LUNGRENG NGÂW...S-3..(27)....
LUNGRENG NGÂW...S-3...27. ..
( PASALṬHA THANPUIA)
M.Lusei Palian
........ ......... ...........
Saipuii chu a nghing lawih a, kha leh chen a lo thlir.....aw...kha rawl ngei kha ....Thanpuia rawl a ni, a thang kim ta...!Rang fe in inchhungah a tlan lut a...A nu bulah chuan,
" A thangkim ta...!" an ti ngawt a, Thula thangchhuah diar chu ava la chhuak zui nghal in...., tlanchhuah lehnghal a tum chu, Lal nu chuan,
" Saii....an chhawl a hal ang....!" awmze nei fe chuan a'n ti a. Saipuii chuan Seki no chu a zawng nghal a, chutih lai tak chuan Lalbula chuan,
" Thang kim hlado a ni ngat mai ka ti! Tumpang hlado ngat....a han ngai chiang deuh tehang un....!" a ti vei lar lar mai. Kawtchhuah lam aṭang chuan hlado chham ri an hre leh a...
" Siamtu'n e, Siamtinlerin e,
Ṭanah hreungen min hlan u law,
Bualdim e, a ki le maw,
Chho sang e, kai lai ka thloh awk e...!"
fan raih chuan an rawn chham leh ta, pasalṭha ramchhuak an hlawhtling hle a ni. Tlang an han tlir thawm an hre zui zat a, Saipuii pawh Chawngṭhuamin a rawn au lang lang ta mai le! Seki a zu thlum tui tawk keng chung chuan an Sechal sapui rim hre tlan ve ngawt mai! Ngurṭhuama te lah chuan an thlir zui hman ṭawk lah ni, Vazar rual hnu hnung ang maiin an pawng ngawih ta mai mai rih e. An chan han ṭha ngat se zawng an ṭe ring khawp ang.
Hmawng rah ṭha hmu fuh sava ang maiin thingnawi vawi tawh naupang ho chuan kawtchhuah lungdawh an rawn pan ta mam mam mai le... Tlan hmasak a Tumpang lu ngei zawn tumin an rawn ri thla fua fua mai! Lei la hmin deuh a awm nen ke zungpui hmangin a ṭhen chu an ding leh lawih mai ṭhin! Kawtchhuaha an mi ngaihsan pasalṭha te lo awm chu an thlir nawn chhen a, an mahni ang nih an tum ngat a ni. Thangkima inti thei fe in Thanzinga nen an rawn thleng ve a, nghalrual zinga a pa telve ang mai an ni! Chutah naupang ho chuan Salu chu khawia dah tur nge tih an han zawt a, a zawnna tur lah Pazawnan a lo siam sak diam tawh a. Aimawia chuan naupang ho han thlek zauh pah chuan zangkhai fe in,
" Pasalṭha Thanchhinga te inah, Thangchhuah pa a rawn haw e, va tikher ang che u...!" a ti kher a. Naupang ho lahin pasalṭha Thanpuia thangchhuahpa chu an thlir ning lo. Thangchhuah dinhmun ṭhat zia an hrechiang em a ni. Tunah zawng, an infiam ni khua pawhin " Kei pasalṭha Thanpuia thangchhuahpa...ka ni ngai e!" an ti deuh kher tawh ngei ang le! ' Haw haw...' chung chuan khaw lam an han pan dawn ṭan a, an ri laih laih mai.....Thanpari pawh a rawn tlan thleng ve ta...Chutiang zelin Aimawia, Pazawna te an chhungte pawh an rawn thleng ve zel a, an chhungte lo chhawk an tum a ni....hei hi an tih fo ṭhin dan a ni si a. Chutah le...lasi nula te zinga a nutuai ni awm alang Serzawl ropuina Saipuii ngei mai chu a kut dinglama Seki chawiin a kut veilamin thangchhuah diar nen, a rawn lang ve ta!A hnungah nula hmel ṭha Ṭhuamin a rawn zui bawk a... Tlangval ho chuan an lo thlir ṭhap mai le...! A rawn hnai ta zel a, pasalṭha Thanpuia pawh chuan chil a lem khalh tawh chu a ni.
Saipuii chuan a hnaih telh telh a, a zak telh telh thung a, mi an lo tam hman hle tih a hria a, an tawi leh deuh thul...! A inti luhlul lui a, a pen var thla ta haih haih mai le....! Thinlung chhungril fan ngat ngattu han hmuh meuh chi chuan dawn lungruka chhekkhawm sa pawh nghilh a ni leh ṭhin! Mahse thang a chhuah hun a alo hmuah tur thu a lo hrilh lawk si a. Ni e...kha zanah khan an lo sawi tawh ngei a, he lal nula hmel ṭha hian tihian a ti nghe nghe a nih kha...
" Thanpui, thang i chhuah hun chuan e, ka lo hmuak ang chi a... keimah ngeiin ka diar tah ngei mai ka khim tir ang che...!" chu thu chu Thanpuia pawh chuan a nghilh hauh lo....
Lal fanu tlang thang nula hmel ṭha...Serzawl tiropuitu hi engah nge Serzawl mihrang hmaah hian a zam ang ni... a rawn pen thleng ta, Seki no chu hlanin,
" Pasalṭha.... thang i chhuah ta maw...!Serzawl hian kan lo lawm a che..." chu ṭawngka han mawi zia chu....a hre tura a duh chuan a hrechiang ngang mai!
Pasalṭha Thanpuia chuan Seki a zu thlum tak chu an dawt a, pasalṭha Chhunthanga han pek pah chuan,
" A thlum zawng a thlum tui e, ka kham lo a ni e!" Saipuii han melh ralh chuan a ti a.
Pasalṭha Chhunthanga finna a rawn lang a, Thanpuia bulah va hnaiin,
" Pasalṭha, han hniam teh le, thangchhuah diar ṭialin a hmuak che...!" tih pah chuan hlado a lo chham hnan a. ( Thanpuia hian Khamlairang lal fanu khim tir kha a iptepuiah a lo ak diam tawh si a) Lal fanu ngei chuan thangchhuah diar a khim tir ta. Ramchhuak tlangval ho pawh an lawm hle mai le... Ropui takin khawchhung an pan ta! Saipuii hlimna hi a va nasa ngai em!
Upa Phirtuala chuan a tupa thang a chhuah ta tih hria in a fapa Thanchhinga te in a pan ta vang vang mai! A nupui Chalmawii lah bang lo...! Thanchhinga lah lo lamah a lo ṭuan daih chu niin, Zamani pawh a va hlim em! Naupangin Salu an rawn thlen chuan upa Phirtuala chuan hlado a han chham ve leh ngat a. Hlimna chu a chim hian a rawn chim ta hem hem mai a ni. Thanpuia te inchhungah khuai rau ang chuan a zik hian an zi huai huai a ni ber mai! Putar leh pavalai lam chuan zubel rawn pu lutin sa lu an rawn lawm ṭan der mai! Lal fanu pawh sen ṭan ṭan chuan Thanpuia bulah chuan a la awm ve zel a, a ni zawng vazar rual zinga Vakul ang mai hi a ni a. Thanpuia lah bawngrual( sava) zinga a pa awm ang mai chuan a langsar nalh reng mai a ni. A u Thanpari chuan thangchhuah puan an sin tir a, a hmel han ngeng ta ngalh te chu...nula tan zawng thlir nin a har hle ang le!
Pasalṭha Chhunthanga chuan Thanpuia pa a awm lo tih hria in, sa te chu a lo sem zung zung a. Lal sa tur pawh a dah tam ngang mai! Lalbula pawh chu inah tawm thei bik hek suh, Pasalṭha Thanchhinga te inlam chu tlangaupa nen an pan zui ta... An rawn lut tur chu Ṭhuami chuan a lo hmu hmasa hlauh a, a rukin Saipuii nen chuan ui takin an ṭin ta! Thanpuia pawh chuan hrethiam takin a thlir liam ta...! Upa Phirtuala a hlim hle mai le, lo lam ven ṭul viau lo se zawng awmni khamin Tumpang chu a ai sak ngei ang le...! Tunah zawng Thanpuia te chuan an in pawh an tidanglam thei tawh ngei ang a, an hlim hle tawh ang, Zamani lah chu hahni dai dukin a khi reng chu a ni. Pasalṭha Chhunthanga chuan an dinhmun chu a hrethiam ber a, a hun tawn tawh a ni tlat a ni. Aimawia leh Pazawna te pawh an ṭin ta, an ṭhiante ( chawntui valte) an hruai haw ve thung a. Pasalṭha Chhunthanga erawh Thanpuia te inah a innghat leh dawn a ni.
Hetih lai mek hian Rodawla leh Ngurṭhuama te ho chuan ropui an lo rel ve mek a. Lal fanu lah khan hlado chham ri a hriat ve leh a tlanchhiat san daih kha a ni si a. Zan lama zawlbuka chet lak dan tur uluk fe chuan an ruahman a ni. Rodawla hian Tlangchhuaka hi a ring em em mai a, Aimawia leh thangchhuahpa Thanpuia zawlbuk bang deng dawtin han vawrh se a duh takzet a ni. Ngurṭhuama chuan lal fanu chet dan aṭang khan thil a man nghal ruak a, a khin tur hi a huphurh hle mai! Upa min tupa Thangchhuahpa ngat han khin chu a hreh hle a, mahse thil pakhat hriatchian a nei, a hmelma te chaklohna lai zawna tihchhiat a thiam hle thung a ni. Chu thil chu hman a ngaih chuan a hmang duh ngat ang le.Upa Tlungirha inah chuan midang mualpho tir dan tur an rel ve hat hat mai!
Thanpari pawhin a nu Zamani a pui lawp lawp a a buai hle mai, Zamani lah chuan Lal ina lal sa dah tur chuan a ti a. A inphur chhuak ta, Lal in ava thlen chuan lal fanu leh lalnu chu an lo awm a. An lawmna thu chu an lo hrilh ve chul mai le! Serzawl lalnu pawh a ṭawng tawh laklawh hi chuan ar tui zo hi a ang a, a kak zui char char zel a duhai rei hi mi an ṭhu fo reng a ni. Saipuii chuan kaiṭen thleng chuan an thlah a, chutah awmze nei taka Thanpuia u han melh pah chuan,
" U par, zanin lam te hian i buai viau dawn leh min han sawm ve la aw...salu lawm ka chak ve hle a nia aw...!" an ti raih mai zawng,sawm loh chi a ni dawn em ni!?
Zanriah buatsaih a an buai lai leh, Serzawl lal Lalbula te Upa Phirtuala te salu lawma bel an birh tlek tlek lai chuan kawtchhuahah chuan Sanghal hlado chham ri an han hre leh a. Thanpuia pa Thanchhinga leh Selzama te an ni ngat mai le! Naupang ho pawh uitang thlarau rim hria ang maiin chiau chulin kawtchhuah an pan leh ta!
Pasalṭha Thanchhinga chuan a fapa in thang a chhuah ta tih an hriat meuh chuan a khap per ve sak mai le! Pasalṭha Selzama leh Zamkunga hlim pheng chuan khawchhung lam an pan ta vut mai a, salu zawn naupang lah hmanhmawh fe in an kal a, an inpel ta thiak thiak mai le...!
Zanriah an han bar kham chuan le..Pasalṭha Thanpuia te inah chuan Sadawt alokal a, arhnuaichhiah a rawn khai a. Tumpang lu leh arhnuaichhiah chu Khumpui zawn chhuat laiah Thlengpui chuan a khuh a. Chutah le Sadawt chuan,
" Thlengpui khup hnu thal leh thei lo,
Thlengpui khup hnu thal leh thei lo...."an tih chuan salu lawm tur te pawh chuan an lo thlir ṭhap a. Thlengpui chungah chuan thangchhuahpa Thanpuia a ṭhu vung mai le.Sadawtin chhampual an chham a, ar hnuaichhiah chu a lu an tan a. Pasalṭha Thanpuia thangchhuahpa a nih chu tlang hriat a ni ta. Serh leh sang zawng leh sa kah ngai a kap kim ta..! Thanchhinga chu a nupui Zamani nen an inmelh tlawk tlawk a, an hlimna hian van a tawng ngei ang le... ( Sai hi ka kah tir lova, a chhan chu Sai hi ziak ṭhenkhatah hian a tikimtu ah chauh an hmang a ni. A hma chuan Samak leh Sai a tel ṭhin a, pi puten Ṭiau an rawn kan hnu deuh khan Sai leh Samak hi ziaktu ṭhenkhatin an ban ta e an ti...)
Chutia serh leh sang an zawh hnu chuan Thanpuia pawh a ṭhiante an rawn lawr ta fur a, Salu an lawm tak tak hma in Zawlbuk an kai dawn a ni. Zawlbuk pan tur chuan an chhuak ta hlawm a, an pheikhai a zang fe mai le! Zawlbuk tual aṭang chuan Rodawla zawlbuk chhunga ṭawng lar lar an hre ta... Aimawia thin a va khei tehlul em!.... Bawhbel a thleng phei rang kher mai le.....!
( chhunzawm tur)
( PASALṬHA THANPUIA)
M.Lusei Palian
........ ......... ...........
Saipuii chu a nghing lawih a, kha leh chen a lo thlir.....aw...kha rawl ngei kha ....Thanpuia rawl a ni, a thang kim ta...!Rang fe in inchhungah a tlan lut a...A nu bulah chuan,
" A thangkim ta...!" an ti ngawt a, Thula thangchhuah diar chu ava la chhuak zui nghal in...., tlanchhuah lehnghal a tum chu, Lal nu chuan,
" Saii....an chhawl a hal ang....!" awmze nei fe chuan a'n ti a. Saipuii chuan Seki no chu a zawng nghal a, chutih lai tak chuan Lalbula chuan,
" Thang kim hlado a ni ngat mai ka ti! Tumpang hlado ngat....a han ngai chiang deuh tehang un....!" a ti vei lar lar mai. Kawtchhuah lam aṭang chuan hlado chham ri an hre leh a...
" Siamtu'n e, Siamtinlerin e,
Ṭanah hreungen min hlan u law,
Bualdim e, a ki le maw,
Chho sang e, kai lai ka thloh awk e...!"
fan raih chuan an rawn chham leh ta, pasalṭha ramchhuak an hlawhtling hle a ni. Tlang an han tlir thawm an hre zui zat a, Saipuii pawh Chawngṭhuamin a rawn au lang lang ta mai le! Seki a zu thlum tui tawk keng chung chuan an Sechal sapui rim hre tlan ve ngawt mai! Ngurṭhuama te lah chuan an thlir zui hman ṭawk lah ni, Vazar rual hnu hnung ang maiin an pawng ngawih ta mai mai rih e. An chan han ṭha ngat se zawng an ṭe ring khawp ang.
Hmawng rah ṭha hmu fuh sava ang maiin thingnawi vawi tawh naupang ho chuan kawtchhuah lungdawh an rawn pan ta mam mam mai le... Tlan hmasak a Tumpang lu ngei zawn tumin an rawn ri thla fua fua mai! Lei la hmin deuh a awm nen ke zungpui hmangin a ṭhen chu an ding leh lawih mai ṭhin! Kawtchhuaha an mi ngaihsan pasalṭha te lo awm chu an thlir nawn chhen a, an mahni ang nih an tum ngat a ni. Thangkima inti thei fe in Thanzinga nen an rawn thleng ve a, nghalrual zinga a pa telve ang mai an ni! Chutah naupang ho chuan Salu chu khawia dah tur nge tih an han zawt a, a zawnna tur lah Pazawnan a lo siam sak diam tawh a. Aimawia chuan naupang ho han thlek zauh pah chuan zangkhai fe in,
" Pasalṭha Thanchhinga te inah, Thangchhuah pa a rawn haw e, va tikher ang che u...!" a ti kher a. Naupang ho lahin pasalṭha Thanpuia thangchhuahpa chu an thlir ning lo. Thangchhuah dinhmun ṭhat zia an hrechiang em a ni. Tunah zawng, an infiam ni khua pawhin " Kei pasalṭha Thanpuia thangchhuahpa...ka ni ngai e!" an ti deuh kher tawh ngei ang le! ' Haw haw...' chung chuan khaw lam an han pan dawn ṭan a, an ri laih laih mai.....Thanpari pawh a rawn tlan thleng ve ta...Chutiang zelin Aimawia, Pazawna te an chhungte pawh an rawn thleng ve zel a, an chhungte lo chhawk an tum a ni....hei hi an tih fo ṭhin dan a ni si a. Chutah le...lasi nula te zinga a nutuai ni awm alang Serzawl ropuina Saipuii ngei mai chu a kut dinglama Seki chawiin a kut veilamin thangchhuah diar nen, a rawn lang ve ta!A hnungah nula hmel ṭha Ṭhuamin a rawn zui bawk a... Tlangval ho chuan an lo thlir ṭhap mai le...! A rawn hnai ta zel a, pasalṭha Thanpuia pawh chuan chil a lem khalh tawh chu a ni.
Saipuii chuan a hnaih telh telh a, a zak telh telh thung a, mi an lo tam hman hle tih a hria a, an tawi leh deuh thul...! A inti luhlul lui a, a pen var thla ta haih haih mai le....! Thinlung chhungril fan ngat ngattu han hmuh meuh chi chuan dawn lungruka chhekkhawm sa pawh nghilh a ni leh ṭhin! Mahse thang a chhuah hun a alo hmuah tur thu a lo hrilh lawk si a. Ni e...kha zanah khan an lo sawi tawh ngei a, he lal nula hmel ṭha hian tihian a ti nghe nghe a nih kha...
" Thanpui, thang i chhuah hun chuan e, ka lo hmuak ang chi a... keimah ngeiin ka diar tah ngei mai ka khim tir ang che...!" chu thu chu Thanpuia pawh chuan a nghilh hauh lo....
Lal fanu tlang thang nula hmel ṭha...Serzawl tiropuitu hi engah nge Serzawl mihrang hmaah hian a zam ang ni... a rawn pen thleng ta, Seki no chu hlanin,
" Pasalṭha.... thang i chhuah ta maw...!Serzawl hian kan lo lawm a che..." chu ṭawngka han mawi zia chu....a hre tura a duh chuan a hrechiang ngang mai!
Pasalṭha Thanpuia chuan Seki a zu thlum tak chu an dawt a, pasalṭha Chhunthanga han pek pah chuan,
" A thlum zawng a thlum tui e, ka kham lo a ni e!" Saipuii han melh ralh chuan a ti a.
Pasalṭha Chhunthanga finna a rawn lang a, Thanpuia bulah va hnaiin,
" Pasalṭha, han hniam teh le, thangchhuah diar ṭialin a hmuak che...!" tih pah chuan hlado a lo chham hnan a. ( Thanpuia hian Khamlairang lal fanu khim tir kha a iptepuiah a lo ak diam tawh si a) Lal fanu ngei chuan thangchhuah diar a khim tir ta. Ramchhuak tlangval ho pawh an lawm hle mai le... Ropui takin khawchhung an pan ta! Saipuii hlimna hi a va nasa ngai em!
Upa Phirtuala chuan a tupa thang a chhuah ta tih hria in a fapa Thanchhinga te in a pan ta vang vang mai! A nupui Chalmawii lah bang lo...! Thanchhinga lah lo lamah a lo ṭuan daih chu niin, Zamani pawh a va hlim em! Naupangin Salu an rawn thlen chuan upa Phirtuala chuan hlado a han chham ve leh ngat a. Hlimna chu a chim hian a rawn chim ta hem hem mai a ni. Thanpuia te inchhungah khuai rau ang chuan a zik hian an zi huai huai a ni ber mai! Putar leh pavalai lam chuan zubel rawn pu lutin sa lu an rawn lawm ṭan der mai! Lal fanu pawh sen ṭan ṭan chuan Thanpuia bulah chuan a la awm ve zel a, a ni zawng vazar rual zinga Vakul ang mai hi a ni a. Thanpuia lah bawngrual( sava) zinga a pa awm ang mai chuan a langsar nalh reng mai a ni. A u Thanpari chuan thangchhuah puan an sin tir a, a hmel han ngeng ta ngalh te chu...nula tan zawng thlir nin a har hle ang le!
Pasalṭha Chhunthanga chuan Thanpuia pa a awm lo tih hria in, sa te chu a lo sem zung zung a. Lal sa tur pawh a dah tam ngang mai! Lalbula pawh chu inah tawm thei bik hek suh, Pasalṭha Thanchhinga te inlam chu tlangaupa nen an pan zui ta... An rawn lut tur chu Ṭhuami chuan a lo hmu hmasa hlauh a, a rukin Saipuii nen chuan ui takin an ṭin ta! Thanpuia pawh chuan hrethiam takin a thlir liam ta...! Upa Phirtuala a hlim hle mai le, lo lam ven ṭul viau lo se zawng awmni khamin Tumpang chu a ai sak ngei ang le...! Tunah zawng Thanpuia te chuan an in pawh an tidanglam thei tawh ngei ang a, an hlim hle tawh ang, Zamani lah chu hahni dai dukin a khi reng chu a ni. Pasalṭha Chhunthanga chuan an dinhmun chu a hrethiam ber a, a hun tawn tawh a ni tlat a ni. Aimawia leh Pazawna te pawh an ṭin ta, an ṭhiante ( chawntui valte) an hruai haw ve thung a. Pasalṭha Chhunthanga erawh Thanpuia te inah a innghat leh dawn a ni.
Hetih lai mek hian Rodawla leh Ngurṭhuama te ho chuan ropui an lo rel ve mek a. Lal fanu lah khan hlado chham ri a hriat ve leh a tlanchhiat san daih kha a ni si a. Zan lama zawlbuka chet lak dan tur uluk fe chuan an ruahman a ni. Rodawla hian Tlangchhuaka hi a ring em em mai a, Aimawia leh thangchhuahpa Thanpuia zawlbuk bang deng dawtin han vawrh se a duh takzet a ni. Ngurṭhuama chuan lal fanu chet dan aṭang khan thil a man nghal ruak a, a khin tur hi a huphurh hle mai! Upa min tupa Thangchhuahpa ngat han khin chu a hreh hle a, mahse thil pakhat hriatchian a nei, a hmelma te chaklohna lai zawna tihchhiat a thiam hle thung a ni. Chu thil chu hman a ngaih chuan a hmang duh ngat ang le.Upa Tlungirha inah chuan midang mualpho tir dan tur an rel ve hat hat mai!
Thanpari pawhin a nu Zamani a pui lawp lawp a a buai hle mai, Zamani lah chuan Lal ina lal sa dah tur chuan a ti a. A inphur chhuak ta, Lal in ava thlen chuan lal fanu leh lalnu chu an lo awm a. An lawmna thu chu an lo hrilh ve chul mai le! Serzawl lalnu pawh a ṭawng tawh laklawh hi chuan ar tui zo hi a ang a, a kak zui char char zel a duhai rei hi mi an ṭhu fo reng a ni. Saipuii chuan kaiṭen thleng chuan an thlah a, chutah awmze nei taka Thanpuia u han melh pah chuan,
" U par, zanin lam te hian i buai viau dawn leh min han sawm ve la aw...salu lawm ka chak ve hle a nia aw...!" an ti raih mai zawng,sawm loh chi a ni dawn em ni!?
Zanriah buatsaih a an buai lai leh, Serzawl lal Lalbula te Upa Phirtuala te salu lawma bel an birh tlek tlek lai chuan kawtchhuahah chuan Sanghal hlado chham ri an han hre leh a. Thanpuia pa Thanchhinga leh Selzama te an ni ngat mai le! Naupang ho pawh uitang thlarau rim hria ang maiin chiau chulin kawtchhuah an pan leh ta!
Pasalṭha Thanchhinga chuan a fapa in thang a chhuah ta tih an hriat meuh chuan a khap per ve sak mai le! Pasalṭha Selzama leh Zamkunga hlim pheng chuan khawchhung lam an pan ta vut mai a, salu zawn naupang lah hmanhmawh fe in an kal a, an inpel ta thiak thiak mai le...!
Zanriah an han bar kham chuan le..Pasalṭha Thanpuia te inah chuan Sadawt alokal a, arhnuaichhiah a rawn khai a. Tumpang lu leh arhnuaichhiah chu Khumpui zawn chhuat laiah Thlengpui chuan a khuh a. Chutah le Sadawt chuan,
" Thlengpui khup hnu thal leh thei lo,
Thlengpui khup hnu thal leh thei lo...."an tih chuan salu lawm tur te pawh chuan an lo thlir ṭhap a. Thlengpui chungah chuan thangchhuahpa Thanpuia a ṭhu vung mai le.Sadawtin chhampual an chham a, ar hnuaichhiah chu a lu an tan a. Pasalṭha Thanpuia thangchhuahpa a nih chu tlang hriat a ni ta. Serh leh sang zawng leh sa kah ngai a kap kim ta..! Thanchhinga chu a nupui Zamani nen an inmelh tlawk tlawk a, an hlimna hian van a tawng ngei ang le... ( Sai hi ka kah tir lova, a chhan chu Sai hi ziak ṭhenkhatah hian a tikimtu ah chauh an hmang a ni. A hma chuan Samak leh Sai a tel ṭhin a, pi puten Ṭiau an rawn kan hnu deuh khan Sai leh Samak hi ziaktu ṭhenkhatin an ban ta e an ti...)
Chutia serh leh sang an zawh hnu chuan Thanpuia pawh a ṭhiante an rawn lawr ta fur a, Salu an lawm tak tak hma in Zawlbuk an kai dawn a ni. Zawlbuk pan tur chuan an chhuak ta hlawm a, an pheikhai a zang fe mai le! Zawlbuk tual aṭang chuan Rodawla zawlbuk chhunga ṭawng lar lar an hre ta... Aimawia thin a va khei tehlul em!.... Bawhbel a thleng phei rang kher mai le.....!
( chhunzawm tur)
Ka duh aiin a tawi. A ngaihnawm si a, chhiar chhunzawm leh nghal ka van chak tak
ReplyDeleteNext ka nghakhlel lutuk,Rodawla leh Ngurṭhuama hi bin tir nek rawh.Thanpuia ka duh em mai.
ReplyDelete