LUNGRENG NGÂW S-4...(13).
LUNGRENG NGÂW...SEASON-4....13..
( PASALṬHA THANPUIA)
M. LUSEI PALIAN
......... ........... ..........
Chikhur lam chu pasalṭha te chuan an hual ṭan ta, thawm an dim thiam bawk a. An thleng ṭep a. Chutah le pasalṭha Thanchhinga hnunga kal chuan thingṭang ro a rap tliak palh ta hlauh mai, a thawm lah a ring phian si, an ding ngawi ta ṭhap a. Pasalṭha Chhunthanga pawh a ner sak a, a hun lo hle a ni. An vanneih a siamin Sava hramin a rawn chhilh sak ta, an thaw huai a. Thang valh ang mai chuan hual chhuak in an hnaih hle tawh a.Hmelma pawh an hmu thei ta. Seipui pasalṭha Rala khan an thawm kha a lo hre kar tawh a, inring rengin a naute a lo awmpui tawh zawk a ni.Chutah ring leng lawng chuan Pasalṭha Thanchhinga chuan,
" Kha....tu khua leh tui te nge in nih? Engvanga kan chikhur min rawn ṭawm tum ngawt nge in nih! Che hauh suh u, hual beh vek in ni tawh e!" pawr fe chuan a ti chhuak ta.
Pasalṭha Rala chuan aw rawn chhuahna lam chu a thlir vang vang a, Thatphunga an melh zeuh a, a ni chu inring fe hian Silai kap puak mai thei tur hian a lo biru thung a.Nem lem lo tak chuan,
" Mi inring lo lai ka hualbet e han tih sasawi chu a....! Serzawl ho tihawm tawk ni rengin, helai hmun hi in chi khur a nih kan va hre lo ve le...! Thing phen lovin a ngam fa chu rawn inlar ta che u!" meng sen ram chuan a ti chhuak a.A mi duh pasalṭha Thanpuia ngei a nih ringin a chhang kher a ni.
Pasalṭha Chhunthanga chuan ṭawngka in an sawi fel dawn hauh lo tih a hrethiam a, a naute ho chu inring turin a melh kual ṭha leh a. Pasalṭha Thanchhinga ngaih dan a lo ni hauh lo mai, chutianga chhanna a dawng mai chu kampilh laia tuibur hmuam ang mai in a meng ta kawk a. Rang fe ading lang pah chuan,
" Hual beh in ni a,che sawn hauh suh u...ka sawi nawn leh ang, he lai hi i dinna leh mual lehlam zawng nen Serzawl ram valh chhung vek a ni. Tuklo sava ang chu i ni lo ti raw?" thinrim fe chuan a ti kher a. Seipui lam chu a pan nghal a, a inring kher mai!
An boruak chu aṭang ru kher mai le. Chulai hmun thisen tam tak lo chhuah tawhna hmun ngeiah chuan thisen a chhuak leh dawn a nih hmel hle.Pasalṭha Chhunthanga leh Bukbawnga pawh chu inring fe hian an rawn lang nghal bawk a.
Pasalṭha Rala chuan Thatphunga chu ava mitmei vat a, chutih lai tak chuan Pasalṭha Chhunthanga chuan boruak man nghal in a au chhuak nghal thuai a, Silai chu a rawn puak zui nghal thawr a.Tlem a tlemah an che sual lo chauh a ni, Pasalṭha Thanchhinga ban bul a thi sar sar a, Bukbawnga veilamah a lo zuang hman hram a. Chutah le Bukbawnga chuan pawr fe hian, " Tunah.."an ti nghal tuar a, chulai hmun zawng Silai puak alh eng sen zuai leh zen khu rim chuan a khat zo ta! A pawlh mawitu chu mihring natuar rum ri a ni thung a. Silai puak ri a rehfel meuh chuan Seipui lam leh Hriangmual lam chu an hek ta hawk a. Mahse an pasalṭha te erawh an milulak chem nen chuan an ding chhuak zui nghal a. Serzawl pasalṭha te an pan ve ta! Serzawl lam duhthusam a ni ngat mai le, pasalṭha Bukbawngan hma hruai nghal zatin,
" Tu fa ar ah loh te nge in nih a.... dim hauh suh u aw!" a ti ṭeng chhak a. Tlem zawk alangte chu an hual ta tuau tuau mai!
Tuman silai sawhna hun nei tawh hek lo, Thatphunga erawh a awm aṭanga thisen chhuak chu a kut veilam chuan hup ranin a meng sen rum a.An inhnaih tawh hle a, Chutih lai tak chuan,
" Chhe hiau, Serzawl lam hian in mal beih min cho lovin a huho hian min nuai dawn a ni maw!? Khawnge an thangchhuahpa Thanpuia chu a awm a!" ring fe chuan a ti a.
Chu thu an han hriat chiah chuan le, Pasalṭha Chhunthanga ha hawlh zawng a ni ngat mai, pasalṭha Thanchhinga ai mah chuan a sa awm e. Tlangval ho hmaah chuan ring fe hian,
" Aw le, heng mi pamham lutuk te hi la bawhchilh suh u. Arpa chhaih tawk lek an nih hi, hma kan hruai a nge!" a ti ta chhar chhar mai a.
Pasalṭha Thanchhinga pawh chuan tlangval ho chu a lo hui thuai a, Zamkunga chuan ring fe hian,
" Tlangval te u, phu lo hle mah se an tum tawkin i chhaih zawk ang u hmiang!" a rawn ti ve leh ta a. Tlangval ho pawh an lo ding ṭham tawh a, an hruaitute chu an zah si a, han nuai rep rep an chak hle hlawm a ni. Seipui pasalṭha Rala chuan pasalṭha Chhunthanga chu an melh vang vang a,
" Nang hi i ni maw an pasalṭha chu.... ka rin i va ang lo kher em! Mahse thil pakhat, kan inbeihnaah hian hnehtu zawk ka nih chuan ka naute la dam chhun te nen hian him takin kan kirtir tur a ni ang! chu chu min tiam thei a ngem? " a rawn ti chhuak ta a.
Pasalṭha Chhunthanga chuan nui sukin,
" Tehreng mai...! I lei awmna chu a hnawng ṭha hle lah ni!" a ti ve kher a. A milu lak chem phawrhin chulai hmun zawl, pasalṭha Sangchina leh Thanpuia lo innuai tawhna ngeiah chuan an inveh ṭan ta.
Thanchhinga leh Zamkunga te, Bukbawnga te ho chuan an lo thlir ta ngawt a. Tlangval ho lah chuan chu mite pahnih chet dan chu hmuh hmaih an tum lo kher mai! An bial tuau tuau tawh mai a, Chawntui val te lah chuan an pasalṭha chu chesual thiang lovah an ngai a, Serzawl lam lah chuan an ring ve em em tho si!
Pasalṭha Rala chuan Chhunthanga chet dan chu hmuh hmaih a tum hauh lo, an inveh ta hriau hriau a. Pasalṭha Chhunthanga chuan rang fe a chem han vai pah chuan,
" Keimah Chhunthanga Chawntui mikawl ka ni ngai e, sa leh ralah ka zam ngai love...!" a ti chhuak a.
Pasalṭha Rala a meng bial kawk a, Zawhte hmuh tumin Sapui hmu thut hi a ang ber a, ṭawngna hman a nei ta lo, tute nge tih chian hmasa lova chaltlai taka a ṭawngkhumna rah chu a seng dawn ta. An sira awm hup renga lo ding Thatphunga pawh a meng kawk a, eng tih theih ni miau tawh hek lo! Pasalṭha Chhunthanga chem vai chu Rala chuan lo dangin a tawlh hnung dawrh mai le! Ṭan hmun han siam remin rang fe chuan,
" Pasalṭha Thanpuia asin hmachhawn ka duh ni!" a ti deuh nghat a.
Chhunthanga chu rang fe hian a rawn zuang zui zat a, a kut pahnih chuan chem a hum ta... A milu lak chem a han vai chu le, Rala lo indang ve nen a ṭek sawk hial a...Rala chu a lo indanna lamah chuan a pai khat khat a. A rilru buaina chuan a tiṭhuanawp ta riau mai le! Pasalṭha Chhunthanga inzo fe a han pen sau pawk chuan,
" Pasalṭha Thanpuia hmachhawn tur chuan i nau lutuk!" a ti leh deuh kher a. Chu chhanna chuan a dengna kher ang le. Mahse he mualah hian a ring a rawlh thuk mah mah tawh a ni.
Pasalṭha Rala chuan a thapui a chhuah ve ta, rang fe chuan a chem chu han vai let a, rang tak bawk chuan la letin thiam tak chuan an che ṭan ta! A inzo phian mai nen Chhunthanga tan chuan han beih chu a har ve hle tho mai! An chempui chu a intawng ṭek leh chhak vei ṭhin a. An hmuhnawm hle a ni, Chhunthanga chuan Seipui pasalṭha Rala chu a zawhte sazu chhaih ṭan ta.A duh dan dan chuan a her kual pui thei ta! Zamkunga chuan ring tak hian,
" Chhuna, han dah ṭha thuai teh...!" a rawn tichhuak ve leh ta!
Pasalṭha Chhunthanga chuan an nawr ve leh a, a chungnun zawk zia a lang ṭan ta! A chempui hman thiam ngei mai chu an vai ta tak tak a le, Rala chu a tawlh hawn hawn a, a inveng seng ta lo, a ṭe ṭhat a. A ban dinglam chu a uai ta hnawp mai, chuta ṭang chuan thisen a rawn luang chhuak nghal nguah nguah a.Chutah pasalṭha Chhunthanga chu an ding nghat a, rang fe hian a chem chu an vai leh fua a, pasalṭha Rala lu chu a taksa aṭangin a hrang ta nawlh mai! Tlangval rual hlim lutuk chu an lo haw haw dar dar hlawm a. Silaia an kah hlum bang, la dam mi pathum erawh Bukbawnga naute chuan an lo ṭingmit fel der tawh a. Khaw lam panin an milu lak nen hlim fe in an kir ngei ang le!
......... .......... ..........
Chamtlang lal in lamah thung chuan ropui an rel ṭan a, Thinglian khaw lam va hup dan tur an rel mek a ni. Khati zat tlangval an chan tawh a, ralkai chin an nei tam tawh bik hauh lovang ! Tun hun hi remchangah an lak thiam chuan Thinglian khua hi an chimih thei ngei ang le! Dai lama hmelma te ruang pawh senghawi fel tawhin tlangval rualte pawh chuan khawchhung an rawn lut ve leh tawh a. Tuikhur lamah an liam zut zut mai a, hliam nei te lah enkawl nghal niin an phe suau suau hlawm a.
Lal in chhungah chuan lal Saingura chuan Thinglian lam va nawr dan turah Thanpuia te ho chu an ngaih dan a lo zawt ve mek a. Thanpuia chuan,
" Lalpa, ni e,i fanu sal chhawra an lo chhawr avang ngawt pawh khan hrem tlak an ni ngei a. An tlangvalte chunga thil thleng hi an la hre hauh hian ka ring lo va, thir lin laia den a ṭhat ang hian va bawh hun tak niin ka hria, an lal leh upa te erawh zuah ni se. Tin, hmeichhia leh naupang chungah pawh zah ngai ta ila....!" a ti ta daih mai a.
Lal leh upa chu thu lo hretu te chuan Pasalṭha Thanpuia rilru an hriat chuan an zah sawt mai a. Hmelma chunga chutiang rilru a pu thei chu mak an ti a, an thlir nawn awn awn mai! Pasalṭha Duhmeka chuan an tlangval neihzat te an chhut a, Thinglian lam chu va nuai hneh ngei turin a in ngai a.A ngaih dan a sawi ve ta,
" Aw le, lalpa, hei kan hun ṭha hi thlawhbo tir chi ni hek lo, tukṭhuan bar thuai ila, Serzawl mihrangte ho hian va thawk ila. Tin, khua hi lo venghimtu kan awm a ngai si, pasalṭha Rolala hovin tlangval eng emaw zah hian lo veng se a ṭha a nge! Thinglian khua va barakhaih chu ka chak takzet tawh e " a ti chhuak a. Chu ngaih dan chu an pawm tlang ta a.
Chung an rorel rorum fe fe lo ngaithla ve kartu lalnu leh a fanu chuan duhamna avanga thil thleng an dan theih ni hauh lo chu an lo uipui tuilian thlir ve ngawt dawn chu a ni ta! Mipa, ramvachal, pasalṭha te hming chherna erawh inrun leh indona mualah a ni thung si! Khua in ropuina a chanin pasalṭha te thawhrah a ni a, a hming ṭha erawh Lal an ni thung a. Khawchhunga Pasalṭha an tam zawh poh leh khua a ralmuang a, Lal an ropui ṭhin! Tlangval rual leh pasalṭha te chu damin engzat tak kir ang maw? An za chuan an kir tawh hauh lovang le.
Serh leh sang ang pawh chuan thil kal thei ta hek lo le! Tukṭhuan an bar zawh chuan tlangval rual te chu Lal tualah chuan an ralthuam nen an ding ve leh ta far a. Tunah zawng an ral thahte silai nen an Silai ringawt pawh thlamuanpui tham a ni ta! Aimawia chuan an thlir ṭhin a, a hma ngawt ai chuan ang a ti ve ta deuh a niang, a khi vei suk a. Lal leh upa ten fuihna tinrenga an fuih hnu chuan pasalṭha Duhmeka chuan hma hruaiin Thinglian lam pan tur chuan an chhuak ta nguah nguah a.
Thanpuia erawh rilru nuam chuan a awm thei lo, an khawlam a ngaihtuah hle mai a. A chhan erawh a hre lo hle mai. Chutih rualin han letsan ngawt zawng thil tihmi ni tawh hek lo le! Ramchin hria Thangvela leh Duhmeka chuan hma an hruai a, an khua meivapa chantir tum tute khua meivapa chantir tur chuan an pen sau ta pawk pawk a. Varṭiana Thinglian luh hman ngei an tum a, an kal chak hle mai le!
......... ......... ............
Chi khur a inmal beihna a thlen lai khan zawi zawiin Thatphunga chu a lo che ve hret hret a. Thi tur tho ni a inhria in a ṭhiante an ṭingmit lai chu thlir zawkin Silai chu a chuh ta phut a. Pasalṭha Thanchhinga ber kher chu tinin a kap ta thawr mai le...
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Chikhur lam chu pasalṭha te chuan an hual ṭan ta, thawm an dim thiam bawk a. An thleng ṭep a. Chutah le pasalṭha Thanchhinga hnunga kal chuan thingṭang ro a rap tliak palh ta hlauh mai, a thawm lah a ring phian si, an ding ngawi ta ṭhap a. Pasalṭha Chhunthanga pawh a ner sak a, a hun lo hle a ni. An vanneih a siamin Sava hramin a rawn chhilh sak ta, an thaw huai a. Thang valh ang mai chuan hual chhuak in an hnaih hle tawh a.Hmelma pawh an hmu thei ta. Seipui pasalṭha Rala khan an thawm kha a lo hre kar tawh a, inring rengin a naute a lo awmpui tawh zawk a ni.Chutah ring leng lawng chuan Pasalṭha Thanchhinga chuan,
" Kha....tu khua leh tui te nge in nih? Engvanga kan chikhur min rawn ṭawm tum ngawt nge in nih! Che hauh suh u, hual beh vek in ni tawh e!" pawr fe chuan a ti chhuak ta.
Pasalṭha Rala chuan aw rawn chhuahna lam chu a thlir vang vang a, Thatphunga an melh zeuh a, a ni chu inring fe hian Silai kap puak mai thei tur hian a lo biru thung a.Nem lem lo tak chuan,
" Mi inring lo lai ka hualbet e han tih sasawi chu a....! Serzawl ho tihawm tawk ni rengin, helai hmun hi in chi khur a nih kan va hre lo ve le...! Thing phen lovin a ngam fa chu rawn inlar ta che u!" meng sen ram chuan a ti chhuak a.A mi duh pasalṭha Thanpuia ngei a nih ringin a chhang kher a ni.
Pasalṭha Chhunthanga chuan ṭawngka in an sawi fel dawn hauh lo tih a hrethiam a, a naute ho chu inring turin a melh kual ṭha leh a. Pasalṭha Thanchhinga ngaih dan a lo ni hauh lo mai, chutianga chhanna a dawng mai chu kampilh laia tuibur hmuam ang mai in a meng ta kawk a. Rang fe ading lang pah chuan,
" Hual beh in ni a,che sawn hauh suh u...ka sawi nawn leh ang, he lai hi i dinna leh mual lehlam zawng nen Serzawl ram valh chhung vek a ni. Tuklo sava ang chu i ni lo ti raw?" thinrim fe chuan a ti kher a. Seipui lam chu a pan nghal a, a inring kher mai!
An boruak chu aṭang ru kher mai le. Chulai hmun thisen tam tak lo chhuah tawhna hmun ngeiah chuan thisen a chhuak leh dawn a nih hmel hle.Pasalṭha Chhunthanga leh Bukbawnga pawh chu inring fe hian an rawn lang nghal bawk a.
Pasalṭha Rala chuan Thatphunga chu ava mitmei vat a, chutih lai tak chuan Pasalṭha Chhunthanga chuan boruak man nghal in a au chhuak nghal thuai a, Silai chu a rawn puak zui nghal thawr a.Tlem a tlemah an che sual lo chauh a ni, Pasalṭha Thanchhinga ban bul a thi sar sar a, Bukbawnga veilamah a lo zuang hman hram a. Chutah le Bukbawnga chuan pawr fe hian, " Tunah.."an ti nghal tuar a, chulai hmun zawng Silai puak alh eng sen zuai leh zen khu rim chuan a khat zo ta! A pawlh mawitu chu mihring natuar rum ri a ni thung a. Silai puak ri a rehfel meuh chuan Seipui lam leh Hriangmual lam chu an hek ta hawk a. Mahse an pasalṭha te erawh an milulak chem nen chuan an ding chhuak zui nghal a. Serzawl pasalṭha te an pan ve ta! Serzawl lam duhthusam a ni ngat mai le, pasalṭha Bukbawngan hma hruai nghal zatin,
" Tu fa ar ah loh te nge in nih a.... dim hauh suh u aw!" a ti ṭeng chhak a. Tlem zawk alangte chu an hual ta tuau tuau mai!
Tuman silai sawhna hun nei tawh hek lo, Thatphunga erawh a awm aṭanga thisen chhuak chu a kut veilam chuan hup ranin a meng sen rum a.An inhnaih tawh hle a, Chutih lai tak chuan,
" Chhe hiau, Serzawl lam hian in mal beih min cho lovin a huho hian min nuai dawn a ni maw!? Khawnge an thangchhuahpa Thanpuia chu a awm a!" ring fe chuan a ti a.
Chu thu an han hriat chiah chuan le, Pasalṭha Chhunthanga ha hawlh zawng a ni ngat mai, pasalṭha Thanchhinga ai mah chuan a sa awm e. Tlangval ho hmaah chuan ring fe hian,
" Aw le, heng mi pamham lutuk te hi la bawhchilh suh u. Arpa chhaih tawk lek an nih hi, hma kan hruai a nge!" a ti ta chhar chhar mai a.
Pasalṭha Thanchhinga pawh chuan tlangval ho chu a lo hui thuai a, Zamkunga chuan ring fe hian,
" Tlangval te u, phu lo hle mah se an tum tawkin i chhaih zawk ang u hmiang!" a rawn ti ve leh ta a. Tlangval ho pawh an lo ding ṭham tawh a, an hruaitute chu an zah si a, han nuai rep rep an chak hle hlawm a ni. Seipui pasalṭha Rala chuan pasalṭha Chhunthanga chu an melh vang vang a,
" Nang hi i ni maw an pasalṭha chu.... ka rin i va ang lo kher em! Mahse thil pakhat, kan inbeihnaah hian hnehtu zawk ka nih chuan ka naute la dam chhun te nen hian him takin kan kirtir tur a ni ang! chu chu min tiam thei a ngem? " a rawn ti chhuak ta a.
Pasalṭha Chhunthanga chuan nui sukin,
" Tehreng mai...! I lei awmna chu a hnawng ṭha hle lah ni!" a ti ve kher a. A milu lak chem phawrhin chulai hmun zawl, pasalṭha Sangchina leh Thanpuia lo innuai tawhna ngeiah chuan an inveh ṭan ta.
Thanchhinga leh Zamkunga te, Bukbawnga te ho chuan an lo thlir ta ngawt a. Tlangval ho lah chuan chu mite pahnih chet dan chu hmuh hmaih an tum lo kher mai! An bial tuau tuau tawh mai a, Chawntui val te lah chuan an pasalṭha chu chesual thiang lovah an ngai a, Serzawl lam lah chuan an ring ve em em tho si!
Pasalṭha Rala chuan Chhunthanga chet dan chu hmuh hmaih a tum hauh lo, an inveh ta hriau hriau a. Pasalṭha Chhunthanga chuan rang fe a chem han vai pah chuan,
" Keimah Chhunthanga Chawntui mikawl ka ni ngai e, sa leh ralah ka zam ngai love...!" a ti chhuak a.
Pasalṭha Rala a meng bial kawk a, Zawhte hmuh tumin Sapui hmu thut hi a ang ber a, ṭawngna hman a nei ta lo, tute nge tih chian hmasa lova chaltlai taka a ṭawngkhumna rah chu a seng dawn ta. An sira awm hup renga lo ding Thatphunga pawh a meng kawk a, eng tih theih ni miau tawh hek lo! Pasalṭha Chhunthanga chem vai chu Rala chuan lo dangin a tawlh hnung dawrh mai le! Ṭan hmun han siam remin rang fe chuan,
" Pasalṭha Thanpuia asin hmachhawn ka duh ni!" a ti deuh nghat a.
Chhunthanga chu rang fe hian a rawn zuang zui zat a, a kut pahnih chuan chem a hum ta... A milu lak chem a han vai chu le, Rala lo indang ve nen a ṭek sawk hial a...Rala chu a lo indanna lamah chuan a pai khat khat a. A rilru buaina chuan a tiṭhuanawp ta riau mai le! Pasalṭha Chhunthanga inzo fe a han pen sau pawk chuan,
" Pasalṭha Thanpuia hmachhawn tur chuan i nau lutuk!" a ti leh deuh kher a. Chu chhanna chuan a dengna kher ang le. Mahse he mualah hian a ring a rawlh thuk mah mah tawh a ni.
Pasalṭha Rala chuan a thapui a chhuah ve ta, rang fe chuan a chem chu han vai let a, rang tak bawk chuan la letin thiam tak chuan an che ṭan ta! A inzo phian mai nen Chhunthanga tan chuan han beih chu a har ve hle tho mai! An chempui chu a intawng ṭek leh chhak vei ṭhin a. An hmuhnawm hle a ni, Chhunthanga chuan Seipui pasalṭha Rala chu a zawhte sazu chhaih ṭan ta.A duh dan dan chuan a her kual pui thei ta! Zamkunga chuan ring tak hian,
" Chhuna, han dah ṭha thuai teh...!" a rawn tichhuak ve leh ta!
Pasalṭha Chhunthanga chuan an nawr ve leh a, a chungnun zawk zia a lang ṭan ta! A chempui hman thiam ngei mai chu an vai ta tak tak a le, Rala chu a tawlh hawn hawn a, a inveng seng ta lo, a ṭe ṭhat a. A ban dinglam chu a uai ta hnawp mai, chuta ṭang chuan thisen a rawn luang chhuak nghal nguah nguah a.Chutah pasalṭha Chhunthanga chu an ding nghat a, rang fe hian a chem chu an vai leh fua a, pasalṭha Rala lu chu a taksa aṭangin a hrang ta nawlh mai! Tlangval rual hlim lutuk chu an lo haw haw dar dar hlawm a. Silaia an kah hlum bang, la dam mi pathum erawh Bukbawnga naute chuan an lo ṭingmit fel der tawh a. Khaw lam panin an milu lak nen hlim fe in an kir ngei ang le!
......... .......... ..........
Chamtlang lal in lamah thung chuan ropui an rel ṭan a, Thinglian khaw lam va hup dan tur an rel mek a ni. Khati zat tlangval an chan tawh a, ralkai chin an nei tam tawh bik hauh lovang ! Tun hun hi remchangah an lak thiam chuan Thinglian khua hi an chimih thei ngei ang le! Dai lama hmelma te ruang pawh senghawi fel tawhin tlangval rualte pawh chuan khawchhung an rawn lut ve leh tawh a. Tuikhur lamah an liam zut zut mai a, hliam nei te lah enkawl nghal niin an phe suau suau hlawm a.
Lal in chhungah chuan lal Saingura chuan Thinglian lam va nawr dan turah Thanpuia te ho chu an ngaih dan a lo zawt ve mek a. Thanpuia chuan,
" Lalpa, ni e,i fanu sal chhawra an lo chhawr avang ngawt pawh khan hrem tlak an ni ngei a. An tlangvalte chunga thil thleng hi an la hre hauh hian ka ring lo va, thir lin laia den a ṭhat ang hian va bawh hun tak niin ka hria, an lal leh upa te erawh zuah ni se. Tin, hmeichhia leh naupang chungah pawh zah ngai ta ila....!" a ti ta daih mai a.
Lal leh upa chu thu lo hretu te chuan Pasalṭha Thanpuia rilru an hriat chuan an zah sawt mai a. Hmelma chunga chutiang rilru a pu thei chu mak an ti a, an thlir nawn awn awn mai! Pasalṭha Duhmeka chuan an tlangval neihzat te an chhut a, Thinglian lam chu va nuai hneh ngei turin a in ngai a.A ngaih dan a sawi ve ta,
" Aw le, lalpa, hei kan hun ṭha hi thlawhbo tir chi ni hek lo, tukṭhuan bar thuai ila, Serzawl mihrangte ho hian va thawk ila. Tin, khua hi lo venghimtu kan awm a ngai si, pasalṭha Rolala hovin tlangval eng emaw zah hian lo veng se a ṭha a nge! Thinglian khua va barakhaih chu ka chak takzet tawh e " a ti chhuak a. Chu ngaih dan chu an pawm tlang ta a.
Chung an rorel rorum fe fe lo ngaithla ve kartu lalnu leh a fanu chuan duhamna avanga thil thleng an dan theih ni hauh lo chu an lo uipui tuilian thlir ve ngawt dawn chu a ni ta! Mipa, ramvachal, pasalṭha te hming chherna erawh inrun leh indona mualah a ni thung si! Khua in ropuina a chanin pasalṭha te thawhrah a ni a, a hming ṭha erawh Lal an ni thung a. Khawchhunga Pasalṭha an tam zawh poh leh khua a ralmuang a, Lal an ropui ṭhin! Tlangval rual leh pasalṭha te chu damin engzat tak kir ang maw? An za chuan an kir tawh hauh lovang le.
Serh leh sang ang pawh chuan thil kal thei ta hek lo le! Tukṭhuan an bar zawh chuan tlangval rual te chu Lal tualah chuan an ralthuam nen an ding ve leh ta far a. Tunah zawng an ral thahte silai nen an Silai ringawt pawh thlamuanpui tham a ni ta! Aimawia chuan an thlir ṭhin a, a hma ngawt ai chuan ang a ti ve ta deuh a niang, a khi vei suk a. Lal leh upa ten fuihna tinrenga an fuih hnu chuan pasalṭha Duhmeka chuan hma hruaiin Thinglian lam pan tur chuan an chhuak ta nguah nguah a.
Thanpuia erawh rilru nuam chuan a awm thei lo, an khawlam a ngaihtuah hle mai a. A chhan erawh a hre lo hle mai. Chutih rualin han letsan ngawt zawng thil tihmi ni tawh hek lo le! Ramchin hria Thangvela leh Duhmeka chuan hma an hruai a, an khua meivapa chantir tum tute khua meivapa chantir tur chuan an pen sau ta pawk pawk a. Varṭiana Thinglian luh hman ngei an tum a, an kal chak hle mai le!
......... ......... ............
Chi khur a inmal beihna a thlen lai khan zawi zawiin Thatphunga chu a lo che ve hret hret a. Thi tur tho ni a inhria in a ṭhiante an ṭingmit lai chu thlir zawkin Silai chu a chuh ta phut a. Pasalṭha Thanchhinga ber kher chu tinin a kap ta thawr mai le...
( chhunzawm tur)
Ngaihnawm hle mai
ReplyDeleteAwiii......a pawi lutuk,Thanpuia pa thi lul suh aw
ReplyDeleteka khamlo
ReplyDelete