LUNGRENG NGÂW..S-4..(12)....
LUNGRENG NGÂW...SEASON-4....12..
( PASALṬHA THANPUIA)
M. LUSEI PALIAN
......... ........... ..........
Chutih lai tak chuan Thanpuia te hnung lam aṭang chuan silai a rawn puak thawr a, Aimawia chu a vir nghal zawk mai le..! A nak nem chu ngenmu chuan a rawn thawi a, a sa phei zawk ngei ang , rang fe chuan a inher rem nghal a, hmelma pakhat chu Silai kengin an hnung lamah chuan alo ding buk lak lak a. Aimawia chuan rang fe chuan a fei chu an khawhchhuak nghal zawk a, a ṭhelh lo chiang hle, chu hmelma pa chu a silai thlauh chuan a eu awrh a a leng ta vat vat mai! Rih dil paltlangin Pialral kawngah a hawi kawkva ve ngei ang le..
Thangvela kha Thanmawia chem lakah khan a him bik ta lo, a ban bul veilam chu a kak ve duai tho mai, pawi ta ber erawh chu silai rawn hmet pertu khan Thanmawia lubur a rawn fuh tlat a ni. He Thanmawia, Thinglian pasalṭha rawva tak hi hrehawm rei tak tuar se an duh tehreng nen, a rawn rammut pui ngei chuan a hnuk a chhah sak ta si! Chutianga thil a thlen lai chuan a ngaihna hre lo tak chuan Chamtlang tlangval rual chuan an lo zawhte sarep thlir ve ngawt a.Rei lo te hnuah chuan an hnehna chu lawmin an au ta dur dur hlawm a. Chamtlang khaw tan chuan chu zing ni chhuak chu hnehna ni a ni satliah lo, lal fanu lak kira an valh ram tan leh khawlian zawk tan zuamawm an ni lo tih an lantirna ni a ni. Serzawl mihrangte zara an hnehna ni hi an nghilh tawh ngai lovang!
Pasalṭha Thanpuia te ho chuan Aimawia fei khawh zo han kun ngaih chu an bial ta tuau tuau a. Pazawna lah chuan ring fe hian a au chul a, a ṭap lo chauh ta mai le! Hranga te Luaia te pawh chuan an lo ko mawlh mawlh tawh mai a, Thangvela te, tlangval rual ho pawh an lo tlan khawm sang sang mai le! Tlangval ṭhenkhat in Thinglian tlangval la dam awm chhun te an lo dinhual vek bawk a, Lal thu lo chuan an khawih ngam ta bik lo! Chutah le, Aimawia chu a insum zo ta lo, a rawn tho chhuak ṭuih ṭuih a,
" Zawna....chauh hian min lo ngaina a nih hi!" Thanpuia han melh khoh to pah chuan nui duh hauh lo chuan a ti a.
Thanpuia te chang an ni lo, chulai hmuna awm tlangval rual ho pawh an thum hak mai le! An hlim hle a ni, Serzawl mihrang te chutiang huna fiamthu an han thawh thei chu mak an ti a, an ngaisang hle a ni. Thanpuia chuan rang fe hian,
" Hnung lam aṭanga ngenmu in a sai thluk zawh tur chi i ni lo tih hi kan chiang em a ni. Ngumsekpa.... ti rawh le...!" thirseh nuih deuh chuan a ti a. An han inbeng fai thek thuak a.
Chutih lai chuan tlangval rual chuan Thinglian tlangval la damte chu an lo hnungkhirh mek a, pasalṭha Rolala bulah chuan Chamtlang lal Saingura chu a ding ngeng vei ngulh a. Muzuk fei hawl chuan a rawn ṭawngchhuak zui a,
" Chamtlang mi huaisen te u, in hnehna hi nghilh a ni tawh ngai lovang! Min hnuaichhiah a, min run tumtu te chu kan hneh ta! Kan hnehna ni hi kan lawm ngei ang, helai hmun senghawi dan tur erawh val upa te kutah awm se, khang ho kha ( Thinglian tlangval an melh a) rawn hnuk thleng ang che u!" a ti ṭeng chhak a.
Lal thusawi zawh chuan hlim au thawm a ri hulh hulh mai a. Val upa te chuan thu han sawi ve lehin hmelma te ruang seng hawi dan tur an han sawi nghal zung zung a.Chamtlang lam hian tlangval pathum leh pavalai lam pathum an chan a, hliam tuar erawh an kat nuk thung. Thisen kai ve hlek lo pawh an awm nual, an hmelma te ruang chu Zamanhmawng kawi kham an tih tlaklamah chuan an hnuk liam a, an lu erawh pumah dah turin an la thung! Pasalṭha Zaduna chuan rawlthar ho huaisen zirtir in hmelma ho lu a lak tir a, an sat sen sawk sawk mai, mipa fa chuan chu chu an tih ngei a ngai a, rallu khai thei nih hlut zia a hrevek si.
Hetih mek lai hian Serzawl mihrangte leh Chamtlang lal Saingura te chuan khawchhung an lo pan thung a, hei hi Lal duh dan a ni. Thangvela leh Rolala te chuan zuiin Lalin thlen hma chuan Thangvela ho chuan Khurhnai chu an pan ta rih a. An han insilfai chu leh an thli chu a luang sen thla nguai nguai mai a, hliam an lo ngah hle hlawm a, han inphek sam takah chuan him reng theih ni hek lo le! Amah erawh chu chung an hliam te chu mipa fa tan chuan han mutpui tur chi chu a ni hauh lo! Pasalṭha ten tuikhur an pan an hmuh khan nula vengva tak Kungi te hovin Chingal fir nen an zui ngat kha a ni a, a thar chhuak vawk ngei ang le!
......... .......... ............
Serzawl daia pasalṭha leh tlangval te chuan mak tiin khua an var ta. Engtizia a tun thlenga an hmelma te lo lang lo nge an nih tih chhanna an hriat si loh zawhna chu an inzawt sek hlawm a. Pasalṭha Bukbawnga te leh Pasalṭha Chhunthanga te lah han rinhlelh rual an ni si lo! Chutih laiin pasalṭha Thanchhinga te ho chuan an lal rawn lova Ṭhep zawla chikhur an pan ngei an ring thung! An ngaih dan a sual kher lovang, hei chen a rawn lawr ta lo chu, Ṭhep zawl lam bak rin tur awm ta hek lo! Daiah chuan ralveng tlem indah in khawchhung lam chu an pan tlang ta a. Lal inah chuan khun khan fe in ropui an rel leh ta!
Pasalṭha Thanseia te ho chu Thinglian ramah an chawl ta vang vang hlawm a.Ngurṭhuama chu a ngawi ngul tawh mai a,a tum dan erawh thlak a tum chuang lo! Tukṭhuan han bar zo se, a ruka Serzawl luh chu a tum ta a. A thinlungah ngaih dan hrang hrang a lut chho nguah nguah a, chumi tipuitling tur chuan ataka chet chhuah a tum ta chu chu a tihngei tur niin a hre tlat si! Zan lamah mutmu tuah mang lo an ni a, an zuai raih ni hian a lang, amah erawh chu tlangval ṭhalaiin zuai hmel han put chu an tum lo bur thung. Pasalṭha Ralkapa pawh a ngaihtuahna a kal ding ve hle tawh mai a, Thatphunga nen chuan an inrawn leh zeuh ṭhin!
Tukṭhuan bawl chuan an phe ta vat vat hlawm a, hetih lai hian Ngurṭhuama leh Thanseia an lo titi dun sap sap bawk a. Ngurṭhuama remruat dan chu pasalṭha Thanseia chuan a hnial hreh hle mai! Chutah tukṭhuan an han bar ṭan ta a le! An sakhi rep te chu an chhum paw phat a, an puar tlang ngawt ang le! Ngurṭhuama chuan a ruahmanna chu ring fe hian a sawi ta a, thu a thiam hle mai a, pasalṭha Rala leh Thatphunga ngaih dan a ni lo hle na a, an hnial thui ta bik lo. Thatphunga chuan tlangval pakhat chu a bekbawr zeuh a, tukṭhuan bar thuaiin a tho ta nalh a. Pasalṭha Thanseia nau pakhat pawh a tho ve ta nalh a, an pan tur lam pan ve ve chuan an tlan ta nal nal mai le!
Tukṭhuan an han bar zo chu Pasalṭha Rala chuan, " Ti ru le!" tih leh hmahruai chu a rual ta a. Ṭhep zawl lam chu an pan ta hlawm a, Hriangmual tlangval pali lai chuan an zui ve bawk a. Pasalṭha Thanseia leh Ngurṭhuama te chu Serzawl lamah an let thung a, kawng pangngaia kal ta lo chuan an hel ta daih thung a. Serzawl lal fanu ruk chhuah ngei an tum a ni. Hlawhtling takin an che thei ngut ange maw? Pasalṭha Rala te ho pawh sawm ṭhalam mah an la ni a, a ri ve le lu tho mai! Ngurṭhuama chuan a tum hlawhtling hle dawnin a hria a, a ke pen te lah chu a phur hle tawh a ni. Ni vanlaizawl a thlen chuan Serzawl an thleng hman ngei ang.
Serzawl lal tualah erawh tlangval ho dingkhawm ṭhapin pasalṭha Hualroa chuan an rorel dan chu a sawi chhuak ṭan ta a. Tlangval sawm thum rual ( chawntui tiamin) chuan Ṭhep zawl an pan ang a, midang zawng chuan khua an lo venghim dawn thung a ni. Ṭhep zawl lam hi pasalṭha Thanchhinga leh Zamkungan an ho ang a, khawchhung lam hi pasalṭha Hualroan a lo ho thung dawn a ni. Serzawl valte pawh hian an lal phalna la lova an ramvalh china khawdang mi an rawn sapa vah luh ngawt chu an ngaithiam thei lova, an mitmeng pawh a sen ram tawh hial a ni.An tana Pialral panna tur lamtluang a ni em tih an ngaihtuah lova, an khaw ram chin humhalhnan chuan penchhuah an chak zek zek tawh zawk a ni.An bawhram chin humhalh nan leh venhim nan a ni bawk a, pasalṭha te in peih rual chuan Ṭhep zawl pan chuan phur fe in an liam ta. Pasalṭha Chhunthanga pawh thangchhuah diar nen a hawi ngeng ngalh mai a, Serzawl buaina hi a telve na tur niin a ngai hmiah a ni.
Zamani erawh a ngaih a ṭha hauh lo thung, nidang ang lo takin a pasal Thanchhinga chu a ngaihtuah riau a, a fapa Thana lah a chin a hre hauh si lo, hna han thawhna chi va ni suh. Suaki te inlam chu a pan ta ngawt mai a. A pasal hi han hrilh mi a ni si lo, hmeichhe thudawn a lo tihsak dawn tih chu arpuiin kel no a hruai ngai lo tih a hriat tluk zetin a hre si! Ngaih ṭha lo tak chung chuan a tei ruai mai chu a ni. Mipa te zawngin hmeichhe thu hla barah an khawn ngai lo miau si a!
Pasalṭha Thanchhinga leh Zamkunga chuan hma an hruai a, Ṭhep zawl lam an pan ta! Hmanhmawh leh fimkhur tak si chuan an kal ta par par a, an thleng har lo tawp ang. Tlangval ho te chu chawlh pawh an chawlh pui ta lo, uih zawn ang vut vut chu an ni a. Thui vak lo an kal hnu chuan hmelma lam hnu chu an hmu ta mai reng a, chutah le, pasalṭha Chhunthanga chuan hma hruai a rawn chuh ta! He pasalṭha zet hi zawng a ralṭit poh leh a huaisen a, a khirh poh leh a phur emaw tih tur hi a ni tlat si! Pasalṭha Thanchhinga chuan hnial mi a ni lo tih a hria a, a hmasak tir ta thung a. A mit meng te, a fimkhur zia te chu Sapui hliam bei tur niawm tak hian a lang hial a ni. Hriangmual leh Seipui val rualten tukṭhuan an barna hmun an thleng ta! Tlangval ho in an chim hma chuan pasalṭha Chhuna mit chuan a hawlkim hle a, a hnar a phit zui dat dat a.
Pasalṭha Thanchhinga han melh ralh chuan,
" Tlem azawng an peng tlat mai a, min lo khalh an tum a ni mahna, in silai kha endik ṭan teh u.!" a ti leh a. Kawtchhuah a endik tura hrilh thlap an ni tawh si, chutia hma hruaitu berin an tih leh takah chuan an inring tawh kher mai!
Thawm chhuah lo thei ang ber chuan hmalam an pan ta! Pasalṭha Chhunthanga pawh chuan sava thlawk chhuak thawm takngial pawh chu hriat hmaih a tum lo, a hnunga pasalṭha Thanchhinga pawh chuti tho, hetiang huna hma hruaitu han nih zet zawng a khirh hle ang le! Ṭhep zawl thlen hma a Kawrte an thlen thleng chuan thawm leh anmahni lo lambun tum awm an la tawng hauh lo! Kawrte tui chu an han lem leh rih a, he tui hi a tui danglam em avangin Tuithiang an vuah nghe nghe a. Rei chawlhna chi ni hek lo kal zai an rel leh ta,chutah le...Ṭhep zawl piah chi khur zawna meikhu chu an hmu ta tlat mai le...! Pasalṭha Thanchhinga chu a rum ta nghat a. Pasalṭha Chhunthanga erawh hmelma te chet dan mak lutuk chu a ngaihtuah rauh rauh thung a. Fimkhurna bosal hauh lo chuan a hual dan tur a sawi chhuak ta!
Ngurṭhuama te thung chu fimkhur takin Serzawl dai an thleng ta, Rawlkhang lam aṭang chuan luh an tum a a chhan pawh Ralvenbuk pahnihah ralveng an awm an rin vang a ni. Thawm dim fe chuan pasalṭha Thanseia hovin an che chhuak ṭham ṭham a. Lal in lan theihna hmun an thleng ta! An ṭhahnem lo bawk a, an biru thiam kher mai, tin ralveng an inthlahdah lohzia pawh an hmu thei ta! Rodawla hmuh a duh ta takzet a, a thuchah kha Rodawla hian a hlen angem tih a ngaihtuah ta veng veng a.
Chikhur lam chu pasalṭha te chuan an hual ṭan ta, thawm an dim thiam bawk a. An thleng ṭep a. Chutah le....
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Chutih lai tak chuan Thanpuia te hnung lam aṭang chuan silai a rawn puak thawr a, Aimawia chu a vir nghal zawk mai le..! A nak nem chu ngenmu chuan a rawn thawi a, a sa phei zawk ngei ang , rang fe chuan a inher rem nghal a, hmelma pakhat chu Silai kengin an hnung lamah chuan alo ding buk lak lak a. Aimawia chuan rang fe chuan a fei chu an khawhchhuak nghal zawk a, a ṭhelh lo chiang hle, chu hmelma pa chu a silai thlauh chuan a eu awrh a a leng ta vat vat mai! Rih dil paltlangin Pialral kawngah a hawi kawkva ve ngei ang le..
Thangvela kha Thanmawia chem lakah khan a him bik ta lo, a ban bul veilam chu a kak ve duai tho mai, pawi ta ber erawh chu silai rawn hmet pertu khan Thanmawia lubur a rawn fuh tlat a ni. He Thanmawia, Thinglian pasalṭha rawva tak hi hrehawm rei tak tuar se an duh tehreng nen, a rawn rammut pui ngei chuan a hnuk a chhah sak ta si! Chutianga thil a thlen lai chuan a ngaihna hre lo tak chuan Chamtlang tlangval rual chuan an lo zawhte sarep thlir ve ngawt a.Rei lo te hnuah chuan an hnehna chu lawmin an au ta dur dur hlawm a. Chamtlang khaw tan chuan chu zing ni chhuak chu hnehna ni a ni satliah lo, lal fanu lak kira an valh ram tan leh khawlian zawk tan zuamawm an ni lo tih an lantirna ni a ni. Serzawl mihrangte zara an hnehna ni hi an nghilh tawh ngai lovang!
Pasalṭha Thanpuia te ho chuan Aimawia fei khawh zo han kun ngaih chu an bial ta tuau tuau a. Pazawna lah chuan ring fe hian a au chul a, a ṭap lo chauh ta mai le! Hranga te Luaia te pawh chuan an lo ko mawlh mawlh tawh mai a, Thangvela te, tlangval rual ho pawh an lo tlan khawm sang sang mai le! Tlangval ṭhenkhat in Thinglian tlangval la dam awm chhun te an lo dinhual vek bawk a, Lal thu lo chuan an khawih ngam ta bik lo! Chutah le, Aimawia chu a insum zo ta lo, a rawn tho chhuak ṭuih ṭuih a,
" Zawna....chauh hian min lo ngaina a nih hi!" Thanpuia han melh khoh to pah chuan nui duh hauh lo chuan a ti a.
Thanpuia te chang an ni lo, chulai hmuna awm tlangval rual ho pawh an thum hak mai le! An hlim hle a ni, Serzawl mihrang te chutiang huna fiamthu an han thawh thei chu mak an ti a, an ngaisang hle a ni. Thanpuia chuan rang fe hian,
" Hnung lam aṭanga ngenmu in a sai thluk zawh tur chi i ni lo tih hi kan chiang em a ni. Ngumsekpa.... ti rawh le...!" thirseh nuih deuh chuan a ti a. An han inbeng fai thek thuak a.
Chutih lai chuan tlangval rual chuan Thinglian tlangval la damte chu an lo hnungkhirh mek a, pasalṭha Rolala bulah chuan Chamtlang lal Saingura chu a ding ngeng vei ngulh a. Muzuk fei hawl chuan a rawn ṭawngchhuak zui a,
" Chamtlang mi huaisen te u, in hnehna hi nghilh a ni tawh ngai lovang! Min hnuaichhiah a, min run tumtu te chu kan hneh ta! Kan hnehna ni hi kan lawm ngei ang, helai hmun senghawi dan tur erawh val upa te kutah awm se, khang ho kha ( Thinglian tlangval an melh a) rawn hnuk thleng ang che u!" a ti ṭeng chhak a.
Lal thusawi zawh chuan hlim au thawm a ri hulh hulh mai a. Val upa te chuan thu han sawi ve lehin hmelma te ruang seng hawi dan tur an han sawi nghal zung zung a.Chamtlang lam hian tlangval pathum leh pavalai lam pathum an chan a, hliam tuar erawh an kat nuk thung. Thisen kai ve hlek lo pawh an awm nual, an hmelma te ruang chu Zamanhmawng kawi kham an tih tlaklamah chuan an hnuk liam a, an lu erawh pumah dah turin an la thung! Pasalṭha Zaduna chuan rawlthar ho huaisen zirtir in hmelma ho lu a lak tir a, an sat sen sawk sawk mai, mipa fa chuan chu chu an tih ngei a ngai a, rallu khai thei nih hlut zia a hrevek si.
Hetih mek lai hian Serzawl mihrangte leh Chamtlang lal Saingura te chuan khawchhung an lo pan thung a, hei hi Lal duh dan a ni. Thangvela leh Rolala te chuan zuiin Lalin thlen hma chuan Thangvela ho chuan Khurhnai chu an pan ta rih a. An han insilfai chu leh an thli chu a luang sen thla nguai nguai mai a, hliam an lo ngah hle hlawm a, han inphek sam takah chuan him reng theih ni hek lo le! Amah erawh chu chung an hliam te chu mipa fa tan chuan han mutpui tur chi chu a ni hauh lo! Pasalṭha ten tuikhur an pan an hmuh khan nula vengva tak Kungi te hovin Chingal fir nen an zui ngat kha a ni a, a thar chhuak vawk ngei ang le!
......... .......... ............
Serzawl daia pasalṭha leh tlangval te chuan mak tiin khua an var ta. Engtizia a tun thlenga an hmelma te lo lang lo nge an nih tih chhanna an hriat si loh zawhna chu an inzawt sek hlawm a. Pasalṭha Bukbawnga te leh Pasalṭha Chhunthanga te lah han rinhlelh rual an ni si lo! Chutih laiin pasalṭha Thanchhinga te ho chuan an lal rawn lova Ṭhep zawla chikhur an pan ngei an ring thung! An ngaih dan a sual kher lovang, hei chen a rawn lawr ta lo chu, Ṭhep zawl lam bak rin tur awm ta hek lo! Daiah chuan ralveng tlem indah in khawchhung lam chu an pan tlang ta a. Lal inah chuan khun khan fe in ropui an rel leh ta!
Pasalṭha Thanseia te ho chu Thinglian ramah an chawl ta vang vang hlawm a.Ngurṭhuama chu a ngawi ngul tawh mai a,a tum dan erawh thlak a tum chuang lo! Tukṭhuan han bar zo se, a ruka Serzawl luh chu a tum ta a. A thinlungah ngaih dan hrang hrang a lut chho nguah nguah a, chumi tipuitling tur chuan ataka chet chhuah a tum ta chu chu a tihngei tur niin a hre tlat si! Zan lamah mutmu tuah mang lo an ni a, an zuai raih ni hian a lang, amah erawh chu tlangval ṭhalaiin zuai hmel han put chu an tum lo bur thung. Pasalṭha Ralkapa pawh a ngaihtuahna a kal ding ve hle tawh mai a, Thatphunga nen chuan an inrawn leh zeuh ṭhin!
Tukṭhuan bawl chuan an phe ta vat vat hlawm a, hetih lai hian Ngurṭhuama leh Thanseia an lo titi dun sap sap bawk a. Ngurṭhuama remruat dan chu pasalṭha Thanseia chuan a hnial hreh hle mai! Chutah tukṭhuan an han bar ṭan ta a le! An sakhi rep te chu an chhum paw phat a, an puar tlang ngawt ang le! Ngurṭhuama chuan a ruahmanna chu ring fe hian a sawi ta a, thu a thiam hle mai a, pasalṭha Rala leh Thatphunga ngaih dan a ni lo hle na a, an hnial thui ta bik lo. Thatphunga chuan tlangval pakhat chu a bekbawr zeuh a, tukṭhuan bar thuaiin a tho ta nalh a. Pasalṭha Thanseia nau pakhat pawh a tho ve ta nalh a, an pan tur lam pan ve ve chuan an tlan ta nal nal mai le!
Tukṭhuan an han bar zo chu Pasalṭha Rala chuan, " Ti ru le!" tih leh hmahruai chu a rual ta a. Ṭhep zawl lam chu an pan ta hlawm a, Hriangmual tlangval pali lai chuan an zui ve bawk a. Pasalṭha Thanseia leh Ngurṭhuama te chu Serzawl lamah an let thung a, kawng pangngaia kal ta lo chuan an hel ta daih thung a. Serzawl lal fanu ruk chhuah ngei an tum a ni. Hlawhtling takin an che thei ngut ange maw? Pasalṭha Rala te ho pawh sawm ṭhalam mah an la ni a, a ri ve le lu tho mai! Ngurṭhuama chuan a tum hlawhtling hle dawnin a hria a, a ke pen te lah chu a phur hle tawh a ni. Ni vanlaizawl a thlen chuan Serzawl an thleng hman ngei ang.
Serzawl lal tualah erawh tlangval ho dingkhawm ṭhapin pasalṭha Hualroa chuan an rorel dan chu a sawi chhuak ṭan ta a. Tlangval sawm thum rual ( chawntui tiamin) chuan Ṭhep zawl an pan ang a, midang zawng chuan khua an lo venghim dawn thung a ni. Ṭhep zawl lam hi pasalṭha Thanchhinga leh Zamkungan an ho ang a, khawchhung lam hi pasalṭha Hualroan a lo ho thung dawn a ni. Serzawl valte pawh hian an lal phalna la lova an ramvalh china khawdang mi an rawn sapa vah luh ngawt chu an ngaithiam thei lova, an mitmeng pawh a sen ram tawh hial a ni.An tana Pialral panna tur lamtluang a ni em tih an ngaihtuah lova, an khaw ram chin humhalhnan chuan penchhuah an chak zek zek tawh zawk a ni.An bawhram chin humhalh nan leh venhim nan a ni bawk a, pasalṭha te in peih rual chuan Ṭhep zawl pan chuan phur fe in an liam ta. Pasalṭha Chhunthanga pawh thangchhuah diar nen a hawi ngeng ngalh mai a, Serzawl buaina hi a telve na tur niin a ngai hmiah a ni.
Zamani erawh a ngaih a ṭha hauh lo thung, nidang ang lo takin a pasal Thanchhinga chu a ngaihtuah riau a, a fapa Thana lah a chin a hre hauh si lo, hna han thawhna chi va ni suh. Suaki te inlam chu a pan ta ngawt mai a. A pasal hi han hrilh mi a ni si lo, hmeichhe thudawn a lo tihsak dawn tih chu arpuiin kel no a hruai ngai lo tih a hriat tluk zetin a hre si! Ngaih ṭha lo tak chung chuan a tei ruai mai chu a ni. Mipa te zawngin hmeichhe thu hla barah an khawn ngai lo miau si a!
Pasalṭha Thanchhinga leh Zamkunga chuan hma an hruai a, Ṭhep zawl lam an pan ta! Hmanhmawh leh fimkhur tak si chuan an kal ta par par a, an thleng har lo tawp ang. Tlangval ho te chu chawlh pawh an chawlh pui ta lo, uih zawn ang vut vut chu an ni a. Thui vak lo an kal hnu chuan hmelma lam hnu chu an hmu ta mai reng a, chutah le, pasalṭha Chhunthanga chuan hma hruai a rawn chuh ta! He pasalṭha zet hi zawng a ralṭit poh leh a huaisen a, a khirh poh leh a phur emaw tih tur hi a ni tlat si! Pasalṭha Thanchhinga chuan hnial mi a ni lo tih a hria a, a hmasak tir ta thung a. A mit meng te, a fimkhur zia te chu Sapui hliam bei tur niawm tak hian a lang hial a ni. Hriangmual leh Seipui val rualten tukṭhuan an barna hmun an thleng ta! Tlangval ho in an chim hma chuan pasalṭha Chhuna mit chuan a hawlkim hle a, a hnar a phit zui dat dat a.
Pasalṭha Thanchhinga han melh ralh chuan,
" Tlem azawng an peng tlat mai a, min lo khalh an tum a ni mahna, in silai kha endik ṭan teh u.!" a ti leh a. Kawtchhuah a endik tura hrilh thlap an ni tawh si, chutia hma hruaitu berin an tih leh takah chuan an inring tawh kher mai!
Thawm chhuah lo thei ang ber chuan hmalam an pan ta! Pasalṭha Chhunthanga pawh chuan sava thlawk chhuak thawm takngial pawh chu hriat hmaih a tum lo, a hnunga pasalṭha Thanchhinga pawh chuti tho, hetiang huna hma hruaitu han nih zet zawng a khirh hle ang le! Ṭhep zawl thlen hma a Kawrte an thlen thleng chuan thawm leh anmahni lo lambun tum awm an la tawng hauh lo! Kawrte tui chu an han lem leh rih a, he tui hi a tui danglam em avangin Tuithiang an vuah nghe nghe a. Rei chawlhna chi ni hek lo kal zai an rel leh ta,chutah le...Ṭhep zawl piah chi khur zawna meikhu chu an hmu ta tlat mai le...! Pasalṭha Thanchhinga chu a rum ta nghat a. Pasalṭha Chhunthanga erawh hmelma te chet dan mak lutuk chu a ngaihtuah rauh rauh thung a. Fimkhurna bosal hauh lo chuan a hual dan tur a sawi chhuak ta!
Ngurṭhuama te thung chu fimkhur takin Serzawl dai an thleng ta, Rawlkhang lam aṭang chuan luh an tum a a chhan pawh Ralvenbuk pahnihah ralveng an awm an rin vang a ni. Thawm dim fe chuan pasalṭha Thanseia hovin an che chhuak ṭham ṭham a. Lal in lan theihna hmun an thleng ta! An ṭhahnem lo bawk a, an biru thiam kher mai, tin ralveng an inthlahdah lohzia pawh an hmu thei ta! Rodawla hmuh a duh ta takzet a, a thuchah kha Rodawla hian a hlen angem tih a ngaihtuah ta veng veng a.
Chikhur lam chu pasalṭha te chuan an hual ṭan ta, thawm an dim thiam bawk a. An thleng ṭep a. Chutah le....
( chhunzawm tur)
Awiii....i a tawp laklawh thei bawk sia. Naktuk zan lo nghak leh mai ang aw.
ReplyDeleteNgaihawm thin hle mai
ReplyDelete