LUNGRENG NGÂW S-4 ...(19)...
LUNGRENG NGÂW...SEASON-4....19....
( PASALṬHA THANPUIA)
M. LUSEI PALIAN
......... ........... ..........
Chutah le, an chawlhna piah chiah lung chungah chuan inzo fe hian pasalṭha tih hriat tak pakhat a rawn per kai ta nalh mai le....! Aimawia leh Thanpuia chuan chik fe hian an lo en a, Chamtlang pasalṭha Thangvela a ni tlat mai! A hnungah tlangval panga laiin an rawn zui bawk a, engtizia chu ni maw! Rang fe chuan hnu hma chu a bih zat a, a hnunga kal tlangval ho hnenah chuan,
" E....hei, an la thleng hla lo tawp ang, ti ru i zui zel ang u!" thupe aw lam rawngkai lek lek chuan a ti a. Hmalam an rawn pan leh ta!
Thanpuia chu rawn ding chhuak nghal zatin Thangvela te chu a lo en a,
" Vela....min rawn zui e lo? Eng tizia nge ni!?" a ngaihna hre lo fe chuan a ti a.
Chamtlang pasalṭha Thangvela chu lawm hmel fe hian Thanpuia rawn pan a rual a,
" Thinglian lam kan tifel e, Pasalṭha Duhmeka te hovin Chamtlang an pan pui mek a, pasalṭha....min pui tute puih let hi kan bat a ni." a ti zui ve zat a. A sawi dik kher mai, ṭhatna in mi a lawm tawh chuan chu mi thungrulh chu pasalṭha tihtur a ni ve reng si!
Aimawia te Pazawna te ho pawh an rawn chhuak ve ta ṭak ṭak a, chutah Pasalṭha Thangvela chuan rang fe hian chaw fun lian fe hi a rawn phawrh zui zat a.
" Hei, tukṭhuan lah inbar ta si lo....inkal chak hle mai a, han bar u la,in duh hunah kal zai kan rel dawn nia!" a ti lehnghal a.
Pasalṭha Thanpuia leh a ṭhiante chu an lawm kher mai! A maherawh chu Ba chhum an lo ei nual tawh avang chuan an ṭam tawh lem lo va, chawchhunah tiin an ak ta zawk a. Aimawia leh Pazawna chuan Pasalṭha Thangvela lo tel ve chu an lo lawm kher mai, lawmthu an lo hrilh luam a, Hranga leh Luaia pawh an hlim tih chu a hriat theih hial a, hmalam hun hriat ni hek lo le! Thanpuia lah chuan a thil hriat a sawi mai bik si lo! Rei chawl tawh lovin hmalam panin an kal ta! Hma hruaitu thangchhuahpa han chet dan chu Sathar kham lawn ang mai hi a ni, a fuh hian a fuh thlap a, a hnung tawlh lo! Pasalṭha Thangvela chu a nui sak a, hma hruaitu chu chak fe in an zui ta!
Aimawia hian chhan sawi tur hre hauh lovin a phur lo hle mai a, an khawlam ngaihtuahna chuan a uai fual hle mai si! Thanpuia khaw chuan lo kir leh hmel kha chik takin alo en a, thil dik lo eng emaw awm in a hria a. A hmel kha a dik zan lo a ni, han zawh chi niin a hre meuh si lova, a thlir ngawt mai a ni. Thanpuia hian an hriat ve hauh loh thil a hre ṭeuh tih zawng a hria, an tana ṭha tura thil a thlen ngei a beisei hram a ni. Chamtlang pasalṭha Thangvela te chungah erawh a lawm hle a, a pasalṭha zia hle chuan a hria a. Thanpuia han kalna chu kalpah chuan an thlir leh ṭhin a, kawng awmsa ni lovah chuan a liam zung zung a ni si a! An kal sawt hle tih zawng chu an hriat tlan chu a ni rih a!
........ ......... ...........
Pasalṭha Chhunthanga, mi bik chu a ding ta chat a, rawn lehhawiin Zamkunga leh tlangvalte chu an melh a,
" Kan pawh ṭep a, in Silai endik ru le!" zawi thawp sat fiah tak chuan a ti a. Chutah Zamkunga chuan,
" Tu man mahni tum ṭheuh hlah loh tur, tin, lal fanu an kawl tih hre reng u la, Thal thlah erawh fimkhur hle tur a ni!" a ti chhuak ve ta!
A ni reng a, ral um satliah zawng ni se, hmanhmawh fe chuan an um ang a an chimih mai bawk ang, mahse Serzawl lal fanu an kawl miau mai si! An lal fanu him takin an hruai kir thei lovang tih hi an hlauh ber a ni. Thawm dim thei ang ber chuan an pan ta!
Ngurṭhuama bula tlangval chuan hnung lam thawm a hre ta tlat mai le, Ngurṭhuama chu rang taka hrilh nghalin rem an han ruat a, Saisih ngaw an thleng ṭep tawh si! Hmanhmawh takin lal fanu chau tawh tak chu a han pu nawlh Saisih ngaw lam an pan a, tlangval pahnih chuan an lo chelh khawtlai dawn a ni. Hriangmual tlangval pahnih te chu an inring ta hle mai!
Pasalṭha Chhunthanga chuan thawm han reh ta dak chu hria in Zamkunga te hnenah chuan thing phen tur zawng vat tur chuan a ti zui zat a. A sawi zo hman hram a ni, an lam hawi chuan chengrang rawl a rawn au ta! Lo che ve reng an nih vang ni maw, Zamkunga bula tlangval pakhat bek chu a sam tel ṭhawtin a rawn hlawi phei a, a ṭe ṭhawt mai! Tlem atlemah Pialral a pan lo chauh a ni, zung khat beng han ni se zawng, a ṭe hauh lovang le! Thingbul an han phen nghal zat a, pasalṭha Chhunthanga chuan rang fe chuan a chhang let nghal a, ani meuh zawngin a tum a ṭhelh lo! Ṭhelh thiang hi a ni lo, Hriangmual val pakhat chu a awp zui ta rawp mai reng a, a bula a ṭhian chuan a silai va la zatin a sawh zui ta! Pasalṭha Chhunthanga te pawh silai an sawh ve leh mek a ni. Chu Hriangmual val chu a huaisen an ti hle mai, a ṭhian chan tawh mahse huaisen takin hmelma te lo dan a tum zel tho a ni.
Pasalṭha Thanchhinga te ho chu khawchhung val rual nen an infin chiah tih chuan hla taka chengrang rawl an hre ta ngat mai! Saisih ngaw lam a ni ngat mai lehnghal a, thil kal dan an rin hriat thei nghal a. Hmanhmawh fe chuan Saisih ngaw lam an pan ta, an thleng har lo tawp ang le! Pasalṭha Hualroan hma a hruai a, thing ban puam tia vel chu an su tliak phei mial mial tawh mai a ni. Hriangmual val rual tam zawk in Saisih an thlen hma a thlen khalh an tum hle zawng a ni.
Hetih mek lai hian Hriangmual pasalṭha leh tlangval te Saisih ngaw ṭan tirah an awm tawh a, hla fe a chengrang rawl an han hriat chuan le...an lal fapa te thawm a ni tawh tih an hrethiam a. An hruaitu Chalbuanga ralhrat tak chuan,
" Chu le...kan lal fapa ten min mamawh hle tawh ang, hmanhmawh zawkin fimkhur tak siin aw..raldan kawn thleng kha tawlh hreh loh tur, raldan kawn an rawn pelh erawh chuan kan Thal a thlawnin kan thlah thiang lo!" ring pawr fe chuan ati a. Chu veleh Hriangmual lam pawh chuan Saisih ngaw chhunglam panin an tlan ta thuai a, tlan pah chuan an silai te chu an endik pah ve bawk a, Saisih ngaw zawng thisen luanna hmunah a chang ngei dawn niin a lang ta! Silai rikna lam chu ṭhuang hnihin an pan ta, apa chhuaka thawk an ni bawk a, an ṭhahnem hle a, thawm pawh an dim hlei thei lo va chha a ni e.
Hetih lai hian pasalṭha Chhunthanga chuan an hmelma tlangval lam mitmei ran chung chuan,
" U Zamkung, khi chu min tikhawtlai tura an ruat a ni ngat mai! Thawm lo chhuah u la, kan dah ṭha a nge!!" a ti chhuak a. Chu chu Zamkunga ngaih dan chiah a ni. Chutah le, amah Zamkunga ngei mai chuan a thing phen lai ata chu rawn tawlh chhuakin rei lo deuh a inlar a, a pil leh ta zuk a, chutiang chiah chuan an ti leh a, chu veleh Silai chu a rawn puak ta thawr mai! Chu thil lo nghak reng tu Pasalṭha Chhunthanga chuan rang fe in ngenmu a thlawhchhuak ve ta nghal zat a. Chu erawh chuan a tum a thelh lo, a luhna tur diktakah a lut ta chawih mai a. Chu veleh rang fe-in an tlanchho ta nghal a, helai an inkahna hmun hi awih pang per ni chiah lo a kara ruam thuk lo te awm hi a ni. Pasalṭha Chhunthanga chuan hma hruai chungin a silai a sawh nghal zat a, Serzawl lal fanu nang hman a, chhanchhuak tur chuan an tlan leh ta puat puat mai le! An thawm chu Ngurṭhuama chuan a hre phak tawh a. An tlangval te lo thleng har a ti tawh hle mai!
Ngurṭhuama te pawh an chau ta, tlangval pathum chiah a nei tawh a, pahnih chauhin Silai an keng tawh si! Hriangmual lal fapa pawh a mangang ṭan ta hle mai! Ngiau kung lian fe bulah chuan an chawl ta, an thaw chu an kaah a leng mang tawh lo hial a, a mitmeng pawh a vai rum rum thei tawh hial a ni. Saipuii rawn lam tumtute an rawn hnai chak hle mai si, tlangval pakhat silai chu a chuh ve ta! Tlangval te hnenah chuan,
" Helai hi kan ramvalh a ni tawh a, rei fe kan dang thei ngei ang, pasalṭha Thanseia te pawh an rawn thleng ṭep ang, theih tawpin lo dang i la, khua in min thimhnan chuan Serzawl lam aiin khan kan hre tawh zawk dawn a, himin khua kan lut tawh ang.!" phurna tlem la chhakchhuak tel chuan a ti a. Lal fanu Saipuii lah amah rawn chhantu tur te an rawn hnai tih a hria a, a lung lian a chhuak thar a, a ke te chuan tlangval ho chu a tlawh ve arh arh a, theih tawp chuan chelh khawtlai a tum hle a ni. Chu chu an hrethiam thuai a, Ngurṭhuama chuan a chem fawng chuan a hnungah na fe in an chhu ta a le, a hnang ta awl awl mai! A ka lah hnawh sak a ni si, a thlan fim a far ta bawrh bawrh a.
Chutah le pasalṭha Chhunthanga fimkhur fe a Silai rawn tin chunga rawn tlan thauh thauh chu an hmu ta, la hla deuh mahse tih khawtlai a ngai si! Ngurṭhuama chuan a silai hum chu, a mamawh loh thingbung ken bik hauh lo.... A tho chuan pawh bih hman ta lo chuan rang fe chuan a tipuak ve ta dur a. Pasalṭha Chhunthanga leh a hnung a Zamkunga te ho chuan thing an phen leh nghal zat a, chutih laiin silai vawikhat a ruak puak leh khang a. Pasalṭha Chhunthanga belh lai thing chu a rawn pawrh nghal tuam a, a teuh ve hle a ni. Chutih lai tak chuan le, pasalṭha Chhunthanga te lam hawi chuan silai thun tling el awl a rawn puak ta dur dur mai le! Hriangmual pasalṭha leh tlangval ten an lal fapa an rawn nang ta niin a lang! Han bih chi a ni tawh lo, ngenmu chuan an phen lai thing a rawn fuh a, a khem hlawk hlawk tawh mai le! Zamkunga te ho ngaihtuahna a buai ṭan ta hle mai.
Pasalṭha Chhunthanga pawh chu au chhuak nghal in,
" U Zam, min tam hneh tlat, min hual beh hma in tawlh hnung r'u, hmanhmawh rawh u!" a ti chhuak a. A lai chu na viau mahse arpa tlan a ngai rih tih chu a hrethiam viau lawi si.. Sepa thinrim ṭan la ṭha leh tura tawlh hnung hi a ang mah zawk a, hmelma te lam melh ran chung chuan a ni pawh a tawlh hnung ve ta!
........ ......... .........
Hetih lai hian pasalṭha Thanpuia chu a ding chat a, Khuavelchhingi aw chuan "ding lamah hmanhmawhin" a rawn ti ta si! A ṭhiante chu han melh zawkin,
" Chaw chhun kan bar ta bawk a, tha thar lantir ang aw...!" Nui lui sang chuan a ti a. Ram lama a ṭhiante puihna a kal an ni bawk a, an kalna chin chu chhui leh dawn pawh ni se an hre tawh kher lovang le! Ding lamah chuan hmanhmawh fe in an liam ta zat a, kawng zal nuam deuh hlir chu an zawh mai chuan an hria a, lo fing ruk awm vel an kal leh chuan an hmalam hla fe ah chuan Silai puak ri an hre ta!
Hma hruaitu Thangchhuahpa Thanpuia chu a ding ta chat mai! Ngaw kar vek a ni si, thinglian fe fe avang chuan thui a hmu thei bik si lo. Chu hun chu ni suk chen vel lai a ni tawh in a hria a. Ni hmu thei hek lo le, a hnunga a ṭhiante pawh chu an rawn ding ve dat a, a ngaihna an hre lo hle hlawm a. Rilru hmanhmawhna erawh chuan a tur ut ut hlawm a, Chengrang rawl an hriatna lam chu an rin pan ta ngawt a. Lo fing hnih vel an kal leh chuan an hnaih tawh hlein an hria a, chutah le a hma aia chiang in Chengrang rawl ri indawt zat an hre ta! An ral hriat dan chuan lehlam chuan an chhawn ve ta rih lo! Chu hmun chu an thleng har tawh kher lovang le...! Fimkhur ṭan a hun tih an hria a, hmalam an pan ta!
Pasalṭha te chuan an Silai an en nawn leh a, an hmalam thawm fiah tur leh puih ngai te pui tur chuan hmalam ah chuan chak fe in an liam ta! Pasalṭha Thanpuia chuan an lal fanu ruk bo a ni tih chu a ṭhiante a hrilh hauh lova, han sawi mai dawn se amah an ringhlel ang tih a hlau bawk si a ni. Hetih lai hian Aimawia te Pazawna te chuan an ṭhiana hian hriatna ṭha tak a nei tih chu an hria a, an ring em em mai a ni. Pasalṭha Thangvela chuan Thanpuia hi a hrechiang a, zing lama a zui nghal lo kha ni theiin a hre ta lo, pasalṭha Duhmeka bula thukhuh deuh a sawiin an um zui ta kha a ni.
Pasalṭha Chhunthanga te hnung tawlh mek chu Hriangmual pasalṭha leh tlangvalte chuan an rawn um zui ta nghal zat a. A ṭhenin an lal fapa te an lo buaipui nghal a. Ngurṭhuama chu rawn huaisen thar leh tawhin ring fe hian,
" Serzawl ho kha chimih vek ang che u, ral lu khai ngeiin Hriangmual i lut ang u. Kan Milu lam lohna pawh a rei ta!" a ti chhuak a.
Pasalṭha Chhunthanga te liam thlakna lam chu an bawh thla ta huk mai le! Pasalṭha Chhunthanga chuan an lam pana hmelma tam fe rawn tawlh thla chu a hmu ta, a zam hauh lo! Hmun khatah awm khawm tawhin thih leh ruam khatah tih thu chu sawichhuak lo mahse a taka tihlan hun a ni ta tih an hrethiam a! Pasalṭha Chhuna chuan silai chu a hum nghet sauh a, chutih lai tak chuan an ding lam sirah chuan mihring thawm a rawn awm ta! Inher vatin a inher rual chiah chuan a Silai pawh a hawina lam chu a tin nghal a, an chhak lam thawm lah a rawn hnai hle tawh si! Zamkunga pawh a mangang ṭan ta hle a, hmelma tam zawk tlukpui tur chuan a rilru a siam ta! An ding lama thawm rawn chhuak chu rawn hnai zelin thawm rawn chhuahtute an rawn lang ta hlawl mai le..!
( chhunzawm tur)
( PASALṬHA THANPUIA)
M. LUSEI PALIAN
......... ........... ..........
Chutah le, an chawlhna piah chiah lung chungah chuan inzo fe hian pasalṭha tih hriat tak pakhat a rawn per kai ta nalh mai le....! Aimawia leh Thanpuia chuan chik fe hian an lo en a, Chamtlang pasalṭha Thangvela a ni tlat mai! A hnungah tlangval panga laiin an rawn zui bawk a, engtizia chu ni maw! Rang fe chuan hnu hma chu a bih zat a, a hnunga kal tlangval ho hnenah chuan,
" E....hei, an la thleng hla lo tawp ang, ti ru i zui zel ang u!" thupe aw lam rawngkai lek lek chuan a ti a. Hmalam an rawn pan leh ta!
Thanpuia chu rawn ding chhuak nghal zatin Thangvela te chu a lo en a,
" Vela....min rawn zui e lo? Eng tizia nge ni!?" a ngaihna hre lo fe chuan a ti a.
Chamtlang pasalṭha Thangvela chu lawm hmel fe hian Thanpuia rawn pan a rual a,
" Thinglian lam kan tifel e, Pasalṭha Duhmeka te hovin Chamtlang an pan pui mek a, pasalṭha....min pui tute puih let hi kan bat a ni." a ti zui ve zat a. A sawi dik kher mai, ṭhatna in mi a lawm tawh chuan chu mi thungrulh chu pasalṭha tihtur a ni ve reng si!
Aimawia te Pazawna te ho pawh an rawn chhuak ve ta ṭak ṭak a, chutah Pasalṭha Thangvela chuan rang fe hian chaw fun lian fe hi a rawn phawrh zui zat a.
" Hei, tukṭhuan lah inbar ta si lo....inkal chak hle mai a, han bar u la,in duh hunah kal zai kan rel dawn nia!" a ti lehnghal a.
Pasalṭha Thanpuia leh a ṭhiante chu an lawm kher mai! A maherawh chu Ba chhum an lo ei nual tawh avang chuan an ṭam tawh lem lo va, chawchhunah tiin an ak ta zawk a. Aimawia leh Pazawna chuan Pasalṭha Thangvela lo tel ve chu an lo lawm kher mai, lawmthu an lo hrilh luam a, Hranga leh Luaia pawh an hlim tih chu a hriat theih hial a, hmalam hun hriat ni hek lo le! Thanpuia lah chuan a thil hriat a sawi mai bik si lo! Rei chawl tawh lovin hmalam panin an kal ta! Hma hruaitu thangchhuahpa han chet dan chu Sathar kham lawn ang mai hi a ni, a fuh hian a fuh thlap a, a hnung tawlh lo! Pasalṭha Thangvela chu a nui sak a, hma hruaitu chu chak fe in an zui ta!
Aimawia hian chhan sawi tur hre hauh lovin a phur lo hle mai a, an khawlam ngaihtuahna chuan a uai fual hle mai si! Thanpuia khaw chuan lo kir leh hmel kha chik takin alo en a, thil dik lo eng emaw awm in a hria a. A hmel kha a dik zan lo a ni, han zawh chi niin a hre meuh si lova, a thlir ngawt mai a ni. Thanpuia hian an hriat ve hauh loh thil a hre ṭeuh tih zawng a hria, an tana ṭha tura thil a thlen ngei a beisei hram a ni. Chamtlang pasalṭha Thangvela te chungah erawh a lawm hle a, a pasalṭha zia hle chuan a hria a. Thanpuia han kalna chu kalpah chuan an thlir leh ṭhin a, kawng awmsa ni lovah chuan a liam zung zung a ni si a! An kal sawt hle tih zawng chu an hriat tlan chu a ni rih a!
........ ......... ...........
Pasalṭha Chhunthanga, mi bik chu a ding ta chat a, rawn lehhawiin Zamkunga leh tlangvalte chu an melh a,
" Kan pawh ṭep a, in Silai endik ru le!" zawi thawp sat fiah tak chuan a ti a. Chutah Zamkunga chuan,
" Tu man mahni tum ṭheuh hlah loh tur, tin, lal fanu an kawl tih hre reng u la, Thal thlah erawh fimkhur hle tur a ni!" a ti chhuak ve ta!
A ni reng a, ral um satliah zawng ni se, hmanhmawh fe chuan an um ang a an chimih mai bawk ang, mahse Serzawl lal fanu an kawl miau mai si! An lal fanu him takin an hruai kir thei lovang tih hi an hlauh ber a ni. Thawm dim thei ang ber chuan an pan ta!
Ngurṭhuama bula tlangval chuan hnung lam thawm a hre ta tlat mai le, Ngurṭhuama chu rang taka hrilh nghalin rem an han ruat a, Saisih ngaw an thleng ṭep tawh si! Hmanhmawh takin lal fanu chau tawh tak chu a han pu nawlh Saisih ngaw lam an pan a, tlangval pahnih chuan an lo chelh khawtlai dawn a ni. Hriangmual tlangval pahnih te chu an inring ta hle mai!
Pasalṭha Chhunthanga chuan thawm han reh ta dak chu hria in Zamkunga te hnenah chuan thing phen tur zawng vat tur chuan a ti zui zat a. A sawi zo hman hram a ni, an lam hawi chuan chengrang rawl a rawn au ta! Lo che ve reng an nih vang ni maw, Zamkunga bula tlangval pakhat bek chu a sam tel ṭhawtin a rawn hlawi phei a, a ṭe ṭhawt mai! Tlem atlemah Pialral a pan lo chauh a ni, zung khat beng han ni se zawng, a ṭe hauh lovang le! Thingbul an han phen nghal zat a, pasalṭha Chhunthanga chuan rang fe chuan a chhang let nghal a, ani meuh zawngin a tum a ṭhelh lo! Ṭhelh thiang hi a ni lo, Hriangmual val pakhat chu a awp zui ta rawp mai reng a, a bula a ṭhian chuan a silai va la zatin a sawh zui ta! Pasalṭha Chhunthanga te pawh silai an sawh ve leh mek a ni. Chu Hriangmual val chu a huaisen an ti hle mai, a ṭhian chan tawh mahse huaisen takin hmelma te lo dan a tum zel tho a ni.
Pasalṭha Thanchhinga te ho chu khawchhung val rual nen an infin chiah tih chuan hla taka chengrang rawl an hre ta ngat mai! Saisih ngaw lam a ni ngat mai lehnghal a, thil kal dan an rin hriat thei nghal a. Hmanhmawh fe chuan Saisih ngaw lam an pan ta, an thleng har lo tawp ang le! Pasalṭha Hualroan hma a hruai a, thing ban puam tia vel chu an su tliak phei mial mial tawh mai a ni. Hriangmual val rual tam zawk in Saisih an thlen hma a thlen khalh an tum hle zawng a ni.
Hetih mek lai hian Hriangmual pasalṭha leh tlangval te Saisih ngaw ṭan tirah an awm tawh a, hla fe a chengrang rawl an han hriat chuan le...an lal fapa te thawm a ni tawh tih an hrethiam a. An hruaitu Chalbuanga ralhrat tak chuan,
" Chu le...kan lal fapa ten min mamawh hle tawh ang, hmanhmawh zawkin fimkhur tak siin aw..raldan kawn thleng kha tawlh hreh loh tur, raldan kawn an rawn pelh erawh chuan kan Thal a thlawnin kan thlah thiang lo!" ring pawr fe chuan ati a. Chu veleh Hriangmual lam pawh chuan Saisih ngaw chhunglam panin an tlan ta thuai a, tlan pah chuan an silai te chu an endik pah ve bawk a, Saisih ngaw zawng thisen luanna hmunah a chang ngei dawn niin a lang ta! Silai rikna lam chu ṭhuang hnihin an pan ta, apa chhuaka thawk an ni bawk a, an ṭhahnem hle a, thawm pawh an dim hlei thei lo va chha a ni e.
Hetih lai hian pasalṭha Chhunthanga chuan an hmelma tlangval lam mitmei ran chung chuan,
" U Zamkung, khi chu min tikhawtlai tura an ruat a ni ngat mai! Thawm lo chhuah u la, kan dah ṭha a nge!!" a ti chhuak a. Chu chu Zamkunga ngaih dan chiah a ni. Chutah le, amah Zamkunga ngei mai chuan a thing phen lai ata chu rawn tawlh chhuakin rei lo deuh a inlar a, a pil leh ta zuk a, chutiang chiah chuan an ti leh a, chu veleh Silai chu a rawn puak ta thawr mai! Chu thil lo nghak reng tu Pasalṭha Chhunthanga chuan rang fe in ngenmu a thlawhchhuak ve ta nghal zat a. Chu erawh chuan a tum a thelh lo, a luhna tur diktakah a lut ta chawih mai a. Chu veleh rang fe-in an tlanchho ta nghal a, helai an inkahna hmun hi awih pang per ni chiah lo a kara ruam thuk lo te awm hi a ni. Pasalṭha Chhunthanga chuan hma hruai chungin a silai a sawh nghal zat a, Serzawl lal fanu nang hman a, chhanchhuak tur chuan an tlan leh ta puat puat mai le! An thawm chu Ngurṭhuama chuan a hre phak tawh a. An tlangval te lo thleng har a ti tawh hle mai!
Ngurṭhuama te pawh an chau ta, tlangval pathum chiah a nei tawh a, pahnih chauhin Silai an keng tawh si! Hriangmual lal fapa pawh a mangang ṭan ta hle mai! Ngiau kung lian fe bulah chuan an chawl ta, an thaw chu an kaah a leng mang tawh lo hial a, a mitmeng pawh a vai rum rum thei tawh hial a ni. Saipuii rawn lam tumtute an rawn hnai chak hle mai si, tlangval pakhat silai chu a chuh ve ta! Tlangval te hnenah chuan,
" Helai hi kan ramvalh a ni tawh a, rei fe kan dang thei ngei ang, pasalṭha Thanseia te pawh an rawn thleng ṭep ang, theih tawpin lo dang i la, khua in min thimhnan chuan Serzawl lam aiin khan kan hre tawh zawk dawn a, himin khua kan lut tawh ang.!" phurna tlem la chhakchhuak tel chuan a ti a. Lal fanu Saipuii lah amah rawn chhantu tur te an rawn hnai tih a hria a, a lung lian a chhuak thar a, a ke te chuan tlangval ho chu a tlawh ve arh arh a, theih tawp chuan chelh khawtlai a tum hle a ni. Chu chu an hrethiam thuai a, Ngurṭhuama chuan a chem fawng chuan a hnungah na fe in an chhu ta a le, a hnang ta awl awl mai! A ka lah hnawh sak a ni si, a thlan fim a far ta bawrh bawrh a.
Chutah le pasalṭha Chhunthanga fimkhur fe a Silai rawn tin chunga rawn tlan thauh thauh chu an hmu ta, la hla deuh mahse tih khawtlai a ngai si! Ngurṭhuama chuan a silai hum chu, a mamawh loh thingbung ken bik hauh lo.... A tho chuan pawh bih hman ta lo chuan rang fe chuan a tipuak ve ta dur a. Pasalṭha Chhunthanga leh a hnung a Zamkunga te ho chuan thing an phen leh nghal zat a, chutih laiin silai vawikhat a ruak puak leh khang a. Pasalṭha Chhunthanga belh lai thing chu a rawn pawrh nghal tuam a, a teuh ve hle a ni. Chutih lai tak chuan le, pasalṭha Chhunthanga te lam hawi chuan silai thun tling el awl a rawn puak ta dur dur mai le! Hriangmual pasalṭha leh tlangval ten an lal fapa an rawn nang ta niin a lang! Han bih chi a ni tawh lo, ngenmu chuan an phen lai thing a rawn fuh a, a khem hlawk hlawk tawh mai le! Zamkunga te ho ngaihtuahna a buai ṭan ta hle mai.
Pasalṭha Chhunthanga pawh chu au chhuak nghal in,
" U Zam, min tam hneh tlat, min hual beh hma in tawlh hnung r'u, hmanhmawh rawh u!" a ti chhuak a. A lai chu na viau mahse arpa tlan a ngai rih tih chu a hrethiam viau lawi si.. Sepa thinrim ṭan la ṭha leh tura tawlh hnung hi a ang mah zawk a, hmelma te lam melh ran chung chuan a ni pawh a tawlh hnung ve ta!
........ ......... .........
Hetih lai hian pasalṭha Thanpuia chu a ding chat a, Khuavelchhingi aw chuan "ding lamah hmanhmawhin" a rawn ti ta si! A ṭhiante chu han melh zawkin,
" Chaw chhun kan bar ta bawk a, tha thar lantir ang aw...!" Nui lui sang chuan a ti a. Ram lama a ṭhiante puihna a kal an ni bawk a, an kalna chin chu chhui leh dawn pawh ni se an hre tawh kher lovang le! Ding lamah chuan hmanhmawh fe in an liam ta zat a, kawng zal nuam deuh hlir chu an zawh mai chuan an hria a, lo fing ruk awm vel an kal leh chuan an hmalam hla fe ah chuan Silai puak ri an hre ta!
Hma hruaitu Thangchhuahpa Thanpuia chu a ding ta chat mai! Ngaw kar vek a ni si, thinglian fe fe avang chuan thui a hmu thei bik si lo. Chu hun chu ni suk chen vel lai a ni tawh in a hria a. Ni hmu thei hek lo le, a hnunga a ṭhiante pawh chu an rawn ding ve dat a, a ngaihna an hre lo hle hlawm a. Rilru hmanhmawhna erawh chuan a tur ut ut hlawm a, Chengrang rawl an hriatna lam chu an rin pan ta ngawt a. Lo fing hnih vel an kal leh chuan an hnaih tawh hlein an hria a, chutah le a hma aia chiang in Chengrang rawl ri indawt zat an hre ta! An ral hriat dan chuan lehlam chuan an chhawn ve ta rih lo! Chu hmun chu an thleng har tawh kher lovang le...! Fimkhur ṭan a hun tih an hria a, hmalam an pan ta!
Pasalṭha te chuan an Silai an en nawn leh a, an hmalam thawm fiah tur leh puih ngai te pui tur chuan hmalam ah chuan chak fe in an liam ta! Pasalṭha Thanpuia chuan an lal fanu ruk bo a ni tih chu a ṭhiante a hrilh hauh lova, han sawi mai dawn se amah an ringhlel ang tih a hlau bawk si a ni. Hetih lai hian Aimawia te Pazawna te chuan an ṭhiana hian hriatna ṭha tak a nei tih chu an hria a, an ring em em mai a ni. Pasalṭha Thangvela chuan Thanpuia hi a hrechiang a, zing lama a zui nghal lo kha ni theiin a hre ta lo, pasalṭha Duhmeka bula thukhuh deuh a sawiin an um zui ta kha a ni.
Pasalṭha Chhunthanga te hnung tawlh mek chu Hriangmual pasalṭha leh tlangvalte chuan an rawn um zui ta nghal zat a. A ṭhenin an lal fapa te an lo buaipui nghal a. Ngurṭhuama chu rawn huaisen thar leh tawhin ring fe hian,
" Serzawl ho kha chimih vek ang che u, ral lu khai ngeiin Hriangmual i lut ang u. Kan Milu lam lohna pawh a rei ta!" a ti chhuak a.
Pasalṭha Chhunthanga te liam thlakna lam chu an bawh thla ta huk mai le! Pasalṭha Chhunthanga chuan an lam pana hmelma tam fe rawn tawlh thla chu a hmu ta, a zam hauh lo! Hmun khatah awm khawm tawhin thih leh ruam khatah tih thu chu sawichhuak lo mahse a taka tihlan hun a ni ta tih an hrethiam a! Pasalṭha Chhuna chuan silai chu a hum nghet sauh a, chutih lai tak chuan an ding lam sirah chuan mihring thawm a rawn awm ta! Inher vatin a inher rual chiah chuan a Silai pawh a hawina lam chu a tin nghal a, an chhak lam thawm lah a rawn hnai hle tawh si! Zamkunga pawh a mangang ṭan ta hle a, hmelma tam zawk tlukpui tur chuan a rilru a siam ta! An ding lama thawm rawn chhuak chu rawn hnai zelin thawm rawn chhuahtute an rawn lang ta hlawl mai le..!
( chhunzawm tur)
Chhiar zawm nghal a chakawm kher mai
ReplyDeleteawi laklawh eeeeka khamlo
ReplyDelete