LUNGRENG NGÂW S-4...(18)....
LUNGRENG NGÂW...SEASON-4....18....
( PASALṬHA THANPUIA)
M. LUSEI PALIAN
......... ........... ..........
Chutah rangfe hian Pasalṭha Thanseia chuan Bukbawnga nakzawnah laklawh awm hauh lovin a chem chu an vai zui ta a, an ṭe ta ṭhawt mai le..! Bukbawnga chu vai fuh ta riakah an ngai hman hial a, a han vai fuh teuh zia zawng Thanseia chem leh Bukbawnga taksa inkar chu buhfang tia vel hian a fuh lo chauh chu a ni. Pasalṭha Bukbawnga mitmeng chu a inthlak chiang ta hle mai, chutih rual chuan fimkhurna erawh a hloh miah lo thung, tlema tawlh hnung hret chuan ṭan hmun a siam a, vei lamah han thle zeuhin veilam aṭang chem han vai vak chuan Pasalṭha Thanseia taksa a thlen hma chuan la let zatin ding lam aṭang chuan an vai thung a. Pasalṭha Thanseia a ṭe chhuak ṭhawt a a ban chu a uai ta hnawp a, a ral chem chu a thlauh zui a, A chet dan meuh chuan pasalṭha ah pawh mi bik a ni tih a tilang chiang hle ta mai! Chutah rang fe chuan han inher kual in a milu lak chem chu an vai kual leh a. Pasalṭha Thanseia kut veilama lo indang mek chu sat ta lovin a tawp chat a, rum taka melh chung chuan,
" Khawiah nge kan lal fanu chu a awm!" an ti leh nghat a.
Hetih lai hian pasalṭha Thanseia chu a rum kawk kawk a, a lo fimkhur tawk lo chu a inchhir ṭan hle mai! A pasalṭha luhlulna a rawn chhuak a, Bukbawnga chu rum taka meng chung chuan,
" Ka hre hauh lo, i duh leh zawng la ti nia!" a ti ve leh kher a. Chu chhanna kher zawng a ngaithlatu tan chuan a rum hret lam a ni.
Pasalṭha Bukbawnga chuan a chem a vai leh chiah chu Hriangmual pasalṭha chu a ṭe chhuak leh ta ṭhawt mai! Pasalṭha Thanseia ban veilam chu a vun chuan a awh ta der der mai, mu leh mal hi a nei tawh lo, a tal tawp tawp a, a thlirtu te lah chuan khawngaih a hnekin an diriam zawk si, khawngaih a phu lo ve em bawk a tin ni! Chutah Bukbawnga thinrim insum thei lo chuan Hriangmual tlangval pakhat chu a chhip samah a va ṭham chhuak lawp a, a nghawnga a milu lak chem chuktuah chung chuan,
" Khawiah nge kan lal fanu a awm! Han sawi lo na teh!" ring pawr zet chuan a ti a. Chu awka chuan thihna rim hi a nam tawh hial a, han chhang lo ngat se chuan Pialralah a tir duh ngei dawn tih a mit aṭang chuan a hmuh theih tawh mai reng a. Chu tlangval hlauthawng lutuk chuan zun a cheh ṭhawt hial a, chutah khur dur dur hian,
" Kan....kan...lal fapa....in a kalpui tawh..!" a ti chhuak a.
Bukbawnga, Serzawl Keite chuan rang fe, a hma aia tlem a dam hret chuan,
" Khawi lamah, eng tik hunah..! Min chhang vat rawh!" a ti zui nghal a.
Chu tlangval chu a ngawi ran mai, chutah Pasalṭha Hualroa chuan chu tlangval hnungah chuan a Silai chuan a rawn hawlh zawt a, Bukbawnga chem chuan anghawng chu an tai at hlawih a. Chu tlangval chu a ṭe ring ngang mai! Ṭe chung leh thaw hlawi hlawi chung chuan,
" Nizan...nizanah khan, kan inṭhen hrang, Saisih ngaw an pan!" a ti chhuak ta a. An thaw tlang hawk a. Pasalṭha te chu an inmelh kual rang hle hlawm a. An zingah Pasalṭha Chhunthanga leh Zamkunga te ho an awm ve ta lo tih an hriat chuan an thaw huai thei hial a.
Chutah Bukbawnga chu inher thutin Pasalṭha Thanseia lam chu a va pan a, a milu lak chem chu han vai zatin pasalṭha Thansiama lu chu lak tumin a va sat ri no chak chak a! Pasalṭha Hualroa te pawh chuan tlangval pakhat lu chu an lo la fel mek bawk. Hriangmual val pakhat chiah a dam ta, han dahṭhat lehnghal mai chu an tum ṭan a, pasalṭha Thanchhinga chuan a lo khap vat thung a. A hriat duh hre kimah an inngai tawh em a ni, amah erawh chu an thu hriat zawng Serṭawkah a mu a awm ṭhin tih an hriat ang chauh a la ni si! Bukbawnga chuan Thanseia lu chu a rawn khai dir tlak tlak a. A thaw ta huai mai! An bula thingtuai malte tia vel chu a ngheng ta ar ar a.
Pasalṭha Thanchhinga chuan a milu lak chem a phawrh a, Hriangmual val la dam awmchhun chu a hui phei a, chu tlangval hmel chu zan thim pawh ni se hai theih lohin a var lap ngei ang. Pasalṭha Thanchhinga mitmeng lah keipui hliam nei mitmeng ang mai hi a ni tawh a. Chu Hriangmual val chu han melh pah chuan,
" Engzat nge in nih? Kan lal fanu hi engvanga ru bo nge in nih?" a ti chang ta fak mai a. Chu tlangval chuan a zawhna dawn chu chhan loh mi niin a hre lo. Aw khur hlak hlak chuan,
" A tirah chuan Seipui pasalṭha te nen khan kan ni a, kan ṭhahnem khawp mai! Mahse Ṭhep zawl kan thlen hma khan kan inṭhendarh ta a ni. Kan lal fapa khan in lal fanu ruk chhuah kha a duh tlat si a. Nizanah khan hun remchang hmu in kan ru chhuak a, in hnuchhui tibuai turin kan inṭhen hrang a, Kan lal fapa te chu kan piah nakpek veilam saw an zawh a, kan ramvalh an thleng ṭep tawh ang...!" a ti chhuak ta a. Chu lai hmuna awm ho chu an chek ta tlak tlak mai!
Pasalṭha Thanchhinga chuan chu tlangval chu Sapuiin Sakhi a melh ang mai chuan an melh leh a,
" A nih inram valh chu thleng ta se, lo hmuak tur an awm em, Saisih ngaw ah chuan!?" an ti leh khauh mai chu...! Pasalṭha ten chung zawhna zawh nachang a hria chu ngaisang fe hian an lo thlir a. Chu tlangval chuan hlauh hmel fe a en leh zeuh pah chuan,
" Hriangmual tlangval leh pasalṭha ten an lo hmuak ang, nimin khan khawchhung lam pun tur lamkal kan intir tawh!" a ti hul ta hak mai! Chu tlangval chu han en mai chuan a chakna zawng zawngin a kiansan tawh ni mai hian a hriat hial a.
Pasalṭha Thanchhinga chu an ding chhuak a, Val upa Hnuna te, Bukbawnga te Hualroa te chuan an lo en ṭhap a, aw han thian ṭha lehin,
" Hei, tum aiin kan thangrei dawn niin a lang ta! Tlangval pahnih kha khawlamah let u la, tlangval khawvengtu tih loh chu han khawm vek ang che u. Tin, chin hriat a ni ta lo, faisa zanhnih tal tla rawn ak ang che u. He Hriangmual val hi chhawm chho u la, Kan Lal bulah khan engkim sawi ve rawh se, Hriangmual khua nen kan innuai dawn ta tlat mai! Zamkunga te kan pawh vat a ngai a, Saisih ngaw hnaih lamah min rawn um dawn nia!" a ti chhuak ta a. Pasalṭha dangte chu an lo bu nghat nghat a.
Tlangval pali vel chuan an mi man chu an hnung khirh ta mawlh mawlh a. Pahnihte chu rang takin khaw lam an pan ta! Pasalṭha Bukbawnga chuan a milu lak chu akin hma a hruai vut a, pasalṭha Chhunthanga te liamna nia an hriat lam chu an pan leh ta! Tukṭhuan bar hun fe tawh mahse, hmalam pan tur chuan an rilru in a tur et et tawh mai si! An lal fanu tel lova khaw lama lawiluh zawng an zuam ngang lo a ni. Seipui lam an rawn thawk tel dawn tih an hre hauh si lo! Saisih ngaw ah chuan eng thil chuan lo hmuak ang maw!?
.......... ........... ...........
Serzawl thangchhuahpa Thanpuia chu a tlan titih tawh a, an hmanhmawh hle a ni, a ṭhiante pawh chuan an hrethiam hle mai! Chamtlang dai pel tawhin Thangvela te nena an intawnna hmun an thleng ṭep a, chulai hmun an han thleng chiah chu an thaw hlawi hlawi tawh mai a! Hma hruaitu Thanpuia chuan hriatchhuah nei thutin a ding chat a, a hnung lama a ṭhiante chu melhin, chawlh a rawt ta! Chu thu meuh chuan Aimawia leh Hranga te a tilawm kher mai! An rawt ngam si loh kha a ni, Chamtlang dai aṭang tawh khan an la buai char char a mutmu pawh an la tuah thei meuh lo kha a ni a. Mihring ve ta nafam chu chau lo thei an ni lo, Fangfar puk tuikhur thuhruk in ve an ni a zeng lah a ni si lo! Thaw hlawi hlawi chuan an han ṭhu ta a, An ṭhiana hmel an han en hian fiamthu han zehna chi a ni hauh si lo. Thanpuia chuan a ṭhiante chu han melh kualin an chau hle tih a hria a chutah rawn ṭawngchhuak zui zatin,
" Khi lai tlangchhip aṭang khian khua ka han chuan a nga, lo hahdam ru...!" a ti a.
Hranga chu rang fe hian rawn ding chhuakin, " Ka lo kal ve a nge!" tlawmngai hmelpu inthlahrung lam lek lek chuan a ti a.Luaia pawh a rawn dingchhuak thuai a, Aimawia leh Pazawna chu an lo ngawi reng thung! Thanpuia chuan,
" Lo hahdam zawk teh u, ka han rei lovang!" thupe aw lam lek lek chuan a ti a.
Aimawia chuan ramg fe in, " Hranga, Luaia ....lo hahdam teh u, Thana han kal thuai teh, heng laia tumbu leh kamram tur chi kan lo vai ang e!" a rawn tichhuak ve ta a.
Tlangval pahnihte chu an inthlahrun hmel kher mai! Amah erawh chu he thangchhuahpa hian amah chauh a kal a duh tlat si a ni, tlangval pahnih leh a ṭhiante chu nuih lui sangin ngaw thing ngir khupnaah chuan a liam zui ta zat a. Thanpuia liam ta chu rang fe hian tlang lamah chuan a duk chho ta! Tlang pang hmun rem laiah chuan ding chatin a ipte pui a dap a, a lungmawi chu a la chhuak ta! Phun sep sep chuan eng emaw chu a chham ta zauh a, chu ve leh a hnung lam aṭang chuan ke pen thawm a hre zui ta zat a, chumi rual chiah chuan thil rimtui em em mai a hre zui zat a, a lung muang ṭan ngei mai! Rang tak chuan a inher zat a, chuta a thil hmuh chuan a tihrilhhai lek lek ta mai!
Lasi te hotunu nau Khuavelchhingi chuan pen var haih haihin a rawn pan ta tlat mai! Chawngmawii a lo beisei tawh tehlul nen, Khuavelchhingi hlir rawn inlan chu mak a ti hle zawng a ni e. Pasalṭha Thanpuia chuan chik zetin chu nula sawiselbovi chu an thlir a, a hmel a ngui raih hian a hre tlat a ni. Khuavelchhingi chu an nui lui sak a, chung te hlei hlei chuan a ṭhatna a belhchhah a, rawn ṭawng chhuakin,
" Pasalṭha eng thil nge ni ta! I buai hle a ni maw, han sawi ta che!" Ngaihla taka han melh pah chuan a ti a.
Thangchhuahpa meuh pawh a ban rinawm din leh ta tlut mai! A chil han lem ri khulhin heti hian a ṭawngchhuak zui ta,
" I lokal thei hlauh chu ka lawm hle mai! Hei nizan lam aṭang khan kan khawlam ka ngaihtuah hle a, a chhan ka hre hauh lo, min mawlhtu hi a awm a ni. Kan khuaah chuan eng nge thleng hriat ka duh takzet a, tin, karkawng a thui tham hle a pumpelhna tur kan duhtakzet a ni. Min puih theih tak mialin......a..a....min puih theih chuan ka lawm ngawt ang!" a ti bah ta nak mai a. Duh ang zanin ṭawngkam thiam hek lo le! Tin, nula hmel ṭha tak bulah hian zawng thu han sawifuh hi a har ṭhin em bawk a ni.
Khuavelchhingi chu an thaw halh a, Thanpuia mit ah tak chuan an melh vang vang a, han nui lui leh sakin,
" Pasalṭha....han ṭhu hahdam phawt teh! I ṭhiante pawh khu hahdam rih teh se....!" Lung in phah rem tak chunga ṭhut pah chuan a ti a.
Pasalṭha Thanpuia rilru hmanhmawh nen chuan a inrem lo kher mai! Amah erawh chu a tursing vaibel la chhuakin an lakai ve ta zawk a. Han ṭhut ve pah chuah a pak mawlh mawlh a, chu ngawt pawh chuan a hmanhmawh zia a tilang thei chu a ni. Khuavelchhingi chu rawn ṭawngchhuakin,
" Pasalṭha, kan puihna i mamawh takzet chuan thil pakhat min tiam ve a ngai!" Thanpuia mita han en vang vang pah chuan a ti a.
Thanpuia chuan, " Eh....kei ve tehlul....ka puihna in mamawh a thu le...!" a ti chhuak a.
Khuavelchhingi chu a thaw leh hawk a,
" Aw le....i pawm ah ka ngai a...! Amah erawh chu nang leh i ṭhiante chungah eng thil pawh thleng se, kan thlentir leh duhvanga thleng a ni hauh dawn lo va. Hringmi chunga thil thlengah hian zawng thuneihna kan nei si lo a ni.Ka sawi duh pakhat chu, Khuanu hian remruat leh duan sa a nei a, chung chu kan tihdanglam thiang a ni lo. Hringnunah hian a chang chuan khuanu remruat hi a danglam ve ṭhin! A awmzia chu Khuanu remruat tidanglam tura khuanu ruat hi a awm thei a! ( chu thu chu Thanpuia chuan a hrethiam lo kher mai! Khuavelchhingi chu a melh vang vang a) I la hrethiam chhawm mai ang! Aw le, tunah hian in lal fanu chu Hriangmual lal fapa in a rubo a, Saisih ngaw an pan mek! ( Thanpuia chu a ding zawt mai le! He thil vang ngei hi a ni, thinlung chhungril aṭanga ko tu a awm tlat a ni. ) Pasalṭha Chhunthanga hruaina in an um mek a, Hriangmual lam hi an tlangval te leh pasalṭha ten Saisih ngaw an pan ve mek bawk!" Khuavelchhingi chuan Thanpuia chu an melh leh a, sawi zawm lehnghalin,
" Pasalṭha....ka la sawi zo lo, han ṭhu ve leh phawt la!" an ti leh rih a.
Thanpuia chu rilru pangkhing zet chuan a ṭhu ve leh ta! A vaibel chu a fawp leh ta malh malh a. Khuavelchhingi chuan,
" Khaw karkawngah chuan ka pui ang che u, ka aw i hriatna lam apiangah i ṭhiante kal pui la, in thleng har lovang! Pasalṭha...uluk deuhin ngaithla teh, Hriangmual lal fapa te leh Seipui an inthurual a, Hriangmual pasalṭha te hnungah hian Seipui pasalṭha an rawn thang ve mek bawk! Fimkhur hle ang che...! Chutichuan.....( Khuavelchhingi chu a kun ngaih a) i nun a mi hlu tak te ichan thei tih hria la....( a ti chuai raih a, a ngawi ta rih a, reilo teah rawn ṭawngchhuak lehin ) Fimkhur hle la, nang chu kan veng thei che a, i ṭhiante i fimkhur pui dawn nia! Chuan, min pui tura i intiamna kha...hei hi hrereng la, tuna thil thleng a reh ve leh hian nangmah chauhin Lungreng ngaw a Fangfar pukah lo kal ang che! Kal tawh rawh le.....Pasalṭha.....Khuanu remruat tidanglam tura khuanu ruat a awm thei a nia!" a ti chhuak leh hram a.
Khuavelchhingi chu a ding chhuak a,Thanpuia rawn nuih leh sakin a mitah tak a en a, ngaw hnuaiah chuan a pil bo ta! Thanpuia chu a thaw hawk a, Lal fanu Saipuii Ngurṭhuaman a rubo....chu thil chuan a thin a va tirim tehlul em! Rei lo deuh han hawi kual lehin a ṭhiante pawh tur chuan a chhuk leh ta par par a.A thleng thla har hauh lo, Aimawia te chuan khan ṭha a hmuh leh hmuh loh an lo zawt thuai a. Thanpuia chuan khan ṭha a hmuh thu chuan a chhang zui zat a, kal an han rem leh dawn ta chiah chu an hnung lamah chuan an mahni lam rawn pan thawm chu an hre ta tlat mai le! Mihring thawm chhuah ngei a ni si, pakhat thawm mai a ni hauh lo! Thinglian pasalṭha ṭhenkhat ramchhuak bo an awm tih kha chu an hre ngei a! Chung ho chu an ni thei mai a ngem?
Englai maha fimkhurna hloh ngai lo thangchhuahpa chuan a ṭhiante a mit mei zauh a, thingbul belh tur an zawng nghal zat a. Thawm chu a rawn hnai telh telh a, Serzawl mihrangte an lo inring kher mai, Sa leh ral chian hmasa lova Thal thlah ngai lo, Chengrang rawl au tir ngai lo te an ni si. Chutah le, an chawlhna piah chiah lung chungah chuan inzo fe hian pasalṭha tih hriat tak pakhat a rawn per kai ta nalh mai le....!
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Chutah rangfe hian Pasalṭha Thanseia chuan Bukbawnga nakzawnah laklawh awm hauh lovin a chem chu an vai zui ta a, an ṭe ta ṭhawt mai le..! Bukbawnga chu vai fuh ta riakah an ngai hman hial a, a han vai fuh teuh zia zawng Thanseia chem leh Bukbawnga taksa inkar chu buhfang tia vel hian a fuh lo chauh chu a ni. Pasalṭha Bukbawnga mitmeng chu a inthlak chiang ta hle mai, chutih rual chuan fimkhurna erawh a hloh miah lo thung, tlema tawlh hnung hret chuan ṭan hmun a siam a, vei lamah han thle zeuhin veilam aṭang chem han vai vak chuan Pasalṭha Thanseia taksa a thlen hma chuan la let zatin ding lam aṭang chuan an vai thung a. Pasalṭha Thanseia a ṭe chhuak ṭhawt a a ban chu a uai ta hnawp a, a ral chem chu a thlauh zui a, A chet dan meuh chuan pasalṭha ah pawh mi bik a ni tih a tilang chiang hle ta mai! Chutah rang fe chuan han inher kual in a milu lak chem chu an vai kual leh a. Pasalṭha Thanseia kut veilama lo indang mek chu sat ta lovin a tawp chat a, rum taka melh chung chuan,
" Khawiah nge kan lal fanu chu a awm!" an ti leh nghat a.
Hetih lai hian pasalṭha Thanseia chu a rum kawk kawk a, a lo fimkhur tawk lo chu a inchhir ṭan hle mai! A pasalṭha luhlulna a rawn chhuak a, Bukbawnga chu rum taka meng chung chuan,
" Ka hre hauh lo, i duh leh zawng la ti nia!" a ti ve leh kher a. Chu chhanna kher zawng a ngaithlatu tan chuan a rum hret lam a ni.
Pasalṭha Bukbawnga chuan a chem a vai leh chiah chu Hriangmual pasalṭha chu a ṭe chhuak leh ta ṭhawt mai! Pasalṭha Thanseia ban veilam chu a vun chuan a awh ta der der mai, mu leh mal hi a nei tawh lo, a tal tawp tawp a, a thlirtu te lah chuan khawngaih a hnekin an diriam zawk si, khawngaih a phu lo ve em bawk a tin ni! Chutah Bukbawnga thinrim insum thei lo chuan Hriangmual tlangval pakhat chu a chhip samah a va ṭham chhuak lawp a, a nghawnga a milu lak chem chuktuah chung chuan,
" Khawiah nge kan lal fanu a awm! Han sawi lo na teh!" ring pawr zet chuan a ti a. Chu awka chuan thihna rim hi a nam tawh hial a, han chhang lo ngat se chuan Pialralah a tir duh ngei dawn tih a mit aṭang chuan a hmuh theih tawh mai reng a. Chu tlangval hlauthawng lutuk chuan zun a cheh ṭhawt hial a, chutah khur dur dur hian,
" Kan....kan...lal fapa....in a kalpui tawh..!" a ti chhuak a.
Bukbawnga, Serzawl Keite chuan rang fe, a hma aia tlem a dam hret chuan,
" Khawi lamah, eng tik hunah..! Min chhang vat rawh!" a ti zui nghal a.
Chu tlangval chu a ngawi ran mai, chutah Pasalṭha Hualroa chuan chu tlangval hnungah chuan a Silai chuan a rawn hawlh zawt a, Bukbawnga chem chuan anghawng chu an tai at hlawih a. Chu tlangval chu a ṭe ring ngang mai! Ṭe chung leh thaw hlawi hlawi chung chuan,
" Nizan...nizanah khan, kan inṭhen hrang, Saisih ngaw an pan!" a ti chhuak ta a. An thaw tlang hawk a. Pasalṭha te chu an inmelh kual rang hle hlawm a. An zingah Pasalṭha Chhunthanga leh Zamkunga te ho an awm ve ta lo tih an hriat chuan an thaw huai thei hial a.
Chutah Bukbawnga chu inher thutin Pasalṭha Thanseia lam chu a va pan a, a milu lak chem chu han vai zatin pasalṭha Thansiama lu chu lak tumin a va sat ri no chak chak a! Pasalṭha Hualroa te pawh chuan tlangval pakhat lu chu an lo la fel mek bawk. Hriangmual val pakhat chiah a dam ta, han dahṭhat lehnghal mai chu an tum ṭan a, pasalṭha Thanchhinga chuan a lo khap vat thung a. A hriat duh hre kimah an inngai tawh em a ni, amah erawh chu an thu hriat zawng Serṭawkah a mu a awm ṭhin tih an hriat ang chauh a la ni si! Bukbawnga chuan Thanseia lu chu a rawn khai dir tlak tlak a. A thaw ta huai mai! An bula thingtuai malte tia vel chu a ngheng ta ar ar a.
Pasalṭha Thanchhinga chuan a milu lak chem a phawrh a, Hriangmual val la dam awmchhun chu a hui phei a, chu tlangval hmel chu zan thim pawh ni se hai theih lohin a var lap ngei ang. Pasalṭha Thanchhinga mitmeng lah keipui hliam nei mitmeng ang mai hi a ni tawh a. Chu Hriangmual val chu han melh pah chuan,
" Engzat nge in nih? Kan lal fanu hi engvanga ru bo nge in nih?" a ti chang ta fak mai a. Chu tlangval chuan a zawhna dawn chu chhan loh mi niin a hre lo. Aw khur hlak hlak chuan,
" A tirah chuan Seipui pasalṭha te nen khan kan ni a, kan ṭhahnem khawp mai! Mahse Ṭhep zawl kan thlen hma khan kan inṭhendarh ta a ni. Kan lal fapa khan in lal fanu ruk chhuah kha a duh tlat si a. Nizanah khan hun remchang hmu in kan ru chhuak a, in hnuchhui tibuai turin kan inṭhen hrang a, Kan lal fapa te chu kan piah nakpek veilam saw an zawh a, kan ramvalh an thleng ṭep tawh ang...!" a ti chhuak ta a. Chu lai hmuna awm ho chu an chek ta tlak tlak mai!
Pasalṭha Thanchhinga chuan chu tlangval chu Sapuiin Sakhi a melh ang mai chuan an melh leh a,
" A nih inram valh chu thleng ta se, lo hmuak tur an awm em, Saisih ngaw ah chuan!?" an ti leh khauh mai chu...! Pasalṭha ten chung zawhna zawh nachang a hria chu ngaisang fe hian an lo thlir a. Chu tlangval chuan hlauh hmel fe a en leh zeuh pah chuan,
" Hriangmual tlangval leh pasalṭha ten an lo hmuak ang, nimin khan khawchhung lam pun tur lamkal kan intir tawh!" a ti hul ta hak mai! Chu tlangval chu han en mai chuan a chakna zawng zawngin a kiansan tawh ni mai hian a hriat hial a.
Pasalṭha Thanchhinga chu an ding chhuak a, Val upa Hnuna te, Bukbawnga te Hualroa te chuan an lo en ṭhap a, aw han thian ṭha lehin,
" Hei, tum aiin kan thangrei dawn niin a lang ta! Tlangval pahnih kha khawlamah let u la, tlangval khawvengtu tih loh chu han khawm vek ang che u. Tin, chin hriat a ni ta lo, faisa zanhnih tal tla rawn ak ang che u. He Hriangmual val hi chhawm chho u la, Kan Lal bulah khan engkim sawi ve rawh se, Hriangmual khua nen kan innuai dawn ta tlat mai! Zamkunga te kan pawh vat a ngai a, Saisih ngaw hnaih lamah min rawn um dawn nia!" a ti chhuak ta a. Pasalṭha dangte chu an lo bu nghat nghat a.
Tlangval pali vel chuan an mi man chu an hnung khirh ta mawlh mawlh a. Pahnihte chu rang takin khaw lam an pan ta! Pasalṭha Bukbawnga chuan a milu lak chu akin hma a hruai vut a, pasalṭha Chhunthanga te liamna nia an hriat lam chu an pan leh ta! Tukṭhuan bar hun fe tawh mahse, hmalam pan tur chuan an rilru in a tur et et tawh mai si! An lal fanu tel lova khaw lama lawiluh zawng an zuam ngang lo a ni. Seipui lam an rawn thawk tel dawn tih an hre hauh si lo! Saisih ngaw ah chuan eng thil chuan lo hmuak ang maw!?
.......... ........... ...........
Serzawl thangchhuahpa Thanpuia chu a tlan titih tawh a, an hmanhmawh hle a ni, a ṭhiante pawh chuan an hrethiam hle mai! Chamtlang dai pel tawhin Thangvela te nena an intawnna hmun an thleng ṭep a, chulai hmun an han thleng chiah chu an thaw hlawi hlawi tawh mai a! Hma hruaitu Thanpuia chuan hriatchhuah nei thutin a ding chat a, a hnung lama a ṭhiante chu melhin, chawlh a rawt ta! Chu thu meuh chuan Aimawia leh Hranga te a tilawm kher mai! An rawt ngam si loh kha a ni, Chamtlang dai aṭang tawh khan an la buai char char a mutmu pawh an la tuah thei meuh lo kha a ni a. Mihring ve ta nafam chu chau lo thei an ni lo, Fangfar puk tuikhur thuhruk in ve an ni a zeng lah a ni si lo! Thaw hlawi hlawi chuan an han ṭhu ta a, An ṭhiana hmel an han en hian fiamthu han zehna chi a ni hauh si lo. Thanpuia chuan a ṭhiante chu han melh kualin an chau hle tih a hria a chutah rawn ṭawngchhuak zui zatin,
" Khi lai tlangchhip aṭang khian khua ka han chuan a nga, lo hahdam ru...!" a ti a.
Hranga chu rang fe hian rawn ding chhuakin, " Ka lo kal ve a nge!" tlawmngai hmelpu inthlahrung lam lek lek chuan a ti a.Luaia pawh a rawn dingchhuak thuai a, Aimawia leh Pazawna chu an lo ngawi reng thung! Thanpuia chuan,
" Lo hahdam zawk teh u, ka han rei lovang!" thupe aw lam lek lek chuan a ti a.
Aimawia chuan ramg fe in, " Hranga, Luaia ....lo hahdam teh u, Thana han kal thuai teh, heng laia tumbu leh kamram tur chi kan lo vai ang e!" a rawn tichhuak ve ta a.
Tlangval pahnihte chu an inthlahrun hmel kher mai! Amah erawh chu he thangchhuahpa hian amah chauh a kal a duh tlat si a ni, tlangval pahnih leh a ṭhiante chu nuih lui sangin ngaw thing ngir khupnaah chuan a liam zui ta zat a. Thanpuia liam ta chu rang fe hian tlang lamah chuan a duk chho ta! Tlang pang hmun rem laiah chuan ding chatin a ipte pui a dap a, a lungmawi chu a la chhuak ta! Phun sep sep chuan eng emaw chu a chham ta zauh a, chu ve leh a hnung lam aṭang chuan ke pen thawm a hre zui ta zat a, chumi rual chiah chuan thil rimtui em em mai a hre zui zat a, a lung muang ṭan ngei mai! Rang tak chuan a inher zat a, chuta a thil hmuh chuan a tihrilhhai lek lek ta mai!
Lasi te hotunu nau Khuavelchhingi chuan pen var haih haihin a rawn pan ta tlat mai! Chawngmawii a lo beisei tawh tehlul nen, Khuavelchhingi hlir rawn inlan chu mak a ti hle zawng a ni e. Pasalṭha Thanpuia chuan chik zetin chu nula sawiselbovi chu an thlir a, a hmel a ngui raih hian a hre tlat a ni. Khuavelchhingi chu an nui lui sak a, chung te hlei hlei chuan a ṭhatna a belhchhah a, rawn ṭawng chhuakin,
" Pasalṭha eng thil nge ni ta! I buai hle a ni maw, han sawi ta che!" Ngaihla taka han melh pah chuan a ti a.
Thangchhuahpa meuh pawh a ban rinawm din leh ta tlut mai! A chil han lem ri khulhin heti hian a ṭawngchhuak zui ta,
" I lokal thei hlauh chu ka lawm hle mai! Hei nizan lam aṭang khan kan khawlam ka ngaihtuah hle a, a chhan ka hre hauh lo, min mawlhtu hi a awm a ni. Kan khuaah chuan eng nge thleng hriat ka duh takzet a, tin, karkawng a thui tham hle a pumpelhna tur kan duhtakzet a ni. Min puih theih tak mialin......a..a....min puih theih chuan ka lawm ngawt ang!" a ti bah ta nak mai a. Duh ang zanin ṭawngkam thiam hek lo le! Tin, nula hmel ṭha tak bulah hian zawng thu han sawifuh hi a har ṭhin em bawk a ni.
Khuavelchhingi chu an thaw halh a, Thanpuia mit ah tak chuan an melh vang vang a, han nui lui leh sakin,
" Pasalṭha....han ṭhu hahdam phawt teh! I ṭhiante pawh khu hahdam rih teh se....!" Lung in phah rem tak chunga ṭhut pah chuan a ti a.
Pasalṭha Thanpuia rilru hmanhmawh nen chuan a inrem lo kher mai! Amah erawh chu a tursing vaibel la chhuakin an lakai ve ta zawk a. Han ṭhut ve pah chuah a pak mawlh mawlh a, chu ngawt pawh chuan a hmanhmawh zia a tilang thei chu a ni. Khuavelchhingi chu rawn ṭawngchhuakin,
" Pasalṭha, kan puihna i mamawh takzet chuan thil pakhat min tiam ve a ngai!" Thanpuia mita han en vang vang pah chuan a ti a.
Thanpuia chuan, " Eh....kei ve tehlul....ka puihna in mamawh a thu le...!" a ti chhuak a.
Khuavelchhingi chu a thaw leh hawk a,
" Aw le....i pawm ah ka ngai a...! Amah erawh chu nang leh i ṭhiante chungah eng thil pawh thleng se, kan thlentir leh duhvanga thleng a ni hauh dawn lo va. Hringmi chunga thil thlengah hian zawng thuneihna kan nei si lo a ni.Ka sawi duh pakhat chu, Khuanu hian remruat leh duan sa a nei a, chung chu kan tihdanglam thiang a ni lo. Hringnunah hian a chang chuan khuanu remruat hi a danglam ve ṭhin! A awmzia chu Khuanu remruat tidanglam tura khuanu ruat hi a awm thei a! ( chu thu chu Thanpuia chuan a hrethiam lo kher mai! Khuavelchhingi chu a melh vang vang a) I la hrethiam chhawm mai ang! Aw le, tunah hian in lal fanu chu Hriangmual lal fapa in a rubo a, Saisih ngaw an pan mek! ( Thanpuia chu a ding zawt mai le! He thil vang ngei hi a ni, thinlung chhungril aṭanga ko tu a awm tlat a ni. ) Pasalṭha Chhunthanga hruaina in an um mek a, Hriangmual lam hi an tlangval te leh pasalṭha ten Saisih ngaw an pan ve mek bawk!" Khuavelchhingi chuan Thanpuia chu an melh leh a, sawi zawm lehnghalin,
" Pasalṭha....ka la sawi zo lo, han ṭhu ve leh phawt la!" an ti leh rih a.
Thanpuia chu rilru pangkhing zet chuan a ṭhu ve leh ta! A vaibel chu a fawp leh ta malh malh a. Khuavelchhingi chuan,
" Khaw karkawngah chuan ka pui ang che u, ka aw i hriatna lam apiangah i ṭhiante kal pui la, in thleng har lovang! Pasalṭha...uluk deuhin ngaithla teh, Hriangmual lal fapa te leh Seipui an inthurual a, Hriangmual pasalṭha te hnungah hian Seipui pasalṭha an rawn thang ve mek bawk! Fimkhur hle ang che...! Chutichuan.....( Khuavelchhingi chu a kun ngaih a) i nun a mi hlu tak te ichan thei tih hria la....( a ti chuai raih a, a ngawi ta rih a, reilo teah rawn ṭawngchhuak lehin ) Fimkhur hle la, nang chu kan veng thei che a, i ṭhiante i fimkhur pui dawn nia! Chuan, min pui tura i intiamna kha...hei hi hrereng la, tuna thil thleng a reh ve leh hian nangmah chauhin Lungreng ngaw a Fangfar pukah lo kal ang che! Kal tawh rawh le.....Pasalṭha.....Khuanu remruat tidanglam tura khuanu ruat a awm thei a nia!" a ti chhuak leh hram a.
Khuavelchhingi chu a ding chhuak a,Thanpuia rawn nuih leh sakin a mitah tak a en a, ngaw hnuaiah chuan a pil bo ta! Thanpuia chu a thaw hawk a, Lal fanu Saipuii Ngurṭhuaman a rubo....chu thil chuan a thin a va tirim tehlul em! Rei lo deuh han hawi kual lehin a ṭhiante pawh tur chuan a chhuk leh ta par par a.A thleng thla har hauh lo, Aimawia te chuan khan ṭha a hmuh leh hmuh loh an lo zawt thuai a. Thanpuia chuan khan ṭha a hmuh thu chuan a chhang zui zat a, kal an han rem leh dawn ta chiah chu an hnung lamah chuan an mahni lam rawn pan thawm chu an hre ta tlat mai le! Mihring thawm chhuah ngei a ni si, pakhat thawm mai a ni hauh lo! Thinglian pasalṭha ṭhenkhat ramchhuak bo an awm tih kha chu an hre ngei a! Chung ho chu an ni thei mai a ngem?
Englai maha fimkhurna hloh ngai lo thangchhuahpa chuan a ṭhiante a mit mei zauh a, thingbul belh tur an zawng nghal zat a. Thawm chu a rawn hnai telh telh a, Serzawl mihrangte an lo inring kher mai, Sa leh ral chian hmasa lova Thal thlah ngai lo, Chengrang rawl au tir ngai lo te an ni si. Chutah le, an chawlhna piah chiah lung chungah chuan inzo fe hian pasalṭha tih hriat tak pakhat a rawn per kai ta nalh mai le....!
( chhunzawm tur)
Ka chhiar kham lo mang e awww.
ReplyDeleteA dawt leh nghakhlel takin ka lo thlir e