LUNGRENG NGÂW..S-3..(20)..
LUNGRENG NGÂW...S-3...20 . ..
( PASALṬHA THANPUIA)
M.Lusei Palian
........ ......... ...........
Hmuh theih loh thahrui chak fe chuan Thanpuia chu puk bang deng dawtin a paih leng ta...Pasalṭha Chhunthanga pawh a bang bik hauh lo....! Ding chhuak vatin an rin lai lai chu an han vai tak na a, Thanpuia chu a leng leh ta lawp mai le, puk bangah chuan ava thum leh ṭawk a. Hetih lai hian pasalṭha Chhunthanga pawh puk bang deng dawtin a thum ve ṭawk tho a, hmuh theih beih chu a zia, hmuh theih loh hmachhawn chu a namai lo a ni. Puk chhung chu a lum huk huk reng a, aw thum pui pui inbe ri hian a khat vel chu a ni ta ber mai. A thim chhah ta takzet mai le, chhungril lam huaisenna chu a taka lanpui a ni a, chu chuan hun harsaah pawh finna a pe ṭhin! Pasalṭha Thanpuia chu a chhing vang vang a, a chempui a hum nghet sauh a, an meng leh chiah chu le.....tuikhur thuhruk tui in tawh a nihna a lang ta! A hma a hmel mumal nei lo palian tak tak lo ding chu a hmu thei ta! Chutah chhungril huaisenna chu thinrimna in a rawn chhem alh a, chung huai ho chu rang fe hian a chempui chuan an vai leng ta lawp lawp mai le! Chempuia a vai fuh te reng reng mak tak hian an ṭe chul a, an ral nghal zel mai le! Huai ho lah chuan an mahni hmu theitu chu hmai mumal nei hlei lo chuan an thlir ang tuau tuau a, chu erawh an vanduaina a ni ta! Lusei pasalṭha hian zam hauh lovin a chempui an vai tak tak a le, a chem dap te chu a sen vur thei hial mai! Huai ho chu an hek hawk hawk mai le, Huai hovin Thanpuia mak ti a an thlir lai chuan an hnung lama thangchhuahpa pasalṭha Chhunthanga an lo hlamchhiah ta deuh nge ni...! Hnung lam pawh an hek ve leh ta hawk mai le. Lusei pasalṭha te chan a ṭha ta zawk a, huai ho lah pahnih khat bak an awm tawh lo! An che thei tawh lova chha a ni e, chung Lusei pasalṭha te aia deh khirh chu an tawng ngai tawh lovang, tawng leh tur pawh an awm tawh lo! Huai la awm ve te chu samlam fe hian an kal pah a, boruakah an tham ral ta! Puk chhumg chu a hma ang ngawt chuan an thlir ta lo, a hmufiah thei ta hle mai le! A chhung rilah an lut dawn ta! Puk bang te lah chu a hnum vei hlurh a, a rim mawlh chu tawrh a har hle a ni. Puk chhungril lam pan chuan an inzui ta a, an ṭhian Rochhuma chu dama hmuh inring tawh chiah lo mahse a ruang tal hlawm an tum a ni. Chutih lai tak chuan puk chhungril lam aṭang chuan thawm an hre ta! Hmanhmawh fe leh fimkhur tak chuan thawm lo chhuahna lam chu an pan dun ta!Puk kawkel a lo tam hle mai le! Kal hmasa zawk pasalṭha Thanpuia chu a ding ta chat mai le! Pasalṭha Chhunthanga chuan a su ṭep a ni, an hmalam an han chian chu le....khuar thuk tak a lo awm niin han zuan kan theihna tur lai a awm der si lo! Chu khuar lah chu a mawng pawh alang thei si lo, an lu a hai ve ta map mai le!
Rei lo deuh an han ding a, Pasalṭha Chhunthanga chuan,
" Helna a awm ngei tur a ni....! Ti teh puk kawkel te kha i va chian hmasa teh ang!" a ti chhuak a. Thanpuia rin dan chiah a ni, khawmuang rei lo chuan an let ta rih a.Puk kawkel chu an han bih dun leh rih a, thui vak lo ah a lo tawp zel mai si! An inmelh leh ren rawn ṭhin!
Hetih mek lai hian Rulpui lian tak chuan chu Ngengkhuai puk chu a rawn pan ve mek a. He Rulpui taksa hi huai hian an hmang ṭangkai em em a, an thiltihtheihna in an thuam a ni. Tun hma chuan he Ngengkhuai puk hi lasi te ta a ni ṭhin a. Lasi te leh kham huai ho inkar thu a chhia a, an indo chiam mai a lasi pasalṭhate pawh an hek ve hle a. Kham huai ho hi puk huaiin an rawn pui ve leh a, puk huai hian lung huai leh thing huai te rawn chhawm telin Lasi te chu an do rawn ta tak tak a! Lasi te chan a chhe ta hle mai, an hringmi pasalṭhate ramchhuah loh lai a ni vei nen! An pasalṭhate pawh an tlu zo ve ta, hetih lai hian Lasi te hotunu hmar tawpah a awm lai alo ni kher bawk a. Rang takin a rawn let na a, an chan a chhe ta zawk si a, he puk hi loh theih lohin an chhuahsan a ngai ta a. Thih leh dam inkar takmeuh a nih avangin puk hi a hletah an chhuahsan ta a. He ngengkhuai puk hlet hi Rairuang puk a ni.Mahse an zinga pakhat chuan a lungmawi chu he pukah hian a theihnghilh hlauh mai le! Chu lungmawi chu huai hovin an hmuh chuan an lawm hle mai, a him thei ang bera vawngin Rulpui hian a hmang ṭangkai ta ṭhin a ni. He Rulpui zet hi zawng thi thei lo tura an ngaih a ni. Rulpui chuan puk a rawn hnaih ta takzet mai le!
He Ngengkhuai puk chanchin hi Lasi te hian an ṭhian pasalṭhate an hrilh a thiang lova, an tan a tlawm thlak hle a ni mahna! Mahse he puk a hringmi pasalṭha huaisen te an lut a, huai ho chimih an tum chuan an thiltihtheihna zawng zawnga puih chu an tihtur a ni thung! Tin, lungmawi la let tura beihna a awm a nih phawt chuan chu chu an thlir liam hauh lovang le! Fangfar puk chhungah lasi pasalṭhate an awm khawm ṭhap mai le! An hruaitu chu Huaingama a ni, chet chhuah an chak takzet tawh a, hringmi pasalṭha zam ngai lo te puih an duh hle tawh a ni. Lusei pasalṭha te zingah pawh an rin ngam em em ten puk an luhchhuah mek a, Rulpui leh huai tudai turin ṭan an khawh mek tih an hria a, an za zek zek tawh mai a ni. An hotunu thupek chiah an nghak tawh a, an inring kher mai le! Ṭan khawpui aṭangin an hotunu Chawngtinleri leh an lalpa Lalchungnunga an rawn thang mek a! An thu lova han chet chhuah an ngam si lo a ni. Chawngmawii leh Varparhi an awm hle hle thei tawh lo! Rulpui kha huai chakna a ni a, thiltihtheihnaa thuam a ni si!
Pasalṭha Thanpuia leh Chhunthanga zn ding ta chawt mai le, thil thleng tur awmin an hria a, an hriatna chak tak leh ṭha tak a rawn che a ni. Puk chhung boruak chu a rawn vawt hit ta var mai le! Inhrilh nawn an ngai lo, hlauhawm a rawn thleng dawn tih an hrethiam a, thinrim mitmeng, huaisenna a thuam, zam hauh lo chuan an inring hle mai le! An chempui chu an hum nghet ta hle mai le....chutah boruak a rawn in thlak nghal a lum huk rual chuan puk chhungah chuan lu lam Selu ang fe fe, an pianhmang mihring ang deuh si chu an rawn lut ta khup khup mai le! Awlsam fe chuan an rawn hual nghal der mai! Pasalṭha Thanpuia chuan,
" Pa Chhun, zam hauh lovin aw...!" Chempui hum nghet salh pah chuan an ti a.
Pasalṭha Chhunthangan Thanpuia hi a huaisen takzet tih a hria a, a naupang zawkin hetia a rawn ti hi a lawm in amah pawh a zak zawk hial a, chhang let vatin,
" An buzawl kan luhchhuah niin alang a, a ṭul leh thih thleng ṭhakin aw....!" a ti chhuak a.
Chutah le, chung huai pian mak fe fe chuan an rawn khawih nawk nawk a, an thum ve dawp dawp mai le....an lo inrawn har deuh niin a lang, an thal hawn hawn ta mai!
Rang fe a inher a tho chhuak nghal in an chempui an han vai ve tak tak ta a le....Thinrimna nen huaisenna nen pui tak hi a ni, puk bang an han vai tel te lah a ṭek chuai chuai thei hial a. An va han hmuhnawm tehlul em! Pasalṭha Chhunthanga chuan chem han vai pah chuan,
" Huai maksak ho....khaw nge Rochhuma in dah.. him dama kan hmu lo a nih chuan inbuzawl hi kan chil darh vek dawn...!" Ring fe chuan an ti a.
Chung huai ho lah chu a hma a mite ai chuan an deh a khirh fe ta mai! An nghawng taka han vai loh chuan an tlu duh der lo, an rak ruai ruai a, an tlu thum ve dup dup thei hial a. Sawm ṭhalam mah an ni si! Pasalṭha Thanpuia chuan ring fe in,
" Pa Chhun, an lu tum tur...an lu...!" tiin a au zui a, an lu a an sah fuh te erawh an eng ngjal pup a, boruakah an thamral ta zel a. Mahse an lo inveng hneh ve hle mai si! Pawih pasalṭha an han nuai te kha chu awlsam tak a ni. Heng huai ho zet zawng, an rang takzet a ni. Pasalṭha te pahnih pawh an kaah an thaw a leng tawh mang lo chu a ni. Mahse an chempui chuan chakna pe in an bei let ve zel a, pathum chauh an chuang ta! Chutah le....pasalṭhate an bawh hmasa ve ta tlat a, pasalṭha Thanpuia pawh chuan bang a deng let ta dawt a. Tun ṭum meuh zawng a chempui a thlauh ve dawt ta mai! A thaw kawk kawk a, a chempui a hmu ta mai lo!
Pasalṭha Chhunthanga chuan Thanpuia leng lawp chu a hmu vuai a, huai pakhat chu a dahbo ve leh ta! Pahnih chauh an ni ta, pakhat zawk chuan Thanpuia a pan mek a, chu thil pasalṭha Chhunthangan a hmun meuh chuan rang fe a zuang phei zawkin Thanpuia lo ṭham mektu luah chuan a chempui chu a thiat ta. Chutih lai tak chuan che fuh reng thei ta bik lo le....Pasalṭha Chhunthanga pawh chuan arsi hmu chuaiin puk bang a deng ve leh ta! Thawhchhuah a harsat tawh ngawt ang le...!
Pasalṭha Thanpuia chuan amah rawn pan mektu chu a lo thlir a, a chempui lah a hmu mai si lo nen....a lo indawh tawp tawh mai le! Chu thil makfe chuan a en vung vung a, chutah rak ruai ruai in a ṭham kang a, puk chhuat dennan chuan a hmang leh ta dawp mai le.....Chu zet zawng Pasalṭha Thanpuia vamneihna a ni... ! A chempui a dap fuh ta, chu huai lo kun hniam mek luah chuan a chem chuan an vai ngheng mai le....! Au ruai ruai chung chuan a thamral ta...!
Lasi te hotunu leh an lal Lalchungnunga pawh Fangfar puk an rawn thleng ta! An pasalṭha ten an lo nghak ṭhap tawh an hmuh chuan an nui sak a, chutah Chawngtinleri chuan,
" Le....hei kan tirh leh kan thlem ni hauh lovin hringmi pasalṭha ten kan khaw peng pakhat huai ho laka kan chan tak an luhchhhuah mek a, tunah tak hi chuan an la bei hram hram a ni. He kan puk hi kan inrin loh laia min chhuhsak kha a ni a, hringmi pasalṭhate zarah kan la let thei mahna.... Chumi tur chuan huai ho kan beihpui ang a, kan lungmawi kan lakir ngei tur a ni...Tin, hringmi pasalṭha te kha mal ka sawm theihnan venghim hram hram ang che u...Le tunah kan ta ngei neih let nan hringmi pasalṭha te i pui ang u le...!" a tih chuan haw haw hman tawh lo chuan an liam ta suau mai le!
Harsa leh chau tak chung chuan pasalṭha Thanpuia chuan Pasalṭha Chhunthanga a va kai tho a, puk ngheng chuan an ṭhu a, an chau in an na takzet tawh a ni. Chutah le an hmaah chuan Rulpui lian em em mai chu a rawn tleng ta, an mahni a hmuh chuan a mit sen rum chuan a en kuau a, a ding chat mai le! Pangen ngaw a Rulpui kha chu neu tak a ni. A lu ringawt pawh chu pasalṭha pahnihte tan pawh zawn tham a ni ngei ang. Rapthlak tak chuan a hram zui a, an awmna chu a nghawr dur dur hial a, a ka chu zau tak chuan an ang a. Pasalṭha te pahnih chuan an chempui chu an chuh na a, thir ling khawih ang mai an ni...An kut chu an lalet chiang kher mai le.... An che hlei thei ta hauh lo.....!
( chhunzawm tur)
( ka buai deuh a, next ah kan tisei leh mai tur lah ni.. Hun hman nuam u le)
( PASALṬHA THANPUIA)
M.Lusei Palian
........ ......... ...........
Hmuh theih loh thahrui chak fe chuan Thanpuia chu puk bang deng dawtin a paih leng ta...Pasalṭha Chhunthanga pawh a bang bik hauh lo....! Ding chhuak vatin an rin lai lai chu an han vai tak na a, Thanpuia chu a leng leh ta lawp mai le, puk bangah chuan ava thum leh ṭawk a. Hetih lai hian pasalṭha Chhunthanga pawh puk bang deng dawtin a thum ve ṭawk tho a, hmuh theih beih chu a zia, hmuh theih loh hmachhawn chu a namai lo a ni. Puk chhung chu a lum huk huk reng a, aw thum pui pui inbe ri hian a khat vel chu a ni ta ber mai. A thim chhah ta takzet mai le, chhungril lam huaisenna chu a taka lanpui a ni a, chu chuan hun harsaah pawh finna a pe ṭhin! Pasalṭha Thanpuia chu a chhing vang vang a, a chempui a hum nghet sauh a, an meng leh chiah chu le.....tuikhur thuhruk tui in tawh a nihna a lang ta! A hma a hmel mumal nei lo palian tak tak lo ding chu a hmu thei ta! Chutah chhungril huaisenna chu thinrimna in a rawn chhem alh a, chung huai ho chu rang fe hian a chempui chuan an vai leng ta lawp lawp mai le! Chempuia a vai fuh te reng reng mak tak hian an ṭe chul a, an ral nghal zel mai le! Huai ho lah chuan an mahni hmu theitu chu hmai mumal nei hlei lo chuan an thlir ang tuau tuau a, chu erawh an vanduaina a ni ta! Lusei pasalṭha hian zam hauh lovin a chempui an vai tak tak a le, a chem dap te chu a sen vur thei hial mai! Huai ho chu an hek hawk hawk mai le, Huai hovin Thanpuia mak ti a an thlir lai chuan an hnung lama thangchhuahpa pasalṭha Chhunthanga an lo hlamchhiah ta deuh nge ni...! Hnung lam pawh an hek ve leh ta hawk mai le. Lusei pasalṭha te chan a ṭha ta zawk a, huai ho lah pahnih khat bak an awm tawh lo! An che thei tawh lova chha a ni e, chung Lusei pasalṭha te aia deh khirh chu an tawng ngai tawh lovang, tawng leh tur pawh an awm tawh lo! Huai la awm ve te chu samlam fe hian an kal pah a, boruakah an tham ral ta! Puk chhumg chu a hma ang ngawt chuan an thlir ta lo, a hmufiah thei ta hle mai le! A chhung rilah an lut dawn ta! Puk bang te lah chu a hnum vei hlurh a, a rim mawlh chu tawrh a har hle a ni. Puk chhungril lam pan chuan an inzui ta a, an ṭhian Rochhuma chu dama hmuh inring tawh chiah lo mahse a ruang tal hlawm an tum a ni. Chutih lai tak chuan puk chhungril lam aṭang chuan thawm an hre ta! Hmanhmawh fe leh fimkhur tak chuan thawm lo chhuahna lam chu an pan dun ta!Puk kawkel a lo tam hle mai le! Kal hmasa zawk pasalṭha Thanpuia chu a ding ta chat mai le! Pasalṭha Chhunthanga chuan a su ṭep a ni, an hmalam an han chian chu le....khuar thuk tak a lo awm niin han zuan kan theihna tur lai a awm der si lo! Chu khuar lah chu a mawng pawh alang thei si lo, an lu a hai ve ta map mai le!
Rei lo deuh an han ding a, Pasalṭha Chhunthanga chuan,
" Helna a awm ngei tur a ni....! Ti teh puk kawkel te kha i va chian hmasa teh ang!" a ti chhuak a. Thanpuia rin dan chiah a ni, khawmuang rei lo chuan an let ta rih a.Puk kawkel chu an han bih dun leh rih a, thui vak lo ah a lo tawp zel mai si! An inmelh leh ren rawn ṭhin!
Hetih mek lai hian Rulpui lian tak chuan chu Ngengkhuai puk chu a rawn pan ve mek a. He Rulpui taksa hi huai hian an hmang ṭangkai em em a, an thiltihtheihna in an thuam a ni. Tun hma chuan he Ngengkhuai puk hi lasi te ta a ni ṭhin a. Lasi te leh kham huai ho inkar thu a chhia a, an indo chiam mai a lasi pasalṭhate pawh an hek ve hle a. Kham huai ho hi puk huaiin an rawn pui ve leh a, puk huai hian lung huai leh thing huai te rawn chhawm telin Lasi te chu an do rawn ta tak tak a! Lasi te chan a chhe ta hle mai, an hringmi pasalṭhate ramchhuah loh lai a ni vei nen! An pasalṭhate pawh an tlu zo ve ta, hetih lai hian Lasi te hotunu hmar tawpah a awm lai alo ni kher bawk a. Rang takin a rawn let na a, an chan a chhe ta zawk si a, he puk hi loh theih lohin an chhuahsan a ngai ta a. Thih leh dam inkar takmeuh a nih avangin puk hi a hletah an chhuahsan ta a. He ngengkhuai puk hlet hi Rairuang puk a ni.Mahse an zinga pakhat chuan a lungmawi chu he pukah hian a theihnghilh hlauh mai le! Chu lungmawi chu huai hovin an hmuh chuan an lawm hle mai, a him thei ang bera vawngin Rulpui hian a hmang ṭangkai ta ṭhin a ni. He Rulpui zet hi zawng thi thei lo tura an ngaih a ni. Rulpui chuan puk a rawn hnaih ta takzet mai le!
He Ngengkhuai puk chanchin hi Lasi te hian an ṭhian pasalṭhate an hrilh a thiang lova, an tan a tlawm thlak hle a ni mahna! Mahse he puk a hringmi pasalṭha huaisen te an lut a, huai ho chimih an tum chuan an thiltihtheihna zawng zawnga puih chu an tihtur a ni thung! Tin, lungmawi la let tura beihna a awm a nih phawt chuan chu chu an thlir liam hauh lovang le! Fangfar puk chhungah lasi pasalṭhate an awm khawm ṭhap mai le! An hruaitu chu Huaingama a ni, chet chhuah an chak takzet tawh a, hringmi pasalṭha zam ngai lo te puih an duh hle tawh a ni. Lusei pasalṭha te zingah pawh an rin ngam em em ten puk an luhchhuah mek a, Rulpui leh huai tudai turin ṭan an khawh mek tih an hria a, an za zek zek tawh mai a ni. An hotunu thupek chiah an nghak tawh a, an inring kher mai le! Ṭan khawpui aṭangin an hotunu Chawngtinleri leh an lalpa Lalchungnunga an rawn thang mek a! An thu lova han chet chhuah an ngam si lo a ni. Chawngmawii leh Varparhi an awm hle hle thei tawh lo! Rulpui kha huai chakna a ni a, thiltihtheihnaa thuam a ni si!
Pasalṭha Thanpuia leh Chhunthanga zn ding ta chawt mai le, thil thleng tur awmin an hria a, an hriatna chak tak leh ṭha tak a rawn che a ni. Puk chhung boruak chu a rawn vawt hit ta var mai le! Inhrilh nawn an ngai lo, hlauhawm a rawn thleng dawn tih an hrethiam a, thinrim mitmeng, huaisenna a thuam, zam hauh lo chuan an inring hle mai le! An chempui chu an hum nghet ta hle mai le....chutah boruak a rawn in thlak nghal a lum huk rual chuan puk chhungah chuan lu lam Selu ang fe fe, an pianhmang mihring ang deuh si chu an rawn lut ta khup khup mai le! Awlsam fe chuan an rawn hual nghal der mai! Pasalṭha Thanpuia chuan,
" Pa Chhun, zam hauh lovin aw...!" Chempui hum nghet salh pah chuan an ti a.
Pasalṭha Chhunthangan Thanpuia hi a huaisen takzet tih a hria a, a naupang zawkin hetia a rawn ti hi a lawm in amah pawh a zak zawk hial a, chhang let vatin,
" An buzawl kan luhchhuah niin alang a, a ṭul leh thih thleng ṭhakin aw....!" a ti chhuak a.
Chutah le, chung huai pian mak fe fe chuan an rawn khawih nawk nawk a, an thum ve dawp dawp mai le....an lo inrawn har deuh niin a lang, an thal hawn hawn ta mai!
Rang fe a inher a tho chhuak nghal in an chempui an han vai ve tak tak ta a le....Thinrimna nen huaisenna nen pui tak hi a ni, puk bang an han vai tel te lah a ṭek chuai chuai thei hial a. An va han hmuhnawm tehlul em! Pasalṭha Chhunthanga chuan chem han vai pah chuan,
" Huai maksak ho....khaw nge Rochhuma in dah.. him dama kan hmu lo a nih chuan inbuzawl hi kan chil darh vek dawn...!" Ring fe chuan an ti a.
Chung huai ho lah chu a hma a mite ai chuan an deh a khirh fe ta mai! An nghawng taka han vai loh chuan an tlu duh der lo, an rak ruai ruai a, an tlu thum ve dup dup thei hial a. Sawm ṭhalam mah an ni si! Pasalṭha Thanpuia chuan ring fe in,
" Pa Chhun, an lu tum tur...an lu...!" tiin a au zui a, an lu a an sah fuh te erawh an eng ngjal pup a, boruakah an thamral ta zel a. Mahse an lo inveng hneh ve hle mai si! Pawih pasalṭha an han nuai te kha chu awlsam tak a ni. Heng huai ho zet zawng, an rang takzet a ni. Pasalṭha te pahnih pawh an kaah an thaw a leng tawh mang lo chu a ni. Mahse an chempui chuan chakna pe in an bei let ve zel a, pathum chauh an chuang ta! Chutah le....pasalṭhate an bawh hmasa ve ta tlat a, pasalṭha Thanpuia pawh chuan bang a deng let ta dawt a. Tun ṭum meuh zawng a chempui a thlauh ve dawt ta mai! A thaw kawk kawk a, a chempui a hmu ta mai lo!
Pasalṭha Chhunthanga chuan Thanpuia leng lawp chu a hmu vuai a, huai pakhat chu a dahbo ve leh ta! Pahnih chauh an ni ta, pakhat zawk chuan Thanpuia a pan mek a, chu thil pasalṭha Chhunthangan a hmun meuh chuan rang fe a zuang phei zawkin Thanpuia lo ṭham mektu luah chuan a chempui chu a thiat ta. Chutih lai tak chuan che fuh reng thei ta bik lo le....Pasalṭha Chhunthanga pawh chuan arsi hmu chuaiin puk bang a deng ve leh ta! Thawhchhuah a harsat tawh ngawt ang le...!
Pasalṭha Thanpuia chuan amah rawn pan mektu chu a lo thlir a, a chempui lah a hmu mai si lo nen....a lo indawh tawp tawh mai le! Chu thil makfe chuan a en vung vung a, chutah rak ruai ruai in a ṭham kang a, puk chhuat dennan chuan a hmang leh ta dawp mai le.....Chu zet zawng Pasalṭha Thanpuia vamneihna a ni... ! A chempui a dap fuh ta, chu huai lo kun hniam mek luah chuan a chem chuan an vai ngheng mai le....! Au ruai ruai chung chuan a thamral ta...!
Lasi te hotunu leh an lal Lalchungnunga pawh Fangfar puk an rawn thleng ta! An pasalṭha ten an lo nghak ṭhap tawh an hmuh chuan an nui sak a, chutah Chawngtinleri chuan,
" Le....hei kan tirh leh kan thlem ni hauh lovin hringmi pasalṭha ten kan khaw peng pakhat huai ho laka kan chan tak an luhchhhuah mek a, tunah tak hi chuan an la bei hram hram a ni. He kan puk hi kan inrin loh laia min chhuhsak kha a ni a, hringmi pasalṭhate zarah kan la let thei mahna.... Chumi tur chuan huai ho kan beihpui ang a, kan lungmawi kan lakir ngei tur a ni...Tin, hringmi pasalṭha te kha mal ka sawm theihnan venghim hram hram ang che u...Le tunah kan ta ngei neih let nan hringmi pasalṭha te i pui ang u le...!" a tih chuan haw haw hman tawh lo chuan an liam ta suau mai le!
Harsa leh chau tak chung chuan pasalṭha Thanpuia chuan Pasalṭha Chhunthanga a va kai tho a, puk ngheng chuan an ṭhu a, an chau in an na takzet tawh a ni. Chutah le an hmaah chuan Rulpui lian em em mai chu a rawn tleng ta, an mahni a hmuh chuan a mit sen rum chuan a en kuau a, a ding chat mai le! Pangen ngaw a Rulpui kha chu neu tak a ni. A lu ringawt pawh chu pasalṭha pahnihte tan pawh zawn tham a ni ngei ang. Rapthlak tak chuan a hram zui a, an awmna chu a nghawr dur dur hial a, a ka chu zau tak chuan an ang a. Pasalṭha te pahnih chuan an chempui chu an chuh na a, thir ling khawih ang mai an ni...An kut chu an lalet chiang kher mai le.... An che hlei thei ta hauh lo.....!
( chhunzawm tur)
( ka buai deuh a, next ah kan tisei leh mai tur lah ni.. Hun hman nuam u le)
A ngaihnawm hle zel e
ReplyDelete