LUNGRENG NGÂW..S-4...(16)....
LUNGRENG NGÂW...SEASON-4....16..
( PASALṬHA THANPUIA)
M. LUSEI PALIAN
......... ........... ..........
A hnung lamah chuan tlangval pakhat rawn ding chhuakin Thanpuia chu a rawn ban mek a ni. Chutah le, Thanpuia chu inher thutin chu tlangval amah rawn ban mektu chu a ka hup bet nghal chawtin bawhbel a bawh liam pui ta. Zawlbuk tualah chuan an thum dawt a, chu Thinglian tlangval thlarau chuan Pialral kawng ah Pawla hmu turin a liam ta! Thanpuia khan sam fe in a ringruh a ṭhuai sak kha a ni. Chutih lai chuan Lal in lam chu an ri ta nak nak a, Hranga chuan a meilung chu a nawt ṭek a, a thil siam kha a inmut nghal vat a, a alh chhuak ta. Chu thil chu zawlbuk chungah an vawmkai ta zat a. Rang fe chuan Zawlbuk chung di ro em em chu a man kai nghal zat a. Pazawna chuan pawr fe hian,
" Thinglian val te u, thawh in hai e!" a ti chhuak a.
Thanpuia te ho lah chuan Silai fung hnih ṭheuh an lo kawl tawh a. Hmun rem fe aṭang chuan tlangval sawm chuang chuan a lo lawr hmasa sa a lo kap tawh mai dawn a ni.
Zawlbuk chung chu kar lovah a alh sen ta zuai zuai a, mei alh chuan thurualpui atan rang takin thli chu a sawm nghal zat a. A rik hian a ri ta hem hem mai le...! Chutah le, Thinglian tlangval ho an han tho chhuak a, meikhu in a lo ur hman nen, an khuh ta bawrh bawrh mai, an Silai nena chiau chula tlanchhuah an han tum chu Silai awzawng an kawl ta lo! An rak ta teng tung a, Zawlbuk chhung aṭang chuan rang tak chuan an tlanchhuak ta, a chhuak hmasa apiang chu Thanpuia te ho chuan an lo sai ta hmiah hmiah a, silai puak ri chuan a khat ta! Char lama tlanchhuak ho lah lo ṭan khalh pawl chuan an lo mal hmak hmak tawh mai si, Mei thurual pui thli lah rawn rum ham hamin mei chu chakna thar a pe a. An hna an tlin hle mai si a. Zawlbuk kai tlangval zawng him a ram an awm lo a ni e.
Hmun tin aṭang chuan Silai chu a puak ri chu a inchhawk ta zut zut a. In kangin a zui nghal zel a, Thinglian khua chuan run an ni tih chu an hre ta thuai a, amaherawh chu ṭan han lak thar rual a ni ta lo! Mihring hi manganna leh hlauhna in min han ṭhawn thut hian mu leh mal a neih theih hauh loh tih chu Thinglian ho khawsak dan aṭang chuan a hriatin a hmuh theih nghal thuai a. Pan tur lam bik hre lo chuan tual laiah an intlan pel suau suau a, a ṭhenin lal mual panin a ṭhenin ramhnuai lam an pan a. An ri teng tung tawh mai a ni. Pasalṭha Thangvela leh a hote pawh an rawn ri phei rap rap tawh a. Inpawmchilhna a ni tawh a, an chem pui an rawn vai phei fur fur mai a, an ni ho pawh an hawi thi ve sung tawh mai! A huptu zawk an ni a, khaw kang alh vut vut karah zawng Thinglian lamin ṭan an khawh rei thei ta lo a ni.
Chamtlang val rualte hian an khua chimih rawn tumtu te khua hi an dim lo hle a, Serzawl mihrangte duhthusam ang ngei chuan kum upa te, naupang leh hmeichhe ho chungah chuan hriam an lek bik hauh lo! Pavalai leh pasalṭha ve deuh te chuan ṭan an lo khawh ve tak na a, Silai tam fe nen a inring rana run tute hmaah zawng rei an ding zo ta bik lo! Thinglian khua zawng meivapah a chang ṭan ta, an lal duham tak duhamna chu khaw mipuiten an tuar a ngai ta si! Pasalṭha Duhmeka te pawh chuan Lal in chu an thuhnuaiah an dah fel ta. Thinglian Lal Lianhrima chuan a khua, a chhuan em em chu a thlir ta vung vung mai le! Eng thinlung tak han pu zui dawn chu ni maw?
Chamtlang tlangvalte chuan Thinglian khaw mipui te chu lal mualah an khalhkhawm ta zel a, hun rei lote emaw an tih chhungin khua pawh a rawn var ṭan ta a! Thinglian khua khaw lian tak ni ṭhin chu an ropuina chu thawnthu ah a chang zo ta a, inchhuanna tur thil reng an nei ta lo! Chu zing ni chhuak sen phut ah chuan ṭap chuah chuahin Lal mual, hlim taka an lo chai ṭhinna hmun ah ngei chuan an tlim ta hmur mai le! Thinglian khaw tual meuh zawng thisen hian a chiahpiah vek a, mihring taksa bung te chu hmuh tur a tam hle, rapthlak tih ṭawngkam hian a hrilhfiah pha tawh kher lovang le! Lal in chauh chu kang bang a ni ta. Thinglian khua an va hupnaah hian Chamtlang tlangval pawh tam fe an nun an chan ve tho a, hliam pawh an awm nual a, chutih rualin natak erawh an tlem hle a ni.
Pasalṭha te ho chu an han inrawn kual ta a, chutah Thinglian lal Lianhrima chu luhkasangah an han din chhuah pui a. Khaw mipuite melh chung chuan pasalṭha Duhmeka chuan,
" Khai le, Thinglian khaw mipui te u, inchunga thil lo thleng hi a bul thum aṭangin kan sawi tawh a nge. He in lal ( Lianhrima chu han nawr nawkin) hian kan Lal fanu chu Ṭhi leh Dar it avangin rukbo tirin Sal chhawr in min chhawr sak a.( a rum hak a, a meng rum sawt bawk a) Kan lal Saingura chuan neihthinglung piahah pasalṭha te neihthinglung khawngin a rawn tlan ta a. Chu mai a ni lo, kan khua Chamtlang meivapa chantir turin in tlangvalte a rawn tir leh ta cheu a, chung in tlangvalte erawh chu Pialral ah kan tir liam ta! He ti khawpa kan chunga duh chhia lal hi kan ngaidam thei ta lo! " a sawi zawng pawh chuan a thinrim lutuk chu a la khur dar dar thei hial a. Thinglian lal chu na zet hian an hrawm nawn ngat a.
Chu veleh rang takin Thanpuia a rawn inrawlh ta....zawi fiah changrat si hian,
" Pasalṭha, Lal hi chu a chungthu in lal Sainguran ngaihtuah teh se! Kut thlak rih loh kha kan duh dan a ni e!" a ti chhuak ta a.
Chu chu thil nihphung a ni ngei si! Pasalṭha Duhmeka ngaih dan pawh a ni a, amah erawh chu insum har a ti hle mai, dem theih ni hek lo le, an ngawih tak ṭhapah chuan Thanpuia chuan aw a han thian a, Aimawia an melh zauh a, Aimawia chuan hrethiam takin a rawn ding chhuak ta, Thinglian mipui hma ah chuan a dingchhuak ta,
" Thinglian mipui te u, Serzawl khua leh tui Lalbula chi al liak te kan ni a, kan pasalṭha ( Thanpuia an kawk a) Thanpuia hnung rawn zuitu te kan ni e. ( an ti chhuak chiah chu mipui ho an thum ta hak mai, Aimawia te Thanpuia te chu chik lehzual hian an ennawn a, an ri ta laih a...Aimawia chuan an khap leh rih a. Thanpuia erawh nuam a tih hmel loh hle thung a) In Lal thiltih dan hi dik kan ti hauh lo va, Lusei leh lusei inkara thil thleng tura kan rin hauh loh thil a ti ta si! Lal chapo leh duham te hian chhiatna bak an cho chhuak ngai lo va, a tuartu chu khaw mipui kan ni ṭhin! In chungchang hi pasalṭha ten an rel dawn a, kawhmawh in bawl a nih loh chuan thisen chhuah kan tum tawh lo ve... Amah erawh chu indona la kham lo in awm erawh chuan kan inring reng e!" an ti ve leh kher a.
Thinglian ho an ngawi ṭhuap a, Aimawia te Thanpuia te chu thlir tawh tih awm lo hian an thlir nawn sek ta mai! Pawih ral um a pasalṭha Selzama hruaina hnuaia han rammu te zet zawng seifate tualah an hming a thang em em mai si! An lal chu an dem hle a, Serzawl thleng thlengin an rawn do ta chu hrehawm an ti kher mai! An thinlung chhunga an inchhirna lungbang chu a phel phawk thei hial a ni.
Hetih lai hian Thinglian lal Lianhrima chu mit sulh hian a inhria a, a chhuan em em a khaw ropui tak meivapa chang ta chu a thlir a. Chamtlang khua, a khua aia te zawk te chunga a thil lo tih tawh chu a thinlungah mau tlawn mit siai chunga thlir a a chang a lang ang maiin a lang fiah phei thluah mai si! Men ngaihna a hre lo va, hawi ngaihna a hre ta lo, chutih lai chuan pasalṭha Duhmeka naute chuan an rawn phuar ta mawlh mawlh a. Thangvela te Thanpuia te chu inbekbawrin lal inchhungah chuan an lut ta. Muanga ṭhu an ni tawh bawk a, an hliam te chu tuam ṭha in hnim hnah hmanga siam damdawi te chu an han bel hlawm a. Hliam nei lo a ram pawh an awm lo! An khem thleh thluah mai hi a ni.
Serzawl thangchhuahpa thinlung chu a nghing leh dat ṭhin! An khaw lam a ngaihtuahna a na hle mai, chu zing ni chhuak chu a thlir vang vang a, thawk leh khatah Saipuii a ngaihtuah chhuak thut a, a ngaih a ṭha ta hauh lo. Thinlung zawng zawnga ri chhuak miah lova autu thawm ring tak chu a thinlungah a rawn inthum rawn ṭan ta! An khaw lam leh Serzawli a ngaihtuahna chuan a tur hmanhmawh ta hle mai le! Thinglian khua chungah lah chuan thuthlukna mumal an la nei rih chiah si lo, a rilru chu hmanhmawhna chuan a tuam ta mep mep mai le! Saipuii chungah thil ṭha lo a thleng ta ang riakah a ngai a, hetiang hian tunhma in a la awm ngai hauh si lo!
........ .......... .........
Zan thim tak hnuaia Serzawl lal fanu rubo mektu Hriangmual lal fapa te pawh an thaw hlawi hlawi tawh a. Kawrte kam ah chuan an ṭhu chawl a, kangṭhai leh thakpui kanna chu an inhiat sap sap hlawm a. Chhun eng ni se zawng an sen tai tek tuk hlawm ngei ang le! Pasalṭha Thanseia ngaihtuahna a phir ta hle a, ruahmanna a siam ta! Ngurṭhuama te lam hawi chuan,
" Lal fapa, inṭhen hrang ila kan sawt zawkin ka ring ta! Serzawl lam hian an lal fanu hi an rawn zawng ngei dawn a, keini Falkawn mual nakpek kan zawh ang a, kan hnu chhuiin kan hruai peng theiin ka ring! Tlangval pahnih ka hruai ang a, a bak zawng in an zui ang che u. In hnu thup zel u la,saisih ngaw ah inhmuh kan tum dawn nia. Nakzanah chuan thlen ngei tum i la!" a han ti charh charh a.
Ngurṭhuama chuan inṭhen hran chu a zuam lo hle na a, pasalṭha Thanseia thu chu dik hle hian a hre lawi a, saisih ngaw lama him taka an inhmuh theih ngat zawngin Hriangmual an thleng har dawn lo. Tin, an khaw ramvalh a ni tawh a, ramchin pawh an hrechiang tawh zawk dawn si! Ngurṭhuama chuan,
" Ni e, pasalṭha in ṭha i tih a i rem ruat chu a dik ang, puallawi ram hi kan pensan ang a, Zuva zau lam kan pan a nge! Min zuitu te kha dim hauh suh ang che u, mi lu khai ngei a Serzawl lal fanu hi Hriangmualah luhpui kan tum dawn nia!" a ti thum ve bal bal a.
Rei muanna chi ni nghal lo chuan kal an rel a an inṭhen hrang ta. Pasalṭha Thanseia chuan Ngurṭhuama te chu a hmasak tir ta zawk a, a ni chuan hnuhma thup hauh lovin a naute chu a liam pui ta! Serzawl pasalṭha te chuan an hnu chu an rawn chhui ngei theih turin a hnuhchhiah lui ta zel a. Thui fe chutianga tih chu a tum a ni.
Pasalṭha Thanchhinga te ho erawh an rorel bawhzui turin an penchhuak dawn ta! Zamkunga chuan lo hahdam se a ti hle a, chutiang bawkin Hualroa pawh chuan kal lo turin a duh ve hle a ni. Mahse pasalṭha Thanchhinga chuan kal duh chhan ṭha tak a nei a, Serzawli chu him dam taka hruai kir a tum ruh hle a ni. A hliam lam a ngaihtuah lova, pasalṭha thinlung dik tak a put piah lamah Saipuii ber kher zawng...! A fapa Thangchhuahpa han awm ngat se chuan zan thim chu engtiang pawhin thim mahse rang fe hian a umzui dawn tih a hriat kiau na chuan hmalam a pan tir lo thei lo a ni.Pasalṭha Chhunthanga pawh a inpeih kher mai! An remruatna ang chuan Bukbawnga leh Hualroa hmanhmawh fe in tlangval sawm rual nen an liam ta a. Zamkunga leh Chhunthanga pawh tlangval sawm vel hruaiin an liam zui a. Thanchhinga leh Thangbawnga pawh chuan tlangvalte hnu an chhui ta! Chu zan thim tak hnuaiah chuan mihrang huaisenna pianpui, chhelna in a tuai hriam te chu an lal fanu la let tur chuan an che chhuak ta!
Fimkhur tak chuan ngaw hnuaiah an vak lut ta, chu zan thim tak hnuaiah chuan meichher changel hnaha hliahin hnu hma chu uluk fe hian Pasalṭha Thanchhinga chuan a en a, Val upa Hnuna te chu pawh thuai an tum ta zawk a chu chu ṭha in an hre si a ni. Chak fe hian hmalam an pan a, pasalṭha Thanchhinga chuan a ban hliam chu a lungphu phut rual chuan rawn tur at at hian a hria a,mahse chu zawng ṭuan han tifum tur em chu ni lovin a hria. Ngaih tuahna kawmin fimkhur em em chuan puallawi ram chu an pan ta!
Val upa Hnuna leh tlangval ho chu finkhur fe a hnuchhui an ni bawk a, an kal chak thei lo! Meichher pakhat thup fe a ring an ni bawk nen, an ramchin mah ni se zan thim a ni miau mai si! Thinlung paukhauhna chuan hmalam a pan tir a, hnuhma an hmuh zauh ṭhin chuan beiseina a siam a, thinrimna chuan khawthim chu a sut tir bawrh bawrh ta! Lal fanu man tute hnu lo pe leh vuk ṭhin an hmuh chuan an kal sawt thei bik lo tih an hria a, Hnuna chuan an pasalṭha ten lo khalh nachang an hre dawn tih a hriat tlat avangi a zam hauh lo!
Pasalṭha Hualroa leh Bukbawnga te ho chu puallawi ram pan chuan Zawng hnuhnung an sawi ang mai chuan an liam chak a, kawng ṭum pangngai zawh an ni bawk a, an kal thei hle mai! Pasalṭha Hualroa lai hi a na takzet e, Saipuii rubo tute ngat zawng han man se Serzawl thlenga hnuh a duh hial a ni. Zanlai arkhuan hun chuan an lo ṭan khalhna hmun tur an thleng ta. Pasalṭha Bukbawnga chuan tlangval rual te ṭanhmun tur a siam zung zung a, an reh ta ṭhap mai le! An beng te lah chu an han chhi ngun khawp a, sava ek leia tla takngial pawh hriat hmaih an tum lo!
Pasalṭha Chhunthanga leh Zamkunga pawh an naute nen fimkhur fe in an rawn che chhuak a, englai maha fimkhurna nunpui ṭhin Chhunthanga chuan hma a hruai ta! An liamna mual lam hi a thelh nuam a, an kal thei viau, hmalam chu an pan zel a. Rei vak lovah chuan Pasalṭha Chhuna chuan mual bawhliam a dinglam hawia kal chu a dik a ring ta zawk a, Zamkunga chu a bekbawr ta! A remruat ang chuan an han che chhuak a, zanlai arkhuan hun hma hret chuan pasalṭha Chhuna khuavang lasi te vohbik hriatna danglam tak nei chu a ding ta chat a, a Silai chu a hum nghet sawt a! Chutah.....
(Chhunzawm tur)
( PASALṬHA THANPUIA)
M. LUSEI PALIAN
......... ........... ..........
A hnung lamah chuan tlangval pakhat rawn ding chhuakin Thanpuia chu a rawn ban mek a ni. Chutah le, Thanpuia chu inher thutin chu tlangval amah rawn ban mektu chu a ka hup bet nghal chawtin bawhbel a bawh liam pui ta. Zawlbuk tualah chuan an thum dawt a, chu Thinglian tlangval thlarau chuan Pialral kawng ah Pawla hmu turin a liam ta! Thanpuia khan sam fe in a ringruh a ṭhuai sak kha a ni. Chutih lai chuan Lal in lam chu an ri ta nak nak a, Hranga chuan a meilung chu a nawt ṭek a, a thil siam kha a inmut nghal vat a, a alh chhuak ta. Chu thil chu zawlbuk chungah an vawmkai ta zat a. Rang fe chuan Zawlbuk chung di ro em em chu a man kai nghal zat a. Pazawna chuan pawr fe hian,
" Thinglian val te u, thawh in hai e!" a ti chhuak a.
Thanpuia te ho lah chuan Silai fung hnih ṭheuh an lo kawl tawh a. Hmun rem fe aṭang chuan tlangval sawm chuang chuan a lo lawr hmasa sa a lo kap tawh mai dawn a ni.
Zawlbuk chung chu kar lovah a alh sen ta zuai zuai a, mei alh chuan thurualpui atan rang takin thli chu a sawm nghal zat a. A rik hian a ri ta hem hem mai le...! Chutah le, Thinglian tlangval ho an han tho chhuak a, meikhu in a lo ur hman nen, an khuh ta bawrh bawrh mai, an Silai nena chiau chula tlanchhuah an han tum chu Silai awzawng an kawl ta lo! An rak ta teng tung a, Zawlbuk chhung aṭang chuan rang tak chuan an tlanchhuak ta, a chhuak hmasa apiang chu Thanpuia te ho chuan an lo sai ta hmiah hmiah a, silai puak ri chuan a khat ta! Char lama tlanchhuak ho lah lo ṭan khalh pawl chuan an lo mal hmak hmak tawh mai si, Mei thurual pui thli lah rawn rum ham hamin mei chu chakna thar a pe a. An hna an tlin hle mai si a. Zawlbuk kai tlangval zawng him a ram an awm lo a ni e.
Hmun tin aṭang chuan Silai chu a puak ri chu a inchhawk ta zut zut a. In kangin a zui nghal zel a, Thinglian khua chuan run an ni tih chu an hre ta thuai a, amaherawh chu ṭan han lak thar rual a ni ta lo! Mihring hi manganna leh hlauhna in min han ṭhawn thut hian mu leh mal a neih theih hauh loh tih chu Thinglian ho khawsak dan aṭang chuan a hriatin a hmuh theih nghal thuai a. Pan tur lam bik hre lo chuan tual laiah an intlan pel suau suau a, a ṭhenin lal mual panin a ṭhenin ramhnuai lam an pan a. An ri teng tung tawh mai a ni. Pasalṭha Thangvela leh a hote pawh an rawn ri phei rap rap tawh a. Inpawmchilhna a ni tawh a, an chem pui an rawn vai phei fur fur mai a, an ni ho pawh an hawi thi ve sung tawh mai! A huptu zawk an ni a, khaw kang alh vut vut karah zawng Thinglian lamin ṭan an khawh rei thei ta lo a ni.
Chamtlang val rualte hian an khua chimih rawn tumtu te khua hi an dim lo hle a, Serzawl mihrangte duhthusam ang ngei chuan kum upa te, naupang leh hmeichhe ho chungah chuan hriam an lek bik hauh lo! Pavalai leh pasalṭha ve deuh te chuan ṭan an lo khawh ve tak na a, Silai tam fe nen a inring rana run tute hmaah zawng rei an ding zo ta bik lo! Thinglian khua zawng meivapah a chang ṭan ta, an lal duham tak duhamna chu khaw mipuiten an tuar a ngai ta si! Pasalṭha Duhmeka te pawh chuan Lal in chu an thuhnuaiah an dah fel ta. Thinglian Lal Lianhrima chuan a khua, a chhuan em em chu a thlir ta vung vung mai le! Eng thinlung tak han pu zui dawn chu ni maw?
Chamtlang tlangvalte chuan Thinglian khaw mipui te chu lal mualah an khalhkhawm ta zel a, hun rei lote emaw an tih chhungin khua pawh a rawn var ṭan ta a! Thinglian khua khaw lian tak ni ṭhin chu an ropuina chu thawnthu ah a chang zo ta a, inchhuanna tur thil reng an nei ta lo! Chu zing ni chhuak sen phut ah chuan ṭap chuah chuahin Lal mual, hlim taka an lo chai ṭhinna hmun ah ngei chuan an tlim ta hmur mai le! Thinglian khaw tual meuh zawng thisen hian a chiahpiah vek a, mihring taksa bung te chu hmuh tur a tam hle, rapthlak tih ṭawngkam hian a hrilhfiah pha tawh kher lovang le! Lal in chauh chu kang bang a ni ta. Thinglian khua an va hupnaah hian Chamtlang tlangval pawh tam fe an nun an chan ve tho a, hliam pawh an awm nual a, chutih rualin natak erawh an tlem hle a ni.
Pasalṭha te ho chu an han inrawn kual ta a, chutah Thinglian lal Lianhrima chu luhkasangah an han din chhuah pui a. Khaw mipuite melh chung chuan pasalṭha Duhmeka chuan,
" Khai le, Thinglian khaw mipui te u, inchunga thil lo thleng hi a bul thum aṭangin kan sawi tawh a nge. He in lal ( Lianhrima chu han nawr nawkin) hian kan Lal fanu chu Ṭhi leh Dar it avangin rukbo tirin Sal chhawr in min chhawr sak a.( a rum hak a, a meng rum sawt bawk a) Kan lal Saingura chuan neihthinglung piahah pasalṭha te neihthinglung khawngin a rawn tlan ta a. Chu mai a ni lo, kan khua Chamtlang meivapa chantir turin in tlangvalte a rawn tir leh ta cheu a, chung in tlangvalte erawh chu Pialral ah kan tir liam ta! He ti khawpa kan chunga duh chhia lal hi kan ngaidam thei ta lo! " a sawi zawng pawh chuan a thinrim lutuk chu a la khur dar dar thei hial a. Thinglian lal chu na zet hian an hrawm nawn ngat a.
Chu veleh rang takin Thanpuia a rawn inrawlh ta....zawi fiah changrat si hian,
" Pasalṭha, Lal hi chu a chungthu in lal Sainguran ngaihtuah teh se! Kut thlak rih loh kha kan duh dan a ni e!" a ti chhuak ta a.
Chu chu thil nihphung a ni ngei si! Pasalṭha Duhmeka ngaih dan pawh a ni a, amah erawh chu insum har a ti hle mai, dem theih ni hek lo le, an ngawih tak ṭhapah chuan Thanpuia chuan aw a han thian a, Aimawia an melh zauh a, Aimawia chuan hrethiam takin a rawn ding chhuak ta, Thinglian mipui hma ah chuan a dingchhuak ta,
" Thinglian mipui te u, Serzawl khua leh tui Lalbula chi al liak te kan ni a, kan pasalṭha ( Thanpuia an kawk a) Thanpuia hnung rawn zuitu te kan ni e. ( an ti chhuak chiah chu mipui ho an thum ta hak mai, Aimawia te Thanpuia te chu chik lehzual hian an ennawn a, an ri ta laih a...Aimawia chuan an khap leh rih a. Thanpuia erawh nuam a tih hmel loh hle thung a) In Lal thiltih dan hi dik kan ti hauh lo va, Lusei leh lusei inkara thil thleng tura kan rin hauh loh thil a ti ta si! Lal chapo leh duham te hian chhiatna bak an cho chhuak ngai lo va, a tuartu chu khaw mipui kan ni ṭhin! In chungchang hi pasalṭha ten an rel dawn a, kawhmawh in bawl a nih loh chuan thisen chhuah kan tum tawh lo ve... Amah erawh chu indona la kham lo in awm erawh chuan kan inring reng e!" an ti ve leh kher a.
Thinglian ho an ngawi ṭhuap a, Aimawia te Thanpuia te chu thlir tawh tih awm lo hian an thlir nawn sek ta mai! Pawih ral um a pasalṭha Selzama hruaina hnuaia han rammu te zet zawng seifate tualah an hming a thang em em mai si! An lal chu an dem hle a, Serzawl thleng thlengin an rawn do ta chu hrehawm an ti kher mai! An thinlung chhunga an inchhirna lungbang chu a phel phawk thei hial a ni.
Hetih lai hian Thinglian lal Lianhrima chu mit sulh hian a inhria a, a chhuan em em a khaw ropui tak meivapa chang ta chu a thlir a. Chamtlang khua, a khua aia te zawk te chunga a thil lo tih tawh chu a thinlungah mau tlawn mit siai chunga thlir a a chang a lang ang maiin a lang fiah phei thluah mai si! Men ngaihna a hre lo va, hawi ngaihna a hre ta lo, chutih lai chuan pasalṭha Duhmeka naute chuan an rawn phuar ta mawlh mawlh a. Thangvela te Thanpuia te chu inbekbawrin lal inchhungah chuan an lut ta. Muanga ṭhu an ni tawh bawk a, an hliam te chu tuam ṭha in hnim hnah hmanga siam damdawi te chu an han bel hlawm a. Hliam nei lo a ram pawh an awm lo! An khem thleh thluah mai hi a ni.
Serzawl thangchhuahpa thinlung chu a nghing leh dat ṭhin! An khaw lam a ngaihtuahna a na hle mai, chu zing ni chhuak chu a thlir vang vang a, thawk leh khatah Saipuii a ngaihtuah chhuak thut a, a ngaih a ṭha ta hauh lo. Thinlung zawng zawnga ri chhuak miah lova autu thawm ring tak chu a thinlungah a rawn inthum rawn ṭan ta! An khaw lam leh Serzawli a ngaihtuahna chuan a tur hmanhmawh ta hle mai le! Thinglian khua chungah lah chuan thuthlukna mumal an la nei rih chiah si lo, a rilru chu hmanhmawhna chuan a tuam ta mep mep mai le! Saipuii chungah thil ṭha lo a thleng ta ang riakah a ngai a, hetiang hian tunhma in a la awm ngai hauh si lo!
........ .......... .........
Zan thim tak hnuaia Serzawl lal fanu rubo mektu Hriangmual lal fapa te pawh an thaw hlawi hlawi tawh a. Kawrte kam ah chuan an ṭhu chawl a, kangṭhai leh thakpui kanna chu an inhiat sap sap hlawm a. Chhun eng ni se zawng an sen tai tek tuk hlawm ngei ang le! Pasalṭha Thanseia ngaihtuahna a phir ta hle a, ruahmanna a siam ta! Ngurṭhuama te lam hawi chuan,
" Lal fapa, inṭhen hrang ila kan sawt zawkin ka ring ta! Serzawl lam hian an lal fanu hi an rawn zawng ngei dawn a, keini Falkawn mual nakpek kan zawh ang a, kan hnu chhuiin kan hruai peng theiin ka ring! Tlangval pahnih ka hruai ang a, a bak zawng in an zui ang che u. In hnu thup zel u la,saisih ngaw ah inhmuh kan tum dawn nia. Nakzanah chuan thlen ngei tum i la!" a han ti charh charh a.
Ngurṭhuama chuan inṭhen hran chu a zuam lo hle na a, pasalṭha Thanseia thu chu dik hle hian a hre lawi a, saisih ngaw lama him taka an inhmuh theih ngat zawngin Hriangmual an thleng har dawn lo. Tin, an khaw ramvalh a ni tawh a, ramchin pawh an hrechiang tawh zawk dawn si! Ngurṭhuama chuan,
" Ni e, pasalṭha in ṭha i tih a i rem ruat chu a dik ang, puallawi ram hi kan pensan ang a, Zuva zau lam kan pan a nge! Min zuitu te kha dim hauh suh ang che u, mi lu khai ngei a Serzawl lal fanu hi Hriangmualah luhpui kan tum dawn nia!" a ti thum ve bal bal a.
Rei muanna chi ni nghal lo chuan kal an rel a an inṭhen hrang ta. Pasalṭha Thanseia chuan Ngurṭhuama te chu a hmasak tir ta zawk a, a ni chuan hnuhma thup hauh lovin a naute chu a liam pui ta! Serzawl pasalṭha te chuan an hnu chu an rawn chhui ngei theih turin a hnuhchhiah lui ta zel a. Thui fe chutianga tih chu a tum a ni.
Pasalṭha Thanchhinga te ho erawh an rorel bawhzui turin an penchhuak dawn ta! Zamkunga chuan lo hahdam se a ti hle a, chutiang bawkin Hualroa pawh chuan kal lo turin a duh ve hle a ni. Mahse pasalṭha Thanchhinga chuan kal duh chhan ṭha tak a nei a, Serzawli chu him dam taka hruai kir a tum ruh hle a ni. A hliam lam a ngaihtuah lova, pasalṭha thinlung dik tak a put piah lamah Saipuii ber kher zawng...! A fapa Thangchhuahpa han awm ngat se chuan zan thim chu engtiang pawhin thim mahse rang fe hian a umzui dawn tih a hriat kiau na chuan hmalam a pan tir lo thei lo a ni.Pasalṭha Chhunthanga pawh a inpeih kher mai! An remruatna ang chuan Bukbawnga leh Hualroa hmanhmawh fe in tlangval sawm rual nen an liam ta a. Zamkunga leh Chhunthanga pawh tlangval sawm vel hruaiin an liam zui a. Thanchhinga leh Thangbawnga pawh chuan tlangvalte hnu an chhui ta! Chu zan thim tak hnuaiah chuan mihrang huaisenna pianpui, chhelna in a tuai hriam te chu an lal fanu la let tur chuan an che chhuak ta!
Fimkhur tak chuan ngaw hnuaiah an vak lut ta, chu zan thim tak hnuaiah chuan meichher changel hnaha hliahin hnu hma chu uluk fe hian Pasalṭha Thanchhinga chuan a en a, Val upa Hnuna te chu pawh thuai an tum ta zawk a chu chu ṭha in an hre si a ni. Chak fe hian hmalam an pan a, pasalṭha Thanchhinga chuan a ban hliam chu a lungphu phut rual chuan rawn tur at at hian a hria a,mahse chu zawng ṭuan han tifum tur em chu ni lovin a hria. Ngaih tuahna kawmin fimkhur em em chuan puallawi ram chu an pan ta!
Val upa Hnuna leh tlangval ho chu finkhur fe a hnuchhui an ni bawk a, an kal chak thei lo! Meichher pakhat thup fe a ring an ni bawk nen, an ramchin mah ni se zan thim a ni miau mai si! Thinlung paukhauhna chuan hmalam a pan tir a, hnuhma an hmuh zauh ṭhin chuan beiseina a siam a, thinrimna chuan khawthim chu a sut tir bawrh bawrh ta! Lal fanu man tute hnu lo pe leh vuk ṭhin an hmuh chuan an kal sawt thei bik lo tih an hria a, Hnuna chuan an pasalṭha ten lo khalh nachang an hre dawn tih a hriat tlat avangi a zam hauh lo!
Pasalṭha Hualroa leh Bukbawnga te ho chu puallawi ram pan chuan Zawng hnuhnung an sawi ang mai chuan an liam chak a, kawng ṭum pangngai zawh an ni bawk a, an kal thei hle mai! Pasalṭha Hualroa lai hi a na takzet e, Saipuii rubo tute ngat zawng han man se Serzawl thlenga hnuh a duh hial a ni. Zanlai arkhuan hun chuan an lo ṭan khalhna hmun tur an thleng ta. Pasalṭha Bukbawnga chuan tlangval rual te ṭanhmun tur a siam zung zung a, an reh ta ṭhap mai le! An beng te lah chu an han chhi ngun khawp a, sava ek leia tla takngial pawh hriat hmaih an tum lo!
Pasalṭha Chhunthanga leh Zamkunga pawh an naute nen fimkhur fe in an rawn che chhuak a, englai maha fimkhurna nunpui ṭhin Chhunthanga chuan hma a hruai ta! An liamna mual lam hi a thelh nuam a, an kal thei viau, hmalam chu an pan zel a. Rei vak lovah chuan Pasalṭha Chhuna chuan mual bawhliam a dinglam hawia kal chu a dik a ring ta zawk a, Zamkunga chu a bekbawr ta! A remruat ang chuan an han che chhuak a, zanlai arkhuan hun hma hret chuan pasalṭha Chhuna khuavang lasi te vohbik hriatna danglam tak nei chu a ding ta chat a, a Silai chu a hum nghet sawt a! Chutah.....
(Chhunzawm tur)
A.ngaihnawm hle mai... Chutih rualin a bung hi a tawi ta mah mah em aw ka ti deuh...
ReplyDeleteA van ngaihnawm tak. Duh aiin a tawi deuh
ReplyDelete