LUNGRENG NGÂW..S-3.(23)...
LUNGRENG NGÂW...S-3...23 . ..
( PASALṬHA THANPUIA)
M.Lusei Palian
........ ......... ...........
Pasalṭha te erawh chuan an ṭhian Rochhuma an hmu zo ta lo leh damin an hruai kir thei ta lo chu pawi an ti a, hrehawm an ti ve hle mai! Chutah riahbuk aṭang chuan silai a puak ta thawr a....! Aimawia ngei chuan a vanvawr zawngin a lo hmet puak a lo ni! A awm lo lem lo, an hlim em a ni...! A hma zan zankhua leh nilengin an lo ngaichang tawh kha a ni a, tunah an rawn thleng ta, chu pawh hmel eng zawk leh hliam nei miah lo lehnghal in, lawm loh theih a ni lo!
Hetih lai hian Rochhuma erawh an zingah a rawn tel leh ta chuang lo, an hrethiam lo kher mai! Riahbuk tual an rawn thleng ta, tlangval ho chuan lo lawm hle in an lo bial tiau tiau a. Zawhna chhan har tak an dawng ta, Tuaha chuan,
" Khaw nge Rochhuma chu...in hmu zo ta bik lo em ni!?" a lo tichhuak zat a. Midang pawh chuan an chhanna nghakin an lo thlir tuau mai a ni.
Pasalṭha Chhunthanga chuan, " Rochhuma zawng kan hmu zo ta ngang lo a ni. Tin, kir ve tur a awm ta lo a ni. Muangin a chawl tawh e! A zarah he ngaw puia huai zawng zawng pawh an bo vek tawh ang...." a ti chhuak ta, hnuai lam a melh raih mai. Pasalṭha Chhunthanga hian hrehawm a ti ve hle a ni, a hruai ngei a ni si! A chhungte zawhna zawh chhan fe ala ngai dawn a ni. A ni lo zawngin a tlang thang em lo'ng chu maw!
Pasalṭha Thanpuia pawh rawn ṭawngchhuakin, " Rochhuma hi tlangval huaisen tak a ni a, he ngaw puia huai ho umbo nan a nun a hlan ta a ni. He Lungreng ngaw pui hi ṭih khai a ni tawh ngai lo vang! " a sawi zawh rual chuan an riahbuk piaha lung phek lian fe chu zo fe hian an ar awp chawi lawp a. Riahbuk bulah chuan a sawh phun ta vung mai a, tlangval ho chuan an lo thlir ṭhap mai! ( He lung pasalṭha Thanpuia sawh phun hi tun thlengin hmuh theihin a la awm a ni.) Chu chu Rochhuma tana an thiltih sak theih chhun chu a ni ta!
Lusei valrual ramchhuakte ngui nghiaia khua a lut tura inngaite chu lawmin an nui leh thei ta! Aimawia lah chuan Khamlairang lal Belpui chu an hah hlauvin dawn fung nen an chhawp ve hluai a. A ni lah chu rawngbawlin a tei leh vut vut tawh mai! Tumpang chek rimte chu a nam vung vung a, Tumpang sarep ah chuan sazuk leh Sakhi rep a mawi tawk an thlak a, a so ri ta barh barh mai le! Khamlairang valte hian Bel rawn ken nachang an hre ngat zawng an vanneihpui a ni. Sachhumna an neih belh miau mai si. An sa chhum rimte lah chu an tui veng veng khawp a, Vunga leh Pazawna phei chu an pum a ri raih raih tawh hial a ni.
Chu ngaw pui dam ta raih mai, nitlak hnu chuan Hleikapsen te pawh chuan khaw thim a hnai e tiin an bauh ve ta..! Riakmaw sava te pawh chuan thingthiang an pan ve vang vang a. Vunga chuan changel hnah pu bawr lukin riahbuk lam a rawn pan ve mek thung, riahbuk tual a rawn thleng a, Pazawna chuan rang fe hian zanriah a buatsaih ta zung zung mai! Sawia chuan a lo fiam vei zuk a, a ni lah chuan ' Kan pasalṭhate an ril a ṭam hle tawh ang' a ti sam et a a dik viau lawi si! Chutah zanriah an han siam chu buh hmui hiam mai chu a khu vung vung a, sachek lah chu mau theiah Aimawia chuan a lo thli chhuak mial mial a, a mawm eng hmak mai si! Sarep hrawl fe fe nau lu tiat tiat chu a laiah a khu vung vung bawk a, anthur an lo thlak tlem deuh na a pawi an tih hmel hauh lo! An anthur rep chuan a daih tawh lo a ni! Pasalṭha Chhunthanga chuan tlangval ho hrethiam fe chuan a kil ta tharh a, lian fea bar chuan Satui chuan an tleng thlak tir a. Chutah le, mahni hmasawn ṭheuh sial kaw tur chuan tlangval rual chu ṭan an han la ta! An hmuhnawm hle mai le, an sachek pawh inthlit sak sek hman ni ta hek lo, mahni chuan an va inthlit ta sek mai a ni.Zanriah zn han bar meuh zawng a kaw lai hnawh an ni bawk a, an ṭawng tam lo hle mai! An puar hle ta ve ang le!
Vunga han tho nalh chuan, " A puar zawng ka puar a, a kham erawh ka kham thei lo a ni e!" sachek mautheia mi ngei han hawp rik hruih pah chuan an ti ve khuk a.
Aimawia chuan an en ang he haw a, " Vunga han kil leh la ti nia, sa lah tamin...!" nui duh hauh lo chuan an ti a. An nui ta huk mai le.... Amah lah chu a nui duh der lo, Saruha a tibet han khel pah chuan a " Umnnn" nghat nghat a, Satui lah chu a hawp ri hruih hruih mai si! Khamlairang khua a hma taka thlen a zan lama han chet sak chu a rilru ber a ni tawh! Zanriah an han bar zo chu che peih a ram an awm ta hauh lo, an dul hmul te chu khat phuarin an hria a. Inthiar tur chuan an liam sek mai lah ni!
......... ........ ..........
Upa Tlungirha chuan a inchhunga tlangval lo awm ṭhap chu an thlek kual a, " Kha khawilam khual nge in nih le, eng thil nge in duh taka!?" dawhthlenga ṭhut pah chuan an ti a, a veibel chu a fawp ri zui hrawih hrawih a.
Ngurṭhuama chuan, " Ka pu, Hriangmual Laltawna khua te kan ni e, hetia in khua kan rawn pal thlen takah chuan ranngo te pawh kan zawng pah ang chu.! ....Ka pa Laltawna chuan Serzawlah Upa Tlungirha zawng chhuak turin min chah a ni. Tin, in Lal fanu nena kan kar a ṭhat theih phah dawn phawt chuan ka pa chuan Ṭhi leh Dar a rawn thlang dawn nia tiin min chah a ni!" ngen hmel fe chuan a ti a.Inti hotu tak chuan a ṭhu ngeng vei lur a.
Chu thu upa Tlungirhan a hriat meuh chuan a kang awk mai le! Ṭhi leh Dar a neih tam loh avanga Upa Phirtuala a tluk loh zia a hria a, a hun ṭha hi bawhpelh mai chi a ni hauh lovang le! Rawn dingchhuak vatin,
" Laltawna fapa maw i lo nih reng a, Hriangmual lal lal hausa tak kha....keini in tehlulah in lo thleng duh ang maw...Dawla ka thla thum bel kha han chawi thla la, hei an chhawl a lo hal a nge...! Han hahdam zet u la, kan la titi dawn nia, khawi dangah mah thlen darh a ngai lo ve...!" a ti chhuak ta a.An darah te chuan an beng thak thak a, an mi tlaw nuih ngei a.
Rodawla pawh chuan a mualphona hmet mit ṭhintu a pu thu chu a awih ngang mai, a tho chhuak thuai a, chutih lai mek chuan a pi leng pawh a rawn haw mek bawk a. Reilo teah chuan an ri le lu mai a ni. Upa Tlungirha leh a tupa hian Hriangmual lal fapa Ngurṭhuama hi an pui ngei ang le! An tan hausakna ala ni zui vei dawn nen, pheichham an man a ni dawn hawt e. Rodawla chuan an Hriangmual khual Tlangchhuaka chu an melh ṭhin a, Aimawia leh Thanpuia zawlbuk bang deng dawtin han bin se a ti kher mai le! An awmloh lai a ni chu pawi ava ti kher em aw! Upa Tlungirha chuan a ti ṭha kher mai, Hriangmual lalpa Ṭhi leh Dar chu chan theih ngei a tum a ni.
....... ....... .........
A inlar loh ṭuma a hlutzia an sawi nin theih loh Chhawrthlapui pawh rawn len belh lehin a rawn lang ve leh tawh a. A ṭhuihruai arsi te pawh chuan an hna tlin takin an hmun ngai an rawn luah leh ṭan ta! Chu Lungreng ngaw huai sual ho chenchilh ṭhin chu mak tih hmel fe hian van lam roreltu leh hunbi hriltute chuan an thlir ṭhap ni hian a lang a. Chu ngaw puiah zawng huai ho an inlar tawh kher lovang le! Chawngtinleri leh a hote pawhin Ṭan khawpuia an hmun an luah leh tawh a, an hmun hlui huai ho tawmkuk an chhilh bo thei ta chu an hlim hle a ni. Hringmi pasalṭha te chanchin erawh an sawi ning tawh ngai dawn lo. Chawngmawii leh Varparhi te phei chu an lalnu hian a duhsak phah sawt ngei dawn niin a lang! Hringmi pasalṭha te zara an hnehna chu an lawm ve laih laih mai le! Chawngmawii leh Varparhi chuan an ṭhiante riahbuk chu tlawm leh zah dawn zo ta lo chuan an pan ta!
Riahbuk chhunga an han lut meuh zawng Aimawia te chu a hma zana an men rim vang nge ni, rei lo teah an hnar ta bur bur mai le! An ṭhiante han muhil hma ta lutuk chu Pasalṭha te pahnih chuan an han en he haw a, riahbuk pawn lamah chuan an chhuak ta zawk a. Riahbuk tuala an meipui chheh chuan viltu a lo nei chiang mai le! Chung lasi nula te chhehvel chu a rimtui leh ta chem chem mai le! Varparhi leh pasalṭha Chhunthanga chu an kal hrang ta nghal daih mai le! Pasalṭha Thanpuia pawh Chawngmawii bulah chuan an ṭhawmmawl rinawm din ve leh tlut mai le! Chawngmawii chuan hmuh hmaih neih tum hauh lo chuan chu lusei pasalṭha chu a thlir ta veng veng mai le! Ral hma a zam lo, huai hmaah pawh zam ngai lo pasalṭha huaisen chu a zam ve ta em ni? Demawm a ni lo, thlir veng veng hi zawng han dawl zo tur hi an vang em a ni.
" In lo huaisen hle mai pasalṭha....inchungah kan hotunu pawh a lawm kher mai! Tikhan kan hotunu meuhin a chhinchhiah tawh che u a, huai lam reng reng chuan an tina thei tawh ngai lovang che u....!" Chawngmawii chuan a ti chhuak ta a.
Thanpuia chuan a zawhchak em em chu zawhna hun ṭha a ni tih a hria a, " Eng tin nge...min rawn hmuhchhuah theih le...? Rulpui lian kha in that thei ta em? Ka harhchhuah meuh kha chuan in bulah ka lo awm reng tawh si a..!" a ti chhuak ta a.
Chawngmawii chuan Chhawrthlapui chu an thlir leh vang vang a, Thanpuia ṭhutna lama hnaih phei hret pah chuan,
" Kan rawn thlen thlak kha chuan Rulpui kha a lo chau hle tawh a, Huaitawna leh a naute khan an that ta a... Ni e...Pialral in pan hman ṭep a ni ( zuai ta raih chuan an ti a) khatih lai khan ka hlauhthawng asin aw...! Mahse kan hotunu in an enkawl che u a, in harh mai si lo, hrehawm kan ti hman hle a ni.!" awm ze nei taka Thanpuia melh pah chuan an ti ve leh a.
Thanpuia chuan he nula hian a ti tak tak ang tih a ring thiam ve mai a, an chungah hian lawmthu sawi a tum zawk a, an ni ho lah hian an hotunu te nen lam chuan lawmthu an hrilh zawk si!
......... .......... ............
Serzawl lal fanu chuan bangah chuan hmawlhte an zep leh ta zauh a, an thangrei ta viau chuan a hria a. Nghaktu tan hian hun hi a kalmuang a, chhut let tur chhingmitthla a cham a tam ṭhin! Thinlung luahtu sakhmel tawn loh tluka hrehaem hi a tam lovang, lunglenna te hi natna lang chhuak vut ni si lo ah chuan tawrh hrehawm tak a ni si a.
Serzawl lalin ah chuan Upa Tlungirha leh Hriangmual lal fapa te chu an rawn chuangkai ta! Hriangmual lal fapa chuan tap lama ṭhu lal fanu Saipuii chu a melh na ngang mai le...!
( chhunzawm tur)
( PASALṬHA THANPUIA)
M.Lusei Palian
........ ......... ...........
Pasalṭha te erawh chuan an ṭhian Rochhuma an hmu zo ta lo leh damin an hruai kir thei ta lo chu pawi an ti a, hrehawm an ti ve hle mai! Chutah riahbuk aṭang chuan silai a puak ta thawr a....! Aimawia ngei chuan a vanvawr zawngin a lo hmet puak a lo ni! A awm lo lem lo, an hlim em a ni...! A hma zan zankhua leh nilengin an lo ngaichang tawh kha a ni a, tunah an rawn thleng ta, chu pawh hmel eng zawk leh hliam nei miah lo lehnghal in, lawm loh theih a ni lo!
Hetih lai hian Rochhuma erawh an zingah a rawn tel leh ta chuang lo, an hrethiam lo kher mai! Riahbuk tual an rawn thleng ta, tlangval ho chuan lo lawm hle in an lo bial tiau tiau a. Zawhna chhan har tak an dawng ta, Tuaha chuan,
" Khaw nge Rochhuma chu...in hmu zo ta bik lo em ni!?" a lo tichhuak zat a. Midang pawh chuan an chhanna nghakin an lo thlir tuau mai a ni.
Pasalṭha Chhunthanga chuan, " Rochhuma zawng kan hmu zo ta ngang lo a ni. Tin, kir ve tur a awm ta lo a ni. Muangin a chawl tawh e! A zarah he ngaw puia huai zawng zawng pawh an bo vek tawh ang...." a ti chhuak ta, hnuai lam a melh raih mai. Pasalṭha Chhunthanga hian hrehawm a ti ve hle a ni, a hruai ngei a ni si! A chhungte zawhna zawh chhan fe ala ngai dawn a ni. A ni lo zawngin a tlang thang em lo'ng chu maw!
Pasalṭha Thanpuia pawh rawn ṭawngchhuakin, " Rochhuma hi tlangval huaisen tak a ni a, he ngaw puia huai ho umbo nan a nun a hlan ta a ni. He Lungreng ngaw pui hi ṭih khai a ni tawh ngai lo vang! " a sawi zawh rual chuan an riahbuk piaha lung phek lian fe chu zo fe hian an ar awp chawi lawp a. Riahbuk bulah chuan a sawh phun ta vung mai a, tlangval ho chuan an lo thlir ṭhap mai! ( He lung pasalṭha Thanpuia sawh phun hi tun thlengin hmuh theihin a la awm a ni.) Chu chu Rochhuma tana an thiltih sak theih chhun chu a ni ta!
Lusei valrual ramchhuakte ngui nghiaia khua a lut tura inngaite chu lawmin an nui leh thei ta! Aimawia lah chuan Khamlairang lal Belpui chu an hah hlauvin dawn fung nen an chhawp ve hluai a. A ni lah chu rawngbawlin a tei leh vut vut tawh mai! Tumpang chek rimte chu a nam vung vung a, Tumpang sarep ah chuan sazuk leh Sakhi rep a mawi tawk an thlak a, a so ri ta barh barh mai le! Khamlairang valte hian Bel rawn ken nachang an hre ngat zawng an vanneihpui a ni. Sachhumna an neih belh miau mai si. An sa chhum rimte lah chu an tui veng veng khawp a, Vunga leh Pazawna phei chu an pum a ri raih raih tawh hial a ni.
Chu ngaw pui dam ta raih mai, nitlak hnu chuan Hleikapsen te pawh chuan khaw thim a hnai e tiin an bauh ve ta..! Riakmaw sava te pawh chuan thingthiang an pan ve vang vang a. Vunga chuan changel hnah pu bawr lukin riahbuk lam a rawn pan ve mek thung, riahbuk tual a rawn thleng a, Pazawna chuan rang fe hian zanriah a buatsaih ta zung zung mai! Sawia chuan a lo fiam vei zuk a, a ni lah chuan ' Kan pasalṭhate an ril a ṭam hle tawh ang' a ti sam et a a dik viau lawi si! Chutah zanriah an han siam chu buh hmui hiam mai chu a khu vung vung a, sachek lah chu mau theiah Aimawia chuan a lo thli chhuak mial mial a, a mawm eng hmak mai si! Sarep hrawl fe fe nau lu tiat tiat chu a laiah a khu vung vung bawk a, anthur an lo thlak tlem deuh na a pawi an tih hmel hauh lo! An anthur rep chuan a daih tawh lo a ni! Pasalṭha Chhunthanga chuan tlangval ho hrethiam fe chuan a kil ta tharh a, lian fea bar chuan Satui chuan an tleng thlak tir a. Chutah le, mahni hmasawn ṭheuh sial kaw tur chuan tlangval rual chu ṭan an han la ta! An hmuhnawm hle mai le, an sachek pawh inthlit sak sek hman ni ta hek lo, mahni chuan an va inthlit ta sek mai a ni.Zanriah zn han bar meuh zawng a kaw lai hnawh an ni bawk a, an ṭawng tam lo hle mai! An puar hle ta ve ang le!
Vunga han tho nalh chuan, " A puar zawng ka puar a, a kham erawh ka kham thei lo a ni e!" sachek mautheia mi ngei han hawp rik hruih pah chuan an ti ve khuk a.
Aimawia chuan an en ang he haw a, " Vunga han kil leh la ti nia, sa lah tamin...!" nui duh hauh lo chuan an ti a. An nui ta huk mai le.... Amah lah chu a nui duh der lo, Saruha a tibet han khel pah chuan a " Umnnn" nghat nghat a, Satui lah chu a hawp ri hruih hruih mai si! Khamlairang khua a hma taka thlen a zan lama han chet sak chu a rilru ber a ni tawh! Zanriah an han bar zo chu che peih a ram an awm ta hauh lo, an dul hmul te chu khat phuarin an hria a. Inthiar tur chuan an liam sek mai lah ni!
......... ........ ..........
Upa Tlungirha chuan a inchhunga tlangval lo awm ṭhap chu an thlek kual a, " Kha khawilam khual nge in nih le, eng thil nge in duh taka!?" dawhthlenga ṭhut pah chuan an ti a, a veibel chu a fawp ri zui hrawih hrawih a.
Ngurṭhuama chuan, " Ka pu, Hriangmual Laltawna khua te kan ni e, hetia in khua kan rawn pal thlen takah chuan ranngo te pawh kan zawng pah ang chu.! ....Ka pa Laltawna chuan Serzawlah Upa Tlungirha zawng chhuak turin min chah a ni. Tin, in Lal fanu nena kan kar a ṭhat theih phah dawn phawt chuan ka pa chuan Ṭhi leh Dar a rawn thlang dawn nia tiin min chah a ni!" ngen hmel fe chuan a ti a.Inti hotu tak chuan a ṭhu ngeng vei lur a.
Chu thu upa Tlungirhan a hriat meuh chuan a kang awk mai le! Ṭhi leh Dar a neih tam loh avanga Upa Phirtuala a tluk loh zia a hria a, a hun ṭha hi bawhpelh mai chi a ni hauh lovang le! Rawn dingchhuak vatin,
" Laltawna fapa maw i lo nih reng a, Hriangmual lal lal hausa tak kha....keini in tehlulah in lo thleng duh ang maw...Dawla ka thla thum bel kha han chawi thla la, hei an chhawl a lo hal a nge...! Han hahdam zet u la, kan la titi dawn nia, khawi dangah mah thlen darh a ngai lo ve...!" a ti chhuak ta a.An darah te chuan an beng thak thak a, an mi tlaw nuih ngei a.
Rodawla pawh chuan a mualphona hmet mit ṭhintu a pu thu chu a awih ngang mai, a tho chhuak thuai a, chutih lai mek chuan a pi leng pawh a rawn haw mek bawk a. Reilo teah chuan an ri le lu mai a ni. Upa Tlungirha leh a tupa hian Hriangmual lal fapa Ngurṭhuama hi an pui ngei ang le! An tan hausakna ala ni zui vei dawn nen, pheichham an man a ni dawn hawt e. Rodawla chuan an Hriangmual khual Tlangchhuaka chu an melh ṭhin a, Aimawia leh Thanpuia zawlbuk bang deng dawtin han bin se a ti kher mai le! An awmloh lai a ni chu pawi ava ti kher em aw! Upa Tlungirha chuan a ti ṭha kher mai, Hriangmual lalpa Ṭhi leh Dar chu chan theih ngei a tum a ni.
....... ....... .........
A inlar loh ṭuma a hlutzia an sawi nin theih loh Chhawrthlapui pawh rawn len belh lehin a rawn lang ve leh tawh a. A ṭhuihruai arsi te pawh chuan an hna tlin takin an hmun ngai an rawn luah leh ṭan ta! Chu Lungreng ngaw huai sual ho chenchilh ṭhin chu mak tih hmel fe hian van lam roreltu leh hunbi hriltute chuan an thlir ṭhap ni hian a lang a. Chu ngaw puiah zawng huai ho an inlar tawh kher lovang le! Chawngtinleri leh a hote pawhin Ṭan khawpuia an hmun an luah leh tawh a, an hmun hlui huai ho tawmkuk an chhilh bo thei ta chu an hlim hle a ni. Hringmi pasalṭha te chanchin erawh an sawi ning tawh ngai dawn lo. Chawngmawii leh Varparhi te phei chu an lalnu hian a duhsak phah sawt ngei dawn niin a lang! Hringmi pasalṭha te zara an hnehna chu an lawm ve laih laih mai le! Chawngmawii leh Varparhi chuan an ṭhiante riahbuk chu tlawm leh zah dawn zo ta lo chuan an pan ta!
Riahbuk chhunga an han lut meuh zawng Aimawia te chu a hma zana an men rim vang nge ni, rei lo teah an hnar ta bur bur mai le! An ṭhiante han muhil hma ta lutuk chu Pasalṭha te pahnih chuan an han en he haw a, riahbuk pawn lamah chuan an chhuak ta zawk a. Riahbuk tuala an meipui chheh chuan viltu a lo nei chiang mai le! Chung lasi nula te chhehvel chu a rimtui leh ta chem chem mai le! Varparhi leh pasalṭha Chhunthanga chu an kal hrang ta nghal daih mai le! Pasalṭha Thanpuia pawh Chawngmawii bulah chuan an ṭhawmmawl rinawm din ve leh tlut mai le! Chawngmawii chuan hmuh hmaih neih tum hauh lo chuan chu lusei pasalṭha chu a thlir ta veng veng mai le! Ral hma a zam lo, huai hmaah pawh zam ngai lo pasalṭha huaisen chu a zam ve ta em ni? Demawm a ni lo, thlir veng veng hi zawng han dawl zo tur hi an vang em a ni.
" In lo huaisen hle mai pasalṭha....inchungah kan hotunu pawh a lawm kher mai! Tikhan kan hotunu meuhin a chhinchhiah tawh che u a, huai lam reng reng chuan an tina thei tawh ngai lovang che u....!" Chawngmawii chuan a ti chhuak ta a.
Thanpuia chuan a zawhchak em em chu zawhna hun ṭha a ni tih a hria a, " Eng tin nge...min rawn hmuhchhuah theih le...? Rulpui lian kha in that thei ta em? Ka harhchhuah meuh kha chuan in bulah ka lo awm reng tawh si a..!" a ti chhuak ta a.
Chawngmawii chuan Chhawrthlapui chu an thlir leh vang vang a, Thanpuia ṭhutna lama hnaih phei hret pah chuan,
" Kan rawn thlen thlak kha chuan Rulpui kha a lo chau hle tawh a, Huaitawna leh a naute khan an that ta a... Ni e...Pialral in pan hman ṭep a ni ( zuai ta raih chuan an ti a) khatih lai khan ka hlauhthawng asin aw...! Mahse kan hotunu in an enkawl che u a, in harh mai si lo, hrehawm kan ti hman hle a ni.!" awm ze nei taka Thanpuia melh pah chuan an ti ve leh a.
Thanpuia chuan he nula hian a ti tak tak ang tih a ring thiam ve mai a, an chungah hian lawmthu sawi a tum zawk a, an ni ho lah hian an hotunu te nen lam chuan lawmthu an hrilh zawk si!
......... .......... ............
Serzawl lal fanu chuan bangah chuan hmawlhte an zep leh ta zauh a, an thangrei ta viau chuan a hria a. Nghaktu tan hian hun hi a kalmuang a, chhut let tur chhingmitthla a cham a tam ṭhin! Thinlung luahtu sakhmel tawn loh tluka hrehaem hi a tam lovang, lunglenna te hi natna lang chhuak vut ni si lo ah chuan tawrh hrehawm tak a ni si a.
Serzawl lalin ah chuan Upa Tlungirha leh Hriangmual lal fapa te chu an rawn chuangkai ta! Hriangmual lal fapa chuan tap lama ṭhu lal fanu Saipuii chu a melh na ngang mai le...!
( chhunzawm tur)
Mutsan phawt teh ang
ReplyDelete