LUNGRENG NGÂW..S-3..(22)..
LUNGRENG NGÂW...S-3...22 . ..
( PASALṬHA THANPUIA)
M.Lusei Palian
........ ......... ...........
Hringmi pasalṭha, mihrang huaisen, hlauhna pianpui ve lo te an han hmuh meuh chuan Lasi nula hmel ṭha lui eltiang pahnih Varparhi leh Chawngmawii chu lungchhe vankaiin an ṭap chhuak ta hawm hawm mai le.....! Dem theih an ni lova, dem chi anni hek lo; an tana beitute hi an hlu a a hun takah an thleng miau si lo a ni. Huaingama chuan rang fe chuan a'n bawihsawm nghal zung zung a. Rem fe chuan an mut tir ta a...Hetih lai hian Chawngtinleri pawhin he Ngengkhuai puk hi a rawn thleng ve tawh a, lusei pasalṭha te chu a thlir ve vang vang mai le! Chutah va pan hnaiin uluk fe chuan an mar te a'n dek a, a lainat ve kher mai le. Varparhi leh Chawngmawii lah chu hnem ngai an ni ta si! Lasi nula ṭhenkhat chuan chu puk rimchhe tak chu an lo thian thianghlim ve thung a, lasi te hotunu Buannela nungchate siamtu Chawngtinleri chuan,
" He puk hi chu thian tawh suh u...kan chhilh bo tawh a ngai a ni. Kan pasalṭha te hi Fangfar pukah dah chho u la, an hnuk ala chat lovin ka hria, Lusei pasalṭha huaisen te zawng an chhel ṭhin! Keiman ka bawihsawm ang. Tunah rang takin hruai nghal ru...!" tiin thu a pe ta a. Chu thu chuan lasi nula pahnih rilru a va tihlim tehlul em! An hotunu enkawl zawng damchhuahpui lo an awm ngai si lo va.Rang tak chuan an phu nghal suau a, chu Ngengkhuai puk chu an chhuahsan zo ta! Chawngtinleri chuan chhampual ham chhamin chu puk chu a chhilh phui ta! Hringmi tumahin an hmu chhuak tawh ngai lovang... Tin, Rulpui lunghlu hmuam zan lama eng chhuah ṭhin pawh hmuh tur a awm tawh ngai dawn lo a ni. Chawngtinlerin chutia puk a chhilh hnu chuan chu ngaw pui chhum dum chu kawlkilah an liam zo ta! He ngaw puia huai awm ho zawngin he hmun hi an luah ngam tawh ngai lovang! Lusei pasalṭha te chuan an umbo zo ta !
Fangfar pukah chuan pasalṭha pahnihte chu rem fe hian an han mut ta a, Chawngtinleri pawh rawn thleng ve thuaiin pasalṭha te chu a buaipui ta! Fangfar ah hian puk chunglam aṭang hian a khat tawkin tui hi a far keuh keuh ṭhin a. Chu tui far chu puk chhungah a khang char rum ṭhin a, chuvang chuan Fangfar puk an ti ta a ni; Nimahse, tuna pasalṭha te an dahna hi zawng hringmi tan hmuh chhuah rual ani lo thung a ni. Lasi te hotunu chuan an tana Huai ho beitute chu an bawihsawm ta tak tak a le, an harhchhuak har lo tawp ang le...!
.......... .......... ...........
Ngaw chhunga tukṭhuan bar mek Aimawia te ho chu an hawi kual leh ṭhin a. Ngaw chhung boruak han zangkhai ta vah mai chu mak an ti hle a, an hawi kual ruai mai chu a. Ka khat ṭûna chaw han hnawh pah chuan sa tui hawp ri leh khulh in Aimawia chuan,
" Zawna...Tuaha in lo chik ve em? ka hre lo va! Kan boruak....kan chheh vel hi a zang ta riau ka ti... pasalṭhate an hlawhtling a ni ngat mai..!" a ti chhuak a.
Sawia chuan midang ṭawng hma chuan,
" I lo chik ve bawk maw...A mak ka ti hle mai, hetiang hian boruak ala zangkhai ngai hauh lo..! Kan ṭhiante chuan he ngaw puia huai ho an hneh ta in ka hria...!" tih pah chuan Sakhi satui chu an lem khalh a.
Midang pawh chuan lo tuihnih ve zelin an pasalṭhate an hlawhtling niin an hre ṭheuh hlawm a, an hlim ta hle mai le! Amaherawhchu engtikah nge an lo let ang tih reng an hre si lo! Vunga chu tukṭhuan bar kham chuan bawmrang tur rua sat turin a chhuak ta, Tuaha chuan a zui vut mai! Rairuang puk lam hnaihah chuan an han tei dun thuak thuak a! Rua ṭha fe fe chu satin riahbuk lam an pan leh ta a. Riahbuk an thlen chuan an ṭhiante pawh chuan vaibel an lo zu khu luai luai a. Rua chu hnângah an han hlai ṭan ta a, an buai mam mam hle mai !. Bawmrang tah lah chu Sawia leh Pazawna thiam zawng tak a ni a, an lo tah ve mek a an ṭhiante erawh an nghakhlel tawh hle mai a thung ! Hetianga boruak a lo zangkhai takah chuan han vah leh pawh an chak ve leh hle tawh mai a ni.
....... ....... ........
Chaw chhun fak hun a ni ta, Hriangmual val rualte pawh chuan Serzawl kawtchhuah Lungdawh an rawn thleng ve ta! Serzawl khua chu an han thlir vang vang a, rei lo deuh an ṭhut muan hnu chuan khawchhung lam an pan ta a. Upa Tlungirha te in lam an pan dawn a ni, chu chu Serzawl khua Ngurṭhuama pa in a kawhhmuh kha a ni si a. Lal fanu han hel nan pawh a remchang hle dawn a ni. Chu chu an duhsam ber a ni reng a, zan lamah Zawlbukah na tawka Tlangchhuaka chet tir an tum ran bawk a ni. Upa Tlungirha te ina an thlen a, Rodawla an thurual pui ngat zawngin an che na ngawt ta ve ang le! Heng valrualte lah hi favang awllen lai a nih avangin a ṭul chen chen Serzawl khua a cham an tum a ni. Khawchhung an han lut a, naupang chaw tlang lek lawrh lawrh a, lo infiam mek te hnenah chuan Upa Tlungirha te in an han zawt a, an pan ta ṭham ṭham mai le!
Rodawla pawh tlai lama Pasalṭhate Nghalrual hualnaa telve ngei tumin a silai a lo hru fai vei surh surh a, chutia an inlam pan khual valte chu uluk fe chuan alo thlir ve a. An zinga pakhat chu mi ṭha fa a ni tlat mai le, lo hnai zelin an inah an rawn lawi lut ta! Lo chiau au ve thuaiin chinchang a lo zawt ve hlut a, Hriangmual khaw ropui tak lal fapa leh an tlangvalte an lo ni ngat mai le! Naupang thingnawi fawm hote chu a pu a kohtir nghal thuai a. Chung lal fapa leh a tlangvalte chu lo tih tlangnel a tum hle mai le! Banga an salu tarte an han thlir a, Rodawla lah chu mihrang no chawi ang maiin a lo hawi vei lur lur a. An ruahmanna te chu hrilh mi niin Ngurṭhuama chuan ala hre rih lo va, an inhriat pawh hunah zawng an inlungrual fe ngei ang le!
Serzawl pasalṭha te hian Nghalrual an keuh mawlh mawlh mai a, Sanghal sa in tlang an hrai reng mai le! Zihnghal ruamah an khalh lut ta rih a, mi tin mai chuan an thlawhhma an vil uluk hle mai le. Buh lah a ṭha si, Silai zawn thar tur an kat nuk mai le! Zamkunga leh Pasalṭha Thanchhinga te ho pawh chuan Sanghal an kap leh tawh a, Sanghal hlado chu naupang chenin an thiam tlang hle tawh mai a ni. Tlang thang lal fanu hmelṭha Saipuii lah chu a zawltling vawn nat mai ang tih chu a hlauhthawnawm hial zawk a. A melh ngai melh in a thinlung a kawm vang vang mai le. A ni asin.... suangtuahna han kawm meuh hi chuan duhthusamah sam luat a awm ngai si lo!
........ ........ .........
Lusei pasalṭha huaisen sa leh ral mai pawh ni lo Huai tam tak laka zam ngai lote chu an awmna hmunah an rawn ṭhuchhuak ta hlawl mai le! Rulpui lian fe hmachhawn leh tum chuan an hmanrua an han chuh nghal a. An hma a lo ding lasi te lalnu an han hmu chu a hmel a va ṭha kher em! Sawi tur reng an hre lo, an han hawi kual a Ngengkhuai puk zawng a ni ta hauh lo mai le! Lasi te lalnu Chawngtinleri chuan chung pasalṭha thangchhuah tawhte chu dam raih, nelawm si zuamawm hauh si lo hian an melh a. Pasalṭha te chu an awmna hmun aṭang chuan an han ding chhuak a, an hmanrua erawh lek zui zel tawh lovin chu Lasi te hotunu chu an thlek dun ta veng veng mai le! Zawhna mitmeng hlirin an khat a, an tan zawng hriat thiam a har takzet a ni. Lasi te lalnu chuan a kut an chet zeuh a, Varparhi leh Chawngmawii rangfe in an rawn hnai ta!
Chutah pasalṭha te chu thil awmzia an rawn hrilh ta a, anni pawh chu an lo bu ve nghat nghat a, chumi hnu chuan Chawngtinleri bulah chuan lawmthu an sawi a, Chawngtinleri chu a lo bu ve nghat a, a hmel mai pawh hian hotu a nihzia a tarlang hle a a ni. Chutah pasalṭhate chu Ngengkhuai puk chanchin leh an lungmawi huai hovin an hman ṭangkai thute an hrilh ve zat a. Chu puk chu anmahni chaknaa luhchhuah theih a nih tawh loh hnuah huaisen taka an luhchhuah avangin a chhuan thu te, an chunga an lawm zia te, puih an ngaih hun apianga an puih tur thlengin a hrilh ta a. An ṭhian Rochhuma erawh Rulpuiin a lo dawlh thu te leh a thlarau a zalen tawh thu thlengin a hrilh a, tin, pasalṭha tam tak Rulpuiin a lo dawlh tawh te thlarau pawh an hlim ngei tur thu te chu a hrilh ta zawk a. An thil han hriat meuh zawng mak an ti a ni. Rochhuma an chhan thei ta lo erawh kha pawi an ti hle a thung a.
Pasalṭhate thlarau chuan Pialral a pan thei tawh ang a, thangchhuah pa an awm ngat phei chuan Sazuk a ki Rulnganin a veh chuk chungah an chuang ang a, chung lamah muvanlai in kawlek lauh lauhin hma a hruai zel ang a.... a sa kah tawh thlarau ten an zui dul dul ang a Pawla pawn bangawng aṭangin a lo thlir ngam awrh ngei dawn a ni. Faisa ringin hahdam takin an chawl ngei ang le!
Lasi te hotunu chuan khua a tlai tawh thu leh pasalṭha te chu an ṭhianten an ngaihtuah hle tawh thu an sawi a, tin, an tan eng sa pawh an ui loh thu an hrilh zet zawng pasalṭha pahnih chauh an ni lo, Varparhi leh Chawngmawii pawh an hlim ve hle mai le! Chutah le, puk an chhuahsan hma chuan Chawngtinlerin lasi pasalṭha te zu chu nomawi taka rawn chawiin a dawm tir ve ta! Lasi pasalṭhaten hringmi ang maiin zu an nei ve tih reng an hre lo, an han in chiah chu le... a tui an ti hle mai! Huaisenna leh thahrui chakna a ni tih reng an dawn pha lo, hetia lasi te No mawi an han dawm ve thei ngat zawng an ṭhiante pawh an hlim a ni. Hringfa ah an ni tiamin mi pali chauhin an la dawm thei a ni. An han pen te reng reng chu an inzo vah mai a, anni pawh chuan mak an inti hle a ni. An ṭhiante nen pawh inhmu leh vat tura inthlahin an chhuak zui ve ta! Fangfar puk an han chhuak a, an han hawi kir leh a, chu puk chu hnaiteah a lo tawp leh lawi bawk si! Pasalṭha te chu an nui sak a, an riahbuk lam an pan ta! An hun tawn chu mak an ti takzet a, an hlim hle bawk si!
Zanriah bar hun a ni ta!
Aimawia chuan ṭhut mai mai har a ti, a vei tuak sek mai a ni. Pazawna lah eng ruai a ni lo, a mangang takzet tawh a ni. Tuaha te lah eng ruai an ni bik lo....! Zawhna ngai an inzawt tlang sek a, an ngaihruat thiam ang angin an inchhang mai a ni. Chutah an riahbuk chhak lam aṭang chuan thawm an hre ta! Rang fe chuan an dingkhawm ṭhap a...! An riahbuk lam pan chuan thawm chu a rawn hnai zel a, pasalṭha te pahnih hmel eng vak leh pheichheh zang fe in an rawn lang ta! Lusei tlangval buk tuala awm mek te hlimna ava sang ngai em! An thusawi ber pawh hriat a ni lo, an ri ta laih mai le...! Pasalṭha te erawh chuan an ṭhian Rochhuma an hmu zo ta lo leh damin an hruai kir thei ta lo chu pawi an ti a, hrehawm an ti ve hle mai! Chutah riahbuk aṭang chuan silai a puak ta thawr a....
( chhunzawm tur)
( PASALṬHA THANPUIA)
M.Lusei Palian
........ ......... ...........
Hringmi pasalṭha, mihrang huaisen, hlauhna pianpui ve lo te an han hmuh meuh chuan Lasi nula hmel ṭha lui eltiang pahnih Varparhi leh Chawngmawii chu lungchhe vankaiin an ṭap chhuak ta hawm hawm mai le.....! Dem theih an ni lova, dem chi anni hek lo; an tana beitute hi an hlu a a hun takah an thleng miau si lo a ni. Huaingama chuan rang fe chuan a'n bawihsawm nghal zung zung a. Rem fe chuan an mut tir ta a...Hetih lai hian Chawngtinleri pawhin he Ngengkhuai puk hi a rawn thleng ve tawh a, lusei pasalṭha te chu a thlir ve vang vang mai le! Chutah va pan hnaiin uluk fe chuan an mar te a'n dek a, a lainat ve kher mai le. Varparhi leh Chawngmawii lah chu hnem ngai an ni ta si! Lasi nula ṭhenkhat chuan chu puk rimchhe tak chu an lo thian thianghlim ve thung a, lasi te hotunu Buannela nungchate siamtu Chawngtinleri chuan,
" He puk hi chu thian tawh suh u...kan chhilh bo tawh a ngai a ni. Kan pasalṭha te hi Fangfar pukah dah chho u la, an hnuk ala chat lovin ka hria, Lusei pasalṭha huaisen te zawng an chhel ṭhin! Keiman ka bawihsawm ang. Tunah rang takin hruai nghal ru...!" tiin thu a pe ta a. Chu thu chuan lasi nula pahnih rilru a va tihlim tehlul em! An hotunu enkawl zawng damchhuahpui lo an awm ngai si lo va.Rang tak chuan an phu nghal suau a, chu Ngengkhuai puk chu an chhuahsan zo ta! Chawngtinleri chuan chhampual ham chhamin chu puk chu a chhilh phui ta! Hringmi tumahin an hmu chhuak tawh ngai lovang... Tin, Rulpui lunghlu hmuam zan lama eng chhuah ṭhin pawh hmuh tur a awm tawh ngai dawn lo a ni. Chawngtinlerin chutia puk a chhilh hnu chuan chu ngaw pui chhum dum chu kawlkilah an liam zo ta! He ngaw puia huai awm ho zawngin he hmun hi an luah ngam tawh ngai lovang! Lusei pasalṭha te chuan an umbo zo ta !
Fangfar pukah chuan pasalṭha pahnihte chu rem fe hian an han mut ta a, Chawngtinleri pawh rawn thleng ve thuaiin pasalṭha te chu a buaipui ta! Fangfar ah hian puk chunglam aṭang hian a khat tawkin tui hi a far keuh keuh ṭhin a. Chu tui far chu puk chhungah a khang char rum ṭhin a, chuvang chuan Fangfar puk an ti ta a ni; Nimahse, tuna pasalṭha te an dahna hi zawng hringmi tan hmuh chhuah rual ani lo thung a ni. Lasi te hotunu chuan an tana Huai ho beitute chu an bawihsawm ta tak tak a le, an harhchhuak har lo tawp ang le...!
.......... .......... ...........
Ngaw chhunga tukṭhuan bar mek Aimawia te ho chu an hawi kual leh ṭhin a. Ngaw chhung boruak han zangkhai ta vah mai chu mak an ti hle a, an hawi kual ruai mai chu a. Ka khat ṭûna chaw han hnawh pah chuan sa tui hawp ri leh khulh in Aimawia chuan,
" Zawna...Tuaha in lo chik ve em? ka hre lo va! Kan boruak....kan chheh vel hi a zang ta riau ka ti... pasalṭhate an hlawhtling a ni ngat mai..!" a ti chhuak a.
Sawia chuan midang ṭawng hma chuan,
" I lo chik ve bawk maw...A mak ka ti hle mai, hetiang hian boruak ala zangkhai ngai hauh lo..! Kan ṭhiante chuan he ngaw puia huai ho an hneh ta in ka hria...!" tih pah chuan Sakhi satui chu an lem khalh a.
Midang pawh chuan lo tuihnih ve zelin an pasalṭhate an hlawhtling niin an hre ṭheuh hlawm a, an hlim ta hle mai le! Amaherawhchu engtikah nge an lo let ang tih reng an hre si lo! Vunga chu tukṭhuan bar kham chuan bawmrang tur rua sat turin a chhuak ta, Tuaha chuan a zui vut mai! Rairuang puk lam hnaihah chuan an han tei dun thuak thuak a! Rua ṭha fe fe chu satin riahbuk lam an pan leh ta a. Riahbuk an thlen chuan an ṭhiante pawh chuan vaibel an lo zu khu luai luai a. Rua chu hnângah an han hlai ṭan ta a, an buai mam mam hle mai !. Bawmrang tah lah chu Sawia leh Pazawna thiam zawng tak a ni a, an lo tah ve mek a an ṭhiante erawh an nghakhlel tawh hle mai a thung ! Hetianga boruak a lo zangkhai takah chuan han vah leh pawh an chak ve leh hle tawh mai a ni.
....... ....... ........
Chaw chhun fak hun a ni ta, Hriangmual val rualte pawh chuan Serzawl kawtchhuah Lungdawh an rawn thleng ve ta! Serzawl khua chu an han thlir vang vang a, rei lo deuh an ṭhut muan hnu chuan khawchhung lam an pan ta a. Upa Tlungirha te in lam an pan dawn a ni, chu chu Serzawl khua Ngurṭhuama pa in a kawhhmuh kha a ni si a. Lal fanu han hel nan pawh a remchang hle dawn a ni. Chu chu an duhsam ber a ni reng a, zan lamah Zawlbukah na tawka Tlangchhuaka chet tir an tum ran bawk a ni. Upa Tlungirha te ina an thlen a, Rodawla an thurual pui ngat zawngin an che na ngawt ta ve ang le! Heng valrualte lah hi favang awllen lai a nih avangin a ṭul chen chen Serzawl khua a cham an tum a ni. Khawchhung an han lut a, naupang chaw tlang lek lawrh lawrh a, lo infiam mek te hnenah chuan Upa Tlungirha te in an han zawt a, an pan ta ṭham ṭham mai le!
Rodawla pawh tlai lama Pasalṭhate Nghalrual hualnaa telve ngei tumin a silai a lo hru fai vei surh surh a, chutia an inlam pan khual valte chu uluk fe chuan alo thlir ve a. An zinga pakhat chu mi ṭha fa a ni tlat mai le, lo hnai zelin an inah an rawn lawi lut ta! Lo chiau au ve thuaiin chinchang a lo zawt ve hlut a, Hriangmual khaw ropui tak lal fapa leh an tlangvalte an lo ni ngat mai le! Naupang thingnawi fawm hote chu a pu a kohtir nghal thuai a. Chung lal fapa leh a tlangvalte chu lo tih tlangnel a tum hle mai le! Banga an salu tarte an han thlir a, Rodawla lah chu mihrang no chawi ang maiin a lo hawi vei lur lur a. An ruahmanna te chu hrilh mi niin Ngurṭhuama chuan ala hre rih lo va, an inhriat pawh hunah zawng an inlungrual fe ngei ang le!
Serzawl pasalṭha te hian Nghalrual an keuh mawlh mawlh mai a, Sanghal sa in tlang an hrai reng mai le! Zihnghal ruamah an khalh lut ta rih a, mi tin mai chuan an thlawhhma an vil uluk hle mai le. Buh lah a ṭha si, Silai zawn thar tur an kat nuk mai le! Zamkunga leh Pasalṭha Thanchhinga te ho pawh chuan Sanghal an kap leh tawh a, Sanghal hlado chu naupang chenin an thiam tlang hle tawh mai a ni. Tlang thang lal fanu hmelṭha Saipuii lah chu a zawltling vawn nat mai ang tih chu a hlauhthawnawm hial zawk a. A melh ngai melh in a thinlung a kawm vang vang mai le. A ni asin.... suangtuahna han kawm meuh hi chuan duhthusamah sam luat a awm ngai si lo!
........ ........ .........
Lusei pasalṭha huaisen sa leh ral mai pawh ni lo Huai tam tak laka zam ngai lote chu an awmna hmunah an rawn ṭhuchhuak ta hlawl mai le! Rulpui lian fe hmachhawn leh tum chuan an hmanrua an han chuh nghal a. An hma a lo ding lasi te lalnu an han hmu chu a hmel a va ṭha kher em! Sawi tur reng an hre lo, an han hawi kual a Ngengkhuai puk zawng a ni ta hauh lo mai le! Lasi te lalnu Chawngtinleri chuan chung pasalṭha thangchhuah tawhte chu dam raih, nelawm si zuamawm hauh si lo hian an melh a. Pasalṭha te chu an awmna hmun aṭang chuan an han ding chhuak a, an hmanrua erawh lek zui zel tawh lovin chu Lasi te hotunu chu an thlek dun ta veng veng mai le! Zawhna mitmeng hlirin an khat a, an tan zawng hriat thiam a har takzet a ni. Lasi te lalnu chuan a kut an chet zeuh a, Varparhi leh Chawngmawii rangfe in an rawn hnai ta!
Chutah pasalṭha te chu thil awmzia an rawn hrilh ta a, anni pawh chu an lo bu ve nghat nghat a, chumi hnu chuan Chawngtinleri bulah chuan lawmthu an sawi a, Chawngtinleri chu a lo bu ve nghat a, a hmel mai pawh hian hotu a nihzia a tarlang hle a a ni. Chutah pasalṭhate chu Ngengkhuai puk chanchin leh an lungmawi huai hovin an hman ṭangkai thute an hrilh ve zat a. Chu puk chu anmahni chaknaa luhchhuah theih a nih tawh loh hnuah huaisen taka an luhchhuah avangin a chhuan thu te, an chunga an lawm zia te, puih an ngaih hun apianga an puih tur thlengin a hrilh ta a. An ṭhian Rochhuma erawh Rulpuiin a lo dawlh thu te leh a thlarau a zalen tawh thu thlengin a hrilh a, tin, pasalṭha tam tak Rulpuiin a lo dawlh tawh te thlarau pawh an hlim ngei tur thu te chu a hrilh ta zawk a. An thil han hriat meuh zawng mak an ti a ni. Rochhuma an chhan thei ta lo erawh kha pawi an ti hle a thung a.
Pasalṭhate thlarau chuan Pialral a pan thei tawh ang a, thangchhuah pa an awm ngat phei chuan Sazuk a ki Rulnganin a veh chuk chungah an chuang ang a, chung lamah muvanlai in kawlek lauh lauhin hma a hruai zel ang a.... a sa kah tawh thlarau ten an zui dul dul ang a Pawla pawn bangawng aṭangin a lo thlir ngam awrh ngei dawn a ni. Faisa ringin hahdam takin an chawl ngei ang le!
Lasi te hotunu chuan khua a tlai tawh thu leh pasalṭha te chu an ṭhianten an ngaihtuah hle tawh thu an sawi a, tin, an tan eng sa pawh an ui loh thu an hrilh zet zawng pasalṭha pahnih chauh an ni lo, Varparhi leh Chawngmawii pawh an hlim ve hle mai le! Chutah le, puk an chhuahsan hma chuan Chawngtinlerin lasi pasalṭha te zu chu nomawi taka rawn chawiin a dawm tir ve ta! Lasi pasalṭhaten hringmi ang maiin zu an nei ve tih reng an hre lo, an han in chiah chu le... a tui an ti hle mai! Huaisenna leh thahrui chakna a ni tih reng an dawn pha lo, hetia lasi te No mawi an han dawm ve thei ngat zawng an ṭhiante pawh an hlim a ni. Hringfa ah an ni tiamin mi pali chauhin an la dawm thei a ni. An han pen te reng reng chu an inzo vah mai a, anni pawh chuan mak an inti hle a ni. An ṭhiante nen pawh inhmu leh vat tura inthlahin an chhuak zui ve ta! Fangfar puk an han chhuak a, an han hawi kir leh a, chu puk chu hnaiteah a lo tawp leh lawi bawk si! Pasalṭha te chu an nui sak a, an riahbuk lam an pan ta! An hun tawn chu mak an ti takzet a, an hlim hle bawk si!
Zanriah bar hun a ni ta!
Aimawia chuan ṭhut mai mai har a ti, a vei tuak sek mai a ni. Pazawna lah eng ruai a ni lo, a mangang takzet tawh a ni. Tuaha te lah eng ruai an ni bik lo....! Zawhna ngai an inzawt tlang sek a, an ngaihruat thiam ang angin an inchhang mai a ni. Chutah an riahbuk chhak lam aṭang chuan thawm an hre ta! Rang fe chuan an dingkhawm ṭhap a...! An riahbuk lam pan chuan thawm chu a rawn hnai zel a, pasalṭha te pahnih hmel eng vak leh pheichheh zang fe in an rawn lang ta! Lusei tlangval buk tuala awm mek te hlimna ava sang ngai em! An thusawi ber pawh hriat a ni lo, an ri ta laih mai le...! Pasalṭha te erawh chuan an ṭhian Rochhuma an hmu zo ta lo leh damin an hruai kir thei ta lo chu pawi an ti a, hrehawm an ti ve hle mai! Chutah riahbuk aṭang chuan silai a puak ta thawr a....
( chhunzawm tur)
A ngaih nawm zel e
ReplyDelete