LUNGRENG NGÂW..S-3..(24)...
LUNGRENG NGÂW...S-3...24 . ..
( PASALṬHA THANPUIA)
M.Lusei Palian
........ ......... ...........
Serzawl lalin ah chuan Upa Tlungirha leh Hriangmual lal fapa te chu an rawn chuangkai ta! Hriangmual lal fapa chuan tap lama ṭhu lal fanu Saipuii chu a melh na ngang mai le...! Upa Tlungirha chuan muangchang chuan Hriangmual lal fapa leh a naute an nih thu leh Saipuii chu a rawn zin chhan a nih thu a sawi ta, tap lama lalnu leh lal fanu chu an inmelh nawn ta awn awn mai le! Lalbula lah chuan kam ṭha fe hian a lo chhawna, Hriangmual lal hausak zia a hre ve nual mai si! Ngurṭhuama leh Rodawla lah chuan tap lama lal fanu chu an la rawn ṭhut hnaih ta deuh deuh a, hawihhawm fe hian an han be vei thul! Saipuii chuan a rul tawk lekin a lo chhang ve zel a. Ngurṭhuama lah nula mi tak,nula te cheng han deh vel thiam tak hi a ni roh a, a ṭul chen cham inhuam an ni bawk nen, lal fanu chu hmin a tum hle mai le! Rodawla pawh khual ṭha an nei ta bawk nen pasalṭha te a zui ve ta lo kha a ni. A rilru tak chuan Thanpuia awm loh hlan a thang ṭhat lak a tum nen, a ui hle nghe nghe a.
Zankhatna a rei tak lengduh ta lo chuan Ngurṭhuama leh a naute chu hma takah an ṭin vei tharh a. Saipuii lah chuan alo kham hman em em kha a ni, Ngurṭhuama meuh zawng kam ṭha hman hun a hria a, ṭawngkam te lah chu a Kelchal luangno thlan mial mial thiam tlat a ni. Nula engzat tak han der tawh tak ang maw!? Zawlbuka an han lawi te lah chu hawihhawm fe hian an awm thiam leh roh si! Serzawl valte chuan an lo buan ve ngei a, an tleirawl hruai Thangluaia pawh a che thei fe mai! Zaluta nen an han inbuan meuh zawng an hmuhnawm hle mai le! Val upa Thanṭhuama chuan Thanpuia te ṭhian ho an awm lo chu pawi a ti takzet a ni. Thangkunga pawh Tlangchhuaka hmaah chuan eng zu ni hauh lova! A langa hawihhawm hmel tak chuan a ruk chuan an ni deuh ar mai chu a ni.
Pasalṭha Thangchhuah pa a rawn thleng ṭep tawh ngei ang le...!
......... ......... ...........
Hunbi hriltu nungcha hram te pawhin zankhua a tlai ta tih an pau pui a, ui taka inthlah hun a ni ta. Chawngmawii chuan Thanpuia pawh a kalsan ta a, chu zan muanawm takah chuan Buk chhungah a mu ta siai siai a. Chu riahbuk a tlangval ho zet zawng an mutui hle hlawm a ni. Varṭianah an tho leh ta, hemi ni hian Khamlairang khua an ban dawn avangin an hmanhmawh tehchiam lo va. Sa lah chu an ngah em em mai si, tumah chuan adang han kah pawh an tum tawh lo...tuna an neih sa pawh hi phurh fe tham a ni ta. An inzo ngut a ngem tih chu ngaihtuah tham fe a ni. Tumpangchal leh Sazuk lu lah chu rit tham an ni. Hetih lai hian Rochhuma awm ve ta lo zawng hrehawm am ti hle a ni. Tukṭhuan an han buaipui leh a, a ṭhenin bawmrang an tah leh hlawm a, chutih lai chuan Vunga chuan,
" Pasalṭha te u, ka zah hle mai che u, mahse sa an tam si a, khawchhung lah kar kawnga zanriah ngai lah ni hlei lo....kan vawi hman zan a, sa dang han kah te pawh phal ula maw...! Lungreng ngaw ah kan awm ta rau rau a....!! " a rawn ti vei khuk a. Pasalṭha te pahnih chu dil titih hian an ti a. A awm ve reng a ni, an bawh ngam loh ram a ni a, chuvanga sa tam em em chu a ni.
Pasalṭha Thanpuia chuan, " E...ka hrethiam khawp mai, amah erawh chu sa hi kan ngah si a,phurh zawh loh neih erawh a malsawm si lo...Ni e, hlat chu a hla hauh lo....kan vawi peih a thu a ni mai ang chu...!" a ti chhuak ta a.
Pazawna lah chuan, " Ni e, chawhma chhung chu i vak leh ang, Pa chhuna pawn ala kap reng reng lo....Hei...Sawia te pawn a ṭul chuan khua a mite an han pun mai tur lah ni! An laina te an han khawm a nga....!!" tiin an thlasik mau puah ve pup a.
Dem vak chi an ni hauh lo, he Lungreng ngaw ah hian sa an tam em a, favang awllen lai a ni nen, an la kham meuh lo a ni. Pasalṭha Chhunthanga chuan,
" Eh....keini zawng, kap chi va ni suh...a rawn chhuak dawn a kan thlirna lamah thingṭang ro kan kuai tliak rum zel si a..!" a'n ti chhuak mai chu Aimawia a nui tawi tak mai le! A la zak hle a ni chek ang chu...mahse a rawn ṭawngchhuak zui zat...
" Khaih.. tawrhchhel pawh hi a hmuam hma a zir mai mai, Laipawng hnuai zawk a min han luhchilh zet zawng .....tlangval hi ka ṭang thei lo a ni..tunah pawh ka zun tir ṭha thei ṭan chiah a ni!" a ti chhuak zawng, an thum ta huk mai le, Pazawna leh Sawia an ri nasa lutuk chu hmuhnawm tham a ni. Pasalṭha te lah insum thei va ni suh....! Chutia an nuih tlan takah chuan Aimawia chuan,
" Kha kha a nia, han sawi chhuak teh vaih u, in nuam sa lovang....ka hmuhna apiangah ka bin zui ang...!" Nui hei hui chuan an ti a.
An la tawp hlei thei lo a ni. Tumpang ken tel tlip khan a robawm a lo luhchilh a ni ngat mai! A ṭhan belh awk ang le! Pasalṭha Chhunthanga pawh a insum thei ngang lo, ngaw pui khawk rum rum chuan an nui ta. Pasalṭha Chhunthanga chuan,
" I pen kak kha ka ti reng lah tak a....An lo fanril pek em a nih chu maw le! Eh...sawichhuah tam zawk chi lah ni, Nuthlawi hovin hria se Aimawi....a ṭha zawk asin!" phuh leh huk pah chuan an ti a.
Vunga pek lah chuan, " Kan nuthlawi tlawn tlai ṭha zet Hniangi ka hrilh ngat ang le...Khamlairangah i cham veng veng mai tur lah ni!" an ti leh kher a.
Aimawia lah chu hre awm pawhin a awm tawh lo, a zai luah luah a, tukṭhuan an bawl surh surh a. A sawisa lo ber Thanpuia chu a rawn sai let a,
" Serzawl vangkhuaah ni a dul rei rui,
Awi maw, Sailo mengmawii a hawi ruai e,
A la lawi lo maw Ramvachal Ṭhadanga...!" an ti deuh kher a.
Chu a hla phuah zet zawngin ti ti a thlak ta daih mai le...! Pasalṭha Chhunthanga a ngawi vung vung a,
" Zawna, chu khawnbawl nih in hauh em? Aimawia hi zawng Khawnbawl a nih ka ring hauh lo...!" fiam thu tak fe chuan an ti a.
Pazawna pek lah chuan, " Eh....hauh daih tawh e, U Aimawia zawng a rawl hi a ṭha a, tlangau ah kan la mamawh mah na!" an ti ve leh ta. Aimawia chuan a rawn bin zawt a, an ri leh le lu ta mai! Chulai Lungreng ngaw kara pasalṭha nunchang zir mek te hlim thawm chu pui tak a ni pui tak!
Tukṭhuan an han bar zo chu, Pasalṭha Chhunthanga an phut tlat avangin a ho chuan an vak ta a, Tuaha leh Thanpuia te chuan riahbuk an lo nghak thung a. Aimawia pawh a inhawl chhuak ve ngei a, han sapa vahte a chak ve a ni mahna! Tuaha hian a ṭhian Rochhuma kha a ngai hle a ni, tleirawl chhuah ata lo inzui chawtin a ṭhian sabeng hial a ni si! Rochhuma lung chu a thlir sek a, a rilru a dam thei mawlh lo a ni. An za chuan an rilru a na ṭheuh a an sawi chhuak lo mai zawk a ni.
Pasalṭha Chhunthanga leh Sawia chu fimkhur fe chuan Sih lam an pan ṭhem ṭhem a, Sih ah chuan sa a awm tlat a ni. Lung phenah chuan an han ding dat a, an han bihchiang chu Sazuk chal a ki hreu bum Buandim( Bualdim tia sawi an awm bawk) an tih ngei mai chu a lo hawi hrak hrak a. Heng Buandim chin hi an vang hle mai si! Pasalṭha Chhunthanga chuan Sawia chu kap turin an mit mei a, Sawia tlangval tlawmngai aia ute zah em em chuan kah a lo tum hauh lo, a lu a lo thinsan a, chu tlangval han khawsak dan chuan pasalṭha Chhunthanga a tilawm hle mai le! A silai chu lek chhuakin an tin vang vang a, a kap puak ta dur mai le! Pasalṭha Chhunthanga chuan a fungki a zen chu a silai dawtah an chhung lut a, rang fe chuan a sawh zui ta zat a. Chu Sazuk ki zar bung mai lah chu a lo tlu sawp tawh a, nawn angai ta hauh lo. Pasalṭha Chhunthanga chuan Sawia chu an melh a, an va chian dun ta. A ki mawlh chu a ni, ropui an va ti tehlul em! Sawia phur pheng chuan Chu Buandim chu a ke dinglama han rapin hlado a chham ta,
" Siamtu'n e, Siamtinleri'n e,
Ṭanah hreungen min hlan u law,
Buandim e, a ki le maw,
Ramṭuan e, ka thloh awk e....!" tih raih pah chuan a Silai thun tling ṭha el awl chu a vanvawr zawngin an kap puak thawr a. An hlim dun hle mai le! Aimawia te chuan hre pha in an rawn kuk hnai hle mai le! Chu Sazuk an han hmu chu ropui an va ti tehlul em! Hlado chu an han chham ve leh ngat hlawm a, pasalṭha leh upa ho sawi ṭhin Buandim chu an hmu ve ta! An hlim a ni, a sa chu an han phawk hlawk hlawk a, riahbuk lam an pan pui ta.
Varparhi pawh a nui ve sak mai le, a ṭhiana hi Sa pek ngei a duh si a, an Sazuk ki phir erawh an hotunu in a vohbik a ni si, an khalh bo rih kha a ni a, tunah Sazuk ah pawh a ropui ber a ṭhiana chu a pe ta! An ṭhiana te tan zawng an ran duat lai te an ui zo meuh lo chu a ni. Pasalṭha Chhunthanga hian Thanpuia thangchhuah loh mawlh hi a hlau a, a kian zel kha a ni. Tunah zawng an lawm a kim tlang hle a ni.
Riahbuk tualah chuan an han ding far a, Sazuk ki chu an chul deuh sek a, Tumpang ki lah a ropui bawk nen, pasalṭha te banglai a mawi hun zawngin a ropui hle ngei ang le! Ro pui an rel a ngai ta! Sa an ngah si a, Pasalṭha Chhunthanga leh Thanpuia chuan Sawia leh Pazawna chu an han melh a, Pasalṭha Chhunthanga chuan,
" Tlangval....mahni mai zawngin a hrehawm dawn a, Pazawna nen hian lo han hmasa u la, hei ni pawhin vanlai a la thleng lova, Ni suk chen velah chuan in lo thleng leh hman ang a, Sawia lainate leh Vunga lainate han hruai tawh u. Tin, Lalphunga hnenah zanin a kan lawiluh tur thu han hrilh nghal ang che u..!" a ti ta a.
Midang zawngin nau lu tiat tiatin sa an lo chan a, Sawia leh Pazawna chuan sa phur ṭunin Khamlairang khua an pan ta! Sawia chuan khan hnai fe hi a lo hria a, maicham lui pawh thlak puiin Hlawnkawng lamah a her chhoh pui ta a, an thleng har lo tawp ang le! Aimawia lah chuan Lalphunga bel chu alo Uṭawk tur vawn a, chhampual te han chham hnanin a tem leh ṭhin a, tuisik upa ang chauh a ni tawh si! Sazuk sa zawng an rep buai duh tawh lem lo va, bawmrang mawngah hnahthial hnah ngat dahin sarep an lo rem ta am mai le!
........ .......... .........
Hetih lai hian Pawih pasalṭha boralta lainate leh an fate ho a rukin an lo inhmu khawm ve mek a. Hman ata tawh an ngam ṭhin Lusei fate nena an Lalten Sa-ui an tan mai kha an pawm thei hauh lo mai le! An pasalṭha te phuba hi lak ngei an tum a, an ro han lumtu chu Hrangchina, Hrangchin bengpeha a ni. He Hrangchina hian englai mahin lusei hote hi a unau en ngai lova, Siampahranga khaw lam liama a ṭuan laia Lusei rawn lian kha ala na em a, a u Hrangchem phuba lak ngei a tum a ni. Thu thiam tak, nunrawng em em, hmeichhia leh tar pawh pawisa hauh lo a ni. Ho pawh a ngah fe tawh mai le! Lalte chu an rawn duh hauh lo va, a ruka rammut an tum a ni. Lusei fate ṭul lai tak buh lak hunah chet chhuah an tum a, a rukin funpui an er tluk tluk mai le! Ral lak sum sem dan tur thlengin an rel a, lusei pasalṭha a tam thei ang ber suat a, an hnung lam aṭanga kah pawh an insawi hmuh hial mai le...!
........ .......... ..........
Khamlairang Lal ina Pazawna leh Sawia han lut meuh zawng an va hlim tehlul em! Lalphunga tukchhuah fuh ṭum a lo ni nen, pasalṭha te lo thlen hun chuan a sepa a lo aih sak ngei a tum a. An lo thlen hlan mawlh chu a nghakhlel a ni, a khua mite ang riakah a ngai a ni. Pasalṭha te an hlawhtling hle a, zan lamah an khuaah hun an hmang dawn tih lal nula in a hriat meuh hlimna chhumpuiin a chhem mep mep a! A ṭhian Hranghluni te inlamah rang fe in a liam ta!
( chhunzawm tur)
( PASALṬHA THANPUIA)
M.Lusei Palian
........ ......... ...........
Serzawl lalin ah chuan Upa Tlungirha leh Hriangmual lal fapa te chu an rawn chuangkai ta! Hriangmual lal fapa chuan tap lama ṭhu lal fanu Saipuii chu a melh na ngang mai le...! Upa Tlungirha chuan muangchang chuan Hriangmual lal fapa leh a naute an nih thu leh Saipuii chu a rawn zin chhan a nih thu a sawi ta, tap lama lalnu leh lal fanu chu an inmelh nawn ta awn awn mai le! Lalbula lah chuan kam ṭha fe hian a lo chhawna, Hriangmual lal hausak zia a hre ve nual mai si! Ngurṭhuama leh Rodawla lah chuan tap lama lal fanu chu an la rawn ṭhut hnaih ta deuh deuh a, hawihhawm fe hian an han be vei thul! Saipuii chuan a rul tawk lekin a lo chhang ve zel a. Ngurṭhuama lah nula mi tak,nula te cheng han deh vel thiam tak hi a ni roh a, a ṭul chen cham inhuam an ni bawk nen, lal fanu chu hmin a tum hle mai le! Rodawla pawh khual ṭha an nei ta bawk nen pasalṭha te a zui ve ta lo kha a ni. A rilru tak chuan Thanpuia awm loh hlan a thang ṭhat lak a tum nen, a ui hle nghe nghe a.
Zankhatna a rei tak lengduh ta lo chuan Ngurṭhuama leh a naute chu hma takah an ṭin vei tharh a. Saipuii lah chuan alo kham hman em em kha a ni, Ngurṭhuama meuh zawng kam ṭha hman hun a hria a, ṭawngkam te lah chu a Kelchal luangno thlan mial mial thiam tlat a ni. Nula engzat tak han der tawh tak ang maw!? Zawlbuka an han lawi te lah chu hawihhawm fe hian an awm thiam leh roh si! Serzawl valte chuan an lo buan ve ngei a, an tleirawl hruai Thangluaia pawh a che thei fe mai! Zaluta nen an han inbuan meuh zawng an hmuhnawm hle mai le! Val upa Thanṭhuama chuan Thanpuia te ṭhian ho an awm lo chu pawi a ti takzet a ni. Thangkunga pawh Tlangchhuaka hmaah chuan eng zu ni hauh lova! A langa hawihhawm hmel tak chuan a ruk chuan an ni deuh ar mai chu a ni.
Pasalṭha Thangchhuah pa a rawn thleng ṭep tawh ngei ang le...!
......... ......... ...........
Hunbi hriltu nungcha hram te pawhin zankhua a tlai ta tih an pau pui a, ui taka inthlah hun a ni ta. Chawngmawii chuan Thanpuia pawh a kalsan ta a, chu zan muanawm takah chuan Buk chhungah a mu ta siai siai a. Chu riahbuk a tlangval ho zet zawng an mutui hle hlawm a ni. Varṭianah an tho leh ta, hemi ni hian Khamlairang khua an ban dawn avangin an hmanhmawh tehchiam lo va. Sa lah chu an ngah em em mai si, tumah chuan adang han kah pawh an tum tawh lo...tuna an neih sa pawh hi phurh fe tham a ni ta. An inzo ngut a ngem tih chu ngaihtuah tham fe a ni. Tumpangchal leh Sazuk lu lah chu rit tham an ni. Hetih lai hian Rochhuma awm ve ta lo zawng hrehawm am ti hle a ni. Tukṭhuan an han buaipui leh a, a ṭhenin bawmrang an tah leh hlawm a, chutih lai chuan Vunga chuan,
" Pasalṭha te u, ka zah hle mai che u, mahse sa an tam si a, khawchhung lah kar kawnga zanriah ngai lah ni hlei lo....kan vawi hman zan a, sa dang han kah te pawh phal ula maw...! Lungreng ngaw ah kan awm ta rau rau a....!! " a rawn ti vei khuk a. Pasalṭha te pahnih chu dil titih hian an ti a. A awm ve reng a ni, an bawh ngam loh ram a ni a, chuvanga sa tam em em chu a ni.
Pasalṭha Thanpuia chuan, " E...ka hrethiam khawp mai, amah erawh chu sa hi kan ngah si a,phurh zawh loh neih erawh a malsawm si lo...Ni e, hlat chu a hla hauh lo....kan vawi peih a thu a ni mai ang chu...!" a ti chhuak ta a.
Pazawna lah chuan, " Ni e, chawhma chhung chu i vak leh ang, Pa chhuna pawn ala kap reng reng lo....Hei...Sawia te pawn a ṭul chuan khua a mite an han pun mai tur lah ni! An laina te an han khawm a nga....!!" tiin an thlasik mau puah ve pup a.
Dem vak chi an ni hauh lo, he Lungreng ngaw ah hian sa an tam em a, favang awllen lai a ni nen, an la kham meuh lo a ni. Pasalṭha Chhunthanga chuan,
" Eh....keini zawng, kap chi va ni suh...a rawn chhuak dawn a kan thlirna lamah thingṭang ro kan kuai tliak rum zel si a..!" a'n ti chhuak mai chu Aimawia a nui tawi tak mai le! A la zak hle a ni chek ang chu...mahse a rawn ṭawngchhuak zui zat...
" Khaih.. tawrhchhel pawh hi a hmuam hma a zir mai mai, Laipawng hnuai zawk a min han luhchilh zet zawng .....tlangval hi ka ṭang thei lo a ni..tunah pawh ka zun tir ṭha thei ṭan chiah a ni!" a ti chhuak zawng, an thum ta huk mai le, Pazawna leh Sawia an ri nasa lutuk chu hmuhnawm tham a ni. Pasalṭha te lah insum thei va ni suh....! Chutia an nuih tlan takah chuan Aimawia chuan,
" Kha kha a nia, han sawi chhuak teh vaih u, in nuam sa lovang....ka hmuhna apiangah ka bin zui ang...!" Nui hei hui chuan an ti a.
An la tawp hlei thei lo a ni. Tumpang ken tel tlip khan a robawm a lo luhchilh a ni ngat mai! A ṭhan belh awk ang le! Pasalṭha Chhunthanga pawh a insum thei ngang lo, ngaw pui khawk rum rum chuan an nui ta. Pasalṭha Chhunthanga chuan,
" I pen kak kha ka ti reng lah tak a....An lo fanril pek em a nih chu maw le! Eh...sawichhuah tam zawk chi lah ni, Nuthlawi hovin hria se Aimawi....a ṭha zawk asin!" phuh leh huk pah chuan an ti a.
Vunga pek lah chuan, " Kan nuthlawi tlawn tlai ṭha zet Hniangi ka hrilh ngat ang le...Khamlairangah i cham veng veng mai tur lah ni!" an ti leh kher a.
Aimawia lah chu hre awm pawhin a awm tawh lo, a zai luah luah a, tukṭhuan an bawl surh surh a. A sawisa lo ber Thanpuia chu a rawn sai let a,
" Serzawl vangkhuaah ni a dul rei rui,
Awi maw, Sailo mengmawii a hawi ruai e,
A la lawi lo maw Ramvachal Ṭhadanga...!" an ti deuh kher a.
Chu a hla phuah zet zawngin ti ti a thlak ta daih mai le...! Pasalṭha Chhunthanga a ngawi vung vung a,
" Zawna, chu khawnbawl nih in hauh em? Aimawia hi zawng Khawnbawl a nih ka ring hauh lo...!" fiam thu tak fe chuan an ti a.
Pazawna pek lah chuan, " Eh....hauh daih tawh e, U Aimawia zawng a rawl hi a ṭha a, tlangau ah kan la mamawh mah na!" an ti ve leh ta. Aimawia chuan a rawn bin zawt a, an ri leh le lu ta mai! Chulai Lungreng ngaw kara pasalṭha nunchang zir mek te hlim thawm chu pui tak a ni pui tak!
Tukṭhuan an han bar zo chu, Pasalṭha Chhunthanga an phut tlat avangin a ho chuan an vak ta a, Tuaha leh Thanpuia te chuan riahbuk an lo nghak thung a. Aimawia pawh a inhawl chhuak ve ngei a, han sapa vahte a chak ve a ni mahna! Tuaha hian a ṭhian Rochhuma kha a ngai hle a ni, tleirawl chhuah ata lo inzui chawtin a ṭhian sabeng hial a ni si! Rochhuma lung chu a thlir sek a, a rilru a dam thei mawlh lo a ni. An za chuan an rilru a na ṭheuh a an sawi chhuak lo mai zawk a ni.
Pasalṭha Chhunthanga leh Sawia chu fimkhur fe chuan Sih lam an pan ṭhem ṭhem a, Sih ah chuan sa a awm tlat a ni. Lung phenah chuan an han ding dat a, an han bihchiang chu Sazuk chal a ki hreu bum Buandim( Bualdim tia sawi an awm bawk) an tih ngei mai chu a lo hawi hrak hrak a. Heng Buandim chin hi an vang hle mai si! Pasalṭha Chhunthanga chuan Sawia chu kap turin an mit mei a, Sawia tlangval tlawmngai aia ute zah em em chuan kah a lo tum hauh lo, a lu a lo thinsan a, chu tlangval han khawsak dan chuan pasalṭha Chhunthanga a tilawm hle mai le! A silai chu lek chhuakin an tin vang vang a, a kap puak ta dur mai le! Pasalṭha Chhunthanga chuan a fungki a zen chu a silai dawtah an chhung lut a, rang fe chuan a sawh zui ta zat a. Chu Sazuk ki zar bung mai lah chu a lo tlu sawp tawh a, nawn angai ta hauh lo. Pasalṭha Chhunthanga chuan Sawia chu an melh a, an va chian dun ta. A ki mawlh chu a ni, ropui an va ti tehlul em! Sawia phur pheng chuan Chu Buandim chu a ke dinglama han rapin hlado a chham ta,
" Siamtu'n e, Siamtinleri'n e,
Ṭanah hreungen min hlan u law,
Buandim e, a ki le maw,
Ramṭuan e, ka thloh awk e....!" tih raih pah chuan a Silai thun tling ṭha el awl chu a vanvawr zawngin an kap puak thawr a. An hlim dun hle mai le! Aimawia te chuan hre pha in an rawn kuk hnai hle mai le! Chu Sazuk an han hmu chu ropui an va ti tehlul em! Hlado chu an han chham ve leh ngat hlawm a, pasalṭha leh upa ho sawi ṭhin Buandim chu an hmu ve ta! An hlim a ni, a sa chu an han phawk hlawk hlawk a, riahbuk lam an pan pui ta.
Varparhi pawh a nui ve sak mai le, a ṭhiana hi Sa pek ngei a duh si a, an Sazuk ki phir erawh an hotunu in a vohbik a ni si, an khalh bo rih kha a ni a, tunah Sazuk ah pawh a ropui ber a ṭhiana chu a pe ta! An ṭhiana te tan zawng an ran duat lai te an ui zo meuh lo chu a ni. Pasalṭha Chhunthanga hian Thanpuia thangchhuah loh mawlh hi a hlau a, a kian zel kha a ni. Tunah zawng an lawm a kim tlang hle a ni.
Riahbuk tualah chuan an han ding far a, Sazuk ki chu an chul deuh sek a, Tumpang ki lah a ropui bawk nen, pasalṭha te banglai a mawi hun zawngin a ropui hle ngei ang le! Ro pui an rel a ngai ta! Sa an ngah si a, Pasalṭha Chhunthanga leh Thanpuia chuan Sawia leh Pazawna chu an han melh a, Pasalṭha Chhunthanga chuan,
" Tlangval....mahni mai zawngin a hrehawm dawn a, Pazawna nen hian lo han hmasa u la, hei ni pawhin vanlai a la thleng lova, Ni suk chen velah chuan in lo thleng leh hman ang a, Sawia lainate leh Vunga lainate han hruai tawh u. Tin, Lalphunga hnenah zanin a kan lawiluh tur thu han hrilh nghal ang che u..!" a ti ta a.
Midang zawngin nau lu tiat tiatin sa an lo chan a, Sawia leh Pazawna chuan sa phur ṭunin Khamlairang khua an pan ta! Sawia chuan khan hnai fe hi a lo hria a, maicham lui pawh thlak puiin Hlawnkawng lamah a her chhoh pui ta a, an thleng har lo tawp ang le! Aimawia lah chuan Lalphunga bel chu alo Uṭawk tur vawn a, chhampual te han chham hnanin a tem leh ṭhin a, tuisik upa ang chauh a ni tawh si! Sazuk sa zawng an rep buai duh tawh lem lo va, bawmrang mawngah hnahthial hnah ngat dahin sarep an lo rem ta am mai le!
........ .......... .........
Hetih lai hian Pawih pasalṭha boralta lainate leh an fate ho a rukin an lo inhmu khawm ve mek a. Hman ata tawh an ngam ṭhin Lusei fate nena an Lalten Sa-ui an tan mai kha an pawm thei hauh lo mai le! An pasalṭha te phuba hi lak ngei an tum a, an ro han lumtu chu Hrangchina, Hrangchin bengpeha a ni. He Hrangchina hian englai mahin lusei hote hi a unau en ngai lova, Siampahranga khaw lam liama a ṭuan laia Lusei rawn lian kha ala na em a, a u Hrangchem phuba lak ngei a tum a ni. Thu thiam tak, nunrawng em em, hmeichhia leh tar pawh pawisa hauh lo a ni. Ho pawh a ngah fe tawh mai le! Lalte chu an rawn duh hauh lo va, a ruka rammut an tum a ni. Lusei fate ṭul lai tak buh lak hunah chet chhuah an tum a, a rukin funpui an er tluk tluk mai le! Ral lak sum sem dan tur thlengin an rel a, lusei pasalṭha a tam thei ang ber suat a, an hnung lam aṭanga kah pawh an insawi hmuh hial mai le...!
........ .......... ..........
Khamlairang Lal ina Pazawna leh Sawia han lut meuh zawng an va hlim tehlul em! Lalphunga tukchhuah fuh ṭum a lo ni nen, pasalṭha te lo thlen hun chuan a sepa a lo aih sak ngei a tum a. An lo thlen hlan mawlh chu a nghakhlel a ni, a khua mite ang riakah a ngai a ni. Pasalṭha te an hlawhtling hle a, zan lamah an khuaah hun an hmang dawn tih lal nula in a hriat meuh hlimna chhumpuiin a chhem mep mep a! A ṭhian Hranghluni te inlamah rang fe in a liam ta!
( chhunzawm tur)
Comments
Post a Comment