LUNGRENG NGÂW S-4...(20)..
LUNGRENG NGÂW...SEASON-4....20....
( PASALṬHA THANPUIA)
M. LUSEI PALIAN
......... ........... ..........
An ding lama thawm rawn chhuak chu rawn hnai zelin thawm rawn chhuahtute an rawn lang ta hlawl mai le..! Pasalṭha Chhunthanga chuan a mit chu a nuai nawk nawk hial a, a silai chuan a tinreng tihreng a ngaihtuah lo, Zamkunga pawh chuan makti zetin a lo thlir ve mek a. Thangchhuahpa Serzawl mihrang Thanpuia a rawn lang ta! Chu mai a ni lo, a hnungah a ṭhiante an rawn ther ta fur mai! Chung ho te nen chuan khawsarih run pawh an huam zak tawh mai le! Pasalṭha Chhuna lawm lutuk hmel chu a hmuhnawm kher mai! Rei han inbiakna hun awm hek lo, an lam hawi chuan Silai chu a rawn puak ta thawr thawr a, Lung han phen tur avang hle mai si, Thing chu an phen nghal zat hlawm a. Zamkunga chu huaisenna tharin a rawn tlakbuak a, pasalṭha a nihna thisen a luan hnan chu a rawn lang ta! Thingphen a an tawm lai chuan an lal fanu Saipuii Hriangmual lal fapa Ngurṭhuama ten an rukbo thu chu a sawi ta! Chu thu chuan lo thleng thar te beng a verh ngang mai a, an ha chang an ṭhial ta rap rap hlawm mai! Pasalṭha Thanpuia chuan eng a sawi lo, hmelma rawn che vel chu a melh ta zawk a. Pasalṭha Chhunthanga chuan,
" Kan chhak chiahah khian lal fanu chu an awm pui a, hetia min rawn um let hnu hian an la kal thui hauh lovang!" Thanpuia hrilh titih chuan a tichhuak ta!
Pasalṭha Thanpuia chuan ring fe in a ṭhiante lam hawi chuan,
" Kan ṭhelh thiang hauh lo, muang leia kan awm laia buaina min thlentu te hi an buzawl thlengin um ang aw!" thinrim aw rawl chuan a ti ta! Chutah le, an chengrang rawl an au tir ve ta ale, Hriangmual tlangval lam an lir ta hlawl hlawl mai! An tum an ṭhelh lo tlang bawk a, hmelma lam an hek ta hawk mai le!
Hriangmual pasalṭha Chalbuanga chuan a naute a chan ta hawk a, rem ṭhat a ngai tih a hre ta! Rang fe chuan a au khawm ta! Rem han ruat zung zungin an lal fapa te chu tlangval te venna in khaw lam an pan dawn ta! Tlangval eng emaw zat chuan Serzawl lam te lo chimih an tum dawn thung a ni. Pasalṭha Chalbuanga chuan thiam fe in tlangval ho chu an ramvalh himnan a che chhuak tur chuan an fuih thar leh a, Hriangmual val te pawh huaisenna nei tharin an ṭhiante ruang hlawm tur leh an hmanrua khawm turin an che chhuak leh ta! Saipuii pawh a ka hnawhna an phelh tawh a, a kut pawh hnung khirh tawh lovin an phuar thung a. Ngurṭhuama chuan hnuk titih chuan tlangval venna hnuaiah chuan a kalpui ta!
Khatia hmelma te an in auh khawm lai tak khan Pasalṭha Chhunthanga chuan Thanpuia te ho chu an au khawm nghal thuai a, ro thar relpui a tum a ni, hmelma te chet dan tur a dawn pha tlat a ni. Thanpuia chu han melh pahin,
" Hriangmual lam hi a pa chhuakin an lo thawk a nih hmel a, heti hi chuan Saipuii kan chhan hman lovang tih a hlauhawm ta! Thana.....khing kan hma lam a mi te khi kan chhaih buai chhungin ngaw veilam hi zawh ula, Hriangmual lal fapa ten khawchhung an pan tur lo dan tum ang che u." a ti chhuak ta a.
Thu tam sawina hun ni mawlh hek lo, Thanpuia leh Thangvela an ding rual nghal ṭhawt a, Aimawia te pawh chuan an zui nghal a Pazawna chuan tlangval pahnih chu a tir let ta zawk a, Saisih ngaw chuan hnuai lamah an liam ta! Chu ve leh Pasalṭha Chhunthanga te Zamkunga te ho chuan an hmelma rawn pawng tur chu an lo kap ve leh mek a. Chulai hmun zawng, chappui rawh lai ang mai a ni leh ta! Khua lah chu a tlai chak viau tawh mai lehnghal a. Chulai hmuna khua a thim chuan Zamkunga te ho chan chu a chhe ve hle ngei ang le! Silai han sawh zui lehin an che rang hlawm hle mai, Hriangmual lam lah chuan tam zawk an nih hre ran in hma an rawn sawn zel a, an ramvalh chin a ni nen an rawn haw haw a ni deuh ber e. Zamkunga te ho silai kah puah leh hma chuan hmelma lam chuan inchhawkin an rawn ri ul ul mai a. An inhnaih tawh hle mai le!
Pasalṭha Hualroa te ho chuan hla taka Silai puak ri an hriat aṭang khan an hmanhmawh hle tawh a, ngaw hnuaiah chuan an put hian an put zung zung a, Hriangmual lamin an rawn tam hneh ta a nih an ring nghal a. Zamkunga te ho an tlem hle mai si, chhan an ngai hle anga puitu an ngai tawh hle ang tih ringin an hnaih tawh hle mai! An thleng ṭep tih chuan Silai han puak zawt zawt an hre leh ta, silai rik dan aṭang chuan an hual hnai zel tih an hre thiam a, pasalṭha te chuan hmalam an en nghal thuak a, an tlan liam zo ta!
Pasalṭha Chhunthanga chuan hmelma lam rawn hnai ta lutuk an tan a hlauhawm ṭan tih hria in a Silai chu a kap puak ve leh ta, Zamkunga leh Chamtlang val rualte pawh chuan a Silai chu an kap puak ve nghal zat a, an tum an ṭhelh meuh lo a ni e! Pasalṭha Chhunthanga te Silai puak a reh fel chiah chuan Hriangmual tlangval rem hnung zawk a mite rawn che ve nghal in an rawn kap zui ve lehnghal zat a, Pasalṭha Chhuna ten Silai sawhna hun an nei mumal ta lo, Chutah le, ring fe chuan,
" Tunah in pawm chilh tak tak ang aw!" A chempui, mi bik te chem chu phawrhin a ti chhuak ta!
Hriangmual lam lah Hmawng rah ṭha, Sava lian in an tlan a a hnuaia a rah hmin rawn tla tuar tuar ang maiin an rawn tam tual tual a, Silai chu a hman hman in an tipuak ta emaw tih mai tur a ni. Mau tlawn tluk hnih awm vel chauh chu an karah a awm ta! Chutah le, Zamkunga te pasalṭha Chhuna te hnung lam aṭang chuan Silai a rawn puak ve ta tak tak a le! Pui tak a ni pui tak, chappui rawh an ang ta tawlh tawlh mai le! Pasalṭha Hualroa te, Bukbawnga te ho an rawn thleng ta!
" Serzawl mihrang zam ngai lo kan ni ngai e!" rawn tiin an rawn ri halh halh mai!
Silai han sawh zui leh zatin ṭan hmun an han siam ta! Zamkunga te ho pawh Pialral kawtchhuah a ding mai tawh tura inngai kha an ni a, tunah zawng an beiseina a rawn hlawhtling ta! Pasalṭha Chhunthanga erawh chuan an dinhmun hre thiamin Thanpuia te a ngaihtuah ta hle mai! Silai sawh karah chuan chanchin an han inhrilh hlawm a, Pasalṭha Bukbawnga te chuan hriat ngai loh val te chu a thlir vei vung vung a. Tunah zet chuan Hriangmual tlangval ho chuan Serzawl lam an rawn thlen belh tih an hre ta! A tawlh lamah an ṭang ve leh ta zawk a, phen tur an zawng ve leh ta ruai mai! Serzawl lam lah an thawm a rawn na ta viau mai si! Pasalṭha Chalbuanga pawh chuan ro mum neih har a ti ve takzet tawh a ni.
Hetih lai tak hian Seipui pasalṭha leh tlangval tam fe chu Hriangmual an rawn lut ve chiah a. An ni ho hi an pasalṭha Mangvunga leh Zalawma ten an rawn hova, khaw hnih run tham zet an rawn thawkchhuak a. Pasalṭha te chuan lal in an pan nghal vat a, tlangval ho erawh lal mualah an ther huang mai! Lal thupek ang chuan hah zu an lo zuk tir te te a, thu khat vua in chet an la dawn ta! Saisih ngaw lam chu Hriangmual pathlawi Zakima hovin an pan ve leh ta nguah nguah mai le!
Khua a tlai telh telh a, Thanpuia te pawh chuan an hmanhmawh ve hle tawh a, Saisih ngaw chu an chuang chhuak ta ṭep a. Thanpuia thinlungah chuan Khuavelchhingi thusawi kha a cham tlut tlut mai a, Khuanu remruat tidanglam tura khuanu ruat thu chu mak a ti a, a hrethiam lo telh telh mai! Saipuii hi a chan mai dawn em ni!? A ni thei lo, a ni thei ngai lovang! A hmanhmawh bawk a an kal sawt hle mai, an hmalamah chuan thawm an hre ta, an hnaih ta hriau hriau a, chutih mek laiin Pasalṭha Chhunthanga te tawmna lama Silai puak ri zawt zawt chu an hrechiang hle mai le! Pasalṭha Chhunthanga te an ṭang zo tawh lo ni turah an ngai a, an thin chu a rim hle tawh hlawm a. An silai an endik sap sap a, an hmalam thawm lah an mahni let daih ani tih an hre ran mai si! Thih ngam lu pu a hmalam pan a ngai ta!
Serzawli chuan amah chhantu tur te an hnai tih a hria a, a ngawhngawl a chhuak a a ṭang thar leh ta tlat! Ngurṭhuama hian kut thlak a hreh hle mai a, tin, tlangval te hmuh lai ngat phei chuan kutthlak a hreh lehzual a ni. Mahse chuti taka han kawlh thar ta chu eng tin emaw tih a ngai tih a hre thuai a, ring tak leh vin tak chuan,
" Helai hmunah hian thlavang hauhtu tur i nei hauh lo tih hria la, kut inthlak hi ka duh hauh lo a nia!" Saipuii thinrim zeta melh pah chuan a ti a.
Saipuii lah chuan, " I eng pawi nge ka sawi a, engvang a min ru chhuak nge in nih, Kan pasalṭha ten an zuah hauh lovang che!" zam hauh lo chuan a ti a, a thin a rim hle vei nen a hmui a khur der der hial a.
Ngurṭhuama insum zo ta lo chuan ring fe in, " Ṭawng tawh suh, i nunna hi ka kuta awm a ni tih hrereng ang che, ka lung i tihawi loh chuan i lu hi ka la hreh hauh lovang!" a ti ta khur khur mai a.
Chutih lai chuan Thanpuia te chuan an hmu pha in an thawm an hre pha tawh a, Thanpuia thinrim lutuk chu Thangvela leh Aimawia chuan an lo chelh ngat ngat a,han che chhuak se an bul a zuk thlen chuan duhtawkin an lo kap hman ngei dawn si! Thanpuia chu thinrimna avang chuan a thlan tui a far zawih zawih ta mai le! Thinrimna chuan chakna a pek belh a, a hmangaih lo rubo tute chungah chuan zahngaihna alantir hauh lovang le. Thangvela chuan remruatna fing fe a nei ta! Chumi ti tur chuan an che chhuak ta! Thawm chhuah hauh lo chuan Ngurṭhuama te leh tlangval ho chu an hual ta!
Unau hmel hai hun a thleng ta ṭep a, Ngurṭhuama te hma takah chuan pasalṭha, pasalṭha Satliah ni hauh lo Thangchhuahpa chu a lo ding kak ta ran mai le! Ngurṭhuama ke pen lai chu a tawp hmak a, Saipuii lo thur ta bam, mittui parawl ṭeuh rawn hawichhuak chiah chuan a thinlung neitu chu a hmu ta! A thinlung chu lawmna thlipui chhungril aṭanga thawk chuan a nuai ta ham ham a, chutah inthlak thutin hlauhthawnna chuan a khat leh ta! Ngurṭhuama tlangval te chuan Thanpuia chu an silai chuan an tin nghal thuai a, a ni chu rawn ṭawngchhuakin,
" In Silai kha, leiah dah thla rang rawh u, hual beh vek in ni tawh! A nih loh chuan ka ṭhianten an kap nghal ang che u!" A ti ṭeng ta chhak a.
Chutia Ngurṭhuama te hawi lai tak chuan Pazawna leh Thangvela chuan lal fanu Saipuii lam an pan ta hriau hriau a, Ngurṭhuama a rawn inher chiah chuan Saipuii chu a bula dah a tum niin a lang ta! Mi dawihzep ber tihṭhin dan chuan tih a tum a ni ngat mai! Saipuii chu a tawlh dawrh a, chutih lai tak chuan Pasalṭha Thangvela leh Pazawna chuan Saipuii chu rang taka laksawn tum chuan an rawn lang ta nghal zawt a. Chu veleh Ngurṭhuama chu a au chhuak tuar a, a bula ding tlangval Silai chu chuh thut in a hmet puak ta!
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
An ding lama thawm rawn chhuak chu rawn hnai zelin thawm rawn chhuahtute an rawn lang ta hlawl mai le..! Pasalṭha Chhunthanga chuan a mit chu a nuai nawk nawk hial a, a silai chuan a tinreng tihreng a ngaihtuah lo, Zamkunga pawh chuan makti zetin a lo thlir ve mek a. Thangchhuahpa Serzawl mihrang Thanpuia a rawn lang ta! Chu mai a ni lo, a hnungah a ṭhiante an rawn ther ta fur mai! Chung ho te nen chuan khawsarih run pawh an huam zak tawh mai le! Pasalṭha Chhuna lawm lutuk hmel chu a hmuhnawm kher mai! Rei han inbiakna hun awm hek lo, an lam hawi chuan Silai chu a rawn puak ta thawr thawr a, Lung han phen tur avang hle mai si, Thing chu an phen nghal zat hlawm a. Zamkunga chu huaisenna tharin a rawn tlakbuak a, pasalṭha a nihna thisen a luan hnan chu a rawn lang ta! Thingphen a an tawm lai chuan an lal fanu Saipuii Hriangmual lal fapa Ngurṭhuama ten an rukbo thu chu a sawi ta! Chu thu chuan lo thleng thar te beng a verh ngang mai a, an ha chang an ṭhial ta rap rap hlawm mai! Pasalṭha Thanpuia chuan eng a sawi lo, hmelma rawn che vel chu a melh ta zawk a. Pasalṭha Chhunthanga chuan,
" Kan chhak chiahah khian lal fanu chu an awm pui a, hetia min rawn um let hnu hian an la kal thui hauh lovang!" Thanpuia hrilh titih chuan a tichhuak ta!
Pasalṭha Thanpuia chuan ring fe in a ṭhiante lam hawi chuan,
" Kan ṭhelh thiang hauh lo, muang leia kan awm laia buaina min thlentu te hi an buzawl thlengin um ang aw!" thinrim aw rawl chuan a ti ta! Chutah le, an chengrang rawl an au tir ve ta ale, Hriangmual tlangval lam an lir ta hlawl hlawl mai! An tum an ṭhelh lo tlang bawk a, hmelma lam an hek ta hawk mai le!
Hriangmual pasalṭha Chalbuanga chuan a naute a chan ta hawk a, rem ṭhat a ngai tih a hre ta! Rang fe chuan a au khawm ta! Rem han ruat zung zungin an lal fapa te chu tlangval te venna in khaw lam an pan dawn ta! Tlangval eng emaw zat chuan Serzawl lam te lo chimih an tum dawn thung a ni. Pasalṭha Chalbuanga chuan thiam fe in tlangval ho chu an ramvalh himnan a che chhuak tur chuan an fuih thar leh a, Hriangmual val te pawh huaisenna nei tharin an ṭhiante ruang hlawm tur leh an hmanrua khawm turin an che chhuak leh ta! Saipuii pawh a ka hnawhna an phelh tawh a, a kut pawh hnung khirh tawh lovin an phuar thung a. Ngurṭhuama chuan hnuk titih chuan tlangval venna hnuaiah chuan a kalpui ta!
Khatia hmelma te an in auh khawm lai tak khan Pasalṭha Chhunthanga chuan Thanpuia te ho chu an au khawm nghal thuai a, ro thar relpui a tum a ni, hmelma te chet dan tur a dawn pha tlat a ni. Thanpuia chu han melh pahin,
" Hriangmual lam hi a pa chhuakin an lo thawk a nih hmel a, heti hi chuan Saipuii kan chhan hman lovang tih a hlauhawm ta! Thana.....khing kan hma lam a mi te khi kan chhaih buai chhungin ngaw veilam hi zawh ula, Hriangmual lal fapa ten khawchhung an pan tur lo dan tum ang che u." a ti chhuak ta a.
Thu tam sawina hun ni mawlh hek lo, Thanpuia leh Thangvela an ding rual nghal ṭhawt a, Aimawia te pawh chuan an zui nghal a Pazawna chuan tlangval pahnih chu a tir let ta zawk a, Saisih ngaw chuan hnuai lamah an liam ta! Chu ve leh Pasalṭha Chhunthanga te Zamkunga te ho chuan an hmelma rawn pawng tur chu an lo kap ve leh mek a. Chulai hmun zawng, chappui rawh lai ang mai a ni leh ta! Khua lah chu a tlai chak viau tawh mai lehnghal a. Chulai hmuna khua a thim chuan Zamkunga te ho chan chu a chhe ve hle ngei ang le! Silai han sawh zui lehin an che rang hlawm hle mai, Hriangmual lam lah chuan tam zawk an nih hre ran in hma an rawn sawn zel a, an ramvalh chin a ni nen an rawn haw haw a ni deuh ber e. Zamkunga te ho silai kah puah leh hma chuan hmelma lam chuan inchhawkin an rawn ri ul ul mai a. An inhnaih tawh hle mai le!
Pasalṭha Hualroa te ho chuan hla taka Silai puak ri an hriat aṭang khan an hmanhmawh hle tawh a, ngaw hnuaiah chuan an put hian an put zung zung a, Hriangmual lamin an rawn tam hneh ta a nih an ring nghal a. Zamkunga te ho an tlem hle mai si, chhan an ngai hle anga puitu an ngai tawh hle ang tih ringin an hnaih tawh hle mai! An thleng ṭep tih chuan Silai han puak zawt zawt an hre leh ta, silai rik dan aṭang chuan an hual hnai zel tih an hre thiam a, pasalṭha te chuan hmalam an en nghal thuak a, an tlan liam zo ta!
Pasalṭha Chhunthanga chuan hmelma lam rawn hnai ta lutuk an tan a hlauhawm ṭan tih hria in a Silai chu a kap puak ve leh ta, Zamkunga leh Chamtlang val rualte pawh chuan a Silai chu an kap puak ve nghal zat a, an tum an ṭhelh meuh lo a ni e! Pasalṭha Chhunthanga te Silai puak a reh fel chiah chuan Hriangmual tlangval rem hnung zawk a mite rawn che ve nghal in an rawn kap zui ve lehnghal zat a, Pasalṭha Chhuna ten Silai sawhna hun an nei mumal ta lo, Chutah le, ring fe chuan,
" Tunah in pawm chilh tak tak ang aw!" A chempui, mi bik te chem chu phawrhin a ti chhuak ta!
Hriangmual lam lah Hmawng rah ṭha, Sava lian in an tlan a a hnuaia a rah hmin rawn tla tuar tuar ang maiin an rawn tam tual tual a, Silai chu a hman hman in an tipuak ta emaw tih mai tur a ni. Mau tlawn tluk hnih awm vel chauh chu an karah a awm ta! Chutah le, Zamkunga te pasalṭha Chhuna te hnung lam aṭang chuan Silai a rawn puak ve ta tak tak a le! Pui tak a ni pui tak, chappui rawh an ang ta tawlh tawlh mai le! Pasalṭha Hualroa te, Bukbawnga te ho an rawn thleng ta!
" Serzawl mihrang zam ngai lo kan ni ngai e!" rawn tiin an rawn ri halh halh mai!
Silai han sawh zui leh zatin ṭan hmun an han siam ta! Zamkunga te ho pawh Pialral kawtchhuah a ding mai tawh tura inngai kha an ni a, tunah zawng an beiseina a rawn hlawhtling ta! Pasalṭha Chhunthanga erawh chuan an dinhmun hre thiamin Thanpuia te a ngaihtuah ta hle mai! Silai sawh karah chuan chanchin an han inhrilh hlawm a, Pasalṭha Bukbawnga te chuan hriat ngai loh val te chu a thlir vei vung vung a. Tunah zet chuan Hriangmual tlangval ho chuan Serzawl lam an rawn thlen belh tih an hre ta! A tawlh lamah an ṭang ve leh ta zawk a, phen tur an zawng ve leh ta ruai mai! Serzawl lam lah an thawm a rawn na ta viau mai si! Pasalṭha Chalbuanga pawh chuan ro mum neih har a ti ve takzet tawh a ni.
Hetih lai tak hian Seipui pasalṭha leh tlangval tam fe chu Hriangmual an rawn lut ve chiah a. An ni ho hi an pasalṭha Mangvunga leh Zalawma ten an rawn hova, khaw hnih run tham zet an rawn thawkchhuak a. Pasalṭha te chuan lal in an pan nghal vat a, tlangval ho erawh lal mualah an ther huang mai! Lal thupek ang chuan hah zu an lo zuk tir te te a, thu khat vua in chet an la dawn ta! Saisih ngaw lam chu Hriangmual pathlawi Zakima hovin an pan ve leh ta nguah nguah mai le!
Khua a tlai telh telh a, Thanpuia te pawh chuan an hmanhmawh ve hle tawh a, Saisih ngaw chu an chuang chhuak ta ṭep a. Thanpuia thinlungah chuan Khuavelchhingi thusawi kha a cham tlut tlut mai a, Khuanu remruat tidanglam tura khuanu ruat thu chu mak a ti a, a hrethiam lo telh telh mai! Saipuii hi a chan mai dawn em ni!? A ni thei lo, a ni thei ngai lovang! A hmanhmawh bawk a an kal sawt hle mai, an hmalamah chuan thawm an hre ta, an hnaih ta hriau hriau a, chutih mek laiin Pasalṭha Chhunthanga te tawmna lama Silai puak ri zawt zawt chu an hrechiang hle mai le! Pasalṭha Chhunthanga te an ṭang zo tawh lo ni turah an ngai a, an thin chu a rim hle tawh hlawm a. An silai an endik sap sap a, an hmalam thawm lah an mahni let daih ani tih an hre ran mai si! Thih ngam lu pu a hmalam pan a ngai ta!
Serzawli chuan amah chhantu tur te an hnai tih a hria a, a ngawhngawl a chhuak a a ṭang thar leh ta tlat! Ngurṭhuama hian kut thlak a hreh hle mai a, tin, tlangval te hmuh lai ngat phei chuan kutthlak a hreh lehzual a ni. Mahse chuti taka han kawlh thar ta chu eng tin emaw tih a ngai tih a hre thuai a, ring tak leh vin tak chuan,
" Helai hmunah hian thlavang hauhtu tur i nei hauh lo tih hria la, kut inthlak hi ka duh hauh lo a nia!" Saipuii thinrim zeta melh pah chuan a ti a.
Saipuii lah chuan, " I eng pawi nge ka sawi a, engvang a min ru chhuak nge in nih, Kan pasalṭha ten an zuah hauh lovang che!" zam hauh lo chuan a ti a, a thin a rim hle vei nen a hmui a khur der der hial a.
Ngurṭhuama insum zo ta lo chuan ring fe in, " Ṭawng tawh suh, i nunna hi ka kuta awm a ni tih hrereng ang che, ka lung i tihawi loh chuan i lu hi ka la hreh hauh lovang!" a ti ta khur khur mai a.
Chutih lai chuan Thanpuia te chuan an hmu pha in an thawm an hre pha tawh a, Thanpuia thinrim lutuk chu Thangvela leh Aimawia chuan an lo chelh ngat ngat a,han che chhuak se an bul a zuk thlen chuan duhtawkin an lo kap hman ngei dawn si! Thanpuia chu thinrimna avang chuan a thlan tui a far zawih zawih ta mai le! Thinrimna chuan chakna a pek belh a, a hmangaih lo rubo tute chungah chuan zahngaihna alantir hauh lovang le. Thangvela chuan remruatna fing fe a nei ta! Chumi ti tur chuan an che chhuak ta! Thawm chhuah hauh lo chuan Ngurṭhuama te leh tlangval ho chu an hual ta!
Unau hmel hai hun a thleng ta ṭep a, Ngurṭhuama te hma takah chuan pasalṭha, pasalṭha Satliah ni hauh lo Thangchhuahpa chu a lo ding kak ta ran mai le! Ngurṭhuama ke pen lai chu a tawp hmak a, Saipuii lo thur ta bam, mittui parawl ṭeuh rawn hawichhuak chiah chuan a thinlung neitu chu a hmu ta! A thinlung chu lawmna thlipui chhungril aṭanga thawk chuan a nuai ta ham ham a, chutah inthlak thutin hlauhthawnna chuan a khat leh ta! Ngurṭhuama tlangval te chuan Thanpuia chu an silai chuan an tin nghal thuai a, a ni chu rawn ṭawngchhuakin,
" In Silai kha, leiah dah thla rang rawh u, hual beh vek in ni tawh! A nih loh chuan ka ṭhianten an kap nghal ang che u!" A ti ṭeng ta chhak a.
Chutia Ngurṭhuama te hawi lai tak chuan Pazawna leh Thangvela chuan lal fanu Saipuii lam an pan ta hriau hriau a, Ngurṭhuama a rawn inher chiah chuan Saipuii chu a bula dah a tum niin a lang ta! Mi dawihzep ber tihṭhin dan chuan tih a tum a ni ngat mai! Saipuii chu a tawlh dawrh a, chutih lai tak chuan Pasalṭha Thangvela leh Pazawna chuan Saipuii chu rang taka laksawn tum chuan an rawn lang ta nghal zawt a. Chu veleh Ngurṭhuama chu a au chhuak tuar a, a bula ding tlangval Silai chu chuh thut in a hmet puak ta!
( chhunzawm tur)
A van ngaihnawm tak em. Pui tak a ni.
ReplyDeleteA van ngaihnawm tak em awwww
ReplyDeleteComent ve hrim hrim nge
ReplyDelete