LUNGRENG NGÂW..S-3..(28)...
LUNGRENG NGÂW...S-3...28. ..
( PASALṬHA THANPUIA)
M.Lusei Palian
........ ......... ...........
Zawlbuk tual aṭang chuan Rodawla zawlbuk chhunga ṭawng lar lar an hre ta... Aimawia thin a va khei tehlul em!.... Bawhbel a thleng phei rang kher mai le.....! Pazawna chuan rang fe chuan a zui nghal zat a, Pasalṭha Thanpuia leh Chawntui val te pawh chuan an zui rang hle mai! Zawlbuk bawhbel an bawh liam kim chuan an lo lawm ve hle hlawm a. Chutih rual in Rodawla ṭawngkam kha an hre ngei si a, an inmelh kual ralh ralh ta, heti hian Rodawla khan thu a chhakchhuak ngei si a....
" Kan thangchhuahpa leh a ṭhiante chu kan lo fiam chak viau tawh asin maw le! Chu chen chen han tawm mai chu...Lo lawi teh se...ka va nghakhlel em!!" a ti lar lar kha a ni.
Aimawia chu an hawi kual a, tlangval rualte an melh kual a, chung Serzawl valte lah chuan hlim fe hian an rawn hnaih ta, Pasalṭha Thanpuia thangchhuahpa pawh an thlir nawn fo mai le...Aimawia chuan ṭhut hmun han rem pah chuan Rodawla chu an melh a,
" Rodawl.. hei i ṭhiante em ni...khawi lam khual nge ni a!?" an ti chhuak ta a.
Midang pawh chuan Thanpuia leh Pazawna te chu an lo be ve chul a, Thanpuia chu an lawmpui ve hle a ni.
Rodawla chu a ṭi ta deuh viau mai, Aimawia hian a bin chiam tawh si a. Mahse Tlangchhuaka chu a hma theh ve deuh a, han chhan loh mi lah ni nghal lo chuan,
" Hei Ngurṭhuama....Hriangmual lal fapa leh a naute an ni a, U Tlangchhuaka hi tlangdung thang pha khawpa inbuan chak a ni....!" awmze nei fe chuan an ti kher a.
Chutihlai chuan Ngurṭhuama chu a rawn ṭawngchhuak ve ta a,
" In pasalṭha ramchhuakte chu an lo haw ta a ni maw!? Tlai lamah pawh khan an ri le lu khan ka hria a, hei...kan Tlangchhuaka fiam dawl tur khawp an lo awm meuh lo va, remchangah inla infiam tlang ve a niang chu, kei pawh ka tel thei reng a nia..!" alo ti ve kher a.
Aimawia chhan hma chuan Pasalṭha Thanpuia chuan,
" A nih chu maw le,Hriangmual lam lam te an rawn lan ve tak, an ni zawng kan ter pha meuh nang...!" a lo ti ve thuai a. Chu ṭawngka chuan Hriangmual valrual te an ti za phat mai le.
An boruak han man thuaiin Val upa Ṭhuama chuan, " Khai le....tlangval te u,mei kha han tuah eng ṭha u la, kan Chawntui khualte an awm ve bawk a,Hriangmual khual te nen, i han infiam tlang teh tak ang u hmiang....amah erawh chu thinrim a lak kan phal hauh lo a nia!" a ti chhuak ta a. Tlangval ho hun nghahhlelh a thleng ta....Mei chu an han vur belh sauh sauh a. An boruak chuan zir ta hek lo, titi a thil han inzawhna hman pawh a awm ta miau lo, khaw tin Zawlbuka khual an fiam ṭhin ang chu Serzawlah hian an nawn dawn a ni.
Zam lo fe hian Hriangmual tlangval chu a rawn ding chhuak ta, Serzawl val din hma chuan Chawntui tlangval a rawn dingchhuak ta tlat mai, val upa in ' khai le' an tih chuan an ṭang ta phat mai! Khual val leh khual val an innuai ta. Chawntui val chu alo duai lo hle mai, a hma khan a lo ṭang ṭha duh lo mai mai a ni. Hriangmual val chu a kang ta zak zak mai le! Hriangmual tlangval Thangluaia chu a lai a lo na ṭan a, a ṭhiana hnehloh han tum tur chuan a ding chhuak ta. Chu ve leh Pazawna ngaih dan a lo ni hauh lo,
" Eh... tlangval...hei tha thar ve ve in i han bung zawk ang hmiang!" a puan ven han sawi chhin pah chuan a ti a. Chawntui val chu lawm fe chuan a ṭhuthmun a pan ta. Ngurṭhuama lah chuan tlangval ho uluk fe hian alo thlir thung a, Pasalṭha Thanpuia han che vel chu a chik zual hle mai! Pazawna satui duhtawka va hawp ta chu an za khawp a, a ding ter at at tawh mai! Thangluaia an man chu le, val upa han ṭawng zawh chuan "Eh..." pawh ti hman lo chuan a bin thum dawt mai a. Thangluaia lah ṭang hman hek lo le...zawlbuk chhuatah a tho zi ar ar mai! Thawhhnihna an han inman leh a, Pazawna chuan sam fe hian an chawi leh ta...a nghat duh ta hauh lo...( chu chu hnehsawh, tham lo tihlanna a ni) Aimawia pek chuan,
" Zawna, i peih chhung chawi rawh aw...! I duh leh i sakhi bin dawn nia.." an tih chuan Rodawla ngeng a lo chhun a. Pazawna thlah pawh nghak hman lo chuan,
" Eh...ka khualpa thlavang kan hauh ngat a nge...!" a rawn ti a. Rodawla hian Aimawia hi a zuam ve deuh a ni..a rawn ding chhuak ve ta!
Pazawnan Thangluaia an thlah ta a, tlawm tih hriat tak hian a ṭhut hmun a pan ta. Val upa chuan khual awm laia Rodawla themtleng te zawk anga a rawn inrawlh ve chhen chu a ning hle mai! Pazawna chu ring van lo hian an fuih salh a. Chutah an han inman ta a, Rodawla chuan Pazawna dul vun chu an ṭham tel nghal a, hepa zet zawng...! Chutah an han ṭan ta a, an innuai tawk hle mai le, thawhkhatna ah chuan Rodawla chuan Pazawna robawm a khupin an khak lui salh a...Aimawia tha a lo na ngang mai le...! Zawlbuk chhuat a per dawt hial a ni. Pazawna a kang ta....Rodawla han hawi vel chu kel tui sik lem zo hi an ang khawp a! Thawhhnihna an han ṭan leh chu le...Pazawnan thapui an thawh ta a le, Rodawla chu a kang ve leh ta! Vanduai asiamin mei si lengin Pazawna mitah a fuh ta tlat mai le...! Han inhnuh dawh a hreh hle mai si! Val upa Hnuna'n a lo hmu ve kher a, an chawlh lailawk tir a. Pazawna thin a na kher mai le...! Hmai an phih nawk nawk a, mit a thil a luh hi chuan hnap tui hi a rawn lawr nghal thuai nen, a insut ta hraih hraih a. Pazawna an din leh chuan Tuaha chuan a rawn hmakhalh ta tlat!
" Han hrethiam u la, ka ṭhiana mit men a nuam lo a ni...!" an ti zui zat a, Ngurṭhuama bula ṭhu Tlangchhuaka a ter at mai le...Mahse Ngurṭhuama chuan a darah a lo chelh a, Hriangmual val a rawn ding ve zat a.
" Eh...nakinah an ni chuan zawm se, Dawla ka lo chhawk ang che..!" a rawn ti ve leh ta!
Khualval leh khualval an innuai ta.. Tlangval thawm a va ṭha tehlul em! A rik hian a ri huk huk mai a, naupang thingnawi fawm lah an rawn ther huang mai le... Putar leh pathlawi...pavalai...chenin Zawlbuk thawm a ṭhat avangin an rawn kim far tawh a. An hmuhnawm kher mai le, Hriangmual val chuan an khualbuan dawn ṭhin na a, Chawntui val hian a lo khalh ta zat zat thei si, an kang hlei thei lo a ni. Tuaha chuan hun remchang a hmu a, a tumpuipa a kang ta zawk mai le! Thawhhnihna an han ṭan leh a, Hriangmual val tho a kang leh ta! An han zo ta chu Hriangmual val leh khawtual val in an han ṭan ve leh a. An haw haw dur dur mai ani. Hriangmual valin hnehna a chang ve leh a. Chumi hnu chuan Tlangchhuaka a rawn ding chhuak ta, Pasalṭha Thanpuia thangchhuahpa a rawn kawk ta tlat mai le! Aimawia ngaih dan a ni hauh lo, tlangval ho maktih khawpa rangin a ding chhuak a,
" Ka ṭhiana, thangchhuahpa hi ka awl a ngai tlat....!" tih pah chuan Tlangchhuaka a pan ta! Chu thil zet chu tlangval ho nghahhlelh ber a ni. Tlangchhuaka lah chuan,
" Aw le, kan bin phawt che a nga, i ṭhian thangchhuaha chu ka bin leh ang...!" a ti ve kher a. A ṭawngkam chuan Thanpuia pawh a dek ve hle mai, Pasalṭha Chhunthangan Thanpuia a lo kheuh zauh nghe nghe a ni. Aimawia a ngawi ta hmiah a, a puan an veng ṭha a le...tlangval chin hre chuan a tal na dawn tih a hre mai reng a, an lo insaseng ṭan hial a. Val upa in " Khai le..!" an tih chuan le, an va hmuhnawm tehlul em! An innawr na dun hle mai, Rodawla lah chan ṭha chang inti fe chuan a lo haw haw ring hle a ni. An thiam dun takzet a ni, han inkherh, indaikhalh engkim mai chu thirdengpa thirden aia rang fe in an inkhalh zung zung ta.. Tlangchhuaka chuan Aimawia vun a hmer tel sak zel a, Aimawia pawh zawldawh duh bik hek lo, khualpa chet ang ang chuan a che ve hmiah hmiah mai le. An daihrei dawn tih alang reng mai a, an innawr nasa Zawlbuk chhuat lah a khawk tawp tawp tawh mai...! Pasalṭha Chhunthanga chuan ring fe hian,
" Aimawi, Tlangpui khua ngai rum rum turin han che teh le...!" a rawn ti chhuak ta!
Tlangchhuaka chuan chu rawl chu a hriat hnu a ni ngat mai...Tlangpui...e khaih..! Tlangchhuaka a chebuai ta nak mai le, chu tak chu Aimawian remchangah a la a, a phawi thei ta! A phawi ta vawk mai le...! Serzawl val hlim thawm chuan vawk mutmu tuah ṭan tawh a ṭhawng tho ta, ui lah an chiau chul a, sial ho lah ṭo thawk tur hre lawk ang hrimin an tang hra tawh chu a ni. Ngurṭhuama pawh a tho uk mai le, hneh thei tur awma a rin loh chu a kang ta si! Tlangchhuaka hawi kual chuan Pasalṭha Chhunthanga a hmu ta ngat mai le, Tlangpui khuaa a mualphona a hrechhuak uai uai mai, kha pasalṭha a zuam sual ngei kha...vaibel pakin a lo ṭhu ve ran mai tih a hmu a, a zam ṭan ta!
Thawhhnihna an han in man leh chu Ngurṭhuama chuan, " Chhuaka, zam hauh suh, kha tlangval mak len lun tak kha i hneh ngat chuan Darlai i hlawh ngei ang!" a lo ti ve thung a. An han ṭan leh ta, Aimawia ngawi ngal tawh chu an Tumpang hliam nei tal ta ale... an innawr dun ṭiang ṭiang a, Aimawian a thiam an chhuah tak a le...rang fe chuan an bin ta, Chu Hriangmual val chu boruakah dawm tur nei lovin a leng phei vawk a, Zawlbuk bang chu le an Vasakei hma sut ta a le...a nuam sa lovang! Chutia Zawlbuk bang an deng dawt chu a sam zial te lah dap an nek kaunaah tang tunin a tlak pah chuan a pawt ṭil tuar mai....a ṭe ṭhawt a, a thum ṭawk mai le! Rodawla chuan rang fe hian an bawihsawm zui a, A ni hian Aimawia bin nat zia a lo tem tawh vei nen, Tlangchhuaka chu a kal her tlun tlun ang tih a hlauhpui a ni. Hriangmual val zawng an tlawm ta! An lal fapa Ngurṭhuama chuan a la na hle...Tlangchhuaka han melh pah chuan a ding chhuak ve ta....!
Thanpuia han melh pah chuan, " Thangchhuahpa chu kan chhaih ve a nge... Lal fanu bulah ka tlaktlum phah mahna...!" an ti ngeng ngalh a. Pasalṭha Thanpuia pawh a ding ve phat ta! Val upa Hnuna chuan,
" E khai! Zanin atan chuan i duhtawk ang u hmiang...! In lawmnu te run inkai hman lo dah a nge...!" a lo ti ta a. Mahse Hriangmual lal fapa hian hre awm pawh hian a awm lo, Thanpuia chu a melh ran mai a, chang dang kan a tum lo, Val upa pawh melh lo chuan,
" Lal fanu han hmuh tui nan kan fiam phawt a nge...!" a la ti a. Aimawia ngaih dan a ni hauh ta lo,
"Pasalṭha....Serzawl mihrang thangchhuahpa...tho la, va len teh le....a ṭul chen chen han khai la, i duhtawk chinah bawhbel thleng hian aw ni ang...!!" pawr fe chuan a ti a. Tlangval ho lah an lo ngawi ṭhap tawh si, he lal fapa hawihhawm hmel fu...a ruka chapo zet hi han phekphelen se an duh takzet a ni. Val upa chuan khap a tum tawh lo,he an khual hi a ning ru deuh a ni mahna...
" A nih leh le...Serzawl hming ṭhatnan aw...!" a ti ve kher a. Chu thu zet chuan Thanpuia a rin tawk zia ava tilang chiang tehlul em!
Mei an han tuah eng leh a, an inpan ta, Ngurṭhuama chuan Val upa in khai le..a tih pawh ngaichang lovin Thanpuia chu han bin a tum nghal a, na zet chuan a dul vunah ṭhamin phawi an tum ngawt a. Zawlbuk ban rinawm ang tlut a lo ni tlat! Thanpuia chuan,
" Eh ....kei ve aw...i inring maw! Charthing lal fanu dawn lek lovin aw...!" an ti ve kher a. He thu hi Pasalṭha Chhuna hrilh kha a ni, Ngurṭhuama a meng kawk mai! Chutah Pasalṭha Thanpuia chu an che a, sam fe hian Ngurṭhuama a phawi ta...a nghat duh ta lo....! Duh lam lam an hawi kual pui a, ava zahthlak dawn tehlul em! Rei mawi tawk hnu chuan an nghat ta..! Ngurṭhuama laina lutuk chuan Thanpuian chu sir tluk pui a tum nghal zat a, chutah le, Zawlbuk ditip hmu ṭepin an sep a, a rawn tla leh zawng a robawm lang huangin a thal ta! Serzawl val ho hlim thawm chuan vanpui a thleng ngei ang..an haw haw hluah hluah mai le! Ngurṭhuama a tho hlei thei lo,a ngam loh chalah chil a hnawm a, a vawtu zawkin ek a cheh ta! Pasalṭha Thanpuia chuan Ngurṭhuama robawm han khuh ṭhat sak pah chuan hneh zetin an kai tho ta a. Be sawm lem lo chuan a ṭhut hmun a pan ta a. Ngurṭhuama chu a nauten an ṭhutna hmun an han hruai phei chu a ṭhen sak sak mai le! Thimṭin ruala haw vang vangna tham a ni. A va mualpho teh kher em, a tih loh tawp tur a ti a ni. He pasalṭha Chawngtinleri meuhin Nopui a dawm tir tawh hi cho tur a ni lo!
Val upa in thu a han sawi leh hnu chuan tlangval rual pawh an chhuak ta hlawm a, zawlbuk a paho leh putar lam chuan han sawi zui tur an va ngah dawn em! Rodawla zawng misualte vanneihna sang tak hian a chhan hram zel a ni. Aimawia te ho an han chhuah dawn tak chuan Val upa Hnuna chuan,
" Chhuna, i naute an kim lo tlat a ka hriat chu...lamkal a tirh i nei em ni?" a ti chhuak ta. Chu zawhna zawng chhan ava har rua em! Pasalṭha Chhunan aw a then khak khak lai chuan Thanpuia chuan,
" Rochhuma zawng Lungreng ngaw ah khan a vanduai ta a ni e....him taka kan rawn kir nan a nun a hlan ta a ni. Ka chhuang kher mai!" a ti zui zat a. Val upa Hnuna pawh a ngawi vang vang mai le. Lungreng ngaw chanchin a hre ve ngat tawh si a.
Bawhbel bawh liamin an chhuak ta a, Salu lawmna a an awm ve a ngai si a. Sahrang chin ngat zawng a deh a na a ni. Kawnga an kal lai chuan Aimawia lung ala awi hauh lo niin, tihian a ruahmanna a rawn phuh chhuak ta..
" Rodawla remruat a ni ngat mai, zu han rui se aw...Phungah ka ṭang ngat ang maw le...E...taka ...Thana, Lalkhawthangi saw a nula chei viau an ti tak e, delh sak ngat teh aw...i delh thei ang tih ka chiang, thing phurh puiah kan sawm dawn nia!" an tih meuh chuan an thum ta huk mai le.
Ti ti chunga Thanpuia te in pan an ni a, an thleng ta reng mai, an han luh nak nak chuan le Salu lawm an lo tam hle mai le! Thanpuia hian thangchhuah diar zawlbuk a han khim kha ala hreh hle mai a, a dah ṭha rih a. Pasalṭha Hualroa chu a lo phusa viau mai, Zamkunga te pawh tumphit nen an lo phit dat dat a. Upa Phirtuala pawh a ri lung lung mai le! Haileng no a zupui semin an vir buai hle a, Thanpuia han hawichhuak chuan lal fanu Saipuii a u Thanpari nena rawn pen lut mek a hmu leh ta. An hlimna a thleng sang leh ngei ang le. Thanpuia han ngawi ta veng veng chu Pasalṭha Chhunthangan an thlir a, a mit lenna lam an thlir chu a kiai ve sak mai!
Hetih mek lai hian Charchhawn veng lamah Rodawla chuan a ruahmanna chu alo sawi ve sa sa a......
( chhunzawm tur)
( PASALṬHA THANPUIA)
M.Lusei Palian
........ ......... ...........
Zawlbuk tual aṭang chuan Rodawla zawlbuk chhunga ṭawng lar lar an hre ta... Aimawia thin a va khei tehlul em!.... Bawhbel a thleng phei rang kher mai le.....! Pazawna chuan rang fe chuan a zui nghal zat a, Pasalṭha Thanpuia leh Chawntui val te pawh chuan an zui rang hle mai! Zawlbuk bawhbel an bawh liam kim chuan an lo lawm ve hle hlawm a. Chutih rual in Rodawla ṭawngkam kha an hre ngei si a, an inmelh kual ralh ralh ta, heti hian Rodawla khan thu a chhakchhuak ngei si a....
" Kan thangchhuahpa leh a ṭhiante chu kan lo fiam chak viau tawh asin maw le! Chu chen chen han tawm mai chu...Lo lawi teh se...ka va nghakhlel em!!" a ti lar lar kha a ni.
Aimawia chu an hawi kual a, tlangval rualte an melh kual a, chung Serzawl valte lah chuan hlim fe hian an rawn hnaih ta, Pasalṭha Thanpuia thangchhuahpa pawh an thlir nawn fo mai le...Aimawia chuan ṭhut hmun han rem pah chuan Rodawla chu an melh a,
" Rodawl.. hei i ṭhiante em ni...khawi lam khual nge ni a!?" an ti chhuak ta a.
Midang pawh chuan Thanpuia leh Pazawna te chu an lo be ve chul a, Thanpuia chu an lawmpui ve hle a ni.
Rodawla chu a ṭi ta deuh viau mai, Aimawia hian a bin chiam tawh si a. Mahse Tlangchhuaka chu a hma theh ve deuh a, han chhan loh mi lah ni nghal lo chuan,
" Hei Ngurṭhuama....Hriangmual lal fapa leh a naute an ni a, U Tlangchhuaka hi tlangdung thang pha khawpa inbuan chak a ni....!" awmze nei fe chuan an ti kher a.
Chutihlai chuan Ngurṭhuama chu a rawn ṭawngchhuak ve ta a,
" In pasalṭha ramchhuakte chu an lo haw ta a ni maw!? Tlai lamah pawh khan an ri le lu khan ka hria a, hei...kan Tlangchhuaka fiam dawl tur khawp an lo awm meuh lo va, remchangah inla infiam tlang ve a niang chu, kei pawh ka tel thei reng a nia..!" alo ti ve kher a.
Aimawia chhan hma chuan Pasalṭha Thanpuia chuan,
" A nih chu maw le,Hriangmual lam lam te an rawn lan ve tak, an ni zawng kan ter pha meuh nang...!" a lo ti ve thuai a. Chu ṭawngka chuan Hriangmual valrual te an ti za phat mai le.
An boruak han man thuaiin Val upa Ṭhuama chuan, " Khai le....tlangval te u,mei kha han tuah eng ṭha u la, kan Chawntui khualte an awm ve bawk a,Hriangmual khual te nen, i han infiam tlang teh tak ang u hmiang....amah erawh chu thinrim a lak kan phal hauh lo a nia!" a ti chhuak ta a. Tlangval ho hun nghahhlelh a thleng ta....Mei chu an han vur belh sauh sauh a. An boruak chuan zir ta hek lo, titi a thil han inzawhna hman pawh a awm ta miau lo, khaw tin Zawlbuka khual an fiam ṭhin ang chu Serzawlah hian an nawn dawn a ni.
Zam lo fe hian Hriangmual tlangval chu a rawn ding chhuak ta, Serzawl val din hma chuan Chawntui tlangval a rawn dingchhuak ta tlat mai, val upa in ' khai le' an tih chuan an ṭang ta phat mai! Khual val leh khual val an innuai ta. Chawntui val chu alo duai lo hle mai, a hma khan a lo ṭang ṭha duh lo mai mai a ni. Hriangmual val chu a kang ta zak zak mai le! Hriangmual tlangval Thangluaia chu a lai a lo na ṭan a, a ṭhiana hnehloh han tum tur chuan a ding chhuak ta. Chu ve leh Pazawna ngaih dan a lo ni hauh lo,
" Eh... tlangval...hei tha thar ve ve in i han bung zawk ang hmiang!" a puan ven han sawi chhin pah chuan a ti a. Chawntui val chu lawm fe chuan a ṭhuthmun a pan ta. Ngurṭhuama lah chuan tlangval ho uluk fe hian alo thlir thung a, Pasalṭha Thanpuia han che vel chu a chik zual hle mai! Pazawna satui duhtawka va hawp ta chu an za khawp a, a ding ter at at tawh mai! Thangluaia an man chu le, val upa han ṭawng zawh chuan "Eh..." pawh ti hman lo chuan a bin thum dawt mai a. Thangluaia lah ṭang hman hek lo le...zawlbuk chhuatah a tho zi ar ar mai! Thawhhnihna an han inman leh a, Pazawna chuan sam fe hian an chawi leh ta...a nghat duh ta hauh lo...( chu chu hnehsawh, tham lo tihlanna a ni) Aimawia pek chuan,
" Zawna, i peih chhung chawi rawh aw...! I duh leh i sakhi bin dawn nia.." an tih chuan Rodawla ngeng a lo chhun a. Pazawna thlah pawh nghak hman lo chuan,
" Eh...ka khualpa thlavang kan hauh ngat a nge...!" a rawn ti a. Rodawla hian Aimawia hi a zuam ve deuh a ni..a rawn ding chhuak ve ta!
Pazawnan Thangluaia an thlah ta a, tlawm tih hriat tak hian a ṭhut hmun a pan ta. Val upa chuan khual awm laia Rodawla themtleng te zawk anga a rawn inrawlh ve chhen chu a ning hle mai! Pazawna chu ring van lo hian an fuih salh a. Chutah an han inman ta a, Rodawla chuan Pazawna dul vun chu an ṭham tel nghal a, hepa zet zawng...! Chutah an han ṭan ta a, an innuai tawk hle mai le, thawhkhatna ah chuan Rodawla chuan Pazawna robawm a khupin an khak lui salh a...Aimawia tha a lo na ngang mai le...! Zawlbuk chhuat a per dawt hial a ni. Pazawna a kang ta....Rodawla han hawi vel chu kel tui sik lem zo hi an ang khawp a! Thawhhnihna an han ṭan leh chu le...Pazawnan thapui an thawh ta a le, Rodawla chu a kang ve leh ta! Vanduai asiamin mei si lengin Pazawna mitah a fuh ta tlat mai le...! Han inhnuh dawh a hreh hle mai si! Val upa Hnuna'n a lo hmu ve kher a, an chawlh lailawk tir a. Pazawna thin a na kher mai le...! Hmai an phih nawk nawk a, mit a thil a luh hi chuan hnap tui hi a rawn lawr nghal thuai nen, a insut ta hraih hraih a. Pazawna an din leh chuan Tuaha chuan a rawn hmakhalh ta tlat!
" Han hrethiam u la, ka ṭhiana mit men a nuam lo a ni...!" an ti zui zat a, Ngurṭhuama bula ṭhu Tlangchhuaka a ter at mai le...Mahse Ngurṭhuama chuan a darah a lo chelh a, Hriangmual val a rawn ding ve zat a.
" Eh...nakinah an ni chuan zawm se, Dawla ka lo chhawk ang che..!" a rawn ti ve leh ta!
Khualval leh khualval an innuai ta.. Tlangval thawm a va ṭha tehlul em! A rik hian a ri huk huk mai a, naupang thingnawi fawm lah an rawn ther huang mai le... Putar leh pathlawi...pavalai...chenin Zawlbuk thawm a ṭhat avangin an rawn kim far tawh a. An hmuhnawm kher mai le, Hriangmual val chuan an khualbuan dawn ṭhin na a, Chawntui val hian a lo khalh ta zat zat thei si, an kang hlei thei lo a ni. Tuaha chuan hun remchang a hmu a, a tumpuipa a kang ta zawk mai le! Thawhhnihna an han ṭan leh a, Hriangmual val tho a kang leh ta! An han zo ta chu Hriangmual val leh khawtual val in an han ṭan ve leh a. An haw haw dur dur mai ani. Hriangmual valin hnehna a chang ve leh a. Chumi hnu chuan Tlangchhuaka a rawn ding chhuak ta, Pasalṭha Thanpuia thangchhuahpa a rawn kawk ta tlat mai le! Aimawia ngaih dan a ni hauh lo, tlangval ho maktih khawpa rangin a ding chhuak a,
" Ka ṭhiana, thangchhuahpa hi ka awl a ngai tlat....!" tih pah chuan Tlangchhuaka a pan ta! Chu thil zet chu tlangval ho nghahhlelh ber a ni. Tlangchhuaka lah chuan,
" Aw le, kan bin phawt che a nga, i ṭhian thangchhuaha chu ka bin leh ang...!" a ti ve kher a. A ṭawngkam chuan Thanpuia pawh a dek ve hle mai, Pasalṭha Chhunthangan Thanpuia a lo kheuh zauh nghe nghe a ni. Aimawia a ngawi ta hmiah a, a puan an veng ṭha a le...tlangval chin hre chuan a tal na dawn tih a hre mai reng a, an lo insaseng ṭan hial a. Val upa in " Khai le..!" an tih chuan le, an va hmuhnawm tehlul em! An innawr na dun hle mai, Rodawla lah chan ṭha chang inti fe chuan a lo haw haw ring hle a ni. An thiam dun takzet a ni, han inkherh, indaikhalh engkim mai chu thirdengpa thirden aia rang fe in an inkhalh zung zung ta.. Tlangchhuaka chuan Aimawia vun a hmer tel sak zel a, Aimawia pawh zawldawh duh bik hek lo, khualpa chet ang ang chuan a che ve hmiah hmiah mai le. An daihrei dawn tih alang reng mai a, an innawr nasa Zawlbuk chhuat lah a khawk tawp tawp tawh mai...! Pasalṭha Chhunthanga chuan ring fe hian,
" Aimawi, Tlangpui khua ngai rum rum turin han che teh le...!" a rawn ti chhuak ta!
Tlangchhuaka chuan chu rawl chu a hriat hnu a ni ngat mai...Tlangpui...e khaih..! Tlangchhuaka a chebuai ta nak mai le, chu tak chu Aimawian remchangah a la a, a phawi thei ta! A phawi ta vawk mai le...! Serzawl val hlim thawm chuan vawk mutmu tuah ṭan tawh a ṭhawng tho ta, ui lah an chiau chul a, sial ho lah ṭo thawk tur hre lawk ang hrimin an tang hra tawh chu a ni. Ngurṭhuama pawh a tho uk mai le, hneh thei tur awma a rin loh chu a kang ta si! Tlangchhuaka hawi kual chuan Pasalṭha Chhunthanga a hmu ta ngat mai le, Tlangpui khuaa a mualphona a hrechhuak uai uai mai, kha pasalṭha a zuam sual ngei kha...vaibel pakin a lo ṭhu ve ran mai tih a hmu a, a zam ṭan ta!
Thawhhnihna an han in man leh chu Ngurṭhuama chuan, " Chhuaka, zam hauh suh, kha tlangval mak len lun tak kha i hneh ngat chuan Darlai i hlawh ngei ang!" a lo ti ve thung a. An han ṭan leh ta, Aimawia ngawi ngal tawh chu an Tumpang hliam nei tal ta ale... an innawr dun ṭiang ṭiang a, Aimawian a thiam an chhuah tak a le...rang fe chuan an bin ta, Chu Hriangmual val chu boruakah dawm tur nei lovin a leng phei vawk a, Zawlbuk bang chu le an Vasakei hma sut ta a le...a nuam sa lovang! Chutia Zawlbuk bang an deng dawt chu a sam zial te lah dap an nek kaunaah tang tunin a tlak pah chuan a pawt ṭil tuar mai....a ṭe ṭhawt a, a thum ṭawk mai le! Rodawla chuan rang fe hian an bawihsawm zui a, A ni hian Aimawia bin nat zia a lo tem tawh vei nen, Tlangchhuaka chu a kal her tlun tlun ang tih a hlauhpui a ni. Hriangmual val zawng an tlawm ta! An lal fapa Ngurṭhuama chuan a la na hle...Tlangchhuaka han melh pah chuan a ding chhuak ve ta....!
Thanpuia han melh pah chuan, " Thangchhuahpa chu kan chhaih ve a nge... Lal fanu bulah ka tlaktlum phah mahna...!" an ti ngeng ngalh a. Pasalṭha Thanpuia pawh a ding ve phat ta! Val upa Hnuna chuan,
" E khai! Zanin atan chuan i duhtawk ang u hmiang...! In lawmnu te run inkai hman lo dah a nge...!" a lo ti ta a. Mahse Hriangmual lal fapa hian hre awm pawh hian a awm lo, Thanpuia chu a melh ran mai a, chang dang kan a tum lo, Val upa pawh melh lo chuan,
" Lal fanu han hmuh tui nan kan fiam phawt a nge...!" a la ti a. Aimawia ngaih dan a ni hauh ta lo,
"Pasalṭha....Serzawl mihrang thangchhuahpa...tho la, va len teh le....a ṭul chen chen han khai la, i duhtawk chinah bawhbel thleng hian aw ni ang...!!" pawr fe chuan a ti a. Tlangval ho lah an lo ngawi ṭhap tawh si, he lal fapa hawihhawm hmel fu...a ruka chapo zet hi han phekphelen se an duh takzet a ni. Val upa chuan khap a tum tawh lo,he an khual hi a ning ru deuh a ni mahna...
" A nih leh le...Serzawl hming ṭhatnan aw...!" a ti ve kher a. Chu thu zet chuan Thanpuia a rin tawk zia ava tilang chiang tehlul em!
Mei an han tuah eng leh a, an inpan ta, Ngurṭhuama chuan Val upa in khai le..a tih pawh ngaichang lovin Thanpuia chu han bin a tum nghal a, na zet chuan a dul vunah ṭhamin phawi an tum ngawt a. Zawlbuk ban rinawm ang tlut a lo ni tlat! Thanpuia chuan,
" Eh ....kei ve aw...i inring maw! Charthing lal fanu dawn lek lovin aw...!" an ti ve kher a. He thu hi Pasalṭha Chhuna hrilh kha a ni, Ngurṭhuama a meng kawk mai! Chutah Pasalṭha Thanpuia chu an che a, sam fe hian Ngurṭhuama a phawi ta...a nghat duh ta lo....! Duh lam lam an hawi kual pui a, ava zahthlak dawn tehlul em! Rei mawi tawk hnu chuan an nghat ta..! Ngurṭhuama laina lutuk chuan Thanpuian chu sir tluk pui a tum nghal zat a, chutah le, Zawlbuk ditip hmu ṭepin an sep a, a rawn tla leh zawng a robawm lang huangin a thal ta! Serzawl val ho hlim thawm chuan vanpui a thleng ngei ang..an haw haw hluah hluah mai le! Ngurṭhuama a tho hlei thei lo,a ngam loh chalah chil a hnawm a, a vawtu zawkin ek a cheh ta! Pasalṭha Thanpuia chuan Ngurṭhuama robawm han khuh ṭhat sak pah chuan hneh zetin an kai tho ta a. Be sawm lem lo chuan a ṭhut hmun a pan ta a. Ngurṭhuama chu a nauten an ṭhutna hmun an han hruai phei chu a ṭhen sak sak mai le! Thimṭin ruala haw vang vangna tham a ni. A va mualpho teh kher em, a tih loh tawp tur a ti a ni. He pasalṭha Chawngtinleri meuhin Nopui a dawm tir tawh hi cho tur a ni lo!
Val upa in thu a han sawi leh hnu chuan tlangval rual pawh an chhuak ta hlawm a, zawlbuk a paho leh putar lam chuan han sawi zui tur an va ngah dawn em! Rodawla zawng misualte vanneihna sang tak hian a chhan hram zel a ni. Aimawia te ho an han chhuah dawn tak chuan Val upa Hnuna chuan,
" Chhuna, i naute an kim lo tlat a ka hriat chu...lamkal a tirh i nei em ni?" a ti chhuak ta. Chu zawhna zawng chhan ava har rua em! Pasalṭha Chhunan aw a then khak khak lai chuan Thanpuia chuan,
" Rochhuma zawng Lungreng ngaw ah khan a vanduai ta a ni e....him taka kan rawn kir nan a nun a hlan ta a ni. Ka chhuang kher mai!" a ti zui zat a. Val upa Hnuna pawh a ngawi vang vang mai le. Lungreng ngaw chanchin a hre ve ngat tawh si a.
Bawhbel bawh liamin an chhuak ta a, Salu lawmna a an awm ve a ngai si a. Sahrang chin ngat zawng a deh a na a ni. Kawnga an kal lai chuan Aimawia lung ala awi hauh lo niin, tihian a ruahmanna a rawn phuh chhuak ta..
" Rodawla remruat a ni ngat mai, zu han rui se aw...Phungah ka ṭang ngat ang maw le...E...taka ...Thana, Lalkhawthangi saw a nula chei viau an ti tak e, delh sak ngat teh aw...i delh thei ang tih ka chiang, thing phurh puiah kan sawm dawn nia!" an tih meuh chuan an thum ta huk mai le.
Ti ti chunga Thanpuia te in pan an ni a, an thleng ta reng mai, an han luh nak nak chuan le Salu lawm an lo tam hle mai le! Thanpuia hian thangchhuah diar zawlbuk a han khim kha ala hreh hle mai a, a dah ṭha rih a. Pasalṭha Hualroa chu a lo phusa viau mai, Zamkunga te pawh tumphit nen an lo phit dat dat a. Upa Phirtuala pawh a ri lung lung mai le! Haileng no a zupui semin an vir buai hle a, Thanpuia han hawichhuak chuan lal fanu Saipuii a u Thanpari nena rawn pen lut mek a hmu leh ta. An hlimna a thleng sang leh ngei ang le. Thanpuia han ngawi ta veng veng chu Pasalṭha Chhunthangan an thlir a, a mit lenna lam an thlir chu a kiai ve sak mai!
Hetih mek lai hian Charchhawn veng lamah Rodawla chuan a ruahmanna chu alo sawi ve sa sa a......
( chhunzawm tur)
A ngaihnawm lutuk.
ReplyDeleteChhiar chhunzawm vat vat ka chak eeee