LUNGRENG NGÃW...S-3...(30)...
LUNGRENG NGÂW...S-3...30. ..
( PASALṬHA THANPUIA)
M.Lusei Palian
........ ......... ...........
Chung pawih tlangval te thu rawn ken meuh chuan Pasalṭha Thanglura mitmeng pawh a tisen ta ram mai le...! Pawih khualte hian Pawih pasalṭha thenkhat lungawi thei lovin buhseng laia Lusei khua rawn run an tum thu an rawn keng a ni.Pasalṭha Thanglura pawh a thinrim hle mai, a khualte chu rang takin Kangzawl lal in chu a panpui ta a, Kangzawl lal pawh an ti buai ve hle mai! Buh lu chuh lai ngang a ni si a, an buai a ni. Pasalṭha te leh tlangval ho an inkhawm nghal chuk chuk a, lusei tlang dang hrilh turin tlangval eng emaw zat an tir chhuak ta! Pasalṭha Thanglura hian Herhzawl khua lal upa tawh tak Vanthangngura a ngaihtuah hle a, pasalṭha nei nual mahse pawih ral ho hmaah an che fuh lehin a ring meuh lo a ni. Pawih khualte pawh ṭha takin an lo chhawn a, an lal ten an inremna bawhchhiah an duh lo hle a heng pasalṭha inthurual te hi an dan zawh loh avang leh lal te thu an ngaihchan loh avanga pawi thlen hma a rawn tlan tir ngar ngar an ni. Damin kir leh mahse tu khua mahin an pawm loh tur thu thlengin thu an rawn thlen bawk kha a ni.
Pasalṭha Thanglura in a thlen leh meuh chuan khua pawh a tlai tawh hle a, Ngurpuii chuan an thu rolum dan alo zawt vat a. A nu leh a pi pawhin an ngaichang ran mai a, Thanglura chuan tlangval te khaw hran hranah an intirhchhuah thu leh khaw venhimna an uluk tur thlengin an hrilh ta a. Eng tih theih ni lo mahse an lo thinrim ve hle a ni. Buhseng an rawn pawt buai ngei dawnin a lang ta!
....... ........ ...........
Furpuiin mual a liam tawh a, khua rei tak tuihul tawhin buh a hmin kim ta! Buh lu an chuh ṭan ta tak tak a, an ṭang hle mai! An hmanhmawh loh zawngin buh a ngui hman ang tih an hlau si a. Leilung lan aṭanga hmuh theih chhung bun a hun tawh a ni. Serzawl lam pawh an buai hle mai! An buh a hmin ṭha si, a hun taka an chet zawngin Silai zawn mai ni lo, mau tlawn zawn thlenga thar tur an awm nual a ni. Buh seng dan hi chihnih a awm a, khawchhak lamah chuan buhvui kha a kuang sei takin favahin an hlep a, an ṭawn khawm a chu chu 'buhphal' an ti a, thlawhlaiah an hnutchhiah zel a. An hleh zawhah a vuak ni siamin leizawlah emaw leizawl dap phah chungah emaw an vua a, chawhmeh tui deuh siamin buh phal kha a chawp zelin a vawtu an pe ṭhin a ni. An vuak vum kha an tehna a ni leh mai! Khawthlang lamah thung chuan buhvui chu a parah an lawr a a vui chinah an hlep thung a, chu chu an em phurhah an vawm lut zel a, mipa in darbakin em an ak a, hmeichhia in hnamin dawrawnah an phur thung ṭhin. Chu chu a dahkhawmna hmun siamin fasuar ah te an chil ve leh ṭhin a ni.
Pasalṭha Thanchhinga te pafa pawh zing lamah Fasuar siamin an buai a, rinawm takin an siam a, a hnuaiah uluk fe in dap an phah nghal bawk a. ( Fasuar hi buh par lak chil nana an siam, ban pali nei a ni a.Leika ang deuh hlek hian an siam a, amaherawh chu a hnuai hi phelsep uluk taka kaw siar siarin an tah thung a, buhhum a tlakna tur a ni, mau hmanga leihlawn dawh chhovin fasuarah chuan buh an par lak kha an bun a. An bun vum kha an chil a, a hnuaiah chuan buhhum chu a tla ur ur tawh mai a ni. Su duh tak rinawm siin an siam a, buh chil a nuam bikin a fai duh bawk a ni.Mi tamtak han lenna tur leh tal theihna tur erawh a ni lo a ni.) An ni pafa hi an riak nghal a, an buh an seng zo ṭep a ni. Silai zawn an thar ngei an ring a, an phur hle mai! Lang a feh ho pawh an rawn thleng ve leh tawh a, Aimawia leh Pazawna pawh an rawn tel ve nghe nghe a, an ni ho hi inlawm kumhlun an ni. Chu mi chuan buh an han at tak tak a le, a kuak hian a kaw hem hem mai a ni. Serzawl lam hian buh hi an par lak ṭhin thung a ni. Bung an ṭhahnem bawk a, chawhnu ṭha lamah chuan an at zo ta!
Pazawna chu a hawi vang vang a, ala hma phian si, " Phurh haw tur kan chil ngat teh ang, Thana lo zai teh le...!" Tih pah chuan Fasuara lawn a rual a.
Aimawia chuan a phur nen a lo khalh thung a, han zai lung lungin,
" Mauraw dawhrem sudim sang lerah kan her liai e,
Sawmfang kan chil e, fangrawng kan au ve..
( chutah ring fe in) an Fangrawng aw....lauh lauh a. Zau leh lam a mite pawh an rawn Fangrawng aw...ve lauh lauh mai le...
( Fangrawng aw...: Buh kohna a ni a. Buh chil laia a tipungtu auhna hla a ni.Fasuara buh chil pah hian an Fangrawng aw...lauh lauh ṭhin a. A awmzia chu " Buha, lo haw rawh....Phur tam takin lo haw rawh " tihna a ni ber e.)
Fasuarah Aimawia leh Pazawna an han tal tak tak a le...buh hum a rawn sur ta ham ham mai le...! Buh chil na na na zawng an hneh dun kher mai, sam zet hian tam fe an chil zui ta! An han ṭhu chawl ta ale.. Vauah Sakhi huk thawm an hre zui zat a, Aimawia chuan,
" Zawna, han keuh teh...a chek ka hawp chak e...!" thupe aw fe chuan an ti vei khuk a.A nui duh hauh lo lehnghal a.
Chutah Pasalṭha Thanchhinga chuan, " Eh.Zawna hei ka Silai hi han hmang teh...ka zen thun pawh a tling ṭha el awl viau a nia...!" a ti zui a.
Pazawna pawh pasalṭha Thanchhinga silai nen chuan vau lam a pan ta! Hetih lai hian Thanchhinga chuan,
" Zanin chu inpeih leh riak u la, Nghalrual an rawn chhuah ka ring mang e..!" a'n tih chuan Aimawia te an lo an lo phur ngang mai le! An piah deuhah chuan Zamkunga pawh a riak ve bawk nen, riah an tum ta! Buhseng hunlai hi chuan khaw mipui tam zawk hi chu an riak ṭhin reng a, zan lamah pawh inlen pawhin an ri laih laih ṭhin a ni.
Rei vak lovah chuan Silai puak thawm an hre ta, an nui ta sang mai le! Zanriah kil hun a nghahhlelhawm thei hial a ni.Aimawia lah hnah la turin a chhuak vei nulh a, ala zai kal rat rat mai a ni. Vau aṭang chuan Pazawna pawh sakhi paw bahlatin thlam a rawn pan ta! Silai thawm hria in Zamkunga pawh a rawn phei ve ta! Thlam tualah an han dah a, sam fe chuan an chan zo ta! Zamkunga pawh inchawi phei tur chuan an han ti a, langa feh ho an haw dawn chuan Aimawia pawh chuan a zui ve nghal zat a. Mak ti fea Pazawnan an en chuan,
" Eh...ka rawn kir leh thuai ang, belpui ka han pu thla dawn..!" nui duh hauh lo chuan an ti a.
Zamkunga pawh chuan, " Aimawi, lian fe rawn pu thla tak teh, zanriah bawp rawn man hman la aw...!" a tih chuan a bu vei nghut a. Khawlam panin hmanhmawh fe in a liam ta!
Thanpuia te lo an zawh chuan Pazawna te lo lamah an lut leh ang a, Aimawia te lo lamah an tawp dawn a ni.
Thanpuia chuan Sakhi sa chu bel lian fe ah an chhum nghawr barh barh a, a chek erawh Zamkungan a lo buaipui thung a. Khua lah a thim a hnai tawh phian mai, Zau dang a mi te pawh an rawn kuk ta raih raih a, buh hi an la chil hlawm chiah lo va, nihnih thum vel an pho ṭhin a ni. Unau hmel hai a ni ta, Thanchhinga te thlamah chuan pasalṭha Selzama a rawn dak lut ve ta! A ni hi a nupui nen an riak ve thung a ni. Zamkunga pawh thlamah han lut thuaiin Selzama thu hla an ngaithla dawn a ni. Sakhi satui chu Thanpuia chuan mautheiin a lo thlit sak a, a duhsak hle tih a lo tilang chu a ni. Chutah pasalṭha Selzama chuan aw an thian a,
" Hnum mawngtam lamah khuan nghalrual thawm ka hre tlat a, zanin chu kan zau lamah rawn chhuk ve u la ka duh hle mai a! Zama, Suaki te ho chu kan thlamah lo riak mai se a ṭha lawng maw!" an ti khuk a.
Zamkunga chuan, " E ....ni mai e, nghalrual an thau hle tawh ang le, hmanni lah khan duhangin ka nauh ta lo, zanriah kan han bar anga, lenghnawt ar khuan hun velah rawn chhuk i la ti nia...! Hetah bar nghal ang che aw...!" a ti chhuak a .
Thanpuia te ṭhian ho lah an lo phur hle mai, chutih lai tak chuan Aimawia rawn kuk raih thawm pawh an hre ta! Pasalṭha Selzama erawh a ṭang tlat a, an zau lamah a liam ta, Sanghal sarep a nupuiin a ur ve tluk tluk atin ni. Aimawia thawm an hre ta, belpui lian fe a rawn pu lut a, a mah lah chu an nghapui tluk nghal zar mai a. Pazawna lah inti sakaptu tak chuan vaibel pet chungin a lo ṭhu vel a, an hmuh apiang chuan an kiai suk zel a ni.
Changel hnah chungah buhchangrum an han khawrh khu leh ta vut vut mai le, a laiah chuan sakhi sa lian fe fe a thal hul mai a. Sakhi satui leh a chek pawh Pazawnan mauthei tharah a rim a tui a tih tlat avangin mauthei tharah chuan an han thli chhuak a. An han ṭhu bial ta, an han bar ṭan chu an chawbel an sit ṭan ta hle mai! Chaw an han bar te chuan a tui chuan an han um liam tir a, Pazawna lah chuan sahrang lian fe han ban zuk pah chuan, " A kaptu sa...!" an ti zet chu le...Aimawia chuan a phuh huk mai le! Zanriah bawm ngang an ni a, ṭawng thui hman an ni lo, ṭhahnem an ngai hle hlawm a ni. Zamkunga chuan Selzama ro rawn neih dan chu an sawi nawn a, an phur hle mai! Pazawna salu an lawm zet ang a, an liam thla dawn a ni.
....... ....... ........
Pasalṭha Thanglura tlangval tirhte pawhin Chawntui khua rawn pel tawhin an hmanhmawh kher mai! Karkawngah zan pawh riak lovin an ṭhu mu zeuh zeuh chauh a ni. Serzawl an rawn thleng ṭep tawh a, Chawntui ah khan Pasalṭha Chhunthanga an rawn hrilh a, Bawkmualah Pasalṭha Hrangkhuma an rawn hrilh thlap bawk a. Darphawa nen an lo awm dun lai tak a ni nghe nghe a ni. Varṭianah Serzawl khua luh hman hram an tum a, an ei in tur pawh an ei zo ṭep tawh chu a ni.
Tlangval pahnih te hi pawih ral um khan an tel ve ve tawh a, pasalṭha Thanpuia chu va hrilh ngei an ngai dawn a ni. Pawih ral um leh tur hian Pasalṭha Thanglura hian he thangchhuahpa ni ta aia thlan hi a nei lo a ni. Pasalṭha Chhunthangan rawn zui bawk se, Bawkmual Darphawa te nen ngat chuan Siampahranga khua pawh an han nawr tawm thei hial ang chu le. An thang hlan hian an khuaah Pawih mawngbal ho an tla lut hman ang tih an hlau ve hle a ni.
Pasalṭha Chhunthanga pawh a awm hle hle thei ta lo! Lalvura te nen chuan ro an rel nghal a, buh luchuh lai ngang a ni nen, an buai kher mai le! Darphawa pawh tlangval ho fuihin ram lama riak zawng pawh an zuk ko haw ta hlawm a, ralven buk chei thar lehin a vei vut vut tawh mai a ni. Pawih ho a huatna la reh lo nen, pasalṭha Selzama te ho kha a ngai hle mai le! Zanah pawh tlaivarin khawchhung an veng ṭan ta!
......... .......... .............
Chungturni pawhin bul rawn ṭanin Seifate khawvel a rawn bih ta dek dek ṭan a. Pasalṭha Selzama te thlam bulah chuan Sanghal pathum nunna nei tawh lovin an thal huang tawh mai a. An hlim leh hle tawh mai le, Aimawia pawh chuan a belpui a kuan leh vung tawh a, ramriak ve te an han au khawm a, chung an sa kah te chu an chan dawn a ni. Nghalpui pakhat Pasalṭha Selzaman a kap a, Aimawian pakhat kap bawkin, Zamkunga hian a kap ve bawk a. An hlawhtling hle a ni. Buhseng chhung chu an ring tlang thei ngei ang le. Zan lamah khan an che na tlang bawk a, an la hlim hle mai le, pasalṭha Selzama te Thlam thlen chho tur pawh hian an bei chho hle tawh kha a ni. Sanghal thau hunlai a ni vei nen, hlado an chham sek hlawm kha a ni. Sa chan a an buai em em lai chuan, lo lu lam aṭang chuan Zualko tlangau a rawn au ta......
( chhunzawm tur)
( PASALṬHA THANPUIA)
M.Lusei Palian
........ ......... ...........
Chung pawih tlangval te thu rawn ken meuh chuan Pasalṭha Thanglura mitmeng pawh a tisen ta ram mai le...! Pawih khualte hian Pawih pasalṭha thenkhat lungawi thei lovin buhseng laia Lusei khua rawn run an tum thu an rawn keng a ni.Pasalṭha Thanglura pawh a thinrim hle mai, a khualte chu rang takin Kangzawl lal in chu a panpui ta a, Kangzawl lal pawh an ti buai ve hle mai! Buh lu chuh lai ngang a ni si a, an buai a ni. Pasalṭha te leh tlangval ho an inkhawm nghal chuk chuk a, lusei tlang dang hrilh turin tlangval eng emaw zat an tir chhuak ta! Pasalṭha Thanglura hian Herhzawl khua lal upa tawh tak Vanthangngura a ngaihtuah hle a, pasalṭha nei nual mahse pawih ral ho hmaah an che fuh lehin a ring meuh lo a ni. Pawih khualte pawh ṭha takin an lo chhawn a, an lal ten an inremna bawhchhiah an duh lo hle a heng pasalṭha inthurual te hi an dan zawh loh avang leh lal te thu an ngaihchan loh avanga pawi thlen hma a rawn tlan tir ngar ngar an ni. Damin kir leh mahse tu khua mahin an pawm loh tur thu thlengin thu an rawn thlen bawk kha a ni.
Pasalṭha Thanglura in a thlen leh meuh chuan khua pawh a tlai tawh hle a, Ngurpuii chuan an thu rolum dan alo zawt vat a. A nu leh a pi pawhin an ngaichang ran mai a, Thanglura chuan tlangval te khaw hran hranah an intirhchhuah thu leh khaw venhimna an uluk tur thlengin an hrilh ta a. Eng tih theih ni lo mahse an lo thinrim ve hle a ni. Buhseng an rawn pawt buai ngei dawnin a lang ta!
....... ........ ...........
Furpuiin mual a liam tawh a, khua rei tak tuihul tawhin buh a hmin kim ta! Buh lu an chuh ṭan ta tak tak a, an ṭang hle mai! An hmanhmawh loh zawngin buh a ngui hman ang tih an hlau si a. Leilung lan aṭanga hmuh theih chhung bun a hun tawh a ni. Serzawl lam pawh an buai hle mai! An buh a hmin ṭha si, a hun taka an chet zawngin Silai zawn mai ni lo, mau tlawn zawn thlenga thar tur an awm nual a ni. Buh seng dan hi chihnih a awm a, khawchhak lamah chuan buhvui kha a kuang sei takin favahin an hlep a, an ṭawn khawm a chu chu 'buhphal' an ti a, thlawhlaiah an hnutchhiah zel a. An hleh zawhah a vuak ni siamin leizawlah emaw leizawl dap phah chungah emaw an vua a, chawhmeh tui deuh siamin buh phal kha a chawp zelin a vawtu an pe ṭhin a ni. An vuak vum kha an tehna a ni leh mai! Khawthlang lamah thung chuan buhvui chu a parah an lawr a a vui chinah an hlep thung a, chu chu an em phurhah an vawm lut zel a, mipa in darbakin em an ak a, hmeichhia in hnamin dawrawnah an phur thung ṭhin. Chu chu a dahkhawmna hmun siamin fasuar ah te an chil ve leh ṭhin a ni.
Pasalṭha Thanchhinga te pafa pawh zing lamah Fasuar siamin an buai a, rinawm takin an siam a, a hnuaiah uluk fe in dap an phah nghal bawk a. ( Fasuar hi buh par lak chil nana an siam, ban pali nei a ni a.Leika ang deuh hlek hian an siam a, amaherawh chu a hnuai hi phelsep uluk taka kaw siar siarin an tah thung a, buhhum a tlakna tur a ni, mau hmanga leihlawn dawh chhovin fasuarah chuan buh an par lak kha an bun a. An bun vum kha an chil a, a hnuaiah chuan buhhum chu a tla ur ur tawh mai a ni. Su duh tak rinawm siin an siam a, buh chil a nuam bikin a fai duh bawk a ni.Mi tamtak han lenna tur leh tal theihna tur erawh a ni lo a ni.) An ni pafa hi an riak nghal a, an buh an seng zo ṭep a ni. Silai zawn an thar ngei an ring a, an phur hle mai! Lang a feh ho pawh an rawn thleng ve leh tawh a, Aimawia leh Pazawna pawh an rawn tel ve nghe nghe a, an ni ho hi inlawm kumhlun an ni. Chu mi chuan buh an han at tak tak a le, a kuak hian a kaw hem hem mai a ni. Serzawl lam hian buh hi an par lak ṭhin thung a ni. Bung an ṭhahnem bawk a, chawhnu ṭha lamah chuan an at zo ta!
Pazawna chu a hawi vang vang a, ala hma phian si, " Phurh haw tur kan chil ngat teh ang, Thana lo zai teh le...!" Tih pah chuan Fasuara lawn a rual a.
Aimawia chuan a phur nen a lo khalh thung a, han zai lung lungin,
" Mauraw dawhrem sudim sang lerah kan her liai e,
Sawmfang kan chil e, fangrawng kan au ve..
( chutah ring fe in) an Fangrawng aw....lauh lauh a. Zau leh lam a mite pawh an rawn Fangrawng aw...ve lauh lauh mai le...
( Fangrawng aw...: Buh kohna a ni a. Buh chil laia a tipungtu auhna hla a ni.Fasuara buh chil pah hian an Fangrawng aw...lauh lauh ṭhin a. A awmzia chu " Buha, lo haw rawh....Phur tam takin lo haw rawh " tihna a ni ber e.)
Fasuarah Aimawia leh Pazawna an han tal tak tak a le...buh hum a rawn sur ta ham ham mai le...! Buh chil na na na zawng an hneh dun kher mai, sam zet hian tam fe an chil zui ta! An han ṭhu chawl ta ale.. Vauah Sakhi huk thawm an hre zui zat a, Aimawia chuan,
" Zawna, han keuh teh...a chek ka hawp chak e...!" thupe aw fe chuan an ti vei khuk a.A nui duh hauh lo lehnghal a.
Chutah Pasalṭha Thanchhinga chuan, " Eh.Zawna hei ka Silai hi han hmang teh...ka zen thun pawh a tling ṭha el awl viau a nia...!" a ti zui a.
Pazawna pawh pasalṭha Thanchhinga silai nen chuan vau lam a pan ta! Hetih lai hian Thanchhinga chuan,
" Zanin chu inpeih leh riak u la, Nghalrual an rawn chhuah ka ring mang e..!" a'n tih chuan Aimawia te an lo an lo phur ngang mai le! An piah deuhah chuan Zamkunga pawh a riak ve bawk nen, riah an tum ta! Buhseng hunlai hi chuan khaw mipui tam zawk hi chu an riak ṭhin reng a, zan lamah pawh inlen pawhin an ri laih laih ṭhin a ni.
Rei vak lovah chuan Silai puak thawm an hre ta, an nui ta sang mai le! Zanriah kil hun a nghahhlelhawm thei hial a ni.Aimawia lah hnah la turin a chhuak vei nulh a, ala zai kal rat rat mai a ni. Vau aṭang chuan Pazawna pawh sakhi paw bahlatin thlam a rawn pan ta! Silai thawm hria in Zamkunga pawh a rawn phei ve ta! Thlam tualah an han dah a, sam fe chuan an chan zo ta! Zamkunga pawh inchawi phei tur chuan an han ti a, langa feh ho an haw dawn chuan Aimawia pawh chuan a zui ve nghal zat a. Mak ti fea Pazawnan an en chuan,
" Eh...ka rawn kir leh thuai ang, belpui ka han pu thla dawn..!" nui duh hauh lo chuan an ti a.
Zamkunga pawh chuan, " Aimawi, lian fe rawn pu thla tak teh, zanriah bawp rawn man hman la aw...!" a tih chuan a bu vei nghut a. Khawlam panin hmanhmawh fe in a liam ta!
Thanpuia te lo an zawh chuan Pazawna te lo lamah an lut leh ang a, Aimawia te lo lamah an tawp dawn a ni.
Thanpuia chuan Sakhi sa chu bel lian fe ah an chhum nghawr barh barh a, a chek erawh Zamkungan a lo buaipui thung a. Khua lah a thim a hnai tawh phian mai, Zau dang a mi te pawh an rawn kuk ta raih raih a, buh hi an la chil hlawm chiah lo va, nihnih thum vel an pho ṭhin a ni. Unau hmel hai a ni ta, Thanchhinga te thlamah chuan pasalṭha Selzama a rawn dak lut ve ta! A ni hi a nupui nen an riak ve thung a ni. Zamkunga pawh thlamah han lut thuaiin Selzama thu hla an ngaithla dawn a ni. Sakhi satui chu Thanpuia chuan mautheiin a lo thlit sak a, a duhsak hle tih a lo tilang chu a ni. Chutah pasalṭha Selzama chuan aw an thian a,
" Hnum mawngtam lamah khuan nghalrual thawm ka hre tlat a, zanin chu kan zau lamah rawn chhuk ve u la ka duh hle mai a! Zama, Suaki te ho chu kan thlamah lo riak mai se a ṭha lawng maw!" an ti khuk a.
Zamkunga chuan, " E ....ni mai e, nghalrual an thau hle tawh ang le, hmanni lah khan duhangin ka nauh ta lo, zanriah kan han bar anga, lenghnawt ar khuan hun velah rawn chhuk i la ti nia...! Hetah bar nghal ang che aw...!" a ti chhuak a .
Thanpuia te ṭhian ho lah an lo phur hle mai, chutih lai tak chuan Aimawia rawn kuk raih thawm pawh an hre ta! Pasalṭha Selzama erawh a ṭang tlat a, an zau lamah a liam ta, Sanghal sarep a nupuiin a ur ve tluk tluk atin ni. Aimawia thawm an hre ta, belpui lian fe a rawn pu lut a, a mah lah chu an nghapui tluk nghal zar mai a. Pazawna lah inti sakaptu tak chuan vaibel pet chungin a lo ṭhu vel a, an hmuh apiang chuan an kiai suk zel a ni.
Changel hnah chungah buhchangrum an han khawrh khu leh ta vut vut mai le, a laiah chuan sakhi sa lian fe fe a thal hul mai a. Sakhi satui leh a chek pawh Pazawnan mauthei tharah a rim a tui a tih tlat avangin mauthei tharah chuan an han thli chhuak a. An han ṭhu bial ta, an han bar ṭan chu an chawbel an sit ṭan ta hle mai! Chaw an han bar te chuan a tui chuan an han um liam tir a, Pazawna lah chuan sahrang lian fe han ban zuk pah chuan, " A kaptu sa...!" an ti zet chu le...Aimawia chuan a phuh huk mai le! Zanriah bawm ngang an ni a, ṭawng thui hman an ni lo, ṭhahnem an ngai hle hlawm a ni. Zamkunga chuan Selzama ro rawn neih dan chu an sawi nawn a, an phur hle mai! Pazawna salu an lawm zet ang a, an liam thla dawn a ni.
....... ....... ........
Pasalṭha Thanglura tlangval tirhte pawhin Chawntui khua rawn pel tawhin an hmanhmawh kher mai! Karkawngah zan pawh riak lovin an ṭhu mu zeuh zeuh chauh a ni. Serzawl an rawn thleng ṭep tawh a, Chawntui ah khan Pasalṭha Chhunthanga an rawn hrilh a, Bawkmualah Pasalṭha Hrangkhuma an rawn hrilh thlap bawk a. Darphawa nen an lo awm dun lai tak a ni nghe nghe a ni. Varṭianah Serzawl khua luh hman hram an tum a, an ei in tur pawh an ei zo ṭep tawh chu a ni.
Tlangval pahnih te hi pawih ral um khan an tel ve ve tawh a, pasalṭha Thanpuia chu va hrilh ngei an ngai dawn a ni. Pawih ral um leh tur hian Pasalṭha Thanglura hian he thangchhuahpa ni ta aia thlan hi a nei lo a ni. Pasalṭha Chhunthangan rawn zui bawk se, Bawkmual Darphawa te nen ngat chuan Siampahranga khua pawh an han nawr tawm thei hial ang chu le. An thang hlan hian an khuaah Pawih mawngbal ho an tla lut hman ang tih an hlau ve hle a ni.
Pasalṭha Chhunthanga pawh a awm hle hle thei ta lo! Lalvura te nen chuan ro an rel nghal a, buh luchuh lai ngang a ni nen, an buai kher mai le! Darphawa pawh tlangval ho fuihin ram lama riak zawng pawh an zuk ko haw ta hlawm a, ralven buk chei thar lehin a vei vut vut tawh mai a ni. Pawih ho a huatna la reh lo nen, pasalṭha Selzama te ho kha a ngai hle mai le! Zanah pawh tlaivarin khawchhung an veng ṭan ta!
......... .......... .............
Chungturni pawhin bul rawn ṭanin Seifate khawvel a rawn bih ta dek dek ṭan a. Pasalṭha Selzama te thlam bulah chuan Sanghal pathum nunna nei tawh lovin an thal huang tawh mai a. An hlim leh hle tawh mai le, Aimawia pawh chuan a belpui a kuan leh vung tawh a, ramriak ve te an han au khawm a, chung an sa kah te chu an chan dawn a ni. Nghalpui pakhat Pasalṭha Selzaman a kap a, Aimawian pakhat kap bawkin, Zamkunga hian a kap ve bawk a. An hlawhtling hle a ni. Buhseng chhung chu an ring tlang thei ngei ang le. Zan lamah khan an che na tlang bawk a, an la hlim hle mai le, pasalṭha Selzama te Thlam thlen chho tur pawh hian an bei chho hle tawh kha a ni. Sanghal thau hunlai a ni vei nen, hlado an chham sek hlawm kha a ni. Sa chan a an buai em em lai chuan, lo lu lam aṭang chuan Zualko tlangau a rawn au ta......
( chhunzawm tur)
ka first hlauh e,ngaihnawm leh pek hle mai
ReplyDelete