LUNGRENG NGÂW S-4..(22)..
LUNGRENG NGÂW...SEASON-4....22...
( PASALṬHA THANPUIA)
M. LUSEI PALIAN
......... ........... ..........
Thanpuia chuan Saipuii lam a kun zauh pah chuan,
" I him tawh a, thlamuang deuh khan awm la..! Zawna hi lo awmpui ang che aw.!" thupe lam lek lek chuan an ti a. Saipuii tan chu aw chu thamuanna tham a tling ngat mai! Rei awm tawh lo chuan mihrang ho chu an che chhuak ta!
Pasalṭha Thanchhinga naute chuan an hmelma te lama kang chho ngei turin hnah ro chhepin an hal ṭan ta! Ṭhal a ni chho ṭan tawh a, hnah ro a alh ṭha duh hle mai! Chu veleh Pasalṭha Bukbawnga leh tlangval ho chu an chhuak ta! Pasalṭha Thanchhinga leh a naute ho pawh an inrem ṭha ta hle mai! Pasalṭha Chhunthanga pawh Val upa Hnuna te ho nen chuan inring fe in ramkang chu an thlir ṭan ta!
Hriangmual leh Seipui lam chuan Serzawl lam chet dan an han hmuh meuh chuan an tlai ta! An awmna lam chu a rawn kang chho ta mep mep mai, ramkang lah chu thli in a rawn pui vat mai si! Chutia meipek a ṭhat tak si ah chuan hmelma lam chu an ur chho ta a le loh theih loh hian an tlan darh ta! Chu veleh Pasalṭha te chuan an chengrang rawl an chhuah tir a, a rik hian a ri leh ta hem hem mai, Hriangmual leh Seipui val an va hek tehlul em! Pialral kawng pawh a rak hle ta ve ang.Hmun tin aṭang chuan a puak alh eng sen zuai zuai mai a ni.
Pasalṭha Chalbuanga te, Mangvunga te ho chuan rorel ṭhat a ngai tih an hre thuai a, rang fe chuan hmun him lamah awmze nei chuan an tlan ve ta! Pasalṭha Mangvunga chuan a naute ho chu mei kawng a phiah pui nghal thuai a, chutiang chiah chuan Hriangmual tlangval ho pawh chuan an rawn ti ve nghal zat a. Chutah pasalṭha Zalawma chuan ring fe in,
" Hlam dawn khan phiat rawh u, sawlai deuh aṭang sawn kan lo chang ang a, tuman ngenmu a thlawnin thlawhchhuah tir tur a ni lo! Hmanhmawh deuh teh u!" tih lang lang pah chuan mei kawng chu a phiah pui nghal zat a. An ṭhiante ruang pawh an khawm hman lo kha a ni a, a hnu hnung hnung phungin seh tih ang deuh khan an tlan ta chiam kha a ni si. An thinrim thar ta hle a ni, an ṭhiante phuba lak loh mawlh chu an hlau ta! Tlangval rual tam fe chetna na na na chu hmuamda chhungin an zo ta, an ṭanhmun thar turah chuan pasalṭha te chuan tlangval ho an rem ṭan ta, an uluk hle mai ṭhuang hnih zel chuan an rem a. A hma tawngin an kap ang a, an silai sawh chhungin an hnung a mi ten an lo kap ve thung dawn a ni.
Pasalṭha Chalbuanga chuan pasalṭha Mangvunga te Zalawma te Zakima te chu a ko khawm nghal a. Ral bawh dan tur an sawi ho ṭan ta! Ngurṭhuama lah chu pasalṭha viau ang mai chuan a vei ve sek a, a thinlungah Saipuii laklet dan tur mawlh a awm si...awm hle hle har a ti viau a ni. Mangvunga chuan,
" Kan hnung lam hi veng tel teh ang u, kan tawlh thui viau tawh si a, hetiang ngawt chuan a dik dawn hauh lo..!" a ti chang rat a.
Pasalṭha Zalawma chuan, " Thil tih awm tak a ni, pasalṭha Chalbuanga leh u Manga ten a hmalam tlangval kha lo pui u la, Zakima leh Ngurṭhuama hovin kan hnung lam hi kan lo veng a nge! Serzawl hi pawih ral han tudawl thei kha an ni a, an ralrel a sual ngai lo, fimkhur hle tur!" a ti chhuak vei khuk a.
Pasalṭha Zalawma hian Serzawl ho tawh khirh tur zia hi a chhut pha tlat, chuvanga sawichhuak chu a ni reng a. Zamna tel lova nuai an ngai tih chu a hre ve ran a ni. Chalbuanga pawh chuan alo zuam sual tih chu a inhre chiang hle a, a fimkhur tawk loh avanga tlangval a chan hnem hman zia a dawnkir chuan meiling kaw chhunga pai ang mai chuan a sa hle tawh a, chu a thinlung sa erawh midang hmuh theih a ni si lo! An hmun tur ṭheuh chu an pan ta.
Serzawl mihrangten an chengrang rawl an au tir zawh khan um zui nghal mai an tum kha a ni a. Pasalṭha ten an remti hauh lo, kangmei chuan ur hrep phawt se an duh a, tin, hmalam pan hun niin an la hre lo a ni. Pasalṭha Hualroan aw an then kharh hnu chuan awmze nei fe chuan kang eng rinchhan chuan hma lam an pan ta! Fimkhur tur chuan an in fuih mawlh mawlh a, chhaih buai loh chuan Bukbawnga te thawm an hria ang tih an hlau si, hmelma te meikawng phiat lai kha an han tibuai ṭan ta! Hriangmual leh Seipui lam chu an lo inrem fel thuai a, an rawn tawng sai leh ta! Serzawl lam lah hmalam an pan zel si a. Chu zan boruak zet zawng a ṭang ta hle mai! A khat tawk chuan Hriangmual lam silai a puak reng a, Serzawl lam erawh an ngawi tlat rih thung!
Pasalṭha Chhunthanga chuan Pasalṭha Thanchhinga ve berawn zeuhin Thanpuia te lamah a phei ta nghal a.Hmelma lam ngenmu pawh a rawn ving thiak thiak mai! Thanpuia te bul a thlen chuan aw han thian khak khak in,
" Thana, heti chuan Pasalṭha Buka te an ngaihtuahawm dawn tlat, kan che chhuak mai em ni ni ang!" a rawn ti chhuak a.
Chu thu chu pasalṭha Thanpuia duhthusam a ni ngat mai, a rawt ngam lo mai a ni. Hemi ṭum hian a pa a telve a, duh ang zanin a che ngam tlat lo, pasalṭha Thangvela duh dan a lo ni ve chiah bawk a, Aimawia lah chuan tel ve ngei a tum tlat, a ngawi ngal a, Sapui hliam thinrim hi a ang takzet tawh a ni.Pasalṭha Chhunthanga chuan an bula tlangval pakhat chu an chin pasalṭha Hualroa te hnenah lo hrilh hre turin a ti a. Chung mihrang te chu hmelma te hualbet turin an che chhuak ta! Heng pasalṭha te ngat hi zawng an hlawhchham ve hauh lovang le!
Chengrang rawl han ri leh ṭhin chuan Saipuii lunglen a hnem mawlh lo, Pazawna chu a buaipui ve vat vat a. A khur pawh a zia awm chho ta, thlaphanna erawh chuan a chamchilh tlut a. Thangchhuahpa in hliam a nei ang tih mawlh chu a hlauh a ni. Doral kara hmangaihna thinlungah chuan a hmangaih ngaihtuah a na em a ni.Lusei pui inhmelma en a, han indo chu rapthlak a ti hle a, Seifate tualah buaina a tam tehreng nen...furpui a lo thleng a Sapui an buaipui a, vangpui a lo thleng a, pawih ral an buaipui a, Sahmul phah thlaah an lusei puite nen an buai leh si! Ni, amah ngei rukchhuah a ni a, chu buaina, thisen tam tak luan tawhna leh la luanzel na tur chu amah vang a ni tih a hria a, hrehawm a ti hle, mahse a tih reh theih niin a hre si lo! A thinphu te chu lungmuang taka Thanpuia ṭang belh chak chuan a phu ta.Rilru mumal neih a har a ti takzet mai!
Pasalṭha Bukbawnga te liam ta kha thawm dim fe in hmalam an pan a, an hmelma te an tawlh tak duai avang chuan an hel thui hle mai! Buaina hran nei lo chuan Saisih ngaw chu an pel ta! Hriangmual khaw lam pan chuan theihtawpa chakin an kal ta! Fimkhurna nena hmalam panin kawngṭum pangngai an zawh ta a. Hriangmual an hnaih ta telh telh mai le! Pasalṭha Thanchhinga duhthusam ang ngei a va chet chu an tum hle a ni. Hriangmual lal fapa vanga an buaina hi hmehmih an duh takzet tawh a ni. Kawtchhuah lungdawh an thleng a, an fimkhur sawt ta hle mai! Chu zanah chuan Hriangmual tlangval ralveng an tawng miah lo mai a, an duhthalin an che thei dawn niin a lang ta! Khawchhung lam pan chuan an pen sau ta pawk pawk a, an che na hle ang le!
Saisih ngaw ah pawh chuan Serzawl lamin hmalam an pan zel mai si, tlawm tum lo valten hma an hruai a, chengrang rawl a au uar hle mai chu a ni.Hriangmual leh Seipui lam pawh chu an tawm ṭan a, an hek zel mai si, Serzawl lam pawh an inchan ve nual tawh, tlawm thianglo val te an inbawhchilh ta lek lek mai le! Hetih lai hian an sir lam tlangval te chu a rukin chengrang rawl au si lovin an hek tial tial a, an hnung thawm an hriat rualin khaw hmu tur an awm lo nghal zel mai a ni. Pasalṭha hming pu satliah ni lo, mihrangte chuan an rawn mal nghauh nghauh mai, Aimawia pawh thawm dim fe in a ṭhiante hnungah a che ve reng a, a ṭhiante ho mit ṭhat zia chu mak a ti hle a ni.
Ngurṭhuama a tawrh tawka sawisak baka chak a nei lova, chu chuan hmalam a pan tir zel a ni.
Pasalṭha Mangvunga chuan tlangval ho chu a fuih ve reng a, Chalbuanga pawh a au ring hle zel. Serzawl lam an rawn pawng zel a, ngaw pui thim raih hnuaiah chuan an hmu fiah bik niin an hre hial tawh a. An zam hle tawh a ni. Pasalṭha Chalbuanga chuan tlangval ho chu an au khawm tuar tuar a, chutia hmun khat an pan khawm lai tak chuan Pasalṭha Hualroa te leh Thanchhinga te ho in an rawn kap ta tak tak a le...mangang au rawl chuan Saisih ngaw chu a khat ta! Rilru leh taksa zawng zawnga in ralsai an ni bawk a, hun a kal chak hem hem hle mai a, Khawvar a hnai ṭan ta! Pasalṭha Hualroa te ho lah chu Sapui hliam ang mai chuan an rawn che reng a, phen tur remchang an hmu thei hle a, a thim deuh lai awm mahse, an ram hal in a pui a, an han belh zel a hma an sawn zel zawng a ni.
Pasalṭha Chalbuanga chuan an hmalam hun tur a ngaihtuah thiam ta, tin hnung lama a naute hek ta lutuk te chu a ngaih a ṭha tawh hauh lo, an ngam loh chalah chil an hnawm tih an hrechiang ta, Hriangmual val phei chu an mang zo ṭep tawh mai chu a ni. Khua avar meuh chuan an vaiin an tlu zo dawn tih chu mi a nileng lo tan chuan a hriat theih si! Chutih rualin tlawm a tum hauh lova, ṭan ral raih chu a duhzawk ta, a naute au khawm tawh lo chuan a sapa tlat tir ta hlawm a, a ralrel a sual tih chu a hrechiang hle tawh a ni.
Pasalṭha Thanpuia te chuan hmelma lam chu an pan leh ta hriau hriau a, hmelma lam erawh an fimkhur seng tawh lo, khua han var se chuan duhthalin an che thei dawn si lova, chu hun chu bawhpelh an tum lo hle a ni. An tum ber Ngurṭhuama lah a lai lum a chuh zel mai si, a hawi her reng rengah pawh a mangang hle tih chu a hriat theih tawh a.An inveng kual ta ṭham tawh mai a,Thanpuia chuan Thal a lo siam lo chu pawi a ti hle a ni. Hla fe fe a mi pawh a Thalfang chuan a thil thei ngei dawn si a. Tlangval hnu dal te chu thawm dim fe chuan an veh leh ta ṭhem ṭhem a, heng tlang thang pasalṭha te hian chempui inang an lo hmang vek mai a ni.
Hriangmual lamah thung chuan manganna in ro a rel mek a, pachang in awm te pawh an che hman mang lo, an khua chu meivapah a chang ṭan mek a. Pasalṭha Bukbawnga chuan Hriangmual Lal Laltawna chu Lal in aṭang chuan an phih chhuak lawp a, a khaw kang chu a entir a, chutah ring pawr fe chuan,
" Tawna, hei hi a ni lawm ni i duh? He thil hi i cho chhuah a ni lawm ni? Min chhang teh!" tih pah chuan a beng hawi ta sawk mai a. Laltawna erawh chuan sawi tur reng a hre lo.
Pasalṭha Bukbawnga te hian khaw hmawr in aṭangin an hal ṭan a, hmeichhia leh nunau, tar chungah kut thlak lovin pavalai leh tlangval chungah an ṭuan mawlh mawlh a. Thinrimna nena hmalam pan an ni bawk a lo dang zo reng an awm lo. Hliam pawh an nei ve nual hlawm a, Zawlbuk an hal zawh a lal in pan kha an ni, khaw mipui erawh an tlan darh chum chum hlawm a, mu leh mal an nei lo a ni ber e.
Hriangmual Lal chuan a khaw kang alh vut vut chu a thlir reng a, a fapa avang chuan a tla chhe zo ta! Lal ropui leh hausa tak ni ṭhin chuan ropuina leh hausakna chu tlakchhiat nan a hmang ta a. Chapo na chuan khua a hmuh tir thei lova, chu chuan chhiatna a thlen ta! Laltawna chu a thaw hawk hawk mai a, sawi tur a hre meuh lo, Pasalṭha Bukbawnga chu an melh a,
" Pasalṭha....ka tlawm ta a ni e, neih reng ka nei ta lo! Tunah chuan ka hun a liam ta, min dah ṭha nghal law law rawh le!!" a ti chhuak a, chu aw ah chuan lungngaihna thuk fe chu a tel nghe nghe a.
Pasalṭha Bukbawnga ngeng pawh a chhun ve ta deuh a ni mahna, a ngawi ve ta vang vang a. He Lal hi hneh chikim a hneh a tum hle a, chutah a ṭawngchhuakleh ve leh ta a,
" He thu hi lo ngaithla teh, i fapa Ngurṭhuama rawn zin in kan Zawlbuk ngei ah kan tlangval te a tithinrim a, kut thlak lovin kan rawn se zawl chhuah a. In chungah kan thinrim lo, mahse hei....kan lal fanu ngei a rawn ru chhuak leh a, hei erawh kan ngaizam thei tawh lo a ni. Nang lahin i tlangvalte amah pui turin i rawn tir a, tunah chuan tlangval pawh i nei tawh lo! Bul ṭantu i ni a, i tawrh tur i tuar ve ta a ni. Naute u, phuar hlawm u la, i kal ang u le...!" a ti zui a, tlangval ho chuan an phuar ta mawlh mawlh a.
Lalnu erawh hruai tel ta lo chuan an kai chhuak ta! Hriangmual khua chu a ding chhuak har hle tawh ang le. Lalnu erawh chu an hruai tel lo thung a, varṭianah chuan Serzawl lam pan chuan an chhuak ta! Laltawna erawh a thinlung rumri ring tak nen chuan a khua ata kaihchhuah a ni ta! Pasalṭha Bukbawnga pawh chuan Laltawna chu a zah ve hle a, amah erawh chu a chunga tihtur tla chu tih loh a duh hauh lo! Mi diklo te khawngaih zawng awmzia hi a awm tak tak si lo, a ṭul leh Serzawl lal Lalbulan a chungthu a la rel sak ang.
Saisih ngaw chhungah chuan thim thiltihtheihna a kiang ta a le, Serzawl mihrang te chuan an milulak chem kengin hma lam an pan a. Silai sawhna hun awm ta hek lo, insamna ropui a thleng dawn a ni. Pasalṭha Thanchhinga te ho ralrel a sual lo, Hriangmual leh Seipui lam chu an hual bet ta! Hmalam pana inphek samna a thlen lai chuan Aimawia chu rang fe hian a tlanchhuak ta phat a. Hmelma tlangval tlemte la awm zinga Ngurṭhuama chu a zuk pan ta nalh a, a ṭhiante ho lah chuan a kawng lo vai kiansak ni awm takin an lo ri mial mial thung a. Chung pasalṭha pathum chem inang vek hmang te han hmuhnawm zia chu pui tak a ni. Ngurṭhuama pawh hnung tawlh a tum ta bik lo, a chempui chu phawrh in Aimawia chu a lo hmachhawn ve ta! Chulai hmun zawng mihring thisen leh taksa bung rem rum te chuan a luah khat zo ta! A la ding chhun te pawh an hawi thisung hlawm vek tawh a ni.
Aimawia chuan ring fe in, " Nang, mi dawihzep lutuk pa....lo inring teh! I ngenmu in pawi a khawih thukzia leh ...! I thil tih avanga kan buaina hi titawp ang hmiang!" tih pah chuan a chem chu an vai ngheng mai a...
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Thanpuia chuan Saipuii lam a kun zauh pah chuan,
" I him tawh a, thlamuang deuh khan awm la..! Zawna hi lo awmpui ang che aw.!" thupe lam lek lek chuan an ti a. Saipuii tan chu aw chu thamuanna tham a tling ngat mai! Rei awm tawh lo chuan mihrang ho chu an che chhuak ta!
Pasalṭha Thanchhinga naute chuan an hmelma te lama kang chho ngei turin hnah ro chhepin an hal ṭan ta! Ṭhal a ni chho ṭan tawh a, hnah ro a alh ṭha duh hle mai! Chu veleh Pasalṭha Bukbawnga leh tlangval ho chu an chhuak ta! Pasalṭha Thanchhinga leh a naute ho pawh an inrem ṭha ta hle mai! Pasalṭha Chhunthanga pawh Val upa Hnuna te ho nen chuan inring fe in ramkang chu an thlir ṭan ta!
Hriangmual leh Seipui lam chuan Serzawl lam chet dan an han hmuh meuh chuan an tlai ta! An awmna lam chu a rawn kang chho ta mep mep mai, ramkang lah chu thli in a rawn pui vat mai si! Chutia meipek a ṭhat tak si ah chuan hmelma lam chu an ur chho ta a le loh theih loh hian an tlan darh ta! Chu veleh Pasalṭha te chuan an chengrang rawl an chhuah tir a, a rik hian a ri leh ta hem hem mai, Hriangmual leh Seipui val an va hek tehlul em! Pialral kawng pawh a rak hle ta ve ang.Hmun tin aṭang chuan a puak alh eng sen zuai zuai mai a ni.
Pasalṭha Chalbuanga te, Mangvunga te ho chuan rorel ṭhat a ngai tih an hre thuai a, rang fe chuan hmun him lamah awmze nei chuan an tlan ve ta! Pasalṭha Mangvunga chuan a naute ho chu mei kawng a phiah pui nghal thuai a, chutiang chiah chuan Hriangmual tlangval ho pawh chuan an rawn ti ve nghal zat a. Chutah pasalṭha Zalawma chuan ring fe in,
" Hlam dawn khan phiat rawh u, sawlai deuh aṭang sawn kan lo chang ang a, tuman ngenmu a thlawnin thlawhchhuah tir tur a ni lo! Hmanhmawh deuh teh u!" tih lang lang pah chuan mei kawng chu a phiah pui nghal zat a. An ṭhiante ruang pawh an khawm hman lo kha a ni a, a hnu hnung hnung phungin seh tih ang deuh khan an tlan ta chiam kha a ni si. An thinrim thar ta hle a ni, an ṭhiante phuba lak loh mawlh chu an hlau ta! Tlangval rual tam fe chetna na na na chu hmuamda chhungin an zo ta, an ṭanhmun thar turah chuan pasalṭha te chuan tlangval ho an rem ṭan ta, an uluk hle mai ṭhuang hnih zel chuan an rem a. A hma tawngin an kap ang a, an silai sawh chhungin an hnung a mi ten an lo kap ve thung dawn a ni.
Pasalṭha Chalbuanga chuan pasalṭha Mangvunga te Zalawma te Zakima te chu a ko khawm nghal a. Ral bawh dan tur an sawi ho ṭan ta! Ngurṭhuama lah chu pasalṭha viau ang mai chuan a vei ve sek a, a thinlungah Saipuii laklet dan tur mawlh a awm si...awm hle hle har a ti viau a ni. Mangvunga chuan,
" Kan hnung lam hi veng tel teh ang u, kan tawlh thui viau tawh si a, hetiang ngawt chuan a dik dawn hauh lo..!" a ti chang rat a.
Pasalṭha Zalawma chuan, " Thil tih awm tak a ni, pasalṭha Chalbuanga leh u Manga ten a hmalam tlangval kha lo pui u la, Zakima leh Ngurṭhuama hovin kan hnung lam hi kan lo veng a nge! Serzawl hi pawih ral han tudawl thei kha an ni a, an ralrel a sual ngai lo, fimkhur hle tur!" a ti chhuak vei khuk a.
Pasalṭha Zalawma hian Serzawl ho tawh khirh tur zia hi a chhut pha tlat, chuvanga sawichhuak chu a ni reng a. Zamna tel lova nuai an ngai tih chu a hre ve ran a ni. Chalbuanga pawh chuan alo zuam sual tih chu a inhre chiang hle a, a fimkhur tawk loh avanga tlangval a chan hnem hman zia a dawnkir chuan meiling kaw chhunga pai ang mai chuan a sa hle tawh a, chu a thinlung sa erawh midang hmuh theih a ni si lo! An hmun tur ṭheuh chu an pan ta.
Serzawl mihrangten an chengrang rawl an au tir zawh khan um zui nghal mai an tum kha a ni a. Pasalṭha ten an remti hauh lo, kangmei chuan ur hrep phawt se an duh a, tin, hmalam pan hun niin an la hre lo a ni. Pasalṭha Hualroan aw an then kharh hnu chuan awmze nei fe chuan kang eng rinchhan chuan hma lam an pan ta! Fimkhur tur chuan an in fuih mawlh mawlh a, chhaih buai loh chuan Bukbawnga te thawm an hria ang tih an hlau si, hmelma te meikawng phiat lai kha an han tibuai ṭan ta! Hriangmual leh Seipui lam chu an lo inrem fel thuai a, an rawn tawng sai leh ta! Serzawl lam lah hmalam an pan zel si a. Chu zan boruak zet zawng a ṭang ta hle mai! A khat tawk chuan Hriangmual lam silai a puak reng a, Serzawl lam erawh an ngawi tlat rih thung!
Pasalṭha Chhunthanga chuan Pasalṭha Thanchhinga ve berawn zeuhin Thanpuia te lamah a phei ta nghal a.Hmelma lam ngenmu pawh a rawn ving thiak thiak mai! Thanpuia te bul a thlen chuan aw han thian khak khak in,
" Thana, heti chuan Pasalṭha Buka te an ngaihtuahawm dawn tlat, kan che chhuak mai em ni ni ang!" a rawn ti chhuak a.
Chu thu chu pasalṭha Thanpuia duhthusam a ni ngat mai, a rawt ngam lo mai a ni. Hemi ṭum hian a pa a telve a, duh ang zanin a che ngam tlat lo, pasalṭha Thangvela duh dan a lo ni ve chiah bawk a, Aimawia lah chuan tel ve ngei a tum tlat, a ngawi ngal a, Sapui hliam thinrim hi a ang takzet tawh a ni.Pasalṭha Chhunthanga chuan an bula tlangval pakhat chu an chin pasalṭha Hualroa te hnenah lo hrilh hre turin a ti a. Chung mihrang te chu hmelma te hualbet turin an che chhuak ta! Heng pasalṭha te ngat hi zawng an hlawhchham ve hauh lovang le!
Chengrang rawl han ri leh ṭhin chuan Saipuii lunglen a hnem mawlh lo, Pazawna chu a buaipui ve vat vat a. A khur pawh a zia awm chho ta, thlaphanna erawh chuan a chamchilh tlut a. Thangchhuahpa in hliam a nei ang tih mawlh chu a hlauh a ni. Doral kara hmangaihna thinlungah chuan a hmangaih ngaihtuah a na em a ni.Lusei pui inhmelma en a, han indo chu rapthlak a ti hle a, Seifate tualah buaina a tam tehreng nen...furpui a lo thleng a Sapui an buaipui a, vangpui a lo thleng a, pawih ral an buaipui a, Sahmul phah thlaah an lusei puite nen an buai leh si! Ni, amah ngei rukchhuah a ni a, chu buaina, thisen tam tak luan tawhna leh la luanzel na tur chu amah vang a ni tih a hria a, hrehawm a ti hle, mahse a tih reh theih niin a hre si lo! A thinphu te chu lungmuang taka Thanpuia ṭang belh chak chuan a phu ta.Rilru mumal neih a har a ti takzet mai!
Pasalṭha Bukbawnga te liam ta kha thawm dim fe in hmalam an pan a, an hmelma te an tawlh tak duai avang chuan an hel thui hle mai! Buaina hran nei lo chuan Saisih ngaw chu an pel ta! Hriangmual khaw lam pan chuan theihtawpa chakin an kal ta! Fimkhurna nena hmalam panin kawngṭum pangngai an zawh ta a. Hriangmual an hnaih ta telh telh mai le! Pasalṭha Thanchhinga duhthusam ang ngei a va chet chu an tum hle a ni. Hriangmual lal fapa vanga an buaina hi hmehmih an duh takzet tawh a ni. Kawtchhuah lungdawh an thleng a, an fimkhur sawt ta hle mai! Chu zanah chuan Hriangmual tlangval ralveng an tawng miah lo mai a, an duhthalin an che thei dawn niin a lang ta! Khawchhung lam pan chuan an pen sau ta pawk pawk a, an che na hle ang le!
Saisih ngaw ah pawh chuan Serzawl lamin hmalam an pan zel mai si, tlawm tum lo valten hma an hruai a, chengrang rawl a au uar hle mai chu a ni.Hriangmual leh Seipui lam pawh chu an tawm ṭan a, an hek zel mai si, Serzawl lam pawh an inchan ve nual tawh, tlawm thianglo val te an inbawhchilh ta lek lek mai le! Hetih lai hian an sir lam tlangval te chu a rukin chengrang rawl au si lovin an hek tial tial a, an hnung thawm an hriat rualin khaw hmu tur an awm lo nghal zel mai a ni. Pasalṭha hming pu satliah ni lo, mihrangte chuan an rawn mal nghauh nghauh mai, Aimawia pawh thawm dim fe in a ṭhiante hnungah a che ve reng a, a ṭhiante ho mit ṭhat zia chu mak a ti hle a ni.
Ngurṭhuama a tawrh tawka sawisak baka chak a nei lova, chu chuan hmalam a pan tir zel a ni.
Pasalṭha Mangvunga chuan tlangval ho chu a fuih ve reng a, Chalbuanga pawh a au ring hle zel. Serzawl lam an rawn pawng zel a, ngaw pui thim raih hnuaiah chuan an hmu fiah bik niin an hre hial tawh a. An zam hle tawh a ni. Pasalṭha Chalbuanga chuan tlangval ho chu an au khawm tuar tuar a, chutia hmun khat an pan khawm lai tak chuan Pasalṭha Hualroa te leh Thanchhinga te ho in an rawn kap ta tak tak a le...mangang au rawl chuan Saisih ngaw chu a khat ta! Rilru leh taksa zawng zawnga in ralsai an ni bawk a, hun a kal chak hem hem hle mai a, Khawvar a hnai ṭan ta! Pasalṭha Hualroa te ho lah chu Sapui hliam ang mai chuan an rawn che reng a, phen tur remchang an hmu thei hle a, a thim deuh lai awm mahse, an ram hal in a pui a, an han belh zel a hma an sawn zel zawng a ni.
Pasalṭha Chalbuanga chuan an hmalam hun tur a ngaihtuah thiam ta, tin hnung lama a naute hek ta lutuk te chu a ngaih a ṭha tawh hauh lo, an ngam loh chalah chil an hnawm tih an hrechiang ta, Hriangmual val phei chu an mang zo ṭep tawh mai chu a ni. Khua avar meuh chuan an vaiin an tlu zo dawn tih chu mi a nileng lo tan chuan a hriat theih si! Chutih rualin tlawm a tum hauh lova, ṭan ral raih chu a duhzawk ta, a naute au khawm tawh lo chuan a sapa tlat tir ta hlawm a, a ralrel a sual tih chu a hrechiang hle tawh a ni.
Pasalṭha Thanpuia te chuan hmelma lam chu an pan leh ta hriau hriau a, hmelma lam erawh an fimkhur seng tawh lo, khua han var se chuan duhthalin an che thei dawn si lova, chu hun chu bawhpelh an tum lo hle a ni. An tum ber Ngurṭhuama lah a lai lum a chuh zel mai si, a hawi her reng rengah pawh a mangang hle tih chu a hriat theih tawh a.An inveng kual ta ṭham tawh mai a,Thanpuia chuan Thal a lo siam lo chu pawi a ti hle a ni. Hla fe fe a mi pawh a Thalfang chuan a thil thei ngei dawn si a. Tlangval hnu dal te chu thawm dim fe chuan an veh leh ta ṭhem ṭhem a, heng tlang thang pasalṭha te hian chempui inang an lo hmang vek mai a ni.
Hriangmual lamah thung chuan manganna in ro a rel mek a, pachang in awm te pawh an che hman mang lo, an khua chu meivapah a chang ṭan mek a. Pasalṭha Bukbawnga chuan Hriangmual Lal Laltawna chu Lal in aṭang chuan an phih chhuak lawp a, a khaw kang chu a entir a, chutah ring pawr fe chuan,
" Tawna, hei hi a ni lawm ni i duh? He thil hi i cho chhuah a ni lawm ni? Min chhang teh!" tih pah chuan a beng hawi ta sawk mai a. Laltawna erawh chuan sawi tur reng a hre lo.
Pasalṭha Bukbawnga te hian khaw hmawr in aṭangin an hal ṭan a, hmeichhia leh nunau, tar chungah kut thlak lovin pavalai leh tlangval chungah an ṭuan mawlh mawlh a. Thinrimna nena hmalam pan an ni bawk a lo dang zo reng an awm lo. Hliam pawh an nei ve nual hlawm a, Zawlbuk an hal zawh a lal in pan kha an ni, khaw mipui erawh an tlan darh chum chum hlawm a, mu leh mal an nei lo a ni ber e.
Hriangmual Lal chuan a khaw kang alh vut vut chu a thlir reng a, a fapa avang chuan a tla chhe zo ta! Lal ropui leh hausa tak ni ṭhin chuan ropuina leh hausakna chu tlakchhiat nan a hmang ta a. Chapo na chuan khua a hmuh tir thei lova, chu chuan chhiatna a thlen ta! Laltawna chu a thaw hawk hawk mai a, sawi tur a hre meuh lo, Pasalṭha Bukbawnga chu an melh a,
" Pasalṭha....ka tlawm ta a ni e, neih reng ka nei ta lo! Tunah chuan ka hun a liam ta, min dah ṭha nghal law law rawh le!!" a ti chhuak a, chu aw ah chuan lungngaihna thuk fe chu a tel nghe nghe a.
Pasalṭha Bukbawnga ngeng pawh a chhun ve ta deuh a ni mahna, a ngawi ve ta vang vang a. He Lal hi hneh chikim a hneh a tum hle a, chutah a ṭawngchhuakleh ve leh ta a,
" He thu hi lo ngaithla teh, i fapa Ngurṭhuama rawn zin in kan Zawlbuk ngei ah kan tlangval te a tithinrim a, kut thlak lovin kan rawn se zawl chhuah a. In chungah kan thinrim lo, mahse hei....kan lal fanu ngei a rawn ru chhuak leh a, hei erawh kan ngaizam thei tawh lo a ni. Nang lahin i tlangvalte amah pui turin i rawn tir a, tunah chuan tlangval pawh i nei tawh lo! Bul ṭantu i ni a, i tawrh tur i tuar ve ta a ni. Naute u, phuar hlawm u la, i kal ang u le...!" a ti zui a, tlangval ho chuan an phuar ta mawlh mawlh a.
Lalnu erawh hruai tel ta lo chuan an kai chhuak ta! Hriangmual khua chu a ding chhuak har hle tawh ang le. Lalnu erawh chu an hruai tel lo thung a, varṭianah chuan Serzawl lam pan chuan an chhuak ta! Laltawna erawh a thinlung rumri ring tak nen chuan a khua ata kaihchhuah a ni ta! Pasalṭha Bukbawnga pawh chuan Laltawna chu a zah ve hle a, amah erawh chu a chunga tihtur tla chu tih loh a duh hauh lo! Mi diklo te khawngaih zawng awmzia hi a awm tak tak si lo, a ṭul leh Serzawl lal Lalbulan a chungthu a la rel sak ang.
Saisih ngaw chhungah chuan thim thiltihtheihna a kiang ta a le, Serzawl mihrang te chuan an milulak chem kengin hma lam an pan a. Silai sawhna hun awm ta hek lo, insamna ropui a thleng dawn a ni. Pasalṭha Thanchhinga te ho ralrel a sual lo, Hriangmual leh Seipui lam chu an hual bet ta! Hmalam pana inphek samna a thlen lai chuan Aimawia chu rang fe hian a tlanchhuak ta phat a. Hmelma tlangval tlemte la awm zinga Ngurṭhuama chu a zuk pan ta nalh a, a ṭhiante ho lah chuan a kawng lo vai kiansak ni awm takin an lo ri mial mial thung a. Chung pasalṭha pathum chem inang vek hmang te han hmuhnawm zia chu pui tak a ni. Ngurṭhuama pawh hnung tawlh a tum ta bik lo, a chempui chu phawrh in Aimawia chu a lo hmachhawn ve ta! Chulai hmun zawng mihring thisen leh taksa bung rem rum te chuan a luah khat zo ta! A la ding chhun te pawh an hawi thisung hlawm vek tawh a ni.
Aimawia chuan ring fe in, " Nang, mi dawihzep lutuk pa....lo inring teh! I ngenmu in pawi a khawih thukzia leh ...! I thil tih avanga kan buaina hi titawp ang hmiang!" tih pah chuan a chem chu an vai ngheng mai a...
( chhunzawm tur)
Ngaihnawm rem rem e.
ReplyDeleteA va bawn ṭhin tak em,a manhla e
ReplyDeleteNgaihnawm lutuk
ReplyDeleteA ngaihnawm. Chhiar chhunzawm nghal a chakawm
ReplyDeleteChhiar anuam e
ReplyDelete