LUNGRENG NGÂW..S2...(6)
LUNGRENG NGÂW.....S-2.....6....
(PASALṬHA THANPUIA)
( M.Lusei Palian)
........... .............. ...........
Thanpuia te ṭhiandun leh Zamkunga te chuan varhva lama bel lak paha Chhirbi ngaw vela zanhnih ramchhuaka riak turin khua an chhuah san ve mek a...
An hnung deuhah chuan zanriak buhfai leh Silai akin Aimawia chuan an um zui a, an ramchhuak dawn tih tuk ṭhuan bar laiin a hre ve hnuhnawh a, ani telve chak pheng chuan a umzui ve ta a ni. Pasalṭha Thanchhinga alo dil ve a, a ni lah chuan,
" An liam chauh lah ni, va insiam la, va zui ve tawh...!" Alo ti sam et mai si kha a ni a, chumi avanga um zui ve ta kha a ni.
Thui vak lovah chuan ava um pha ta mai reng a, chutah tihian an ti zui a,
" Thana leh Pazawna reng reng pawh hi han sawi ve tur lah ni! Kei Sanghal kap tur riakah ka inngai a, ka phur pheng tawh a nia.Ka pa Chhingan va um zui tawh an ti a, ka rawn tlan ta vang vang a ni. Nangni pahnih kha( Thanpuia te ṭhian dun an melh a) Thang hmel ṭhai ka rim pui tawh kher lo mai thei che u a ni!" Thaw hluam hluam pah chuan an ti a.
Zamkunga chuan, " Khaih! Aimawi, kan inṭawng pachhiat a nge!" an lo ti a.
Aimawia lah chuan la thaw huam huam pah chuan, " A....ṭawng pachhiat hi a awm tak tak lo, vanneih leh vanneih loh mai mai a ni!" an ti ve vei khuk a.
Rei lo deuh an han chawl leh a, an kal leh ta a. An kalna tur hi a thui tham deuh bawk a, an kal chak hle mai a, ram ril deuh an han thlen chinah chuan Zamkunga chuan Thanpuia chu an kal hmasak tir ta a. A ni chuan a Silai chu an ak a, a thal lek chuan ram rai lam chu duk zar zar hian an pan a. Aimawia chuan thlir zui vawng vawngin,
" U Zamkung, a silai khan a tihnawk zawk a nih kha maw le!" an ti zui a.
" E.... Aimawi, a hman thiam dan a inchen vek asin!" tih pah chuan an kalpui leh ta a. Thui vak lo an kal leh hnu chuan Zamkunga chuan Thanpuia chu lo nghah a rawt ta a, vaibel zuk pah chuan an lo nghak ta a, rei lote hnuah chuan Thanpuia chu vahrit pahnih nen chuan a rawn thleng ve ta a.
Pazawna chuan, " An mit a delin an beng a ngawng a ni maw!" an lo ti kher pek a. An nui zui ham ham a.
" A ni ngei ang, a pangngai kan hmuh hun chuan ka mansak dawn che ti nia!" Thanpuia chuan an ti ve leh a. Ram pilrila awm e ti lovin an nui tlawrh tlawrh mai a.
Chutah Zamkunga chuan, " Hei chhirbi mual kan luh titih tawh a, mual nuam lam khu a nakpek zawngin kan phei anga, hman kuma kan buk hlui awmna tui ṭha si ah khuan riahbuk kan sual dawn nia, tuibur hmuam da pawh kan thang tawh lovang! Kan ṭawngkam thiam Laiawrha phei kha chuan satina hmun a ti deuh kher ṭhin a, thawm pawh dim viau tawh ila a ṭha ang e!" an ti a.
A mawi tawk fang an han ṭhut khaw muan hnu chuan kal an han rem leh ta a. Zamkunga sawi ang ngei chuan sa an tam hmel hle mai, sa hnu chu an hmu zing dup mai a, tlak lam hawi deuh vek chuan an liam ni hian a hriat a. Hnu thar deuh phei chu han chhuizui chakawm tak hi a ni. An bih leh zuk zuk ṭhin, Pazawna phei chuan an hnim deuh kher titih a. Kawrte kam an han kan leh chiah chu sanghal hnu thar em em an hmu ta tlat mai! Aimawia chuan Zamkunga an melh a,
" U Zam, ti teh, mual a liam hma sawn kan nang hman ngei ang!" an ti thawp deuh sat a.
Zamkunga chak zawng tak alo ni bawk si,
" Ni e, Thana, Pazawna nen thawm dim deuh khan hei a zal nuam chinah zel hian lo va kal ula, kan rawn um nghal ang che u, kan Silai ri in hriat erawh chuan min rawn pan zawk dawn nia" an ti a.
Aimawia leh Zamkunga chu an kal ta nalh a, chu sanghal hnu a alan dan chuan umphak theih mai tur hi a ni mai reng a. Thawm dim fe chuan an chhui zui ta a. Thui lo te an chhui zui hnu chuan hnu dang an han hmu leh a, an infin ta ni ngei hian alang a, an phur dun kher mai! Inring fe hian an hawina lam apiangah an silai kaw hmawr pawh chu ahawi ve zel a, rin ai takin an pawh har zawk a ni. Ruam rai hmunah an han chhui lut leh a, chhim phei hawi zawng chuan an sahnu chu a awm ta a, nghalrual ni thei chiah hian an hre si lo, pahnih thum chu an ni ngei tih erawh an hria a. Chutah le, an hma chiahah chuan Duhlian ṭawng thiam ve lova hnu a awm ve ta tlat mai! Zamkunga leh Aimawia chu an ding vei chat a, ram lam pasalṭha hian sa alo pel ve mek tih an hrethiam hle a. A hniak an han thlir a, chu Duhlian ṭawng thiam lova chu a lian hle tih an hre thei a, Sairal emaw Hlaiba emaw a ni ngei ang! Hnaih viau tawhin an inhre si, an ui pheng chuan an han chhui zui leh a, thui vak lo hnuah chuan sahnu awmna laiah chu ram lam pasalṭha chuan chhawl tliakin alo dah ta tlat mai le! Ui dun viau mahse an ṭin san a ngai ta tlat si a. An inmelh he haw a, chutah Sanghal chu Sapuiin a seh ta tih hriat tak hian thawm an hre zui mai reng a! An inhlat tawh lo tawp tih chu an hre ta reng a ni.Amah erawh chu Sahnu an chhui laiah Sapui a rawn tel ve chuan Sapui chu an kian zawk ṭhin si a.
" I kir tawh mai ang, kan pasalṭha khan a thikthu a tichhe viau dah a nge!" Zamkunga chuan an ti a.
" Ka va ui ve aw, adang tawng leh turah inngai tawh mai ang" Aimawia chuan an ti ve ta a. Ui tak chung hian kirzai an rel leh ta a.
Thanpuia kal hmasa ta chuan beng a chhi kar reng a, thui vak lo an kal leh hnu chuan a ding ta chat a, Pazawna lah hawi vak hek suh vaibel a pak telh telh a, Thanpuia chu an su leh ta chawrh a, a sut hma hret chuan thawm ri fua a hre hman a, an hawi chhuak chiah chu an chhak mau tluk thum awm vela mi hi Thanpuia chuan sakhi a lo kap chu niin, a leng vat vat leh a thawm chu an hre zui a. A ṭhianpa chu ṭuan ṭha a ti hle a, sawi mai tur pawh a hre ta lo, chutah
" Ka han pu thla a nge aw..!"tih leh a iptepui nghah a rual a,a silai put an dah a, phur fe chuan Sakhi tlukna lamah chuan a lim chho ta buan buan a,
" E he.... a chal a nih hi, a bawp mantu nih manah kei a ngal hi ka duh e.... Aaaa.... e....a lian nek mai ka ti...! I va kap thiam ve, a nghawngah tak lah ni..." tih pah chuan an tuai let vel a,zo tak hian a rawn pu thla zui a.
" Thal kawih laiin min rawn su a, ka fuh ta hram zawk a nih kha le....!" Thanpuia chuan an ti mawi ve a.
A rawn chhuk pui zel a, Thanpuia hma takah chuan a rawn keuh dawp mai a.
" Thana, hlado han chham teh...!! " an ti zui a. Chutih lai tak chuan sanghal ngek thawm an hre zui ta mai a. Silai puak ri an hre si lo, chutah sapui in a man tih a thawm aṭang chuan an han ral hriat a.
" E khai aw! Hmai parchhuka a ni ngat mai ka ti, keini apa tuai deuh lamah chuan rawn tei phei lo se ava duhawm ve le!" an ti a.
Rei vak lo hnuah chuan Zamkunga leh Aimawia pawh chuan an rawn fin ve leh ta a.
" Eh ......nang ni chu chengrang rawl ri lo pawh in Sakhi in lo nei der mai ka ti....Kan hnuchhui lai lah a ram neitupa'n min khalh ta si a. .!" Zamkunga chuan an ti a.
" Chhei le.... Thana, ava tui dawn ve, a chek kan hawp a niang chu...! In sawi rilṭam hma in i kal thuai ang u!" Aimawian an tih chuan Zamkunga chu a harh hawk a, a naute hi chaw ala fak pui lo tih a hrechhuak a, a nui ruh ruh a.
" Kan riah buk sualna tur hi chil pik phak mai ani tawh a, han thleng ta law law ila, chaw chu kan fak dawn nia....!"an ti zui a,chutah Pazawna chuan sakhi chu an pu leh tharh a, an kal leh ta a.
Riahbuk hlui an va thleng ta a, alo rawp hle tawh, a bul vel chu alo la fai ṭha hle a, a hmun hma a nuam viau a, riah buk sual hma in chaw chhun an han bar hmasa leh te te a.
Chaw an han fak fel hnu chuan Zamkunga chuan hnehsawh zet hian sakhi chu alo ṭhet darh a, a chan zung zung a, rep tur pawh kar lovah chuan a lo siam zo der a, Aimawi chuan a sa ṭha lai lai chu chhum turah dah telin "hei chu ramvak sa"an ti a, a vawm tel zel a, an nuih leh hak ṭhin a. Thanpuia te ho chuan rei loteah riahbuk chu an sual zo ta a.Buk kiang maiah chuan luite hi a awm a, a tui tlan turin an va haiin ṭha ta bawk a .Zan lama thing muh tur an han fawm leh a,Aimawia leh Thanpuia chuan an pawm hnem thei kher mai, an chhek vum ta thur mai a, Aimawia lah chuan ala nau lutuk, sarep ur nan te pawh kan duh thei tiin a pu leh chiam a.Pazawna tarpilu zawng pawh hlawhtling fe chuan a rawn haw a. An sarepte pawh an hlang fel ta, an ṭhuchawl ta rih a.
" Thana, Zawna nen hian ka bel kha kan zu lam anga, Aimawia nen hian kan veilam ngaw pui ah khian in lo han vak dawn nia, Khilai thingse mual zawnah khian Sih pawh a awm tak kha...! Mahse, fimkhur ula, " Zamkunga chuan an ti a. Sapui kha an hre tlang ṭheuh si a.
" Sih chan aiin vah vel hi a hlawhtlin theih zawk ka ring nia, kei zawng vah kual ka duh mah e!" Aimawia chuan an ti a, a silai te chu an bih kual vel a.
Rei vak lo hnuah chuan Zamkunga te pawh a bel varhva lama lam tur leh sapel tum nghal chuan an kal ta a. Thanpuia pawh chu Pasalṭha Chhunthanga Silai hlan tak chu a ak a, Aimawia nen chuan an buk chu an chhuah san ta a. Mual dung zui zawng chuan an kal dun ta a, Lo fing hnih awm vel an han kal leh hnu chuan,
" Thana, a nak pek lam hi kan hrut chhin ange, hlawhtling hmasa ta kan awm leh vanvawr zawnga silai hmeh puah mai ni se!" Aimawia chuan an ti a.
" E...ni rawh se, va hlawhtling hle ang che...!!" Thanpuia chuan an ti a, an inṭhen ta a.
............ ............ ............
Chumi ni chuan Saipuii chuan a tum ang ngeiin Chawngi, Chawngṭhuami te inlam chu a pan ta a,Chawngi pi chuan nihlui lama an la en chu Herawt hian alo her ri rat rat a,vanneih a siamin thingphur in a lo chhuak lo hlauh va, a ni pawh chu an puanbu buaipuiin alo buai ve hle a. A ni renga, awllai hi chuhin nula lam hian puan ban nan an hmang ṭhin reng a. Chumi ni kher chuan zan lama ralveng Rodawla chuan tlukzal paha lennan Chawngi te in chu a lo chuangkai ve kher bawk a.
" Eh...Lal fanu, pawi pang a awm ta em ni?" tiin bengvar alo chhuah ve luam a.
" Awm suh ei, hei Chawng ṭhiani hi la ban puiah ka sawm ang chu ka ti a, i ramvak ve na nge?" Saipuii chuan an ti a.
" Keini ve zawng ral kan veng ata langin hun kan neih meuh lo a ni, ka awl ve ṭep a, midangin min rawn thlak ve leh kan la ramchhuak ve a niang chu!" An ti thupui vei khuk a.
Saipuii chuan Rodawla pawh en lem lo chuan, " In hah zozai tawh ngawt a nia ka rin ni, in zarah him takin kan awm phah chu a ni si a, in tlawmngaihna hi ka pa pawn a chhuang takzet che u a nia" an ti mawi a.
Chutia Lal fanu meuhin an tih chuan tlawmngai ta lua leh huaisen ta viau hian a inhre thar leh a, a thinlunga lawmna chuan a chim sang ngei mai le...! A nui suk a, Lal fanu te chu hmel ṭha ta riau hian an hre thar leh hnu hnawh a. Mahse, Chawngi nen Lal in lam an pan san dawn si a, pitar nen ngawt a awm chu niin a hre si lo, a zui ngam chiah si lo, a haw ve ta hnu hnu a.
Saipuii te inlam an pan mek lai chuan Saipuii chuan Chawngi hnenah chuan a thuruk chu an hrilh keuh keuh a, a thinlung in leihbua a ni bawk a, Chawngi chuan a khawngaih kher mai! In an han thlen chuan la ban zai pawh chu an rel lem hlei lova,an phun dun siap siap a. Chawngi pawh chuan hmalak pui chu a tum ran a, an lal fanu chu a khawngaih em a ni. Ruahmanna hrang hrang an zam dun ta hial a.
........... ............ ..............
Thanpuia chuan kawr kam lam chu an pan a, eng emaw thleng tura hriatna a chhungril lam a mi chu a rawn che ta dat mai le! Hei hi pasalṭha te hian an nei ṭhin reng a ni. Ding hlekin thli thawt dan te chu an ngaichang leh rih a, thui lo deuh an vah leh hnu chuan kawr kam changel chu eng emaw hian a nawr che dat dat hi a hmu ta a. Fimkhur deuh chuan an pan ta hriau hriau a. A pa in 'sa kan kah dawn reng rengin a hreibat emaw a nghawng emaw hi tum ila, kan ṭhelh ngai lo. A nghawngah tak kan fuh hi chuan eng sa mah hi an pen lui rei thei lo, a lu ringawt tum tur chuan hmuh fuh hleih theih a ni ngai lo' a tih te chu a hrechhuak a. Chutah thawm dim fe chuan changel hung lam chu a pan ta zel a, chutah le nghalchang chu an hmu a, a lo hawk dawt dawt mai a. A kah nuam tawk vel aṭang chuan an tin ta vang vang a, chutih lai tak chuan thil rimtui em em mai hi a hre ta a. Nghalchang pawh ngaihtuah ta lo chuan rim rawn chhuahna chu hriat tum in an hawi kual a, eng mah reng a hmu si lo. Chutah nghalchang lam chu an en a, an kap ta dur mai a. A silai chu rang fe hian an sawh lehnghal a, chutah a nghalchang kahna lam chu a pan phei ta a, nawn a lo ngai lo kher mai, a chal chang chu a lo leng fuat fuat a. An chian a, alo lian kher mai, sum ruk ṭha lam mah a ni a. Chutih lai tak chuan a piah lamah chuan Silai puak ri chu a hrechhawm ve nghal a, a rik dan kha a tawi tuk lah tak a. Aimawia pawh chuan eng emaw a kap ngei a, a ṭhelh lo tih a hrethiam nghal mai reng a.
A sanghal kah chhawlchhin a tum lai tak chuan thil rimtui em em mai chu a hre leh ta a, a bul lawkah chuan thil eng emaw atana hlauhawm si lo chu a awm reng ni mai hian a hria a. Mahse a hmu thei hauh si lo! A rilru erawh a hlim veng veng thung a, tlangval laia ram lama thangchhuah ngei chu a tum a, chumi tur chuan sa serh chin a kap ve ta malh malh chu a ni. A piah deuh aṭang chuan hlado han chham vang vang a hre ta a,Sazuk hlado a ni ngat mai! Chutah Sanghal hlado chu an chham ve ta vang vang a.
A sa a chhawlchhin zawh chuan Aimawia silai rikna lam chu a pan phei ta a. A chak bawk a a thleng phei hma hle a, Aimawia chu a lo nui var var mai!
" Thana, ka tihreng kha....ṭawng pachhiat hi a awm tak tak lo! I silai ri kha ka hria a,a lian ṭha em! Sakhi sanghal sazuk sa ei puar lah mai ang aw..." an lo ti leh a. Thana chu a kiai suk ringawt a. Aimawia Sazuk kah chu a lian ṭha kher mai, an han tuai let vel a. Chutah Aimawia chu a hawi vut vut a..
" Ti teh, tu an hnai lo bawk a, kan zawn zo ngat ang..! I zawn tehreng ang" an ti a.
Chutah an ni pahnih phur pheng chuan thingtuai an han sat a, zawn turin an han ruahman a zo tak chuan an zawn thei ta mai a. Buk lam chu an pan pui vang vang a, kawng lakah vawikhat chawlh puiin buk an thlen ta mai! Sanghal zawn leh turin an han chhuak dun lehnghal a, Zamkunga te lo thlen hma a buk lo thlen hman an tum a ni. Thanpuia sanghal kahna hmun an han thlen chuan Aimawia chuan an en vung vung a,
" A...hei chu phekphelen tham lek a nih hi, hrui han chhat rawh le...!" Nui huah huah chuan an ti zui a.
A keah hruia phuar in an han zawn dun leh a, kawng nawm loh tehreng nen an chak dun bawk a, an kalpui leh ta vawk vawk mai a. An hlim dun kher mai, Aimawia lah chu ala titi zuah zuah reng thova, rit pu ang pawh hian a awm lo a ni. A bula han chet tlat vel chu Thanpuia chuan nuam a ti hle a ni! Buk chu an han thlen leh ta mai a. Chutih lai chuan ni pawh chu a Chhirbi tlang aṭang chuan a pil ṭep tawh mai a. An han ṭhu chawl a, chutih lai chuan Zamkunga te thawm pawh chu an hre chhunzawm ve leh ta a. A vanneihna ni a ni ngei ang, Pazawna chuan Sakhi a rawn pu haw ve leh tlat mai! Buk a rawn thleng ṭep a, chutah Nghalchang leh Sazuk an hmu phut mai chu a meng bial kawk nghal mai reng a. A ṭhiante pahnih chu an thlir a, a lawm lutuk chu a rawn nui hui tawh mai! A hnung deuh a Zamkunga a bel nen a rawn inawi chho chuan ala rawn hmu pha chiah lova..
Pazawna buk tual melh a nui hui chu an thlir a, chutah le...Sanghal leh Sazuk chu a hmu ve ta....mak ava ti teh lul em!
.......... ............. ................
Hetih lai hian khaw kar kawngah Pasalṭha Chhunthanga leh an khawnbawl Tuaka chu Serzawl panin an rawn thang ve mek a. An hnungah deuhah tlangval pasarih in Sial nen rawn zui ve zel bawk a. Riah buk sualin an buai ve mek a ni. Hmanhmawh viau mahse an silai tlanna tur nena kal an ni a, a kalchak thei der si lo, an rilru a buai takzet a ni. Pasalṭha Chhuna hian Thanpuia kha pawih ral do puiah a duh hle a, a bik taka sawm pawh a tum hle nghe nghe a ni.
An lo rin ang ngei chuan pawih ral an rawn che ta ngei a, Herhzawl khua an run tawh a, Lal fanu tlang thang khawpa hmelṭha Ngurpuii salah an man tel nghe nghe a. Herhzawl Lal pawh a mangang hle nghe nghe a, an pasalṭha rual an ramchhuah hlan a lo ni kher nen, an khaw chanve chu an hal sak nghe nghe a ni. Chawntui lam pawh an mangang hle tawh a, tlangval la awm ang angin khaw hungna an siam ṭha a, ralven buk te chei ṭha in an buai hle a. Silai an lo kawl tlem tawh nen, mangan a zual duh ngawt ang le..!
Serzawl Lal hnenah inremna rawn siam pui a, pawih ral do pui turin rawn thurualpui an tum a ni. Kangzawl leh Herhzawl Lal pawh inthurualin pawih ral do tur chuan thawh chhuah ho an tum a, pawih ral chuan an tumna thlak thut zelin Khangzawl khua an lo run leh tawh a ni. Heng pawih ral ho hian chapchar awllen an rawn chuh a, chu hun chu an pasalṭha te ramchhuah hun a ni tih an hre kar si a. Pawih ral ho hi ṭhuang thumah in ṭhen in an hruaitu te hi Hauzasel, Selzading leh Haukip te an ni a. Pasalṭha tak leh huaisen tak vek an ni. Hauzasel leh a hote hi Kangzawl pasalṭha Thanglura leh a naute hovin an hual ve mek thung a. Lusei Lalte insuihkhawm a pawih ral lian do rawn a hun takzet a ni.
.......... ............ ............
Zamkunga chu meng bial kawk kawk in a naute pahnih chu an melh a, chutah le a hmel chu rawn inthlak thutin......
( Chhunzawm tur)
( Huang ka rawn zauh ta hret hret e, episode tam tak kal tir kha kan duh dan a ni tlang si a, pawih ral um leh phawt ang aw...)
(PASALṬHA THANPUIA)
( M.Lusei Palian)
........... .............. ...........
Thanpuia te ṭhiandun leh Zamkunga te chuan varhva lama bel lak paha Chhirbi ngaw vela zanhnih ramchhuaka riak turin khua an chhuah san ve mek a...
An hnung deuhah chuan zanriak buhfai leh Silai akin Aimawia chuan an um zui a, an ramchhuak dawn tih tuk ṭhuan bar laiin a hre ve hnuhnawh a, ani telve chak pheng chuan a umzui ve ta a ni. Pasalṭha Thanchhinga alo dil ve a, a ni lah chuan,
" An liam chauh lah ni, va insiam la, va zui ve tawh...!" Alo ti sam et mai si kha a ni a, chumi avanga um zui ve ta kha a ni.
Thui vak lovah chuan ava um pha ta mai reng a, chutah tihian an ti zui a,
" Thana leh Pazawna reng reng pawh hi han sawi ve tur lah ni! Kei Sanghal kap tur riakah ka inngai a, ka phur pheng tawh a nia.Ka pa Chhingan va um zui tawh an ti a, ka rawn tlan ta vang vang a ni. Nangni pahnih kha( Thanpuia te ṭhian dun an melh a) Thang hmel ṭhai ka rim pui tawh kher lo mai thei che u a ni!" Thaw hluam hluam pah chuan an ti a.
Zamkunga chuan, " Khaih! Aimawi, kan inṭawng pachhiat a nge!" an lo ti a.
Aimawia lah chuan la thaw huam huam pah chuan, " A....ṭawng pachhiat hi a awm tak tak lo, vanneih leh vanneih loh mai mai a ni!" an ti ve vei khuk a.
Rei lo deuh an han chawl leh a, an kal leh ta a. An kalna tur hi a thui tham deuh bawk a, an kal chak hle mai a, ram ril deuh an han thlen chinah chuan Zamkunga chuan Thanpuia chu an kal hmasak tir ta a. A ni chuan a Silai chu an ak a, a thal lek chuan ram rai lam chu duk zar zar hian an pan a. Aimawia chuan thlir zui vawng vawngin,
" U Zamkung, a silai khan a tihnawk zawk a nih kha maw le!" an ti zui a.
" E.... Aimawi, a hman thiam dan a inchen vek asin!" tih pah chuan an kalpui leh ta a. Thui vak lo an kal leh hnu chuan Zamkunga chuan Thanpuia chu lo nghah a rawt ta a, vaibel zuk pah chuan an lo nghak ta a, rei lote hnuah chuan Thanpuia chu vahrit pahnih nen chuan a rawn thleng ve ta a.
Pazawna chuan, " An mit a delin an beng a ngawng a ni maw!" an lo ti kher pek a. An nui zui ham ham a.
" A ni ngei ang, a pangngai kan hmuh hun chuan ka mansak dawn che ti nia!" Thanpuia chuan an ti ve leh a. Ram pilrila awm e ti lovin an nui tlawrh tlawrh mai a.
Chutah Zamkunga chuan, " Hei chhirbi mual kan luh titih tawh a, mual nuam lam khu a nakpek zawngin kan phei anga, hman kuma kan buk hlui awmna tui ṭha si ah khuan riahbuk kan sual dawn nia, tuibur hmuam da pawh kan thang tawh lovang! Kan ṭawngkam thiam Laiawrha phei kha chuan satina hmun a ti deuh kher ṭhin a, thawm pawh dim viau tawh ila a ṭha ang e!" an ti a.
A mawi tawk fang an han ṭhut khaw muan hnu chuan kal an han rem leh ta a. Zamkunga sawi ang ngei chuan sa an tam hmel hle mai, sa hnu chu an hmu zing dup mai a, tlak lam hawi deuh vek chuan an liam ni hian a hriat a. Hnu thar deuh phei chu han chhuizui chakawm tak hi a ni. An bih leh zuk zuk ṭhin, Pazawna phei chuan an hnim deuh kher titih a. Kawrte kam an han kan leh chiah chu sanghal hnu thar em em an hmu ta tlat mai! Aimawia chuan Zamkunga an melh a,
" U Zam, ti teh, mual a liam hma sawn kan nang hman ngei ang!" an ti thawp deuh sat a.
Zamkunga chak zawng tak alo ni bawk si,
" Ni e, Thana, Pazawna nen thawm dim deuh khan hei a zal nuam chinah zel hian lo va kal ula, kan rawn um nghal ang che u, kan Silai ri in hriat erawh chuan min rawn pan zawk dawn nia" an ti a.
Aimawia leh Zamkunga chu an kal ta nalh a, chu sanghal hnu a alan dan chuan umphak theih mai tur hi a ni mai reng a. Thawm dim fe chuan an chhui zui ta a. Thui lo te an chhui zui hnu chuan hnu dang an han hmu leh a, an infin ta ni ngei hian alang a, an phur dun kher mai! Inring fe hian an hawina lam apiangah an silai kaw hmawr pawh chu ahawi ve zel a, rin ai takin an pawh har zawk a ni. Ruam rai hmunah an han chhui lut leh a, chhim phei hawi zawng chuan an sahnu chu a awm ta a, nghalrual ni thei chiah hian an hre si lo, pahnih thum chu an ni ngei tih erawh an hria a. Chutah le, an hma chiahah chuan Duhlian ṭawng thiam ve lova hnu a awm ve ta tlat mai! Zamkunga leh Aimawia chu an ding vei chat a, ram lam pasalṭha hian sa alo pel ve mek tih an hrethiam hle a. A hniak an han thlir a, chu Duhlian ṭawng thiam lova chu a lian hle tih an hre thei a, Sairal emaw Hlaiba emaw a ni ngei ang! Hnaih viau tawhin an inhre si, an ui pheng chuan an han chhui zui leh a, thui vak lo hnuah chuan sahnu awmna laiah chu ram lam pasalṭha chuan chhawl tliakin alo dah ta tlat mai le! Ui dun viau mahse an ṭin san a ngai ta tlat si a. An inmelh he haw a, chutah Sanghal chu Sapuiin a seh ta tih hriat tak hian thawm an hre zui mai reng a! An inhlat tawh lo tawp tih chu an hre ta reng a ni.Amah erawh chu Sahnu an chhui laiah Sapui a rawn tel ve chuan Sapui chu an kian zawk ṭhin si a.
" I kir tawh mai ang, kan pasalṭha khan a thikthu a tichhe viau dah a nge!" Zamkunga chuan an ti a.
" Ka va ui ve aw, adang tawng leh turah inngai tawh mai ang" Aimawia chuan an ti ve ta a. Ui tak chung hian kirzai an rel leh ta a.
Thanpuia kal hmasa ta chuan beng a chhi kar reng a, thui vak lo an kal leh hnu chuan a ding ta chat a, Pazawna lah hawi vak hek suh vaibel a pak telh telh a, Thanpuia chu an su leh ta chawrh a, a sut hma hret chuan thawm ri fua a hre hman a, an hawi chhuak chiah chu an chhak mau tluk thum awm vela mi hi Thanpuia chuan sakhi a lo kap chu niin, a leng vat vat leh a thawm chu an hre zui a. A ṭhianpa chu ṭuan ṭha a ti hle a, sawi mai tur pawh a hre ta lo, chutah
" Ka han pu thla a nge aw..!"tih leh a iptepui nghah a rual a,a silai put an dah a, phur fe chuan Sakhi tlukna lamah chuan a lim chho ta buan buan a,
" E he.... a chal a nih hi, a bawp mantu nih manah kei a ngal hi ka duh e.... Aaaa.... e....a lian nek mai ka ti...! I va kap thiam ve, a nghawngah tak lah ni..." tih pah chuan an tuai let vel a,zo tak hian a rawn pu thla zui a.
" Thal kawih laiin min rawn su a, ka fuh ta hram zawk a nih kha le....!" Thanpuia chuan an ti mawi ve a.
A rawn chhuk pui zel a, Thanpuia hma takah chuan a rawn keuh dawp mai a.
" Thana, hlado han chham teh...!! " an ti zui a. Chutih lai tak chuan sanghal ngek thawm an hre zui ta mai a. Silai puak ri an hre si lo, chutah sapui in a man tih a thawm aṭang chuan an han ral hriat a.
" E khai aw! Hmai parchhuka a ni ngat mai ka ti, keini apa tuai deuh lamah chuan rawn tei phei lo se ava duhawm ve le!" an ti a.
Rei vak lo hnuah chuan Zamkunga leh Aimawia pawh chuan an rawn fin ve leh ta a.
" Eh ......nang ni chu chengrang rawl ri lo pawh in Sakhi in lo nei der mai ka ti....Kan hnuchhui lai lah a ram neitupa'n min khalh ta si a. .!" Zamkunga chuan an ti a.
" Chhei le.... Thana, ava tui dawn ve, a chek kan hawp a niang chu...! In sawi rilṭam hma in i kal thuai ang u!" Aimawian an tih chuan Zamkunga chu a harh hawk a, a naute hi chaw ala fak pui lo tih a hrechhuak a, a nui ruh ruh a.
" Kan riah buk sualna tur hi chil pik phak mai ani tawh a, han thleng ta law law ila, chaw chu kan fak dawn nia....!"an ti zui a,chutah Pazawna chuan sakhi chu an pu leh tharh a, an kal leh ta a.
Riahbuk hlui an va thleng ta a, alo rawp hle tawh, a bul vel chu alo la fai ṭha hle a, a hmun hma a nuam viau a, riah buk sual hma in chaw chhun an han bar hmasa leh te te a.
Chaw an han fak fel hnu chuan Zamkunga chuan hnehsawh zet hian sakhi chu alo ṭhet darh a, a chan zung zung a, rep tur pawh kar lovah chuan a lo siam zo der a, Aimawi chuan a sa ṭha lai lai chu chhum turah dah telin "hei chu ramvak sa"an ti a, a vawm tel zel a, an nuih leh hak ṭhin a. Thanpuia te ho chuan rei loteah riahbuk chu an sual zo ta a.Buk kiang maiah chuan luite hi a awm a, a tui tlan turin an va haiin ṭha ta bawk a .Zan lama thing muh tur an han fawm leh a,Aimawia leh Thanpuia chuan an pawm hnem thei kher mai, an chhek vum ta thur mai a, Aimawia lah chuan ala nau lutuk, sarep ur nan te pawh kan duh thei tiin a pu leh chiam a.Pazawna tarpilu zawng pawh hlawhtling fe chuan a rawn haw a. An sarepte pawh an hlang fel ta, an ṭhuchawl ta rih a.
" Thana, Zawna nen hian ka bel kha kan zu lam anga, Aimawia nen hian kan veilam ngaw pui ah khian in lo han vak dawn nia, Khilai thingse mual zawnah khian Sih pawh a awm tak kha...! Mahse, fimkhur ula, " Zamkunga chuan an ti a. Sapui kha an hre tlang ṭheuh si a.
" Sih chan aiin vah vel hi a hlawhtlin theih zawk ka ring nia, kei zawng vah kual ka duh mah e!" Aimawia chuan an ti a, a silai te chu an bih kual vel a.
Rei vak lo hnuah chuan Zamkunga te pawh a bel varhva lama lam tur leh sapel tum nghal chuan an kal ta a. Thanpuia pawh chu Pasalṭha Chhunthanga Silai hlan tak chu a ak a, Aimawia nen chuan an buk chu an chhuah san ta a. Mual dung zui zawng chuan an kal dun ta a, Lo fing hnih awm vel an han kal leh hnu chuan,
" Thana, a nak pek lam hi kan hrut chhin ange, hlawhtling hmasa ta kan awm leh vanvawr zawnga silai hmeh puah mai ni se!" Aimawia chuan an ti a.
" E...ni rawh se, va hlawhtling hle ang che...!!" Thanpuia chuan an ti a, an inṭhen ta a.
............ ............ ............
Chumi ni chuan Saipuii chuan a tum ang ngeiin Chawngi, Chawngṭhuami te inlam chu a pan ta a,Chawngi pi chuan nihlui lama an la en chu Herawt hian alo her ri rat rat a,vanneih a siamin thingphur in a lo chhuak lo hlauh va, a ni pawh chu an puanbu buaipuiin alo buai ve hle a. A ni renga, awllai hi chuhin nula lam hian puan ban nan an hmang ṭhin reng a. Chumi ni kher chuan zan lama ralveng Rodawla chuan tlukzal paha lennan Chawngi te in chu a lo chuangkai ve kher bawk a.
" Eh...Lal fanu, pawi pang a awm ta em ni?" tiin bengvar alo chhuah ve luam a.
" Awm suh ei, hei Chawng ṭhiani hi la ban puiah ka sawm ang chu ka ti a, i ramvak ve na nge?" Saipuii chuan an ti a.
" Keini ve zawng ral kan veng ata langin hun kan neih meuh lo a ni, ka awl ve ṭep a, midangin min rawn thlak ve leh kan la ramchhuak ve a niang chu!" An ti thupui vei khuk a.
Saipuii chuan Rodawla pawh en lem lo chuan, " In hah zozai tawh ngawt a nia ka rin ni, in zarah him takin kan awm phah chu a ni si a, in tlawmngaihna hi ka pa pawn a chhuang takzet che u a nia" an ti mawi a.
Chutia Lal fanu meuhin an tih chuan tlawmngai ta lua leh huaisen ta viau hian a inhre thar leh a, a thinlunga lawmna chuan a chim sang ngei mai le...! A nui suk a, Lal fanu te chu hmel ṭha ta riau hian an hre thar leh hnu hnawh a. Mahse, Chawngi nen Lal in lam an pan san dawn si a, pitar nen ngawt a awm chu niin a hre si lo, a zui ngam chiah si lo, a haw ve ta hnu hnu a.
Saipuii te inlam an pan mek lai chuan Saipuii chuan Chawngi hnenah chuan a thuruk chu an hrilh keuh keuh a, a thinlung in leihbua a ni bawk a, Chawngi chuan a khawngaih kher mai! In an han thlen chuan la ban zai pawh chu an rel lem hlei lova,an phun dun siap siap a. Chawngi pawh chuan hmalak pui chu a tum ran a, an lal fanu chu a khawngaih em a ni. Ruahmanna hrang hrang an zam dun ta hial a.
........... ............ ..............
Thanpuia chuan kawr kam lam chu an pan a, eng emaw thleng tura hriatna a chhungril lam a mi chu a rawn che ta dat mai le! Hei hi pasalṭha te hian an nei ṭhin reng a ni. Ding hlekin thli thawt dan te chu an ngaichang leh rih a, thui lo deuh an vah leh hnu chuan kawr kam changel chu eng emaw hian a nawr che dat dat hi a hmu ta a. Fimkhur deuh chuan an pan ta hriau hriau a. A pa in 'sa kan kah dawn reng rengin a hreibat emaw a nghawng emaw hi tum ila, kan ṭhelh ngai lo. A nghawngah tak kan fuh hi chuan eng sa mah hi an pen lui rei thei lo, a lu ringawt tum tur chuan hmuh fuh hleih theih a ni ngai lo' a tih te chu a hrechhuak a. Chutah thawm dim fe chuan changel hung lam chu a pan ta zel a, chutah le nghalchang chu an hmu a, a lo hawk dawt dawt mai a. A kah nuam tawk vel aṭang chuan an tin ta vang vang a, chutih lai tak chuan thil rimtui em em mai hi a hre ta a. Nghalchang pawh ngaihtuah ta lo chuan rim rawn chhuahna chu hriat tum in an hawi kual a, eng mah reng a hmu si lo. Chutah nghalchang lam chu an en a, an kap ta dur mai a. A silai chu rang fe hian an sawh lehnghal a, chutah a nghalchang kahna lam chu a pan phei ta a, nawn a lo ngai lo kher mai, a chal chang chu a lo leng fuat fuat a. An chian a, alo lian kher mai, sum ruk ṭha lam mah a ni a. Chutih lai tak chuan a piah lamah chuan Silai puak ri chu a hrechhawm ve nghal a, a rik dan kha a tawi tuk lah tak a. Aimawia pawh chuan eng emaw a kap ngei a, a ṭhelh lo tih a hrethiam nghal mai reng a.
A sanghal kah chhawlchhin a tum lai tak chuan thil rimtui em em mai chu a hre leh ta a, a bul lawkah chuan thil eng emaw atana hlauhawm si lo chu a awm reng ni mai hian a hria a. Mahse a hmu thei hauh si lo! A rilru erawh a hlim veng veng thung a, tlangval laia ram lama thangchhuah ngei chu a tum a, chumi tur chuan sa serh chin a kap ve ta malh malh chu a ni. A piah deuh aṭang chuan hlado han chham vang vang a hre ta a,Sazuk hlado a ni ngat mai! Chutah Sanghal hlado chu an chham ve ta vang vang a.
A sa a chhawlchhin zawh chuan Aimawia silai rikna lam chu a pan phei ta a. A chak bawk a a thleng phei hma hle a, Aimawia chu a lo nui var var mai!
" Thana, ka tihreng kha....ṭawng pachhiat hi a awm tak tak lo! I silai ri kha ka hria a,a lian ṭha em! Sakhi sanghal sazuk sa ei puar lah mai ang aw..." an lo ti leh a. Thana chu a kiai suk ringawt a. Aimawia Sazuk kah chu a lian ṭha kher mai, an han tuai let vel a. Chutah Aimawia chu a hawi vut vut a..
" Ti teh, tu an hnai lo bawk a, kan zawn zo ngat ang..! I zawn tehreng ang" an ti a.
Chutah an ni pahnih phur pheng chuan thingtuai an han sat a, zawn turin an han ruahman a zo tak chuan an zawn thei ta mai a. Buk lam chu an pan pui vang vang a, kawng lakah vawikhat chawlh puiin buk an thlen ta mai! Sanghal zawn leh turin an han chhuak dun lehnghal a, Zamkunga te lo thlen hma a buk lo thlen hman an tum a ni. Thanpuia sanghal kahna hmun an han thlen chuan Aimawia chuan an en vung vung a,
" A...hei chu phekphelen tham lek a nih hi, hrui han chhat rawh le...!" Nui huah huah chuan an ti zui a.
A keah hruia phuar in an han zawn dun leh a, kawng nawm loh tehreng nen an chak dun bawk a, an kalpui leh ta vawk vawk mai a. An hlim dun kher mai, Aimawia lah chu ala titi zuah zuah reng thova, rit pu ang pawh hian a awm lo a ni. A bula han chet tlat vel chu Thanpuia chuan nuam a ti hle a ni! Buk chu an han thlen leh ta mai a. Chutih lai chuan ni pawh chu a Chhirbi tlang aṭang chuan a pil ṭep tawh mai a. An han ṭhu chawl a, chutih lai chuan Zamkunga te thawm pawh chu an hre chhunzawm ve leh ta a. A vanneihna ni a ni ngei ang, Pazawna chuan Sakhi a rawn pu haw ve leh tlat mai! Buk a rawn thleng ṭep a, chutah Nghalchang leh Sazuk an hmu phut mai chu a meng bial kawk nghal mai reng a. A ṭhiante pahnih chu an thlir a, a lawm lutuk chu a rawn nui hui tawh mai! A hnung deuh a Zamkunga a bel nen a rawn inawi chho chuan ala rawn hmu pha chiah lova..
Pazawna buk tual melh a nui hui chu an thlir a, chutah le...Sanghal leh Sazuk chu a hmu ve ta....mak ava ti teh lul em!
.......... ............. ................
Hetih lai hian khaw kar kawngah Pasalṭha Chhunthanga leh an khawnbawl Tuaka chu Serzawl panin an rawn thang ve mek a. An hnungah deuhah tlangval pasarih in Sial nen rawn zui ve zel bawk a. Riah buk sualin an buai ve mek a ni. Hmanhmawh viau mahse an silai tlanna tur nena kal an ni a, a kalchak thei der si lo, an rilru a buai takzet a ni. Pasalṭha Chhuna hian Thanpuia kha pawih ral do puiah a duh hle a, a bik taka sawm pawh a tum hle nghe nghe a ni.
An lo rin ang ngei chuan pawih ral an rawn che ta ngei a, Herhzawl khua an run tawh a, Lal fanu tlang thang khawpa hmelṭha Ngurpuii salah an man tel nghe nghe a. Herhzawl Lal pawh a mangang hle nghe nghe a, an pasalṭha rual an ramchhuah hlan a lo ni kher nen, an khaw chanve chu an hal sak nghe nghe a ni. Chawntui lam pawh an mangang hle tawh a, tlangval la awm ang angin khaw hungna an siam ṭha a, ralven buk te chei ṭha in an buai hle a. Silai an lo kawl tlem tawh nen, mangan a zual duh ngawt ang le..!
Serzawl Lal hnenah inremna rawn siam pui a, pawih ral do pui turin rawn thurualpui an tum a ni. Kangzawl leh Herhzawl Lal pawh inthurualin pawih ral do tur chuan thawh chhuah ho an tum a, pawih ral chuan an tumna thlak thut zelin Khangzawl khua an lo run leh tawh a ni. Heng pawih ral ho hian chapchar awllen an rawn chuh a, chu hun chu an pasalṭha te ramchhuah hun a ni tih an hre kar si a. Pawih ral ho hi ṭhuang thumah in ṭhen in an hruaitu te hi Hauzasel, Selzading leh Haukip te an ni a. Pasalṭha tak leh huaisen tak vek an ni. Hauzasel leh a hote hi Kangzawl pasalṭha Thanglura leh a naute hovin an hual ve mek thung a. Lusei Lalte insuihkhawm a pawih ral lian do rawn a hun takzet a ni.
.......... ............ ............
Zamkunga chu meng bial kawk kawk in a naute pahnih chu an melh a, chutah le a hmel chu rawn inthlak thutin......
( Chhunzawm tur)
( Huang ka rawn zauh ta hret hret e, episode tam tak kal tir kha kan duh dan a ni tlang si a, pawih ral um leh phawt ang aw...)
Comments
Post a Comment