LUNGRENG NGÂW..S-3...(31)...
LUNGRENG NGÂW...S-3...31. ..
( PASALṬHA THANPUIA)
M.Lusei Palian
........ ......... ...........
Buhseng chhung chu an ring tlang thei ngei ang le. Sa chan a an buai em em lai chuan, lo lu lam aṭang chuan Zualko tlangau a rawn au ta! Chutiang huna Zualko tlangau rawn au mai chu pasalṭha te an phawk ta hra mai le! Ramriakte pawh an phi ta cheng a, an sa chan lai pawh chu lian fe fe a phawk hlawk hlawkin Khawchhung lam chu hmanhmawh fe hian an pan tlang ta! Zau tin a mite an inhawr khawm kim chho hle a ni. Tlangval ho pawh inlamah an inphur in dah fel zuaiin Lal mual lam chu an pan tlang ta a. Pasalṭha ho pawh an lo kim tawh hle a ni. Lal muala tlangval ho an thlen kim chuan Serzawl lal Lalbula chu luhkasanga rawn chhuakin an hawi lur lur a. Tlangval ho pawh an ngawi ta ṭhat mai le, chutih lai chuan Kangzawl tlangvalte pawh tukṭhuan bar zo tawhin an rawn ding chhuak zui nghal zat a. Lalbula chuan a khaw tlangvalte an thlir a, thupui chu van ruah tla ang maia daihzai turin an sawi ta,
" Serzawl mihrang rualte u, hei kan chhak Pawih ho bawkin buaina an rawn thlen leh dawn ta niin a lang a. Pasalṭha Thanglura naute rawn tlan vang vangin chanchin min rawn thlen ta. Pawih pasalṭha Fam ta chhung leh khatte intiam rualin kan buh luchuh lai ngei hian phuba rawn lak an tum a lo ni! An lalte hriatpui hauh lovin rammu turin an rawn chhuak tih thlengin kan hre ta a, muanga zanmu chhing thei kan ni ta hauh lo! Chhak pawih chet dan hi mit bula tho mitchhaih ang maia hnawksak an ni . Lusei lal te inthurual lehin kan ṭanrual a ngai leh ta a! Tunah hian Herhzawl leh Kangzawl valrualten an lo thlithlai mek a, an ni ho pui tura kan thawhchhuah a ngai ta a ni! Amah erawh chu tam tham tak an ni lova, tlangval zawng zawng kal erawh a ngai lovang a, pasalṭha ten a kal tur han siam se a ṭha a nge! Huaisen takin han nawr tawm u la, Ral lu lam ngei turin rawn kir ang che u!! " an ti dap dap mai le.
Serzawl val kei ka ni inti chin tan chuan thingserh sat nawn a, thawhchhuah ngei a ngai ta. Lal fanu Saipuii zawng hlauthawngin a ding leh ta, pawih ral ho a haw takzet a ni, han chimih barh se a duh ve takzet a ni.
Pasalṭha Hualroa a kum lama upa deuh ber a rawn ding chhuak a, pasalṭha Selzama han melh ralh pah chuan,
" Aw le, tlangval te u, vai kal erawh a rem dawn lova, kan Lalpa thu ang khan a ṭhenin khaw lam kan ven a ngai dawn a ni. Serzawl mihrangte tih khawpa hmingthanga min siamtu Pasalṭha Selzaman a kalpui tur han ruat se, a bak zawngin khaw hungna te siamin ralven buk pawh kan chei ṭhat a ngai dawn a ni." a ti chhuak ve leh a.
Pasalṭha Selzama chuan tlangval ho an thlir vang vang a, hmeithai fa chu hruai tel a tum tawh lo hle a ni. Sam fe chuan tlangval sawm rual lek chu a thlang ta, Thanpuia te ṭhian ho erawh an tel kim a, Rodawla a tel ve ta tlat mai! A ni hi Hriangmual a zin haw kha a tuallim ta vak lo va, eng thil tak han tawng ni maw...! A hreh hle ang chu...mi zingah a huai ber thawkin a thaw ngun em a tin ni! Chung tlangvalte chu pasalṭha Selzama thu ang chuan faisa leh hmanrua lam turin inlam an pan thuai a, Thanpuia erawh Kangzawl tlangvalten an zui nghal thuai a. Tlangval la dingkhawm te chu an tihtur Pasalṭha Hualroa chuan an hrilh dap dap a, val upa Hnuna leh Thanṭhuaman an ho anga, ralven hna an thawk dawn a ni.
Rodawla chuan thih hrehin a hreh a, a pu Tlungirha a han melh ṭhin, a ni lah a lo ngawi hmak mai si! Hreh chung chung chuan a kal ve dawn ta chu a ni. Aimawia te ruala han rammut chu sakei hliam umna a Nghalchang hliam tawn thut ang ni dawn hian a hre hial a ni. Hriangmual aṭang chuan Dar lian vak lo kha a hawn ve ngei a, mahse engtin lo ti chu ni maw..a zal haw hle chu a ni.
Ferehsan hma chuan lal tualah chuan rammu tur tlangval ho an chhuak kim ta! Pasalṭha Selzama hi pawih ral um hmasaka a hming than em avangin tun hunah pawh hruaitu tura ti leh kher kha an ni. Pasalṭha Hualroa te, Thanchhinga te leh Zamkunga te chuan khawchhung an lo veng thung dawn a ni. Lal chuan a tlangval chhuanvawr te chu an fuih leh zet a, pasalṭha Selzama ho chuan uih zawn ang vut vutin an liam ta! Kangzawl tlangvalte chuan Chawntui khua in an lo ngaihchan tur thu an sawi meuh chuan an hmanhmawh kher mai le! Karkawnga zan pawh riak lova, reilo deuh chawlh det det a,kal par par chu Pasalṭha Selzama duh dan a ni. Herhzawl khua lal upa tawh tak awp kha lo him hram se a duh a ni.
Serzawl val rual khaw venghimtu tur te pawh an buai ve hle mai! Ralven buk an thawm ṭha in an buai a, tlangval ho an ri suau suau a, hetiang hun tak hi tlangval tlawmngaih chhuahna hun a ni si a. Nula ho lahin tlangval te intur tui lo pe in an lo phe ve mar mar a. Tlangval tam tak leh nula te nuam tih zawng a lo ni vei nen, ṭhenkhat tui inpe te chu an inthlir rei hle ṭhin chu a ni. Upa ho leh pasalṭha ṭhenkhat erawh Lal inah rorel in an lo ṭhu khawm a. Buh luchuh lai ngang a nih avangin buh ngui hma a an chet a ngai si, hetiang hian ro an nei ta, Lo hla ber aṭangin a huho in buh an seng chho zel anga, pasalṭha in an veng ang, khawchhung lam pawh tlangval eng emaw zatin an veng reng dawn tho a ni. Val upa te remruatna in lo lama liam tur leh khawchhung vengtur tlangval a inchhawkin an ruat dawn a ni.
Hetih lai hian pawih pasalṭha Hrangchina chuan rei tak nunchan a lo zir pui tawh tlangval te chu Run lui a kan pui tawh a. Lusei ho buh luchuh hun a ni tih an hria a, khaw tam tak an la thei a ni tih a hria a an phur hle mai le! He Hrangchina hian mi leh sa a beih dawnin, " Keimah Hrangchina, Chin huaisena ka ni ngai e!" a ti kher ṭhin a ni. Mi huaisen tak zam ngai hauh lo, rawva em em mai hi a ni. A thin khei zawnga ṭawng ringawt pawh a that hmiah hmiah zel a, lal te pawhin han tihvak ngaihna an hre lo a ni. A ṭul huna khaw muantu a ni lawi si! Zan khat a ral leh meuh chuan Lusei khua an lut tawh ngat ang le!
Herhzawl lam pawh ramriak te inlam vekin khawchhungah an awm ṭhap tawh a, ralveng insiamin an fimkhur hle mai le! An lal Vanthangngura chuan a makpa pasalṭha Thanglura a ngai kher mai le! A rawn langin a ring hial a ni, tin, a dam ni saipir chen lek a ni tawh a Herhzawl tlang rawn ṭhut se tih chu a thu rolum a ni. A pasalṭha te phei chuan Kangzawl lama lo va awm rih turin hruai an tum na a, " Mahni khua raltlan san tur khawpa mi dawih ka ni lo e, chengrang ka hum theih chuan kan him em em ang!" a ti tlat mai si! Tlangval ho leh pasalṭha ho pawhin an veng uluk kher mai le!
Serzawl mihrangte pawh zanriah buaipuiin karkawngah an chawl mek a, thla en lai a ni nen, zan pawh chawl lovin Chawntui an pan dawn a ni. An intlawhpawh tak zeuh zeuh avangin kawng pawh hnai zawk an hre zel a, tunah zawng hma takin a thlen theih tawh a ni.Zanriah buaipui lo zawngin meichher an lo puah ve zung zung thung a. Zanriah an han kil chu an sanghal sa kha an lo ak far hlawm chu niin changel hnah hlai taka an phah chungah chuan buhchangrum leh sanghal sa a khu leh ta vut vut mai le! Pasalṭha Selzama bar hun an ngaichang far mai le! Aimawia chuan Pazawna hnenah Rodawla a telve avanga Thanpuia fimkhurpuia veng ru turin a hrilh lawk diam nghe nghe kha a ni. Mahse he Rodawla ṭit zia chu rahtlan tlan sava nasa taka perh ṭhelh ang vel a ni. Zanriah an han bar ta a le, tlangval ho hma zawn chu a kaw chak leh hle mai le! Ram lama ṭul vanglai a ni bawk a, Sanghal thau tak sa chuan chaw a heh em a tin ni! Satui hang te chu mautheiah an han dawt mawm hmak hmak a, an puar hle ta ve ang le.
Zanriah bar khamah chuan pasalṭha Selzama chuan Thanpuia chu an melh a,
" Pasalṭha hma han hruai rawh le...!!" a ti ta a. Pasalṭha Thanpuian hma a hruai ta, A ni hi chuan meichher a mamawh vak lo, mahse a mawi ah chuan a keng ve a ni ber mai!
Hetia Herhzawl lam an han pan ngawt chhan hi Herhzawl leh Bawkmual hi Pawih ram hnaih an nih vang a ni. Kangzawl hi an pen hleh deuh a, pawih ral an rawn len apiangin Herhzawl leh Bawkmual hian an tuar ber ṭhin a ni. Bawkmual pawh hian venhimna an uluk kher mai. Tlangval pian mak len lun Darphawa a vei thuak thuak a, pasalṭha Hrangkhuma pawh chuan ralven buk a tlawh kual reng a, tlangval pathum zel inkawp tirin pawih ral lo luh theihna khan ah enthla turin atir ta hial a ni.
Pasalṭha Thanpuia te pawh rei lo deuh an chawl leh zauh ṭhin tih loh chu an kal char char a, tukṭhuan man hmanin Chawntui an thleng thei ngei ang le. Hma hruaitu pasalṭha Thanpuia a chak bawk a, hnunglama kalte chu an thaw hlawi hlawi thei hial a ni. An rilru kap tu a lian bawk a ni mahna ṭawngzai han rel pawh an awm mang lo hial a ni. Aimawia pawh ṭum dang ang lo takin ṭawng zai a rel meuh lo. Buh luchuh buai lai taka pawih ral rawn che leh chat chu a thinur em em mai a ni.
Chhawrthlapuiin a hmun rawn luahin siar te a kai chhuak a, Serzawl lal fanu chuan luhkasang aṭang chuan a thlir vang vang a. Kha tlangval, a thinlung kawltu kha Khuanu'n venghim se a ti takzet a ni. He zan aṭang hian bangah hmawlhte a zeh ṭan a ngai leh dawn ta! Buh luchuh lai ngang a nih avangin a ṭhian Ṭhuami pawh a hmu khat hle a ni, Ṭhuami zawng lo lam hna in a uai na ngang mai si a. Lunglen hrik thlakna tur tal han nei se, a tawrh hi a zia deuh tur hi a ni a. Upa Phirtualan kam ṭha a, " Kan duat tur a nih hi!"tia an fiam zauh ṭhinte hian a lawm hle ṭhin kha a ni.
Ni chhuah hnu rei vak lovah chuan pasalṭha Thanpuia te ho chuan Chawntui khaw dai an thleng ta! Chawntui ralven buk pawh an hmu thei nghal a. An han ding khawmuang hlek a, Chawntui khawchhungah hian tukṭhuan bar an tum kha a ni. Hetih lai mek hian ralven buka lo awm Tuaha chuan Pasalṭha Thanpuia te chu a lo hmu chiang ngang mai, an beisei a rawn thleng ta chu a thaw huai a. Thanpuia te nena pawih ral um chu a chak et et tawh a ni.Ralven buk aṭanga chhuakin an mahni tawk zawng chuang a chhuk ta a.
Bawkmual tlangval, pawih ral lo lut lo thlithlai a, lo enthlatu te chuan meikhu an hmu ta tlat mai le....
( chhunzawm tur)
( PASALṬHA THANPUIA)
M.Lusei Palian
........ ......... ...........
Buhseng chhung chu an ring tlang thei ngei ang le. Sa chan a an buai em em lai chuan, lo lu lam aṭang chuan Zualko tlangau a rawn au ta! Chutiang huna Zualko tlangau rawn au mai chu pasalṭha te an phawk ta hra mai le! Ramriakte pawh an phi ta cheng a, an sa chan lai pawh chu lian fe fe a phawk hlawk hlawkin Khawchhung lam chu hmanhmawh fe hian an pan tlang ta! Zau tin a mite an inhawr khawm kim chho hle a ni. Tlangval ho pawh inlamah an inphur in dah fel zuaiin Lal mual lam chu an pan tlang ta a. Pasalṭha ho pawh an lo kim tawh hle a ni. Lal muala tlangval ho an thlen kim chuan Serzawl lal Lalbula chu luhkasanga rawn chhuakin an hawi lur lur a. Tlangval ho pawh an ngawi ta ṭhat mai le, chutih lai chuan Kangzawl tlangvalte pawh tukṭhuan bar zo tawhin an rawn ding chhuak zui nghal zat a. Lalbula chuan a khaw tlangvalte an thlir a, thupui chu van ruah tla ang maia daihzai turin an sawi ta,
" Serzawl mihrang rualte u, hei kan chhak Pawih ho bawkin buaina an rawn thlen leh dawn ta niin a lang a. Pasalṭha Thanglura naute rawn tlan vang vangin chanchin min rawn thlen ta. Pawih pasalṭha Fam ta chhung leh khatte intiam rualin kan buh luchuh lai ngei hian phuba rawn lak an tum a lo ni! An lalte hriatpui hauh lovin rammu turin an rawn chhuak tih thlengin kan hre ta a, muanga zanmu chhing thei kan ni ta hauh lo! Chhak pawih chet dan hi mit bula tho mitchhaih ang maia hnawksak an ni . Lusei lal te inthurual lehin kan ṭanrual a ngai leh ta a! Tunah hian Herhzawl leh Kangzawl valrualten an lo thlithlai mek a, an ni ho pui tura kan thawhchhuah a ngai ta a ni! Amah erawh chu tam tham tak an ni lova, tlangval zawng zawng kal erawh a ngai lovang a, pasalṭha ten a kal tur han siam se a ṭha a nge! Huaisen takin han nawr tawm u la, Ral lu lam ngei turin rawn kir ang che u!! " an ti dap dap mai le.
Serzawl val kei ka ni inti chin tan chuan thingserh sat nawn a, thawhchhuah ngei a ngai ta. Lal fanu Saipuii zawng hlauthawngin a ding leh ta, pawih ral ho a haw takzet a ni, han chimih barh se a duh ve takzet a ni.
Pasalṭha Hualroa a kum lama upa deuh ber a rawn ding chhuak a, pasalṭha Selzama han melh ralh pah chuan,
" Aw le, tlangval te u, vai kal erawh a rem dawn lova, kan Lalpa thu ang khan a ṭhenin khaw lam kan ven a ngai dawn a ni. Serzawl mihrangte tih khawpa hmingthanga min siamtu Pasalṭha Selzaman a kalpui tur han ruat se, a bak zawngin khaw hungna te siamin ralven buk pawh kan chei ṭhat a ngai dawn a ni." a ti chhuak ve leh a.
Pasalṭha Selzama chuan tlangval ho an thlir vang vang a, hmeithai fa chu hruai tel a tum tawh lo hle a ni. Sam fe chuan tlangval sawm rual lek chu a thlang ta, Thanpuia te ṭhian ho erawh an tel kim a, Rodawla a tel ve ta tlat mai! A ni hi Hriangmual a zin haw kha a tuallim ta vak lo va, eng thil tak han tawng ni maw...! A hreh hle ang chu...mi zingah a huai ber thawkin a thaw ngun em a tin ni! Chung tlangvalte chu pasalṭha Selzama thu ang chuan faisa leh hmanrua lam turin inlam an pan thuai a, Thanpuia erawh Kangzawl tlangvalten an zui nghal thuai a. Tlangval la dingkhawm te chu an tihtur Pasalṭha Hualroa chuan an hrilh dap dap a, val upa Hnuna leh Thanṭhuaman an ho anga, ralven hna an thawk dawn a ni.
Rodawla chuan thih hrehin a hreh a, a pu Tlungirha a han melh ṭhin, a ni lah a lo ngawi hmak mai si! Hreh chung chung chuan a kal ve dawn ta chu a ni. Aimawia te ruala han rammut chu sakei hliam umna a Nghalchang hliam tawn thut ang ni dawn hian a hre hial a ni. Hriangmual aṭang chuan Dar lian vak lo kha a hawn ve ngei a, mahse engtin lo ti chu ni maw..a zal haw hle chu a ni.
Ferehsan hma chuan lal tualah chuan rammu tur tlangval ho an chhuak kim ta! Pasalṭha Selzama hi pawih ral um hmasaka a hming than em avangin tun hunah pawh hruaitu tura ti leh kher kha an ni. Pasalṭha Hualroa te, Thanchhinga te leh Zamkunga te chuan khawchhung an lo veng thung dawn a ni. Lal chuan a tlangval chhuanvawr te chu an fuih leh zet a, pasalṭha Selzama ho chuan uih zawn ang vut vutin an liam ta! Kangzawl tlangvalte chuan Chawntui khua in an lo ngaihchan tur thu an sawi meuh chuan an hmanhmawh kher mai le! Karkawnga zan pawh riak lova, reilo deuh chawlh det det a,kal par par chu Pasalṭha Selzama duh dan a ni. Herhzawl khua lal upa tawh tak awp kha lo him hram se a duh a ni.
Serzawl val rual khaw venghimtu tur te pawh an buai ve hle mai! Ralven buk an thawm ṭha in an buai a, tlangval ho an ri suau suau a, hetiang hun tak hi tlangval tlawmngaih chhuahna hun a ni si a. Nula ho lahin tlangval te intur tui lo pe in an lo phe ve mar mar a. Tlangval tam tak leh nula te nuam tih zawng a lo ni vei nen, ṭhenkhat tui inpe te chu an inthlir rei hle ṭhin chu a ni. Upa ho leh pasalṭha ṭhenkhat erawh Lal inah rorel in an lo ṭhu khawm a. Buh luchuh lai ngang a nih avangin buh ngui hma a an chet a ngai si, hetiang hian ro an nei ta, Lo hla ber aṭangin a huho in buh an seng chho zel anga, pasalṭha in an veng ang, khawchhung lam pawh tlangval eng emaw zatin an veng reng dawn tho a ni. Val upa te remruatna in lo lama liam tur leh khawchhung vengtur tlangval a inchhawkin an ruat dawn a ni.
Hetih lai hian pawih pasalṭha Hrangchina chuan rei tak nunchan a lo zir pui tawh tlangval te chu Run lui a kan pui tawh a. Lusei ho buh luchuh hun a ni tih an hria a, khaw tam tak an la thei a ni tih a hria a an phur hle mai le! He Hrangchina hian mi leh sa a beih dawnin, " Keimah Hrangchina, Chin huaisena ka ni ngai e!" a ti kher ṭhin a ni. Mi huaisen tak zam ngai hauh lo, rawva em em mai hi a ni. A thin khei zawnga ṭawng ringawt pawh a that hmiah hmiah zel a, lal te pawhin han tihvak ngaihna an hre lo a ni. A ṭul huna khaw muantu a ni lawi si! Zan khat a ral leh meuh chuan Lusei khua an lut tawh ngat ang le!
Herhzawl lam pawh ramriak te inlam vekin khawchhungah an awm ṭhap tawh a, ralveng insiamin an fimkhur hle mai le! An lal Vanthangngura chuan a makpa pasalṭha Thanglura a ngai kher mai le! A rawn langin a ring hial a ni, tin, a dam ni saipir chen lek a ni tawh a Herhzawl tlang rawn ṭhut se tih chu a thu rolum a ni. A pasalṭha te phei chuan Kangzawl lama lo va awm rih turin hruai an tum na a, " Mahni khua raltlan san tur khawpa mi dawih ka ni lo e, chengrang ka hum theih chuan kan him em em ang!" a ti tlat mai si! Tlangval ho leh pasalṭha ho pawhin an veng uluk kher mai le!
Serzawl mihrangte pawh zanriah buaipuiin karkawngah an chawl mek a, thla en lai a ni nen, zan pawh chawl lovin Chawntui an pan dawn a ni. An intlawhpawh tak zeuh zeuh avangin kawng pawh hnai zawk an hre zel a, tunah zawng hma takin a thlen theih tawh a ni.Zanriah buaipui lo zawngin meichher an lo puah ve zung zung thung a. Zanriah an han kil chu an sanghal sa kha an lo ak far hlawm chu niin changel hnah hlai taka an phah chungah chuan buhchangrum leh sanghal sa a khu leh ta vut vut mai le! Pasalṭha Selzama bar hun an ngaichang far mai le! Aimawia chuan Pazawna hnenah Rodawla a telve avanga Thanpuia fimkhurpuia veng ru turin a hrilh lawk diam nghe nghe kha a ni. Mahse he Rodawla ṭit zia chu rahtlan tlan sava nasa taka perh ṭhelh ang vel a ni. Zanriah an han bar ta a le, tlangval ho hma zawn chu a kaw chak leh hle mai le! Ram lama ṭul vanglai a ni bawk a, Sanghal thau tak sa chuan chaw a heh em a tin ni! Satui hang te chu mautheiah an han dawt mawm hmak hmak a, an puar hle ta ve ang le.
Zanriah bar khamah chuan pasalṭha Selzama chuan Thanpuia chu an melh a,
" Pasalṭha hma han hruai rawh le...!!" a ti ta a. Pasalṭha Thanpuian hma a hruai ta, A ni hi chuan meichher a mamawh vak lo, mahse a mawi ah chuan a keng ve a ni ber mai!
Hetia Herhzawl lam an han pan ngawt chhan hi Herhzawl leh Bawkmual hi Pawih ram hnaih an nih vang a ni. Kangzawl hi an pen hleh deuh a, pawih ral an rawn len apiangin Herhzawl leh Bawkmual hian an tuar ber ṭhin a ni. Bawkmual pawh hian venhimna an uluk kher mai. Tlangval pian mak len lun Darphawa a vei thuak thuak a, pasalṭha Hrangkhuma pawh chuan ralven buk a tlawh kual reng a, tlangval pathum zel inkawp tirin pawih ral lo luh theihna khan ah enthla turin atir ta hial a ni.
Pasalṭha Thanpuia te pawh rei lo deuh an chawl leh zauh ṭhin tih loh chu an kal char char a, tukṭhuan man hmanin Chawntui an thleng thei ngei ang le. Hma hruaitu pasalṭha Thanpuia a chak bawk a, hnunglama kalte chu an thaw hlawi hlawi thei hial a ni. An rilru kap tu a lian bawk a ni mahna ṭawngzai han rel pawh an awm mang lo hial a ni. Aimawia pawh ṭum dang ang lo takin ṭawng zai a rel meuh lo. Buh luchuh buai lai taka pawih ral rawn che leh chat chu a thinur em em mai a ni.
Chhawrthlapuiin a hmun rawn luahin siar te a kai chhuak a, Serzawl lal fanu chuan luhkasang aṭang chuan a thlir vang vang a. Kha tlangval, a thinlung kawltu kha Khuanu'n venghim se a ti takzet a ni. He zan aṭang hian bangah hmawlhte a zeh ṭan a ngai leh dawn ta! Buh luchuh lai ngang a nih avangin a ṭhian Ṭhuami pawh a hmu khat hle a ni, Ṭhuami zawng lo lam hna in a uai na ngang mai si a. Lunglen hrik thlakna tur tal han nei se, a tawrh hi a zia deuh tur hi a ni a. Upa Phirtualan kam ṭha a, " Kan duat tur a nih hi!"tia an fiam zauh ṭhinte hian a lawm hle ṭhin kha a ni.
Ni chhuah hnu rei vak lovah chuan pasalṭha Thanpuia te ho chuan Chawntui khaw dai an thleng ta! Chawntui ralven buk pawh an hmu thei nghal a. An han ding khawmuang hlek a, Chawntui khawchhungah hian tukṭhuan bar an tum kha a ni. Hetih lai mek hian ralven buka lo awm Tuaha chuan Pasalṭha Thanpuia te chu a lo hmu chiang ngang mai, an beisei a rawn thleng ta chu a thaw huai a. Thanpuia te nena pawih ral um chu a chak et et tawh a ni.Ralven buk aṭanga chhuakin an mahni tawk zawng chuang a chhuk ta a.
Bawkmual tlangval, pawih ral lo lut lo thlithlai a, lo enthlatu te chuan meikhu an hmu ta tlat mai le....
( chhunzawm tur)
Ka chhiar chhunzawm chak nghal eee.
ReplyDeleteDingdihlip in ka lo thlir reng e
Tawi laklawh ve aww
ReplyDeleteAwiiii.....next hi nghahhlelhawm ṭhin,pawih ral ho chu chimit vek rawhse.
ReplyDeleteA mgaihnawm thin hle Mai
ReplyDeletea ngaihnawm leh miah miah hle mai
ReplyDelete