LUNGRENG NGÂW..S-3...(33).
LUNGRENG NGÂW...S-3...33. ..
( PASALṬHA THANPUIA)
M.Lusei Palian
........ ......... ...........
Khawchhung lam pan chuan Thangrem chu an pen a, a hawi kual hrak hrak a a ding dawt a, chuveleh khawchhung aṭang chuan Silai a rawn puak alh eng ta zuai zuai mai! Pawih val rualte hian chuti maia chengrang rawn ri ta thut chu an lo beisei lo hle mai! An ṭe tengtung tawh mai a, an hek ta hawk mai! Khawchhung lam aṭanga silai puak thawm an reh fel a, chutah an hnung lam aṭang chuan Silai a rawn puak thum ve leh ta hem hem mai! Thangchem leh a naute an va hek tehlul em! Silai an sawh ta hlawm a, an hmanhmawh kher mai le! Chutih lai tak chuan Darphawa te hnung lam aṭangin Silai a rawn puak ve leh pawp pawp mai le! Chu erawh zawng an beisei loh thil a ni ta, Darphawa pawh a hawihai kher mai le, a naute chu an au khawm tuar tuar a, eng emaw zah a chan ve hman tho a ni. Lungpuichawlh nuam lamah an tawlh ta rih a. Thangchem leh a naute tlem azawng pawh thing phenah an tawm bo zo ta rih a.Pawih ral chang an ni lo, lusei valte pawh an buai ve hle mai, pasalṭha Hrangkhuma pawh chuan a naute a fuih nasa hle tawh a. Chutiang bawkin Darphawa pawhin a naute chu a fuih nasa ve hle a, hetih lai hian a khawi lam mah mah an che thei ta rih lo. An inngaichang tawn a ni ber...!
Pangen ngaw chhunga lut mek te pawh an hmanhmawh kher mai! Pasalṭha Thanpuia chuan hmanhmawh fe chuan hma a hruai a. Ngaw chhunga huai te an han inrawn khawm a, nasa taka lo bawhbuai an tum hle mai le. Zan rei a nih meuh chuan lusei tlangvalte chu an hnaih ta hriau hriau a. Boruak han inthlakthleng leh huk ṭhinah chuan tlangval te an hawi hra a, zan lama han hram chi Tuitu leh Thizun han hram dut dut te chuan lung hi a timuang hlawl lo a ni. Rodawla phei chuan zun fep a thlauh hial tawh a, alai lum lam a pan hurh hurh tawh mai le! Chhum dum chhah tak tak chuan mihrang ho chu an zui dul dul a, thawm mak fe fe chhuahin aw lian thum fe fe chu an kuk chuah chuah mai bawk nen, thli lah chu a tleh leh ta vuk vuk a. Chhum dum chhah kara han thum bul bul thawm lah chu ngaihzam mai mai a har takzet a ni. Rodawla mawlh hi a khawngaihthlak a, a ṭap deuh ṭiau reng tawh mai a, a tilang ngam chiah si lo, a meichher te chu a keng sai hlak hlak tawh mai a ni.
Chung huai thawm natak rawn chhuahtute chuan mihrang ho chu bawhbuai an tum hle a, an hmahruaitu tih hlauh an han tum chu le.... Huai ho zawk chu an ṭe chul mai! An khawih theih mi a ni tlat lo, amah chu an hlau em em zawk hial a. Hnung lam aṭanga han nuai an tum leh chuan le, huai ho tan zawng kawng a awm ta ngang lo, an hnung dawltu pawh chu an han chian chuan an mahni tiboral theitu chu a lo ni leh tlat si! Rak chul chuan ngaw ril lam an pan ta hul hul ta a ni. Hmun thengthaw laiah chuan rei vak lo an han ding khawmuang a, an boruak zir loh vang nge....han hah hmel pawh an awm miah lo, chu ai zawng chuan an hawi nasa a, Rodawla phei chu a ding sai hlak hlak mai le...! Vaibel te an han pak leh rih a, zanlai arkhuan hun a ni ta! Bawkmual chu an thleng har tawh lovang, tukṭhuan an nang hman tawh ngei ang le! Pasalṭha Chhunthangan hma an hruai ve leh a, Thanpuian hnu a dal thung a. Aimawia te pawh Thanpuia kiangah zel kalin zawi te te chuan an phun sar sar hlawm a! Rodawla chanchin an sawi a, Pazawna chuan zawlbuk a a phuba laknan a che mawi lo a nih chuan hliam hlak a duh hle a, remchang zawn a tum ru hial a ni.
Hrangchin chuan Thangchem leh a tlangvalte an lo barakhaih thei mai chu a lai a na hle a. An lo fimkhur tawk lo em ni tih te an dawn vang vang a, Thangchem te chu an au let leh rih a. Thangchem hnung a mi te kha sir lamah an tawlh liam tih kha a hre ngei si a, khawvar hma ngei a khawchhung luh an ngai a, he Lusei khua hi chimih an la tum hle mai le. Thangchem nen chuan ro an han rel leh rih a, tunah zawng a mahin hma a hruai ang a, Thangchem ten an lo veng ve thung dawn a ni. Tawlh kir chu an tum lo hul hual a, a tam thei ang ber lusei tlangvalte lu hawn a tum a ni. A naute sawm vel nen chuan thingbul phen phei zelin Bawkmual an pan leh ta! An inring kher mai le.....
Pasalṭha Hrangkhuma chuan pawih ral lo hnai leh hriau hriau chu a hmu reng a, an ṭhian tlu tate silai khawm an tum emaw a ti a, mahse a rinaiin an tam tlat mai le! A naute chu inring turin a hrilh nghal a, mahse an beisei aia hma in pawih ral lam chuan an rawn kap ta tlat mai! Chu veleh ralven buk lamah chak fe in an rawn tlan nghal bawk a. Darphawa te pawh chuan khaw lam hawia Silai puak kha an lo hre chiang hle a, rang takin awm hmun sawnin khawlam hnaih mek pawih ral lamah chuan thing phen pahin an hnaih ve leh ta! Pasalṭha Hrangkhuma te ho chuan an silai chu an hmet puak ve leh ta, Bawkmual khaw dai chu chappui rawh lai ang maiin a rikin a ri ta hum hum mai le!
Pangen ngaw chuangchhuak ṭep tawh pasalṭha hriatna ṭha tak nei Chhunthanga chuan hla taka chengrang rawl chu a hre ta ngat mai le..a va hmanhmawh tawh tehlul em! A ding dat a, tlangval ho lam chu an hawi a, a bula thing tlukar ro chungah chuan a ke veilam chu an nghat a. Tihian a ṭawng chhuak ta,
" Tlangval huaisen te u,hla taka chengrang rawl ka hre ta tlat mai... kan hlauh ang ngeiin Bawkmual khua hi pawih ralin an bei mek a ni ngat mai! Hei aia chaka kan kal loh chuan chhan tur an awm tawh lovang tih ka hlau hle mai! Tunah hei aia chak zawkin aw...!" Tih pah chuan a inher vut a, inzo fe chuan a tlan titih ta a, tlangval ho pawh chuan an zui rang kher mai le! Chutiang hunah chuan Rodawla chuan hnunglam a chuh leh ta tlat mai! Aimawia te Thanpuia te chuan an tlan pel ta! Khawvar chu a hnai ṭan tawh si a, an hmanhmawh hle tawh a ni. An hmanhmawh bawk nen an tlan chak telh telh a, Bawkmual khua chu a lang thei ta ṭep mai!
........ .......... ........
Pasalṭha Thangluraa hian awm mai mai har a ti tawh takzet a, zan lamah tlangval ralven buk lam a mi te a thlir kual a. A lamkal tirhte erawh an rawn thlen ala hun si lo. In lamah lah a nupui lal fanu hmelṭha a rai avanga biangtaitek tawh lah chu a pa te ngaihtuahin a vei tuak ve sek mai si! Khua han var se, Herhzawl lam va thlithlai a tum a ni. Ngurpuii pate lah an upa viau tawh si nen, a ngaihtuah hle tawh a ni. Sawi tawh ang khan Herhzawl leh Bawkmual hi pawih ral tan a hnai ber a, chuvanga vanduai fo chu an ni si! Pasalṭha Thanglura chuan mutmu a tuah meuh lo, a silai hrufaiin banglaia a Fei tun te a endik a, khawfingchah rualin Herhzawl pan a tum ta. Ngurpuii sailo lal nula hmel ṭha tak pawhin mutmu a tuah thei bik lo, a pasal Thanglura bulah chuan a tap chawt a. An in melh leh vang vang ṭhin a ni.
Khawvar a hnai ta tih chuan Pasalṭha Thangluran ramvah nikhua a a hruai ṭhin tlangval pathum chu Thanglura te inah chuan an ralthuam nen an rawn lut ta! Pasalṭha Thanglura hi zui tlat an tum a ni, an tana mi hlu tak a ni si a, engti kawng pawhin phatsan an tum ngai lo a ni. Chung tlangval te Thanglura te nupa in an hmuh chuan an hlim hle mai a, Ngurpuii pawh a hmel ngui riai kha hlimna in a rawn thlak ṭan ta! Thu tam sawi tawh lovin tlangval ho nen chuan Herhzawl lam chu hmanhmawh takin an pan ta! Ngurpuii chuan a pasal Thanglura mi huaisen tak chu a thlir liam ṭhak a, a hlauhthawn viau rualin a nu leh pate a ngaihtuah hle bawk si a ni.
........ ......... .........
Bawkmual lungdawh lamah thung chuan Thangchem te chuan Hrangchina te vengin silai an lo hmet puak ve leh zawt zawt a, an awmna hla deuh mahse an veng thei ve hle mai le! Darphawa te ho chuan thih tha tak meuh chuan an lo chhawn let ve nghal a, Bawkmual tlangval rual hi an ṭang rei thei tawh ngut lovang le! Pawih ral leh Bawkmual valten Silai an han sawh leh mawlh mawlh hlawm a. Khua a var ṭan ta, chutah le, Pawih ral chuan thinrim fe hian Bawkmual luh ngei tumin silai hmet puak pah chuan an tlan ta sung sung hlawm a, Pasalṭha Hrangkhuma te chuan lo chhawn lehnghalin Darphawa te pawh chuan tlan pahin an silai an hmeh puak ta, inpawmchilh turin an la inhlat deuh si a ni. Chutah le....pawih ral hnung lam aṭang chuan Pasalṭha Thanpuia te ho chuan silai rawn hmet puak pawp pawpin an um chho ta. Pawih ral ho pawh an va hek tawh tehlul em! Tuman silai sawhna hun an nei tawh lo, pasalṭha Thanpuia chuan a thal ngei mai chuan thalfang a rawn thlawh chhuak ta zawt zawt mai le... pawih ral tlan hmasa te chuan thalfang an dawng ta nawlh nawlh mai , chutah a chempui an hum leh ta a le..... Duk chho par parin sam fe chuan a chempui huai ngam loh chem chu an vai ta tak tak a le...! A sirah pasalṭha Chhunthangan Thanpuia chet ang chiah chuan chet a rawn la ve bawk....! Pawih ral zawng a tluk hian an tlu hem hem a, an tluk hma hian an thlarau a chhuak fe hman ngei ang!
Darphawa leh Pasalṭha Hrangkhuman an mahni rawn puitute an han hmuh meuh chuan an va hlim em! Rang fe chuan pawih ral tawk zawng chuan an rawn chim thla ve leh a, Darphawa leh a hoten a sir lam aṭangin an rawn nawr ta bawk a, pui tak a ni pui tak! Pachang natuar thawm chuan a khat a, Bawkmual dai zawng thisen luanna hmunah a chang zo ta! Pawih pasalṭha Hrangchin chuan naute a nei tlem tawh hle a, chutah han ṭe ṭhat ṭhatin a naute an au khawm a, rang lutuk leh chak fe chuan Phaidung lui lam panin an tlanchhe ta chiam mai le! Thanpuian a Thal a lo hum mai tawh si lo, fei a melh chhung chuan an tlan liam hman ta. Hrangchin hian a naute ṭhenkhat tlan hmasak tirin a ruahmanna tihpuitlin a tum hle mai! Chutia pawih ral an pasalṭha hova han tlanchhe ta chu mak an va ti tehlul em! An thlir zui ringawt a.....
Darphawa thinrim lutuk chuan rang fe hian a umzui nghal a, Pasalṭha Selzaman an auh zui ngial pawhin a hre pha tawh lo! Bawkmual tlangval pawh chuan an zui thuai a, an um thla ta tak tak a le....an ṭe thla teng tung mai a, pawih ral an awmna a mi lah an chimih tawh si, pasalṭha ho chuan Darphawa te liamna lam chu hmanhmawh fe hian an pan zui nghal a.Pasalṭha Selzama hi a ngaih a ṭha tlat lo, a hmanhmawh em em a, Darphawa lah an hmu phak tawh der si lo. Hmanhmawh fe chuan phaidung lui lamah chuan an liam ta suau mai le!
Pawih tlanchhe ta te chu an tlanchak kher mai, an mawngphe chu Darphawan a hmu hman hram zel a. Chak fe chuan a um thla ṭuang ṭuang zel a, Phaidung lui bul ṭhang hmun pikah chuan Hrangchin leh a naute an biru ta! Hei tak hi a ṭul huna Hrangchin remruatna kha a ni, an mahni umtute lo sai miah miah kha a duh dan a ni si! Ṭhang hmun bika pawih ho pil chiah chu Darphawan a hmu hman tlat a, chung ho va chil chhuahnan chuan an karah kawrte a awm a, thing hi a indawh kai nghe nghe a, hmanhmawh fe a Fei nen Pawih ral ho a pana thingtuai a zawh lai chuan Pawih ral tawmna aṭang chuan Silai chu a puak ta dur mai a, Darphawa pawh a ding ta chawt mai le.....! Chiang lo ruaiin Thanpuia te Selzama te rawn tlan chu a rawn thlek hram hram a, a hnuaia li ah chuan a tla thum ta dum a, tui chu a per chuai mai le! Pasalṭha Thanpuia leh Chhunthanga chu an ding chawt a. Darphawa chuan ngenmu a dawng a ni ngat mai le. An la inhlat nasa mai si, a hnaih ber tu chu pasalṭha Selzama a ni a, a ni hi awih panga a tlanna lamah a chhuahna a fuh a, a hnaih ta phian a ni..Chutih lai tak chuan silai rawn puak leh dawtin Pasalṭha Selzama.....thangchhuahpa mi leh sa a zam ngai lo chu a thinglubul tluk ve ta dawp mai le......! Pasalṭha Thanpuia chu ring fe chuan a ṭe chhuak a......
( chhunzawm tur)
( PASALṬHA THANPUIA)
M.Lusei Palian
........ ......... ...........
Khawchhung lam pan chuan Thangrem chu an pen a, a hawi kual hrak hrak a a ding dawt a, chuveleh khawchhung aṭang chuan Silai a rawn puak alh eng ta zuai zuai mai! Pawih val rualte hian chuti maia chengrang rawn ri ta thut chu an lo beisei lo hle mai! An ṭe tengtung tawh mai a, an hek ta hawk mai! Khawchhung lam aṭanga silai puak thawm an reh fel a, chutah an hnung lam aṭang chuan Silai a rawn puak thum ve leh ta hem hem mai! Thangchem leh a naute an va hek tehlul em! Silai an sawh ta hlawm a, an hmanhmawh kher mai le! Chutih lai tak chuan Darphawa te hnung lam aṭangin Silai a rawn puak ve leh pawp pawp mai le! Chu erawh zawng an beisei loh thil a ni ta, Darphawa pawh a hawihai kher mai le, a naute chu an au khawm tuar tuar a, eng emaw zah a chan ve hman tho a ni. Lungpuichawlh nuam lamah an tawlh ta rih a. Thangchem leh a naute tlem azawng pawh thing phenah an tawm bo zo ta rih a.Pawih ral chang an ni lo, lusei valte pawh an buai ve hle mai, pasalṭha Hrangkhuma pawh chuan a naute a fuih nasa hle tawh a. Chutiang bawkin Darphawa pawhin a naute chu a fuih nasa ve hle a, hetih lai hian a khawi lam mah mah an che thei ta rih lo. An inngaichang tawn a ni ber...!
Pangen ngaw chhunga lut mek te pawh an hmanhmawh kher mai! Pasalṭha Thanpuia chuan hmanhmawh fe chuan hma a hruai a. Ngaw chhunga huai te an han inrawn khawm a, nasa taka lo bawhbuai an tum hle mai le. Zan rei a nih meuh chuan lusei tlangvalte chu an hnaih ta hriau hriau a. Boruak han inthlakthleng leh huk ṭhinah chuan tlangval te an hawi hra a, zan lama han hram chi Tuitu leh Thizun han hram dut dut te chuan lung hi a timuang hlawl lo a ni. Rodawla phei chuan zun fep a thlauh hial tawh a, alai lum lam a pan hurh hurh tawh mai le! Chhum dum chhah tak tak chuan mihrang ho chu an zui dul dul a, thawm mak fe fe chhuahin aw lian thum fe fe chu an kuk chuah chuah mai bawk nen, thli lah chu a tleh leh ta vuk vuk a. Chhum dum chhah kara han thum bul bul thawm lah chu ngaihzam mai mai a har takzet a ni. Rodawla mawlh hi a khawngaihthlak a, a ṭap deuh ṭiau reng tawh mai a, a tilang ngam chiah si lo, a meichher te chu a keng sai hlak hlak tawh mai a ni.
Chung huai thawm natak rawn chhuahtute chuan mihrang ho chu bawhbuai an tum hle a, an hmahruaitu tih hlauh an han tum chu le.... Huai ho zawk chu an ṭe chul mai! An khawih theih mi a ni tlat lo, amah chu an hlau em em zawk hial a. Hnung lam aṭanga han nuai an tum leh chuan le, huai ho tan zawng kawng a awm ta ngang lo, an hnung dawltu pawh chu an han chian chuan an mahni tiboral theitu chu a lo ni leh tlat si! Rak chul chuan ngaw ril lam an pan ta hul hul ta a ni. Hmun thengthaw laiah chuan rei vak lo an han ding khawmuang a, an boruak zir loh vang nge....han hah hmel pawh an awm miah lo, chu ai zawng chuan an hawi nasa a, Rodawla phei chu a ding sai hlak hlak mai le...! Vaibel te an han pak leh rih a, zanlai arkhuan hun a ni ta! Bawkmual chu an thleng har tawh lovang, tukṭhuan an nang hman tawh ngei ang le! Pasalṭha Chhunthangan hma an hruai ve leh a, Thanpuian hnu a dal thung a. Aimawia te pawh Thanpuia kiangah zel kalin zawi te te chuan an phun sar sar hlawm a! Rodawla chanchin an sawi a, Pazawna chuan zawlbuk a a phuba laknan a che mawi lo a nih chuan hliam hlak a duh hle a, remchang zawn a tum ru hial a ni.
Hrangchin chuan Thangchem leh a tlangvalte an lo barakhaih thei mai chu a lai a na hle a. An lo fimkhur tawk lo em ni tih te an dawn vang vang a, Thangchem te chu an au let leh rih a. Thangchem hnung a mi te kha sir lamah an tawlh liam tih kha a hre ngei si a, khawvar hma ngei a khawchhung luh an ngai a, he Lusei khua hi chimih an la tum hle mai le. Thangchem nen chuan ro an han rel leh rih a, tunah zawng a mahin hma a hruai ang a, Thangchem ten an lo veng ve thung dawn a ni. Tawlh kir chu an tum lo hul hual a, a tam thei ang ber lusei tlangvalte lu hawn a tum a ni. A naute sawm vel nen chuan thingbul phen phei zelin Bawkmual an pan leh ta! An inring kher mai le.....
Pasalṭha Hrangkhuma chuan pawih ral lo hnai leh hriau hriau chu a hmu reng a, an ṭhian tlu tate silai khawm an tum emaw a ti a, mahse a rinaiin an tam tlat mai le! A naute chu inring turin a hrilh nghal a, mahse an beisei aia hma in pawih ral lam chuan an rawn kap ta tlat mai! Chu veleh ralven buk lamah chak fe in an rawn tlan nghal bawk a. Darphawa te pawh chuan khaw lam hawia Silai puak kha an lo hre chiang hle a, rang takin awm hmun sawnin khawlam hnaih mek pawih ral lamah chuan thing phen pahin an hnaih ve leh ta! Pasalṭha Hrangkhuma te ho chuan an silai chu an hmet puak ve leh ta, Bawkmual khaw dai chu chappui rawh lai ang maiin a rikin a ri ta hum hum mai le!
Pangen ngaw chuangchhuak ṭep tawh pasalṭha hriatna ṭha tak nei Chhunthanga chuan hla taka chengrang rawl chu a hre ta ngat mai le..a va hmanhmawh tawh tehlul em! A ding dat a, tlangval ho lam chu an hawi a, a bula thing tlukar ro chungah chuan a ke veilam chu an nghat a. Tihian a ṭawng chhuak ta,
" Tlangval huaisen te u,hla taka chengrang rawl ka hre ta tlat mai... kan hlauh ang ngeiin Bawkmual khua hi pawih ralin an bei mek a ni ngat mai! Hei aia chaka kan kal loh chuan chhan tur an awm tawh lovang tih ka hlau hle mai! Tunah hei aia chak zawkin aw...!" Tih pah chuan a inher vut a, inzo fe chuan a tlan titih ta a, tlangval ho pawh chuan an zui rang kher mai le! Chutiang hunah chuan Rodawla chuan hnunglam a chuh leh ta tlat mai! Aimawia te Thanpuia te chuan an tlan pel ta! Khawvar chu a hnai ṭan tawh si a, an hmanhmawh hle tawh a ni. An hmanhmawh bawk nen an tlan chak telh telh a, Bawkmual khua chu a lang thei ta ṭep mai!
........ .......... ........
Pasalṭha Thangluraa hian awm mai mai har a ti tawh takzet a, zan lamah tlangval ralven buk lam a mi te a thlir kual a. A lamkal tirhte erawh an rawn thlen ala hun si lo. In lamah lah a nupui lal fanu hmelṭha a rai avanga biangtaitek tawh lah chu a pa te ngaihtuahin a vei tuak ve sek mai si! Khua han var se, Herhzawl lam va thlithlai a tum a ni. Ngurpuii pate lah an upa viau tawh si nen, a ngaihtuah hle tawh a ni. Sawi tawh ang khan Herhzawl leh Bawkmual hi pawih ral tan a hnai ber a, chuvanga vanduai fo chu an ni si! Pasalṭha Thanglura chuan mutmu a tuah meuh lo, a silai hrufaiin banglaia a Fei tun te a endik a, khawfingchah rualin Herhzawl pan a tum ta. Ngurpuii sailo lal nula hmel ṭha tak pawhin mutmu a tuah thei bik lo, a pasal Thanglura bulah chuan a tap chawt a. An in melh leh vang vang ṭhin a ni.
Khawvar a hnai ta tih chuan Pasalṭha Thangluran ramvah nikhua a a hruai ṭhin tlangval pathum chu Thanglura te inah chuan an ralthuam nen an rawn lut ta! Pasalṭha Thanglura hi zui tlat an tum a ni, an tana mi hlu tak a ni si a, engti kawng pawhin phatsan an tum ngai lo a ni. Chung tlangval te Thanglura te nupa in an hmuh chuan an hlim hle mai a, Ngurpuii pawh a hmel ngui riai kha hlimna in a rawn thlak ṭan ta! Thu tam sawi tawh lovin tlangval ho nen chuan Herhzawl lam chu hmanhmawh takin an pan ta! Ngurpuii chuan a pasal Thanglura mi huaisen tak chu a thlir liam ṭhak a, a hlauhthawn viau rualin a nu leh pate a ngaihtuah hle bawk si a ni.
........ ......... .........
Bawkmual lungdawh lamah thung chuan Thangchem te chuan Hrangchina te vengin silai an lo hmet puak ve leh zawt zawt a, an awmna hla deuh mahse an veng thei ve hle mai le! Darphawa te ho chuan thih tha tak meuh chuan an lo chhawn let ve nghal a, Bawkmual tlangval rual hi an ṭang rei thei tawh ngut lovang le! Pawih ral leh Bawkmual valten Silai an han sawh leh mawlh mawlh hlawm a. Khua a var ṭan ta, chutah le, Pawih ral chuan thinrim fe hian Bawkmual luh ngei tumin silai hmet puak pah chuan an tlan ta sung sung hlawm a, Pasalṭha Hrangkhuma te chuan lo chhawn lehnghalin Darphawa te pawh chuan tlan pahin an silai an hmeh puak ta, inpawmchilh turin an la inhlat deuh si a ni. Chutah le....pawih ral hnung lam aṭang chuan Pasalṭha Thanpuia te ho chuan silai rawn hmet puak pawp pawpin an um chho ta. Pawih ral ho pawh an va hek tawh tehlul em! Tuman silai sawhna hun an nei tawh lo, pasalṭha Thanpuia chuan a thal ngei mai chuan thalfang a rawn thlawh chhuak ta zawt zawt mai le... pawih ral tlan hmasa te chuan thalfang an dawng ta nawlh nawlh mai , chutah a chempui an hum leh ta a le..... Duk chho par parin sam fe chuan a chempui huai ngam loh chem chu an vai ta tak tak a le...! A sirah pasalṭha Chhunthangan Thanpuia chet ang chiah chuan chet a rawn la ve bawk....! Pawih ral zawng a tluk hian an tlu hem hem a, an tluk hma hian an thlarau a chhuak fe hman ngei ang!
Darphawa leh Pasalṭha Hrangkhuman an mahni rawn puitute an han hmuh meuh chuan an va hlim em! Rang fe chuan pawih ral tawk zawng chuan an rawn chim thla ve leh a, Darphawa leh a hoten a sir lam aṭangin an rawn nawr ta bawk a, pui tak a ni pui tak! Pachang natuar thawm chuan a khat a, Bawkmual dai zawng thisen luanna hmunah a chang zo ta! Pawih pasalṭha Hrangchin chuan naute a nei tlem tawh hle a, chutah han ṭe ṭhat ṭhatin a naute an au khawm a, rang lutuk leh chak fe chuan Phaidung lui lam panin an tlanchhe ta chiam mai le! Thanpuian a Thal a lo hum mai tawh si lo, fei a melh chhung chuan an tlan liam hman ta. Hrangchin hian a naute ṭhenkhat tlan hmasak tirin a ruahmanna tihpuitlin a tum hle mai! Chutia pawih ral an pasalṭha hova han tlanchhe ta chu mak an va ti tehlul em! An thlir zui ringawt a.....
Darphawa thinrim lutuk chuan rang fe hian a umzui nghal a, Pasalṭha Selzaman an auh zui ngial pawhin a hre pha tawh lo! Bawkmual tlangval pawh chuan an zui thuai a, an um thla ta tak tak a le....an ṭe thla teng tung mai a, pawih ral an awmna a mi lah an chimih tawh si, pasalṭha ho chuan Darphawa te liamna lam chu hmanhmawh fe hian an pan zui nghal a.Pasalṭha Selzama hi a ngaih a ṭha tlat lo, a hmanhmawh em em a, Darphawa lah an hmu phak tawh der si lo. Hmanhmawh fe chuan phaidung lui lamah chuan an liam ta suau mai le!
Pawih tlanchhe ta te chu an tlanchak kher mai, an mawngphe chu Darphawan a hmu hman hram zel a. Chak fe chuan a um thla ṭuang ṭuang zel a, Phaidung lui bul ṭhang hmun pikah chuan Hrangchin leh a naute an biru ta! Hei tak hi a ṭul huna Hrangchin remruatna kha a ni, an mahni umtute lo sai miah miah kha a duh dan a ni si! Ṭhang hmun bika pawih ho pil chiah chu Darphawan a hmu hman tlat a, chung ho va chil chhuahnan chuan an karah kawrte a awm a, thing hi a indawh kai nghe nghe a, hmanhmawh fe a Fei nen Pawih ral ho a pana thingtuai a zawh lai chuan Pawih ral tawmna aṭang chuan Silai chu a puak ta dur mai a, Darphawa pawh a ding ta chawt mai le.....! Chiang lo ruaiin Thanpuia te Selzama te rawn tlan chu a rawn thlek hram hram a, a hnuaia li ah chuan a tla thum ta dum a, tui chu a per chuai mai le! Pasalṭha Thanpuia leh Chhunthanga chu an ding chawt a. Darphawa chuan ngenmu a dawng a ni ngat mai le. An la inhlat nasa mai si, a hnaih ber tu chu pasalṭha Selzama a ni a, a ni hi awih panga a tlanna lamah a chhuahna a fuh a, a hnaih ta phian a ni..Chutih lai tak chuan silai rawn puak leh dawtin Pasalṭha Selzama.....thangchhuahpa mi leh sa a zam ngai lo chu a thinglubul tluk ve ta dawp mai le......! Pasalṭha Thanpuia chu ring fe chuan a ṭe chhuak a......
( chhunzawm tur)
Awiii ka duh aiin a tawi. Chhiar zawm leh nghal ka van chak eeeeee
ReplyDeleteka first hlauh e,ṭan a va na deuh ve le,kan pawih mawnghangho chu le,Thanpui,ṭang raw.....ngaihnawm lutuk
ReplyDeleteNgaihnawm cher cher teh eee
ReplyDelete