LUNGRENG NGÂW S-4...(9)
LUNGRENG NGÂW...SEASON-4....9...
( PASALṬHA THANPUIA)
M. LUSEI PALIAN
......... ........... ..........
Pasalṭha Chhunthanga hriatna danglam bik nei chu a kal lai a ding dawt mai! Rang fe in a Silai chu a lek chhuak nghal a...! A naute ho chu thawm dim turin hrilh hran an ngai lo, an lo inring ve ṭhap tawh mai! Pasalṭha Chhunthanga hian an lam rawn pan thawm a hria kha a ni a, insem darh sang sangin an lo inring tawh hle a, Serzawl lam aṭanga an mahni rawn pan thawm a ni ngat mai! Rei lote hnuah chuan thawm rawn chhuahtu te an hmu thei ta! Serzawl tlangval an ni tlat mai le, pasalṭha Chhunthanga chuan a Silai chu a dah thla vat a, a thaw ve huai a nui sangin a pan thung a, an hmel chu an chik chuan a hriat hnu te an lo vei nen an innuih sang ta mai a! Pasalṭha Chhunthanga naute ho pawh an rawn chhuak ve ta ṭham ṭham a.
Serzawl tlangvalte pawh Chawntui lama zin tur an lo ni ve thung, kam ṭha a inbe luam chuan an in thlah liam ta a! Tlangval ho chuan pasalṭha Chhunthanga hriatna ṭhat zia an hriat chuan an ngaisang thar hle a, chesual ve thei lo ah hial an ngai a ni. Ramri lui chu an thleng ta,an chak vak tlang bawk a, an kal thei hle a ni. Tui thiang fim tak chuan an chhawlhal chu an han dawm te te a, Vaibel te han lakaiin an ṭhu chawl ta rih a. Riahbuk sakna tura an ruat na hmun chu an thleng har tawh lo tawp ang. Rei mawi tawk an ṭhut hnu chuan kal zai an rem leh ta!
Hetih lai hian Thanpuia te ho pawh khaw tam tlawh lovin a hnai lam nia an hriat lamah chuan kal zelin ngaw chhungah an awm ve mek a. Thangvela hrilh tawh ang khan ngaw hnuaiah chuan an kal par par a ni. Zan lamah an mengrei tlang hle a, Nghalphusen lu lawmin bel an kuan ta reng kha a ni. Serzawl khuaah hian Nghalphusen lu hi a lawilut mang tlat lo va, Pasalṭha Hualroa'n Puallawi ram an neih kumin a kap tawh a chu chu a ni deuh mai a, chuvang chuan pa ho leh kum upa lam chuan an hlut hle a ni. Pasalṭha Thanchhinga te ina rawn lawilut ho khan zubel an rawn pu zel a, zanrei lamah Lal leh upa te an rawn tel ve leh meuh kha chuan an ri le lu mai kha a ni. Zai hla sa in khuang an beng a, tuium an sawh a an tlaivar lo chauh kha a ni. Ni suk chen vel a nih chuan Thanpuia chuan a chawlh pui ta a, Aimawia kal chau deuh pawh a tum ta bar mai!
Serzawl mihrangte chuan vaibel te lakaiin kawrte a tui chu an lem khalh khalh a.Aimawia chuan,
" Luaia, khi lai Hriang kungah aṭang khian khua han chuan chhin teh, kan bo tawh ngeiin ka ring!" a ti thum bul bul a. An chhak tlang chunga Hriang kung lian fe chu a melh khawh to mai a.
Rang fe hian Luaia chu a tho nalh a a kal ta vang vang a, Pazawna chuan,
" Chu....kan bo i hlau deuh a ni maw?" nui sang chuan a ti a.
Aimawia chuan, " Tu mah kan la kal ngai lo va, kan thangchhuahpa lah hi Pu Luaia sepa ang mai hian a meng rum rum a, a hnar a phit a phit a, a kal vei lur lur a...! Kan bo mek ni hian ka hria! " an ti leh vei khuk a. An nui zui ham ham ta!
Thanpuia chuan, " Thangvela khan kawngchin min hrilh vek a, in lo chik lo mai mai a nih kha, thing in thel kan hmuh zeuh zeuh kha....hei hi Chamtlang thlen hma na ber kawng a ni e, karkawngah zanhnih riah loh hram kan tum dawn nia!" a ti chhuak a, an in melh ta hrak hrak mai!
Pazawna chuan, " Eh...! Chutiang te chu han sawi ve bawk la ti nia! Zawltling vawnnat tur ang maiin i melh ngai i melh leh a, han sawi mai tur lah ni!" a rawn tizawm ve zat a,Pazawna hian a sawi dik ngat mai!
Thanpuia hi a tawnmang lamin a la luah hneh deuh a, a lo lanchhuah tir leh ṭhin a ni. Amah pawh chuan an ngaihtuah let a, a inthiam lo ve hle a ni. Demawm a ni hauh lo, Khuavelchhingi leh Chawngmawii takngial pawh kha kal lo turin an thlem kha a ni si a! Khang thil te khan a ngaihtuahna an luah nasa lutuk a ni. Intihlim luiin fiamthu te chu thiam lo fe hian a thawh ve a, an nuih za lo hlawm lutuk chu a nuihzatthlak hial zawk a ni.
Luaia chu rawn kir lehin an veilam tlang lian fe bulah chuan khua a hmuh thu leh a piah hla deuh takah pawh khaw dang a awm thu a sawi lehnghal zat a. Hranga chuan fiamthu a rawn rawlh ta, an za chuan an nui hak a. Chawchhun an bar tawh bawk a, ni tlak hma a thui fe kal leh tur chuan an dingchhuak leh ta! Aimawia te chuan a ruk in Thanpuia chu an ngaisang hle mai, sawi chhuak lo mahse a kalpuina hi a dik ang tih an ring hle a, amah erawh chu a hmel dik meuh lo a an hriat avangin an boruak han tihzan deuh an tum ta kha a ni.Chamtlang khua an thleng har lo tawp ang le!
........ ........ ..........
Serzawl pan chuan Seipui pasalṭha te leh Hriangmual pasalṭha te an lal fapa tel leh bawkin an kawi ta muah muah a! An thawm pawh a na hle a Sairam chhuak hlawhtling taka khaw lam pan ang mai an ni! A ṭul thut leh Serzawl run tum an ni bawk a, Zen leh ngenmu pawh an pai hnem tlang hle a. Chung ho chuan thlasik laia ulawng rual lung lum bel tura che vel hi an ang ber a, an thim phei khup khup tawh a ni. Zankhat chiah khaw karkawngah an riak tawh ang a, Serzawl chu an thli thlai ṭan tawh mai dawn a ni. Pasalṭha Ralkapa leh Thatphunga te chuan a rukin an naute an fuih char char a, Serzawl thlen hunah pawh Hriangmual tlangvalte chung en tur larh a chet tir an tum a ni.
Tlai ni nemah chuan a hma a Ngurṭhuama te riahbuk kha an thleng ta a! Chulai hmunah tho chuan riahbuk sak an tum a ni, chutah le, tlangval rual ho chu an han che ta sang sang a. Uluk lem lo chuan riahbuk an sual ṭan ta! Pasalṭha te erawh chawhmeh zawng chuan an chhuak ta hlawm a. Hriangmual pasalṭha Thanseia pawh a phur fe chuan sa kah tur zawng chuan mi liam lohna lamah a liam ve thung a.Ngurṭhuama erawh a nihna hre ranin a ṭhu ngeng vei lurh a, a lawmna la kim lo mahse kim thuai dawn in a hria a a nui sung reng tawh mai a ni. Chutih lai chuan pasalṭha te silai a puak leh thawr ṭhin a, zanriah tui tak an kil thei ngei ang le.
Ni tlak hnu chuan an riahbuk tualah chuan Sakhi an thlal ta phung a, tlangval rualten chet loh hlau in an phe sung sung mai a, pasalṭha te erawh chuan nui sangin ṭhu chungin an lo thlir thung a. Zanriah buaipui pawl leh sarep buaipui pawl an awm a, an ri vei dar dar reng a ni. Hmabak ko tak an nei a hlenchhuah an tum hle, huaisen takin hmalam an pan ang a, hnehtu niin chulai hmuna kir leh ngei chu an tum tlang a ni.
........ ........ ..........
Zan boruak thiang tak hnuaiah chuan Serzawl mihrangte an riahbuk ah chuan tui takin an hnar barh barh hlawm a.Zan hmasa lama ah an lo meng deuh nen, karkawng thui tak an kal bawk a, an mutui hlawm hle a ni.Huai ho ngam loh a tel ve tlat avangin an chungah huai ho an che thei der lo! An thlir dek dek ngam chauh a ni. Varṭianah chuan Thanpuia chu a harh a, Pazawna chu a kai harh zui nghal a, thawm dim fe chuan tukṭhuan an buatsaih zui nghal a. Thawm dim fe emaw an intih lai chuan Luaia te ho pawh an rawn thochhuak ve nghal a. Aimawia erawh a la hnar kak kak mai chu a ni. Tukṭhuan leh Chawchhun tur an buatsaih zawh hnu chuan a rawn tho chhuak ve chauh a, a zahzelah fiamthu rim nam feih a rawn thawh zui zat a! Tukṭhuan an bar fel hnu chuan Chamtlang pan chuan an chhuak zui nghal a, uih zawn ang vut vut chu an ni leh ta..! Khaw thim hma in Chamtlang dai thlen hman an tum hle a ni.
Thangvela te chu chau takin Kawrkamah an chawl hahdam a. An lal fanu chau tak chu an in puakchhawk a ni deuh ber! Upa Zinga duh dan angin zan la la in an let leh nghal a ni. Pasalṭha Thangvela chuan tlangval an lo hruai tlem chu pawi a ti hle tawh a ni. An lal fanu an va tlan dan an ngaihtuah let a, a thin hi ala rim hliah hliah a ni. Chamtlang lal fanu Ṭhasangzuali an tih ṭhin kha Thinglian lal chuan ran chaw pek in chaw alo pe kha a ni a, a thin hi a dam thei mawlh lo! Lal fanu meuh khatia lo sawngbawl kha a lai a na takzet a, Thinglian khua hrem a duhna chuan a thinglungah ser a siam a chu ser chu a thin a phut apiangin a phu tel ve zel ta chu a ni. An lal fanu hi han thlen te te se chet chhuah a duh takzet zet tawh a ni.
Thinglian lal lah khan Pasalṭha Thangvela leh Upa Zinga te ho kha a thlir liam a khati zat Ṭhi leh Dar an rawn nei thei mai kha mak a ti a, a dang an la ngahin a ring tlat mai! Zanah a upa te leh pasalṭha te khawmin Chamtlang khua chimih dan tur an rel ta mup mup mai a. A tuk maiah chuan an lal fanu te um a man leh turin leh Chamtlang khua meivapa chantir a an ṭhi leh darte hawn tura thawhchhuah an tum leh ta! Lenghnawt ar khuan hma chuan tlangau au in tlangval ho zawng zawng chu Lal mualah an ding khawm ta ṭhap mai le! Varṭian a Chamtlang khua pan tur thu chu Lal chuan tlangval ho hnenah an tlangzarh ta dap dap a. Chamtlang khua hnawksak zia leh an ram bawh an rawn pek nat ṭan thu chu uar fe hian a sawi a, tlangval ho rilru a fuih kual sak thiam hle mai! Pasalṭha leh Val upa ten rawn thualin Chamtlang khua hmeh mih a ṭul thu an sawi leh meuh chuan tlangval ho an haw haw ta hluah hluah mai le! Varṭianah chuan an thawk chhuak ngei ang.
Zankhua a kal ngat ngat an nih avangin Upa Zinga pawh a chau ṭan ta hle mai! An chawl leh ṭhin a, an hmabak ala thui hle si! Pasalṭha Thangvela ngaihtuahna a buai takzet a, an lal fanu lah a chau takzet si a! Ngaihtuahna thar a siam ngei a ngai a ni. Khua lah a tlai chak em em mai si a, kawng pangngai zawh pui tawh lovin Chamtlang leh luh pui a tum ta zawk a. A chhan pawh kawng a zal nawm zawk vang a ni.
Pasalṭha Thanpuia hma hruaitu chuan thingthel a hmu ta tlat lo, a hmuh hnu hnun ber pawh an pel thui hle tawh kha a ni a. An kal thui telh telh a kawng an bo ṭan tih a hrethiam ta! Hreh zetin a sawi chhuah a ngai ngei dawn a ni. Tlang panga a ṭhiante kalpui tawh lovin ruam rai lam a pan pui ta! Khaw thim hma a Chamtlang thlen an tum kha an ni si a! An kual thui dawn ta viau niin a lang ta!
Pasalṭha Thangvela chuan an chhak lam aṭanga thawm rawn chhuak chu a hrechiang hle mai! A tlangval hruai nen chuan an inmelh dun ralh a, an Silai enfelin thawm lo chhuahna lam chu an hawi ta! Sangzuali chuan Pasalṭha Thangvela chu a melh ṭawk ṭawk a. Upa Zinga leh an lal fanu te chu lungpui phenah an tawm tir ta a! Thawm lah an rawn hnai tial tial a, thawm chhuahtu an tam tial tial hian a hriat a. Pasalṭha Thangvela chuan a silai tho chuan chu an bih ta vang vang a, thawm pawh a reh ta hmak a. Chutah le kawrkamah chuan...
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Pasalṭha Chhunthanga hriatna danglam bik nei chu a kal lai a ding dawt mai! Rang fe in a Silai chu a lek chhuak nghal a...! A naute ho chu thawm dim turin hrilh hran an ngai lo, an lo inring ve ṭhap tawh mai! Pasalṭha Chhunthanga hian an lam rawn pan thawm a hria kha a ni a, insem darh sang sangin an lo inring tawh hle a, Serzawl lam aṭanga an mahni rawn pan thawm a ni ngat mai! Rei lote hnuah chuan thawm rawn chhuahtu te an hmu thei ta! Serzawl tlangval an ni tlat mai le, pasalṭha Chhunthanga chuan a Silai chu a dah thla vat a, a thaw ve huai a nui sangin a pan thung a, an hmel chu an chik chuan a hriat hnu te an lo vei nen an innuih sang ta mai a! Pasalṭha Chhunthanga naute ho pawh an rawn chhuak ve ta ṭham ṭham a.
Serzawl tlangvalte pawh Chawntui lama zin tur an lo ni ve thung, kam ṭha a inbe luam chuan an in thlah liam ta a! Tlangval ho chuan pasalṭha Chhunthanga hriatna ṭhat zia an hriat chuan an ngaisang thar hle a, chesual ve thei lo ah hial an ngai a ni. Ramri lui chu an thleng ta,an chak vak tlang bawk a, an kal thei hle a ni. Tui thiang fim tak chuan an chhawlhal chu an han dawm te te a, Vaibel te han lakaiin an ṭhu chawl ta rih a. Riahbuk sakna tura an ruat na hmun chu an thleng har tawh lo tawp ang. Rei mawi tawk an ṭhut hnu chuan kal zai an rem leh ta!
Hetih lai hian Thanpuia te ho pawh khaw tam tlawh lovin a hnai lam nia an hriat lamah chuan kal zelin ngaw chhungah an awm ve mek a. Thangvela hrilh tawh ang khan ngaw hnuaiah chuan an kal par par a ni. Zan lamah an mengrei tlang hle a, Nghalphusen lu lawmin bel an kuan ta reng kha a ni. Serzawl khuaah hian Nghalphusen lu hi a lawilut mang tlat lo va, Pasalṭha Hualroa'n Puallawi ram an neih kumin a kap tawh a chu chu a ni deuh mai a, chuvang chuan pa ho leh kum upa lam chuan an hlut hle a ni. Pasalṭha Thanchhinga te ina rawn lawilut ho khan zubel an rawn pu zel a, zanrei lamah Lal leh upa te an rawn tel ve leh meuh kha chuan an ri le lu mai kha a ni. Zai hla sa in khuang an beng a, tuium an sawh a an tlaivar lo chauh kha a ni. Ni suk chen vel a nih chuan Thanpuia chuan a chawlh pui ta a, Aimawia kal chau deuh pawh a tum ta bar mai!
Serzawl mihrangte chuan vaibel te lakaiin kawrte a tui chu an lem khalh khalh a.Aimawia chuan,
" Luaia, khi lai Hriang kungah aṭang khian khua han chuan chhin teh, kan bo tawh ngeiin ka ring!" a ti thum bul bul a. An chhak tlang chunga Hriang kung lian fe chu a melh khawh to mai a.
Rang fe hian Luaia chu a tho nalh a a kal ta vang vang a, Pazawna chuan,
" Chu....kan bo i hlau deuh a ni maw?" nui sang chuan a ti a.
Aimawia chuan, " Tu mah kan la kal ngai lo va, kan thangchhuahpa lah hi Pu Luaia sepa ang mai hian a meng rum rum a, a hnar a phit a phit a, a kal vei lur lur a...! Kan bo mek ni hian ka hria! " an ti leh vei khuk a. An nui zui ham ham ta!
Thanpuia chuan, " Thangvela khan kawngchin min hrilh vek a, in lo chik lo mai mai a nih kha, thing in thel kan hmuh zeuh zeuh kha....hei hi Chamtlang thlen hma na ber kawng a ni e, karkawngah zanhnih riah loh hram kan tum dawn nia!" a ti chhuak a, an in melh ta hrak hrak mai!
Pazawna chuan, " Eh...! Chutiang te chu han sawi ve bawk la ti nia! Zawltling vawnnat tur ang maiin i melh ngai i melh leh a, han sawi mai tur lah ni!" a rawn tizawm ve zat a,Pazawna hian a sawi dik ngat mai!
Thanpuia hi a tawnmang lamin a la luah hneh deuh a, a lo lanchhuah tir leh ṭhin a ni. Amah pawh chuan an ngaihtuah let a, a inthiam lo ve hle a ni. Demawm a ni hauh lo, Khuavelchhingi leh Chawngmawii takngial pawh kha kal lo turin an thlem kha a ni si a! Khang thil te khan a ngaihtuahna an luah nasa lutuk a ni. Intihlim luiin fiamthu te chu thiam lo fe hian a thawh ve a, an nuih za lo hlawm lutuk chu a nuihzatthlak hial zawk a ni.
Luaia chu rawn kir lehin an veilam tlang lian fe bulah chuan khua a hmuh thu leh a piah hla deuh takah pawh khaw dang a awm thu a sawi lehnghal zat a. Hranga chuan fiamthu a rawn rawlh ta, an za chuan an nui hak a. Chawchhun an bar tawh bawk a, ni tlak hma a thui fe kal leh tur chuan an dingchhuak leh ta! Aimawia te chuan a ruk in Thanpuia chu an ngaisang hle mai, sawi chhuak lo mahse a kalpuina hi a dik ang tih an ring hle a, amah erawh chu a hmel dik meuh lo a an hriat avangin an boruak han tihzan deuh an tum ta kha a ni.Chamtlang khua an thleng har lo tawp ang le!
........ ........ ..........
Serzawl pan chuan Seipui pasalṭha te leh Hriangmual pasalṭha te an lal fapa tel leh bawkin an kawi ta muah muah a! An thawm pawh a na hle a Sairam chhuak hlawhtling taka khaw lam pan ang mai an ni! A ṭul thut leh Serzawl run tum an ni bawk a, Zen leh ngenmu pawh an pai hnem tlang hle a. Chung ho chuan thlasik laia ulawng rual lung lum bel tura che vel hi an ang ber a, an thim phei khup khup tawh a ni. Zankhat chiah khaw karkawngah an riak tawh ang a, Serzawl chu an thli thlai ṭan tawh mai dawn a ni. Pasalṭha Ralkapa leh Thatphunga te chuan a rukin an naute an fuih char char a, Serzawl thlen hunah pawh Hriangmual tlangvalte chung en tur larh a chet tir an tum a ni.
Tlai ni nemah chuan a hma a Ngurṭhuama te riahbuk kha an thleng ta a! Chulai hmunah tho chuan riahbuk sak an tum a ni, chutah le, tlangval rual ho chu an han che ta sang sang a. Uluk lem lo chuan riahbuk an sual ṭan ta! Pasalṭha te erawh chawhmeh zawng chuan an chhuak ta hlawm a. Hriangmual pasalṭha Thanseia pawh a phur fe chuan sa kah tur zawng chuan mi liam lohna lamah a liam ve thung a.Ngurṭhuama erawh a nihna hre ranin a ṭhu ngeng vei lurh a, a lawmna la kim lo mahse kim thuai dawn in a hria a a nui sung reng tawh mai a ni. Chutih lai chuan pasalṭha te silai a puak leh thawr ṭhin a, zanriah tui tak an kil thei ngei ang le.
Ni tlak hnu chuan an riahbuk tualah chuan Sakhi an thlal ta phung a, tlangval rualten chet loh hlau in an phe sung sung mai a, pasalṭha te erawh chuan nui sangin ṭhu chungin an lo thlir thung a. Zanriah buaipui pawl leh sarep buaipui pawl an awm a, an ri vei dar dar reng a ni. Hmabak ko tak an nei a hlenchhuah an tum hle, huaisen takin hmalam an pan ang a, hnehtu niin chulai hmuna kir leh ngei chu an tum tlang a ni.
........ ........ ..........
Zan boruak thiang tak hnuaiah chuan Serzawl mihrangte an riahbuk ah chuan tui takin an hnar barh barh hlawm a.Zan hmasa lama ah an lo meng deuh nen, karkawng thui tak an kal bawk a, an mutui hlawm hle a ni.Huai ho ngam loh a tel ve tlat avangin an chungah huai ho an che thei der lo! An thlir dek dek ngam chauh a ni. Varṭianah chuan Thanpuia chu a harh a, Pazawna chu a kai harh zui nghal a, thawm dim fe chuan tukṭhuan an buatsaih zui nghal a. Thawm dim fe emaw an intih lai chuan Luaia te ho pawh an rawn thochhuak ve nghal a. Aimawia erawh a la hnar kak kak mai chu a ni. Tukṭhuan leh Chawchhun tur an buatsaih zawh hnu chuan a rawn tho chhuak ve chauh a, a zahzelah fiamthu rim nam feih a rawn thawh zui zat a! Tukṭhuan an bar fel hnu chuan Chamtlang pan chuan an chhuak zui nghal a, uih zawn ang vut vut chu an ni leh ta..! Khaw thim hma in Chamtlang dai thlen hman an tum hle a ni.
Thangvela te chu chau takin Kawrkamah an chawl hahdam a. An lal fanu chau tak chu an in puakchhawk a ni deuh ber! Upa Zinga duh dan angin zan la la in an let leh nghal a ni. Pasalṭha Thangvela chuan tlangval an lo hruai tlem chu pawi a ti hle tawh a ni. An lal fanu an va tlan dan an ngaihtuah let a, a thin hi ala rim hliah hliah a ni. Chamtlang lal fanu Ṭhasangzuali an tih ṭhin kha Thinglian lal chuan ran chaw pek in chaw alo pe kha a ni a, a thin hi a dam thei mawlh lo! Lal fanu meuh khatia lo sawngbawl kha a lai a na takzet a, Thinglian khua hrem a duhna chuan a thinglungah ser a siam a chu ser chu a thin a phut apiangin a phu tel ve zel ta chu a ni. An lal fanu hi han thlen te te se chet chhuah a duh takzet zet tawh a ni.
Thinglian lal lah khan Pasalṭha Thangvela leh Upa Zinga te ho kha a thlir liam a khati zat Ṭhi leh Dar an rawn nei thei mai kha mak a ti a, a dang an la ngahin a ring tlat mai! Zanah a upa te leh pasalṭha te khawmin Chamtlang khua chimih dan tur an rel ta mup mup mai a. A tuk maiah chuan an lal fanu te um a man leh turin leh Chamtlang khua meivapa chantir a an ṭhi leh darte hawn tura thawhchhuah an tum leh ta! Lenghnawt ar khuan hma chuan tlangau au in tlangval ho zawng zawng chu Lal mualah an ding khawm ta ṭhap mai le! Varṭian a Chamtlang khua pan tur thu chu Lal chuan tlangval ho hnenah an tlangzarh ta dap dap a. Chamtlang khua hnawksak zia leh an ram bawh an rawn pek nat ṭan thu chu uar fe hian a sawi a, tlangval ho rilru a fuih kual sak thiam hle mai! Pasalṭha leh Val upa ten rawn thualin Chamtlang khua hmeh mih a ṭul thu an sawi leh meuh chuan tlangval ho an haw haw ta hluah hluah mai le! Varṭianah chuan an thawk chhuak ngei ang.
Zankhua a kal ngat ngat an nih avangin Upa Zinga pawh a chau ṭan ta hle mai! An chawl leh ṭhin a, an hmabak ala thui hle si! Pasalṭha Thangvela ngaihtuahna a buai takzet a, an lal fanu lah a chau takzet si a! Ngaihtuahna thar a siam ngei a ngai a ni. Khua lah a tlai chak em em mai si a, kawng pangngai zawh pui tawh lovin Chamtlang leh luh pui a tum ta zawk a. A chhan pawh kawng a zal nawm zawk vang a ni.
Pasalṭha Thanpuia hma hruaitu chuan thingthel a hmu ta tlat lo, a hmuh hnu hnun ber pawh an pel thui hle tawh kha a ni a. An kal thui telh telh a kawng an bo ṭan tih a hrethiam ta! Hreh zetin a sawi chhuah a ngai ngei dawn a ni. Tlang panga a ṭhiante kalpui tawh lovin ruam rai lam a pan pui ta! Khaw thim hma a Chamtlang thlen an tum kha an ni si a! An kual thui dawn ta viau niin a lang ta!
Pasalṭha Thangvela chuan an chhak lam aṭanga thawm rawn chhuak chu a hrechiang hle mai! A tlangval hruai nen chuan an inmelh dun ralh a, an Silai enfelin thawm lo chhuahna lam chu an hawi ta! Sangzuali chuan Pasalṭha Thangvela chu a melh ṭawk ṭawk a. Upa Zinga leh an lal fanu te chu lungpui phenah an tawm tir ta a! Thawm lah an rawn hnai tial tial a, thawm chhuahtu an tam tial tial hian a hriat a. Pasalṭha Thangvela chuan a silai tho chuan chu an bih ta vang vang a, thawm pawh a reh ta hmak a. Chutah le kawrkamah chuan...
( chhunzawm tur)
ka first leh thei hlauh hi ka vannei e,ngaihnawm ṭhin hle mai,
ReplyDeleteNgaihnawm thin e
ReplyDeleteSecond. A tawp laklawh thei eee. A dawt leh hi damrei nghah thil ang deuh hian kan nghak leh vang2 mai awm sia
ReplyDeleteA ngaih nawm hle mai.Bung hmasa lama an in lun sawi nana leihkapui ri i ti daih kha kaiten emaw sumhmun emaw i tihna a ni lo maw
ReplyDeleteA va ngaihnawm ṭhin em
ReplyDelete