LUNGRENG NGAW S-4....(14)...
LUNGRENG NGÂW...SEASON-4....14..
( PASALṬHA THANPUIA)
M. LUSEI PALIAN
......... ........... ..........
Chi khur a inmal beihna a thlen lai khan zawi zawiin Thatphunga chu a lo che ve hret hret a. Thi tur tho ni a inhria in a ṭhiante an ṭingmit lai chu thlir zawkin Silai chu a chuh ta phut a. Pasalṭha Thanchhinga ber kher chu tinin a kap ta thawr mai le! Ngenmu rawn thlawk chhuak sa ver vawr chuan pasalṭha Thanchhinga ban veilam a rawn deng pawrh tuam ta mai, a ni pawh chu a ṭe ve ṭhat a. A kut dinglam chuan a ban veilam chu a hup vat a. Zamkunga leh Bukbawnga thil kal dan han thlir zawk chuan rang fe in an milu lak chem nen Thatphunga chu rang fe hian an pan thla nghal a. Zamkunga thinrim lutuk chuan a milu lak chem chu rang fe hian an vai fua a, Bukbawnga lah thapui chhuah chuan Thatphunga dulnem zawn an vai ve bawk nen...Thatphunga hringchan ni chuan kir a rel tawh kher lovang! A tluk hma pawh chuan nunna a nei tawh lo tih hi a hriat hle tawh a ni.
Bukbawnga te ho chuan pasalṭha Chhunthanga te an lo thlir tui lutuk chu an inthiam lo hle mai a, dem chi lah ni ngawt lo chuan an hmuhnawm em a ni. Pasalṭha Chhunthanga pawh chuan an hliam tak an lo ngaihthah palh chu pawi a ti ve hle a, han tihngaihna tak a awm tawh si lo a ni. Pasalṭha Thanchhinga chu an han buaipui nghal thuai a, kutphah beng vel chuan han piah hret ze zawng zingvawnzawl lam a pan ngei ang! Pachang tak chuan a lo nui sang thung na a tih hmel loh hle, pachang fe leh pasalṭha tak chuan mi ruang senghawi dan tur chu an relpui zat a. Bukbawnga chuan tlangval ho chu han thlir zatin ruang senghawi tur chuan a ti thuai a. An ni erawh vaibel ṭankaiin pasalṭha Thanchhinga luhai tihreh nan an lo pak tir thung a.
An hmelma te ruang chu tlangval ho chuan an han hnuk sawn thuai a, an lu erawh an la zel thung, Serzawl sahlam an mawi ngei ang le. An innuaina hmun chu an chikhur bul mai a ni si a, chuvanga ruang senghawi chu an ni reng a ni. Serzawl leh Chawntui lam hian hliam chhe te te an nei nual hlawm a, han bawihsawm ngai em em erawh an awm lo thung a. Pasalṭha Chhunthanga leh a naute pawh chu chikhur lama han cham nghal chi ni ta hek lo, an mi lu lak te nen chuan Serzawl lam chu an pan tlang ta! Ṭhutmuan ar khuan hunah meuh chuan khawchhung an thleng hman ngei ang le.
......... .......... ..........
Hetih mek lai hian Thinglian khua pan mek Chamtlang tlangvalte leh Serzawl mihrangte chu luitea kiangah an lo chawl mek thung a. An hmelah chuan chauhna leh zamna hmuh tur reng a awm lo, phurna, huaisenna leh tumruhna hi a hmuh theih mai reng a. An hma a tla chu rah hrual a chimih vek an tum ni hian a lang a, ral bei mi ralhrat tak ni lo mahse an thinlung huaisenna ngawt pawh chu chan ṭha chan pui tham a ni ngat tawh mai a ni. Thinlung hi huaisenna in a luah a, phuba lak duhna in lungphu a phut hnan meuh chuan chakna tam tak leh chhelna a keng tel ṭhin si a. Chu chakna hmachhuan chuan Thinglian lam chu an pan ta kha a ni. An zinga tlangval pakhat chuan an hma a tlang chu kawk vah chung hian,
" Pa Duh, khi laiah khian khan ṭha fe a awm a, a chhengchhe zawk na a, Thinglian khua kher chu zanlaiah kan thleng thei mai thei a ni.!!" a rawn ti chhuak hlawl mai a.
Chu thu rawn sawitu Taikulha chu Thanpuia chuan a melh vat a,
" Chu khan i zawhna chu a rei tawh em? I la hrethei a ngem, zan lamah kan tan a harsa in i ring em?" a rawn ti chhuak nghal a. Tlangval ho chu an lo ngawi ṭhap hlawm a.
Taikulha chuan rang fe hian, " A khan chu ka la chiang viau, Saza kan chhui tuma kan hmuh a ni a, khi lai tlangpang liam khi a zal deuh a, a lehlam liam zawng a awih chhe ve hle, ruam rai veilam khi lo fing thum vel zawh ila Thinglian chu a lang uar a sin!" a rawn tichhuak leh a.
Taikulha hi Chamtlang tlangval zingah chuan pasalṭha ve tak hi a ni a, a thusawi chu an pawm tlang hle. Tin, an Saza hliam an chhui ṭum a kal ve an zingah hian an lo awm nual a, chung ho chuan an rawn tuihnih ve ta nak nak hlawm a. Chutianga khan hnai an hriat takah chuan pasalṭha Duhmeka chuan chulam hawia ke chheh chu a ṭha a ti ta zawk a. Pasalṭha Thanpuia te ho pawh chuan ṭha an lo ti ve hle tho a, chu tlang lam chu an pan ṭan ta nguah nguah a. Hmun rem ni hek lo le, tlangval ṭhenkhat chu an tawlh leh hawn hawn ṭhin! Aimawia leh Hranga erawh chuan meichher tur mawlh an lo melh a, chu chu tih awm reng a ni si a.
Ruam rai an thleng ta, ni pawh a pil lek lek tawh a. Chulai hmunah chuan mau hmun a lo awm remchang hle a, meichher tur tam vak lo an buatsaih ṭan ta. Chutih lai chuan Hranga chuan phuai ṭhahnem fe hi uluk fe hian a hlum a, mei na vak lo chuan a chhem a a ti ṭang at a, uluk fe a buaipui in a chhungah lung lian vak lo a hlum tel a, a silai zen tlem chu a bun chhuak bawk a. Eng tur nge tih chu a sawi lem si lova an thlir tuau mai a ni. Zanriah tur buatsaih sa an ak ṭha bawk a, hmanhmawh vak lo chuan Thinglian khua chu fimkhur fe chuan an pan leh ta!
Thinglian lal erawh nilengin a upa te nen zu bel an lo birh a, an tlangvalte an lo thlen huna an lo lawm dan tur an lo rel ho a ni. Tlangval an nei tawh lo tih hria se zawng an hawihai hle ta ve ang, an khua lah chu an la ralmuang em em zui si a. Thinglian lal hian a pasalṭha te leh tlangval ho khan Chamtlang an va chimih thei ngeiin a ring a. Rallak sum tam tak nen an lo kir vatin a ring hle, duhamna hian thinlungah hmun a khuar tawh chuan a fanril telh telh a, a kentel chhiatna erawh beisei aia rangin a lo thleng ṭhin! Zan lamah zupui nena rel ṭhatah dahin zanriah bar turin an ṭin ta hlawm a, upa ho pawh an birh hle a ni mahna, a kal buk lak lak tawh mai a ni. Chu zan chuan eng nge a rawn herchhuahpui dawn tih hre hek lo, mi tam tak tan chuan an zanriah chu Pialral kai chaw a ni dawn ta reng mai!
Serzawl mihrangte leh Chamtlang tlangvalte chuan zanriah bar zovin zan hun ṭha an nghak ta, Thinglian khaw rambawh chhung khaw chhung lan theihna aṭang chuan ropui an rel ta! Pasalṭha Thangvela tlangval tirhte rawn kirin ralveng an awm loh thu an rawn sawi a, an nui sang mai le! Serzawl thangchhuahpa Thanpuia leh Hranga telin tlangval sawm rual in Zawlbuk an bitum ang a, Aimawia leh Luaia hovin chhuahlam aṭangin khawchhung an lut thung ang. Pasalṭha Thangvela leh a nauten tlak lam a ṭangin an rawn lut ang a, Pasalṭha Duhmeka leh Taikulha ten Lal in an lo bitum thung dawn a ni. Zanlai arkhuanah an che ṭan ang a, zing ni chhuah chuan Thinglian khua meivapa chantir vek an tum dawn a ni. Kha chen an lo tawrh tawh leh an chunga duhchhe em em khua chu dim an tum hauh lo. Ṭhutmuan ar khuan lai chuan an awmna hmun aṭang chuan an che chhuak tan ta!
Fimkhur takin an tawlh hnai hriau hriau a, zanlai ar khuan huna che chhuak tur chuan an lo inring lawk hle a. Chu hun nghaktu tan chuan hun a kalmuang hle ang le. Chu zanah chuan chhawrthlapui chu biru rihin mahni di ṭheuh te nen siar eng te chuan vansang lam an mawi thung a. Thinglian khua, chhiatna thlenna tur hmun chu bawkkhupin an thlir ve tuau mai ni hian a hriat nghe nghe a. Thanpuia chuan arsi chu han thlir vang vangin Saipuii a ngaihtuah vang vang a. Chu zan thim tak hnuaiah chuan a ngaihtuahna a kawm nasa hle mai! Ram lama a ṭhian Chawngmawii lah tawnmangah chiah a tawng tawh ṭhin kha a ni si! A chunga thil thleng te angaihtuah kual a, ngaihtuahna chak tak an kal tak tak hi chuan hmun tin afang a, Serzawlah bawk a kual lut leh ta! Mak tak hian Serzawli chuan a ngaihtuahna a luah ngut ngut mai le!
.......... ............ ............
Pasalṭha Thanseia te chuan Serzawl khaw chhung chu an bih uluk hle a. Serzawl khua lah an fimkhur hle mai si, khaw thim hma chuan an che chhuak ngam si lo. Thim ve leh a Serzawl lal fanu rukchhuah chu an tum hle a, ruk chhuah theih dawn loh ai chuan Serzawl lalin pawh hal mai an duh zawk hial ang le! Khua a tlai tial tial a, Serzawl lalin an hnaih tial tial a, an hnaih ta takzet mai! Hetih lai hian an tlangval tirhte kha tlan hlira tlan a ni bawk a, Hriangmual a thleng ṭep tawh a. A ni hian Hriangmual lal hnenah thu a thlen ang a, tlangval rual tam fe nen an rawn thawkchhuak ang a, an lal fapa Ngurṭhuama hi an lo hmuak ngei ang le! Tin, Seipui lam pawh Thatphunga tlangval tirh khan a pan vang vang a. Serzawl lamah zawng thisen a luang ngei ang le! Ngurṭhuama leh pasalṭha Thanseia chu Lal in bul maiah chuan an awm tawh a. Harsa fe in an vak lut kha a ni. An ṭhiante erawh chuan lal fanu rawn umzui tute an lo dang ve dawn thung a ni.
Pasalṭha Thanchhinga te ho pawh muangchang chuan khaw lam pan chuan an rawn kal ve zel a, chinchang hrilh tur tlangval an tirh khan lal in a thleng tawh a. An pasalṭha te chu lo hmuah ngei an tum a, an inbuatsaih ve mup mup mai! Serzawl Lal Lalbula chu a hlim hle a, a pasalṭha te chu a chhuang takzet a ni. Hetih lai hian pasalṭha Chhunthanga leh Bukbawnga chu kalpah chuan an ti ti dun nasa hle a. Bukbawnga hian Hriangmual tlangval te ka aṭanga thu an dawn dan khan heti zat chauh hi an rawn thawhchhuah a ring lo hle a. An khua hi inring renga awm a ṭul hle in a hria chu chu pasalṭha Chhunthanga ngaih dan chiah a ni ve bawk a. Khua han thleng se ropui an rel ngei ang le!
Pasalṭha Thanchhinga te ho chuan khua an hnaih ta kher mai! Ṭhut muan ar khuan hun meuh chuan kawtchhuah Lungdawh an thleng hman tawh ngei ang le! An silai te chu an han en ṭha leh thuak thuak a, zen chauh thunin Bawhhla chham huna kah tur chuan an inring ṭan ta hle. Kawtchhuah lungdawh an han thleng ta a, vaibel te ṭanin an han ṭhu muang a, chutah pasalṭha Thanchhinga chuan,
" Buka....bawhhla han chham ta che maw!" a ti vei khuk a.
Zamkunga pawh chuan a lo tuihnih ve nghal zat a, tlangval ho chuan Bukbawnga chu Zawhte mei la thlir tak hian an thlir ta hlawm a. Pasalṭha Bukbawnga chu a han ding rem te te a, chutah ring ṭeng per zet hian hetiang hian bawhhla chu an chham ta....
" Arsi e thlapa chawh law
Ralvawng zalang ka duhin e
Hawihkawm e thanlung ṭhawn ka do
Rimnampa ka tlun e" an tih zawh chuan Silai an puak thawr a. Chu veleh tlangval rual ho chuan an silai an lo kap puak alh sen ve zuai zuai a.
Serzawl lamin an hmelma lam tlangval an man tak te tan chuan khawchhung luh a huphurh awm ta viau ang le!
Saipuii zun zung zo han ding leh chiah chuan Bawhhla ring per zeta han chham thawm chu a hre zui zat a. Silai han puak ri te chuan a lung hi a tileng lek lek a, Hlado han chham vang vang ṭhin thangchhuahpa chuan a thinlung a luah hneh a, a ngaihtuah chhunzawm vang vang a.Lal in chhung aṭang pawh chuan a lo chhawn nan Silai chu a puak ve zat a, chumi hnu hretah chuan Saipuii thingkhawn ban ngheng mek chu thahrui chak fe hian a rawn man nghal zat a, a ṭe ta tuar a..!
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Chi khur a inmal beihna a thlen lai khan zawi zawiin Thatphunga chu a lo che ve hret hret a. Thi tur tho ni a inhria in a ṭhiante an ṭingmit lai chu thlir zawkin Silai chu a chuh ta phut a. Pasalṭha Thanchhinga ber kher chu tinin a kap ta thawr mai le! Ngenmu rawn thlawk chhuak sa ver vawr chuan pasalṭha Thanchhinga ban veilam a rawn deng pawrh tuam ta mai, a ni pawh chu a ṭe ve ṭhat a. A kut dinglam chuan a ban veilam chu a hup vat a. Zamkunga leh Bukbawnga thil kal dan han thlir zawk chuan rang fe in an milu lak chem nen Thatphunga chu rang fe hian an pan thla nghal a. Zamkunga thinrim lutuk chuan a milu lak chem chu rang fe hian an vai fua a, Bukbawnga lah thapui chhuah chuan Thatphunga dulnem zawn an vai ve bawk nen...Thatphunga hringchan ni chuan kir a rel tawh kher lovang! A tluk hma pawh chuan nunna a nei tawh lo tih hi a hriat hle tawh a ni.
Bukbawnga te ho chuan pasalṭha Chhunthanga te an lo thlir tui lutuk chu an inthiam lo hle mai a, dem chi lah ni ngawt lo chuan an hmuhnawm em a ni. Pasalṭha Chhunthanga pawh chuan an hliam tak an lo ngaihthah palh chu pawi a ti ve hle a, han tihngaihna tak a awm tawh si lo a ni. Pasalṭha Thanchhinga chu an han buaipui nghal thuai a, kutphah beng vel chuan han piah hret ze zawng zingvawnzawl lam a pan ngei ang! Pachang tak chuan a lo nui sang thung na a tih hmel loh hle, pachang fe leh pasalṭha tak chuan mi ruang senghawi dan tur chu an relpui zat a. Bukbawnga chuan tlangval ho chu han thlir zatin ruang senghawi tur chuan a ti thuai a. An ni erawh vaibel ṭankaiin pasalṭha Thanchhinga luhai tihreh nan an lo pak tir thung a.
An hmelma te ruang chu tlangval ho chuan an han hnuk sawn thuai a, an lu erawh an la zel thung, Serzawl sahlam an mawi ngei ang le. An innuaina hmun chu an chikhur bul mai a ni si a, chuvanga ruang senghawi chu an ni reng a ni. Serzawl leh Chawntui lam hian hliam chhe te te an nei nual hlawm a, han bawihsawm ngai em em erawh an awm lo thung a. Pasalṭha Chhunthanga leh a naute pawh chu chikhur lama han cham nghal chi ni ta hek lo, an mi lu lak te nen chuan Serzawl lam chu an pan tlang ta! Ṭhutmuan ar khuan hunah meuh chuan khawchhung an thleng hman ngei ang le.
......... .......... ..........
Hetih mek lai hian Thinglian khua pan mek Chamtlang tlangvalte leh Serzawl mihrangte chu luitea kiangah an lo chawl mek thung a. An hmelah chuan chauhna leh zamna hmuh tur reng a awm lo, phurna, huaisenna leh tumruhna hi a hmuh theih mai reng a. An hma a tla chu rah hrual a chimih vek an tum ni hian a lang a, ral bei mi ralhrat tak ni lo mahse an thinlung huaisenna ngawt pawh chu chan ṭha chan pui tham a ni ngat tawh mai a ni. Thinlung hi huaisenna in a luah a, phuba lak duhna in lungphu a phut hnan meuh chuan chakna tam tak leh chhelna a keng tel ṭhin si a. Chu chakna hmachhuan chuan Thinglian lam chu an pan ta kha a ni. An zinga tlangval pakhat chuan an hma a tlang chu kawk vah chung hian,
" Pa Duh, khi laiah khian khan ṭha fe a awm a, a chhengchhe zawk na a, Thinglian khua kher chu zanlaiah kan thleng thei mai thei a ni.!!" a rawn ti chhuak hlawl mai a.
Chu thu rawn sawitu Taikulha chu Thanpuia chuan a melh vat a,
" Chu khan i zawhna chu a rei tawh em? I la hrethei a ngem, zan lamah kan tan a harsa in i ring em?" a rawn ti chhuak nghal a. Tlangval ho chu an lo ngawi ṭhap hlawm a.
Taikulha chuan rang fe hian, " A khan chu ka la chiang viau, Saza kan chhui tuma kan hmuh a ni a, khi lai tlangpang liam khi a zal deuh a, a lehlam liam zawng a awih chhe ve hle, ruam rai veilam khi lo fing thum vel zawh ila Thinglian chu a lang uar a sin!" a rawn tichhuak leh a.
Taikulha hi Chamtlang tlangval zingah chuan pasalṭha ve tak hi a ni a, a thusawi chu an pawm tlang hle. Tin, an Saza hliam an chhui ṭum a kal ve an zingah hian an lo awm nual a, chung ho chuan an rawn tuihnih ve ta nak nak hlawm a. Chutianga khan hnai an hriat takah chuan pasalṭha Duhmeka chuan chulam hawia ke chheh chu a ṭha a ti ta zawk a. Pasalṭha Thanpuia te ho pawh chuan ṭha an lo ti ve hle tho a, chu tlang lam chu an pan ṭan ta nguah nguah a. Hmun rem ni hek lo le, tlangval ṭhenkhat chu an tawlh leh hawn hawn ṭhin! Aimawia leh Hranga erawh chuan meichher tur mawlh an lo melh a, chu chu tih awm reng a ni si a.
Ruam rai an thleng ta, ni pawh a pil lek lek tawh a. Chulai hmunah chuan mau hmun a lo awm remchang hle a, meichher tur tam vak lo an buatsaih ṭan ta. Chutih lai chuan Hranga chuan phuai ṭhahnem fe hi uluk fe hian a hlum a, mei na vak lo chuan a chhem a a ti ṭang at a, uluk fe a buaipui in a chhungah lung lian vak lo a hlum tel a, a silai zen tlem chu a bun chhuak bawk a. Eng tur nge tih chu a sawi lem si lova an thlir tuau mai a ni. Zanriah tur buatsaih sa an ak ṭha bawk a, hmanhmawh vak lo chuan Thinglian khua chu fimkhur fe chuan an pan leh ta!
Thinglian lal erawh nilengin a upa te nen zu bel an lo birh a, an tlangvalte an lo thlen huna an lo lawm dan tur an lo rel ho a ni. Tlangval an nei tawh lo tih hria se zawng an hawihai hle ta ve ang, an khua lah chu an la ralmuang em em zui si a. Thinglian lal hian a pasalṭha te leh tlangval ho khan Chamtlang an va chimih thei ngeiin a ring a. Rallak sum tam tak nen an lo kir vatin a ring hle, duhamna hian thinlungah hmun a khuar tawh chuan a fanril telh telh a, a kentel chhiatna erawh beisei aia rangin a lo thleng ṭhin! Zan lamah zupui nena rel ṭhatah dahin zanriah bar turin an ṭin ta hlawm a, upa ho pawh an birh hle a ni mahna, a kal buk lak lak tawh mai a ni. Chu zan chuan eng nge a rawn herchhuahpui dawn tih hre hek lo, mi tam tak tan chuan an zanriah chu Pialral kai chaw a ni dawn ta reng mai!
Serzawl mihrangte leh Chamtlang tlangvalte chuan zanriah bar zovin zan hun ṭha an nghak ta, Thinglian khaw rambawh chhung khaw chhung lan theihna aṭang chuan ropui an rel ta! Pasalṭha Thangvela tlangval tirhte rawn kirin ralveng an awm loh thu an rawn sawi a, an nui sang mai le! Serzawl thangchhuahpa Thanpuia leh Hranga telin tlangval sawm rual in Zawlbuk an bitum ang a, Aimawia leh Luaia hovin chhuahlam aṭangin khawchhung an lut thung ang. Pasalṭha Thangvela leh a nauten tlak lam a ṭangin an rawn lut ang a, Pasalṭha Duhmeka leh Taikulha ten Lal in an lo bitum thung dawn a ni. Zanlai arkhuanah an che ṭan ang a, zing ni chhuah chuan Thinglian khua meivapa chantir vek an tum dawn a ni. Kha chen an lo tawrh tawh leh an chunga duhchhe em em khua chu dim an tum hauh lo. Ṭhutmuan ar khuan lai chuan an awmna hmun aṭang chuan an che chhuak tan ta!
Fimkhur takin an tawlh hnai hriau hriau a, zanlai ar khuan huna che chhuak tur chuan an lo inring lawk hle a. Chu hun nghaktu tan chuan hun a kalmuang hle ang le. Chu zanah chuan chhawrthlapui chu biru rihin mahni di ṭheuh te nen siar eng te chuan vansang lam an mawi thung a. Thinglian khua, chhiatna thlenna tur hmun chu bawkkhupin an thlir ve tuau mai ni hian a hriat nghe nghe a. Thanpuia chuan arsi chu han thlir vang vangin Saipuii a ngaihtuah vang vang a. Chu zan thim tak hnuaiah chuan a ngaihtuahna a kawm nasa hle mai! Ram lama a ṭhian Chawngmawii lah tawnmangah chiah a tawng tawh ṭhin kha a ni si! A chunga thil thleng te angaihtuah kual a, ngaihtuahna chak tak an kal tak tak hi chuan hmun tin afang a, Serzawlah bawk a kual lut leh ta! Mak tak hian Serzawli chuan a ngaihtuahna a luah ngut ngut mai le!
.......... ............ ............
Pasalṭha Thanseia te chuan Serzawl khaw chhung chu an bih uluk hle a. Serzawl khua lah an fimkhur hle mai si, khaw thim hma chuan an che chhuak ngam si lo. Thim ve leh a Serzawl lal fanu rukchhuah chu an tum hle a, ruk chhuah theih dawn loh ai chuan Serzawl lalin pawh hal mai an duh zawk hial ang le! Khua a tlai tial tial a, Serzawl lalin an hnaih tial tial a, an hnaih ta takzet mai! Hetih lai hian an tlangval tirhte kha tlan hlira tlan a ni bawk a, Hriangmual a thleng ṭep tawh a. A ni hian Hriangmual lal hnenah thu a thlen ang a, tlangval rual tam fe nen an rawn thawkchhuak ang a, an lal fapa Ngurṭhuama hi an lo hmuak ngei ang le! Tin, Seipui lam pawh Thatphunga tlangval tirh khan a pan vang vang a. Serzawl lamah zawng thisen a luang ngei ang le! Ngurṭhuama leh pasalṭha Thanseia chu Lal in bul maiah chuan an awm tawh a. Harsa fe in an vak lut kha a ni. An ṭhiante erawh chuan lal fanu rawn umzui tute an lo dang ve dawn thung a ni.
Pasalṭha Thanchhinga te ho pawh muangchang chuan khaw lam pan chuan an rawn kal ve zel a, chinchang hrilh tur tlangval an tirh khan lal in a thleng tawh a. An pasalṭha te chu lo hmuah ngei an tum a, an inbuatsaih ve mup mup mai! Serzawl Lal Lalbula chu a hlim hle a, a pasalṭha te chu a chhuang takzet a ni. Hetih lai hian pasalṭha Chhunthanga leh Bukbawnga chu kalpah chuan an ti ti dun nasa hle a. Bukbawnga hian Hriangmual tlangval te ka aṭanga thu an dawn dan khan heti zat chauh hi an rawn thawhchhuah a ring lo hle a. An khua hi inring renga awm a ṭul hle in a hria chu chu pasalṭha Chhunthanga ngaih dan chiah a ni ve bawk a. Khua han thleng se ropui an rel ngei ang le!
Pasalṭha Thanchhinga te ho chuan khua an hnaih ta kher mai! Ṭhut muan ar khuan hun meuh chuan kawtchhuah Lungdawh an thleng hman tawh ngei ang le! An silai te chu an han en ṭha leh thuak thuak a, zen chauh thunin Bawhhla chham huna kah tur chuan an inring ṭan ta hle. Kawtchhuah lungdawh an han thleng ta a, vaibel te ṭanin an han ṭhu muang a, chutah pasalṭha Thanchhinga chuan,
" Buka....bawhhla han chham ta che maw!" a ti vei khuk a.
Zamkunga pawh chuan a lo tuihnih ve nghal zat a, tlangval ho chuan Bukbawnga chu Zawhte mei la thlir tak hian an thlir ta hlawm a. Pasalṭha Bukbawnga chu a han ding rem te te a, chutah ring ṭeng per zet hian hetiang hian bawhhla chu an chham ta....
" Arsi e thlapa chawh law
Ralvawng zalang ka duhin e
Hawihkawm e thanlung ṭhawn ka do
Rimnampa ka tlun e" an tih zawh chuan Silai an puak thawr a. Chu veleh tlangval rual ho chuan an silai an lo kap puak alh sen ve zuai zuai a.
Serzawl lamin an hmelma lam tlangval an man tak te tan chuan khawchhung luh a huphurh awm ta viau ang le!
Saipuii zun zung zo han ding leh chiah chuan Bawhhla ring per zeta han chham thawm chu a hre zui zat a. Silai han puak ri te chuan a lung hi a tileng lek lek a, Hlado han chham vang vang ṭhin thangchhuahpa chuan a thinlung a luah hneh a, a ngaihtuah chhunzawm vang vang a.Lal in chhung aṭang pawh chuan a lo chhawn nan Silai chu a puak ve zat a, chumi hnu hretah chuan Saipuii thingkhawn ban ngheng mek chu thahrui chak fe hian a rawn man nghal zat a, a ṭe ta tuar a..!
( chhunzawm tur)
A chhiar a nuam thin e.
ReplyDeleteNgaih nawm thin khawp mai
ReplyDeleteTawp laklawh thiam thei bawk sia,zawm nghakhlel takin min siam thiam mange aw.....ka va khamlo ṭhin em.A ngaihnawm lutuk e.
ReplyDeleteChhiar a man hla thin hle mai.
ReplyDeleteachhunzawm harlo agchu maw
ReplyDeletechhunzawm harlo ang chu maw
ReplyDeleteAkimi pachuau ngaihnawm thin hle mai chhiar chhunzawm vat2 a chakawm thin e
ReplyDelete