LUNGRENG NGÂW S-4...(17)...
LUNGRENG NGÂW...SEASON-4....17..
( PASALṬHA THANPUIA)
M. LUSEI PALIAN
......... ........... ..........
Zanlai arkhuan hun hma hret chuan pasalṭha Chhuna khuavang lasi te vohbik hriatna danglam tak nei chu a ding ta chat a, a Silai chu a hum nghet sawt a! Chutah le a hmalam chu chiktakin an thlir a, a ni zawng meichher tel hauh lo pawhin ngaw hnuaia thim a kal char char thei a ni si, rawn ṭawngchhuakin,
" U Zamkung, lal fanu rubo tute hi an inṭhen hrang tlat mai! Hnuna te hian ho khat an chhui zui a nih hi...! Eh....an hnuhma an va thup thiam ve le! Keinin helam hi i chhui zui ang u hmiang...E khai, hei chu a ke hnu a va thuk ta bik ve...lal fanu hi a pua emaw a pu emaw a ni ngat mai! " a ti zui nghat zat a.
Zamkunga chuan mak ti fe in pasalṭha Chhunthanga chu a thlir a, zan thim a chhah tehreng nen, meichher lah a chuti lua si lo! Tlangval ho pawh chuan pasalṭha Chhuna chu ngaisang fe hian an thlir a, Zamkunga chuan,
" Chhuna, Val upa Hnuna te liam lohna lam chu i chhui zui thuai teh ang u,pasalṭha nge nge...! " a ti chhuak ta a!
Hmanhmawh fe chuan kal an han siam zui ta a, Pasalṭha Chhunthanga chuan hma a hruai a a ke chheh a sual lo,a sual lo mai a ji lova a rap dik thlap zel, a hmanhmawh em avang chuan a hnunga kal tlangval hote chu an inpal leh khat khat ṭhin! Pasalṭha Chhunthanga chuan ngaw hnuai chu thui fe a hmu thei tlat a, Lungreng ngaw a fangfar puk tui dut tawh ngat a ni tih a kalpui te chuan an hre kher lovang le! Zamkunga leh tlangvalte chuan he Chawntui mihrang hi an ring tawk hle a, Lal fanu chu chhanchhuah ngei an tum a ni.
Pasalṭha Hualroa te pawh Bilha te ho chuan an zuk fin ta a, Bilha te ho hian pasalṭha te an lo awm tawh ringin thawm a dim lo lui kha a ni. Chutih rualin mual hel an ni ve tho va, zanlai ar khuan hun velah an zuk thleng kha a ni. Lal fanu rubo tute thawm erawh an la hre miah lo thung! Zau fe chuan an insem darh ta a, an hma a chhuak lo hmuh hmaih an tum lo hle tawh a ni. Pasalṭha Bukbawnga leh Hualroa pawh chuan an lo ṭan khalhna a fuh lo anih an ring ṭan ta! Khua avar lek lek tawh a, thawm reng an hre si lo! Chulai hmun chu hel theih niin an hre bawk si lo, an ngaihtuahna a vak thui tawh kher mai! Pasalṭha Thanchhinga te pawh fimkhur fe chuan hmalam an rawn pan ve zel a, khawvar a hnai tih an hre tawh a, thawm pawh an dim lutuk tawh bik lo.
Hetih lai hian Ngurṭhuama te pawh an chau ve hle tawh a, tlangval pakhat hnu thup thiam zet an neih chu an vanneih pui kher mai! An hnu chu a chhilh zung zung a, a hruai kawi leh zauh ṭhin bawk a. Kawrte kama an chawl chu khawvar in a nang ta! Kawrte tui thiang tak chu an han dawt khalh khalh hlawm a, rei han muanna chi ni hek lo kal zai an rel leh ta. Saipuii erawh an hnung khirh a, a ka chu hnawhsakin an phuar tlat bawk, chu Sailo lal nula thinrim lutuk chu a tal theih ang ang chuan a tal a, hnuhma hnutchhiah hram a tum a, hmeichhe chakna chuan a kiansan ta hret hret mai si, a zawi chhe ṭep tawh chu a ni. Hriangmual tlangval pakhat chuan Ngurṭhuama chu a chhawk ta, chu zing ni chhuak ngaw kar a rawn lang zeuh zeuh chu an hmuh chhun a ni ta!
Serzawl khua tiropui lehzual ṭhintu Saipuii chu a chau tawh takzet a, a thinlung chu a rum ta! Englai maha a thinlungin a nghilh ngai loh Serzawl thangchhuahpa a hmangaih leh a thlir nin ngailoh chu mangang em em in a au ta! Ri chhuak hauh lo chuan a rum a, a thinlung chuan ṭanpui turin a au ta! Chu hmangaihna thinlung, thinlungah pawh a chhungril ber aṭanga ri lo chhuak, benga hriat theih ni hauh si lo chuan a hmangaih chu a ko ngei a! Chu ri chhuak lo thawm na em em si chuan pasalṭha Thanpuia thinlung chu a va deng ngei ang le! Chu pasalṭha chuan a hmangaih chanchin a hriat hun chuan zan thim hian awmzia a nei hauh lovang le! Sapui sawm pawhin lo dang sa teh mahse kal paha hnuh hawn hawn a duhzawk ngei dawn si! Hmangaihna thinlung chak takin mangang a a auhna chuan rah a chhuah dawn si!
Hriangmual tlangval ten an lal fapa te hmuah an ngai tih leh indo tura inpeih a ngai tih an hriat chuan an phe ta vat mai! Ngurṭhuama lamkal tirh chuan lal in a va thleng ta si! Hriangmual lal chuan ralkai thei chin zawng a khawm vek a, zanriah fai akin chu zing ni chhuak hnuaiah chuan thiam fe a fuih in a fapa leh pasalṭha te hmuak turin a khua aṭang chuan a thlah liam ta! Saisih ngaw an pan ta nguah nguah mai a, an Silai lah an ak ther fur a, muzuk fei nen, ral chem nen an thawk rip hle mai! Damin engzat tak kir leh thei ang maw? Chu zawng Khuanu leh Pu Vana chauh chuan an hre tawh ang! Chung tlangval rual te chu pasalṭha te chuan phur takin an hruai a, fuihtu khan a zir bawk a, an huaisen ta hle ni hian a hriat theih nghe nghe a milu khai ngeia Hriangmual let an tum hle a ni.
Zing ni chhuakah pawh an hmelma te thawm hre ta lo chu Pasalṭha Bukbawnga te ho an ngaih a ṭha lo ṭan ta! Han inrawn khawmin mual tuam zau thei ang ber chuan ngaw hnuai chu bih chhoh an tum ta! An thinrim tlang tawh kher mai, an lal fanu rubo tute hian ruahmanna ṭha fe an nei tih an hrethiam ta mai reng a, hmanhmawh leh fimkhur tak chuan an che chhuak ta a! Pasalṭha Thanchhinga te Val upa Hnuna te pawh an intawkkhawm tawh a, hnu thar hmu in hmanhmawh fe chuan an chhui zui nghal zat a.
Hetih lai hian pasalṭha Thanseia leh a naute chu Kawrte kam ah an chawl ve mek a, a remruatna kha hlawhtling hle a inhria in a hlim hle a ni. Rei an chawlh hma chuan an chhak lamah thawm an hre ta! Hmanhmawh fe chuan an ding zui zat a, mual nakpek an zawh ta nghal a, thui fe an kal hnu chuan an mahni tawk zawng chuan thawm a rawn awm leh ta tlat! Chutah meuh chuan pasalṭha Thanseia chuan hualbeh an ni ta tih a hre thuai a. Ṭan hmun rem tur lai chu rang fe hian a melh kual ta zung zung a. Serzawl lam hi a tam thei ang ber tlukpui a tum hle a, a naute pawh a fuih ta mawlh mawlh a.
Pasalṭha Chhunthanga chuan zankhua a an hnuchhui mual liam kawnah pawh an nang hman lo chu mak a ti hle mai a. An hnu te lah chuan peng leh ṭhinin a infin leh ṭhin lawi si! Zamkunga te han kalsan dawr dawr lah ni theiin a hre si lo, Thanpuia nen han ni ngat se chuan an nang hman ngei awm si a. Zing ni chhuah hnu chuan kawrte kamah tuisik in in an thu chawl ta. Pasalṭha Chhuna chuan an chawlhna thlangah chuan zunram thiar a tum a, chutah le Ngurṭhuama te hnuhma chu a hmu nghal zat a. Rang tak chuan Zamkunga te chu a au chul a, an ni pawh rawn thleng chawpchilh nghal in hmanhmawh fe chuan an chhuizui leh ta nghal a.An hlat ta hauh lo, Ngurṭhuama leh a naute chu an umpha ta ṭep mai le!
Pasalṭha Bukbawnga chuan an hma lam ruam chu uluk fe a thlir pahin,
" Hualbeh vek in ni tawh a, kan lal fanu kha himdamin rawn chhuah u la, inchungah zah kan ngai thei mahna!" ṭeng pawr fe chuan a ti a.
Pasalṭha Hualroa te leh tlangval ho pawh chuan an hnaih hle tawh a, ruam rai lam aṭang chuan eng thawm mah a la awm lo,hmelma lam chuan eng thawm mah an la rawn chhuah lo. An hmelma te erawh an tawm ngei a ni tih an hrechiang tawh hle a. Chutah pasalṭha Hualroa chuan,
" Serzawl mihrangte u, heng mi dawihzep ho hi i chimih vek ang u aw..!" ring fe, thinrimna aw diktak chuan a han tichhuak ta a.
Fimkhur tak chuan an hual hnai ta! Chutih lai chuan ruam rai lungphen aṭang chuan Silai chu a rawn puak ta ṭhuai ṭhuai mai a, Serzawl lam pawh chuan thingbul an phen ta nghal thuai a, chu Silai puak chuan Serzawl tlangval pahnih lai a hliam ta! Pasalṭha te thin a va rim tehlul em! Han kah chilh ve ngawt dawn se, an lal fanu chungah thil pawi a thleng ang tih an hlau si, heng ho hian an lal fanu an kawl lo tih hre ngat se chuan an chimih barh tawh ngei ang le! Thingbul phen chuan fimkhur takin an hnaih leh ta! Pasalṭha Bukbawnga chuan tlangval pakhat chu thinga lawna thlir chiang turin a ti ta a. Chutih chhung chuan lungte lo lumin an rilru an lo lak pensak thung a. Chu tlangval thing thei zet chuan uluk fe in an hmelma te chu an thlir a, a hmu kim thei ta! An lal fanu reng an lo kawl lo! Mak a ti hle mai! A thing lawnna sang tak aṭang chuan a pumzut thla ta nghal puat puat a. Pasalṭha te bul a thleng ta thuai a, a thil hmuh leh hriat an sawi meuh chuan pasalṭha te thin a rim lehzual ta!
An hmelma te chuan an lal fanu an kawl lo tih an hre ta bawk a, an lam hawi chuan an silai an kap puak ta thawr thawr a. An hnaih pah zel bawk a, lehlamin an kah laiin lehlam in an silai an lo sawh thung a. Pasalṭha Hualroa chuan,
" Kan lal fanu khawiah nge in dah, in sawi loh zawngin kan chimih vek dawn che u a nia!" ring fe chuan a ti a.
Pasalṭha Thanseia te ho chu an mang a ang ta takzet a, chutih rualin lal fanu chungchangah an ka an erawh an tum lo hle a, a naute pahnih lai a chan ta! Serzawl lam hian an rawn tam hneh ta lutuk a Silai pawh an sawh hlei thei lo, chutah ring fe in,
" Mi hual beh chauh hi a ni maw in thiam a, mipa fa in awm na nge!" Pasalṭha Thanseia chuan ring tak chuan an ti a.
Chu thu kher chu Bukbawnga bengverh zawng tak a ni ta! Ring fe chuan,
" Eh....a thal thlah hmasatu zawkin chuti teh a in han tih chu le!? Mipa fa vek kan ni ngai e, duh lo mah u la kan lal fanu awmna zawng insawi khawp ang....kha ka rawn chhuak e!" ding lang nghal sarh chuan a ti a.
Tlangval ho pawh an rawn ding chhuak nghal suau a, an lal fanu rubo tute nia an hriat te chungah hian zah an ngai hauh lovang le. Pasalṭha Thanseia leh a naute pawh an tawmna aṭang chuan an rawn ding chhuak ta! Mipa fa, pasalṭha, mahni nun aia khaw mipuite ralmuanna hlut ṭhin, sa leh ral a zam ngai lote chu an inmelh kual ṭan ta!
.......... ........... ............
Thinglian lal ina ṭhu mek pasalṭha Thanpuia chuan Thangvela leh a ṭhiante chu a ko chhuak nghal thuai a, Thangvela chuan a ngaihna a hre lo kher mai! An thil hlu lak insem dan tur an rel dawn chauh si a. Nge ni Serzawl mihrangte hi an lungawi lo zawk tih chu a ngaihtuah neuh neuh a, pawn lamah chuan an inzui chhuak ta a, Aimawia te pawh an hawi he haw a, a ngaihna an hre bik vak lo a ni. Thanpuia chuan Thangvela han melh vang vang pah chuan,
" Hei, hmabak kan hlen ta a, nizan lam aṭang khan kan khawlam ka ngaihtuah riau mai a, rang takin ka ṭhiante ho nen hian kan liam san mai ang che u, " hrehawm tih hmel fe chuan a ti chhuak ta a. Thinlung zawng zawnga au tu a awm a, chu ngei chu a pan a ngai a ni.
Thangvela chuan mak tih hmel fe chuan an thlir vang vang a, thil satliah a ni hauh lo tih a hrethiam a pasalṭha te zawngin hriatna ṭha tak an nei tih a hrechiang em em si! Dan mi niin a hre lo va, aw han thian khak chuan,
" Ka lo telve dawn lo'm ni? Hei Thinglian lah kan chimih der tawh a!" a ti chhuak ve thuai a.
Thanpuia chuan rang fe hian, " E...ni rih lo ve, hei hmabak inla ngah a nia, rem chan ve leh inzin pawh vat kan tum dawn nia!" a ti thuai a. A hmanhmawh tawh hle a, thu tam sawi tawh lovin a ṭhiante lam an melh a. Anni lah eng lai pawh a inpeih reng an ni bawk nen, inchhung lama lut leh zukin pasalṭha Thangvela te Duhmeka te ho chu an liam san ta. Thangvela chuan pasalṭha Duhmeka te bulah pawh a lo sawifiah sak ngei ang.
Thinglian dai lam an pan ta, Thanpuia ṭhiante ho pawh hian khaw lam an lo ngaihtuah ve hle a, an sawi chhuak lo mai mai a ni. Aimawia pawh tun ṭum zawng a ṭawng tui tam ta lo, Hranga te ho nen chuan hmanhmawh fe in an kal ta zung zung a. Khan hnai lam an hre tlang tawh a, chulam zel chu zawhin ngaw hnuaiah chuan an duk leh ta pur pur hlawm a. Rang taka Serzawl thlen vat chu an tum ber a ni ta! Thanpuia hi a mah chauh chuan han ni se, ram lama a ṭhiante puihna a dawng thei tur hi a ni a. Amah erawh chu hnung zuitu ṭhiante a nei nual mai si! Kawrte kamah rei lo deuh chawlin an bapui ah te chu ṭamchhawl vengah an han inhlui tawn a. Rilru hmanhmawhna a khat an nih avang chuan rei chawl thei hek lo, hmalam an pan leh ta!
............ ............. ..............
Tukṭhuan bar hun a ni tawh a, Falkawn zau mawng lam Chehte kamah chuan Pasalṭha Bukbawnga leh Hriangmual pasalṭha Thanseia chu an inhmachhawn ta ran a. Mahni khaw tana dingchhuak ve ve an ni a, an zam lo dun kher mai! Pasalṭha Thanseia chu a ṭawng tlem kher mai, inring fe chuan Bukbawnga chu a melh ran a. An sir lamah chuan Serzawl tlangval ten an hual thim khup tawh mai bawk a, pasalṭha Hualroa pawh a lo inring kher mai! Chutah le, ṭawngka a sawifel hun a ni ta lo tih hrethiam in Bukbawnga chuan a milu lak chem chu Hriangmual pasalṭha Thanseia lu zawnah chuan rang fe hian an vai fua a, fimkhurna hloh tum lo Thanseia pawh a lo kun ve zuk a.
Rang fe hian Buka chu rawn inher nghal in a khi sung a, a aia rang zawk chuan a chem chu an vai leh ta, amah a te chhe lo bawk a a rik hian a ri fua fua a, Thanseia chu a nawr ṭan a. Chutih rual chuan fimkhurna erawh a pai tel reng thung! Pasalṭha Thanseia Hriangmual mihrat chuan a chem chu an vai let ve ṭan ta! In mal beih a lo thiam kher mai, rang fe chuan a chem chu Buka lamah an vei phei leh ta! Bukbawnga lo indang chem leh chem han intawng chu a ṭek chhawk thei hial a. Chutah rangfe hian Pasalṭha Thanseia chuan Bukbawnga nakzawnah laklawh awm hauh lovin a chem chu an vai zui ta a, an ṭe ta ṭhawt mai le..!
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Zanlai arkhuan hun hma hret chuan pasalṭha Chhuna khuavang lasi te vohbik hriatna danglam tak nei chu a ding ta chat a, a Silai chu a hum nghet sawt a! Chutah le a hmalam chu chiktakin an thlir a, a ni zawng meichher tel hauh lo pawhin ngaw hnuaia thim a kal char char thei a ni si, rawn ṭawngchhuakin,
" U Zamkung, lal fanu rubo tute hi an inṭhen hrang tlat mai! Hnuna te hian ho khat an chhui zui a nih hi...! Eh....an hnuhma an va thup thiam ve le! Keinin helam hi i chhui zui ang u hmiang...E khai, hei chu a ke hnu a va thuk ta bik ve...lal fanu hi a pua emaw a pu emaw a ni ngat mai! " a ti zui nghat zat a.
Zamkunga chuan mak ti fe in pasalṭha Chhunthanga chu a thlir a, zan thim a chhah tehreng nen, meichher lah a chuti lua si lo! Tlangval ho pawh chuan pasalṭha Chhuna chu ngaisang fe hian an thlir a, Zamkunga chuan,
" Chhuna, Val upa Hnuna te liam lohna lam chu i chhui zui thuai teh ang u,pasalṭha nge nge...! " a ti chhuak ta a!
Hmanhmawh fe chuan kal an han siam zui ta a, Pasalṭha Chhunthanga chuan hma a hruai a a ke chheh a sual lo,a sual lo mai a ji lova a rap dik thlap zel, a hmanhmawh em avang chuan a hnunga kal tlangval hote chu an inpal leh khat khat ṭhin! Pasalṭha Chhunthanga chuan ngaw hnuai chu thui fe a hmu thei tlat a, Lungreng ngaw a fangfar puk tui dut tawh ngat a ni tih a kalpui te chuan an hre kher lovang le! Zamkunga leh tlangvalte chuan he Chawntui mihrang hi an ring tawk hle a, Lal fanu chu chhanchhuah ngei an tum a ni.
Pasalṭha Hualroa te pawh Bilha te ho chuan an zuk fin ta a, Bilha te ho hian pasalṭha te an lo awm tawh ringin thawm a dim lo lui kha a ni. Chutih rualin mual hel an ni ve tho va, zanlai ar khuan hun velah an zuk thleng kha a ni. Lal fanu rubo tute thawm erawh an la hre miah lo thung! Zau fe chuan an insem darh ta a, an hma a chhuak lo hmuh hmaih an tum lo hle tawh a ni. Pasalṭha Bukbawnga leh Hualroa pawh chuan an lo ṭan khalhna a fuh lo anih an ring ṭan ta! Khua avar lek lek tawh a, thawm reng an hre si lo! Chulai hmun chu hel theih niin an hre bawk si lo, an ngaihtuahna a vak thui tawh kher mai! Pasalṭha Thanchhinga te pawh fimkhur fe chuan hmalam an rawn pan ve zel a, khawvar a hnai tih an hre tawh a, thawm pawh an dim lutuk tawh bik lo.
Hetih lai hian Ngurṭhuama te pawh an chau ve hle tawh a, tlangval pakhat hnu thup thiam zet an neih chu an vanneih pui kher mai! An hnu chu a chhilh zung zung a, a hruai kawi leh zauh ṭhin bawk a. Kawrte kama an chawl chu khawvar in a nang ta! Kawrte tui thiang tak chu an han dawt khalh khalh hlawm a, rei han muanna chi ni hek lo kal zai an rel leh ta. Saipuii erawh an hnung khirh a, a ka chu hnawhsakin an phuar tlat bawk, chu Sailo lal nula thinrim lutuk chu a tal theih ang ang chuan a tal a, hnuhma hnutchhiah hram a tum a, hmeichhe chakna chuan a kiansan ta hret hret mai si, a zawi chhe ṭep tawh chu a ni. Hriangmual tlangval pakhat chuan Ngurṭhuama chu a chhawk ta, chu zing ni chhuak ngaw kar a rawn lang zeuh zeuh chu an hmuh chhun a ni ta!
Serzawl khua tiropui lehzual ṭhintu Saipuii chu a chau tawh takzet a, a thinlung chu a rum ta! Englai maha a thinlungin a nghilh ngai loh Serzawl thangchhuahpa a hmangaih leh a thlir nin ngailoh chu mangang em em in a au ta! Ri chhuak hauh lo chuan a rum a, a thinlung chuan ṭanpui turin a au ta! Chu hmangaihna thinlung, thinlungah pawh a chhungril ber aṭanga ri lo chhuak, benga hriat theih ni hauh si lo chuan a hmangaih chu a ko ngei a! Chu ri chhuak lo thawm na em em si chuan pasalṭha Thanpuia thinlung chu a va deng ngei ang le! Chu pasalṭha chuan a hmangaih chanchin a hriat hun chuan zan thim hian awmzia a nei hauh lovang le! Sapui sawm pawhin lo dang sa teh mahse kal paha hnuh hawn hawn a duhzawk ngei dawn si! Hmangaihna thinlung chak takin mangang a a auhna chuan rah a chhuah dawn si!
Hriangmual tlangval ten an lal fapa te hmuah an ngai tih leh indo tura inpeih a ngai tih an hriat chuan an phe ta vat mai! Ngurṭhuama lamkal tirh chuan lal in a va thleng ta si! Hriangmual lal chuan ralkai thei chin zawng a khawm vek a, zanriah fai akin chu zing ni chhuak hnuaiah chuan thiam fe a fuih in a fapa leh pasalṭha te hmuak turin a khua aṭang chuan a thlah liam ta! Saisih ngaw an pan ta nguah nguah mai a, an Silai lah an ak ther fur a, muzuk fei nen, ral chem nen an thawk rip hle mai! Damin engzat tak kir leh thei ang maw? Chu zawng Khuanu leh Pu Vana chauh chuan an hre tawh ang! Chung tlangval rual te chu pasalṭha te chuan phur takin an hruai a, fuihtu khan a zir bawk a, an huaisen ta hle ni hian a hriat theih nghe nghe a milu khai ngeia Hriangmual let an tum hle a ni.
Zing ni chhuakah pawh an hmelma te thawm hre ta lo chu Pasalṭha Bukbawnga te ho an ngaih a ṭha lo ṭan ta! Han inrawn khawmin mual tuam zau thei ang ber chuan ngaw hnuai chu bih chhoh an tum ta! An thinrim tlang tawh kher mai, an lal fanu rubo tute hian ruahmanna ṭha fe an nei tih an hrethiam ta mai reng a, hmanhmawh leh fimkhur tak chuan an che chhuak ta a! Pasalṭha Thanchhinga te Val upa Hnuna te pawh an intawkkhawm tawh a, hnu thar hmu in hmanhmawh fe chuan an chhui zui nghal zat a.
Hetih lai hian pasalṭha Thanseia leh a naute chu Kawrte kam ah an chawl ve mek a, a remruatna kha hlawhtling hle a inhria in a hlim hle a ni. Rei an chawlh hma chuan an chhak lamah thawm an hre ta! Hmanhmawh fe chuan an ding zui zat a, mual nakpek an zawh ta nghal a, thui fe an kal hnu chuan an mahni tawk zawng chuan thawm a rawn awm leh ta tlat! Chutah meuh chuan pasalṭha Thanseia chuan hualbeh an ni ta tih a hre thuai a. Ṭan hmun rem tur lai chu rang fe hian a melh kual ta zung zung a. Serzawl lam hi a tam thei ang ber tlukpui a tum hle a, a naute pawh a fuih ta mawlh mawlh a.
Pasalṭha Chhunthanga chuan zankhua a an hnuchhui mual liam kawnah pawh an nang hman lo chu mak a ti hle mai a. An hnu te lah chuan peng leh ṭhinin a infin leh ṭhin lawi si! Zamkunga te han kalsan dawr dawr lah ni theiin a hre si lo, Thanpuia nen han ni ngat se chuan an nang hman ngei awm si a. Zing ni chhuah hnu chuan kawrte kamah tuisik in in an thu chawl ta. Pasalṭha Chhuna chuan an chawlhna thlangah chuan zunram thiar a tum a, chutah le Ngurṭhuama te hnuhma chu a hmu nghal zat a. Rang tak chuan Zamkunga te chu a au chul a, an ni pawh rawn thleng chawpchilh nghal in hmanhmawh fe chuan an chhuizui leh ta nghal a.An hlat ta hauh lo, Ngurṭhuama leh a naute chu an umpha ta ṭep mai le!
Pasalṭha Bukbawnga chuan an hma lam ruam chu uluk fe a thlir pahin,
" Hualbeh vek in ni tawh a, kan lal fanu kha himdamin rawn chhuah u la, inchungah zah kan ngai thei mahna!" ṭeng pawr fe chuan a ti a.
Pasalṭha Hualroa te leh tlangval ho pawh chuan an hnaih hle tawh a, ruam rai lam aṭang chuan eng thawm mah a la awm lo,hmelma lam chuan eng thawm mah an la rawn chhuah lo. An hmelma te erawh an tawm ngei a ni tih an hrechiang tawh hle a. Chutah pasalṭha Hualroa chuan,
" Serzawl mihrangte u, heng mi dawihzep ho hi i chimih vek ang u aw..!" ring fe, thinrimna aw diktak chuan a han tichhuak ta a.
Fimkhur tak chuan an hual hnai ta! Chutih lai chuan ruam rai lungphen aṭang chuan Silai chu a rawn puak ta ṭhuai ṭhuai mai a, Serzawl lam pawh chuan thingbul an phen ta nghal thuai a, chu Silai puak chuan Serzawl tlangval pahnih lai a hliam ta! Pasalṭha te thin a va rim tehlul em! Han kah chilh ve ngawt dawn se, an lal fanu chungah thil pawi a thleng ang tih an hlau si, heng ho hian an lal fanu an kawl lo tih hre ngat se chuan an chimih barh tawh ngei ang le! Thingbul phen chuan fimkhur takin an hnaih leh ta! Pasalṭha Bukbawnga chuan tlangval pakhat chu thinga lawna thlir chiang turin a ti ta a. Chutih chhung chuan lungte lo lumin an rilru an lo lak pensak thung a. Chu tlangval thing thei zet chuan uluk fe in an hmelma te chu an thlir a, a hmu kim thei ta! An lal fanu reng an lo kawl lo! Mak a ti hle mai! A thing lawnna sang tak aṭang chuan a pumzut thla ta nghal puat puat a. Pasalṭha te bul a thleng ta thuai a, a thil hmuh leh hriat an sawi meuh chuan pasalṭha te thin a rim lehzual ta!
An hmelma te chuan an lal fanu an kawl lo tih an hre ta bawk a, an lam hawi chuan an silai an kap puak ta thawr thawr a. An hnaih pah zel bawk a, lehlamin an kah laiin lehlam in an silai an lo sawh thung a. Pasalṭha Hualroa chuan,
" Kan lal fanu khawiah nge in dah, in sawi loh zawngin kan chimih vek dawn che u a nia!" ring fe chuan a ti a.
Pasalṭha Thanseia te ho chu an mang a ang ta takzet a, chutih rualin lal fanu chungchangah an ka an erawh an tum lo hle a, a naute pahnih lai a chan ta! Serzawl lam hian an rawn tam hneh ta lutuk a Silai pawh an sawh hlei thei lo, chutah ring fe in,
" Mi hual beh chauh hi a ni maw in thiam a, mipa fa in awm na nge!" Pasalṭha Thanseia chuan ring tak chuan an ti a.
Chu thu kher chu Bukbawnga bengverh zawng tak a ni ta! Ring fe chuan,
" Eh....a thal thlah hmasatu zawkin chuti teh a in han tih chu le!? Mipa fa vek kan ni ngai e, duh lo mah u la kan lal fanu awmna zawng insawi khawp ang....kha ka rawn chhuak e!" ding lang nghal sarh chuan a ti a.
Tlangval ho pawh an rawn ding chhuak nghal suau a, an lal fanu rubo tute nia an hriat te chungah hian zah an ngai hauh lovang le. Pasalṭha Thanseia leh a naute pawh an tawmna aṭang chuan an rawn ding chhuak ta! Mipa fa, pasalṭha, mahni nun aia khaw mipuite ralmuanna hlut ṭhin, sa leh ral a zam ngai lote chu an inmelh kual ṭan ta!
.......... ........... ............
Thinglian lal ina ṭhu mek pasalṭha Thanpuia chuan Thangvela leh a ṭhiante chu a ko chhuak nghal thuai a, Thangvela chuan a ngaihna a hre lo kher mai! An thil hlu lak insem dan tur an rel dawn chauh si a. Nge ni Serzawl mihrangte hi an lungawi lo zawk tih chu a ngaihtuah neuh neuh a, pawn lamah chuan an inzui chhuak ta a, Aimawia te pawh an hawi he haw a, a ngaihna an hre bik vak lo a ni. Thanpuia chuan Thangvela han melh vang vang pah chuan,
" Hei, hmabak kan hlen ta a, nizan lam aṭang khan kan khawlam ka ngaihtuah riau mai a, rang takin ka ṭhiante ho nen hian kan liam san mai ang che u, " hrehawm tih hmel fe chuan a ti chhuak ta a. Thinlung zawng zawnga au tu a awm a, chu ngei chu a pan a ngai a ni.
Thangvela chuan mak tih hmel fe chuan an thlir vang vang a, thil satliah a ni hauh lo tih a hrethiam a pasalṭha te zawngin hriatna ṭha tak an nei tih a hrechiang em em si! Dan mi niin a hre lo va, aw han thian khak chuan,
" Ka lo telve dawn lo'm ni? Hei Thinglian lah kan chimih der tawh a!" a ti chhuak ve thuai a.
Thanpuia chuan rang fe hian, " E...ni rih lo ve, hei hmabak inla ngah a nia, rem chan ve leh inzin pawh vat kan tum dawn nia!" a ti thuai a. A hmanhmawh tawh hle a, thu tam sawi tawh lovin a ṭhiante lam an melh a. Anni lah eng lai pawh a inpeih reng an ni bawk nen, inchhung lama lut leh zukin pasalṭha Thangvela te Duhmeka te ho chu an liam san ta. Thangvela chuan pasalṭha Duhmeka te bulah pawh a lo sawifiah sak ngei ang.
Thinglian dai lam an pan ta, Thanpuia ṭhiante ho pawh hian khaw lam an lo ngaihtuah ve hle a, an sawi chhuak lo mai mai a ni. Aimawia pawh tun ṭum zawng a ṭawng tui tam ta lo, Hranga te ho nen chuan hmanhmawh fe in an kal ta zung zung a. Khan hnai lam an hre tlang tawh a, chulam zel chu zawhin ngaw hnuaiah chuan an duk leh ta pur pur hlawm a. Rang taka Serzawl thlen vat chu an tum ber a ni ta! Thanpuia hi a mah chauh chuan han ni se, ram lama a ṭhiante puihna a dawng thei tur hi a ni a. Amah erawh chu hnung zuitu ṭhiante a nei nual mai si! Kawrte kamah rei lo deuh chawlin an bapui ah te chu ṭamchhawl vengah an han inhlui tawn a. Rilru hmanhmawhna a khat an nih avang chuan rei chawl thei hek lo, hmalam an pan leh ta!
............ ............. ..............
Tukṭhuan bar hun a ni tawh a, Falkawn zau mawng lam Chehte kamah chuan Pasalṭha Bukbawnga leh Hriangmual pasalṭha Thanseia chu an inhmachhawn ta ran a. Mahni khaw tana dingchhuak ve ve an ni a, an zam lo dun kher mai! Pasalṭha Thanseia chu a ṭawng tlem kher mai, inring fe chuan Bukbawnga chu a melh ran a. An sir lamah chuan Serzawl tlangval ten an hual thim khup tawh mai bawk a, pasalṭha Hualroa pawh a lo inring kher mai! Chutah le, ṭawngka a sawifel hun a ni ta lo tih hrethiam in Bukbawnga chuan a milu lak chem chu Hriangmual pasalṭha Thanseia lu zawnah chuan rang fe hian an vai fua a, fimkhurna hloh tum lo Thanseia pawh a lo kun ve zuk a.
Rang fe hian Buka chu rawn inher nghal in a khi sung a, a aia rang zawk chuan a chem chu an vai leh ta, amah a te chhe lo bawk a a rik hian a ri fua fua a, Thanseia chu a nawr ṭan a. Chutih rual chuan fimkhurna erawh a pai tel reng thung! Pasalṭha Thanseia Hriangmual mihrat chuan a chem chu an vai let ve ṭan ta! In mal beih a lo thiam kher mai, rang fe chuan a chem chu Buka lamah an vei phei leh ta! Bukbawnga lo indang chem leh chem han intawng chu a ṭek chhawk thei hial a. Chutah rangfe hian Pasalṭha Thanseia chuan Bukbawnga nakzawnah laklawh awm hauh lovin a chem chu an vai zui ta a, an ṭe ta ṭhawt mai le..!
( chhunzawm tur)
A van ngaihnawm thin em aw
ReplyDeletekavan khamlo thin tak em
ReplyDeleteA kham awm loh thin mang e
ReplyDeleteachhunzawm hi avan lo thlenghar ve ka chhiachak tawh ania
ReplyDelete