat a ni. Chu a chhapah hliam nei ho pawh ramhmul damdawi an hnawihsak ve thlap kha a ni.Ni, pasalṭha tak tak te chuan a hunah chuan an hmelma te chungah pawh khawngaihna an lan chhuahtir ṭhin!
Lalngovi pawh chuan Puklui lamin eitur an hlui tlem azawng chu a ei ve ta a. A rilṭam zia a hria a, tam erawh a ei thei hauh lo. Pasalṭha Chala hian Laltawna unaute lo lian tur vennan Lalngovi kawl hi ṭha ber hian a hria a, chuvanga hruai tel chu an ni. Laltawna hian unaute a ngah phian a, an ṭanrual ngat zawngin khaw sarih pawhin an dang zo lo hial ang. Chung ṭangrual tur lo dan beh dan awmchhun chu Lalngovi lo kawl chiah hi a nih avangin a naute zinga a mi rin ber man tir kha a tihtur a ni tlat si! Pasalṭha tan hian vawi leh khata hmelma tam thei ang thah hi hnehna a ni mai lova, hmelma lo lian leh thei lo dan tel thiam hi pasalṭha ropui zia a ni. Chung ruahmanna erawh pasalṭha ah pawh mibik te chauhin an nei thung.
Lal Saitluanga In ah chuan Puklui upa ho an ṭhu khawm far a, Upa Hawla te, Upa Talha te leh Upa Khailiana te ho chuan an pasalṭha te chin chu an lo ngaihruat sawi a. Lalnu bel phai thei lo chu Saimawii chuan dawn fung nen an chhawp a, a chhawptu lahin a zir bawk a, tukhum sai nger nger chuan an han dawn a an chimsang ṭan hle a ni. Pasalṭha Chala ralrel a sual an ring lo, hlawhtling taka an lo haw an ring hle a ni. Behliang mun hun a nih meuh chuan Pasalṭha Hinga tlangval tirhte pawh chuan kawtchhuah an rawn thleng ta! Phur taka han penin Lal in an pan ta, an phei khai a zang hle a ni. Khawtual mi lah chuan an chin zawh chak em em in an lo thlir a, lo biak lum lam vak chi ala ni si lo.
Lal tual an thleng a, Lal inchhung boruak pawh a lo zang hle a chutah luh an han dil a, Lal nula Saipari chuan zang fe hian alo chhawn zat a, tlangval te chu an lut ta. Lal Saitluanga chuan lo thlir vang vangin,
" Saii, an dang a ro a nge, kha lo ti ṭha hle teh!" hawihhawm tak chuan an ti a.
Tlangval Zuiliana chuan, " Lalpa, pasalṭha Hingliana leh Chala te mi tirh kan ni e! Kan chet a fuh a, Tualvum tlangval kan chimih ṭhelh a, a damchhuak ho kan rawn kai e. Keini pawh kan him kim bik lo, An lal fanu Lalngovi pawh kan rawn kai tel e! Zanin hian dai an rawn thleng ang..." a ti chhuak a.
Lal leh upa ho boruak lo ṭha sa nen, an hlim lutuk chuan chhuatpui an lo beng a. Lal Saitluanga pawh nui hui chung chuan,
" Tlangval te u, inngal tha hah ka lo dawm a nge, Saii lo duat teh u.Tualvum tlangval chu in chimih ṭhelh a ni maw? In zavaia him chu a har ngawt ang tih kan hria alawm " an ti chhuak leh a.
Chutah upa Talha chuan rang fe hian, " Zuilian, in chet dan chu a Hauhuk kai aṭangin han sawi teh u, kan thu hriat chak ber a ni!"a rawn tih chuan upa dangte pawhin an rawn thual ve hlawm a.
Zuiliana te ṭhian dun pawh chuan an han sawi ve ta par par a, thil sawi nuam a lo ni vei nen, an insawi chhawk ta a. Upa ho hmaah erawh a hming chauh in Haileng no chu an dawm ve a an hlim hle a ni. Puklui mihrangte chet dan chuan reilote chhungin khua a khah nghal a, hmelma kuta boral ta te an la hrechiang lo chuan an awm a ti nuam chiah lo a ni. Chutih rualin a che ṭha zawk an nih avang chuan an hlim hle lawi si!
Hringnun tinuamtu hram thiam chi tinten tlaini tlak dawn thleng chuan Seifate an awi a. Hunbi an hril reng bawk a, chutin khua pawh a lo thim ta! Zan lam ropuina te an rawn inlar a, chhum lah chu hawlhfai ang hlauh a ni a van boruak a thiang hle a ni. Arsi te pawh phe sep sepin enna an rawn chhuah ve hlawm a. Upa Talha fanu Chalnawii pawhin rammu te an rawn haw dawn tih a hria a, a thinlung chu a phu dup dup thei hial a ni. Lenghawn ar khuan hma hret chuan kawtchhuah lam aṭang chuan thawm an hre ta, an han ngaithla ṭhap a. Chutah pasalṭha Hingliana rawl ngei mai chuan,
" Arsi e thlapa chawh lo,
Ralvawng zalang ka duhin e,
Hawihkawm e, thanlung ṭhawn ka do,
Rim nampa ka tlun e....."
tiin bawhhla an chham ta a. Chu bawhhla chham zawh rual chuan Chengrang rawl an han au tir ta tak tak a le! Puklui mihrangte chuan Silai an hawn hnem hle tih chu an hre thei ngat mai! Chutah le...
( chhunzawm tur)
va ngaihnawm ṭhin tak em!!!!
ReplyDeleteNgaih nawm hle mai
ReplyDeleteNgaihnawm leh pek vele
ReplyDelete