LUNGRENG NGÃW...S-3...(32)...
LUNGRENG NGÂW...S-3...32. ..
( PASALṬHA THANPUIA)
M.Lusei Palian
........ ......... ...........
Bawkmual tlangval, pawih ral lo lut lo thlithlai a, lo enthlatu te chuan meikhu an hmu ta tlat mai le! Pawih ral an rawn hnai ta takzet tih chu an hmuthiam ta! Tlangval pakhat chuan khawchhung lam a pan ta nghal vang vang a, pahnihte erawh chuan thawm dim fe in mei khukna lam chu an pan ta hriau hriau a. Pawih ral hi ṭhuang engzatin nge an rawn thawhchhuah chiah hriat a ni lova,fimkhur taka an chet a ngai a ni. Hetianga meikhu an hmuh tawh ngat chuan an rawn thleng har lo tawp ang le.
Pawih pasalṭha Hrangchin hian an chin lo hrilh lawktu an awm tih a hre lova, chutih rualin fimkhurna erawh a nuna bet emaw tih mai tur hian a fimkhur em em a. Hun tawn aṭanga inzirna hian finnaah a hruai a, tumruhna in chhelna a neih tir a, intuaihriamna nunpui meuh chuan inrintawkna in a khat a ni. A rin aia tam pawih val rualin an rawn fin meuh chuan a thla a muang tawh hle a. Lusei ho buh luchuh hun a ni nen, a ṭum a fuh loh hi a ring pha lo. Ropui takin hnehna nen milu tam tak nen an khua an lut leh anga, an lalte pawhin Sangal khawng hrangin an dah hial mahna. Chu chu Hrangchin chak ber leh a duhsam ber chu a ni.
Bawkmual tlangval pahnih te chuan fimkhur takin meikhukna lam chu an pan hriau hriau a, an thleng ta ṭep mai, an ram valh chin erawh a ni tawh lova. Thawm an dim thiam kher mai le. A lan theihna hmun an thleng ta a, an han thlir chu le....pawih ral ho chu an tam fe mai! Bawkmual khaw tan ringawt zawng huphurh tham an ni tlat mai! Tlangval pahnihte chu an han inrawn a, pakhat chu khawchhung lam panin a liam ve leh ta! Hetianga an rawn hnaih tawh chuan zan lamah an rawn che hman ngei tawh ang! Chu tak chu pawih ral ho tum dan a ni, khawvar hma a Bawkmual lak an tum ngei si!
Hetih lai mek hian pasalṭha Thanpuia te pawhin Chawntui khua an dai lut mek a, pasalṭha Chhunthangan Serzawl mihrangte an hmuh meuh zawngin a va hlim tehlul em! Aimawia te Pazawna te nen chuan an inbeng thak thak a, an innuih sung hlawm mai! Inngaina tur hi an ni hial tawh reng a, hetih lai hian pasalṭha Thanpuia tan erawh hnung lama mit nei reng anga awm a ṭul ve miau mai si! Chawntui tlangval eng emaw zah hi pialralah a lo tir liam tawh ngei kha a ni. Lal inlam pan chuan pasalṭha Chhunthanga chuan hma a hrui a, an han thlenga Lal in Serzawl mihrangte an hmuh meuh chuan a hlim hle mai, a thla an timuang takzet a ni. Chawntui lal te leh pasalṭha te nen chuan ro an han rel a, Bawkmual lam pan phawt chu ṭha an ti tlang leh ta. Tukṭhuan an bar a nga, tukṭhuan bar khamah Bawkmual an pan dawn a ni. Pangen ngaw an paltlang leh ngei a ngai dawn a ni. Pasalṭha Selzama chuan Chhunthanga hnenah chuan tlangval tam hruai lo tur chuan a ti nghe nghe a, an thu hriat dan hmang khan pawih ral hi tlemte chauh kha an ni si a. Pasalṭha Chhunthanga pawh rang fe a lal in aṭanga chhuakin tlangval ho tlem te thlangin lo inring nghal turin a ti zui nghal a, Chawntui tlangval huaisen te an phur ve hle tawh mai!
Tukṭhuan barna hmun tur an pan ta sang sang a, Thanpuia te ho chuan pasalṭha Chhunthanga te inlam chu an pan ta a. An han thlenga, Pasalṭha Chhunthanga meuh zawng khawnbawl upa fa a lo ni reng mai, thangchhuahpa a nih avangin an in pawh chu a hriat hle a ni. Aimawia te ho chuan a Tumpang kah lu mawlh chu an lo thlir an lo thlir mai, Thanpuia kah ai chuan a te hret niin a lang a, ropui an ti kher mai le! Thu tam sawina hun nei hek lo, tukṭhuan chu an bar nghal mawlh mawlh a. Muang man tawh lovin lal tual chu an pan leh ta! Thanpuia leh pasalṭha Chhunthanga chuan thangchhuah diar an khim ngauh mai a, pasalṭha Selzama lah chuti bawk, tlangvalte chu thangchhuahpa ṭhiau in an ho dawn a, an thla a muang hle chu a ni. Bawkmual lal pawh insiam ṭha tawhin a rorel pawh a fel ṭhin hle tih tlangkam aṭangin an hre tawh kha a ni a. Lal mualah chuan thingserh sat valrual seifate tana nun hlan ngam ṭhiau an ding khawm ta! Chawntui lal Lalvura chu luhkasangah rawn dingchhuakin mihrang rammu tur chu an thlir a, chutah hetiang hian thu a sawi ta...
" Lusei mihrang rual te u, in thu hriat angin pawih tlangval tam tak leh pasalṭha te inremna Sa-ui tana lungawi ve lo eng emaw zat an intelkhawm a, chung ho chuan kan buh luchuh lai min rawn mang phiar an tum ta a ni awm a. Chung ho chu han chimih vek zawk u la, nungdamin rawn kir leh vek ang che u, Sailo lalte hian kan chhuang takzet che u a, ral lu khaiin rawn kir leh vek ang che u. Bawkmual leh Herhzawl khua an ngaihtuah awm ber a, heng khua te hi han venghim u la, pawih pasalṭha te lu chu sahlam mawi turin rawn khai haw ngei ang che u. Khawchhung lam hi ngaihtuah lo u la, huaisen takin han tal ngei ang che u! Ral lu lam tur rawn hawn ngei ang che u!" ati ta dap dap mai le! Lalvura thusawi chuan tlangval ho huaisenna a pek belh a, ram chhan nana nun hlan ngam tlangval huaisen te chuan an hruaitu pasalṭha thangchhuahpa te chu zuiin Bawkmual lam an pan leh ta mep mep mai le!
Heng tlangval huaisen te hian chauh sawi thei an ni lova, sawi hman an ni hek lo!Bawkmual lam pan chuan an duk par par mai a, pasalṭha te hian Pangen ngaw an luhpui angem tih chu an zawhna ber chhanna la hriat loh chu a ni.Kawrte a tuisik thiangkak an in tih loh chu chawlh pawh an chawl meuh lo. Pasalṭha Chhunthanga leh Selzama te Thanpuia te chu an inrawn ta a, Pangen ngaw ah zawng an lut leh dawn khawp e. Ni suk chen vel a nih chuan pawih ral an um hmasak a an zanriah bawlna hmun chu an thleng ta a. Chutah bawk chuan zanriah an buatsaih leh dawn a ni. Pasalṭha Selzama chuan tlangval ho chu an thlir a,
" Meichher hi a tam thei ang ber han puah u la, zanin hian Pangen ngaw kan paltlang a ngai dawn a ni, Bawkmual hi an him leh him loh kan chiang tawh lo a ni. Tunah pawh hian an dinhmun a khirh viau thei tawh bawk a, khawmuang lovin kan kal zel ang, zanriah bar khamah pasalṭha Thanpuia'n hma a hruai ang a, pasalṭha Chhunthangan hnu a dawl ang!" an tih chuan tlangval ho chu an inmelh ta hrak hrak mai le!
He pangen ngaw hi an ṭih viau mai si a, ramvah ni khua pawhin an lut ngam ngai lo kha a ni. He pangen ngaw meuh hi chu a mi deh a na ngang mai si, ṭham er er tu leh zuitu an ngah leh viau ang le! He tih lai hian tlangval huaisen ho hmelah erawh zamna hmuh tur a awm hauh lo. An zinga tel ve pasalṭha te hi an namai lo tih an hrechiang em a ni. Meichher tur lian fe fe chu nghet fe fe a phuarin an dah khawm hnem tawh viau a ni.
Bawkmual tlangval chinchang thli thlai tute an rawn let meuh chuan Pasalṭha Hrangkhuma leh Darphawa an buai hle mai le! Tlangval ho lal mualah in ko khawm nghalin an ding ta far mai le! Chung tlangval han dingkhawm te lah chu Sahliam bei tham chauh an ni si! Darphawa chuan Serzawl mihrangte a ngai hle mai le! Pasalṭha Hrangkhuma lah chuan an tlangvalte an thlir ṭhin, a beidawng lek lek a ni. Bawkmual lal Ṭhalura pawh chuan ro han neihpui dan a hre meuh lova, pasalṭha Hrangkhuma a ring tawp mai a ni. Pasalṭha Hrangkhuma chuan tihian ro a nei ta,
" Aw le, kan Dara Darphawa hovin Phaidung luiah tlangval a zahve vel hi in lo awm ang a, hnung lamah in rawn ṭan khalh ang a. Keinin ralven buk leh a chhehvel aṭangin kan nawr let ang, kan silai a puah ve leh in rawn kap zui ve ang a. Chimih barh kan tum dawn nia, Chawntui leh Serzawl mihrangte pawh an rawn thleng ṭep ang! Hei hi lusei fate tan, kan luahchin ram tan a ni tih hre reng ang che u. Tin, zanrei lama rawn chet an tum dawn niin a lang a, zanriah buatsaih vat ila kan inralrin reng a ngai ta!" an tih meuh chuan an pawm hle mai! La hma deuh mahse zanriah bar turin an ṭin ta hlawm a. Pasalṭha Hrangkhuma chuan Serzawl mihrangte a va ngai tehlul em! A rilru chu a rum vawng vawng mai le! A thinlung chuan mihrang valte a au ta vawng vawng mai le!
Pasalṭha Thanpuia zanriah bar mek chu a nghing dawt mai le! Pasalṭha hriatna mak tak nei chu a tho nalh a, a hmanhmawh ta kher mai le! Pasalṭha Selzama leh pasalṭha Chhunthanga chuan an lo hrethiam kher mai! Pasalṭha te an han inmelh ralh ralh danah chuan tlangval ho pawh rawn tho sang sangin an inpeih zui ta vat mai le!
Thu tam sawi lo chuan Thanpuia chuan hmanhmawh a ngai viauin ka hria a tih chu an pawm tlang hle mai le! Khaw thim hma chuan chak fe in pangen ngaw ah chuan an lut ṭan ta. Rei lo teah khua a thim ta, chu ngaw chhunga huai ho pawh awm mai mai an tum ta hauh lo mai! An ram chhunga rawn vak lut mek te chu dama chhuah an tum lo kher mai! Zan rei lamah an che chhuak ngei ang le! Hma hruaitu Pasalṭha Thanpuia Fangfar puka tui thuhruk intawh chuan ngaw chhung chu a hmu chiang kher mai le! Thing ngir khup kara rawn bih leh dek dek ṭhintu te thleng chuan a hmu thei hial a. Huaitawna Chempui pek chu a hum ta ran a, chawlh zai rel lo chuan hmalam a pan ta hmiah hmiah mai le!
Chu zana chhawrthapui han eng kal raih chuan thisen tam tak a luang dawn tih hria ni awm fahranin a ṭi duk a. Pasalṭha Hrangkhuma te pawh an inring ṭan tawh hle mai! Darphawa te pawh an hmun turah an biru ṭhap tawh a. Hrangchin leh a hote pawh an rawn hnai tawh kher mai, pawih mihrang hian ro hran a nei ta thut mai! Bawkmual khua hi a mi rin em em Thangrem hovin an nuai hmasa ang a, an hnungah an ni ho hi lo awm in puih an ngaih hunah an pui ang. Lusei tlangvalten hnung lam aṭanga lo hup thut an tum chuan chung ho chu an hup let ve thung dawn a ni. An hun tiam zanlai arkhuan a hnai tawh hle mai le...Bawkmual khua chu an hmu phak reng tawh a, an inring ṭan tawh kher mai le!
Darphawa leh a naute pawh an inring ta hle mai, pawih val rual an khua rawn chimih tumtu te chu an zui ru hriau hriau a. An hnungah chuan zui ru ve tu an awm tih reng an hre lo! An silai te an hum ta ngawt ngawt a, an fei te chu an hum nghet hle tawh mai a ni.
Chung chhawrthlapui chu a hnim raih a, chhum dum chuan a hliah ta! Bawkmual khua ah chuan zanlai ar a khuang ta....! Chutah pawih pasalṭha Thangrem a leh a hote chuan ralven buk an rawn hnaih hriau hriau a, lusei valte ramriah buai lai a nih ringin an fimkhur lem lo hle a, khawdai maiah chuan an awm ta. An tum dan chuan zawlbuk leh lalin a ruala hup an tum a ni. Khawchhung lam pam chuan Thangrem chu an pen a, a hawi kual hrak hrak a a ding dawt a, chuveleh khawchhung aṭang chuan Silai a rawn puak alh eng ta zuai zuai mai......!
( chhunzawm tur)
( PASALṬHA THANPUIA)
M.Lusei Palian
........ ......... ...........
Bawkmual tlangval, pawih ral lo lut lo thlithlai a, lo enthlatu te chuan meikhu an hmu ta tlat mai le! Pawih ral an rawn hnai ta takzet tih chu an hmuthiam ta! Tlangval pakhat chuan khawchhung lam a pan ta nghal vang vang a, pahnihte erawh chuan thawm dim fe in mei khukna lam chu an pan ta hriau hriau a. Pawih ral hi ṭhuang engzatin nge an rawn thawhchhuah chiah hriat a ni lova,fimkhur taka an chet a ngai a ni. Hetianga meikhu an hmuh tawh ngat chuan an rawn thleng har lo tawp ang le.
Pawih pasalṭha Hrangchin hian an chin lo hrilh lawktu an awm tih a hre lova, chutih rualin fimkhurna erawh a nuna bet emaw tih mai tur hian a fimkhur em em a. Hun tawn aṭanga inzirna hian finnaah a hruai a, tumruhna in chhelna a neih tir a, intuaihriamna nunpui meuh chuan inrintawkna in a khat a ni. A rin aia tam pawih val rualin an rawn fin meuh chuan a thla a muang tawh hle a. Lusei ho buh luchuh hun a ni nen, a ṭum a fuh loh hi a ring pha lo. Ropui takin hnehna nen milu tam tak nen an khua an lut leh anga, an lalte pawhin Sangal khawng hrangin an dah hial mahna. Chu chu Hrangchin chak ber leh a duhsam ber chu a ni.
Bawkmual tlangval pahnih te chuan fimkhur takin meikhukna lam chu an pan hriau hriau a, an thleng ta ṭep mai, an ram valh chin erawh a ni tawh lova. Thawm an dim thiam kher mai le. A lan theihna hmun an thleng ta a, an han thlir chu le....pawih ral ho chu an tam fe mai! Bawkmual khaw tan ringawt zawng huphurh tham an ni tlat mai! Tlangval pahnihte chu an han inrawn a, pakhat chu khawchhung lam panin a liam ve leh ta! Hetianga an rawn hnaih tawh chuan zan lamah an rawn che hman ngei tawh ang! Chu tak chu pawih ral ho tum dan a ni, khawvar hma a Bawkmual lak an tum ngei si!
Hetih lai mek hian pasalṭha Thanpuia te pawhin Chawntui khua an dai lut mek a, pasalṭha Chhunthangan Serzawl mihrangte an hmuh meuh zawngin a va hlim tehlul em! Aimawia te Pazawna te nen chuan an inbeng thak thak a, an innuih sung hlawm mai! Inngaina tur hi an ni hial tawh reng a, hetih lai hian pasalṭha Thanpuia tan erawh hnung lama mit nei reng anga awm a ṭul ve miau mai si! Chawntui tlangval eng emaw zah hi pialralah a lo tir liam tawh ngei kha a ni. Lal inlam pan chuan pasalṭha Chhunthanga chuan hma a hrui a, an han thlenga Lal in Serzawl mihrangte an hmuh meuh chuan a hlim hle mai, a thla an timuang takzet a ni. Chawntui lal te leh pasalṭha te nen chuan ro an han rel a, Bawkmual lam pan phawt chu ṭha an ti tlang leh ta. Tukṭhuan an bar a nga, tukṭhuan bar khamah Bawkmual an pan dawn a ni. Pangen ngaw an paltlang leh ngei a ngai dawn a ni. Pasalṭha Selzama chuan Chhunthanga hnenah chuan tlangval tam hruai lo tur chuan a ti nghe nghe a, an thu hriat dan hmang khan pawih ral hi tlemte chauh kha an ni si a. Pasalṭha Chhunthanga pawh rang fe a lal in aṭanga chhuakin tlangval ho tlem te thlangin lo inring nghal turin a ti zui nghal a, Chawntui tlangval huaisen te an phur ve hle tawh mai!
Tukṭhuan barna hmun tur an pan ta sang sang a, Thanpuia te ho chuan pasalṭha Chhunthanga te inlam chu an pan ta a. An han thlenga, Pasalṭha Chhunthanga meuh zawng khawnbawl upa fa a lo ni reng mai, thangchhuahpa a nih avangin an in pawh chu a hriat hle a ni. Aimawia te ho chuan a Tumpang kah lu mawlh chu an lo thlir an lo thlir mai, Thanpuia kah ai chuan a te hret niin a lang a, ropui an ti kher mai le! Thu tam sawina hun nei hek lo, tukṭhuan chu an bar nghal mawlh mawlh a. Muang man tawh lovin lal tual chu an pan leh ta! Thanpuia leh pasalṭha Chhunthanga chuan thangchhuah diar an khim ngauh mai a, pasalṭha Selzama lah chuti bawk, tlangvalte chu thangchhuahpa ṭhiau in an ho dawn a, an thla a muang hle chu a ni. Bawkmual lal pawh insiam ṭha tawhin a rorel pawh a fel ṭhin hle tih tlangkam aṭangin an hre tawh kha a ni a. Lal mualah chuan thingserh sat valrual seifate tana nun hlan ngam ṭhiau an ding khawm ta! Chawntui lal Lalvura chu luhkasangah rawn dingchhuakin mihrang rammu tur chu an thlir a, chutah hetiang hian thu a sawi ta...
" Lusei mihrang rual te u, in thu hriat angin pawih tlangval tam tak leh pasalṭha te inremna Sa-ui tana lungawi ve lo eng emaw zat an intelkhawm a, chung ho chuan kan buh luchuh lai min rawn mang phiar an tum ta a ni awm a. Chung ho chu han chimih vek zawk u la, nungdamin rawn kir leh vek ang che u, Sailo lalte hian kan chhuang takzet che u a, ral lu khaiin rawn kir leh vek ang che u. Bawkmual leh Herhzawl khua an ngaihtuah awm ber a, heng khua te hi han venghim u la, pawih pasalṭha te lu chu sahlam mawi turin rawn khai haw ngei ang che u. Khawchhung lam hi ngaihtuah lo u la, huaisen takin han tal ngei ang che u! Ral lu lam tur rawn hawn ngei ang che u!" ati ta dap dap mai le! Lalvura thusawi chuan tlangval ho huaisenna a pek belh a, ram chhan nana nun hlan ngam tlangval huaisen te chuan an hruaitu pasalṭha thangchhuahpa te chu zuiin Bawkmual lam an pan leh ta mep mep mai le!
Heng tlangval huaisen te hian chauh sawi thei an ni lova, sawi hman an ni hek lo!Bawkmual lam pan chuan an duk par par mai a, pasalṭha te hian Pangen ngaw an luhpui angem tih chu an zawhna ber chhanna la hriat loh chu a ni.Kawrte a tuisik thiangkak an in tih loh chu chawlh pawh an chawl meuh lo. Pasalṭha Chhunthanga leh Selzama te Thanpuia te chu an inrawn ta a, Pangen ngaw ah zawng an lut leh dawn khawp e. Ni suk chen vel a nih chuan pawih ral an um hmasak a an zanriah bawlna hmun chu an thleng ta a. Chutah bawk chuan zanriah an buatsaih leh dawn a ni. Pasalṭha Selzama chuan tlangval ho chu an thlir a,
" Meichher hi a tam thei ang ber han puah u la, zanin hian Pangen ngaw kan paltlang a ngai dawn a ni, Bawkmual hi an him leh him loh kan chiang tawh lo a ni. Tunah pawh hian an dinhmun a khirh viau thei tawh bawk a, khawmuang lovin kan kal zel ang, zanriah bar khamah pasalṭha Thanpuia'n hma a hruai ang a, pasalṭha Chhunthangan hnu a dawl ang!" an tih chuan tlangval ho chu an inmelh ta hrak hrak mai le!
He pangen ngaw hi an ṭih viau mai si a, ramvah ni khua pawhin an lut ngam ngai lo kha a ni. He pangen ngaw meuh hi chu a mi deh a na ngang mai si, ṭham er er tu leh zuitu an ngah leh viau ang le! He tih lai hian tlangval huaisen ho hmelah erawh zamna hmuh tur a awm hauh lo. An zinga tel ve pasalṭha te hi an namai lo tih an hrechiang em a ni. Meichher tur lian fe fe chu nghet fe fe a phuarin an dah khawm hnem tawh viau a ni.
Bawkmual tlangval chinchang thli thlai tute an rawn let meuh chuan Pasalṭha Hrangkhuma leh Darphawa an buai hle mai le! Tlangval ho lal mualah in ko khawm nghalin an ding ta far mai le! Chung tlangval han dingkhawm te lah chu Sahliam bei tham chauh an ni si! Darphawa chuan Serzawl mihrangte a ngai hle mai le! Pasalṭha Hrangkhuma lah chuan an tlangvalte an thlir ṭhin, a beidawng lek lek a ni. Bawkmual lal Ṭhalura pawh chuan ro han neihpui dan a hre meuh lova, pasalṭha Hrangkhuma a ring tawp mai a ni. Pasalṭha Hrangkhuma chuan tihian ro a nei ta,
" Aw le, kan Dara Darphawa hovin Phaidung luiah tlangval a zahve vel hi in lo awm ang a, hnung lamah in rawn ṭan khalh ang a. Keinin ralven buk leh a chhehvel aṭangin kan nawr let ang, kan silai a puah ve leh in rawn kap zui ve ang a. Chimih barh kan tum dawn nia, Chawntui leh Serzawl mihrangte pawh an rawn thleng ṭep ang! Hei hi lusei fate tan, kan luahchin ram tan a ni tih hre reng ang che u. Tin, zanrei lama rawn chet an tum dawn niin a lang a, zanriah buatsaih vat ila kan inralrin reng a ngai ta!" an tih meuh chuan an pawm hle mai! La hma deuh mahse zanriah bar turin an ṭin ta hlawm a. Pasalṭha Hrangkhuma chuan Serzawl mihrangte a va ngai tehlul em! A rilru chu a rum vawng vawng mai le! A thinlung chuan mihrang valte a au ta vawng vawng mai le!
Pasalṭha Thanpuia zanriah bar mek chu a nghing dawt mai le! Pasalṭha hriatna mak tak nei chu a tho nalh a, a hmanhmawh ta kher mai le! Pasalṭha Selzama leh pasalṭha Chhunthanga chuan an lo hrethiam kher mai! Pasalṭha te an han inmelh ralh ralh danah chuan tlangval ho pawh rawn tho sang sangin an inpeih zui ta vat mai le!
Thu tam sawi lo chuan Thanpuia chuan hmanhmawh a ngai viauin ka hria a tih chu an pawm tlang hle mai le! Khaw thim hma chuan chak fe in pangen ngaw ah chuan an lut ṭan ta. Rei lo teah khua a thim ta, chu ngaw chhunga huai ho pawh awm mai mai an tum ta hauh lo mai! An ram chhunga rawn vak lut mek te chu dama chhuah an tum lo kher mai! Zan rei lamah an che chhuak ngei ang le! Hma hruaitu Pasalṭha Thanpuia Fangfar puka tui thuhruk intawh chuan ngaw chhung chu a hmu chiang kher mai le! Thing ngir khup kara rawn bih leh dek dek ṭhintu te thleng chuan a hmu thei hial a. Huaitawna Chempui pek chu a hum ta ran a, chawlh zai rel lo chuan hmalam a pan ta hmiah hmiah mai le!
Chu zana chhawrthapui han eng kal raih chuan thisen tam tak a luang dawn tih hria ni awm fahranin a ṭi duk a. Pasalṭha Hrangkhuma te pawh an inring ṭan tawh hle mai! Darphawa te pawh an hmun turah an biru ṭhap tawh a. Hrangchin leh a hote pawh an rawn hnai tawh kher mai, pawih mihrang hian ro hran a nei ta thut mai! Bawkmual khua hi a mi rin em em Thangrem hovin an nuai hmasa ang a, an hnungah an ni ho hi lo awm in puih an ngaih hunah an pui ang. Lusei tlangvalten hnung lam aṭanga lo hup thut an tum chuan chung ho chu an hup let ve thung dawn a ni. An hun tiam zanlai arkhuan a hnai tawh hle mai le...Bawkmual khua chu an hmu phak reng tawh a, an inring ṭan tawh kher mai le!
Darphawa leh a naute pawh an inring ta hle mai, pawih val rual an khua rawn chimih tumtu te chu an zui ru hriau hriau a. An hnungah chuan zui ru ve tu an awm tih reng an hre lo! An silai te an hum ta ngawt ngawt a, an fei te chu an hum nghet hle tawh mai a ni.
Chung chhawrthlapui chu a hnim raih a, chhum dum chuan a hliah ta! Bawkmual khua ah chuan zanlai ar a khuang ta....! Chutah pawih pasalṭha Thangrem a leh a hote chuan ralven buk an rawn hnaih hriau hriau a, lusei valte ramriah buai lai a nih ringin an fimkhur lem lo hle a, khawdai maiah chuan an awm ta. An tum dan chuan zawlbuk leh lalin a ruala hup an tum a ni. Khawchhung lam pam chuan Thangrem chu an pen a, a hawi kual hrak hrak a a ding dawt a, chuveleh khawchhung aṭang chuan Silai a rawn puak alh eng ta zuai zuai mai......!
( chhunzawm tur)
A van ngaihnawm leh pek thin tak emmm!!!
ReplyDeleteka first emaw tia,,,ngaihnawm rem rem hle mai
ReplyDelete