LUNGRENG NGAW S-4..(15)...
LUNGRENG NGÂW...SEASON-4....15..
( PASALṬHA THANPUIA)
M. LUSEI PALIAN
......... ........... ..........
Lal in chhung aṭang pawh chuan a lo chhawn nan Silai chu a puak ve zat a, chumi hnu hretah chuan Saipuii thingkhawn ban ngheng mek chu thahrui chak fe hian a rawn man nghal zat a, a ṭe ta tuar a..! Han au chhuah leh a tum chu a ka chu nghet fe hian an hup sak a, rang fe chuan an pil liam pui ta nghal a. Lal fanu ṭe ṭhat thawm chu lalnu chuan hria in a au zui nghal vat a, chhanna reng a dawng lo, engtizia nge ni tiin a ngaihtuah nghal vat a, an au leh ṭhin a, pawn lam aṭang chuan chhanna a dawng ta hauh lo! Lalnu ngaih ṭha lo chu pawnlamah chuan a tlanchhuak a,
" Saii... Saite.... Saii...!" ti chuan a ko chiam mai a.
Lal inchhunga upa ho leh pasalṭha Hualroa han chuangkai chiah pawh ngaih ṭha ta bik hek suh, meichher nen rang fe chuan an rawn chhuak ta! Lal fanu zawng chuan an phek buai ta mep mep mai! Lalbula pawh chu a phi buai takzet a ni. Thil awmzia lalnu an han zawh chian chuan heti hian a puan hmawra mittui hru chungin a chhang a,
" Kan pasalṭha te bawhhla chham hma hret khan zun zungin a chhuak a, bawhhla an chham zawh a Saii pa in a chengrang hmanga a lo chhawn hnu hret khan a ṭe ṭhat thawm ka hria a....chuan kan au ṭhin a, min chhawn ta hauh lo a ni!" inhnit faih faih chung chuan a ti ta a.
Lalnu in chutia an sawi zawh meuh chuan rinhlelh dang an nei ta hauh lo, Hriangmual lal fapa chu an ring nghal bur mai! Meichher han siam belhin hnuhma an han thlir tlang nghal a, an chek tlak tlak mai le! Val upa Hnuna leh tlangval pasarih lai chuan hnu hma thlir in an umzui nghal a.Ral lu khaia daia khawvar nghak mek pawh an boruak chuti teh nuai a nih avang chuan Lal thupek chuan an va ko ta hlawm a. Serzawl lal Lalbula erawh chu a lai a na ngang mai! A thinrim in a hachang chu a ṭhial rap rap mai a. Pasalṭha te lo thleng se a fanu mantute umzui dan tur an rel dawn a ni. A fanu chu a samzai pakhat pawh a lo ṭil a nih ngai chuan a rubo tute mai ni lo an khua thleng chuan mang vek a duh hial tawh a ni.
Pasalṭha Thanchhinga te ho chuan an milu hawn chu pumah an dah sawk sawk a, zanriah pawh bar hmasa lovin Lal in lam chu an pan ta nghal a. An thinrim hle hlawm a, an lal fanu Saipuii han bo ngawt chu mak an ti a, a dengna hlawm hle mai le! Pasalṭha Chhunthanga chuan lalnu chu be fal nalhin thil awmzia a zawt ve leh a. Lalnu in ṭap pur a thil thlen dan a hrilh chuan a bu ta nghat nghat mai a. Hetih lai hian pasalṭha Hualroa pawh awm ngaihna a hre bik lo, khawchhung venghim zo ta lo riakah a inngai a, a Silai pu vutin Val upa Hnuna te liamna lam chu zui a tum nghal a.Pasalṭha Chhunthanga chuan alo khap ta rih a. Lal in chhung pawh an ri ta laih laih mai! Lal leh upa te pawh chuan ro mum neih har an ti hle ni hian a hriat tawh a.
Pasalṭha Thanchhinga ban tuam luk chuan aw han thian kharh kharh hian,
" Lalpa, Saipuii chu rukbo ni ngei hian a lang a, a rubo tute hian tum nei ranin an rubo tih alang tlat a. An chet dan thlir hian remruatna fing tak a ni tlat mai, zanin hian thui tak an kal hman kher lovang a, a hualbeh dan i zawng zawk ang u hmiang!" a ti chhuak ta a.
Lalbula pawh chhuatah chuan a vei kual sek a, pasalṭha Thanchhinga han chhan mai ngaihna pawh a hre rih lo a ni. Chutih lai chuan pasalṭha Chhunthanga chuan inthlahrun hmel tak hian,
" Lalpa....ka sawi ve a rem em? ( tih pah chuan lal chu mei engah chuan an melh a, Lalbula a lo bu nghat a, chutah sawi zawm nghal in) Pasalṭha Chhinga sawi ang khan remruatna ṭha tak hmanga lal fanu hi rukbo niin a lang a. Zan thima kan um vak zawngin thil ṭha lo a thleng thei tlat a ni. He thilah hian Hriangmual lam an inrawlh ngei ka ring a. Ramchin hria pasalṭha te hruaina in lo ṭankhalh a, lambun theih ni se a ṭha ber ang!" hmangchang hre fe chuan an ti chhuak khak a. Rilru fim a lang ṭan ta.
Lalbula chu meng sen rama rawn hawichhuakin,
" Ummnnn.....pasalṭha te rorel dan dan ni se, amah erawh chu Saipuii kha a samzai khat pawh an lo pawt ṭil a nih chuan a pawt ṭil tute khua mang vek ni rawh se. Kha zanriah han bar fel ula, a ṭul intih danin chet chhuah ni rawh se! In chet dan tur min han hriattir u la!" a ti chhuak a. A aw pek dan aṭang chuan a thinrim hle tih hi a hriat a, a insum hram hram a ni. Chutah hmanhmawh fe chuan pasalṭha te chu zanriah bar turin an chhuak ta a.
Chu zana Serzawli han bo mai chuan kar lovah Serzawl khua a fan chhuak nghal a. Pasalṭha Thanpuia awm lo chu pawi an ti kher mai! Lalnu pawh chuan awm ngaihna reng a hre lo, han ṭah vak na chi ala ni si lo, a fanu chu eng tin tak awm ang maw? tih chu a ngaihtuahna luahtu ber a ni. Lalbula chu a lal inchhungah chuan a vei tawn sek a, a vaibel a fawp leh mawlh mawlh ṭhin a, a nung lo tih lam reng a ngaihtuah lo. Upa Phirtuala te ho chuan han ṭawng thlamuan ve viau mahse a ruka nauvei ni mai hian a lang a.
Pasalṭha ho chuan chhuak ta kha inhnai ber Bukbawnga te inah lut khawmin an chet dan tur an rel zui nghal a. Pasalṭha Chhunthanga tan pawh han inhnuhdawh san chi ni ta hek lo, inthlahrung fe chuan a telve ta zel a, Thanpuia awm lo chu pawi a ti hle mai! An chet chhuah dan tur an sawi ho nak nak hnu chuan heti hian ro an nei ta...Pasalṭha Bukbawnga te, Hualroa te leh tlangval rualin Puallawi ramah an lo chan khalh ang a, Zamkunga leh Chhuna ten tlangval rual nen fimkhur takin Khuaihnuai ram aṭangin an hual thung ang!
Ngurṭhuama khan Saipuii kha lo chang char char in remchang a hmuh ve leh a man thut a, a ṭe chhuak kha a ka a hup beh sak a, an thawm chu Lungdawh lama silai han inlawn thawm khan a rawn chhilh ta si! A diar chuan Saipuii ka chu a hnawh a, Pasalṭha Thanseia chuan a lo pui ve bawk a.Ngurṭhuama leh Thanseia chuan zawn titih hnuk titih chuan hmanhmawh fe in puallawi lamah an tawlh liam pui thuai a, Saipuii chu a tal nasa hle a, kal pawh a sawt loh phah hle a ni. Amah erawh chu a man tuten an hneh em avang chuan a ni hmeichhe chak lo na na na chu han che na thei hek lo, a thin a ur hle a, a theih ang ang chuan a tal ve laih laih reng a.A man tute lah chuan an hneh viau mai si, tihkhawtlai a tum ve hle a ni. An hnu chu thup a har hle ang le!
Hetih lai hian Rodawla chu ralven buk lamah a lo awm ve daih a. Saipuii rukbo a ni tih a hriat chuan Hriangmual lal fapa Ngurṭhuama a rawn che ta a ni tih a hrethiam mai a. Han sawi ve dawn se amah chu rinhlelh a kai mai dawnin a inhre si,tin, an ralven na lamah an lal fanu rubo tute hi an rawn che ve bawk nen sawichhuah mi niin a ngai lo. Ngawih reng chu a himna tur niin a hre ta zawk a, a rilru erawh a buai ve hle, Hriangmual lal fapa a huatna kha a rawn tho leh a a awmhmunah a insehruh ṭeuh tawh mai a, an lal fanu chu damin hruai kir leh ni se a ti hle a. Mihring hian hmalam hun atana nun ṭha a siam chuan bawhzui chu a hna a ni a, nunhlui leh ze hlui kalsan chu mihring a nihna anga a tih tur a ni.Hun kaltawha inchhirna chuan hun lo la kal tur tan inzirna a pe a, thinlungin a zawm tlat chuan huaisenna in a thuam a, a bet reng thei bik lo!
Val upa Hnuna te leh tlangval ho chu hmanhmawh leh fimkhur tak chuan hnu hma hmuh theih te bih pah chuan puallawi ram an pan zel a. A tlangval hruai Bilha te ho chuan falkawn zau a lo khalh an duh ta hle a, an hnuhma aṭang chuan an inhnuk leh zauh ṭhin tih a lang reng mai si a. Tlangval ten tlawm thlak an ti a, an lal chhungkua humhim zo lo riakah an inngai a, thinrim fe chuan an hnu chu an chhui ta zel a.Mualzing zum aṭangin a lo khalh pawl an insiam dawn a ni. Khawchhung tlangval leh pasalṭha ho te pawhin an rawn pawh vat ngei ang!
Pasalṭha Thanseia chu hmanhmawh fe hian thinglian tak tak karah a lut zung zung a,a kal hlei thei bik lo, zankhaw thimah an arkhawthim dai tak meuh a ni. Ngurṭhuama chuan Saipuii pu chung chuan a zui thuai a, an chhak la hla deuh a Meichher eng chu an hmu ta! Pasalṭha Thanseia hian Silai kah rih loh hram a duh a, a chhan pawh an silai kah a nih chuan sam fe hian an hual thei tih a hre ve kar a ni. Ngurṭhuama erawh in chung thil chu a ngaihtuah thleng pha hauh lo thung a. Serzawli lah a sailo luhlul a chhuak ṭha leh a, rum ve kawk kawkin a leng leh vak ṭhin a, Ngurṭhuama pawh a pai leh khat khat ṭhin.
......... .......... ............
Chu zanlai ar khuang ta thliai thliai chuan Thinglian daia pasalṭha rammu te hunbi a rawn hriattir a. An thiltum puitlin tur chuan an che chhuak ṭan ta. Pasalṭha Thanpuia te ho chuan fimkhur fe in Zawlbuk lam an pan ta nghal a, chutiang bawkin Aimawia te, pasalṭha Duhmeka te pawh an che chhuak ta. Chu zan Thinglian khaw tana zan hnuhnungah chuan uicho bauh ri takngial pawh hriat tur zu han awm miah lo va.Boruak han inṭham vel chu na tak hian lang lo mahse a reh duk chuan ngaih a ti ṭha chuang lo, chutih rualin mihrangte chuan an hun tiam bawh pelh an tum lo hle,hmalam panin bul an ṭan mek a ni. Duhamna hian hringnun zia tam tak hi a hruaikawi a, lal ṭha tak nia an sawi ṭhin pawh eng ruai a ni lo! Tin, seifate khawvelah meuh zawng lal chungnung zawk leh hausa zawk ten an aia chungnung zawk phak tum ran leh lehpelh tum ranin hma an la a, hausak phahna tur a nih chuan an aia khawte zawk te hmeh mih an hreh hauh lo. Nunna hlu tak chu a hlu zo lova, ropui duhna leh chungnun duhna chu lalte thinglungah chuan uicho thingluang zawh laiin mahni hlimthla hmu a it ang mai hi an ni!
Aimawia chuan chuti taka Thinglian khua lo ralmuang mai chu mak a ti hle a, rammu turin mi eng emaw zat an tirchhuak lawi si. Thinglian lam hian Chamtlang khua hi eng he huah an ngai lo tih a hriat a, chutak chu Chamtlang tana chetlak han awlsamna a ni lawi si! Pasalṭha Duhmeka leh Taikulha pawh chuan lal in an hnaih ta kher mai! An hmabak ṭheuh hlen chhuah an tum hle a ni.An khua rawn chimih vek duhtu khua hi chimih an tum hle a, Serzawl mihrangte erawh an ngaichang hle a, an zara hetiang dinhmun thleng thei an ni tih hi an hrechiang em em a ni.
Zawlbuk hnaih bera inhnuaiah chuan pasalṭha Thanpuia chu a ding vang vang a. A bula ding Hranga nen chuan thawm dim fe in Zawlbuk lamah an pen phei a, bawhbel an bawhliam ta. Thanpuia mitmeng fim leh fiah tak chuan an silai tunna chu a hmu nghal var a. A lo rin aiin Silai an lo kawl tlem tlat mai! Silai chu a khawm ta nghauh nghauh a, Hranga chu fimkhur takin Pazawna a hlan chhawng zel a, chutih lai tak chuan Zawlbuka riak tlangval pakhat chu a rawn ṭhu chhuak ta hlawl mai le! Thanpuia chu mut tum niawm tak chuan a dinnaah chuan a ṭhu zal nghal thuai a. Hranga pawh a ṭhu zawt mai le ! A phun bul bul a, ṭawngvai nuah nuah chung chuan a mu leh ta hlawl a! A mang chhe hle ni hian a lang a, ala ṭawng bul bul zui a, Hranga leh Thanpuia rilru a hmanhmawh hle mai! Rei vak lo an han chawl dat a, silai tlem te chauh a awm ta... ! Thanpuia chu han che chhuak lehin silai la awm zawng chu a la a, Hranga a va pe phei a Hranga chuan Pazawna a pe ve nghal zat a zawlbuk an chhuahsan dawn ta.Hranga chu bawhbel a bawh liam ta, a hnunga Thanpuia thawm dim taka pen chu a ding ta chat mai le! A hnung lamah chuan tlangval pakhat rawn ding chhuakin Thanpuia chu a rawn ban mek a ni. Chutah le....
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Lal in chhung aṭang pawh chuan a lo chhawn nan Silai chu a puak ve zat a, chumi hnu hretah chuan Saipuii thingkhawn ban ngheng mek chu thahrui chak fe hian a rawn man nghal zat a, a ṭe ta tuar a..! Han au chhuah leh a tum chu a ka chu nghet fe hian an hup sak a, rang fe chuan an pil liam pui ta nghal a. Lal fanu ṭe ṭhat thawm chu lalnu chuan hria in a au zui nghal vat a, chhanna reng a dawng lo, engtizia nge ni tiin a ngaihtuah nghal vat a, an au leh ṭhin a, pawn lam aṭang chuan chhanna a dawng ta hauh lo! Lalnu ngaih ṭha lo chu pawnlamah chuan a tlanchhuak a,
" Saii... Saite.... Saii...!" ti chuan a ko chiam mai a.
Lal inchhunga upa ho leh pasalṭha Hualroa han chuangkai chiah pawh ngaih ṭha ta bik hek suh, meichher nen rang fe chuan an rawn chhuak ta! Lal fanu zawng chuan an phek buai ta mep mep mai! Lalbula pawh chu a phi buai takzet a ni. Thil awmzia lalnu an han zawh chian chuan heti hian a puan hmawra mittui hru chungin a chhang a,
" Kan pasalṭha te bawhhla chham hma hret khan zun zungin a chhuak a, bawhhla an chham zawh a Saii pa in a chengrang hmanga a lo chhawn hnu hret khan a ṭe ṭhat thawm ka hria a....chuan kan au ṭhin a, min chhawn ta hauh lo a ni!" inhnit faih faih chung chuan a ti ta a.
Lalnu in chutia an sawi zawh meuh chuan rinhlelh dang an nei ta hauh lo, Hriangmual lal fapa chu an ring nghal bur mai! Meichher han siam belhin hnuhma an han thlir tlang nghal a, an chek tlak tlak mai le! Val upa Hnuna leh tlangval pasarih lai chuan hnu hma thlir in an umzui nghal a.Ral lu khaia daia khawvar nghak mek pawh an boruak chuti teh nuai a nih avang chuan Lal thupek chuan an va ko ta hlawm a. Serzawl lal Lalbula erawh chu a lai a na ngang mai! A thinrim in a hachang chu a ṭhial rap rap mai a. Pasalṭha te lo thleng se a fanu mantute umzui dan tur an rel dawn a ni. A fanu chu a samzai pakhat pawh a lo ṭil a nih ngai chuan a rubo tute mai ni lo an khua thleng chuan mang vek a duh hial tawh a ni.
Pasalṭha Thanchhinga te ho chuan an milu hawn chu pumah an dah sawk sawk a, zanriah pawh bar hmasa lovin Lal in lam chu an pan ta nghal a. An thinrim hle hlawm a, an lal fanu Saipuii han bo ngawt chu mak an ti a, a dengna hlawm hle mai le! Pasalṭha Chhunthanga chuan lalnu chu be fal nalhin thil awmzia a zawt ve leh a. Lalnu in ṭap pur a thil thlen dan a hrilh chuan a bu ta nghat nghat mai a. Hetih lai hian pasalṭha Hualroa pawh awm ngaihna a hre bik lo, khawchhung venghim zo ta lo riakah a inngai a, a Silai pu vutin Val upa Hnuna te liamna lam chu zui a tum nghal a.Pasalṭha Chhunthanga chuan alo khap ta rih a. Lal in chhung pawh an ri ta laih laih mai! Lal leh upa te pawh chuan ro mum neih har an ti hle ni hian a hriat tawh a.
Pasalṭha Thanchhinga ban tuam luk chuan aw han thian kharh kharh hian,
" Lalpa, Saipuii chu rukbo ni ngei hian a lang a, a rubo tute hian tum nei ranin an rubo tih alang tlat a. An chet dan thlir hian remruatna fing tak a ni tlat mai, zanin hian thui tak an kal hman kher lovang a, a hualbeh dan i zawng zawk ang u hmiang!" a ti chhuak ta a.
Lalbula pawh chhuatah chuan a vei kual sek a, pasalṭha Thanchhinga han chhan mai ngaihna pawh a hre rih lo a ni. Chutih lai chuan pasalṭha Chhunthanga chuan inthlahrun hmel tak hian,
" Lalpa....ka sawi ve a rem em? ( tih pah chuan lal chu mei engah chuan an melh a, Lalbula a lo bu nghat a, chutah sawi zawm nghal in) Pasalṭha Chhinga sawi ang khan remruatna ṭha tak hmanga lal fanu hi rukbo niin a lang a. Zan thima kan um vak zawngin thil ṭha lo a thleng thei tlat a ni. He thilah hian Hriangmual lam an inrawlh ngei ka ring a. Ramchin hria pasalṭha te hruaina in lo ṭankhalh a, lambun theih ni se a ṭha ber ang!" hmangchang hre fe chuan an ti chhuak khak a. Rilru fim a lang ṭan ta.
Lalbula chu meng sen rama rawn hawichhuakin,
" Ummnnn.....pasalṭha te rorel dan dan ni se, amah erawh chu Saipuii kha a samzai khat pawh an lo pawt ṭil a nih chuan a pawt ṭil tute khua mang vek ni rawh se. Kha zanriah han bar fel ula, a ṭul intih danin chet chhuah ni rawh se! In chet dan tur min han hriattir u la!" a ti chhuak a. A aw pek dan aṭang chuan a thinrim hle tih hi a hriat a, a insum hram hram a ni. Chutah hmanhmawh fe chuan pasalṭha te chu zanriah bar turin an chhuak ta a.
Chu zana Serzawli han bo mai chuan kar lovah Serzawl khua a fan chhuak nghal a. Pasalṭha Thanpuia awm lo chu pawi an ti kher mai! Lalnu pawh chuan awm ngaihna reng a hre lo, han ṭah vak na chi ala ni si lo, a fanu chu eng tin tak awm ang maw? tih chu a ngaihtuahna luahtu ber a ni. Lalbula chu a lal inchhungah chuan a vei tawn sek a, a vaibel a fawp leh mawlh mawlh ṭhin a, a nung lo tih lam reng a ngaihtuah lo. Upa Phirtuala te ho chuan han ṭawng thlamuan ve viau mahse a ruka nauvei ni mai hian a lang a.
Pasalṭha ho chuan chhuak ta kha inhnai ber Bukbawnga te inah lut khawmin an chet dan tur an rel zui nghal a. Pasalṭha Chhunthanga tan pawh han inhnuhdawh san chi ni ta hek lo, inthlahrung fe chuan a telve ta zel a, Thanpuia awm lo chu pawi a ti hle mai! An chet chhuah dan tur an sawi ho nak nak hnu chuan heti hian ro an nei ta...Pasalṭha Bukbawnga te, Hualroa te leh tlangval rualin Puallawi ramah an lo chan khalh ang a, Zamkunga leh Chhuna ten tlangval rual nen fimkhur takin Khuaihnuai ram aṭangin an hual thung ang!
Ngurṭhuama khan Saipuii kha lo chang char char in remchang a hmuh ve leh a man thut a, a ṭe chhuak kha a ka a hup beh sak a, an thawm chu Lungdawh lama silai han inlawn thawm khan a rawn chhilh ta si! A diar chuan Saipuii ka chu a hnawh a, Pasalṭha Thanseia chuan a lo pui ve bawk a.Ngurṭhuama leh Thanseia chuan zawn titih hnuk titih chuan hmanhmawh fe in puallawi lamah an tawlh liam pui thuai a, Saipuii chu a tal nasa hle a, kal pawh a sawt loh phah hle a ni. Amah erawh chu a man tuten an hneh em avang chuan a ni hmeichhe chak lo na na na chu han che na thei hek lo, a thin a ur hle a, a theih ang ang chuan a tal ve laih laih reng a.A man tute lah chuan an hneh viau mai si, tihkhawtlai a tum ve hle a ni. An hnu chu thup a har hle ang le!
Hetih lai hian Rodawla chu ralven buk lamah a lo awm ve daih a. Saipuii rukbo a ni tih a hriat chuan Hriangmual lal fapa Ngurṭhuama a rawn che ta a ni tih a hrethiam mai a. Han sawi ve dawn se amah chu rinhlelh a kai mai dawnin a inhre si,tin, an ralven na lamah an lal fanu rubo tute hi an rawn che ve bawk nen sawichhuah mi niin a ngai lo. Ngawih reng chu a himna tur niin a hre ta zawk a, a rilru erawh a buai ve hle, Hriangmual lal fapa a huatna kha a rawn tho leh a a awmhmunah a insehruh ṭeuh tawh mai a, an lal fanu chu damin hruai kir leh ni se a ti hle a. Mihring hian hmalam hun atana nun ṭha a siam chuan bawhzui chu a hna a ni a, nunhlui leh ze hlui kalsan chu mihring a nihna anga a tih tur a ni.Hun kaltawha inchhirna chuan hun lo la kal tur tan inzirna a pe a, thinlungin a zawm tlat chuan huaisenna in a thuam a, a bet reng thei bik lo!
Val upa Hnuna te leh tlangval ho chu hmanhmawh leh fimkhur tak chuan hnu hma hmuh theih te bih pah chuan puallawi ram an pan zel a. A tlangval hruai Bilha te ho chuan falkawn zau a lo khalh an duh ta hle a, an hnuhma aṭang chuan an inhnuk leh zauh ṭhin tih a lang reng mai si a. Tlangval ten tlawm thlak an ti a, an lal chhungkua humhim zo lo riakah an inngai a, thinrim fe chuan an hnu chu an chhui ta zel a.Mualzing zum aṭangin a lo khalh pawl an insiam dawn a ni. Khawchhung tlangval leh pasalṭha ho te pawhin an rawn pawh vat ngei ang!
Pasalṭha Thanseia chu hmanhmawh fe hian thinglian tak tak karah a lut zung zung a,a kal hlei thei bik lo, zankhaw thimah an arkhawthim dai tak meuh a ni. Ngurṭhuama chuan Saipuii pu chung chuan a zui thuai a, an chhak la hla deuh a Meichher eng chu an hmu ta! Pasalṭha Thanseia hian Silai kah rih loh hram a duh a, a chhan pawh an silai kah a nih chuan sam fe hian an hual thei tih a hre ve kar a ni. Ngurṭhuama erawh in chung thil chu a ngaihtuah thleng pha hauh lo thung a. Serzawli lah a sailo luhlul a chhuak ṭha leh a, rum ve kawk kawkin a leng leh vak ṭhin a, Ngurṭhuama pawh a pai leh khat khat ṭhin.
......... .......... ............
Chu zanlai ar khuang ta thliai thliai chuan Thinglian daia pasalṭha rammu te hunbi a rawn hriattir a. An thiltum puitlin tur chuan an che chhuak ṭan ta. Pasalṭha Thanpuia te ho chuan fimkhur fe in Zawlbuk lam an pan ta nghal a, chutiang bawkin Aimawia te, pasalṭha Duhmeka te pawh an che chhuak ta. Chu zan Thinglian khaw tana zan hnuhnungah chuan uicho bauh ri takngial pawh hriat tur zu han awm miah lo va.Boruak han inṭham vel chu na tak hian lang lo mahse a reh duk chuan ngaih a ti ṭha chuang lo, chutih rualin mihrangte chuan an hun tiam bawh pelh an tum lo hle,hmalam panin bul an ṭan mek a ni. Duhamna hian hringnun zia tam tak hi a hruaikawi a, lal ṭha tak nia an sawi ṭhin pawh eng ruai a ni lo! Tin, seifate khawvelah meuh zawng lal chungnung zawk leh hausa zawk ten an aia chungnung zawk phak tum ran leh lehpelh tum ranin hma an la a, hausak phahna tur a nih chuan an aia khawte zawk te hmeh mih an hreh hauh lo. Nunna hlu tak chu a hlu zo lova, ropui duhna leh chungnun duhna chu lalte thinglungah chuan uicho thingluang zawh laiin mahni hlimthla hmu a it ang mai hi an ni!
Aimawia chuan chuti taka Thinglian khua lo ralmuang mai chu mak a ti hle a, rammu turin mi eng emaw zat an tirchhuak lawi si. Thinglian lam hian Chamtlang khua hi eng he huah an ngai lo tih a hriat a, chutak chu Chamtlang tana chetlak han awlsamna a ni lawi si! Pasalṭha Duhmeka leh Taikulha pawh chuan lal in an hnaih ta kher mai! An hmabak ṭheuh hlen chhuah an tum hle a ni.An khua rawn chimih vek duhtu khua hi chimih an tum hle a, Serzawl mihrangte erawh an ngaichang hle a, an zara hetiang dinhmun thleng thei an ni tih hi an hrechiang em em a ni.
Zawlbuk hnaih bera inhnuaiah chuan pasalṭha Thanpuia chu a ding vang vang a. A bula ding Hranga nen chuan thawm dim fe in Zawlbuk lamah an pen phei a, bawhbel an bawhliam ta. Thanpuia mitmeng fim leh fiah tak chuan an silai tunna chu a hmu nghal var a. A lo rin aiin Silai an lo kawl tlem tlat mai! Silai chu a khawm ta nghauh nghauh a, Hranga chu fimkhur takin Pazawna a hlan chhawng zel a, chutih lai tak chuan Zawlbuka riak tlangval pakhat chu a rawn ṭhu chhuak ta hlawl mai le! Thanpuia chu mut tum niawm tak chuan a dinnaah chuan a ṭhu zal nghal thuai a. Hranga pawh a ṭhu zawt mai le ! A phun bul bul a, ṭawngvai nuah nuah chung chuan a mu leh ta hlawl a! A mang chhe hle ni hian a lang a, ala ṭawng bul bul zui a, Hranga leh Thanpuia rilru a hmanhmawh hle mai! Rei vak lo an han chawl dat a, silai tlem te chauh a awm ta... ! Thanpuia chu han che chhuak lehin silai la awm zawng chu a la a, Hranga a va pe phei a Hranga chuan Pazawna a pe ve nghal zat a zawlbuk an chhuahsan dawn ta.Hranga chu bawhbel a bawh liam ta, a hnunga Thanpuia thawm dim taka pen chu a ding ta chat mai le! A hnung lamah chuan tlangval pakhat rawn ding chhuakin Thanpuia chu a rawn ban mek a ni. Chutah le....
( chhunzawm tur)
Chhiar chhunzawm nghal a van chakawm eee
ReplyDeleteA chhunzawmna a va ngahhlelhawm ve lee
ReplyDelete