LUNGRENG NGÃW..S-3...(19)...
LUNGRENG NGÂW...S-3....19 ..
( PASALṬHA THANPUIA)
M.Lusei Palian
........ ......... ...........
A rawn hnai zel a, Mei eng in a chhun phak chin a rawn thleng chu le.! A mitmeng chu a lo var ta vek mai chu niin..! An darh ta hak mai le! Rochhuma lah chu rawn kal phei turh turhin meipui bulah chuan a ṭhu luau mai a, engmah ala sawi lo. A taksa chu Rochhuma ngei ni mahse, a chet dan hi Rochhuma a ni hauh lo. Chutah a tho thurh a, sarep tul khat a ban a, sahrang chu a hmawm ta mai le! A ṭhial ri ta ruap ruap a. Pasalṭha Chhunthanga ngaih dan a ni ta hauh lo, va kal hnaiin...
" Eng tizia nge ni...Chhuma i harh em!" tih pah chuan a darah va khawih a tum a, chu veleh Rochhuma chu zuang thutin Tuilak lui lam chu a pan ta a, a zuang ta vak vak mai le! Hmuh phak loh chinah chuan a zuang liam ta! Chu veleh an chhehvelah chuan an rawn kuk zui ta chuah chuah mai le! Pasalṭha Chhunthanga chuan rang fe hian,
" Mei kha chhawm ṭha u la, tumah kha kal hrang hauh suh ang che u...!" a ti zui tuar a. Amah pawh chu a inring hle mai le! Chutih lai tak chuan thli lum fe chu an thaw leh ta vuk vuk mai le! An hmanrua ṭheuh chuhin an ding khawm ta far mai le! Rochhuma rawn haw dan chu a ngaih ṭhat thlak loh hle a, an mang chu a ti ang takzet a ni.
" Thanpui, i ṭhianten buaina an tawk dawn e,kir tawh rawh le...an ngaihtuah viau tawh che a nia...!" Chawngmawii chuan a ti chhuak ta a. Thanpuia chu rang fe chuan a ding zui nghal zat a...! Chu lasi nula hmel ṭha tak chu an thlir nawn leh a, kam ṭha a thlahin rang fe chuan an riahbuk lam chu a pan ta nghal a.
Riahbuk an thleng thla chu a ṭhiante an hriamhrei nena an lo ding khawm far an hmuh chuan chanchin an zawt thuai a. Rochhuma chanchin chu Pazawna chuan a lo hrilh vat a. An ngaih reng a ṭha thei tawh lo! Ngaih ṭhatna chi va ni hawt lo chuan.... Thanpuia chuan Rochhuma chu an chan tawh tih a hrethiam ta! Mei chu han chhawm belh sauh sauhin sarepte pawh an han ur leh a. Van lamah lah chuan arsi te lang miah lovin thla pawh a lang hauh si lo, hunbi hriat ahar hle mai a ni. Buk tuala rei fe an ṭhut hnu chuan chhum var chu an buk chheh velah a rawn zam ta chiai chiai a. Chung thil Pasalṭha Chhunthangan a hmuh chuan a kiai sak a, Thanpuia pawh chuan an ṭhianten an rawn veng tih a hrethiam a. Aw an thian a,
" Ti ru.....mut zai i rel teh ang u, hetia han awm ngawt zia a ni lo ve, khawvar hunah Rochhuma pawh kan zawng tur lah ni, zanah chuan ngaw pui hi a chhah e mai! I hahdam tlang phawt ang u!" a ti chhuak ta a. Pasalṭha Chhunthanga pawh chuan lo tuihnih ve in mut zai an rel ta! An sarep pawh chu changel hnah chuan an khuh ṭha vek a, an salu pawh chu an dah uluk ngang mai! Khuanu in hring fate tana chawlh hahdamna hun a siamah chuan chawlh hahdam an tum ta rih a. An rilru erawh a nuam thei hauh lo a ni. Thawm erawh an hre zui lo na a, tui taka mut chu a har an ti hle hlawm a ni. An ṭhuchhuak leh hlawl ṭhin.
.......... ........ ...........
Serzawl lamah ve thung chuan....Pasalṭha Thanzinga chuan a fapa te chu a ngaihtuah ve hle a, a lo ngaihtuah ve leh rauh rauh ṭhin! Zan thum lai an thang ta a, chu ngaw puiah chuan an him nge him lo tih chu a rilru luahtu ber a ni. Pasalṭha Chhunthanga Chawntui mikawl a tel ve na a, a ngaihtuah erawh a na viau thung si! Tumpangchal chu an va kap thei tehreng a ngem? tihte chu a suangtuah ber a ni. A fapa hian Tumpangchal a rawn kah chuan thang a chhuah khalh dawn a ni. A ni zawngin a kap thei ngang lo a ni. Tumpangchal kap tura an dah chuan tlemin a rilru a hlim leh deuh a!
Lal fanu Saipuii chuan zan tir lama upa hovin Lungreng ngaw chanchin an sawi an ngaihtuah let a. Zanmu a chhing thei ta hauh lo mai, hmun ṭihawm berah Thanpuia te an thang a ni si! A thla a muang thei hauh lo, a tirah khan lo hre ve ngat se zawng kal lo tur khan a ti ngei awm si a. Thinlung luahtute thangna chin a ralṭit poh leh ngaihtuah a na a, dawn veng veng a awl hle si! Chin hriat loh rei poh leh ngaihtuahna a luh ngut ngut zawng a ni e. Ni he lal nula hi ngaih ṭha a awm thei a ni lo, a thinlung luahtu Thanpuia te va ṭuannaah hian pasalṭha te damin an kir ngai si lo! Banga a hmawlhte thiah an thlir leh ngawt ṭhin a, zan thum lai an thang tawh tih a hria a. He an khaw pasalṭha hi alokir leh a ngem le? Chu zawhna erawh chhan mai theih chi a la ni lo a ni.
........... ............ ...........
Varṭianah meuh chuan Lungreng ngaw chhunga awm mek pasalṭhate chuan an hmanrua an endik far tawh hlawm a. Tukṭhuan bar zawhah a hma nia Rochhuma hnu an chhui dawn a ni. Tlangval te chuan tukṭhuan an han bawl vat vat hlawm a. Buk nghak bik pawh awm lovin an vai chhuah dawn a ni. Ni pawh a rawn chhuak ta, ngaw kara ni zung rawn zamlut raihte chu a ṭihawm thei deuh titih ta! Tukṭhuan an han bar chu hmeh an neih ṭhat tehlul nen an ei tam thei meuh lo a ni. Sakhi chek chu an hawp ri hruih hruih ngawt mai a ni. Chaw chhun tur an bawk a, Rochhuma zawng tur chuan an chhuak ta! Vunga chuan hma a hruai a, an zui ta hlawm a. Ngaw ril lam thui tak an kal hnu chuan Vunga chu a ding ta chat a, Rochhuma nena an inṭhenna hmun a ni tih chu a sawi ta a. Pasalṭha Thanpuia chuan hma a hruai ve ta... Rochhuma hnu chu an chhui an chhui kual ta, a chang leh a hnu chu an hloh thul! Hmun hniha an inṭhen ta a, Pasalṭha Chhunthanga mi pathum a hruai a, Thanpuian pathum a hruai ve bawk a, Lungreng ngaw chhungah chuan Rochhuma an zawng ta tak tak mai le! Chawhma chhung an vak kual ta, hmuh tih reng an nei lo, a hnu chhui hleihtheih ni hek lo le.... an kual an kual mai chu a ni.
Thanpuia te chuan chaw an han fak a, vaibel te zu in an ṭhumuang ta rih a. An zingah chuan Vunga chu a tel ve a, a ni hi Khamlairang khua kha a ni.Vunga chuan,
" He lungreng ngaw a bo reng reng hi an khuangcher bo hmiah zel chu a nia! A mak ngawt mai! Ngengkhuai lama puk khu ka ring ber mai! Kha lai hmun aṭang khan a nia, zana eng rawn chhuah ṭhinna chu...!" a rawn tichhuak ta a.
Thanpuia ha hawlh zawng tak a ni,
" Han sawi chiang deuh teh... Ngengkhuai puk chu khawi laiah nge a awm!" a ti chhuak hlawl mai a.
Vunga chuan Thanpuia melh pah chuan,
" Purun tlang ep lam saw a nia, Maicham lui aṭang bakin ka la thlir bik lo va, kan awmna aṭang hi chuan tlak lam a ni mah ang..! Mahse....chulai hmuna kal tawh an rawn kir ngai tawh lo...." a ti chhuak a.
Thanpuia chu a thaw hawk a, "va chian tur a nih chu...!" a ti chhuak a. A mitmeng lo thlir rengtu tan zawng a ti mai mai lo tih a hriat hle mai le!
Chutih lai chuan an chhak lawkah pasalṭha Chhunthanga leh a hote pawh an rawn ri ve ta a. An han in au khawm leh rih a. Thanpuia chuan Pasalṭha Chhunthanga hnenah chuan Vunga hnen aṭanga an thu hriat chu a hrilh ta a. A ner ve nung mai le! An pahnih chuan an han inbe fal leh rih a. Chutah pasalṭha Chhunthanga chuan Aimawia chu an melh a,
" Aimawi, hei Ngengkhuai puk pasalṭha Thanpuia nen kan va luhchhuah ang a, naktuk zan thleng min lo ngaichang u la, kan lokir ta lo a nih chuan kan naute hi i lo haw pui tawh mai a niang chu....min hnial lo la...lo fimkhur u la, a huho zelin awm ang che u!" ati chhuak ta a. Aimawia thil duh lo ber a thleng ta! Pasalṭha Chhunthanga han melh pah chuan,
" Eh...a ṭul leh kan vaiin kan luhchhuah mai tur lah ni! Chutiang ngawt a ni thei lovang..!" a ti ve bui bui mai a.
Pasalṭha Thanpuia a rawn ṭawng chhuak ve ta..." U Aimawi...kan lo kir ta lo a nih chuan hei kan ṭhiante nen hian inkir ang a, lokir leh chu kan tum dawn a ni. Kham kar a ni dawn si a, kan vaia kal chu a him lo a ni!" a rawn ti ve leh a.
Pazawna pawh a lung chu a awi thei meuh lo a ni. Rochhuma zawn tawh loh mai chu a duh rum rum tawh a, inchan belh leh hma a khaw lam pan a duh rum rum tawh a, awm lo a ni bik si lo. Chutah Khamlairang tlangval Sawia chuan,
" Aw le....kan pasalṭhate hi ka ring tawk a, an lo kir leh em em ang....! ( Thanpuia te lam a hawi a) Va luhchhuah u la, huai zawng zawng va hnawt bo ang che u. Keini lam chu min ngaihtuah hauh suh ang che u, ramchin chu kan hria e..." a ti ve ta khauh mai a.
Thu tam an sawi thei tawh lo, an inmelh sek mai chu a ni. Pasalṭha Chhunthanga chuan hma a hruai a, an kal liam thleng chuan an thlir a, an liam hnu chuan riahbuk lam chu an pan ve ta a ni. Pasalṭha Chhunthanga chu a kal thei phian mai a, hmun thengthaw nuam lai an thleng ta, an han hawi kual a. An hma lawka Purun Tlang chu alang chiang ta takzet mai, an thlir dun vang vang a. Sawi chhuak lem lo mahse Saza leh Sathar an tam ang tih chu an hre mai a. Chu tlaini in Purun Tlang an chhun raih mai chu a boruakin a zir bawk a, a ṭihawm takzet a ni. Ngengkhuai lam chu an hnaih takzet tawh a, kham chungah chuan an awm ta. Lasi te thlir nin loh lusei tlangval ṭhian chhan thihngam te chuan an ṭhian tan nun hlan huamin Huai an luhchilh dawn ta!
Kham Huai leh Puk huaite chuan Rulpui lian em em taksaah lutin chung mihrang pahnih te chu lo dah bo ngei an tum ve bawk a. Hetia an puk pui ber an rawn hnaih ngam hi an thin a lo rim ve takzet tawh a. Kir tawh ngai lo tura lo dah bo chu an tum hle a ni. Kham panga puk chu mihrang pahnih te chuan an hnaih thla hriau hriau a, an kawi hrui chhah chu an han suih nghet sauh sauh a, an uai thla leh ta! Chutih lai tak chuan thli hi a rawn tleh chiam ta mai le.... ! Thli pui lum huam chuan a rawn nuai ta tak tak a, tlak hlauhawm si...Kham bekberek a ni si! Pasalṭha te pahnih chuan an hun tawn chu khirh an ti ve takzet a ni. Chutih rual chuan zamna leh hlauhna an nei hauh lo va, boruak awm dan a ṭang chuan a kal tumna chu a thlawn dawn lo niin an phur telh telh zawk a! Puk kotlang an thleng thla ta....an han in melh dun a, an khi sak mai le! Silai akin chempui an hum a, Ngengkhuai puk ah chuan an zuang lut ta!
Puk chhung rim chu a na takzet a, a uih thang nghur mai a, tawrh a har takzet mai le, chu puk chu a lo zau hle mai a! Bak lian fe fe hi a rawn thlawk kual ta chiam mai le! An chik nghur nghur mai, an buzawl rawn luhchhuahtute chu lo ngaithei lo niawm fahran chuan an su thawi thuak thuak ta a le...pasalṭhate ngaih dan a ni hauh lo, an chempui chuan an lo vai thla tawp tawp mai a ni. Chutah le, puk chhung lungbang aṭang chuan a aia tam leh lian zawk bak chu an rawn thlawk ta fua fua mai le! Chet ran a ngai ta talzet mai le, an chempui chu an vai tle zawk zawk ta mai! Inthlahdul a thiang ta hauh lo mai le, pasalṭha te pawh chu an thaw a sa ṭan ta viau a, mahse tumruhna leh huaisenna a thuam a ni miau a, chau thiang an ni lo. Chung Bak lian pui pui mai chu an that zo ta, puk kotlangah an va dak a, thawk an la dun ta ham ham mai le! Rei lote emaw an tih chhung khan khua a lo thim lek lek tawh a lo ni! Puk chhungril lam aṭang chuan thawm an hre leh ta...! Inring fe chuan an hawi phei nghal thuai a, meichher chhit tur takngial pawh an keng si lo chu an tisual ta hle mai le! Hmuh theih loh thahrui chak fe chuan Thanpuia chu puk bang deng dawtin a peih leng ta...Pasalṭha Chhunthanga pawh a bang bik hauh lo....! Ding chhuak vatin an rin lai lai chu an han vai tak na a, Thanpuia chu a leng leh ta lawp........
( chhunzawm tur)
( PASALṬHA THANPUIA)
M.Lusei Palian
........ ......... ...........
A rawn hnai zel a, Mei eng in a chhun phak chin a rawn thleng chu le.! A mitmeng chu a lo var ta vek mai chu niin..! An darh ta hak mai le! Rochhuma lah chu rawn kal phei turh turhin meipui bulah chuan a ṭhu luau mai a, engmah ala sawi lo. A taksa chu Rochhuma ngei ni mahse, a chet dan hi Rochhuma a ni hauh lo. Chutah a tho thurh a, sarep tul khat a ban a, sahrang chu a hmawm ta mai le! A ṭhial ri ta ruap ruap a. Pasalṭha Chhunthanga ngaih dan a ni ta hauh lo, va kal hnaiin...
" Eng tizia nge ni...Chhuma i harh em!" tih pah chuan a darah va khawih a tum a, chu veleh Rochhuma chu zuang thutin Tuilak lui lam chu a pan ta a, a zuang ta vak vak mai le! Hmuh phak loh chinah chuan a zuang liam ta! Chu veleh an chhehvelah chuan an rawn kuk zui ta chuah chuah mai le! Pasalṭha Chhunthanga chuan rang fe hian,
" Mei kha chhawm ṭha u la, tumah kha kal hrang hauh suh ang che u...!" a ti zui tuar a. Amah pawh chu a inring hle mai le! Chutih lai tak chuan thli lum fe chu an thaw leh ta vuk vuk mai le! An hmanrua ṭheuh chuhin an ding khawm ta far mai le! Rochhuma rawn haw dan chu a ngaih ṭhat thlak loh hle a, an mang chu a ti ang takzet a ni.
" Thanpui, i ṭhianten buaina an tawk dawn e,kir tawh rawh le...an ngaihtuah viau tawh che a nia...!" Chawngmawii chuan a ti chhuak ta a. Thanpuia chu rang fe chuan a ding zui nghal zat a...! Chu lasi nula hmel ṭha tak chu an thlir nawn leh a, kam ṭha a thlahin rang fe chuan an riahbuk lam chu a pan ta nghal a.
Riahbuk an thleng thla chu a ṭhiante an hriamhrei nena an lo ding khawm far an hmuh chuan chanchin an zawt thuai a. Rochhuma chanchin chu Pazawna chuan a lo hrilh vat a. An ngaih reng a ṭha thei tawh lo! Ngaih ṭhatna chi va ni hawt lo chuan.... Thanpuia chuan Rochhuma chu an chan tawh tih a hrethiam ta! Mei chu han chhawm belh sauh sauhin sarepte pawh an han ur leh a. Van lamah lah chuan arsi te lang miah lovin thla pawh a lang hauh si lo, hunbi hriat ahar hle mai a ni. Buk tuala rei fe an ṭhut hnu chuan chhum var chu an buk chheh velah a rawn zam ta chiai chiai a. Chung thil Pasalṭha Chhunthangan a hmuh chuan a kiai sak a, Thanpuia pawh chuan an ṭhianten an rawn veng tih a hrethiam a. Aw an thian a,
" Ti ru.....mut zai i rel teh ang u, hetia han awm ngawt zia a ni lo ve, khawvar hunah Rochhuma pawh kan zawng tur lah ni, zanah chuan ngaw pui hi a chhah e mai! I hahdam tlang phawt ang u!" a ti chhuak ta a. Pasalṭha Chhunthanga pawh chuan lo tuihnih ve in mut zai an rel ta! An sarep pawh chu changel hnah chuan an khuh ṭha vek a, an salu pawh chu an dah uluk ngang mai! Khuanu in hring fate tana chawlh hahdamna hun a siamah chuan chawlh hahdam an tum ta rih a. An rilru erawh a nuam thei hauh lo a ni. Thawm erawh an hre zui lo na a, tui taka mut chu a har an ti hle hlawm a ni. An ṭhuchhuak leh hlawl ṭhin.
.......... ........ ...........
Serzawl lamah ve thung chuan....Pasalṭha Thanzinga chuan a fapa te chu a ngaihtuah ve hle a, a lo ngaihtuah ve leh rauh rauh ṭhin! Zan thum lai an thang ta a, chu ngaw puiah chuan an him nge him lo tih chu a rilru luahtu ber a ni. Pasalṭha Chhunthanga Chawntui mikawl a tel ve na a, a ngaihtuah erawh a na viau thung si! Tumpangchal chu an va kap thei tehreng a ngem? tihte chu a suangtuah ber a ni. A fapa hian Tumpangchal a rawn kah chuan thang a chhuah khalh dawn a ni. A ni zawngin a kap thei ngang lo a ni. Tumpangchal kap tura an dah chuan tlemin a rilru a hlim leh deuh a!
Lal fanu Saipuii chuan zan tir lama upa hovin Lungreng ngaw chanchin an sawi an ngaihtuah let a. Zanmu a chhing thei ta hauh lo mai, hmun ṭihawm berah Thanpuia te an thang a ni si! A thla a muang thei hauh lo, a tirah khan lo hre ve ngat se zawng kal lo tur khan a ti ngei awm si a. Thinlung luahtute thangna chin a ralṭit poh leh ngaihtuah a na a, dawn veng veng a awl hle si! Chin hriat loh rei poh leh ngaihtuahna a luh ngut ngut zawng a ni e. Ni he lal nula hi ngaih ṭha a awm thei a ni lo, a thinlung luahtu Thanpuia te va ṭuannaah hian pasalṭha te damin an kir ngai si lo! Banga a hmawlhte thiah an thlir leh ngawt ṭhin a, zan thum lai an thang tawh tih a hria a. He an khaw pasalṭha hi alokir leh a ngem le? Chu zawhna erawh chhan mai theih chi a la ni lo a ni.
........... ............ ...........
Varṭianah meuh chuan Lungreng ngaw chhunga awm mek pasalṭhate chuan an hmanrua an endik far tawh hlawm a. Tukṭhuan bar zawhah a hma nia Rochhuma hnu an chhui dawn a ni. Tlangval te chuan tukṭhuan an han bawl vat vat hlawm a. Buk nghak bik pawh awm lovin an vai chhuah dawn a ni. Ni pawh a rawn chhuak ta, ngaw kara ni zung rawn zamlut raihte chu a ṭihawm thei deuh titih ta! Tukṭhuan an han bar chu hmeh an neih ṭhat tehlul nen an ei tam thei meuh lo a ni. Sakhi chek chu an hawp ri hruih hruih ngawt mai a ni. Chaw chhun tur an bawk a, Rochhuma zawng tur chuan an chhuak ta! Vunga chuan hma a hruai a, an zui ta hlawm a. Ngaw ril lam thui tak an kal hnu chuan Vunga chu a ding ta chat a, Rochhuma nena an inṭhenna hmun a ni tih chu a sawi ta a. Pasalṭha Thanpuia chuan hma a hruai ve ta... Rochhuma hnu chu an chhui an chhui kual ta, a chang leh a hnu chu an hloh thul! Hmun hniha an inṭhen ta a, Pasalṭha Chhunthanga mi pathum a hruai a, Thanpuian pathum a hruai ve bawk a, Lungreng ngaw chhungah chuan Rochhuma an zawng ta tak tak mai le! Chawhma chhung an vak kual ta, hmuh tih reng an nei lo, a hnu chhui hleihtheih ni hek lo le.... an kual an kual mai chu a ni.
Thanpuia te chuan chaw an han fak a, vaibel te zu in an ṭhumuang ta rih a. An zingah chuan Vunga chu a tel ve a, a ni hi Khamlairang khua kha a ni.Vunga chuan,
" He lungreng ngaw a bo reng reng hi an khuangcher bo hmiah zel chu a nia! A mak ngawt mai! Ngengkhuai lama puk khu ka ring ber mai! Kha lai hmun aṭang khan a nia, zana eng rawn chhuah ṭhinna chu...!" a rawn tichhuak ta a.
Thanpuia ha hawlh zawng tak a ni,
" Han sawi chiang deuh teh... Ngengkhuai puk chu khawi laiah nge a awm!" a ti chhuak hlawl mai a.
Vunga chuan Thanpuia melh pah chuan,
" Purun tlang ep lam saw a nia, Maicham lui aṭang bakin ka la thlir bik lo va, kan awmna aṭang hi chuan tlak lam a ni mah ang..! Mahse....chulai hmuna kal tawh an rawn kir ngai tawh lo...." a ti chhuak a.
Thanpuia chu a thaw hawk a, "va chian tur a nih chu...!" a ti chhuak a. A mitmeng lo thlir rengtu tan zawng a ti mai mai lo tih a hriat hle mai le!
Chutih lai chuan an chhak lawkah pasalṭha Chhunthanga leh a hote pawh an rawn ri ve ta a. An han in au khawm leh rih a. Thanpuia chuan Pasalṭha Chhunthanga hnenah chuan Vunga hnen aṭanga an thu hriat chu a hrilh ta a. A ner ve nung mai le! An pahnih chuan an han inbe fal leh rih a. Chutah pasalṭha Chhunthanga chuan Aimawia chu an melh a,
" Aimawi, hei Ngengkhuai puk pasalṭha Thanpuia nen kan va luhchhuah ang a, naktuk zan thleng min lo ngaichang u la, kan lokir ta lo a nih chuan kan naute hi i lo haw pui tawh mai a niang chu....min hnial lo la...lo fimkhur u la, a huho zelin awm ang che u!" ati chhuak ta a. Aimawia thil duh lo ber a thleng ta! Pasalṭha Chhunthanga han melh pah chuan,
" Eh...a ṭul leh kan vaiin kan luhchhuah mai tur lah ni! Chutiang ngawt a ni thei lovang..!" a ti ve bui bui mai a.
Pasalṭha Thanpuia a rawn ṭawng chhuak ve ta..." U Aimawi...kan lo kir ta lo a nih chuan hei kan ṭhiante nen hian inkir ang a, lokir leh chu kan tum dawn a ni. Kham kar a ni dawn si a, kan vaia kal chu a him lo a ni!" a rawn ti ve leh a.
Pazawna pawh a lung chu a awi thei meuh lo a ni. Rochhuma zawn tawh loh mai chu a duh rum rum tawh a, inchan belh leh hma a khaw lam pan a duh rum rum tawh a, awm lo a ni bik si lo. Chutah Khamlairang tlangval Sawia chuan,
" Aw le....kan pasalṭhate hi ka ring tawk a, an lo kir leh em em ang....! ( Thanpuia te lam a hawi a) Va luhchhuah u la, huai zawng zawng va hnawt bo ang che u. Keini lam chu min ngaihtuah hauh suh ang che u, ramchin chu kan hria e..." a ti ve ta khauh mai a.
Thu tam an sawi thei tawh lo, an inmelh sek mai chu a ni. Pasalṭha Chhunthanga chuan hma a hruai a, an kal liam thleng chuan an thlir a, an liam hnu chuan riahbuk lam chu an pan ve ta a ni. Pasalṭha Chhunthanga chu a kal thei phian mai a, hmun thengthaw nuam lai an thleng ta, an han hawi kual a. An hma lawka Purun Tlang chu alang chiang ta takzet mai, an thlir dun vang vang a. Sawi chhuak lem lo mahse Saza leh Sathar an tam ang tih chu an hre mai a. Chu tlaini in Purun Tlang an chhun raih mai chu a boruakin a zir bawk a, a ṭihawm takzet a ni. Ngengkhuai lam chu an hnaih takzet tawh a, kham chungah chuan an awm ta. Lasi te thlir nin loh lusei tlangval ṭhian chhan thihngam te chuan an ṭhian tan nun hlan huamin Huai an luhchilh dawn ta!
Kham Huai leh Puk huaite chuan Rulpui lian em em taksaah lutin chung mihrang pahnih te chu lo dah bo ngei an tum ve bawk a. Hetia an puk pui ber an rawn hnaih ngam hi an thin a lo rim ve takzet tawh a. Kir tawh ngai lo tura lo dah bo chu an tum hle a ni. Kham panga puk chu mihrang pahnih te chuan an hnaih thla hriau hriau a, an kawi hrui chhah chu an han suih nghet sauh sauh a, an uai thla leh ta! Chutih lai tak chuan thli hi a rawn tleh chiam ta mai le.... ! Thli pui lum huam chuan a rawn nuai ta tak tak a, tlak hlauhawm si...Kham bekberek a ni si! Pasalṭha te pahnih chuan an hun tawn chu khirh an ti ve takzet a ni. Chutih rual chuan zamna leh hlauhna an nei hauh lo va, boruak awm dan a ṭang chuan a kal tumna chu a thlawn dawn lo niin an phur telh telh zawk a! Puk kotlang an thleng thla ta....an han in melh dun a, an khi sak mai le! Silai akin chempui an hum a, Ngengkhuai puk ah chuan an zuang lut ta!
Puk chhung rim chu a na takzet a, a uih thang nghur mai a, tawrh a har takzet mai le, chu puk chu a lo zau hle mai a! Bak lian fe fe hi a rawn thlawk kual ta chiam mai le! An chik nghur nghur mai, an buzawl rawn luhchhuahtute chu lo ngaithei lo niawm fahran chuan an su thawi thuak thuak ta a le...pasalṭhate ngaih dan a ni hauh lo, an chempui chuan an lo vai thla tawp tawp mai a ni. Chutah le, puk chhung lungbang aṭang chuan a aia tam leh lian zawk bak chu an rawn thlawk ta fua fua mai le! Chet ran a ngai ta talzet mai le, an chempui chu an vai tle zawk zawk ta mai! Inthlahdul a thiang ta hauh lo mai le, pasalṭha te pawh chu an thaw a sa ṭan ta viau a, mahse tumruhna leh huaisenna a thuam a ni miau a, chau thiang an ni lo. Chung Bak lian pui pui mai chu an that zo ta, puk kotlangah an va dak a, thawk an la dun ta ham ham mai le! Rei lote emaw an tih chhung khan khua a lo thim lek lek tawh a lo ni! Puk chhungril lam aṭang chuan thawm an hre leh ta...! Inring fe chuan an hawi phei nghal thuai a, meichher chhit tur takngial pawh an keng si lo chu an tisual ta hle mai le! Hmuh theih loh thahrui chak fe chuan Thanpuia chu puk bang deng dawtin a peih leng ta...Pasalṭha Chhunthanga pawh a bang bik hauh lo....! Ding chhuak vatin an rin lai lai chu an han vai tak na a, Thanpuia chu a leng leh ta lawp........
( chhunzawm tur)
A van den ta em
ReplyDelete