LUNGRENG NGÂW..S-3...(29)...
LUNGRENG NGÂW...S-3...29. ..
( PASALṬHA THANPUIA)
M.Lusei Palian
........ ......... ...........
Hetih mek lai hian Charchhawn veng lamah Rodawla chuan a ruahmanna chu alo sawi ve sa sa a! A ni hi Pazawna mit a mei si a luh avanga vannei ta kha a ni, Ngurṭhuama leh Tlangchhuaka erawh an ti suih suih tawh mai! Ngam loh chala chilhnawm zawng an sim ngei ang, Rodawla ruahmanna chu an pawm thei tlat lo, khawhnih inhmelmak theihna hial a ni si a. Hriangmual hi ropui ve hle mahse Serzawl mihrang hmachhawn tur em chuan pasalṭha an ngah tawk lo a ni. Hetih rual hian Rodawlan lal hnena zualko pui a tumna erawh ṭha ve deuh chuan an hria a, Chawntui khualte chungah tal phuba lak an duh a ni. Ngurṭhuama chuan he khaw pasalṭha hian Charthing lal fanu chunga a khawsak dan kha alo hre ru in a hria a, a ṭi sawt hle mai, varṭiana an khaw lam pan vang vang chu a duh hial a ni. Tlangchhuaka lah chuan a hneh loh Pasalṭha Chhunthanga chawntui mikawl a awm ve tih a hria a, a awm anuam thei lo. Ro a zawnga ro hlu, mihring siam theihna mipa te rohlu ber lang huang khawpin a lo bin tawh kha a ni. Ngurṭhuama pawh a robawm han lang huang kha a dawn nawn pawhin a zak telh telh mai si chu a ni. A hnar a lian ṭan hle mai le, Serzawl lal nula han uipui tuilian thlir a, han Chhuangtuar thlawh liam tir mai chu a ui hle dawn a ni.Mahse he thangchhuahpa hi a ngam ngang lo a ni. Lal in an pan ta hnu hnu a, ui chal dawih zawk an ang hle ta ve ang le! Lal leh lal fanu an lo awm hauh lo lehzel a, upa Tlungirha te inlamah an inzui thla leh ta hnak hnak mai!
Pasalṭha Thanchhinga te inlamah ve thung chuan tuium leh talhkhuang an ti ri a, a ṭhenin tuium an sawh a Chawmkhuang bengtu Bukbawnga lah a phur vei surh surh hle mai nen, hlim zai an han sa a a ri beng bung tawh a ni. Pasalṭha Thanpuia zunram han thiar chu lal fanu Saipuii chuan chhuanlam siamin a zui ta vat mai le...! Thanpuia zun zung zo let tum thingkhawn bula thirkhai rirek ( nula sawina ) lo ding zan an hmuh zawngin thangchhuahpa pawh a zam leh mai dawn em ni? A hnaih ta hret a, hnai te a, an han inmelh zet zawng tlangthang lal nula pawh a sai ru ve dar dar mai le... Chu zan khawthiangah meuh chuan chhawrthlapui pawh rawn ṭhan belh leh tawhin arsi te pawh chuan Serzawl ti Serzawl tute chu an bih thla ve kiau tawh mai!
Thanpuia chuan han sawi mai tur pawh a hre chiah lo, Saipuii lah chuan leilam a bih ve tlat thung a. A ni renga nghakhlel taka thlirte a taka han tawn meuh chuan dawn lungruk a chhekkhawmte pawh an bo leh duak si ṭhin! Thanpuia chuan zawlbuka Ngurṭhuama thusawi a hrechhuak zawk a, Saipuii chu an naupang sual melh leh a, tihian an ti ve a,
" Hriangmual lalfapa ten an nghak reng awm si che a, ngah nge i lokal ve mai ni...!?"an ti deuh kher mai le!
Chutah le, Serzawli( lal fanu Saipuii hi Serzawl khaw hming tithangtu a nih miau avangin Serzawli tih hi a hming lem a ni) chuan thangchhuahpa ngaihla thei ang bera melh pah chuan,
" Khawdang lal fapa aiin tlangthang pasalṭha, thangchhuahpa hi thlahlel zawk ta ila ngai haw tur an awm tihna em ni ni ta? Pasalṭha hian ka dawn lungruk a hre vek mai si a!" Darlai ang maia tliang ṭha ring hauh lo zawi miah si lo a an tih meuh chuan thingkhawn phenah an liam ta! Thu hriat nuam fe fe, an han inhlan zawh meuh zawngin arsi te pawh chu an mawi thar ta riau a, lunglen leh khaw harna kha chu kawlvalenchhamah zu han awm daih tawh a. Zan a hma tawh loh avang chuan Serzawli chu a han thlah ta nghal law law a. Chu zan thiang mawi nuam tak hnuaia, thinlung inzawm pahnih han pen dun meuh zawng an va mawi em! Lal in an thlen hma deuh chuan Ngurṭhuama zunzung chuan thangchhuahpa leh lal fanu chu a hmu ta....! Ṭek hian a deng ta emaw tihhial tur a ni! Sakhi ramtla thlir tumin Sapui hmu thut ang vel hi a ni ber a, zanmu pawh a chhing meuh lovang le!
Pasalṭha Thanchhingan Chhunthanga zu han khawn pui pah a a naute kim lo chin an zawh meuh chuan pasalṭha Chhunthanga pawh a hmai a uang lo hle mai le! Rochhuma chin an hriat meuh chuan pawi an ti hle a ni. Serzawl lal Lalbula te ho chuan Salu chu an bulah an dah a, ropui hi an ti hle a Seipui khua khum ta ah a inngai a a hawi lur lur a. He pasalṭha hi chu a chhuang takzet a ni. Upa Phirtuala nen chuan an han inbekbawr a, ai loh phal chi ni in hre miau hek lo! Chutah Lalbula chu an dingchhuak ta hluai a, aw an thian khuk khuk a, hlim taka zai te pawh an lo ngawi ta thap a a ṭawngchhuak ta,
" Aw le, hei ka khuaah ngei hetiang salu ropui a rawn lut hi ka lawmna ava ril teh kher em! Kan ṭul lai mah ni se, hetiang sa ropui hi ai loh chi niin kan hre lo va, upa Phirtuala nen kan ai a nge, tlangaupa in han tlang than se, lo lam ven ngai erawh kan hrethiam tur a ni. A thei thei in awmni kan kham ang a, thangchhuahpa ka nei belh hi ka lawm a, kan lawmpui ngei tur lah ni...! Zanin pawh hian a thei thei kan zai tlaivar tur a ni reng a, ka ṭawng khuanu leh Khuapa in ngaithiam se...Seipui khua kan khumna hi ka thlir liam thei lo a ni. Kan zubel ṭheuh i pu khawm ṭha leh ang u hmiang... lam te i thai leh ila, kan len tak loh le...mualah pawh kan zai mai tur lah ni...!" an tih meuh chuan lal fing anih zia a tilang leh ta, Seipuii khua an khum ta ngei si! Chulai hmuna awm te an va hlim ngai em! Aimawia te ho lah an chim chin a sang ta, a hawi vual vual a, Thanpuia a hmu ta hauh lo....Thanpuia chang a ni lo, Serzawli pawh a hmu tel ta si lo, a kiai suk suk mai le...Pazawna an bekbawr zui zat a. Pasalṭha Chhuna pawh a lo khi sung tawh mai!
Lenghnawt ar a khuan zawh hnu chuan tlangaupa chuan muang fan raihin lal thuchhuak chu an tlang than ta! Tumah la zanlai hlawm hek lo le, an thu hriat chuan a va tilawm hlawm em! Lalbula meuh zawng thil a thlir thiam ṭhin em a ni. Tlangaupa han au lauh lauh lai chuan Thanpuia pawhin an inchhung a rap ve chiah a, tlangaupa thu an hriat chuan a hlim ve hle a ni. Aw....a mi han thlah kha a bulah han awm ve se a ṭha tur hi a nia!
........ .......... ..........
Chu zan thiang tak karah chuan Khamlairang lal fanu Saithanmawii chuan van lam a thlir vang vang a. Serzawl pasalṭha chah ang khan Sawia pawh a thli thlai ve reng a, khawchhung mite pawhin Sawia te dinhmun lal fanu in a ngaihsak sawt hle tih an hre ve thuai a, an chhawmdawl ta zawk a. Saithanmawii chu a zawl tling vawnnat mai ang tih a hlauhawm ta! Kha pasalṭha khan zawlaidi a tat ta em ni le? An liamni aṭang khan a ngui ruai a, Sawia leh Vunga te chu a lenchilh leh tlut ṭhin a. An ramchhuah dan chanchin te chu a zawt nawn fo mai a ni. Sawia leh Vunga chuan buh luchuh hma in Serzawl zin an tum tih a hria a, zah pawh dawn lova zui ve ruak ruak chu a nap a ni. Kha pasalṭha kha eng tin tak zan hun hmang ve ang maw? A ni zawngin chhun hun rei a ti in zankhua a sei si! Khamlairang khua ruak ta huai chu an thlir a, Vamur puk te chuan a lung a len hle a ni. Engtikah tak kha pasalṭha kha rawn let leh ang maw!?
......... ........... ...........
Pasalṭha Thanchhinga te inah chuan leng ta hek lo, lal mualah an insawn ta! Meipui chhepin an zai a, an ri ta laih laih a, pa ho pawh rawn pung zelin lal mual an mawi ta! Lal fanu pawh a mawina zawng nen a rawn pen thla ta, he Serzawli meuh hi chu thlir nin a har a ni.Chu zana an hlimna chuan van a tawng ta! An rinai hma in khua a rawn var a, tlangval te leh pathlawi ho an han fatu a, belpui an chhawp a, an han chheih thul an va hlim em!
Chu ni, mahni hna tlin em em kara Serzawl lal mual sira Se sa han so ri bawrh bawrh rem chuan mipui an chai ta emaw tih tur a ni hial a. Chi khur nei khua an ni vei nen, an ropui zual zel mai le! Chu khuaah chuan thla tin mi an pung a ni hawt a, khaw hmingthang tak an ni ta si! Tlai ni nem a Serzawli han chevel erawh sawisel bo a ni! An pasalṭha nen hian an inhnim hnai tih an hre fur a, Lal meuh pawh chuan a haider miau alawm!
Rodawla te erawh chu ni ropui hmang ve lovin Hriangmual lamah a rin em em Ngurṭhuama hovin an liam ta kha a ni. Eng thil tak va tawng dawn chu ni maw..? Phur tak chuan a pen ve surh surh mai a ni. Serzawl an hlat tial tial a, an tiduhdah tial tial a, Hriangmual valte hian upa tupa a ni tih an nghilhtir dawn a ni mahna! Pasalṭha Chhunthanga te pawh an khaw lam an pan ve tawh a, an ni ho hian buhseng zawh hnuah chi an rawn teng zui dawn a ni.
Sawia leh Vunga rawn zin meuh zawng an lo lawm hle a, Pasalṭha Thanchhingan a fapa ka aṭangin an dinhmun a lo hre tawh a. Sawia chu silai an ngaihtuah pui ta, an thil tih dan chu a pu Phirtualan a lo hria a, a lawm hle a. Upa Phirtuala chuan Sawia te ṭhiandun chu Sepui pali leh a pa pahnih ngawt a kaih hawn tir ta kha a ni. Sawia hian pheichham a man a ni hawt e, Vunga lah chuan a lawmpui em em mai si! Rei cham hman hek lo, buh lu chuh a hun tawh miau mai si! Zin leh vat tura intiamin hlim takin Sepui nen an liam ta a ni.
....... ........ ........
Hetih mek lai hian Pasalṭha Thanglura pawh a nupui Ngursangpuii raipuar ṭeuh tawh bulah an ṭhu a. Ngurpuii lah a hmel ṭhat a zual emaw tih mai tur a ni. Kangzawlah chuan an hlim ber hial awm e. A nu leh a pi nen an cheng a, an hlim hle a ni. Herhzawl lal a ṭha vak lo tih an hria a, Herhzawl hi an ṭhut har tawh kher lovang le! Pasalṭha Thanglura buhseng in Nghalpui a kap a, an phur thleng chiah a ni. Ngurpuii rai ta chu Thanglura nu leh a pi chuan an duat hle mai a, sa leh va ar chen chuan an hlui reng mai a ni.
Thangluran sanghal sa a rep dawn lai tak chuan Pawih lal mi tirh te chuan an sumhmun an rawn rap ve mek a, Thanglura nu pawh lal inah lal sa dahin a liam mek a ni. Chutia an ina lawiluh han dil te chu a lo chhawn var a, an rawn luh meuh chuan Ngurpuii pawh a meng bial ta! Chung pawih tlangval te thu rawn ken meuh chuan Pasalṭha Thanglura mitmeng pawh a tisen ta ram mai le...!
( chhunzawm tur)
( PASALṬHA THANPUIA)
M.Lusei Palian
........ ......... ...........
Hetih mek lai hian Charchhawn veng lamah Rodawla chuan a ruahmanna chu alo sawi ve sa sa a! A ni hi Pazawna mit a mei si a luh avanga vannei ta kha a ni, Ngurṭhuama leh Tlangchhuaka erawh an ti suih suih tawh mai! Ngam loh chala chilhnawm zawng an sim ngei ang, Rodawla ruahmanna chu an pawm thei tlat lo, khawhnih inhmelmak theihna hial a ni si a. Hriangmual hi ropui ve hle mahse Serzawl mihrang hmachhawn tur em chuan pasalṭha an ngah tawk lo a ni. Hetih rual hian Rodawlan lal hnena zualko pui a tumna erawh ṭha ve deuh chuan an hria a, Chawntui khualte chungah tal phuba lak an duh a ni. Ngurṭhuama chuan he khaw pasalṭha hian Charthing lal fanu chunga a khawsak dan kha alo hre ru in a hria a, a ṭi sawt hle mai, varṭiana an khaw lam pan vang vang chu a duh hial a ni. Tlangchhuaka lah chuan a hneh loh Pasalṭha Chhunthanga chawntui mikawl a awm ve tih a hria a, a awm anuam thei lo. Ro a zawnga ro hlu, mihring siam theihna mipa te rohlu ber lang huang khawpin a lo bin tawh kha a ni. Ngurṭhuama pawh a robawm han lang huang kha a dawn nawn pawhin a zak telh telh mai si chu a ni. A hnar a lian ṭan hle mai le, Serzawl lal nula han uipui tuilian thlir a, han Chhuangtuar thlawh liam tir mai chu a ui hle dawn a ni.Mahse he thangchhuahpa hi a ngam ngang lo a ni. Lal in an pan ta hnu hnu a, ui chal dawih zawk an ang hle ta ve ang le! Lal leh lal fanu an lo awm hauh lo lehzel a, upa Tlungirha te inlamah an inzui thla leh ta hnak hnak mai!
Pasalṭha Thanchhinga te inlamah ve thung chuan tuium leh talhkhuang an ti ri a, a ṭhenin tuium an sawh a Chawmkhuang bengtu Bukbawnga lah a phur vei surh surh hle mai nen, hlim zai an han sa a a ri beng bung tawh a ni. Pasalṭha Thanpuia zunram han thiar chu lal fanu Saipuii chuan chhuanlam siamin a zui ta vat mai le...! Thanpuia zun zung zo let tum thingkhawn bula thirkhai rirek ( nula sawina ) lo ding zan an hmuh zawngin thangchhuahpa pawh a zam leh mai dawn em ni? A hnaih ta hret a, hnai te a, an han inmelh zet zawng tlangthang lal nula pawh a sai ru ve dar dar mai le... Chu zan khawthiangah meuh chuan chhawrthlapui pawh rawn ṭhan belh leh tawhin arsi te pawh chuan Serzawl ti Serzawl tute chu an bih thla ve kiau tawh mai!
Thanpuia chuan han sawi mai tur pawh a hre chiah lo, Saipuii lah chuan leilam a bih ve tlat thung a. A ni renga nghakhlel taka thlirte a taka han tawn meuh chuan dawn lungruk a chhekkhawmte pawh an bo leh duak si ṭhin! Thanpuia chuan zawlbuka Ngurṭhuama thusawi a hrechhuak zawk a, Saipuii chu an naupang sual melh leh a, tihian an ti ve a,
" Hriangmual lalfapa ten an nghak reng awm si che a, ngah nge i lokal ve mai ni...!?"an ti deuh kher mai le!
Chutah le, Serzawli( lal fanu Saipuii hi Serzawl khaw hming tithangtu a nih miau avangin Serzawli tih hi a hming lem a ni) chuan thangchhuahpa ngaihla thei ang bera melh pah chuan,
" Khawdang lal fapa aiin tlangthang pasalṭha, thangchhuahpa hi thlahlel zawk ta ila ngai haw tur an awm tihna em ni ni ta? Pasalṭha hian ka dawn lungruk a hre vek mai si a!" Darlai ang maia tliang ṭha ring hauh lo zawi miah si lo a an tih meuh chuan thingkhawn phenah an liam ta! Thu hriat nuam fe fe, an han inhlan zawh meuh zawngin arsi te pawh chu an mawi thar ta riau a, lunglen leh khaw harna kha chu kawlvalenchhamah zu han awm daih tawh a. Zan a hma tawh loh avang chuan Serzawli chu a han thlah ta nghal law law a. Chu zan thiang mawi nuam tak hnuaia, thinlung inzawm pahnih han pen dun meuh zawng an va mawi em! Lal in an thlen hma deuh chuan Ngurṭhuama zunzung chuan thangchhuahpa leh lal fanu chu a hmu ta....! Ṭek hian a deng ta emaw tihhial tur a ni! Sakhi ramtla thlir tumin Sapui hmu thut ang vel hi a ni ber a, zanmu pawh a chhing meuh lovang le!
Pasalṭha Thanchhingan Chhunthanga zu han khawn pui pah a a naute kim lo chin an zawh meuh chuan pasalṭha Chhunthanga pawh a hmai a uang lo hle mai le! Rochhuma chin an hriat meuh chuan pawi an ti hle a ni. Serzawl lal Lalbula te ho chuan Salu chu an bulah an dah a, ropui hi an ti hle a Seipui khua khum ta ah a inngai a a hawi lur lur a. He pasalṭha hi chu a chhuang takzet a ni. Upa Phirtuala nen chuan an han inbekbawr a, ai loh phal chi ni in hre miau hek lo! Chutah Lalbula chu an dingchhuak ta hluai a, aw an thian khuk khuk a, hlim taka zai te pawh an lo ngawi ta thap a a ṭawngchhuak ta,
" Aw le, hei ka khuaah ngei hetiang salu ropui a rawn lut hi ka lawmna ava ril teh kher em! Kan ṭul lai mah ni se, hetiang sa ropui hi ai loh chi niin kan hre lo va, upa Phirtuala nen kan ai a nge, tlangaupa in han tlang than se, lo lam ven ngai erawh kan hrethiam tur a ni. A thei thei in awmni kan kham ang a, thangchhuahpa ka nei belh hi ka lawm a, kan lawmpui ngei tur lah ni...! Zanin pawh hian a thei thei kan zai tlaivar tur a ni reng a, ka ṭawng khuanu leh Khuapa in ngaithiam se...Seipui khua kan khumna hi ka thlir liam thei lo a ni. Kan zubel ṭheuh i pu khawm ṭha leh ang u hmiang... lam te i thai leh ila, kan len tak loh le...mualah pawh kan zai mai tur lah ni...!" an tih meuh chuan lal fing anih zia a tilang leh ta, Seipuii khua an khum ta ngei si! Chulai hmuna awm te an va hlim ngai em! Aimawia te ho lah an chim chin a sang ta, a hawi vual vual a, Thanpuia a hmu ta hauh lo....Thanpuia chang a ni lo, Serzawli pawh a hmu tel ta si lo, a kiai suk suk mai le...Pazawna an bekbawr zui zat a. Pasalṭha Chhuna pawh a lo khi sung tawh mai!
Lenghnawt ar a khuan zawh hnu chuan tlangaupa chuan muang fan raihin lal thuchhuak chu an tlang than ta! Tumah la zanlai hlawm hek lo le, an thu hriat chuan a va tilawm hlawm em! Lalbula meuh zawng thil a thlir thiam ṭhin em a ni. Tlangaupa han au lauh lauh lai chuan Thanpuia pawhin an inchhung a rap ve chiah a, tlangaupa thu an hriat chuan a hlim ve hle a ni. Aw....a mi han thlah kha a bulah han awm ve se a ṭha tur hi a nia!
........ .......... ..........
Chu zan thiang tak karah chuan Khamlairang lal fanu Saithanmawii chuan van lam a thlir vang vang a. Serzawl pasalṭha chah ang khan Sawia pawh a thli thlai ve reng a, khawchhung mite pawhin Sawia te dinhmun lal fanu in a ngaihsak sawt hle tih an hre ve thuai a, an chhawmdawl ta zawk a. Saithanmawii chu a zawl tling vawnnat mai ang tih a hlauhawm ta! Kha pasalṭha khan zawlaidi a tat ta em ni le? An liamni aṭang khan a ngui ruai a, Sawia leh Vunga te chu a lenchilh leh tlut ṭhin a. An ramchhuah dan chanchin te chu a zawt nawn fo mai a ni. Sawia leh Vunga chuan buh luchuh hma in Serzawl zin an tum tih a hria a, zah pawh dawn lova zui ve ruak ruak chu a nap a ni. Kha pasalṭha kha eng tin tak zan hun hmang ve ang maw? A ni zawngin chhun hun rei a ti in zankhua a sei si! Khamlairang khua ruak ta huai chu an thlir a, Vamur puk te chuan a lung a len hle a ni. Engtikah tak kha pasalṭha kha rawn let leh ang maw!?
......... ........... ...........
Pasalṭha Thanchhinga te inah chuan leng ta hek lo, lal mualah an insawn ta! Meipui chhepin an zai a, an ri ta laih laih a, pa ho pawh rawn pung zelin lal mual an mawi ta! Lal fanu pawh a mawina zawng nen a rawn pen thla ta, he Serzawli meuh hi chu thlir nin a har a ni.Chu zana an hlimna chuan van a tawng ta! An rinai hma in khua a rawn var a, tlangval te leh pathlawi ho an han fatu a, belpui an chhawp a, an han chheih thul an va hlim em!
Chu ni, mahni hna tlin em em kara Serzawl lal mual sira Se sa han so ri bawrh bawrh rem chuan mipui an chai ta emaw tih tur a ni hial a. Chi khur nei khua an ni vei nen, an ropui zual zel mai le! Chu khuaah chuan thla tin mi an pung a ni hawt a, khaw hmingthang tak an ni ta si! Tlai ni nem a Serzawli han chevel erawh sawisel bo a ni! An pasalṭha nen hian an inhnim hnai tih an hre fur a, Lal meuh pawh chuan a haider miau alawm!
Rodawla te erawh chu ni ropui hmang ve lovin Hriangmual lamah a rin em em Ngurṭhuama hovin an liam ta kha a ni. Eng thil tak va tawng dawn chu ni maw..? Phur tak chuan a pen ve surh surh mai a ni. Serzawl an hlat tial tial a, an tiduhdah tial tial a, Hriangmual valte hian upa tupa a ni tih an nghilhtir dawn a ni mahna! Pasalṭha Chhunthanga te pawh an khaw lam an pan ve tawh a, an ni ho hian buhseng zawh hnuah chi an rawn teng zui dawn a ni.
Sawia leh Vunga rawn zin meuh zawng an lo lawm hle a, Pasalṭha Thanchhingan a fapa ka aṭangin an dinhmun a lo hre tawh a. Sawia chu silai an ngaihtuah pui ta, an thil tih dan chu a pu Phirtualan a lo hria a, a lawm hle a. Upa Phirtuala chuan Sawia te ṭhiandun chu Sepui pali leh a pa pahnih ngawt a kaih hawn tir ta kha a ni. Sawia hian pheichham a man a ni hawt e, Vunga lah chuan a lawmpui em em mai si! Rei cham hman hek lo, buh lu chuh a hun tawh miau mai si! Zin leh vat tura intiamin hlim takin Sepui nen an liam ta a ni.
....... ........ ........
Hetih mek lai hian Pasalṭha Thanglura pawh a nupui Ngursangpuii raipuar ṭeuh tawh bulah an ṭhu a. Ngurpuii lah a hmel ṭhat a zual emaw tih mai tur a ni. Kangzawlah chuan an hlim ber hial awm e. A nu leh a pi nen an cheng a, an hlim hle a ni. Herhzawl lal a ṭha vak lo tih an hria a, Herhzawl hi an ṭhut har tawh kher lovang le! Pasalṭha Thanglura buhseng in Nghalpui a kap a, an phur thleng chiah a ni. Ngurpuii rai ta chu Thanglura nu leh a pi chuan an duat hle mai a, sa leh va ar chen chuan an hlui reng mai a ni.
Thangluran sanghal sa a rep dawn lai tak chuan Pawih lal mi tirh te chuan an sumhmun an rawn rap ve mek a, Thanglura nu pawh lal inah lal sa dahin a liam mek a ni. Chutia an ina lawiluh han dil te chu a lo chhawn var a, an rawn luh meuh chuan Ngurpuii pawh a meng bial ta! Chung pawih tlangval te thu rawn ken meuh chuan Pasalṭha Thanglura mitmeng pawh a tisen ta ram mai le...!
( chhunzawm tur)
A chhiar a nuam. Chhiar chhunzawm a chakawm kher mai.
ReplyDeleteLockdown min hman nawm tir thin e