PASALṬHA THANGNGHILHLOVA BUNG 12 NA
PASALṬHA THANGNGHILHLOVA
.......M. Lusei Palian.......
BUNG 12 NA
......... ........ .........
Hetih lai hian Huapzaua nauten an lung tian khawm an rawn sah ṭan a ni. Chutah le an han che ta tak tak a, a ri ta hum hum mai!Lung tian khawm chu an rawn chim thla ta hem hem mai a, Tualvum tlangval tan zawng vanpui chim ang mai hi a ni, na tuar chuan an inṭe chhawk a ni ber a, ṭhenkhat erawh phum leh pawh an ngai tawh kher lovang lung chuan a chhilh hneh ngang mai si! An kut in an lu an lo hliah na chuan a chhan zo ngang lova, hnung lam aṭang lahin ṭek khamphei in a um a, an tan zawng beisei a bo zo ta! Him dam la awm chu khawvar lam arsi ang pharh hi an ni tawh a, khua an chhuahsan dawna an pawr tehreng nen, tunah zawng thinglubul a zawng danbeh ang an ni ta! Lung rawn lum thla nasa tak a reh fel chiah a, pasalṭha Chala leh Thangnghilhlova te ho silai an puak leh ta tak tak a le, Tuitun hnar kin zawng thisen luanna hmunah a chang zo ta a. Tuitun lui pawh a luang sen ta nguai nguai mai le!
Val upa Kapruma chuan ring fe dar hup ran chung chuan,
" A tawk e, a tawk e....kan inpe e!" tiin a au chhuak ta a.
Dawihzep vang a ni lova, a naute chan kim vek a duh loh vang zawk a ni. Hruaitu ṭha chuan tlawm hun a hre ṭhin! A ni lova, chin hrilhtu tur pawh nei lova tluk zawh vek zawng pasalṭha tak kaihhruai an ni thei ngai lo.
Chutia Tualvum tlangval hruaitu in thei leh thei lova ban a phar takah chuan Puklui lam pawhin an rawn kap zui ta bik lo va. Pasalṭha Chala chu silai sawh sa kengin inzo fe hian lung chungah an per kai thauh thauh a, a hnungah Thangnghilhlovan a rawn zui zat a, hmelma lam an chian nghal zel a, an silai a tin chung chuan an khalhkhawm ta. Pasalṭha Hingliana te ho pawh rawn chhuk khawm ve thuai in Tualvum tlangval la dam chhun ho Sepa chhaih awm tawk vel lek chu an ṭingmit ta thluah hlawm a. Him pial an awm tawh bik lo, Nekliana pawh a hawi thi ve sung tawh a. A tum tawk tak tur Puklui tlangval Rodawla pawh a rawn pawr ve hle mai le! Hliam tenau deuh nei chu kutthak hnawihnan a rawn hmang phei ve vel chu a nia, Tualvum lama thal an thlah dawn a tin khur dur dur a ni tih a hriat tawh bik si lova, a huai hmel kuk kuk khawp tawh mai!
Hliam tuar zinga Tualvum pasalṭha Khuangliana chu pasalṭha Chala chuan an melh vang vang a, ṭawng chhuak zuiin,
" Khuanga, hei hi a ni lawm ni in duh ni? In cho chhuah ngei a ni si a, in lal chuan in ram zau tak hi a duhtawk lo a ni lo'm ni? " tiin ring takin thinrim awka chuan an ti a.
Pasalṭha Khuangliana chuan zamna mitmeng tel hauh lo chuan an melh a, tiauvuta chil han chhak pharh in,
" Pasalṭha, a fawng chelhtu in ni ta! Kan pasalṭha chu in lalin ngeiah lokir tawh lo turin in lo dah ṭha ani lo'm ni? Thu pawh sawi fel hma hauh in....! Kan lal fanu khawiah nge a awm?" thinrim tak chuan a ti chhuak ve ta a.
Pasalṭha Hingliana chu rawn ṭawngchhuak ve zatin,
"Tlangval....i sawi pasalṭha khan kan lal inchhung ngeiah buaina siamin hmanrua a lek hmasa asin! Kan tlangval ten an lo bin na deuh a ni, zah takin kan vui liam thlap asin! In upa pawh khan a hriat kha....! Nangni erawh chuan kan mi leh sate lu hnih lai an rawn khai haw a ni lo'm ni?" thinrim fe chuan a ti chhuak ve ta!
Val upa Kapruma leh pasalṭha Khuanga chu an inmelh ralh mai a. Nekliana pawh a meng khup zul tawh mai a, chutih lai tak chuan tlangval pahnihin Tualvum lal nula Lalngovi chu an rawn hruai thleng ve chiah bawk a, Lalngovi chuan chung thil rapthlak tak tak chu thlir hrehawm ava ti tehlul em! Indona hian rah duhawm a chhuah ngai lova, fahrah tam tak a siam zawk ṭhin tih a hrechiang ngawt ngei ang. Chu lal nula thlabar lutuk mitmeng chu an khawngaih kher mai, a dang hian a dang sawp sawp thei hial a ni. A rawn hawi chhuak leh chu Thangnghilhlova hawikual nen an mitmeng a intawng ta chat mai le! He tlangval, sakawl pian ṭha ang mai hian huhang ava nei ngah si em, amitmeng fim fiah fai fak te chu thlir nin a har si, huaisenna a thuam rinawmna a phuar a ni ngei ang.
Pasalṭha Khuangliana chuan thip fe hian Nekliana chu an melh ran a, thil engkim hretu a ni tlat si, chumai ni lo milu rawn khai hawtu a miau a. Tunah zawng an dinhmun a khirh ta takzet ta, Puklui lam hian eng tin ro nei dawn chu ni maw? Nekliana lah hliam a tuar ve nen, tiauvut chu a melh ngawt ngawt mai reng a, han sawi tur a nei tawh bik lo a ni. Pasalṭha Khuangliana chu han hawi chhuakin,
" Nizan lamah kan zawlbuk in rawn rawk tawh a, tunah lah in thangah kan awk zui a ni ta si, kan za chuan intan nun vek kan harsa ang a, amah erawh chu kan chin hrilh tur tlangval pahnih khat in zuah hram dawn nia! In tihtur chu han ti rawh u le!" zamna tel hauh lo chuan a ti chhuak ta a.
A ni renga pasalṭha vekin pasalṭha thinlung an hrethiam ṭhin! Pasalṭha Chala chuan Tualvum tlangval pahnih hliam na lutuk lo te chu an phih ding lawp a.An phuarna hrui chu na fe hian an zai chah sak a, rum fe a melh pah chuan,
" Thudik in chhakchhuak in ka ring chuang lova, in duh danin in lal hnenah han sawi ula, in lal fanu erawh lo dam hram kan tum ang!In tlangval te ruang hi inhlawm dawn nia, an lu erawh kan la lovang..." an ti chang fak a. Chem pakhat pe in a kaltir ta!
Midang ho chu an melh kual a, pasalṭha Hingliana chuan a rawn bekbawr zeuh a, rawn ṭawngchhuak zuiin,
" Khaw lam panpui nghal i la, chau chhe deuh kha chu dah ṭhat nghal mai tur! Lusei pui te lulak chu pasalṭha zia lo riau in ka hria, tlangval te u an lu kha chu la lo mai teh u...Ti ru le...!" a ti zui nghal a.
Puklui val rualte chuan an mi man te chu an chhawm ta, him pial awm hek lo an hawi thi sung mai a, Tualvum khaw lian zawk val rual la dam chhun te lai chu a na hle na a tihtheih an nei miau si lo a ni. Puklui khua an huphurh loh em em lakah an tlawm ta! Indona mualah hian tlangval tam tak hi thlamuanpuiawm viau ṭhin mahse hruaitu in a zir loh chuan engmah an ni hauh lo, pasalṭha remruatna ṭha tak nei hnuaia mi sawmhnih vel awmze neia che erawh dan zawh rual an ni ṭhin lo! Pasalṭha Chala ralrel thiamna chuan hnehna a chanpui miau si a. Thangnghilhlova chuan Lalngovi chu a chhawm a, chu lal nula hmelah chuan eng mah chhiar tur a awm tawh lo! Puklui val rual an bawr em em mai a, Silai thlamuanpui tham an hawn a, hmelma lam eng emaw zat nen khaw lam an pan ta nguah nguah a. Pasalṭha Chala chuan Tuitun hnar kinah tlangval sawm ṭha ala awm ruk tir ta thova!
Hetih lai mek hian Tualvum khaw lam pawh an lo la buai ve viau tho a, tlangval tlem la awm chuan zawlbuk leh inkang an ṭhelh mih tak thawm ṭhat hna an thawk ve mek a. Lal inah chuan upa ho an kalkhawm a, an tlangvalte an hlawhchham ring reng an awm lo! Upa Sangduna lah a ṭawng vei lur lur a, Puklui khua a huatna a zual a, a thu a rum hle zel a ni. Upa Zikpuia erawh ngaih ṭhat lohna ruk a nei thung, a sawi chhuak duh lem lo na a, an tlangval te a ngaihtuah ve hle tho! Zan lama duhtawka rawn rawk thei khan an chimih thei tih kha a hmuchiang em a ni. Laltawna erawh a ngaih a ngam thei lo, a fanu neihchhun chiah a rilru ah a awm thung, a thinlung chu a tlawm ṭan ta! Sawi chhuak lo mahse a hmelah chuan a chhiar thei tawh ngat mai!
Tualvum lalnu lah a puan hmawr hmang ṭangkaiin a mit aṭanga luangchhuak hmeichhe ralthuam ṭha mi han hruk hul nan chuan a hmang a. A lungrun tawk chuan a aw han lawi tham chal chuan,
" Ka Lalngovi lenna vangkhawpui leh sumtual hi,
Ka Lalngovi tello chuan a ngui ruai e,
Luaithli nen tlai ni ka thlir dawn em ni?"
an tih ngaih ngaih chuan upa ho a tihnim raih thei hial a. A lungno deuh phei chu an khap ve leh fak fak ṭhin! Upa Sangduna chu han pawr viau lo phei se chuan remna palai tirhchhuah an duh hial tawh ngei ang! Chhawllentlang lenbuang che te chuan thlifim a siam a, zo thlifim han thaw leh hak ṭhin te chuan hunbi a kal tir zel a, chaw chhun fak hun a ni ta! Khawchhunga pavalai deuh leh tlangval ho pawh chaw chhun fakin an chawl ta rih a.
Hun a liam a, ni suk chen a thlen hma deuh chuan Tualvum tlangval pahnihte chuan kawtchhuah an rawn thleng ta! An lal hnena thu lungchhiat thlak an han thlen tur chu an va hreh tehlul em! Kawng lakah chuan sawi dan tur an inhrilh dun sek kha a ni a, khawchhung chu an hnaih telh telh a an hreh telh telh ta! Phur lo takin hmalam an pan ve zel a, khawchhung an lut ta, mi lo biakna pawh chhang lo chuan thisen kai hnuang chuan lal in chu an pan ta zel a. A lo thlirtu te lah chuan an zui nghal zat zel, thu lungchhiatthlak an hawn an ring lo hle.
Lalin an thleng ta, lawi luh chu an han dil zat a, upa te chuan an lo chhawn rang hle mai! Chutah lal inah chuan thisen kho ro kai nungin an han lut ta, upa te ho chuan an thlir ṭhap a, Tualvum lalnu a insum zo ta lo, rang fe in tlangval te kiangah kalin,
" Khawnge ka Lalngovi chu...? A lo thleng ṭep em?" sam pawr phang chuan a lo ti chhuak a. A hmelah erawh thlaphanna leh manganna chuan a chenchilh tih a hriat hle, a khawngaih thlak hle a ni.
Laltawna chuan, " E...Ngovi nu..tlangvalte kha an hah a nge, han chawlh tir te te la, tlangval te u in thu ken chu han sawi ta che u!" a ti chhuak zat a.
Tlangvalte pawh an inmelh ta ralh a, chutah pakhat zawk chuan aw han thian in Lal leh upa te chu an melh a, rawn ṭawngchhuakin,
" Lalpa kan thu rawn thlen tur hi sawichhuah hrehawm kan ti hle a, khawngaihin min ngaidam dawn nia...( an ti hmasa a, an ngawi leh hlek a, upa ho lah an meng phar nak tawh mai!) Khatia Puklui tlangvalte kan um kha Tuitun hnar kinah eng emaw zatin min lo chang a, hnung lamah min ṭankhalh ta si nen, kan tlu zo lo chauh a ni. Silai lah kan kawl tlem nen, chet lak a har takzet a, him dam kan awm mang lo, hual beh kan ni a. Inpe lo thei kan ni ta lo, tunah zawng Tualvum khuaah hian tlangval tia sawi tur kan awm ta mang lo a ni! Kan ṭhiante ruang erawh Tuitun lui kamah an la mu a, tlem azawng kan pasalṭha leh val upa tiamin an ṭingmit a, an liam ta!!Lal fanu erawh ala dam ṭha e...." hrehawm ti tak chuan a sawi zo ta!
Lalin chhung chu Khuavangin a rawn luhchilh emaw tih mai tur hi a ni a. Khuavang liam hun awm velah chuan Tualvum lalnu chu ṭap chhuakin,
" Hmelma doralin min phingchil e,
Tui ang lianin val zawng chawnbanah kai e;
Ṭingmitin Tuitun ralah an kai liam e ka Lalngovi nen....!"
an ti deuh kher a. Ngaihthlak a nuam lo hle mai le, Laltawna pawh a dingchhuak zawt a, banglai lam a thlir a, upa te ho a melh kual te te a chutah rawn ṭawngchhuakin,
" Tunah zawng tlangval tih tur kan nei ta lo maw! Eng aiah nge....
( chhunzawm tur)
.......M. Lusei Palian.......
BUNG 12 NA
......... ........ .........
Hetih lai hian Huapzaua nauten an lung tian khawm an rawn sah ṭan a ni. Chutah le an han che ta tak tak a, a ri ta hum hum mai!Lung tian khawm chu an rawn chim thla ta hem hem mai a, Tualvum tlangval tan zawng vanpui chim ang mai hi a ni, na tuar chuan an inṭe chhawk a ni ber a, ṭhenkhat erawh phum leh pawh an ngai tawh kher lovang lung chuan a chhilh hneh ngang mai si! An kut in an lu an lo hliah na chuan a chhan zo ngang lova, hnung lam aṭang lahin ṭek khamphei in a um a, an tan zawng beisei a bo zo ta! Him dam la awm chu khawvar lam arsi ang pharh hi an ni tawh a, khua an chhuahsan dawna an pawr tehreng nen, tunah zawng thinglubul a zawng danbeh ang an ni ta! Lung rawn lum thla nasa tak a reh fel chiah a, pasalṭha Chala leh Thangnghilhlova te ho silai an puak leh ta tak tak a le, Tuitun hnar kin zawng thisen luanna hmunah a chang zo ta a. Tuitun lui pawh a luang sen ta nguai nguai mai le!
Val upa Kapruma chuan ring fe dar hup ran chung chuan,
" A tawk e, a tawk e....kan inpe e!" tiin a au chhuak ta a.
Dawihzep vang a ni lova, a naute chan kim vek a duh loh vang zawk a ni. Hruaitu ṭha chuan tlawm hun a hre ṭhin! A ni lova, chin hrilhtu tur pawh nei lova tluk zawh vek zawng pasalṭha tak kaihhruai an ni thei ngai lo.
Chutia Tualvum tlangval hruaitu in thei leh thei lova ban a phar takah chuan Puklui lam pawhin an rawn kap zui ta bik lo va. Pasalṭha Chala chu silai sawh sa kengin inzo fe hian lung chungah an per kai thauh thauh a, a hnungah Thangnghilhlovan a rawn zui zat a, hmelma lam an chian nghal zel a, an silai a tin chung chuan an khalhkhawm ta. Pasalṭha Hingliana te ho pawh rawn chhuk khawm ve thuai in Tualvum tlangval la dam chhun ho Sepa chhaih awm tawk vel lek chu an ṭingmit ta thluah hlawm a. Him pial an awm tawh bik lo, Nekliana pawh a hawi thi ve sung tawh a. A tum tawk tak tur Puklui tlangval Rodawla pawh a rawn pawr ve hle mai le! Hliam tenau deuh nei chu kutthak hnawihnan a rawn hmang phei ve vel chu a nia, Tualvum lama thal an thlah dawn a tin khur dur dur a ni tih a hriat tawh bik si lova, a huai hmel kuk kuk khawp tawh mai!
Hliam tuar zinga Tualvum pasalṭha Khuangliana chu pasalṭha Chala chuan an melh vang vang a, ṭawng chhuak zuiin,
" Khuanga, hei hi a ni lawm ni in duh ni? In cho chhuah ngei a ni si a, in lal chuan in ram zau tak hi a duhtawk lo a ni lo'm ni? " tiin ring takin thinrim awka chuan an ti a.
Pasalṭha Khuangliana chuan zamna mitmeng tel hauh lo chuan an melh a, tiauvuta chil han chhak pharh in,
" Pasalṭha, a fawng chelhtu in ni ta! Kan pasalṭha chu in lalin ngeiah lokir tawh lo turin in lo dah ṭha ani lo'm ni? Thu pawh sawi fel hma hauh in....! Kan lal fanu khawiah nge a awm?" thinrim tak chuan a ti chhuak ve ta a.
Pasalṭha Hingliana chu rawn ṭawngchhuak ve zatin,
"Tlangval....i sawi pasalṭha khan kan lal inchhung ngeiah buaina siamin hmanrua a lek hmasa asin! Kan tlangval ten an lo bin na deuh a ni, zah takin kan vui liam thlap asin! In upa pawh khan a hriat kha....! Nangni erawh chuan kan mi leh sate lu hnih lai an rawn khai haw a ni lo'm ni?" thinrim fe chuan a ti chhuak ve ta!
Val upa Kapruma leh pasalṭha Khuanga chu an inmelh ralh mai a. Nekliana pawh a meng khup zul tawh mai a, chutih lai tak chuan tlangval pahnihin Tualvum lal nula Lalngovi chu an rawn hruai thleng ve chiah bawk a, Lalngovi chuan chung thil rapthlak tak tak chu thlir hrehawm ava ti tehlul em! Indona hian rah duhawm a chhuah ngai lova, fahrah tam tak a siam zawk ṭhin tih a hrechiang ngawt ngei ang. Chu lal nula thlabar lutuk mitmeng chu an khawngaih kher mai, a dang hian a dang sawp sawp thei hial a ni. A rawn hawi chhuak leh chu Thangnghilhlova hawikual nen an mitmeng a intawng ta chat mai le! He tlangval, sakawl pian ṭha ang mai hian huhang ava nei ngah si em, amitmeng fim fiah fai fak te chu thlir nin a har si, huaisenna a thuam rinawmna a phuar a ni ngei ang.
Pasalṭha Khuangliana chuan thip fe hian Nekliana chu an melh ran a, thil engkim hretu a ni tlat si, chumai ni lo milu rawn khai hawtu a miau a. Tunah zawng an dinhmun a khirh ta takzet ta, Puklui lam hian eng tin ro nei dawn chu ni maw? Nekliana lah hliam a tuar ve nen, tiauvut chu a melh ngawt ngawt mai reng a, han sawi tur a nei tawh bik lo a ni. Pasalṭha Khuangliana chu han hawi chhuakin,
" Nizan lamah kan zawlbuk in rawn rawk tawh a, tunah lah in thangah kan awk zui a ni ta si, kan za chuan intan nun vek kan harsa ang a, amah erawh chu kan chin hrilh tur tlangval pahnih khat in zuah hram dawn nia! In tihtur chu han ti rawh u le!" zamna tel hauh lo chuan a ti chhuak ta a.
A ni renga pasalṭha vekin pasalṭha thinlung an hrethiam ṭhin! Pasalṭha Chala chuan Tualvum tlangval pahnih hliam na lutuk lo te chu an phih ding lawp a.An phuarna hrui chu na fe hian an zai chah sak a, rum fe a melh pah chuan,
" Thudik in chhakchhuak in ka ring chuang lova, in duh danin in lal hnenah han sawi ula, in lal fanu erawh lo dam hram kan tum ang!In tlangval te ruang hi inhlawm dawn nia, an lu erawh kan la lovang..." an ti chang fak a. Chem pakhat pe in a kaltir ta!
Midang ho chu an melh kual a, pasalṭha Hingliana chuan a rawn bekbawr zeuh a, rawn ṭawngchhuak zuiin,
" Khaw lam panpui nghal i la, chau chhe deuh kha chu dah ṭhat nghal mai tur! Lusei pui te lulak chu pasalṭha zia lo riau in ka hria, tlangval te u an lu kha chu la lo mai teh u...Ti ru le...!" a ti zui nghal a.
Puklui val rualte chuan an mi man te chu an chhawm ta, him pial awm hek lo an hawi thi sung mai a, Tualvum khaw lian zawk val rual la dam chhun te lai chu a na hle na a tihtheih an nei miau si lo a ni. Puklui khua an huphurh loh em em lakah an tlawm ta! Indona mualah hian tlangval tam tak hi thlamuanpuiawm viau ṭhin mahse hruaitu in a zir loh chuan engmah an ni hauh lo, pasalṭha remruatna ṭha tak nei hnuaia mi sawmhnih vel awmze neia che erawh dan zawh rual an ni ṭhin lo! Pasalṭha Chala ralrel thiamna chuan hnehna a chanpui miau si a. Thangnghilhlova chuan Lalngovi chu a chhawm a, chu lal nula hmelah chuan eng mah chhiar tur a awm tawh lo! Puklui val rual an bawr em em mai a, Silai thlamuanpui tham an hawn a, hmelma lam eng emaw zat nen khaw lam an pan ta nguah nguah a. Pasalṭha Chala chuan Tuitun hnar kinah tlangval sawm ṭha ala awm ruk tir ta thova!
Hetih lai mek hian Tualvum khaw lam pawh an lo la buai ve viau tho a, tlangval tlem la awm chuan zawlbuk leh inkang an ṭhelh mih tak thawm ṭhat hna an thawk ve mek a. Lal inah chuan upa ho an kalkhawm a, an tlangvalte an hlawhchham ring reng an awm lo! Upa Sangduna lah a ṭawng vei lur lur a, Puklui khua a huatna a zual a, a thu a rum hle zel a ni. Upa Zikpuia erawh ngaih ṭhat lohna ruk a nei thung, a sawi chhuak duh lem lo na a, an tlangval te a ngaihtuah ve hle tho! Zan lama duhtawka rawn rawk thei khan an chimih thei tih kha a hmuchiang em a ni. Laltawna erawh a ngaih a ngam thei lo, a fanu neihchhun chiah a rilru ah a awm thung, a thinlung chu a tlawm ṭan ta! Sawi chhuak lo mahse a hmelah chuan a chhiar thei tawh ngat mai!
Tualvum lalnu lah a puan hmawr hmang ṭangkaiin a mit aṭanga luangchhuak hmeichhe ralthuam ṭha mi han hruk hul nan chuan a hmang a. A lungrun tawk chuan a aw han lawi tham chal chuan,
" Ka Lalngovi lenna vangkhawpui leh sumtual hi,
Ka Lalngovi tello chuan a ngui ruai e,
Luaithli nen tlai ni ka thlir dawn em ni?"
an tih ngaih ngaih chuan upa ho a tihnim raih thei hial a. A lungno deuh phei chu an khap ve leh fak fak ṭhin! Upa Sangduna chu han pawr viau lo phei se chuan remna palai tirhchhuah an duh hial tawh ngei ang! Chhawllentlang lenbuang che te chuan thlifim a siam a, zo thlifim han thaw leh hak ṭhin te chuan hunbi a kal tir zel a, chaw chhun fak hun a ni ta! Khawchhunga pavalai deuh leh tlangval ho pawh chaw chhun fakin an chawl ta rih a.
Hun a liam a, ni suk chen a thlen hma deuh chuan Tualvum tlangval pahnihte chuan kawtchhuah an rawn thleng ta! An lal hnena thu lungchhiat thlak an han thlen tur chu an va hreh tehlul em! Kawng lakah chuan sawi dan tur an inhrilh dun sek kha a ni a, khawchhung chu an hnaih telh telh a an hreh telh telh ta! Phur lo takin hmalam an pan ve zel a, khawchhung an lut ta, mi lo biakna pawh chhang lo chuan thisen kai hnuang chuan lal in chu an pan ta zel a. A lo thlirtu te lah chuan an zui nghal zat zel, thu lungchhiatthlak an hawn an ring lo hle.
Lalin an thleng ta, lawi luh chu an han dil zat a, upa te chuan an lo chhawn rang hle mai! Chutah lal inah chuan thisen kho ro kai nungin an han lut ta, upa te ho chuan an thlir ṭhap a, Tualvum lalnu a insum zo ta lo, rang fe in tlangval te kiangah kalin,
" Khawnge ka Lalngovi chu...? A lo thleng ṭep em?" sam pawr phang chuan a lo ti chhuak a. A hmelah erawh thlaphanna leh manganna chuan a chenchilh tih a hriat hle, a khawngaih thlak hle a ni.
Laltawna chuan, " E...Ngovi nu..tlangvalte kha an hah a nge, han chawlh tir te te la, tlangval te u in thu ken chu han sawi ta che u!" a ti chhuak zat a.
Tlangvalte pawh an inmelh ta ralh a, chutah pakhat zawk chuan aw han thian in Lal leh upa te chu an melh a, rawn ṭawngchhuakin,
" Lalpa kan thu rawn thlen tur hi sawichhuah hrehawm kan ti hle a, khawngaihin min ngaidam dawn nia...( an ti hmasa a, an ngawi leh hlek a, upa ho lah an meng phar nak tawh mai!) Khatia Puklui tlangvalte kan um kha Tuitun hnar kinah eng emaw zatin min lo chang a, hnung lamah min ṭankhalh ta si nen, kan tlu zo lo chauh a ni. Silai lah kan kawl tlem nen, chet lak a har takzet a, him dam kan awm mang lo, hual beh kan ni a. Inpe lo thei kan ni ta lo, tunah zawng Tualvum khuaah hian tlangval tia sawi tur kan awm ta mang lo a ni! Kan ṭhiante ruang erawh Tuitun lui kamah an la mu a, tlem azawng kan pasalṭha leh val upa tiamin an ṭingmit a, an liam ta!!Lal fanu erawh ala dam ṭha e...." hrehawm ti tak chuan a sawi zo ta!
Lalin chhung chu Khuavangin a rawn luhchilh emaw tih mai tur hi a ni a. Khuavang liam hun awm velah chuan Tualvum lalnu chu ṭap chhuakin,
" Hmelma doralin min phingchil e,
Tui ang lianin val zawng chawnbanah kai e;
Ṭingmitin Tuitun ralah an kai liam e ka Lalngovi nen....!"
an ti deuh kher a. Ngaihthlak a nuam lo hle mai le, Laltawna pawh a dingchhuak zawt a, banglai lam a thlir a, upa te ho a melh kual te te a chutah rawn ṭawngchhuakin,
" Tunah zawng tlangval tih tur kan nei ta lo maw! Eng aiah nge....
( chhunzawm tur)
A van ngaihnawm leh pek em
ReplyDeletengaihnawm ṭhin hle mai
ReplyDeleteNgaihnawm hle mai....sei deuh tawh se next a ṭang chuan....
ReplyDeleteA van tha dap dap em... chhunzawmna kalo chang renge
ReplyDeleteA ngaihnawm thin hle mai...
ReplyDelete