LUNGRENG NGÂW S-4...(21)...
LUNGRENG NGÂW...SEASON-4....21...
( PASALṬHA THANPUIA)
M. LUSEI PALIAN
......... ........... ..........
Chu veleh Ngurṭhuama chu a au chhuak tuar a, a bula ding tlangval Silai chu chuh thut in a hmet puak ta! Pazawna chuan rang fe in Saipuii chu a tlukpui a, Pasalṭha Thangvela chuan tlangval lo hnaih tu ber chu a kap thawr bawk a, a sir aṭanga lo vengtu Aimawia Silai pawh puak ve zatin, Thanpuia silai pawh a puak ve ta! Chu veleh an hmalam aṭang chuan tlangval rual tam tham fe thawm an hre zui a, chak fe in an lam an rawn pan zui lehnghal a Seipui lam an rawn hnai ta hle a ni. Ngurṭhuama bulah chuan tlangval pali lai an la ding a, Thanpuia chuan tlan pah chuan a chempui a phawrh zui nghal zat a, Pasalṭha Thangvela pawh chuan a chempui phawrhin Ngurṭhuama te lamah chuan a zuang lut zui a.
Hetih lai tak hian khur der der in Saipuii chu a awm a, Pazawna chu a hma ang a ni ta tlat lo mai, Ngurṭhuama Ngenmu khan a darah pawrh tuam khawpin a deng a, a thaw hawk hawk mai a! Aimawian Silai sawhna hun a nei ta bik lo, rang fe in an remruat ang chuan Saipuii chu a pawm nawlh a,
" Zawna,hmanhmawh a ngai!" a ti tuar a.
Mahse Pazawna chu a khuh ta bawrh bawrh mai! Chutah a ka aṭang chuan thisen a rawn chhuak ta tlat mai le, Ngurṭhuama ngenmu chuan pawi a khawih ngat mai! Chulai hmuna thim hmul tawh a ding te hmanhmawhna ava sang ngai em! Aimawia chu a ṭe chhuak tuar a,Saipuii chu a nghat leh rih a, Pazawna zawk chu a pu nawlh a, Saipuii a kai a, ngaw hnuaiah a tlan pui ta, Pazawna chu a ko ta mawlh mawlh a. Thinrimna chuan a khat tlat tawh, thing lian fe bulah chuan a nghat a, Saipuii pawh a ngaihsak thei tawh lo.
" Zawna, Zawna.... Inti pachang teh!" tiin a sawi nawk nawk a.Manganna chuan a chim mup mup a, a ken tel thlaphanna lah chuan a rawn tuam tel lehnghal a. Chutah le...Thinrimna chuan rawn lan nghal zat in a ti hrawl phu zat zat khawpin a inseh ruh ta!
Thanpuia chuan sam fe in a lo dangtu Hriangmual val chu Pialralah a tir nghal zat a, Ngurṭhuama han hmachhawn chu a tum nghal a, Thangvela pawh chuan a hmachhawn chu a lo hnehsawh hle a, chutah Ngurṭhuama bula tlangval chuan an chan a chhe dawn tih hria in Ngurṭhuama chu an dinglam awih ṭenah chuan a zuan thlak pui ta! A lo chelhtu tlangval pakhat erawh chu a lo ding kak ve ran a, Thanpuia chuan han vir zawka ṭhingṭhit pah chuan a chem an vai phe zawk a, Thangvela lah chuan zuan pahin a rawn chhip thlak bur mai bawk nen chu Hriangmual val pawh chuan a ṭhiante thlarau chu a umpha har lo tawp ang.
Thanpuia chuan Ngurṭhuama te chu han um zui a tum nghal a, Thangvela chuan a banah lo pawt ding chatin,
" Pazawna kha a hliam.... khu min tam hneh dawn, insaseng phawt ang, lal fanu a him tawh!" a ti chhuak a.
Thanpuia chuan Pazawna tlu kha a hmu ve lo a ni, chu thu an hriat meuh chuan a nghing lawih a, Khuavelchhingi thusawi kha a hrechhuak chiang kher mai! An lam pan thawm lah chu a hnai tial tial a, thu tam sawina hun a awm tawh lo! Thanpuia chuan Thangvela thu chu hnial a hun lo tih a hria a,rang tak chuan Aimawia te liamna lam an pan dun nghal a. An hnunga Seipui val rualte chuan an rawn nang lo chauh a ni. An um har lo tawp ang, chutah Ngurṭhuama te nen an inhmu ta tih chu an thawm aṭang chuan ahriat theih ta.
Saipuii pawh chuan la khur hlak hlakin Pazawna chu a ko ve mawlh mawlh a, a thla a phang ve hle mai! Aimawia chuan Pazawna hliam chu hup beh sakin a diar leh Pazawna diar chuan thisen chhuak tihreh nan rem lo fe chuan a tuam sak a.Saipuii chunga thil thleng teh nuai mai chu ṭahpui zawih zawih tham hi a ni hial tawh! Khua lah chu a thim dawn ta reng mai, chutih lai tak chuan an lam pan thawm chu an hria a a rawn hnai zel a, Thanpuia leh Thangvela an rawn thleng ta! Saipuii chuan ama tana an nun hlan ngam pasalṭha te chu a lo thlek a, a hmu chiang bik vak lo! Thanpuia chuan rang fe in Pazawna chu an dek vat a,
" Zawna.... Zawna!" a ti chul a.
Chutah Pazawna chu rawn rum hawkin ṭhut an tum a, Thanpuia leh Aimawia chuan an lo chelh vat a chutah rawn khuh lehin an thaw leh kawk a, harsa ti fe chuan,
" Hmun.....him lamah...!" a rawn tichhuak a.
Chu veleh chuan Aimawia chuan dim fe in Pazawna chu a chawi a, a pu ta nawlh a, Thanpuia pawh chuan Serzawli chu pu ve leh nawlh a, an taksa han insi chiah chu eng emaw ti tak hian an awm nghal ve ve a, Saipuii lo la khur der der te mawlh chuan thangchhuahpa lairil a fan ta! Ral ram thih leh dam inkar thil mah ni se, han inkuah vawng vawng na tham a ni ngat mai si a.Pasalṭha Chhunthanga te va fin leh tur chuan an liam ta, Thangvela chuan hnu a rawn dawl a. Hmelma lam thawm pawh a na hle a, khua chuan thim hnan lo ngat se zawng an lam hawiin Ṭek kham phei a sur mawlh mawlh ngei ang! Aimawia chuan a khat tawkin Pazawna chu a ko leh ṭhin a, mihrang thinlung a rum a, thlan tui leh mittui a far ta!
Hmun himah Pazawna hi han dah se, kha Hriangmual lal tlangval um tur khan a siruk la in a thawkchhuak ang, chu chu ṭhian ṭha a nihna anga a tih tur a ni. Mihrang a nihna angin phuba alak hma zawng a rilru a nuam lo thung ang.Chu zan thim hnuaiah chuan ngaw hnuai chu a thim zual emaw tih tur hi a ni tawh a. Aimawia zawng thinrimna chuan hmalam a pan tir a, a ke chheh a sual hauh lo. A hnunga thangchhuahpa lah zan lama duhtawka meichher hmang lo pawha vak thei a ni a, an hnu daltu Thangvela lah Lasi te vohbik ani tlat! Rei lo teah an chuan Pasalṭha Chhunthanga te awmna an thleng dawn ta!
Hetih lai hian khua in a thim hnan tak avangin hmelma lam Silai pawh a puak ta rih lo, Pasalṭha Chhunthanga chuan thawm a hre ta, uluk fe chuan a thlir a. Aimawia te ho chu a hmu thei ta, chutah ring fe chuan,
" In thal kha thlah suh u, Thanpuia te ho an ni e!" a ti zui zat a.
Zamkunga khan pasalṭha Hualroa te hnenah Thanpuia te an rawn lan tawh thu a lo sawi tawh reng a. Thanchhinga te ho chu an han hawi ve viau na a, thawm bak an hre lo. Zan chu a thim chhah hle mai si, zan lam mawina leh mahni hmun luah ṭhintu te an la rawn lang rih lo bawk atin ni! Rei lo deuh hnuah chuan Aimawia te ho an rawn thleng ta, an thlang lam lungpui phenah chuan fimkhur fe in an insawn thla ta! Serzawl lam chuan Lal fanu Saipuii an la let chu an hlim ta kher mai le! An ri hluai thei hial a, chutih rualin Pazawna hliam pui tuar erawh an lai a na hle a. Aimawia chuan thiam patawp leh seh chilh nak chung chuan Ngurṭhuaman Saipuii kah a tumnaah Pazawnan a lo hliah a, Ngurṭhuama ngenmu in a fuh ta a ni tih an sawi ngat phei chuan an thinrim na chuan hmalam a pan tir dawn ta. Hetih lai tak hian vanpui pawh lo chim se an do pawp vek thei hial ang le!
Pazawna u Pahlira chu pasalṭha Thanchhinga te bulah a lo awm ve reng chu niin a nau chu a pawm ta chat mai le! A thinlung rum ri chu a ring ve hle ang! A kun ta ngar ngar mai ! Mei han chhehna chi a ni si lo! Pasalṭha Hualroa te pawh an buai ve nak mai le, ral bawh dan tur leh ropui rel a ngai ta! Pasalṭha ho chu an ṭhukhawm ta far mai a, Aimawia pawh ngawingal chuan a ṭhu ve a. Saipuii chuan Thanpuia a kuahna chu a thlah hlei thei lo a ni. Tlangval te chuan Saipuii chu eitur an rawn hlui ta, chutah meuh chuan Saipuii chuan a rilṭam zia a hrechhuam thar a, a lungchhe lek lek mai! Serzawli hi a ṭamchhawl ṭan chu a ni der tawh a, hlauhna in a tlakbuak rei em bawk a ni. Nun hlan huama amah chhanchhuak tute chu a damlai ni kawla a liam hma chuan a nghilh tawh kher lovang! An khaw tlangval te eitur hlui chu a ei ta mawlh mawlh a.
Hetih lai hian Ngurṭhuama te ho pawh Seipui lam nen an inhmu tawh a, an pawr thar ta viau mai! Kha chen a lo hnuh tawh Serzawli.....thangchhuahpa hmaah bawk an chan leh chu a lai a na thar hle mai a, chan loh aiah Saipuii kha han kah thawr a tum kha a ni a. Khatah lah khan thangchhuahpa ṭhianpa chauh kha a kap fuh ta si, thui an thlen hma a lal fanu chu lak kir a duh hle a. A rilru tak phei chuan an lakkir theih loh ai chuan Pialral lama tirh a hnial hauh lo a ni. Rei vak lo kal in an pasalṭha Chalbuanga te chu an han fin ta. Ngurṭhuama te, Mangvunga te leh Zalawma te ho chuan ropui an rel ve mek a. Mangvunga naute khan thui vak lo Thanpuia te kha an um a,khua a thim viau nen thui um thei ta hek lo, an kir san ta kha a ni.
Mahni hmun ngai rawn luah ṭhintu chung lama mawina pho chhuak ṭhin, zan lam ropuina rohlu te chuan Saisih ngaw chu an bih ve ta vung hlawm a. Hringfate zawng inngaih tlang tak a rei khawsa thei ni hek lo le, thisen tam tak a luang leh ngei dawn a ni.Khaw hnih inkar buaina hian khaw ṭhenawm a kang kai a, khual thu a lo thang a, tlang chang lal te pawh chuan an ṭan lam tan an tlangval te an tir chhuak si ṭhin! Pasalṭha kawl ta chu tlawm zawk nih hrehna in lungphu a tirang a, ṭan ral raih an thlang zawk hial ṭhin a. Mipa fa chuan khawtlang tan a tihtheih sang ber an ramvalh him nan thih ngam lupu in ral an bei ngei ngei ṭhin! A tira thu ho tak hi a kal a kal a, indo phah nan an hmang ta ṭhin chu a ni miau si! Chu thimna thlazar hnuai a awm mek, rorel mek te chu chhun lam ropuina a inlar leh meuh chuan hnehtu zawk an awm ngei tawh ang le!
Pasalṭha Thanchhinga chuan a remruat dan chu an sawi charh charh a,
" Hmelma te tawmna lam saw kan hal chho ang a, kan bawh chho pah ang, chutih chhung chuan Pasalṭha Bukbawngan tlangval sawm ṭha lam hruaiin Hriangmual lal lova hneh se, Hriangmual hian khawveng an nei hauh lovang. A ṭul leh an khua chu meivapah in chantir dawn nia, nunau leh tar chungah erawh zah han ngai u la. Keini ho ṭhuang thumah insem in ho khat hi pasalṭha Hualroan a ho ang a, Veilamah Thana te ho rawn ṭang se, alaiah kan awm anga, ding lamah hian val upa Hnuna ho an awm thung ang. Khawvar hma in Hriangmual kan hneh hman a ngai! Tlangval ho kha Val upa Hnuna leh Thangbawngan han sem se, Tin, Saipuii leh Pazawna kha lo buaipuitu awm se, zanin ah zawng khua pan rih suh se, kawng lakah thil thleng thei a tam rih e mai! Pasalṭha Buka te hian Hriangmual lal hi a kaih ngatin rawn kai chho rawh se, a fapa avanga kan buaina hi hmeh mih a hun tawh e. Seipui khua erawh kan lal hova ngaihtuah ah awm rawh se!" a ti ta charh charh a.
Pasalṭha Thanchhinga ral rel dan chu an pawm tlang hle mai! Saipuii pawh in eipuar ta in a khur zualpui chu a reh ta! Pazawna chu tuisik tulhin a buai ve hle mai! Tlangval rinawm fe fe chuan hmun himah an veng ta ṭhap a, Pasalṭha Thanchhinga hian zan a Serzawl lam pan a remti rih lo a ni.Pazawna erawh khawih chet ṭhat ngam a ni ta lo, han zawn dawn pawh ni se, kawng lakah a peih loh san ang tih a hlauhawm si! Pasalṭha Chhunthanga chuan ram hnimhnah a zawnkhawm chu a hliamah chuan a bel sak a, a chhel hle a a thaw ve leh hawk ṭhin!
Serzawl mihrangte an che chhuak ṭan ta , pasalṭha Bukbawnga te pawh Thanchhinga naute ram hal ve leh chhuak mai turin an inpeih ta! Pasalṭha Thanchhinga naute chu thawm dim fe in an tawlh ta hriau hriau a....Thanpuia te ṭhian ho chuan Pazawna an rawn pan leh nalh a, ṭawngchhuak thei a ram an awm rih lo! Amah hliamtu chu a lu laktir ngei an tum dawn a ni. Zan thim hnuaiah chuan Aimawia chuan Pazawna kut chu a hmer vang vang a, chutah chang fak chuan,
" Zawna, chhel takin aw, i laka thal thlahtu hi i bulah ka rawn hnuk thleng dawn a, nangmah ngeiin Pialrala i rawngbawl turin a lu ila dawn nia....! Pasalṭha i nih kha, lo nghak reng rawh, a rei hauh lovang...!" a ti chhuak ta chhak mai le!
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Chu veleh Ngurṭhuama chu a au chhuak tuar a, a bula ding tlangval Silai chu chuh thut in a hmet puak ta! Pazawna chuan rang fe in Saipuii chu a tlukpui a, Pasalṭha Thangvela chuan tlangval lo hnaih tu ber chu a kap thawr bawk a, a sir aṭanga lo vengtu Aimawia Silai pawh puak ve zatin, Thanpuia silai pawh a puak ve ta! Chu veleh an hmalam aṭang chuan tlangval rual tam tham fe thawm an hre zui a, chak fe in an lam an rawn pan zui lehnghal a Seipui lam an rawn hnai ta hle a ni. Ngurṭhuama bulah chuan tlangval pali lai an la ding a, Thanpuia chuan tlan pah chuan a chempui a phawrh zui nghal zat a, Pasalṭha Thangvela pawh chuan a chempui phawrhin Ngurṭhuama te lamah chuan a zuang lut zui a.
Hetih lai tak hian khur der der in Saipuii chu a awm a, Pazawna chu a hma ang a ni ta tlat lo mai, Ngurṭhuama Ngenmu khan a darah pawrh tuam khawpin a deng a, a thaw hawk hawk mai a! Aimawian Silai sawhna hun a nei ta bik lo, rang fe in an remruat ang chuan Saipuii chu a pawm nawlh a,
" Zawna,hmanhmawh a ngai!" a ti tuar a.
Mahse Pazawna chu a khuh ta bawrh bawrh mai! Chutah a ka aṭang chuan thisen a rawn chhuak ta tlat mai le, Ngurṭhuama ngenmu chuan pawi a khawih ngat mai! Chulai hmuna thim hmul tawh a ding te hmanhmawhna ava sang ngai em! Aimawia chu a ṭe chhuak tuar a,Saipuii chu a nghat leh rih a, Pazawna zawk chu a pu nawlh a, Saipuii a kai a, ngaw hnuaiah a tlan pui ta, Pazawna chu a ko ta mawlh mawlh a. Thinrimna chuan a khat tlat tawh, thing lian fe bulah chuan a nghat a, Saipuii pawh a ngaihsak thei tawh lo.
" Zawna, Zawna.... Inti pachang teh!" tiin a sawi nawk nawk a.Manganna chuan a chim mup mup a, a ken tel thlaphanna lah chuan a rawn tuam tel lehnghal a. Chutah le...Thinrimna chuan rawn lan nghal zat in a ti hrawl phu zat zat khawpin a inseh ruh ta!
Thanpuia chuan sam fe in a lo dangtu Hriangmual val chu Pialralah a tir nghal zat a, Ngurṭhuama han hmachhawn chu a tum nghal a, Thangvela pawh chuan a hmachhawn chu a lo hnehsawh hle a, chutah Ngurṭhuama bula tlangval chuan an chan a chhe dawn tih hria in Ngurṭhuama chu an dinglam awih ṭenah chuan a zuan thlak pui ta! A lo chelhtu tlangval pakhat erawh chu a lo ding kak ve ran a, Thanpuia chuan han vir zawka ṭhingṭhit pah chuan a chem an vai phe zawk a, Thangvela lah chuan zuan pahin a rawn chhip thlak bur mai bawk nen chu Hriangmual val pawh chuan a ṭhiante thlarau chu a umpha har lo tawp ang.
Thanpuia chuan Ngurṭhuama te chu han um zui a tum nghal a, Thangvela chuan a banah lo pawt ding chatin,
" Pazawna kha a hliam.... khu min tam hneh dawn, insaseng phawt ang, lal fanu a him tawh!" a ti chhuak a.
Thanpuia chuan Pazawna tlu kha a hmu ve lo a ni, chu thu an hriat meuh chuan a nghing lawih a, Khuavelchhingi thusawi kha a hrechhuak chiang kher mai! An lam pan thawm lah chu a hnai tial tial a, thu tam sawina hun a awm tawh lo! Thanpuia chuan Thangvela thu chu hnial a hun lo tih a hria a,rang tak chuan Aimawia te liamna lam an pan dun nghal a. An hnunga Seipui val rualte chuan an rawn nang lo chauh a ni. An um har lo tawp ang, chutah Ngurṭhuama te nen an inhmu ta tih chu an thawm aṭang chuan ahriat theih ta.
Saipuii pawh chuan la khur hlak hlakin Pazawna chu a ko ve mawlh mawlh a, a thla a phang ve hle mai! Aimawia chuan Pazawna hliam chu hup beh sakin a diar leh Pazawna diar chuan thisen chhuak tihreh nan rem lo fe chuan a tuam sak a.Saipuii chunga thil thleng teh nuai mai chu ṭahpui zawih zawih tham hi a ni hial tawh! Khua lah chu a thim dawn ta reng mai, chutih lai tak chuan an lam pan thawm chu an hria a a rawn hnai zel a, Thanpuia leh Thangvela an rawn thleng ta! Saipuii chuan ama tana an nun hlan ngam pasalṭha te chu a lo thlek a, a hmu chiang bik vak lo! Thanpuia chuan rang fe in Pazawna chu an dek vat a,
" Zawna.... Zawna!" a ti chul a.
Chutah Pazawna chu rawn rum hawkin ṭhut an tum a, Thanpuia leh Aimawia chuan an lo chelh vat a chutah rawn khuh lehin an thaw leh kawk a, harsa ti fe chuan,
" Hmun.....him lamah...!" a rawn tichhuak a.
Chu veleh chuan Aimawia chuan dim fe in Pazawna chu a chawi a, a pu ta nawlh a, Thanpuia pawh chuan Serzawli chu pu ve leh nawlh a, an taksa han insi chiah chu eng emaw ti tak hian an awm nghal ve ve a, Saipuii lo la khur der der te mawlh chuan thangchhuahpa lairil a fan ta! Ral ram thih leh dam inkar thil mah ni se, han inkuah vawng vawng na tham a ni ngat mai si a.Pasalṭha Chhunthanga te va fin leh tur chuan an liam ta, Thangvela chuan hnu a rawn dawl a. Hmelma lam thawm pawh a na hle a, khua chuan thim hnan lo ngat se zawng an lam hawiin Ṭek kham phei a sur mawlh mawlh ngei ang! Aimawia chuan a khat tawkin Pazawna chu a ko leh ṭhin a, mihrang thinlung a rum a, thlan tui leh mittui a far ta!
Hmun himah Pazawna hi han dah se, kha Hriangmual lal tlangval um tur khan a siruk la in a thawkchhuak ang, chu chu ṭhian ṭha a nihna anga a tih tur a ni. Mihrang a nihna angin phuba alak hma zawng a rilru a nuam lo thung ang.Chu zan thim hnuaiah chuan ngaw hnuai chu a thim zual emaw tih tur hi a ni tawh a. Aimawia zawng thinrimna chuan hmalam a pan tir a, a ke chheh a sual hauh lo. A hnunga thangchhuahpa lah zan lama duhtawka meichher hmang lo pawha vak thei a ni a, an hnu daltu Thangvela lah Lasi te vohbik ani tlat! Rei lo teah an chuan Pasalṭha Chhunthanga te awmna an thleng dawn ta!
Hetih lai hian khua in a thim hnan tak avangin hmelma lam Silai pawh a puak ta rih lo, Pasalṭha Chhunthanga chuan thawm a hre ta, uluk fe chuan a thlir a. Aimawia te ho chu a hmu thei ta, chutah ring fe chuan,
" In thal kha thlah suh u, Thanpuia te ho an ni e!" a ti zui zat a.
Zamkunga khan pasalṭha Hualroa te hnenah Thanpuia te an rawn lan tawh thu a lo sawi tawh reng a. Thanchhinga te ho chu an han hawi ve viau na a, thawm bak an hre lo. Zan chu a thim chhah hle mai si, zan lam mawina leh mahni hmun luah ṭhintu te an la rawn lang rih lo bawk atin ni! Rei lo deuh hnuah chuan Aimawia te ho an rawn thleng ta, an thlang lam lungpui phenah chuan fimkhur fe in an insawn thla ta! Serzawl lam chuan Lal fanu Saipuii an la let chu an hlim ta kher mai le! An ri hluai thei hial a, chutih rualin Pazawna hliam pui tuar erawh an lai a na hle a. Aimawia chuan thiam patawp leh seh chilh nak chung chuan Ngurṭhuaman Saipuii kah a tumnaah Pazawnan a lo hliah a, Ngurṭhuama ngenmu in a fuh ta a ni tih an sawi ngat phei chuan an thinrim na chuan hmalam a pan tir dawn ta. Hetih lai tak hian vanpui pawh lo chim se an do pawp vek thei hial ang le!
Pazawna u Pahlira chu pasalṭha Thanchhinga te bulah a lo awm ve reng chu niin a nau chu a pawm ta chat mai le! A thinlung rum ri chu a ring ve hle ang! A kun ta ngar ngar mai ! Mei han chhehna chi a ni si lo! Pasalṭha Hualroa te pawh an buai ve nak mai le, ral bawh dan tur leh ropui rel a ngai ta! Pasalṭha ho chu an ṭhukhawm ta far mai a, Aimawia pawh ngawingal chuan a ṭhu ve a. Saipuii chuan Thanpuia a kuahna chu a thlah hlei thei lo a ni. Tlangval te chuan Saipuii chu eitur an rawn hlui ta, chutah meuh chuan Saipuii chuan a rilṭam zia a hrechhuam thar a, a lungchhe lek lek mai! Serzawli hi a ṭamchhawl ṭan chu a ni der tawh a, hlauhna in a tlakbuak rei em bawk a ni. Nun hlan huama amah chhanchhuak tute chu a damlai ni kawla a liam hma chuan a nghilh tawh kher lovang! An khaw tlangval te eitur hlui chu a ei ta mawlh mawlh a.
Hetih lai hian Ngurṭhuama te ho pawh Seipui lam nen an inhmu tawh a, an pawr thar ta viau mai! Kha chen a lo hnuh tawh Serzawli.....thangchhuahpa hmaah bawk an chan leh chu a lai a na thar hle mai a, chan loh aiah Saipuii kha han kah thawr a tum kha a ni a. Khatah lah khan thangchhuahpa ṭhianpa chauh kha a kap fuh ta si, thui an thlen hma a lal fanu chu lak kir a duh hle a. A rilru tak phei chuan an lakkir theih loh ai chuan Pialral lama tirh a hnial hauh lo a ni. Rei vak lo kal in an pasalṭha Chalbuanga te chu an han fin ta. Ngurṭhuama te, Mangvunga te leh Zalawma te ho chuan ropui an rel ve mek a. Mangvunga naute khan thui vak lo Thanpuia te kha an um a,khua a thim viau nen thui um thei ta hek lo, an kir san ta kha a ni.
Mahni hmun ngai rawn luah ṭhintu chung lama mawina pho chhuak ṭhin, zan lam ropuina rohlu te chuan Saisih ngaw chu an bih ve ta vung hlawm a. Hringfate zawng inngaih tlang tak a rei khawsa thei ni hek lo le, thisen tam tak a luang leh ngei dawn a ni.Khaw hnih inkar buaina hian khaw ṭhenawm a kang kai a, khual thu a lo thang a, tlang chang lal te pawh chuan an ṭan lam tan an tlangval te an tir chhuak si ṭhin! Pasalṭha kawl ta chu tlawm zawk nih hrehna in lungphu a tirang a, ṭan ral raih an thlang zawk hial ṭhin a. Mipa fa chuan khawtlang tan a tihtheih sang ber an ramvalh him nan thih ngam lupu in ral an bei ngei ngei ṭhin! A tira thu ho tak hi a kal a kal a, indo phah nan an hmang ta ṭhin chu a ni miau si! Chu thimna thlazar hnuai a awm mek, rorel mek te chu chhun lam ropuina a inlar leh meuh chuan hnehtu zawk an awm ngei tawh ang le!
Pasalṭha Thanchhinga chuan a remruat dan chu an sawi charh charh a,
" Hmelma te tawmna lam saw kan hal chho ang a, kan bawh chho pah ang, chutih chhung chuan Pasalṭha Bukbawngan tlangval sawm ṭha lam hruaiin Hriangmual lal lova hneh se, Hriangmual hian khawveng an nei hauh lovang. A ṭul leh an khua chu meivapah in chantir dawn nia, nunau leh tar chungah erawh zah han ngai u la. Keini ho ṭhuang thumah insem in ho khat hi pasalṭha Hualroan a ho ang a, Veilamah Thana te ho rawn ṭang se, alaiah kan awm anga, ding lamah hian val upa Hnuna ho an awm thung ang. Khawvar hma in Hriangmual kan hneh hman a ngai! Tlangval ho kha Val upa Hnuna leh Thangbawngan han sem se, Tin, Saipuii leh Pazawna kha lo buaipuitu awm se, zanin ah zawng khua pan rih suh se, kawng lakah thil thleng thei a tam rih e mai! Pasalṭha Buka te hian Hriangmual lal hi a kaih ngatin rawn kai chho rawh se, a fapa avanga kan buaina hi hmeh mih a hun tawh e. Seipui khua erawh kan lal hova ngaihtuah ah awm rawh se!" a ti ta charh charh a.
Pasalṭha Thanchhinga ral rel dan chu an pawm tlang hle mai! Saipuii pawh in eipuar ta in a khur zualpui chu a reh ta! Pazawna chu tuisik tulhin a buai ve hle mai! Tlangval rinawm fe fe chuan hmun himah an veng ta ṭhap a, Pasalṭha Thanchhinga hian zan a Serzawl lam pan a remti rih lo a ni.Pazawna erawh khawih chet ṭhat ngam a ni ta lo, han zawn dawn pawh ni se, kawng lakah a peih loh san ang tih a hlauhawm si! Pasalṭha Chhunthanga chuan ram hnimhnah a zawnkhawm chu a hliamah chuan a bel sak a, a chhel hle a a thaw ve leh hawk ṭhin!
Serzawl mihrangte an che chhuak ṭan ta , pasalṭha Bukbawnga te pawh Thanchhinga naute ram hal ve leh chhuak mai turin an inpeih ta! Pasalṭha Thanchhinga naute chu thawm dim fe in an tawlh ta hriau hriau a....Thanpuia te ṭhian ho chuan Pazawna an rawn pan leh nalh a, ṭawngchhuak thei a ram an awm rih lo! Amah hliamtu chu a lu laktir ngei an tum dawn a ni. Zan thim hnuaiah chuan Aimawia chuan Pazawna kut chu a hmer vang vang a, chutah chang fak chuan,
" Zawna, chhel takin aw, i laka thal thlahtu hi i bulah ka rawn hnuk thleng dawn a, nangmah ngeiin Pialrala i rawngbawl turin a lu ila dawn nia....! Pasalṭha i nih kha, lo nghak reng rawh, a rei hauh lovang...!" a ti chhuak ta chhak mai le!
( chhunzawm tur)
This comment has been removed by the author.
ReplyDeleteA va pui mep2 ve,Ngurṭhuama hi hrehawm deuhin siam rawhse.
ReplyDeleteA ngaihnawm thin hle mai. Saipuii hi him dam takin chhanchhuak sela, an chanchin kal ka hre chak
ReplyDeleteAfuh chiang ani
ReplyDelete