LUNGRENG NGÂW...S-3...(2)...
LUNGRENG NGÂW...S-3....2....
( PASALṬHA THANPUIA)
M.Lusei Palian
........ ......... ...........
Hmangaihnaah chuan dinhmun inthlauhna hian hmun a luah chuan induhtawk lohna vang a ni ṭhin a, hmangaihna dik takah chuan duhlohte nena khuangchawi ai chuan duhtak te nena bahra laih pawh a thlang zawk hial ṭhin si a! Chu hmangaihna ah leh indona ah hi chuan thiang lo leh ramri kham chin reng hi a awm si lova, ramri kham theih ni hek lo le!
Rei mawi tawk an han chawlh hnu chuan kal an han siam leh ta a, Herhzawl tlangvalten hma an hruai ta char char a, Pasalṭha Thanglura pawh alamah an ṭan tak vek avang chuan Herhzawl luh ve phawt chu ṭha a ti ve ta a. Ngurpuii erawh a pen tau sawk sawk mai chu a ni. Chulah chu a hmuhnawm vei phian lawi si! Tlai ni tlak dawn suarah chuan Herhzawl an hnaih ta hle mai le, hmun ruam nuam lai deuhah chuan chawlin Bukbawnga chuan tlangval ho chu meichher tur te a siam lawk tir diam a. Ngurpuii leh Pasalṭha Thanglura erawh an la ṭawngchhuak lo thung, an inmelh leh ralh mai ṭhin chu a ni. Pasalṭha Chhunthanga leh Thanpuia chuan an fiam leh zauh ṭhin, an ni deuh chauh hian an fiam ngam a ni. Aimawia leh Pazawna lah chu Darphawa hovin an titi tui ṭhin khawp mai, thu sumkar em em an nei lo bawk a an ri leh huk ṭhin! A rim nam feih han sawi tur hi an hre hlawm khawp a, a chang leh an zai kal vei ruah ruah mai, tlangval ho lahin an khabe liam an chang ṭhap mai tawh si a! Chulai hmunah chuan zanriah buatsaih mai ni se an ti ta a, tlangval ho chu an che leh ta sang sang mai a. Thanpuia hian chet ve a tum apiangin an phalsak lo zel mai chu hrehawm a ti hle tawh mai! Pasalṭha tak tak angin an ngai hmiah tawh a a khawsak dan khan a zir viau mai bawk si, a chanchin an sawi pawhin Pasalṭha Thanpuia an ti deuh kher tawh a ni.
Riahbuk sual a ngai tawh lem lo va, tlangval ho chuan eirel pahin meichher tur an siam sauh sauh mai a, an pheikhai pawh a zang vah tawh a ni. Chutih lai chuan pasalṭha ho chu an han ṭhu khawm a, an bulah chuan Ngurpuii pawh ala ṭhu tau ve bar a. Pasalṭha Selzama chuan Bukbawnga leh Thanpuia a koh tir thuai a, an khaw aiawhin a mah awm tho mahse thil kalphung hre ve hrim hrim se a duh a ni. Khaw tin aiawh an awm far mai a, an thukhel chu an Silai man insem dan tur chu a ni. A bi lah chu a kim der si lo, a buaithlak viau dawn niin alang. Khaw nga lai chu an ni si a, Bawkmual aiawhin Darphawa zei lo fe chuan a ṭhu a, Kangzawl khaw aiawhin Pasalṭha Thanglura, Herhzawl aiawhin Lal fanu Ngurpuii leh Veta, Chawntui khaw aiawhin Pasalṭha Chhunthanga te an ni hlawm a. Pasalṭha Selzama Serzawl chu an hotu ber a ni a, khaw dang aiawhte ngaih dan an zawt kual hlawm a, an buai map mai chu a ni. Duham vanga buai an ni lo va, an silai man sa tam tham fe chu a chang tam bik khua nih an duh lo vek a, chutah sawm ṭheuh chuan insem mahse a chuang ala awm si a, chutak chu an buaina a ni. Chutah le Darphawa chuan thawh tharh pah chuan,
" A la chuang kha chu Serzawl leh Chawntui khua khan insem rawh se!" A ti vei khuk a, a kal ta daih mai a. Pasalṭha Thanglura pawm zawng tak a lo ni vei nen, Veta pawh chuan a pawm thu a lo sawi ve ta bawk a. An rel fel chu a ni ta, Pasalṭha Selzama pawh alawm kher mai, a khi suk a a rilru chuan Chawntui lam hian chang se a ti a ni. Chutah heti hian an ti a,
" Chhuna a chuang zawng kha i nauten lo ak ve rih se, kan la inzui rei dawn a, kan inṭhen dawnah kan insem ve leh mai a niang chu...!" a ti ta a. Pasalṭha Chhunthanga pawh chu a lo bu nghut a, an zo fel ta der mai chu a ni. Khaw tin aiawhte chu an lawm hle ṭheuh a ni. An hruaitu en a an en Pasalṭha Selzama thil phal zia leh zah taka an mahni a rawn thiam zia an chhut nauh nauh mai chu a ni.
Khaw thim hma chuan zanriah an han kil leh ta a, tlangval ho chuan an sanghal sarep thuk phum te, kawnglaka an tumbu lak an thuk thawlh te, hruizik kheh tur an hmuh ang ang chu hmehin puar takin an ei leh ta a. Bukbawnga leh Darphawa bawk chuan an ei leh thei phian mai chu a ni. An ni pawh a mawi tawk an ṭhut hnu chuan an tho ve leh ta a, vaibel la chhuak hlawmin an han zu leh rih a. Vaihlo nei bar pawh an awm tawh lo, Herhzawlah ṭham ngei an ngai dawn a ni. Unau hmel hai velah chuan kal an han siam leh a, muangchang chuan Herhzawl khua chu an pan ta nguah nguah mai a ni. Ngurpuii chu a hlim leh deuh tawh a ni mahna, a ṭawng ve leh siam siam thei tawh a ni. Hmeichhia te hi zawng an duhloh zawng an sawi chhuak rang ang mai hian a hlim leh rang ṭhin si a. Rei lo deuh hnu chuan ngaw chhung an lut leh ta a, zana hram chi nungcha an hram ta tliar tliar hlawm a. Rei lo deuh ah chuan thla pawh rawn engin ngaw karah a rawn zam lut raih tawh a, a lunglen thlak viau ngei ang le...!
Lenghnawt ar khuan lai vel chuan Herhzawl kawtchhuah an hnaih ta hle mai, tuibur hmuam da velah an thleng hman tawh ngei dawn a ni.Pasalṭha Selzama chuan Herhzawl tlangval Veta chu an ko va, a hmalamah chuan a kalpui ta a bawhhla chham tir ngei a tum a ni.Reilo teah chuan kawtchhuah Lungdawh an thleng ta, Pasalṭha Chhunthanga leh Darphawa te chuan an naute an inbuatsaih tir sauh sauh a.Hetiang hunah hian silai hi a zen chauh an thun a, vanvawr zawngin an kap puak ṭhin a ni.
Herhzawl lal Vanthanga, Vanthangngura( Lalngura tia sawi pawh an awm ṭhin) chu a lalin chhuatah chuan a vei nghat nghat a, pasalṭha ho an rawn hnaih tawh a ring hle a a awm hle hle thei tawh ngang lo a ni. A vaibel chu a fawp sek mai a, a nupui lalnu pawh va mu thei bik suh, an ring an fan uak uak reng mai chu a ni. Nula leh tlangval khua a awm ho pawh an mu thei lo, an lal fanu leh Pawih run pasalṭhate an ṭhiante an lawmpa te rawn thlen hun tur a ni si! Tlangval lamkal te khan he zan hian hlawhtling taka khua an rawn luhtur thu an rawn thlen ngei si a. He Herhzawl khua hian nghah an nei a ni! Lal Vanthanga chuan vaibel fawh sek pah chuan thla engin a chhun pawnlam chu an thlir a, chutah le, Bawhhla chham vang vang thawm a hre ta! A phi ta cheng mai le..... !
Pasalṭha Selzama chuan, " Veta...ti teh le, Bawhhla han chham tawh rawh le...!" an ti a, chu thu zet zawng Herhzawl valrual ava tihlim tak em! Pasalṭha in an mahni khua a mi ngei hetia an tih hi chawimawi na a ni si! Pasalṭha tam tak chu an mahni ngeiin an an chham hmiah zel a ni si, he pasalṭha zet hi zawng hruaitu nih a tling hle a ni, chutah Veta, Laiveta chuan lungdawha ding chungin chu zan a ngaihla tawk leka thla eng zam raih hnuaiah chuan heti hian bawhhla chu kal raih hian an chham ta a,
" Arsi e thlapa chawh law,
Ralvawng zalang ka duhin e,
Hawihkawm e, thanglung ṭhawn ka do,
Rimnampa ka tlun e..."
An ti ta vang vang a, a silai an kap puak zui dur mai a le...! Chutah tlangval ho chuan an silai an han kap puak ve leh ta zawt zawt mai le! Khaw chhung mite an ṭhawng tho ngei ang le...! Chumi hnu chuan Herhzawl tlangval dangte chuan Bawhhla an han chham ve leh a, an ri ta le lu mai a! Herhzawl tlangval te tan zawng chawimawina ni, Nopui dawmni a thleng dawn ta! Rei lo teah khawchhung lam aṭangin an rawn chhawn ve ta, chu khua chuan hlimni an tawng ta! An nula ho lah zanrei sawi thei an ni lo, an arkeziak siam sa an lawmpa te ban tur chu an lo tuaihnum mawlh mawlh a, khawvar hun an va nghakhlel dawn tehlul em! Chutih rualin tute nge han vanduai ta tih an la hre mai si lo, inbuatsaih thlawn an awm ngei ang le! A ṭhen mittui kotu a ni thung dawn si a!
Pathlawi leh tlangval bengvar zual chuan thianglo lam an ngaihtuah tawh lova, an pasalṭhate an chhawl a hal ang tih hlauvin bel lian fe fe chu a rukin kawtchhuah lamah an pu ru phei ta thluah thluah mai le! Chu thil Bukbawngan a hmuh meuh chuan a lawm lutuk chu Darphawa nen chuan an inbuan fiam nawk nawk mai chu a ni.Pasalṭha te pawh an lo khi vei sung a, an lo hnar hauh lo a ni. Chu zan thla eng pawh chuan chung valrualte hlimna chu hriatpui ve ni awmin a lang a, arsi te pawh chuan an rawn bih ve dek dek mai ni hian alang hial a ni.Herhzawl khua zawngin mutmu an tuah thei kher lovang le! Lal te nupa pawh chu a inchhungah chuan an vei tuak sek mai chu a ni, hlim lo chi an ni miau lo, an fanu neihchhun Ngurpuii a lo kir dawn miau mai si a! Zawlbuk lam lah Silai an lo kap ve sek a, hlimna in thla a zar a ni.
Hetih lai mek hian Ngurpuii chuan Thanglura ṭhutna lam chu a pan a,a lo kun ngaih chu a hrethiam hle a ni.Thinlung lama inzawmna neih tawh meuh hi chuan rilru tur indawnpui hi inzawmna ti nghettu a ni miau mai si a! Ngurpuii chuan Thanglura va ṭhut hnaih sauh pah chuan,
" Kangzawlah min hruai daih mai ta che!" a ngaihla tawk leka melh chung chuan an ti a.
Mikawl pasalṭha meuh pawh chu Sailo Ngurpuii chuan a ti nem zo ta em ni le?
Pasalṭha Thanglura hmel ngui nghiai tawh chu...chu chhawrthla eng hnuaiah chuan hmuh theihin a danglam zo ta. Hmangaihna in nem taka mi a chhawn zawngin mi kawl thinlung pawh a no nghalh mai le, Ngurpuii hmel chu uluk fe a en chungin,
" Nguri ni rih lo ve, hun ṭha ala rawn inher em em ang...!" tia seih ralh a chhan meuh chuan rilru inhmu takin an han in melh ta vang vang a.Midang chu lawm leh phur phengin an ri laih laih a, an inbe thawm hria an ni lova, dam taka lusei rama Bawhhla chham theia an awm vang a ni,hetih lai hian Pasalṭha Selzama leh Chhunthanga an lo inbe ru ve mek thung... Thuruk an lo sawi dun a ni, an hun tawn a zirin an thu relruk chu ala langchhuak mahna! Heng pasalṭha te hian inlungduh takte tan hian thil tihsak an duh a ni.
Arsi an her a, chhawrthlapui pawn a kawlkil lam a pan ta, an nghahhleh khawvar hun a rawn inher chhuak dawn ta ale ...valrual ho an va hlim tehlul em! Bukbawnga leh Dara lah an chim chin alo sang ṭan tawh hle a, Aimawia phawk chhuak chuan Pazawna chu hui lauh lauhin,
" Ti teh Zawna, hei rual kan pawl pha dawn lo ....ṭan i han la teh ang, khaw nge kan Thana pawh hi....!" an ti lung lung mai a.
A ṭawngkam hrethiam chu an nui hak mai chu a ni! A phur zual lah chuan bawhhla an chham nawn ta reng mai! An mei chhehte lah chu han vur belh pawh an tum ta rih lo, khawvar a hnai ta a ni.
An nghahhlelh khua a rawn var ṭan ta....!
( chhunzawm tur)
( PASALṬHA THANPUIA)
M.Lusei Palian
........ ......... ...........
Hmangaihnaah chuan dinhmun inthlauhna hian hmun a luah chuan induhtawk lohna vang a ni ṭhin a, hmangaihna dik takah chuan duhlohte nena khuangchawi ai chuan duhtak te nena bahra laih pawh a thlang zawk hial ṭhin si a! Chu hmangaihna ah leh indona ah hi chuan thiang lo leh ramri kham chin reng hi a awm si lova, ramri kham theih ni hek lo le!
Rei mawi tawk an han chawlh hnu chuan kal an han siam leh ta a, Herhzawl tlangvalten hma an hruai ta char char a, Pasalṭha Thanglura pawh alamah an ṭan tak vek avang chuan Herhzawl luh ve phawt chu ṭha a ti ve ta a. Ngurpuii erawh a pen tau sawk sawk mai chu a ni. Chulah chu a hmuhnawm vei phian lawi si! Tlai ni tlak dawn suarah chuan Herhzawl an hnaih ta hle mai le, hmun ruam nuam lai deuhah chuan chawlin Bukbawnga chuan tlangval ho chu meichher tur te a siam lawk tir diam a. Ngurpuii leh Pasalṭha Thanglura erawh an la ṭawngchhuak lo thung, an inmelh leh ralh mai ṭhin chu a ni. Pasalṭha Chhunthanga leh Thanpuia chuan an fiam leh zauh ṭhin, an ni deuh chauh hian an fiam ngam a ni. Aimawia leh Pazawna lah chu Darphawa hovin an titi tui ṭhin khawp mai, thu sumkar em em an nei lo bawk a an ri leh huk ṭhin! A rim nam feih han sawi tur hi an hre hlawm khawp a, a chang leh an zai kal vei ruah ruah mai, tlangval ho lahin an khabe liam an chang ṭhap mai tawh si a! Chulai hmunah chuan zanriah buatsaih mai ni se an ti ta a, tlangval ho chu an che leh ta sang sang mai a. Thanpuia hian chet ve a tum apiangin an phalsak lo zel mai chu hrehawm a ti hle tawh mai! Pasalṭha tak tak angin an ngai hmiah tawh a a khawsak dan khan a zir viau mai bawk si, a chanchin an sawi pawhin Pasalṭha Thanpuia an ti deuh kher tawh a ni.
Riahbuk sual a ngai tawh lem lo va, tlangval ho chuan eirel pahin meichher tur an siam sauh sauh mai a, an pheikhai pawh a zang vah tawh a ni. Chutih lai chuan pasalṭha ho chu an han ṭhu khawm a, an bulah chuan Ngurpuii pawh ala ṭhu tau ve bar a. Pasalṭha Selzama chuan Bukbawnga leh Thanpuia a koh tir thuai a, an khaw aiawhin a mah awm tho mahse thil kalphung hre ve hrim hrim se a duh a ni. Khaw tin aiawh an awm far mai a, an thukhel chu an Silai man insem dan tur chu a ni. A bi lah chu a kim der si lo, a buaithlak viau dawn niin alang. Khaw nga lai chu an ni si a, Bawkmual aiawhin Darphawa zei lo fe chuan a ṭhu a, Kangzawl khaw aiawhin Pasalṭha Thanglura, Herhzawl aiawhin Lal fanu Ngurpuii leh Veta, Chawntui khaw aiawhin Pasalṭha Chhunthanga te an ni hlawm a. Pasalṭha Selzama Serzawl chu an hotu ber a ni a, khaw dang aiawhte ngaih dan an zawt kual hlawm a, an buai map mai chu a ni. Duham vanga buai an ni lo va, an silai man sa tam tham fe chu a chang tam bik khua nih an duh lo vek a, chutah sawm ṭheuh chuan insem mahse a chuang ala awm si a, chutak chu an buaina a ni. Chutah le Darphawa chuan thawh tharh pah chuan,
" A la chuang kha chu Serzawl leh Chawntui khua khan insem rawh se!" A ti vei khuk a, a kal ta daih mai a. Pasalṭha Thanglura pawm zawng tak a lo ni vei nen, Veta pawh chuan a pawm thu a lo sawi ve ta bawk a. An rel fel chu a ni ta, Pasalṭha Selzama pawh alawm kher mai, a khi suk a a rilru chuan Chawntui lam hian chang se a ti a ni. Chutah heti hian an ti a,
" Chhuna a chuang zawng kha i nauten lo ak ve rih se, kan la inzui rei dawn a, kan inṭhen dawnah kan insem ve leh mai a niang chu...!" a ti ta a. Pasalṭha Chhunthanga pawh chu a lo bu nghut a, an zo fel ta der mai chu a ni. Khaw tin aiawhte chu an lawm hle ṭheuh a ni. An hruaitu en a an en Pasalṭha Selzama thil phal zia leh zah taka an mahni a rawn thiam zia an chhut nauh nauh mai chu a ni.
Khaw thim hma chuan zanriah an han kil leh ta a, tlangval ho chuan an sanghal sarep thuk phum te, kawnglaka an tumbu lak an thuk thawlh te, hruizik kheh tur an hmuh ang ang chu hmehin puar takin an ei leh ta a. Bukbawnga leh Darphawa bawk chuan an ei leh thei phian mai chu a ni. An ni pawh a mawi tawk an ṭhut hnu chuan an tho ve leh ta a, vaibel la chhuak hlawmin an han zu leh rih a. Vaihlo nei bar pawh an awm tawh lo, Herhzawlah ṭham ngei an ngai dawn a ni. Unau hmel hai velah chuan kal an han siam leh a, muangchang chuan Herhzawl khua chu an pan ta nguah nguah mai a ni. Ngurpuii chu a hlim leh deuh tawh a ni mahna, a ṭawng ve leh siam siam thei tawh a ni. Hmeichhia te hi zawng an duhloh zawng an sawi chhuak rang ang mai hian a hlim leh rang ṭhin si a. Rei lo deuh hnu chuan ngaw chhung an lut leh ta a, zana hram chi nungcha an hram ta tliar tliar hlawm a. Rei lo deuh ah chuan thla pawh rawn engin ngaw karah a rawn zam lut raih tawh a, a lunglen thlak viau ngei ang le...!
Lenghnawt ar khuan lai vel chuan Herhzawl kawtchhuah an hnaih ta hle mai, tuibur hmuam da velah an thleng hman tawh ngei dawn a ni.Pasalṭha Selzama chuan Herhzawl tlangval Veta chu an ko va, a hmalamah chuan a kalpui ta a bawhhla chham tir ngei a tum a ni.Reilo teah chuan kawtchhuah Lungdawh an thleng ta, Pasalṭha Chhunthanga leh Darphawa te chuan an naute an inbuatsaih tir sauh sauh a.Hetiang hunah hian silai hi a zen chauh an thun a, vanvawr zawngin an kap puak ṭhin a ni.
Herhzawl lal Vanthanga, Vanthangngura( Lalngura tia sawi pawh an awm ṭhin) chu a lalin chhuatah chuan a vei nghat nghat a, pasalṭha ho an rawn hnaih tawh a ring hle a a awm hle hle thei tawh ngang lo a ni. A vaibel chu a fawp sek mai a, a nupui lalnu pawh va mu thei bik suh, an ring an fan uak uak reng mai chu a ni. Nula leh tlangval khua a awm ho pawh an mu thei lo, an lal fanu leh Pawih run pasalṭhate an ṭhiante an lawmpa te rawn thlen hun tur a ni si! Tlangval lamkal te khan he zan hian hlawhtling taka khua an rawn luhtur thu an rawn thlen ngei si a. He Herhzawl khua hian nghah an nei a ni! Lal Vanthanga chuan vaibel fawh sek pah chuan thla engin a chhun pawnlam chu an thlir a, chutah le, Bawhhla chham vang vang thawm a hre ta! A phi ta cheng mai le..... !
Pasalṭha Selzama chuan, " Veta...ti teh le, Bawhhla han chham tawh rawh le...!" an ti a, chu thu zet zawng Herhzawl valrual ava tihlim tak em! Pasalṭha in an mahni khua a mi ngei hetia an tih hi chawimawi na a ni si! Pasalṭha tam tak chu an mahni ngeiin an an chham hmiah zel a ni si, he pasalṭha zet hi zawng hruaitu nih a tling hle a ni, chutah Veta, Laiveta chuan lungdawha ding chungin chu zan a ngaihla tawk leka thla eng zam raih hnuaiah chuan heti hian bawhhla chu kal raih hian an chham ta a,
" Arsi e thlapa chawh law,
Ralvawng zalang ka duhin e,
Hawihkawm e, thanglung ṭhawn ka do,
Rimnampa ka tlun e..."
An ti ta vang vang a, a silai an kap puak zui dur mai a le...! Chutah tlangval ho chuan an silai an han kap puak ve leh ta zawt zawt mai le! Khaw chhung mite an ṭhawng tho ngei ang le...! Chumi hnu chuan Herhzawl tlangval dangte chuan Bawhhla an han chham ve leh a, an ri ta le lu mai a! Herhzawl tlangval te tan zawng chawimawina ni, Nopui dawmni a thleng dawn ta! Rei lo teah khawchhung lam aṭangin an rawn chhawn ve ta, chu khua chuan hlimni an tawng ta! An nula ho lah zanrei sawi thei an ni lo, an arkeziak siam sa an lawmpa te ban tur chu an lo tuaihnum mawlh mawlh a, khawvar hun an va nghakhlel dawn tehlul em! Chutih rualin tute nge han vanduai ta tih an la hre mai si lo, inbuatsaih thlawn an awm ngei ang le! A ṭhen mittui kotu a ni thung dawn si a!
Pathlawi leh tlangval bengvar zual chuan thianglo lam an ngaihtuah tawh lova, an pasalṭhate an chhawl a hal ang tih hlauvin bel lian fe fe chu a rukin kawtchhuah lamah an pu ru phei ta thluah thluah mai le! Chu thil Bukbawngan a hmuh meuh chuan a lawm lutuk chu Darphawa nen chuan an inbuan fiam nawk nawk mai chu a ni.Pasalṭha te pawh an lo khi vei sung a, an lo hnar hauh lo a ni. Chu zan thla eng pawh chuan chung valrualte hlimna chu hriatpui ve ni awmin a lang a, arsi te pawh chuan an rawn bih ve dek dek mai ni hian alang hial a ni.Herhzawl khua zawngin mutmu an tuah thei kher lovang le! Lal te nupa pawh chu a inchhungah chuan an vei tuak sek mai chu a ni, hlim lo chi an ni miau lo, an fanu neihchhun Ngurpuii a lo kir dawn miau mai si a! Zawlbuk lam lah Silai an lo kap ve sek a, hlimna in thla a zar a ni.
Hetih lai mek hian Ngurpuii chuan Thanglura ṭhutna lam chu a pan a,a lo kun ngaih chu a hrethiam hle a ni.Thinlung lama inzawmna neih tawh meuh hi chuan rilru tur indawnpui hi inzawmna ti nghettu a ni miau mai si a! Ngurpuii chuan Thanglura va ṭhut hnaih sauh pah chuan,
" Kangzawlah min hruai daih mai ta che!" a ngaihla tawk leka melh chung chuan an ti a.
Mikawl pasalṭha meuh pawh chu Sailo Ngurpuii chuan a ti nem zo ta em ni le?
Pasalṭha Thanglura hmel ngui nghiai tawh chu...chu chhawrthla eng hnuaiah chuan hmuh theihin a danglam zo ta. Hmangaihna in nem taka mi a chhawn zawngin mi kawl thinlung pawh a no nghalh mai le, Ngurpuii hmel chu uluk fe a en chungin,
" Nguri ni rih lo ve, hun ṭha ala rawn inher em em ang...!" tia seih ralh a chhan meuh chuan rilru inhmu takin an han in melh ta vang vang a.Midang chu lawm leh phur phengin an ri laih laih a, an inbe thawm hria an ni lova, dam taka lusei rama Bawhhla chham theia an awm vang a ni,hetih lai hian Pasalṭha Selzama leh Chhunthanga an lo inbe ru ve mek thung... Thuruk an lo sawi dun a ni, an hun tawn a zirin an thu relruk chu ala langchhuak mahna! Heng pasalṭha te hian inlungduh takte tan hian thil tihsak an duh a ni.
Arsi an her a, chhawrthlapui pawn a kawlkil lam a pan ta, an nghahhleh khawvar hun a rawn inher chhuak dawn ta ale ...valrual ho an va hlim tehlul em! Bukbawnga leh Dara lah an chim chin alo sang ṭan tawh hle a, Aimawia phawk chhuak chuan Pazawna chu hui lauh lauhin,
" Ti teh Zawna, hei rual kan pawl pha dawn lo ....ṭan i han la teh ang, khaw nge kan Thana pawh hi....!" an ti lung lung mai a.
A ṭawngkam hrethiam chu an nui hak mai chu a ni! A phur zual lah chuan bawhhla an chham nawn ta reng mai! An mei chhehte lah chu han vur belh pawh an tum ta rih lo, khawvar a hnai ta a ni.
An nghahhlelh khua a rawn var ṭan ta....!
( chhunzawm tur)
Chhiar a van manhla ve awww
ReplyDeleteChhiat a van manhla ve awww
ReplyDeleteChhiar
ReplyDelete