LUNGRENG NGÂW...S-3...(21).
LUNGRENG NGÂW...S-3...21 . ..
( PASALṬHA THANPUIA)
M.Lusei Palian
........ ......... ...........
Pasalṭha te pahnih chuan an chempui chu an chuh na a, thir ling khawih ang mai an ni...An kut chu an lalet chiang kher mai le.... An che hlei thei ta hauh lo.....! Ring tak chuan Rulpui chu an hram leh a, a khawk rum rum mai, puk chhungah chuan a khawk phei a, a rawn let leh pawh chu bengchheng tak a ni. Chu Rulpui chuan a rawn hnaih leh ta hrut a, a tleng pawh chuan an hre lo, chutih hunah meuh chuan pasalṭha te pawh chuan awm mai mai an tum bik hauh lo! An Silai puk chhunga an tun chu lak an tum hle a ni. Puk an luh tirh khan an chempui ṭangkai zawka an hriat avanga tung kha an ni, tunah zawng an mamawh hle tawh a ni. He Rulpui a rawn inlana an chempui lo sa ta em em erawh an hriatthiam bak thil a ni. Rulpui nena an inkar chu hlam hnih vel chauh a ni ta! An tawpna tur pawh ni se, theihtawpa beih let an tum a ni. Huaisenna chuan thahrui a rawn pek belhchhah a pasalṭha te pahnih chuan an chempui chu an chuh leh ta... Lo sa em em mahse duhthlan tur a awm chuang lo, ring fea au chung chuan an chempui chu an han vai dun ta a....Rulpui lu kha an tum kha a ni a, eng tin mah zu han awm hauh lo va! Chu Rulpui meng sen rum chuan pasalṭha te pahnih chu a lu lian em em mai chuan an nawr bet a. Chutah inher ṭial ṭial in a mei lam pawh puk chhungah chuan a rawn invial phei ta! Pasalṭha te pahnih lah an lo tal nasa hle mai! An chempui pawh an hum thei tawh lo...Chu puk rimchhe zetah chuan an hun tawp an hmang dawn niin a lang ta!
Aimawia te let ta kha an nguai hle mai a, fiamthu han thawh thei ziazang an ni lo! An ngui raih mai a, biak pawh inbe mumal hlawm lo chuan an riahbuk an pan ta! Zanriah an han buatsaih te lah chu an phur mawlh lo a ni, chawhmeh ṭha fe leh tui fe pawh hi huntawn in a zir miau loh chuan chaw um liamtu ṭha a lo ni hauh lo! Zanriah han bar mumal fe pawh an awm mang lo a ni. Sakhi chek leh satui chu mautheiah thli chhuakin an dawt sek a, an mit an len sek mai chu a ni. Khamlairang tlangval phanchang tawh lam Sawia chuan aw a han thian kharh kharh a,
" Kei zawng kan pasalṭhate kha damin an lokir ka ring tlat! Pasalṭha tam tak ka lo hmu ve tawh a, he Lungreng ngaw pawh hi a lut thuk pawl chu ka ni ngei ang..! Khatiang mi huaisen, tumruh kha ka hmu khat viau a, tin, mawi lo ni suh se, venghimtu an nei ngat mai! Sazuk leh Tumpang kap thei ka hre ngai lo, tin hei kan riahbuk sualna an han thlan leh chat danah te hian an namai lo tih ka sawi ngam e!" a rilru chu an thlasik mau chang puah pui khuk a. Chu thu meuh zawng an pawm tlang a ni. Pazawna pawh rawn phur thar lehin Pawih ral an um laia tuna pasalṭha te pahnih dam chhuah dan te an sawi thupui ve khuk khuk a. Muang lo chungin an muang awm ta!
Meipui chu an chhep hluah a,an sarep an la ur a, an ur zang hle tawh ngei ang, vanvar an han thlir ṭhin, khawdur hauh si lo hian arsi te chu chhum chuan a hliah tlat mai si! Zan reh tak ani, chung lai vela zan lama hram chi nungcha te pawh an hram hauh lo! Zan pawh a rei ta, Aimawia chuan,
" Ti teh u, i mu phawt teh ang u, hetia men reng zawng naktuk lamah kan chau lutuk a nge..!" a ti chhuak ve ta a. Hnial ta hauh lo chuan riahbuk chhung lam chu an pan tlang ta a. An rilru tak chuan pasalṭha te chin chu an hrechak ngang mai le! Ngaihchan hun ala ni miau mai si.
Aimawia chu a inngaihtuah nasa hle mai, Thanpuia te hi lokir ta lo se eng tin nge ni ang. He ngaw pui huai ho laka tlanchhiat hi a duh bik hauh lo, a ṭhiante hi haw mai se, a ni chuan a ṭhiante a zawng ang a. A theih tawpin huai ho a bei let ang! Chu chu mipa hna a ni, nakzan thlenga an lokir lo a nih chuan Ngengkhuai lam a pan ve ngei ang! Chu riahbuka Lusei tlangval te chuan suangtuah chu an nei ṭheuh hlawm a, an sawi chhuak lo mai a ni.Pasalṭha te tel lova kir chu an tum lo bur mai a ni.
Chu Rulpui rawn thaw chhuak chu rim chhe tak a ni a, a mei lam chuan pasalṭha te chu a zial bet ta, an ang sen huam a, a thaw lum huam huam mai le...! Thei leh thei lo chuan Thanpuia chuan,
" Huai rimchhe pa, rulpui taksa hi i hman ngam tawk a ni maw....! I va lo neu ngai ve le....!" deu sawh zet chuan a ti ta! A theih ang ang chuan a nui lui a.
Chu thu zet chu a hrethiam ve ni maw! A ding chawt a, an mahni a zial behna pawh a thawl ta hret a, Pasalṭha Chhunthanga chuan nuihsawh fe chuan,
" Huai ka hriatah i la neu ber, i hma a mi te chuan an taksa pangngai in min hmachhawn ngam asin! I lo neu ber a nih hi...!" ring fe chuan a ti leh a, chu Rulpui meng sen rum mai chuan pasalṭhate thusawi chu a hrethiam ve niin a lang. Rulpui pangngai a ni lo va, huai luhchilh rul a ni tlat a ni. Khatia rulpuiin a thlah thawl takah chuan thawk lehkhatah an han tal phut a, an silai lam pan chuan rang fe chuan an bawh phei ta!
Rulpuiin chutia chet an han la thut chu thlah thlam a lo tum hauh lo, a mei lam chuan rang fe in a hem zui ta! Pasalṭha te chuan an silai an chuh hman hram a, mahse a tlai ta, rulpui hemna zet zawng tawrh a har ta viau mai le! Thanpuia chuan thih tha tak meuh meuh in rulpui lu chu an tin a, pasalṭha Chhunthanga pawh chuti tho....Chu puk khawk rum rum chuan chengrang rawl an au tir a. Lusei pasalṭha te an chau ta takzet a ni, puk chhung rim ngawt pawh hi hai muai muaina tham a ni si a. Chutah an hmachhawn te hi hringmi an ni hauh lo nen, chhel viau mahse tlin chin hi an nei ve miau si! Hringmi pasalṭha tana thihpui tham hliam an tuar tawh miau si...! An khawvel chu a thim mup a, eng mah an hre ta lo! Damin an harhchhuak leh a ngem tih zawng hriat a ni ta lo!? Mihrang huaisen, hlauhna pianpui ve lo nia hriat, tlangval laia thang chhuah thei, Sei fate luah chin rama hming thang em em mai te hi dawm hlumtu leh bawihsawm tu nei lovin he pukah hian an ṭawih ral mai dawn em ni le!? Chhanna hriat loh zawhna a ni ta!
........ ........ ...........
Serzawl mihrangte hming thanna chuan Lusei tlang hrang hrangte a deng chhuak hneh hle a. Hetih rual chiah hian Serzawl Lal nula hmel ṭhatna hian a zui zat bawk nen, tin, Chikhur nei khua an lo ni vei rawl nen an thang mawi hle a ni. Serzawl lal nula Saipuii hmel ṭhatna chuan Hriangmual khua pawh a thleng ta ngei a, lal fapa Ngurṭhuama lai a fan ngaih mai le. Hriangmual khaw buan chak Tlangchhuaka leh tlangval panga hruaiin Serzawl an pan ve ta! Khaw kar kawngah zan riak tawhin an thleng ṭep tawh chu a ni. Varṭianah chuan tlangval te tho tawhin tuk ṭhuan an buatsaih ta mam mam mai le. An khaw tlangval kut hmui fe Thangluaia an hruai tel bawk a, kawng laka sakhi zawng an hek ve hle zel chu a ni.
Eng lai maha mahni dinhmun tawlhsan ngai lo leh mahni thiltih a ngai renga pho chhuaktu Chungturni pawhin a hmun ngai a rawn luah leh zat tawh a. A hna chu tlin hle a rawn tum leh ta! Hriangmual val rualte an lal fapa Ngurṭhuama mit tlun loh hlau in an phe sang sang a, tukṭhuan an peih ta! Changel hnah chunga buh hmui hiam mai an khawrh khu leh vung vung a, sakhi chek han lem ri khulh hlawmin sahrang lian tak tak te chu an khel hlawm a, Ngurṭhuama chuan Hruizik en vung vungin,
" Ka pa khan kan ram valh chinah hruizik kheh a phal meuh si lo va, Hriangmual val te nge nge, kan hmuh phak loh kan hmeh reng mai anih hi maw....! In thlazar hnuaia awm a him in a nuam ma nge!" an ti ve khuk a.
Tlangchhuaka chuan, " Eh...Lal fapa, kan lawm hle mai, mahse i ro neih dan hi mak ka la ti cheu ka ti, upa te hruai lova keini min thlang tlat hi!" tih pah chuan an sakhi tuihang lem nuih a.
Ngurṭhuama pawh khiangrah tla ang mai lah zu ni a. In la thupui fun fe chuan,
"Hetia kan chet hi a ṭhat zawkna a awm a, tin mizia inchianna a ni bawk ang chu...! Serzawl lal pawh hian ka pa ṭhi leh dar ngah zia a hre chek ang! Tin, an lal fanu nena kan rem theih leh Chikhur kan tlan ve theihna hun remchang a ni leh bawk ang a, eng ti kawng pawhin kan si thlu tur a ni tawp mai!" a ti chhuak ve leh a. Tukṭhuan an bar hnem hlawm hle chu a ni. Muang lova an kal chuan Serzawl an thleng har tawh lo tawp ang le...! Lal fanu Saipuii lasi te zinga a nutuai ni maia lang chu an si thlu thei a ngem le? Lal fanu te meuh zawngin duhthlangin hun an hmang ngai zen zen si lo le!
........ ......... ...........
Pasalṭha Thanchhinga leh Zamkunga te chuan thlamah Sanghal sa an so barh barh a, an ni hian thlawhhma an veng a ni. Nghalrual nghal kum tak a ni vei atin ni. Zan lamah mutmu an tuah meuh lo chu a nia, tukṭhuan han nauh nghek a, thlam a tlukzal chu an tum a ni. Thla thum bel an la riahpui zui kha a ni a, buh lah a tukhum lam a la hel ṭhuau mai si! Pasalṭha Thanchhinga chuan ngaw lam a thlir vang vang a, a fapa a ngaihtuah vang vang mai! Zan lamah khan a hrechhuak dawt dawt reng mai si a. Tumpangchal chu a kap thei ngut a ngem? Thang a chhuah khalh thei dawn ta em? Tihte an ngaihtuah a, chutihrualin Pawih ral an um ṭuma a ngaihtuah ang chiahin a ngaihtuah leh ta! Ahnu a an sawi leh dan khan a manga a hmuh ṭum khan a lo tlu ngei a ni si! Eng thil tak va tawk chu ni maw? An intiam hun pawh ala ni chiah si lo! A rilru a buai ve hle mai le!
Serzawl lal nula meuh pawh a mangin a fan hneh ngang a ni mahna...! Dawhthlengah a ṭhu vang vang a, a nu in a biakna pawh a hre hauh lo! A nau Saiṭhuama chuan ava sawi fiam hial kha a ni. A meng a riai thei hial a, a tawnmangah Thanpuia lengkir sangah a lo in uai tang ṭang ṭang kha a ni...a pui thei ngang si lo. Tum hnih lai a rum chhuak kha a ni! Lalnu pawh chuan a ngaihtuah ve hle mai le! A tawnmang a han zawt ṭhin...a fanu chuan a chhang hauh si lo, chhan a hnekin a chaw chhum pawh a so liam tir bawrh bawrh a ni si a le...!
... ..... ......... ..........
Lasi pasalṭha Huaitawnan hma a hruaia Ngengkhuai puk an thleng ta, an fimkhur hle a. Chu Huaiho taksa Rulpui chu chau fe hian an hmu a, harsa taka beiletin an tihlum thei ta hram a. Buannel leh ṭan tlanga roreltu Chawngtinlerin ro a rel sual ta em ni le? Hringmi pasalṭha, mihrang huaisen, hlauhna pianpui ve lo te an han hmuh meuh chuan Lasi nula hmel ṭha lui eltiang pahnih Varparhi leh Chawngmawii chu lungchhe vankaiin an ṭap chhuak ta hawm hawm mai le.....!
( chhunzawm tur)
( Nizanah tihsual ka nei a, pawi ka ti hle a, min hriatthiam ka dil mawlh mawlh e)
( PASALṬHA THANPUIA)
M.Lusei Palian
........ ......... ...........
Pasalṭha te pahnih chuan an chempui chu an chuh na a, thir ling khawih ang mai an ni...An kut chu an lalet chiang kher mai le.... An che hlei thei ta hauh lo.....! Ring tak chuan Rulpui chu an hram leh a, a khawk rum rum mai, puk chhungah chuan a khawk phei a, a rawn let leh pawh chu bengchheng tak a ni. Chu Rulpui chuan a rawn hnaih leh ta hrut a, a tleng pawh chuan an hre lo, chutih hunah meuh chuan pasalṭha te pawh chuan awm mai mai an tum bik hauh lo! An Silai puk chhunga an tun chu lak an tum hle a ni. Puk an luh tirh khan an chempui ṭangkai zawka an hriat avanga tung kha an ni, tunah zawng an mamawh hle tawh a ni. He Rulpui a rawn inlana an chempui lo sa ta em em erawh an hriatthiam bak thil a ni. Rulpui nena an inkar chu hlam hnih vel chauh a ni ta! An tawpna tur pawh ni se, theihtawpa beih let an tum a ni. Huaisenna chuan thahrui a rawn pek belhchhah a pasalṭha te pahnih chuan an chempui chu an chuh leh ta... Lo sa em em mahse duhthlan tur a awm chuang lo, ring fea au chung chuan an chempui chu an han vai dun ta a....Rulpui lu kha an tum kha a ni a, eng tin mah zu han awm hauh lo va! Chu Rulpui meng sen rum chuan pasalṭha te pahnih chu a lu lian em em mai chuan an nawr bet a. Chutah inher ṭial ṭial in a mei lam pawh puk chhungah chuan a rawn invial phei ta! Pasalṭha te pahnih lah an lo tal nasa hle mai! An chempui pawh an hum thei tawh lo...Chu puk rimchhe zetah chuan an hun tawp an hmang dawn niin a lang ta!
Aimawia te let ta kha an nguai hle mai a, fiamthu han thawh thei ziazang an ni lo! An ngui raih mai a, biak pawh inbe mumal hlawm lo chuan an riahbuk an pan ta! Zanriah an han buatsaih te lah chu an phur mawlh lo a ni, chawhmeh ṭha fe leh tui fe pawh hi huntawn in a zir miau loh chuan chaw um liamtu ṭha a lo ni hauh lo! Zanriah han bar mumal fe pawh an awm mang lo a ni. Sakhi chek leh satui chu mautheiah thli chhuakin an dawt sek a, an mit an len sek mai chu a ni. Khamlairang tlangval phanchang tawh lam Sawia chuan aw a han thian kharh kharh a,
" Kei zawng kan pasalṭhate kha damin an lokir ka ring tlat! Pasalṭha tam tak ka lo hmu ve tawh a, he Lungreng ngaw pawh hi a lut thuk pawl chu ka ni ngei ang..! Khatiang mi huaisen, tumruh kha ka hmu khat viau a, tin, mawi lo ni suh se, venghimtu an nei ngat mai! Sazuk leh Tumpang kap thei ka hre ngai lo, tin hei kan riahbuk sualna an han thlan leh chat danah te hian an namai lo tih ka sawi ngam e!" a rilru chu an thlasik mau chang puah pui khuk a. Chu thu meuh zawng an pawm tlang a ni. Pazawna pawh rawn phur thar lehin Pawih ral an um laia tuna pasalṭha te pahnih dam chhuah dan te an sawi thupui ve khuk khuk a. Muang lo chungin an muang awm ta!
Meipui chu an chhep hluah a,an sarep an la ur a, an ur zang hle tawh ngei ang, vanvar an han thlir ṭhin, khawdur hauh si lo hian arsi te chu chhum chuan a hliah tlat mai si! Zan reh tak ani, chung lai vela zan lama hram chi nungcha te pawh an hram hauh lo! Zan pawh a rei ta, Aimawia chuan,
" Ti teh u, i mu phawt teh ang u, hetia men reng zawng naktuk lamah kan chau lutuk a nge..!" a ti chhuak ve ta a. Hnial ta hauh lo chuan riahbuk chhung lam chu an pan tlang ta a. An rilru tak chuan pasalṭha te chin chu an hrechak ngang mai le! Ngaihchan hun ala ni miau mai si.
Aimawia chu a inngaihtuah nasa hle mai, Thanpuia te hi lokir ta lo se eng tin nge ni ang. He ngaw pui huai ho laka tlanchhiat hi a duh bik hauh lo, a ṭhiante hi haw mai se, a ni chuan a ṭhiante a zawng ang a. A theih tawpin huai ho a bei let ang! Chu chu mipa hna a ni, nakzan thlenga an lokir lo a nih chuan Ngengkhuai lam a pan ve ngei ang! Chu riahbuka Lusei tlangval te chuan suangtuah chu an nei ṭheuh hlawm a, an sawi chhuak lo mai a ni.Pasalṭha te tel lova kir chu an tum lo bur mai a ni.
Chu Rulpui rawn thaw chhuak chu rim chhe tak a ni a, a mei lam chuan pasalṭha te chu a zial bet ta, an ang sen huam a, a thaw lum huam huam mai le...! Thei leh thei lo chuan Thanpuia chuan,
" Huai rimchhe pa, rulpui taksa hi i hman ngam tawk a ni maw....! I va lo neu ngai ve le....!" deu sawh zet chuan a ti ta! A theih ang ang chuan a nui lui a.
Chu thu zet chu a hrethiam ve ni maw! A ding chawt a, an mahni a zial behna pawh a thawl ta hret a, Pasalṭha Chhunthanga chuan nuihsawh fe chuan,
" Huai ka hriatah i la neu ber, i hma a mi te chuan an taksa pangngai in min hmachhawn ngam asin! I lo neu ber a nih hi...!" ring fe chuan a ti leh a, chu Rulpui meng sen rum mai chuan pasalṭhate thusawi chu a hrethiam ve niin a lang. Rulpui pangngai a ni lo va, huai luhchilh rul a ni tlat a ni. Khatia rulpuiin a thlah thawl takah chuan thawk lehkhatah an han tal phut a, an silai lam pan chuan rang fe chuan an bawh phei ta!
Rulpuiin chutia chet an han la thut chu thlah thlam a lo tum hauh lo, a mei lam chuan rang fe in a hem zui ta! Pasalṭha te chuan an silai an chuh hman hram a, mahse a tlai ta, rulpui hemna zet zawng tawrh a har ta viau mai le! Thanpuia chuan thih tha tak meuh meuh in rulpui lu chu an tin a, pasalṭha Chhunthanga pawh chuti tho....Chu puk khawk rum rum chuan chengrang rawl an au tir a. Lusei pasalṭha te an chau ta takzet a ni, puk chhung rim ngawt pawh hi hai muai muaina tham a ni si a. Chutah an hmachhawn te hi hringmi an ni hauh lo nen, chhel viau mahse tlin chin hi an nei ve miau si! Hringmi pasalṭha tana thihpui tham hliam an tuar tawh miau si...! An khawvel chu a thim mup a, eng mah an hre ta lo! Damin an harhchhuak leh a ngem tih zawng hriat a ni ta lo!? Mihrang huaisen, hlauhna pianpui ve lo nia hriat, tlangval laia thang chhuah thei, Sei fate luah chin rama hming thang em em mai te hi dawm hlumtu leh bawihsawm tu nei lovin he pukah hian an ṭawih ral mai dawn em ni le!? Chhanna hriat loh zawhna a ni ta!
........ ........ ...........
Serzawl mihrangte hming thanna chuan Lusei tlang hrang hrangte a deng chhuak hneh hle a. Hetih rual chiah hian Serzawl Lal nula hmel ṭhatna hian a zui zat bawk nen, tin, Chikhur nei khua an lo ni vei rawl nen an thang mawi hle a ni. Serzawl lal nula Saipuii hmel ṭhatna chuan Hriangmual khua pawh a thleng ta ngei a, lal fapa Ngurṭhuama lai a fan ngaih mai le. Hriangmual khaw buan chak Tlangchhuaka leh tlangval panga hruaiin Serzawl an pan ve ta! Khaw kar kawngah zan riak tawhin an thleng ṭep tawh chu a ni. Varṭianah chuan tlangval te tho tawhin tuk ṭhuan an buatsaih ta mam mam mai le. An khaw tlangval kut hmui fe Thangluaia an hruai tel bawk a, kawng laka sakhi zawng an hek ve hle zel chu a ni.
Eng lai maha mahni dinhmun tawlhsan ngai lo leh mahni thiltih a ngai renga pho chhuaktu Chungturni pawhin a hmun ngai a rawn luah leh zat tawh a. A hna chu tlin hle a rawn tum leh ta! Hriangmual val rualte an lal fapa Ngurṭhuama mit tlun loh hlau in an phe sang sang a, tukṭhuan an peih ta! Changel hnah chunga buh hmui hiam mai an khawrh khu leh vung vung a, sakhi chek han lem ri khulh hlawmin sahrang lian tak tak te chu an khel hlawm a, Ngurṭhuama chuan Hruizik en vung vungin,
" Ka pa khan kan ram valh chinah hruizik kheh a phal meuh si lo va, Hriangmual val te nge nge, kan hmuh phak loh kan hmeh reng mai anih hi maw....! In thlazar hnuaia awm a him in a nuam ma nge!" an ti ve khuk a.
Tlangchhuaka chuan, " Eh...Lal fapa, kan lawm hle mai, mahse i ro neih dan hi mak ka la ti cheu ka ti, upa te hruai lova keini min thlang tlat hi!" tih pah chuan an sakhi tuihang lem nuih a.
Ngurṭhuama pawh khiangrah tla ang mai lah zu ni a. In la thupui fun fe chuan,
"Hetia kan chet hi a ṭhat zawkna a awm a, tin mizia inchianna a ni bawk ang chu...! Serzawl lal pawh hian ka pa ṭhi leh dar ngah zia a hre chek ang! Tin, an lal fanu nena kan rem theih leh Chikhur kan tlan ve theihna hun remchang a ni leh bawk ang a, eng ti kawng pawhin kan si thlu tur a ni tawp mai!" a ti chhuak ve leh a. Tukṭhuan an bar hnem hlawm hle chu a ni. Muang lova an kal chuan Serzawl an thleng har tawh lo tawp ang le...! Lal fanu Saipuii lasi te zinga a nutuai ni maia lang chu an si thlu thei a ngem le? Lal fanu te meuh zawngin duhthlangin hun an hmang ngai zen zen si lo le!
........ ......... ...........
Pasalṭha Thanchhinga leh Zamkunga te chuan thlamah Sanghal sa an so barh barh a, an ni hian thlawhhma an veng a ni. Nghalrual nghal kum tak a ni vei atin ni. Zan lamah mutmu an tuah meuh lo chu a nia, tukṭhuan han nauh nghek a, thlam a tlukzal chu an tum a ni. Thla thum bel an la riahpui zui kha a ni a, buh lah a tukhum lam a la hel ṭhuau mai si! Pasalṭha Thanchhinga chuan ngaw lam a thlir vang vang a, a fapa a ngaihtuah vang vang mai! Zan lamah khan a hrechhuak dawt dawt reng mai si a. Tumpangchal chu a kap thei ngut a ngem? Thang a chhuah khalh thei dawn ta em? Tihte an ngaihtuah a, chutihrualin Pawih ral an um ṭuma a ngaihtuah ang chiahin a ngaihtuah leh ta! Ahnu a an sawi leh dan khan a manga a hmuh ṭum khan a lo tlu ngei a ni si! Eng thil tak va tawk chu ni maw? An intiam hun pawh ala ni chiah si lo! A rilru a buai ve hle mai le!
Serzawl lal nula meuh pawh a mangin a fan hneh ngang a ni mahna...! Dawhthlengah a ṭhu vang vang a, a nu in a biakna pawh a hre hauh lo! A nau Saiṭhuama chuan ava sawi fiam hial kha a ni. A meng a riai thei hial a, a tawnmangah Thanpuia lengkir sangah a lo in uai tang ṭang ṭang kha a ni...a pui thei ngang si lo. Tum hnih lai a rum chhuak kha a ni! Lalnu pawh chuan a ngaihtuah ve hle mai le! A tawnmang a han zawt ṭhin...a fanu chuan a chhang hauh si lo, chhan a hnekin a chaw chhum pawh a so liam tir bawrh bawrh a ni si a le...!
... ..... ......... ..........
Lasi pasalṭha Huaitawnan hma a hruaia Ngengkhuai puk an thleng ta, an fimkhur hle a. Chu Huaiho taksa Rulpui chu chau fe hian an hmu a, harsa taka beiletin an tihlum thei ta hram a. Buannel leh ṭan tlanga roreltu Chawngtinlerin ro a rel sual ta em ni le? Hringmi pasalṭha, mihrang huaisen, hlauhna pianpui ve lo te an han hmuh meuh chuan Lasi nula hmel ṭha lui eltiang pahnih Varparhi leh Chawngmawii chu lungchhe vankaiin an ṭap chhuak ta hawm hawm mai le.....!
( chhunzawm tur)
( Nizanah tihsual ka nei a, pawi ka ti hle a, min hriatthiam ka dil mawlh mawlh e)
Ngaidam che
ReplyDelete