LUNGRENG NGÂW..S-4...(11)....
LUNGRENG NGÂW...SEASON-4....11...
( PASALṬHA THANPUIA)
M. LUSEI PALIAN
......... ........... ..........
Serzawl lamah thung chuan Lal mualah tlangval te leh pasalṭha ho an ding khawm ta far mai le! Lal chuan an thu hriat a sawi ta charh charh a, a sawi zawh chuan Bukbawnga a rawn dingchhuak ve leh a, Serzawl val rualte an zam lo hle a ni! Tlangval rual chu an thum huk a, chutih lai chuan pasalṭha Selzama an ngaih ava zual tehreng em! Pasalṭha Thanchhinga leh Zamkunga te Hualroa te Bukbawnga te chuan tlangval an ho dawn a ni. Thanpuia pa pasalṭha Thanchhinga chu a hmatawngah a awm dawn a ni. Pasalṭha Chhunthanga pawh chuan theihtawp chhuah a lo tum ve hle a. Pasalṭha te chuan zanriah an lo bar fel tawh bawk a, rang fe chuan tlangval ho ral ven bukah an tir nghal bawk a an phe ta suau suau mai le!
Zamkunga chuan Thanpuia te Chamtlang pan a an lo chhuak chu pawi a ti hle a, eng buaina nge an tawh ang tih hre lo mahse harsatna hmunah hi chuan mihrangte ngaih a na ṭhin em a ni. Pasalṭha Thanchhinga bulah a ding dawn a, zam hauh lovin hma lam an pan dawn ta. Hmelma te hi eng tin nge, engtik hunah nge an rawn chet dawn tih lah arsi thlawk lo lan hun tur an hriat loh tluk zetin an hre lo chu a ni. Thla mang lai ngang a ni si! Chet lak a harsa ngawt ang le! Hetih lai tak hian Bukbawnga tlangval tirh la tuai deuh hmelma lam lo thlithlaitu chu a rawn kir ve leh ta mai a, Bukbawnga chuan alokir hma lutuk chu pawi a lo ti hle a, mahse ala nau deuh em atin ni!
Pasalṭha Ralkapa te ho chu an inrawn khawm ta nak nak a, Hriangmual lal fapa Ngurṭhuama pawh a ri lar lar mai a. Pasalṭha Thanseia pawh a ngaihtuahna a buai ve map a. Zanriah an bar fel tawh a, Ngurṭhuama hian Seipui ho hi pen san a, Ṭhep zawl a fin leh a duh thu a chhakchhuak chu an buaina ber a ni. Pasalṭha Ralkapa ngaih dan chuan Serzawl ho an inralring tawh ngei ang a, hnu hma thup lo tak khan Thanseia duh dan khan an lo che tawh si, buaina tawk thei an ni reng tawh tih chu a rin dan a ni a, tunah pawh hian an lo thlithlai reng tawh in a ring hial a. Pasalṭha te pawh an ngaih dan a insai kalh ta nuk mai! Ngurṭhuama hian Serzawl ho buai lai a Saipuii lo ruk chhuah a tum a ni.
Pasalṭha Ralkapa leh Thanseia ngaih dan a inan chiah avang chuan Ṭhep zawl pan zai an rel ta a.Ngurṭhuama ngaih dan a ni lo hle mai, mahse a ngaih dan vekin thil a kal thei si lo! Lunghnur fe chuan Ṭhep zawl lam pan chuan a kal a ngai ta, ro hran a neih vat a ngai ngei ang. Ṭhep zawl ah zawng hualbeh vek an ni thei tlat a, chu chu Serzawl pasalṭha te duh dan ani ngat dawn si a! Zan rei lamah a naute a chet chhuahpui ngei a ngai dawn a ni. Pasalṭha Ralkapan Hriangmual lal fapa thil tih tum dan chu mak a ti sawt hle mai a, pasalṭha Thanseia thil tih pawh kha apawm chiah lo kha a ni. A rin ang rengin thil a kal ta lo, Serzawl khaw lam tan hun ṭha lutuk an siam tlat mai si, khua leh khua inrunna an chawk chhuak ngei dawn a ni.
Pasalṭha Thanchhinga te ho chuan Ralven buk an kan kual reng a, an inring kher mai! Tlangval tam tak pawh kawtchhuah lamah biru tawhin an khaw luhtheihna khan chu an veng uluk hle tawh a. Hmelma lam rawn lan chu an nghak ta far mai a, an khaw chhan nan chuan hmelma tam zawk chu lo sai thluk ngei an tum a ni. Hun chu kalmuang hle in an hre hial a, hunbi chhiarna ar khuang ṭhin pawh an ringhlel rum rum tawh a, hmelma lam hian an kirsan leh a nih an ring hial tawh a ni. Hei tak hi Bukbawnga tlangval hmelma thlithlaitu rawn kirsan pawina a ni ta si! An hawi an hawi tawh mai a, zanlai arkhuan ah meuh pawh hmelma lam an la rawn lang ta hauh lo. Pasalṭha Chhunthanga pawh dai lamah a naute nen an awm ve a, an meikhu hmuh chhuahtu te chuan Ṭhep zawl an pan a nih a ring ta tlat mai! Khawchhung rawn nuai tum ni awm tak khan an lang lawi si, an beidawng ṭan ta, varṭian an hnaih hle tawh si a!
........ ......... ..........
Chamtlang dai lamah thung chuan, hmelma Thinglian lam chuan hmasawn an tum hle a. Eng emaw zat inchan tawh mahse an infuih thar reng a, thingkung phenin an awm ta zat zel a. An han che leh chiah chu khawchhung lam aṭang chuan Silai a puak leh ta zawt zawt a, chappui rawh lai ang mai a ni leh ta! Thinglian lam pawh awm khawm duh lovin an insem darh ṭan tawh a, Silai an hmet puak ve reng tawh mai. Khawi lam ve ve pawh chu an him reng ta bik lo. Serzawl mihrangte chuan khawvar hun an nghakhlel tawh takzet a, khua avar har tawh lo tawp ang le. An Silai sawh an rang hle hlawm tawh a, an Silai an sawh chhung Thanpuia chuan Thal hmangin a lo veng reng thung a. Ram chin an hre lo nen an buai ve hle mai, hmelma lam lah an la tam phian mai si!
Thinglian lam pasalṭha ten an chet dan an thlak ta zung zung mai la, Serzawl mihrang lam pan pawl leh Khawchhung lam pan pawl an awm ta! Chu tak chu Aimawia te ho duhthusam a ni thung, Thangvela pawh chuan Silai kah zawh a chempui nena innuai a chak tawh takzet a, la chetchhuah chi a ni si lo! An lam pan chuan Silai a rawn puak ve leh ta zawt zawt a, an inphenna thing te pawh a khem ta hlawk hlawk mai! Silai puah zawh rual chuan pasalṭha Thanpuia chu thalngul kuai bial papin a zuang chhuak a, Thalfang a thlawh chhuak leh ta zawt zawt a. Ring tawka han au in " Tunah....le" a ti chhuak ta. A thal dahin a chempui chu a hum ta. Serzawl thangchhuahpa meuh zawng hma hruaiin a lim ta puat puat mai le! A hnungah Thangvela leh Aimawia ten rang taka umzuiin an milu lak chem humin an rawn vai ve ta!
Varṭian a Chamtlang daia inphek nuaina zawng pui tak hi a ni. Serzawl mihrang te chuan an bawh eng duai duai mai a, thangchhuahpa in kut khinghniha Chem an han vai zawng hmuhnawm tak hi a ni. Pasalṭha Thangvela, Chamtlang mihrang pawh a duai lo, an chem vai han ran dan te lah Thlohpuiin thing a tuk ang zat zat hi a ni hlawm a. Mihring luruh han sah keh ri te, chempuiin mihring taksa a sat ri no chawk chawk te chu an thawm chhuah chu a ni. Patling au ri te, na tuar chiau chul thawmte chuan Chamtlang dai a khat a, mihrang ho lah tu thisen ber nge hriat tawh loh chuan an sen nuai tawh a, thapui an chhuah mawlh mawlh chu a ni.
Leilung lan tirh ata an innuai miah miah kha a ni a, Thinglian lam chan a chau ta takzet mai le. Chamtlang lal Saingura chuan Serzawl mihrangte chet la hmuhnawm em em mai chu mit la phal hauh lovin a Thehlei Khaum hmuh thlir reng a. A khua leh tui atan a it ngawih ngawih mai a ni. A pasalṭha Ramvachal tak Thangvela han chet dan te chu a nghilh hauh lovang le! Pasalṭha Zaduna leh Duhmeka pawh an nasa hle mai a, Aimawian Chempui lian zet a Thinglian mikawl an nawr ngat zawng Duhmeka pawh chuan a khak tel hlauvin a tawm phah rawk rawk thei hial chu a ni.Chutih lai chuan Pasalṭha Thanpuia chuan mi pahnih lai a lo dah ṭha leh hman a, Thinglian lam zawng panga vel bak an awm ta hauh lo.
Thinglian pasalṭha ralhrat tak Thanmawia leh pasalṭha Thanpuia chu an inhmachhawn ta ran mai a. Pasalṭha Thanmawia hi Chamtlang lal fanu ru chhuaktu ber a ni nghe nghe a, chulai hmuna awm mek tlangval ho leh pasalṭha te chuan an thlir tuau hlawm a. Pasalṭha Thangvela a bitum dah fel mek rawn hawichhuak chuan a rawn hmu ve chiah a. Chutah hmanhmawh fe a rawn lim phei in pasalṭha Thanpuia hmaah tak a rawn ding a, amah pawh en lo chuan,
" Pasalṭha, khawngaihin min hrethiam teh..!Hepa kher hi zawng hmachhawn chhan tur ka ngah ta e mai!" sehchilh rap chuan a ti chhuak a. Pasalṭha Thanpuia chuan chu hmun thlenga Thinglian val rual ho rawn hruaitu Thanmawia chu ala melh ran a, Thangvela chu a hrethiam viau lawi bawk a. Aimawia chu rawn inrawlh zatin,
" Thana....aw ti tawh, Sapuiin Sanghar han um zawng a mualpho thlak a nge!" a ti kher a. Aimawia hian a sawi fiam satliah a ni lo, Thanpuia a hriat chian em vanga sawi a ni. Chu thu kher chu midang beng pawh a luh viau mai, Thinglian pasalṭha pawh a dek ve zar mai le!
Thanmawia chuan Pasalṭha Thanpuia melh ran leh Thangvela chetlak ngaihchan pah chuan,
" Thinglian Sakawl hian mal beih pui tlak ka la tawng ngai lo va, in pahnih pawh khan ka ne in ek hian ka ring ngut lo ve! Mi lo lampui hi inthiam hle zawk a nih hi maw!" a rawn ti ve leh kher a.
Thangvela chuan, " In ring ta che... hmeichhe awm nem rukbo chauh em ni i thiam! Ti teh, thapui han thawh teh le...!" an ti ve kher a.
Thanpuia chuan a ṭhiante lam a pan san ta a, Serzawl mihrangte puihna avanga dingchang ta zawk Chamtlang khua te chuan an pasalṭha te innuai lai chu hmuh hmaih an tum lo kher mai! Chutah le..Chamtlang lal Saingura chuan ring fe hian,
" Ka pasalṭha, na tuar rei thei ang berin han chhaih ang che! " ring fe pawr ṭeng tak hian a rawn ti ve ta!
Chutah le Thinglian pasalṭha chu rawn tlan phei zawkin a chem pui chu Thangvela nghawng zawnah a rawn vai ta fua a, Thangvela chuan inring fe in a lo khak per a, an chempui han intawng chu a ṭek chhawk hial a. Rang fe chuan an inher rual nghal a, chempui an han vai dun tak tak a le, an hmuhnawm kher mai! Chamtlang pasalṭha hi a dinhmun a chhe ṭep zel chu a ni, Chamtlang lam lah chuan thaw dep dep hian an lo thlir a. Pasalṭha Rolala pawh a awm hle hle thei lo, ring fe fe chuan Thangvela chu a rawn fuih ve reng a.Hunbi hriltu Khuanu duan zing ni chhuak pawh chuan mihrangte chu a rawn bih ve duk duk tawh a. Aimawia pawh chuan Thangvela chu a lo fuih nasa hle a ni.
Thangvela hian a thapui ala chhuah ve miah lo, ala chhaih kual a ni. Thanmawia chuan rang fe fe chuan a chem a vai reng a, Thangvela chuan lo bum pah chuan a lo kik leh ṭhin! A in vai chau ṭan ta mai reng a, Thangvela lah chuan sam fe hian a chem vai pah chuan Thanmawia biangah te chuan a beng leh chawrh ṭhin! A chhaih thinrim ṭan ta hle mai, mumal nei ta lo chuan Thanmawia a rawn che ta buan buan a, chutak chu Thangvela duhthusam ber a ni si!
An thlan fim te chu a lo chhuak thang ham ham tawh a, thisen bual huh zuihin an ding dun ta! Thanmawian na taka Thangvela nghawng zawna a chem vai chu lo ṭhingṭhi chungin a khup kawiah a chempui chuan a lo kik ri rap mai a. Thanmawia chem vai thlawn tha pe na si chu a ṭe tuar a, a bawk thlawrh mai le...! A na hle ngei ang...
Chamtlang ho chu an lo hlim hle mai le! " A lu kha la nghal rawh le" ti chuan an lo au zui dual dual a. Thanmawia chu harsa ti fe hian a rawn ding chhuak leh a, a tawp nan ti niawm tak hian a ṭhen ṭhu a , Thangvela chu sah fuh ngei tumin a rawn bawh ta rawp mai le! Chutah tak chuan Thangvela chu rang taka zuang zawn dawrhin a chem chuan Thanmawia malah tak chuan an vai ta a le...! An ṭe rual ṭhat mai a!
Chutih lai tak chuan Thanpuia te hnung lam aṭang chuan silai a rawn puak thawr a, Aimawia chu a vir nghal zawk mai le..!
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Serzawl lamah thung chuan Lal mualah tlangval te leh pasalṭha ho an ding khawm ta far mai le! Lal chuan an thu hriat a sawi ta charh charh a, a sawi zawh chuan Bukbawnga a rawn dingchhuak ve leh a, Serzawl val rualte an zam lo hle a ni! Tlangval rual chu an thum huk a, chutih lai chuan pasalṭha Selzama an ngaih ava zual tehreng em! Pasalṭha Thanchhinga leh Zamkunga te Hualroa te Bukbawnga te chuan tlangval an ho dawn a ni. Thanpuia pa pasalṭha Thanchhinga chu a hmatawngah a awm dawn a ni. Pasalṭha Chhunthanga pawh chuan theihtawp chhuah a lo tum ve hle a. Pasalṭha te chuan zanriah an lo bar fel tawh bawk a, rang fe chuan tlangval ho ral ven bukah an tir nghal bawk a an phe ta suau suau mai le!
Zamkunga chuan Thanpuia te Chamtlang pan a an lo chhuak chu pawi a ti hle a, eng buaina nge an tawh ang tih hre lo mahse harsatna hmunah hi chuan mihrangte ngaih a na ṭhin em a ni. Pasalṭha Thanchhinga bulah a ding dawn a, zam hauh lovin hma lam an pan dawn ta. Hmelma te hi eng tin nge, engtik hunah nge an rawn chet dawn tih lah arsi thlawk lo lan hun tur an hriat loh tluk zetin an hre lo chu a ni. Thla mang lai ngang a ni si! Chet lak a harsa ngawt ang le! Hetih lai tak hian Bukbawnga tlangval tirh la tuai deuh hmelma lam lo thlithlaitu chu a rawn kir ve leh ta mai a, Bukbawnga chuan alokir hma lutuk chu pawi a lo ti hle a, mahse ala nau deuh em atin ni!
Pasalṭha Ralkapa te ho chu an inrawn khawm ta nak nak a, Hriangmual lal fapa Ngurṭhuama pawh a ri lar lar mai a. Pasalṭha Thanseia pawh a ngaihtuahna a buai ve map a. Zanriah an bar fel tawh a, Ngurṭhuama hian Seipui ho hi pen san a, Ṭhep zawl a fin leh a duh thu a chhakchhuak chu an buaina ber a ni. Pasalṭha Ralkapa ngaih dan chuan Serzawl ho an inralring tawh ngei ang a, hnu hma thup lo tak khan Thanseia duh dan khan an lo che tawh si, buaina tawk thei an ni reng tawh tih chu a rin dan a ni a, tunah pawh hian an lo thlithlai reng tawh in a ring hial a. Pasalṭha te pawh an ngaih dan a insai kalh ta nuk mai! Ngurṭhuama hian Serzawl ho buai lai a Saipuii lo ruk chhuah a tum a ni.
Pasalṭha Ralkapa leh Thanseia ngaih dan a inan chiah avang chuan Ṭhep zawl pan zai an rel ta a.Ngurṭhuama ngaih dan a ni lo hle mai, mahse a ngaih dan vekin thil a kal thei si lo! Lunghnur fe chuan Ṭhep zawl lam pan chuan a kal a ngai ta, ro hran a neih vat a ngai ngei ang. Ṭhep zawl ah zawng hualbeh vek an ni thei tlat a, chu chu Serzawl pasalṭha te duh dan ani ngat dawn si a! Zan rei lamah a naute a chet chhuahpui ngei a ngai dawn a ni. Pasalṭha Ralkapan Hriangmual lal fapa thil tih tum dan chu mak a ti sawt hle mai a, pasalṭha Thanseia thil tih pawh kha apawm chiah lo kha a ni. A rin ang rengin thil a kal ta lo, Serzawl khaw lam tan hun ṭha lutuk an siam tlat mai si, khua leh khua inrunna an chawk chhuak ngei dawn a ni.
Pasalṭha Thanchhinga te ho chuan Ralven buk an kan kual reng a, an inring kher mai! Tlangval tam tak pawh kawtchhuah lamah biru tawhin an khaw luhtheihna khan chu an veng uluk hle tawh a. Hmelma lam rawn lan chu an nghak ta far mai a, an khaw chhan nan chuan hmelma tam zawk chu lo sai thluk ngei an tum a ni. Hun chu kalmuang hle in an hre hial a, hunbi chhiarna ar khuang ṭhin pawh an ringhlel rum rum tawh a, hmelma lam hian an kirsan leh a nih an ring hial tawh a ni. Hei tak hi Bukbawnga tlangval hmelma thlithlaitu rawn kirsan pawina a ni ta si! An hawi an hawi tawh mai a, zanlai arkhuan ah meuh pawh hmelma lam an la rawn lang ta hauh lo. Pasalṭha Chhunthanga pawh dai lamah a naute nen an awm ve a, an meikhu hmuh chhuahtu te chuan Ṭhep zawl an pan a nih a ring ta tlat mai! Khawchhung rawn nuai tum ni awm tak khan an lang lawi si, an beidawng ṭan ta, varṭian an hnaih hle tawh si a!
........ ......... ..........
Chamtlang dai lamah thung chuan, hmelma Thinglian lam chuan hmasawn an tum hle a. Eng emaw zat inchan tawh mahse an infuih thar reng a, thingkung phenin an awm ta zat zel a. An han che leh chiah chu khawchhung lam aṭang chuan Silai a puak leh ta zawt zawt a, chappui rawh lai ang mai a ni leh ta! Thinglian lam pawh awm khawm duh lovin an insem darh ṭan tawh a, Silai an hmet puak ve reng tawh mai. Khawi lam ve ve pawh chu an him reng ta bik lo. Serzawl mihrangte chuan khawvar hun an nghakhlel tawh takzet a, khua avar har tawh lo tawp ang le. An Silai sawh an rang hle hlawm tawh a, an Silai an sawh chhung Thanpuia chuan Thal hmangin a lo veng reng thung a. Ram chin an hre lo nen an buai ve hle mai, hmelma lam lah an la tam phian mai si!
Thinglian lam pasalṭha ten an chet dan an thlak ta zung zung mai la, Serzawl mihrang lam pan pawl leh Khawchhung lam pan pawl an awm ta! Chu tak chu Aimawia te ho duhthusam a ni thung, Thangvela pawh chuan Silai kah zawh a chempui nena innuai a chak tawh takzet a, la chetchhuah chi a ni si lo! An lam pan chuan Silai a rawn puak ve leh ta zawt zawt a, an inphenna thing te pawh a khem ta hlawk hlawk mai! Silai puah zawh rual chuan pasalṭha Thanpuia chu thalngul kuai bial papin a zuang chhuak a, Thalfang a thlawh chhuak leh ta zawt zawt a. Ring tawka han au in " Tunah....le" a ti chhuak ta. A thal dahin a chempui chu a hum ta. Serzawl thangchhuahpa meuh zawng hma hruaiin a lim ta puat puat mai le! A hnungah Thangvela leh Aimawia ten rang taka umzuiin an milu lak chem humin an rawn vai ve ta!
Varṭian a Chamtlang daia inphek nuaina zawng pui tak hi a ni. Serzawl mihrang te chuan an bawh eng duai duai mai a, thangchhuahpa in kut khinghniha Chem an han vai zawng hmuhnawm tak hi a ni. Pasalṭha Thangvela, Chamtlang mihrang pawh a duai lo, an chem vai han ran dan te lah Thlohpuiin thing a tuk ang zat zat hi a ni hlawm a. Mihring luruh han sah keh ri te, chempuiin mihring taksa a sat ri no chawk chawk te chu an thawm chhuah chu a ni. Patling au ri te, na tuar chiau chul thawmte chuan Chamtlang dai a khat a, mihrang ho lah tu thisen ber nge hriat tawh loh chuan an sen nuai tawh a, thapui an chhuah mawlh mawlh chu a ni.
Leilung lan tirh ata an innuai miah miah kha a ni a, Thinglian lam chan a chau ta takzet mai le. Chamtlang lal Saingura chuan Serzawl mihrangte chet la hmuhnawm em em mai chu mit la phal hauh lovin a Thehlei Khaum hmuh thlir reng a. A khua leh tui atan a it ngawih ngawih mai a ni. A pasalṭha Ramvachal tak Thangvela han chet dan te chu a nghilh hauh lovang le! Pasalṭha Zaduna leh Duhmeka pawh an nasa hle mai a, Aimawian Chempui lian zet a Thinglian mikawl an nawr ngat zawng Duhmeka pawh chuan a khak tel hlauvin a tawm phah rawk rawk thei hial chu a ni.Chutih lai chuan Pasalṭha Thanpuia chuan mi pahnih lai a lo dah ṭha leh hman a, Thinglian lam zawng panga vel bak an awm ta hauh lo.
Thinglian pasalṭha ralhrat tak Thanmawia leh pasalṭha Thanpuia chu an inhmachhawn ta ran mai a. Pasalṭha Thanmawia hi Chamtlang lal fanu ru chhuaktu ber a ni nghe nghe a, chulai hmuna awm mek tlangval ho leh pasalṭha te chuan an thlir tuau hlawm a. Pasalṭha Thangvela a bitum dah fel mek rawn hawichhuak chuan a rawn hmu ve chiah a. Chutah hmanhmawh fe a rawn lim phei in pasalṭha Thanpuia hmaah tak a rawn ding a, amah pawh en lo chuan,
" Pasalṭha, khawngaihin min hrethiam teh..!Hepa kher hi zawng hmachhawn chhan tur ka ngah ta e mai!" sehchilh rap chuan a ti chhuak a. Pasalṭha Thanpuia chuan chu hmun thlenga Thinglian val rual ho rawn hruaitu Thanmawia chu ala melh ran a, Thangvela chu a hrethiam viau lawi bawk a. Aimawia chu rawn inrawlh zatin,
" Thana....aw ti tawh, Sapuiin Sanghar han um zawng a mualpho thlak a nge!" a ti kher a. Aimawia hian a sawi fiam satliah a ni lo, Thanpuia a hriat chian em vanga sawi a ni. Chu thu kher chu midang beng pawh a luh viau mai, Thinglian pasalṭha pawh a dek ve zar mai le!
Thanmawia chuan Pasalṭha Thanpuia melh ran leh Thangvela chetlak ngaihchan pah chuan,
" Thinglian Sakawl hian mal beih pui tlak ka la tawng ngai lo va, in pahnih pawh khan ka ne in ek hian ka ring ngut lo ve! Mi lo lampui hi inthiam hle zawk a nih hi maw!" a rawn ti ve leh kher a.
Thangvela chuan, " In ring ta che... hmeichhe awm nem rukbo chauh em ni i thiam! Ti teh, thapui han thawh teh le...!" an ti ve kher a.
Thanpuia chuan a ṭhiante lam a pan san ta a, Serzawl mihrangte puihna avanga dingchang ta zawk Chamtlang khua te chuan an pasalṭha te innuai lai chu hmuh hmaih an tum lo kher mai! Chutah le..Chamtlang lal Saingura chuan ring fe hian,
" Ka pasalṭha, na tuar rei thei ang berin han chhaih ang che! " ring fe pawr ṭeng tak hian a rawn ti ve ta!
Chutah le Thinglian pasalṭha chu rawn tlan phei zawkin a chem pui chu Thangvela nghawng zawnah a rawn vai ta fua a, Thangvela chuan inring fe in a lo khak per a, an chempui han intawng chu a ṭek chhawk hial a. Rang fe chuan an inher rual nghal a, chempui an han vai dun tak tak a le, an hmuhnawm kher mai! Chamtlang pasalṭha hi a dinhmun a chhe ṭep zel chu a ni, Chamtlang lam lah chuan thaw dep dep hian an lo thlir a. Pasalṭha Rolala pawh a awm hle hle thei lo, ring fe fe chuan Thangvela chu a rawn fuih ve reng a.Hunbi hriltu Khuanu duan zing ni chhuak pawh chuan mihrangte chu a rawn bih ve duk duk tawh a. Aimawia pawh chuan Thangvela chu a lo fuih nasa hle a ni.
Thangvela hian a thapui ala chhuah ve miah lo, ala chhaih kual a ni. Thanmawia chuan rang fe fe chuan a chem a vai reng a, Thangvela chuan lo bum pah chuan a lo kik leh ṭhin! A in vai chau ṭan ta mai reng a, Thangvela lah chuan sam fe hian a chem vai pah chuan Thanmawia biangah te chuan a beng leh chawrh ṭhin! A chhaih thinrim ṭan ta hle mai, mumal nei ta lo chuan Thanmawia a rawn che ta buan buan a, chutak chu Thangvela duhthusam ber a ni si!
An thlan fim te chu a lo chhuak thang ham ham tawh a, thisen bual huh zuihin an ding dun ta! Thanmawian na taka Thangvela nghawng zawna a chem vai chu lo ṭhingṭhi chungin a khup kawiah a chempui chuan a lo kik ri rap mai a. Thanmawia chem vai thlawn tha pe na si chu a ṭe tuar a, a bawk thlawrh mai le...! A na hle ngei ang...
Chamtlang ho chu an lo hlim hle mai le! " A lu kha la nghal rawh le" ti chuan an lo au zui dual dual a. Thanmawia chu harsa ti fe hian a rawn ding chhuak leh a, a tawp nan ti niawm tak hian a ṭhen ṭhu a , Thangvela chu sah fuh ngei tumin a rawn bawh ta rawp mai le! Chutah tak chuan Thangvela chu rang taka zuang zawn dawrhin a chem chuan Thanmawia malah tak chuan an vai ta a le...! An ṭe rual ṭhat mai a!
Chutih lai tak chuan Thanpuia te hnung lam aṭang chuan silai a rawn puak thawr a, Aimawia chu a vir nghal zawk mai le..!
( chhunzawm tur)
A va ngaihnawm ṭhin em...
ReplyDeleteNgaihnawm em a ropui rep rep e. Chhiar zel tur a awm theih nan lo dam zel teh.
ReplyDeleteA va pui ve leh.....
ReplyDeleteva ngaihnawm riap riap ve le,thawnthu hlu tak min chhawpchhuah sak a vangin kan lawm e,ngalfim in dam ang che
ReplyDeleteA ngaihnawm lutuk. Chhiar a kham awm loh thin hle mai
ReplyDeleteNgaihnawm thin khawp mai
ReplyDeletea chhunzawm hi ka nghakhlel theikhawp mai ka nghakhlel lutuk hian ka chhiar mai phal thin lo
ReplyDelete