LUNGRENG NGÂW.S2...(8).
LUNGRENG NGÂW.....S-2.....8....
(PASALṬHA THANPUIA)
( M.Lusei Palian)
........... ........ .............
Lenglen hunah chuan Upa Tuaka leh Pasalṭha Chhuna te chu Lal in ah an han chuangkai leh ta a. An tlangval te erawh chu tho lo fe hian Zawlbuk an pan ta a.An huphurh hle ta ve ang chu...
Lalbula leh a khawnbawl te, pasalṭha hote an lo kim tawh ngang mai! An lo ṭhu bial laih tawh a, tlai lamah khan rel ngai zual pui chu an lo rel fel tawh a ni. Lalvura Chawntui Lal hian Serzawl tlangvalte hi pawih ral do puiah hian a duh takzet a, tunah pawh hian a upa min a rin ber Upa Tuaka hi a tir ta reng a ni. Serzawl lam pawh an fimkhur viau, an tan thang chi khat a ni ang tih an hlau ru ve tho chu a ni.Ruahmanna pawh an siam hlei thei lo achha a ni. Chutih rual chuan Chawntui lam Silai fung eng emaw zat an man sak bawk si, khawnbawl ṭhenkhatin eng emaw zah hum haw tir duhtawk lah bo lo, an buai an buai ve tho kha a ni. Pawih ral erawh do ngei chu a ṭha an ti tlang a, Sailo Lal tlang ṭhut ṭhenkhat an mangan viau laia do ngam miah lova lo sepui ruah tuar ngawt mai chu an duh bik hauh lo.Tin, an Lusei pui te hnam dang zawkin an run lai a, lo in kuangkuah san chu a tum hauh lo, Chawntui lam fin kher lovin a hranpa tih dan awm se tih chu an thu tlukna a ni a. Amah erawh chu an thuruk erawh a kal tur pasalṭha te chauh hriat ni se, tin, pawih ral lian do hian tlangval zawng zawng kal lovin eng emaw zatin khua hi lo veng ve bawk se tih te chu an thu han rolum dan chu a ni.
Lalbula chuan Upa Tuaka leh Chhunthanga chu an melh vang vang a, chutah upa Tuaka chu a rawn ṭawng chhuak ta a,
" Lalpa, hei keini khaw lam kan mangang takzet a, tlai lamah khan kal chauh hah ve deuh nen, kan sawi inkahpup chaw zut kha a ni a. Tin, chu lo rengah thuhnih kenga rawn kal kan ni vei rawl nen, kan Lal Lalvura chuan ngaihdam dila thupha rawn chawi turin min tir a ni a, kan tlangvalte an dik loh aleiah tlangval tam tak kan chan ta si! Kan Lal Lalvura chuan pawi a ti takzet a ni. Tunah pawh hian kan silai tlanna tur se nufa tlem azawng kan rawn kai chu a ni a, Silai fung khat tlanna pawh Sailo Lal fanu man zah lai a ni vei rawl nen, a vai phei chuan kan tlan thei dawn hauh lo a ni. Kan rawn kal pui ang ang hi a tlan theih chhun chu min pawmsak mai a niang chu...! ( an hawi kual leh te te a, chutah an hma belpui chu Lalbula chuan a lo hui zeuh nen, tukhum sai ngar ngar in an dawt leh ta te te a, an sawm leh a)
Tin, kan chhak pawih ral lo lian khi min dopui thei ula kan duh takzet a, Chawntui min do hneh chuan a lehpek tur chu in khua a ni mai dawn si! Thupha rawn chawia inremna thu sawi pahin zah fakah lu em a chhum nang tih changchawiin pawih ral do pui ah kan rawn ngen pah che u a ni.Pawih ral hi do zo ila, muan chi ni hek suh, inremna saui tan ila kan Lal chuan a duh takzet a ni!"
Lal thu sukthlek dan tur ngaihtuaha melh ran pahin an ti a.
Lalbula chuan vaibel pak talh talh pah chuan a upa te an melh kual a, chutah a rawn ṭawngchhuak ve leh ta a,
" Hmmmnnn.....thu hnih i rawn keng chu a ni si a, thu han tihthluk rum rum a har hle reng a ni, ( an ti charh charh a,haizangno a zupui thlum ṭha tak chu an lem leh khalh a,) chi khur chungchangah hi chuan rilru zau tak kan pu a, in tlangvalten min han rawn se, keinin tlem kan lo sawk anga, a ram neitu nih manah chu chu a ni mai tur, khawdang tih dan tho a ni ṭhin a, a kang mai ange tih lah ni hlei lo, lungrualin kan tlan mai tur lah ni! Inrem leh lungrual taka khawsak chu keini lam tak pawh hian kan duh a, in tlangvalte kan suat thu hlaah khan in lung a dam lawk lovang tih erawh kan hria a, pawih ral erawh kan pasalṭha ten do ngei ṭha an ti a. Lusei te min zuam em lah taka, lentlang han liamin Ṭiau ral thleng han um tak hi a nia ka nap ni!Zing fimah ka pasalṭha te an inrawn tlang ang a, an la rawn dopui mawlh ang che u. Ni e, Silai chungchangah erawh, chhaka pawih do tur kan ni a, in sial rawn kaih ten tlin lo mahse fung sawm hi hawn ang che u, Lusei leh Lusei inkarah zawng a thlap thlap a thil tih a ngai love! Remthu sawina ah ngai nang che u..!"
Lalbula thu han tihthluk dan chuan Chawntui lam ava tihlim ngai em! Upa Tuaka meuh pawh a hnuk a ulh lo chauh a ni. Silai hi fung thum/ fung li bak an hawn theih an inring lo hial kha a ni a. Mangan rikrum thil ah pawh Sailo Lal te rilru ṭhat zia chu an hrechiang ta hle mai! Tin, a ṭul huna Lusei Lalte inthurual hreh lohzia a takin an hmu ta ngei a ni.
Pasalṭha Chhuna chuan, " Lalpa, i rilru ṭhat zia leh i thu thlukna han fin ṭhin zia hi kan hrereng tawh dawn a nih hi! I lakah hian mikhual ang hian ka inngai ta hauh lo, i khua leh tui ni ah riak ka inngai ta.Kan Lal chu i chungah hian a lawm ngawt ang, ngal fimin dam ang che...!" An ti thupui vei hluk a.
Upa Tuaka meuh pawh chuan an lawmzia chu hahipin a sawi a, Lal in chhung thawm pawh a ṭha ham ham hle a ni.
Lal fanu Saipuii chuan a pa te thu chu a lo ngaithla ve kar mai a, Pawih ral do chuan Thanpuia a kal ve angem le? Kal ve ta se a vanduaiah a han ṭang mai angem le? A rilru chu ava hah teh lul em! Mihrangte hi zawng hun harsa leh hun khirh te hi dai an chak emaw tih mai tur a ni si a. A harsat poh leh tih an chak ting mai si ṭhin. A pa hian a tlangvalte leh pasalṭha zawng zawng chu pawih ral do hian a tir dawn lova, kal ve lo khaw vengtuah Thanpuia hi awm hram se ava duh em! Mahse hmeichhe han inrawlh ve na chi a ni si lo. A thinlung chhungril ber thleng chu buai nuai hian a hria a, a ni reng a ni, pawih ral do hian tute pawh kal ta se engtik ah nge an lokir leh ang tih hi hriat phak a ni tlat lo a ni. Tin, han do hneh in hlawhtling takin lo haw se, Chawntui lam hian phuba lak tumin an lo lambun leh mai a ngem le? Hmeichhe thudawn takin engkim hi a dawn lo thei lo a ni, hmeichhia ah pawh a nu tuai te chauh a la ni si!
........... ............ ..............
An zinga upa ber Zamkunga chu bukah an mut tir a, 'i ṭhut ve reng chuan titi na i dal e' an han ti kha a nia, Sarep rim te lah chu a tui vung vung tawh viau mai a, Sakhi Sanghal leh Sazuk sa an han rep meuh chu mawngvawmba ang mai hi an ni a, mei an chhawm reng mai chu a ni. An sarepte lah chu a far alh leh pup ṭhin a. Thanpuia te ho zet zawng an la hlim viau mai a. Aimawia hian thu a lo thiam in sawi tur lah chu a hre hrep mai alo ni!
Zanlai ar khuan hun vel a ni ta, ram neitu te an han che ta tak tak a, an piah mual lamah chuan ramhuai lo vat ho lah chuan thing an kit thlu leh chuah chuah ṭhin a! A chang leh khuang nen an ri leh chiam ṭhin a, chung thawm zan rei thla ral lam rawn eng reih raih karah chuan a pawlh mawitu ni awm tak hian Tuitu an hram vei rawl nen, dawihzep pa tan chuan bak lenga tlanchhiatna tham a ni mai reng a. A khat tawk lah chuan chung rammi ho chu an in au ve lauh lauh a, an thusawi erawh hriat theih a ni hauh si lo, an han leh chiam vei ṭhin nen a khawhar thlak loh takzet a ni. An chhak lawka an sakah rawn chhim ve tu lah chu a ri leh bup bup mai ṭhin a, a chang leh neltlang lian fe fe te hi an buk bul velah chuan a rawn thlawk leh fur mai ṭhin a! Rodawla chu tel ngat se zawng bak leng hian a tlanchhe chiam ngei ang le....!
Pazawna chuan mei han chhawm mawlh mawlh pah chuan, " Thana, an vat zau tawh viau ang a, hmun hrang hrangah an bung ni maw an in au ve vei zut a...!" Nui sang chuan an ti a.
Aimawia pawh mittui tlaphungin mei a lo chhawm zo ve chiah a,
" Eh...Zawna... an khuang kha i han dil ang hmiang, a ring ṭha phian mai ka ti!" A....an ni ho hi a thu hrimah an va vat tlai ve le. Keinin chappui kan rawh ṭep tawh si a" tiin a lo chhan khalh a. An nui hak hlawm a.
Zamkunga khan thawm a tam dawn tih kha a hrilh lawk thlap kha a ni, A ni lah chu bukah a hnar bur bur mai chu a nia. A naute hi a ringtawk em a ni. Chung tlangval pathum te chuan an sakah ruh te chu dawhkilhah tiin an han suih mam hlawm vel kha a ni a, zan arei telh telh a, an uluk telh telh mai chu a ni.
Thanpuia chuan, " Ni e, an ni ho hi an tuk tlai hle mai, an kangvar ve har dawn lah ni a! Kan chhaka pasalṭha zawk khi min ṭinsan har riau mai ka ti, vawiin lama sanghal mantu kha a hran a ni ngat ang, chuti ni lo se khi chen khi a awm tawh hauh hian ka ring lo nia!" an tih takah chuan Aimawia leh Pazawna chuan ni thei in a hre ve ta. Chutiang zawnga an lo ngai lo chu mak an ti hle zawk a, Thanpuian lo chik lo se zawng ngaihtuah nachang pawh an hre hauh lovang le!
Hunbi a kal ve zel a, khawvar lam hnaih khuan hmasa hun velah chuan an chheh vel thawm pawh a reh ve ṭan ta! An chhak lawka ram lam pasalṭha pawh a kiang tawh a. An hriat hauh loh hian a lo veng ve reng zawk a lo ni. Sarep ur paha an bawmrang tah pawh an zo tawh a, an hotupa Zamkunga hriat loh hian an lo tah zo diam tawh a ni.An sarep pawh an ur hneh ta viau a, an hem hmin sek a, Sakhi chek lah an ngah si, an han tilum a, an hawp leh khalh ṭhin. Zing tukṭhuana hmeh turin Sanghal tuang chhah lai an han chhum so tak tak mai chu, a rim a tui ham ham hle a ni. Khawvar a hnai takzet tawh tih an hria a, in mut chhawk an tum zet kha a ni a, an titi a tui aleiah leh an khawhar lova leiah zante chu tawi tuk hian an hre nghe nghe a. Tlangval tan zan khat han men mai mai te zawng eng he hu ah an ngai lo em a ni.Thanpuia chuan,
"kan vak kual lawk a nge, " tih leh kal a rual a, a inthiar tur ah riak an ngai a, mahse a ni erawh chuan vahrit man a tum a ni ngat mai a. Zan lamah an kaina an lo hre ru bawk a, rei lote hnuah chuan vahrit pa chu arawn pawm phei zui nghal a. Mak ti fe chuan a ṭhiante chuan an lo thlir a, tu tan ni maw?
Kawl en hma deuh chuan Zamkunga chu a rawn harh ta a, buk tual a rawn chhuah chuan bawmrang pali lai an hmu chu a kiai suk a, heng tlangvalte bula tal hi a thlamuanthlak a ti hle a, la ramchhuah pui fo tlak hlawm hle in a hria a ni. Chutah Vahrit pa a nung lai ngei lehnghal an hmuh chuan mak a ti hle a, Thanpuia lah chuan a awt tur alo tah vei nen, tu tan tak chu ni maw!
" E khai..tukṭhuan in lo peih der tawh e lo!? A va tihzia ve, ni tlang san hma in kal kan siam thei ang chu....!" Zamkunga chuan an ti a.
" E...Pa Zam, kan lo bengchheng deuh elo!" Thanpuia chuan an ti a.
" Bengchheng lah love, kawl a eng ṭep ang, zing tukṭhuan bar hma in bawmrang kan tah ang ka ti kha a nia, kha in lo zo diam tawh mai si..." hawi vual vual pah chuan an ti a. A sam te chu an zial ṭha a.
Khawvar hnu chuan an sarep te chu bawmrangah an han rem ta a, bawmrang mawng phahah hnahthial ngat hmangin an beng ta hlawm a. Bawmrang pali chu a khat hle hlawm a, an rit hlawm hle ang chu..! Ni chhuah hnu fe ah chuan tukṭhuan an han kil ta a, sanghal tuang chhah chu an keih mawm leh ta hmak hmak hlawm a. Mauthei ngei mai chuan a tui mawm hmarh mai chu hmui mawm hmak hian an han tleng thlak tir zet zawng ṭawng nachang hria lah va awm suh! Zo buh hmui hiam mai chu kuttum tia tia hian an ka ah an han hnawh lut tawn a, sakhi chek ten an han thual thul, chung hunlai chuan chung aia hmeh ṭha chu lusei fa te ah awm bik hek lo le! Laipawng tlum kuk hian an ei mai reng a ni.
Tukṭhuan bar hnu chuan rei lo deuh han ṭhu chawlin vaibel te an han zu leh te te a, Zamkunga chuan,
" Zawiin kal i rel ila, kawng lakah sa kan hmuh pawn kan silai a rawn liak de de a nih loh chuan tuman thal thlah tawh lo'ng u, kan rit dawn e mai!" an ti vei hluk a. Thanpuia te ho chu nui tat tat pah hian an lo bu nghat a, Aimawia nen an han ding chhuak rual lutuk chu an han inbuan leh rih a...Pazawna lah a lo phur...
" Chhei le....ka chuam leh ka chuam, han innuai teh u... khai le...tunah...!" A lo ti chul a.
" Khual buanin aw....tunah...!" An han ti vel a, an inkan chhawk zat zat mai!
Zamkunga lah chuan nui hui hian hahni daiduk hian an lo thlir a, rei lo deuh hnu chuan kal an han siam ta a. Rit phur e ti lo chuan Aimawia chuan fiamthu ala thawh vei zut zut a.
" Zawna, vahrit hi tu tan tak niang maw..i thlir zui ngat ang aw...!? " ala ti sauh sauh a.
" U Aimawi, kan thlir zui anga, kan chian bawk dawn nia, a tu chuan nge ni lo chah reng reng ni!" Pazawnan an tih pawh chuan Thanpuia chu a ngawi tlat mai si a.
Chhirbi mual aṭang chuan khaw lam chu an hnaih hret hret a, kawng zal nuam chin an han kal chu an kal thei ta phian mai! Rit viau mahse chawl sek ta lo chu khua an hnaih tawh hle a ni. Khua an thleng har hauh lovang le...!
.......... ............... ..............
Zing varṭianah chuan Upa Tuaka leh Pasalṭha Chhuna leh tlangval ho chuan Chawntui lam chu an Silai fung Sawm chuang zet nen chuan an pan ta a. An khaw lam ngaihtuahna a na tawh bawk a, an kal chak hle mai a, kawng lakah pawh riak tawh lova kal ngat ngat tum kha an ni. Serzawl lam pawh Fehrehsan velah an rawn chhuah ve mai an ring kha a ni. An rinai takin Serzawl Lal chu an chungah a lo ṭha a, an lawm takzet a ni. An thang bo hlan hian pawih ral an rawn hnai viau tawhin an ring a, khaw lamah silai an kawl tlem ngang mai si a, khaw lam ngaihtuah a na tawh em a ni. Pasalṭha Chhuna chuan Pawih ral do turin Thanpuia kha han telve se a duh hle a, mahse an hmanhmawh ata langin an in pawh a zawng chhuak hman ta lo kha a ni,pawi a ti hle nghe nghe a. Pawih ral chu tawm tawka ṭiau lui chhak thleng rawk han um a duh hle a ni.
......... ........... .........
Serzawl lal Lalbula tualah chuan tlangval rual chu an ding hmur mai a. Pawih ral len thu tlang kam aṭangin an lo hre tawh a, zing lama khual lokalin Khawng khua pawih in an run thu leh nunau pawh an zuah loh thu an lo hre tawh vei nen, pawih ral chu han nawr tawm tawk an duh hle a ni. Khaw ralmuan nana thingserh sat ngam zam ngai lo Lusei tlangval chu an han ding ṭhap mai a. Pasalṭha Zalianan thu a han sawi dawn lai tak chuan kawtchhuahah hlado han chham vang vang thawm an hre ta a....
( Chhunzawm tur)
( Hei, he thawnthu hi youtube lamah( Buannel Ramdai Tlan hlua khiangte) kan han dah dawn a, han en fel te an ngai a, chuvangin kan chawl lawk dawn a. Nizan lamah duh kan thlan tir ngawt che u a, ka inthiam lo hle mai. Min hrethiam hram a niang chu... Rei ka chawl lo turah ngai ang, ka lo kir vat ang.
Chuan, he thawnthu hi youtube lama lo ngaithla ṭheuh turin ka sawm ngawih ngawih a che u. Lo dam ula, lo in enkawl ṭha ula, sei tawk tawkin ka lo kir leh thuai ang..)
(PASALṬHA THANPUIA)
( M.Lusei Palian)
........... ........ .............
Lenglen hunah chuan Upa Tuaka leh Pasalṭha Chhuna te chu Lal in ah an han chuangkai leh ta a. An tlangval te erawh chu tho lo fe hian Zawlbuk an pan ta a.An huphurh hle ta ve ang chu...
Lalbula leh a khawnbawl te, pasalṭha hote an lo kim tawh ngang mai! An lo ṭhu bial laih tawh a, tlai lamah khan rel ngai zual pui chu an lo rel fel tawh a ni. Lalvura Chawntui Lal hian Serzawl tlangvalte hi pawih ral do puiah hian a duh takzet a, tunah pawh hian a upa min a rin ber Upa Tuaka hi a tir ta reng a ni. Serzawl lam pawh an fimkhur viau, an tan thang chi khat a ni ang tih an hlau ru ve tho chu a ni.Ruahmanna pawh an siam hlei thei lo achha a ni. Chutih rual chuan Chawntui lam Silai fung eng emaw zat an man sak bawk si, khawnbawl ṭhenkhatin eng emaw zah hum haw tir duhtawk lah bo lo, an buai an buai ve tho kha a ni. Pawih ral erawh do ngei chu a ṭha an ti tlang a, Sailo Lal tlang ṭhut ṭhenkhat an mangan viau laia do ngam miah lova lo sepui ruah tuar ngawt mai chu an duh bik hauh lo.Tin, an Lusei pui te hnam dang zawkin an run lai a, lo in kuangkuah san chu a tum hauh lo, Chawntui lam fin kher lovin a hranpa tih dan awm se tih chu an thu tlukna a ni a. Amah erawh chu an thuruk erawh a kal tur pasalṭha te chauh hriat ni se, tin, pawih ral lian do hian tlangval zawng zawng kal lovin eng emaw zatin khua hi lo veng ve bawk se tih te chu an thu han rolum dan chu a ni.
Lalbula chuan Upa Tuaka leh Chhunthanga chu an melh vang vang a, chutah upa Tuaka chu a rawn ṭawng chhuak ta a,
" Lalpa, hei keini khaw lam kan mangang takzet a, tlai lamah khan kal chauh hah ve deuh nen, kan sawi inkahpup chaw zut kha a ni a. Tin, chu lo rengah thuhnih kenga rawn kal kan ni vei rawl nen, kan Lal Lalvura chuan ngaihdam dila thupha rawn chawi turin min tir a ni a, kan tlangvalte an dik loh aleiah tlangval tam tak kan chan ta si! Kan Lal Lalvura chuan pawi a ti takzet a ni. Tunah pawh hian kan silai tlanna tur se nufa tlem azawng kan rawn kai chu a ni a, Silai fung khat tlanna pawh Sailo Lal fanu man zah lai a ni vei rawl nen, a vai phei chuan kan tlan thei dawn hauh lo a ni. Kan rawn kal pui ang ang hi a tlan theih chhun chu min pawmsak mai a niang chu...! ( an hawi kual leh te te a, chutah an hma belpui chu Lalbula chuan a lo hui zeuh nen, tukhum sai ngar ngar in an dawt leh ta te te a, an sawm leh a)
Tin, kan chhak pawih ral lo lian khi min dopui thei ula kan duh takzet a, Chawntui min do hneh chuan a lehpek tur chu in khua a ni mai dawn si! Thupha rawn chawia inremna thu sawi pahin zah fakah lu em a chhum nang tih changchawiin pawih ral do pui ah kan rawn ngen pah che u a ni.Pawih ral hi do zo ila, muan chi ni hek suh, inremna saui tan ila kan Lal chuan a duh takzet a ni!"
Lal thu sukthlek dan tur ngaihtuaha melh ran pahin an ti a.
Lalbula chuan vaibel pak talh talh pah chuan a upa te an melh kual a, chutah a rawn ṭawngchhuak ve leh ta a,
" Hmmmnnn.....thu hnih i rawn keng chu a ni si a, thu han tihthluk rum rum a har hle reng a ni, ( an ti charh charh a,haizangno a zupui thlum ṭha tak chu an lem leh khalh a,) chi khur chungchangah hi chuan rilru zau tak kan pu a, in tlangvalten min han rawn se, keinin tlem kan lo sawk anga, a ram neitu nih manah chu chu a ni mai tur, khawdang tih dan tho a ni ṭhin a, a kang mai ange tih lah ni hlei lo, lungrualin kan tlan mai tur lah ni! Inrem leh lungrual taka khawsak chu keini lam tak pawh hian kan duh a, in tlangvalte kan suat thu hlaah khan in lung a dam lawk lovang tih erawh kan hria a, pawih ral erawh kan pasalṭha ten do ngei ṭha an ti a. Lusei te min zuam em lah taka, lentlang han liamin Ṭiau ral thleng han um tak hi a nia ka nap ni!Zing fimah ka pasalṭha te an inrawn tlang ang a, an la rawn dopui mawlh ang che u. Ni e, Silai chungchangah erawh, chhaka pawih do tur kan ni a, in sial rawn kaih ten tlin lo mahse fung sawm hi hawn ang che u, Lusei leh Lusei inkarah zawng a thlap thlap a thil tih a ngai love! Remthu sawina ah ngai nang che u..!"
Lalbula thu han tihthluk dan chuan Chawntui lam ava tihlim ngai em! Upa Tuaka meuh pawh a hnuk a ulh lo chauh a ni. Silai hi fung thum/ fung li bak an hawn theih an inring lo hial kha a ni a. Mangan rikrum thil ah pawh Sailo Lal te rilru ṭhat zia chu an hrechiang ta hle mai! Tin, a ṭul huna Lusei Lalte inthurual hreh lohzia a takin an hmu ta ngei a ni.
Pasalṭha Chhuna chuan, " Lalpa, i rilru ṭhat zia leh i thu thlukna han fin ṭhin zia hi kan hrereng tawh dawn a nih hi! I lakah hian mikhual ang hian ka inngai ta hauh lo, i khua leh tui ni ah riak ka inngai ta.Kan Lal chu i chungah hian a lawm ngawt ang, ngal fimin dam ang che...!" An ti thupui vei hluk a.
Upa Tuaka meuh pawh chuan an lawmzia chu hahipin a sawi a, Lal in chhung thawm pawh a ṭha ham ham hle a ni.
Lal fanu Saipuii chuan a pa te thu chu a lo ngaithla ve kar mai a, Pawih ral do chuan Thanpuia a kal ve angem le? Kal ve ta se a vanduaiah a han ṭang mai angem le? A rilru chu ava hah teh lul em! Mihrangte hi zawng hun harsa leh hun khirh te hi dai an chak emaw tih mai tur a ni si a. A harsat poh leh tih an chak ting mai si ṭhin. A pa hian a tlangvalte leh pasalṭha zawng zawng chu pawih ral do hian a tir dawn lova, kal ve lo khaw vengtuah Thanpuia hi awm hram se ava duh em! Mahse hmeichhe han inrawlh ve na chi a ni si lo. A thinlung chhungril ber thleng chu buai nuai hian a hria a, a ni reng a ni, pawih ral do hian tute pawh kal ta se engtik ah nge an lokir leh ang tih hi hriat phak a ni tlat lo a ni. Tin, han do hneh in hlawhtling takin lo haw se, Chawntui lam hian phuba lak tumin an lo lambun leh mai a ngem le? Hmeichhe thudawn takin engkim hi a dawn lo thei lo a ni, hmeichhia ah pawh a nu tuai te chauh a la ni si!
........... ............ ..............
An zinga upa ber Zamkunga chu bukah an mut tir a, 'i ṭhut ve reng chuan titi na i dal e' an han ti kha a nia, Sarep rim te lah chu a tui vung vung tawh viau mai a, Sakhi Sanghal leh Sazuk sa an han rep meuh chu mawngvawmba ang mai hi an ni a, mei an chhawm reng mai chu a ni. An sarepte lah chu a far alh leh pup ṭhin a. Thanpuia te ho zet zawng an la hlim viau mai a. Aimawia hian thu a lo thiam in sawi tur lah chu a hre hrep mai alo ni!
Zanlai ar khuan hun vel a ni ta, ram neitu te an han che ta tak tak a, an piah mual lamah chuan ramhuai lo vat ho lah chuan thing an kit thlu leh chuah chuah ṭhin a! A chang leh khuang nen an ri leh chiam ṭhin a, chung thawm zan rei thla ral lam rawn eng reih raih karah chuan a pawlh mawitu ni awm tak hian Tuitu an hram vei rawl nen, dawihzep pa tan chuan bak lenga tlanchhiatna tham a ni mai reng a. A khat tawk lah chuan chung rammi ho chu an in au ve lauh lauh a, an thusawi erawh hriat theih a ni hauh si lo, an han leh chiam vei ṭhin nen a khawhar thlak loh takzet a ni. An chhak lawka an sakah rawn chhim ve tu lah chu a ri leh bup bup mai ṭhin a, a chang leh neltlang lian fe fe te hi an buk bul velah chuan a rawn thlawk leh fur mai ṭhin a! Rodawla chu tel ngat se zawng bak leng hian a tlanchhe chiam ngei ang le....!
Pazawna chuan mei han chhawm mawlh mawlh pah chuan, " Thana, an vat zau tawh viau ang a, hmun hrang hrangah an bung ni maw an in au ve vei zut a...!" Nui sang chuan an ti a.
Aimawia pawh mittui tlaphungin mei a lo chhawm zo ve chiah a,
" Eh...Zawna... an khuang kha i han dil ang hmiang, a ring ṭha phian mai ka ti!" A....an ni ho hi a thu hrimah an va vat tlai ve le. Keinin chappui kan rawh ṭep tawh si a" tiin a lo chhan khalh a. An nui hak hlawm a.
Zamkunga khan thawm a tam dawn tih kha a hrilh lawk thlap kha a ni, A ni lah chu bukah a hnar bur bur mai chu a nia. A naute hi a ringtawk em a ni. Chung tlangval pathum te chuan an sakah ruh te chu dawhkilhah tiin an han suih mam hlawm vel kha a ni a, zan arei telh telh a, an uluk telh telh mai chu a ni.
Thanpuia chuan, " Ni e, an ni ho hi an tuk tlai hle mai, an kangvar ve har dawn lah ni a! Kan chhaka pasalṭha zawk khi min ṭinsan har riau mai ka ti, vawiin lama sanghal mantu kha a hran a ni ngat ang, chuti ni lo se khi chen khi a awm tawh hauh hian ka ring lo nia!" an tih takah chuan Aimawia leh Pazawna chuan ni thei in a hre ve ta. Chutiang zawnga an lo ngai lo chu mak an ti hle zawk a, Thanpuian lo chik lo se zawng ngaihtuah nachang pawh an hre hauh lovang le!
Hunbi a kal ve zel a, khawvar lam hnaih khuan hmasa hun velah chuan an chheh vel thawm pawh a reh ve ṭan ta! An chhak lawka ram lam pasalṭha pawh a kiang tawh a. An hriat hauh loh hian a lo veng ve reng zawk a lo ni. Sarep ur paha an bawmrang tah pawh an zo tawh a, an hotupa Zamkunga hriat loh hian an lo tah zo diam tawh a ni.An sarep pawh an ur hneh ta viau a, an hem hmin sek a, Sakhi chek lah an ngah si, an han tilum a, an hawp leh khalh ṭhin. Zing tukṭhuana hmeh turin Sanghal tuang chhah lai an han chhum so tak tak mai chu, a rim a tui ham ham hle a ni. Khawvar a hnai takzet tawh tih an hria a, in mut chhawk an tum zet kha a ni a, an titi a tui aleiah leh an khawhar lova leiah zante chu tawi tuk hian an hre nghe nghe a. Tlangval tan zan khat han men mai mai te zawng eng he hu ah an ngai lo em a ni.Thanpuia chuan,
"kan vak kual lawk a nge, " tih leh kal a rual a, a inthiar tur ah riak an ngai a, mahse a ni erawh chuan vahrit man a tum a ni ngat mai a. Zan lamah an kaina an lo hre ru bawk a, rei lote hnuah chuan vahrit pa chu arawn pawm phei zui nghal a. Mak ti fe chuan a ṭhiante chuan an lo thlir a, tu tan ni maw?
Kawl en hma deuh chuan Zamkunga chu a rawn harh ta a, buk tual a rawn chhuah chuan bawmrang pali lai an hmu chu a kiai suk a, heng tlangvalte bula tal hi a thlamuanthlak a ti hle a, la ramchhuah pui fo tlak hlawm hle in a hria a ni. Chutah Vahrit pa a nung lai ngei lehnghal an hmuh chuan mak a ti hle a, Thanpuia lah chuan a awt tur alo tah vei nen, tu tan tak chu ni maw!
" E khai..tukṭhuan in lo peih der tawh e lo!? A va tihzia ve, ni tlang san hma in kal kan siam thei ang chu....!" Zamkunga chuan an ti a.
" E...Pa Zam, kan lo bengchheng deuh elo!" Thanpuia chuan an ti a.
" Bengchheng lah love, kawl a eng ṭep ang, zing tukṭhuan bar hma in bawmrang kan tah ang ka ti kha a nia, kha in lo zo diam tawh mai si..." hawi vual vual pah chuan an ti a. A sam te chu an zial ṭha a.
Khawvar hnu chuan an sarep te chu bawmrangah an han rem ta a, bawmrang mawng phahah hnahthial ngat hmangin an beng ta hlawm a. Bawmrang pali chu a khat hle hlawm a, an rit hlawm hle ang chu..! Ni chhuah hnu fe ah chuan tukṭhuan an han kil ta a, sanghal tuang chhah chu an keih mawm leh ta hmak hmak hlawm a. Mauthei ngei mai chuan a tui mawm hmarh mai chu hmui mawm hmak hian an han tleng thlak tir zet zawng ṭawng nachang hria lah va awm suh! Zo buh hmui hiam mai chu kuttum tia tia hian an ka ah an han hnawh lut tawn a, sakhi chek ten an han thual thul, chung hunlai chuan chung aia hmeh ṭha chu lusei fa te ah awm bik hek lo le! Laipawng tlum kuk hian an ei mai reng a ni.
Tukṭhuan bar hnu chuan rei lo deuh han ṭhu chawlin vaibel te an han zu leh te te a, Zamkunga chuan,
" Zawiin kal i rel ila, kawng lakah sa kan hmuh pawn kan silai a rawn liak de de a nih loh chuan tuman thal thlah tawh lo'ng u, kan rit dawn e mai!" an ti vei hluk a. Thanpuia te ho chu nui tat tat pah hian an lo bu nghat a, Aimawia nen an han ding chhuak rual lutuk chu an han inbuan leh rih a...Pazawna lah a lo phur...
" Chhei le....ka chuam leh ka chuam, han innuai teh u... khai le...tunah...!" A lo ti chul a.
" Khual buanin aw....tunah...!" An han ti vel a, an inkan chhawk zat zat mai!
Zamkunga lah chuan nui hui hian hahni daiduk hian an lo thlir a, rei lo deuh hnu chuan kal an han siam ta a. Rit phur e ti lo chuan Aimawia chuan fiamthu ala thawh vei zut zut a.
" Zawna, vahrit hi tu tan tak niang maw..i thlir zui ngat ang aw...!? " ala ti sauh sauh a.
" U Aimawi, kan thlir zui anga, kan chian bawk dawn nia, a tu chuan nge ni lo chah reng reng ni!" Pazawnan an tih pawh chuan Thanpuia chu a ngawi tlat mai si a.
Chhirbi mual aṭang chuan khaw lam chu an hnaih hret hret a, kawng zal nuam chin an han kal chu an kal thei ta phian mai! Rit viau mahse chawl sek ta lo chu khua an hnaih tawh hle a ni. Khua an thleng har hauh lovang le...!
.......... ............... ..............
Zing varṭianah chuan Upa Tuaka leh Pasalṭha Chhuna leh tlangval ho chuan Chawntui lam chu an Silai fung Sawm chuang zet nen chuan an pan ta a. An khaw lam ngaihtuahna a na tawh bawk a, an kal chak hle mai a, kawng lakah pawh riak tawh lova kal ngat ngat tum kha an ni. Serzawl lam pawh Fehrehsan velah an rawn chhuah ve mai an ring kha a ni. An rinai takin Serzawl Lal chu an chungah a lo ṭha a, an lawm takzet a ni. An thang bo hlan hian pawih ral an rawn hnai viau tawhin an ring a, khaw lamah silai an kawl tlem ngang mai si a, khaw lam ngaihtuah a na tawh em a ni. Pasalṭha Chhuna chuan Pawih ral do turin Thanpuia kha han telve se a duh hle a, mahse an hmanhmawh ata langin an in pawh a zawng chhuak hman ta lo kha a ni,pawi a ti hle nghe nghe a. Pawih ral chu tawm tawka ṭiau lui chhak thleng rawk han um a duh hle a ni.
......... ........... .........
Serzawl lal Lalbula tualah chuan tlangval rual chu an ding hmur mai a. Pawih ral len thu tlang kam aṭangin an lo hre tawh a, zing lama khual lokalin Khawng khua pawih in an run thu leh nunau pawh an zuah loh thu an lo hre tawh vei nen, pawih ral chu han nawr tawm tawk an duh hle a ni. Khaw ralmuan nana thingserh sat ngam zam ngai lo Lusei tlangval chu an han ding ṭhap mai a. Pasalṭha Zalianan thu a han sawi dawn lai tak chuan kawtchhuahah hlado han chham vang vang thawm an hre ta a....
( Chhunzawm tur)
( Hei, he thawnthu hi youtube lamah( Buannel Ramdai Tlan hlua khiangte) kan han dah dawn a, han en fel te an ngai a, chuvangin kan chawl lawk dawn a. Nizan lamah duh kan thlan tir ngawt che u a, ka inthiam lo hle mai. Min hrethiam hram a niang chu... Rei ka chawl lo turah ngai ang, ka lo kir vat ang.
Chuan, he thawnthu hi youtube lama lo ngaithla ṭheuh turin ka sawm ngawih ngawih a che u. Lo dam ula, lo in enkawl ṭha ula, sei tawk tawkin ka lo kir leh thuai ang..)
Comments
Post a Comment