LUNGRENG NGÂW..S-3..(16)..
LUNGRENG NGÂW...S-3....16...
( PASALṬHA THANPUIA)
M.Lusei Palian
........ ......... ...........
A awmna hmun chu an chian a, e heu leh....a mumang lama Sazuk ki eng sen phut a hmuhna hmun kha a ni ngat mai le! A hma lam an hawi leh chiah chu le....! Lasi nula hmel ṭha Chawngmawii a lo ding vang mai le! Thanpuia chu a nuih sak a, a hmel chu hlimna chhumpuiin a nuai vel tih chu a hriattheih a ni. Hun rei tak chhung inhmu tawh lo an ni a, Thanpuia pawh chuan a silai chu a dah thla riai riai a, Chawngmawii chu a rawn ṭawngchhuak ta,
" Thanpui, in hmuh loh khua ava reiin ava sei ngai em! Hahdam teh, he ngaw a in lo luhchhan hi ka hria a, inlo kal dawn tih ka hriat avangin ka lo thlir reng ṭhin che u asin!" a rawn tichhuak a. A aw te lah chu tliangmawi tak darlai ri ang mai lah ni a!
Thanpuia chuan mak tih hmel tak chuan a thlir vang vang a, a hma zan lamte, tlai lamah te khan a hmu thei reng reng si lo! Tunah lem a hmaah a rawn ding leh zan lawi si hi a mak a ni. Chu nula chuan mit la sawn hauh lovin Thanpuia chu a la melh reng mai a ni, a thinlung hria ni awm chuan a rawn ṭawngchhuak leh ta a,
" Ti teh, Thanpui...kan chhak lawkah khian Fangfar puk a awm a, i pan teh ang...i zawhna zawng zawng ka chhang dawn nia!" a ti chhuak a. Amah chu a inher nghal zat a.
Thanpuia chuan he nula hi atan a hlauhawm loh tih a hrechiang a, a zui chho ve ta, a thinlung hi eng emaw ti tak hian a awm na a, amah pawh chuan a hrethiam bik chiah lo a ni. Kar lovah Fangfar puk an thleng chho ta! Muangchang chuan ṭhut zai an han rel a, Thanpuia chuan Chawngmawii han melh pah chuan,
" Nimin tlai lam leh nizan lamte khan ka hmu thei hauh si lo che a, tunah lah hei ka bulah i awm leh si!" a chhanna nghak chuan a melh ralh a, a sawi chhawhchhi nuai lah ni, he pasalṭha pawh hi Chawngmawii lasi nula hmel ṭha lui eltiang hmaah chuan eng ruai a ni bik lo a ni mahna! Chawngmawii chu a nui har har a, ngaih huat tura nui a ni hauh si lo! A rawn chhang ta...
" Ni e, nizan lama inriahna kha Kham huai ho leh thing huai ho hmun pawimawh a ni a,an thiltihtheihna in a hliah tlat si che u a, kan hmu thei bik hauh lo che u asin! Tuna kan awmna lai hi chu ram thiang chin a ni a, in riahbuk pawh sawn intum tho va, helamah hian rawn chho ang che u, tichuan tibuaitu in nei tlem sawt ang. Tin, Thana...he lungreng ngaw hian chanchin a ngah em em mai a, i ngaihthlak peih leh ka la hrilh dawn che nia.!" a tih lai mek chuan Thanpuia chuan Fangfar puka tuikhur thuhruk chu a hrechhuak leh ta! Lasi nula Chawngmawii chu an en hau mai a. Chu veleh chu nula chuan Thanpuia rilru chu a rawn hrethiam ta. A tho nalh a, Thanpuia melh ralh chuan,
" Min rawn zui teh le...!" ngaih la tawk leka melh chung chuan a ti a.
Thanpuia chu ding chhuak ve nghal in Fangfar puk ah chuan an inzui lut ta a. Thanpuia rin ang a ni hauh lo, Puk lian tak var heu huau a nih a rin tehreng nen, a lo ni hauh lo, puk tawp pawh chu a hmu pha nghal a. Mahse Chawngmawii chu a kal zel a, puk kaw tawpah chuan a ding chat a, Thanpuia chuan kal theih a nih a ring tawh lo, mahse Chawngmawii chuan eng emaw an nam zauh a, lung chu a che a, luh theihna tur tawk vel chuan a rawn kau ta a. Chawngmawii chu a lut nghal zat a, Thanpuia pawh a lut zui ve ta...E heu leh...a tlet hian a tle sut mai le! Hmun ropui tak a lo ni, Thanpuia tan han sawifiah thiam rual a ni lo! Hmun mak tak a ni, chutah le, a laiah chuan tui fim em em mai chu a lo tling a, tuihna a hmu hauh lo! Chawngmawii chuan Thanpuia mak ti hmel chu a lo thlir reng a, a ṭhiana hian an nihna hi ala hrechiang hauh lo a ni. Tuikhur chu a hmu ta ngei mai le, chu puk ropui takah chuan lung te lam deuh tle mawi hlawm em em mai hi lungbangah te chuan a bet far a, chu chuan enna a pe a ni. Tuikhur chu an thlir a, Lungsum hi ang ber hian a hria tui fim em em te chu a thlir a, a chil pawh a lem ri khawlh thei hial a ni. Mahse a ma thu chuan a in ta hauh lo, a ding chat a Chawngmawii chu a melh ta. Chawngmawii tan chu tak chu thil lawmawm em em a ni, he pasalṭha hi a namai lo, amah a rawn hmasa tlat, chu thinlung tak chu a ni he nula duh chu ni! He lusei pasalṭha zet hi zawng rilru ṭhatna hian a tuam vel a ni ber e, thangchhuahpa nih pawh a tlin takzet dawn a ni. Chawngmawii chuan han nuihsak pah chuan Thanpuia la hmuh ngai hauh loh no chu a rawn lek chhuak a, Thanpuia a rawn pe ta a....Thanpuia chuan tui fim ṭha zet chu a thal a, Chawngmawii an melh leh zeuh a, a buk tak nghatah chuan tui chu a inta!!! Tuisik satliah a ni hauh lo, a thiang kak a hrawk a fah em em mai a ni.Hetiang reng renga tui thiang tui hi ala in ngai hauh lo le...! Chutah amah chu a zang ta hai mai le! A tui inna no chu Chawngmawii chu a pe let leh ta, chu thil zet zawng a ropui a ni. He tuikhur thuhruk hi hringmi pasalṭha pahnihin an in tawh a, mahse an inna no pek let nachang hria an la awm lo. Lasi te chuan Malsawm tlak an hmu ta! No an pek let thlap hian an hawihhawm zia leh an rilru ṭhat zia alang a, chu chu Lasi nula tan chuan an sawi chhuah thiang lo malsawm tlak an thlirna a ni. An chanchin chuan Ṭan khawpui a thleng rang kher ang le! He pasalṭha zet hi chu Huaitawna pawh khan chem a lo pe ngei tawh kha a ni. A chempui hmelma lama an hum te pawh khan a inthunun thei hram ṭhin kha a ni.
Thanpuia chu a hawi kual leh thuak thuak a, Chawngmawii a thlir ta! Chhuak tawh turin a inpeih tawh hle a ni. Chawngmawii chuan a hrethiam hle a, puk pawnah chuan a chhuak ta. An chhuah pah chuan Thanpuia chuan an thlir nawn leh thuak a, an luhna erawh a hmu thei tawh hauh lo mai! Hmun rem laiah chuan an ṭhu ta a, Chawngmawii chuan,
" Tunah zawng mibik i ni ta, i dam khua pawh a sei ang, tin, i ri hriatna te leh i chakna a pung dawn a ni. He i chakna hi midang tan hmang ṭhin ang che, ramhnuai nun zirtir i ngai tawh lo va,Thangchhuah pa i ni vat ang," a sawi zawh chuan Purun tlang lam chu an thlir vang vang a.
Thanpuia chuan aw an thian te te a, a ṭawngchhuak ta, " I bulah hian engtia lawmthu han sawi chi nge ka hre hauh lo, hun harsaah min pui a! ( a ngawi hlek a) Min thlir reng ṭhin tih ka hria, i nihna chiang hauh lo mah ila ka tan i hlu hle a ni. I chungah hian ka lawm a ni." a tichhuak ve ta, a rilru asawi chiang hle a ni.
Chu lasi nula hmel ṭha tak chu a hlim ve hle tih chu a hmelah a lang a, he tlangval sakawl pian ṭha ang mai hian a rilru a hneh a ni. Thanpuia awm sapui hamna avanga ser awm ta a, a kut mam no nalh tak chuan an chul a, titi thlak ta daihin,
" Kha ...Hlaiba..i beih lai khan i bulah ka awm reng asin! Thunun hleihtheih a ni ta lo va, in ran rual a suat tam hma a i lo that thei kha a zia hle a ni. Sapui tar ho hi enkawl an har ṭhin khawp mai! A tuai ho ai hian chaw lah hi an heh a, an duhtui hle mai nen...!" a ti chhuak ta daih a.
Thanpuia chuan, " Eh....a lo nih chu...kha Sapui kha thahrui nei lo hle khan ka hria a, min lo puih vang a lo ni reng mai....! Lawmthu ka sawi zo thei ngai dawn lo lah ni a!" a nui ve hak a.
Lasi nula pawh chu a hlim ve hle mai le, chutih lai chuan hun pawh a liam ve duak duak a Chawngmawii chuan,
" Pasalṭha....he Fangfar puk hnaihah hian riahbuk chu in sual tawh dawn nia, tui chu puk hnuai lawkah khuan a awm a. In fimkhur hle dawn nia, Lungrengte leh pukpui saw chu hnaih lo u la aw...Sazuk ki phir hi chu kap lo hram la, an thlahah a mah chiah hi a dam tawh a, Tumpang chu naktuk lamah i pel dawn nia. Sazuk dang pawh an tam kha aw...I ṭhian te an rawn hnai e...!" tih pah chuan Thanpuia chu a melh ralh a. Puk sir lamah chuan a liam ta a.
Thanpuia chuan a thlir zui vang vang a, an ṭhiante riahbuk sual tur an rawn hnai a ni ngat mai! Ngengkhuai lamah chuan a kal ta a, ngaw chhung lah chu a nuam vei phian a chhunlam boruak a nih vang nge a hip pawh a na ta em em lo! Amah chu an inchik a, a ri hriatna han ṭha ta em em mai te, a mitmeng han fiah ta kak te chu mak a inti hle a ni. Rei lo deuh hnu chuan sa thawm a hre ta, uluk fe chuan thawm awmna lam chu a pan ta a. Thui lo deuh a kal hnu chuan Sazuk lian tak hi a hmu ta a, Chawngmawii thusawi a hrechhuak nghal a! Chu Sazuk lah chu a lo ding reng mai chu niin, Thanpuia chuan a Silai chuan a tin vang vang a, a silai chu a puak ta dur mai le! Sazuk chu a zuang dawrh a, thui a kal lo a tlu thlep ta hnawk a.
....... ........ .........
Hetih mek lai hian Pasalṭha Chhunthanga te chu ngaw chhung chhuah lamah an lo vak ve thung a. Heti taka hmun rem leh ṭha hi engtizia a khua a din lo nge an nih tih chu a rilru a zawhna lian ber a ni. Ngaw chhunga thing ngir khup te lah chu lian tak tak hi a ni hlawm a. Aimawia chuan sih ṭha fe chu a hmu ta, a hlim kher mai le, Sahnu han thar zia lah chu.....a phur kher mai le! A piah deuh a pasalṭha Chhunthanga pawh a rawn phei ve ta, an han inen a an kiai suk mai le! He mite hian Sakhi te Sanghal te chu an hmu nual a, mahse Sazuk emaw Tumpang emaw a nih loh chuan thal thlah loh ni se an ti si! An thlir liam mgawt zel kha a ni si a, chu sih chu Sazuk leh Tumpangchal chuan a tlan tih an hre thei si. Thingah lawnin an inring sauh sauh mai chu a ni.
Pazawna te lah chuan Sabual an chhuahsan a, Sanghal ringawt an hmu chu a nia, a ning ṭan hle, Sanghal han kah dawp mai te chu a duh rum rum tawh mai a ni. Thal a lo keng ve lo a ni te a ti rilru a, mahse a kap fuh thei ngut chuan a ring si lo! Sazuk tal hmu ila tih chu an rilru a ni. Rochhuma lah chuan ui hmel fe chuan Sanghal chu a thlir ve tho tih a hria a, an kual an kual mai chu a ni. Thanpuia silai ri erawh an hre hauh lo! An beidawng ti tih ta, riahbuk sual te puih zai an rel dun a, riahbuk an pan ta a.
......... ... ............ ..........
Thanpuia chuan a Sazuk kah chu an chian a, a lian kher mai le! Chutih rualin Tumpangchal beih tumin ngaihtuah chiang hman lova Sazuk a kap chu a inthiam lo hle a. Mahse Sazuk emaw Tumpangchal a nih loh chuan thalfang thlah loh tur an tih kha an ngaihtuah let a a inthiam ve leh ta deuh a. A kahna a hnai bawk nen a nghawng tum kha a ni a, a fuh chiang hle a ni. A ki chu phir chiah lo mahse, a hlim ve leh ta deuh a. A ki chu an chian a, a mawi hle mai le! Riahbuk sual tura lokal nia a rin te lam chu a pan ta! A mak hle mai, a silai puak ri an hriat kha chuan rawn kuk ve awm tak a ni asin maw le! An kal chho chu a rinaiin a lo kal thui hle tih a hre ta!
Fangfar puk bulah chuan Tuaha te ho chuan riahbuk an lo buatsaih malh malh a. Pali lai an lo ni, Thanpuian a thlir chuan Khamlairang tlangvalte khan an rawn pawh ve ta tih a hre thiam a. An riahbuk sualnaah zuk pawhin Sazuk a kah thu chu a hrilh ta a! An hlim hmel hle mai, sazuk sa la tur chuan an kal ta a! Ni pawh a her ta laih mai le, Thanpuia hian a chaw fun kha ala bar lo a ni. Sazuk a kahna hmun an thleng ta, chu Sazuk an han hmu chu lian an ti hlawm kher mai le....an phawhlawh a, an pu ta tliar tliar a, a lian ber chu Thanpuia chuan a pu a, a kalpui ta vawk vawk mai le! Riahbuk an han thleng chu le...Pazawna leh Rochhuma pawh an lo ṭhu dun ran mai a. An ṭhiante an hmuh chuan an hlim hle mai le, Silai puak ri an hre hauh si lo! An han innghat fel a, hnah lo la pawl an awm a a ṭhenin thing an lo fawm bawk a. An sa chu nau lu tia dawn dawn hian an han chan a, chhum tur an buatsaih pah bawk a.
A repna tur tul buatsaih an lo awm bawk a, an indaih zai hle a ni. Ni suk chen vel a nih chuan an zo ta mai reng a. Riahbuk an la zawh loh te chu an han thawm leh te te a.
Pasalṭha Chhunthanga te pahnih chu thingah chuan an ṭhu rei ta kher mai le! Ni pawh a hniam ṭan ta. Chu sih chu sa tenau deuh pawh chuan an rawn tlawh zur ve zut a, mahse an la thlir liam zel chu a ni. Boruak a inthlak ta...vaihmite an rawn pung a, tlip lah chu duhthusam a ni hawt tawh a. Tawrh a har ngawt ang le... Chutah sih lam rawn pan thawm an hre ta...Aimawia hnungzangah chuan tlip hi a tlep hian an tlep tuar tawh a..thawm lah chu a rawn hnai ta zel a....
( chhunzawm tur)
( PASALṬHA THANPUIA)
M.Lusei Palian
........ ......... ...........
A awmna hmun chu an chian a, e heu leh....a mumang lama Sazuk ki eng sen phut a hmuhna hmun kha a ni ngat mai le! A hma lam an hawi leh chiah chu le....! Lasi nula hmel ṭha Chawngmawii a lo ding vang mai le! Thanpuia chu a nuih sak a, a hmel chu hlimna chhumpuiin a nuai vel tih chu a hriattheih a ni. Hun rei tak chhung inhmu tawh lo an ni a, Thanpuia pawh chuan a silai chu a dah thla riai riai a, Chawngmawii chu a rawn ṭawngchhuak ta,
" Thanpui, in hmuh loh khua ava reiin ava sei ngai em! Hahdam teh, he ngaw a in lo luhchhan hi ka hria a, inlo kal dawn tih ka hriat avangin ka lo thlir reng ṭhin che u asin!" a rawn tichhuak a. A aw te lah chu tliangmawi tak darlai ri ang mai lah ni a!
Thanpuia chuan mak tih hmel tak chuan a thlir vang vang a, a hma zan lamte, tlai lamah te khan a hmu thei reng reng si lo! Tunah lem a hmaah a rawn ding leh zan lawi si hi a mak a ni. Chu nula chuan mit la sawn hauh lovin Thanpuia chu a la melh reng mai a ni, a thinlung hria ni awm chuan a rawn ṭawngchhuak leh ta a,
" Ti teh, Thanpui...kan chhak lawkah khian Fangfar puk a awm a, i pan teh ang...i zawhna zawng zawng ka chhang dawn nia!" a ti chhuak a. Amah chu a inher nghal zat a.
Thanpuia chuan he nula hi atan a hlauhawm loh tih a hrechiang a, a zui chho ve ta, a thinlung hi eng emaw ti tak hian a awm na a, amah pawh chuan a hrethiam bik chiah lo a ni. Kar lovah Fangfar puk an thleng chho ta! Muangchang chuan ṭhut zai an han rel a, Thanpuia chuan Chawngmawii han melh pah chuan,
" Nimin tlai lam leh nizan lamte khan ka hmu thei hauh si lo che a, tunah lah hei ka bulah i awm leh si!" a chhanna nghak chuan a melh ralh a, a sawi chhawhchhi nuai lah ni, he pasalṭha pawh hi Chawngmawii lasi nula hmel ṭha lui eltiang hmaah chuan eng ruai a ni bik lo a ni mahna! Chawngmawii chu a nui har har a, ngaih huat tura nui a ni hauh si lo! A rawn chhang ta...
" Ni e, nizan lama inriahna kha Kham huai ho leh thing huai ho hmun pawimawh a ni a,an thiltihtheihna in a hliah tlat si che u a, kan hmu thei bik hauh lo che u asin! Tuna kan awmna lai hi chu ram thiang chin a ni a, in riahbuk pawh sawn intum tho va, helamah hian rawn chho ang che u, tichuan tibuaitu in nei tlem sawt ang. Tin, Thana...he lungreng ngaw hian chanchin a ngah em em mai a, i ngaihthlak peih leh ka la hrilh dawn che nia.!" a tih lai mek chuan Thanpuia chuan Fangfar puka tuikhur thuhruk chu a hrechhuak leh ta! Lasi nula Chawngmawii chu an en hau mai a. Chu veleh chu nula chuan Thanpuia rilru chu a rawn hrethiam ta. A tho nalh a, Thanpuia melh ralh chuan,
" Min rawn zui teh le...!" ngaih la tawk leka melh chung chuan a ti a.
Thanpuia chu ding chhuak ve nghal in Fangfar puk ah chuan an inzui lut ta a. Thanpuia rin ang a ni hauh lo, Puk lian tak var heu huau a nih a rin tehreng nen, a lo ni hauh lo, puk tawp pawh chu a hmu pha nghal a. Mahse Chawngmawii chu a kal zel a, puk kaw tawpah chuan a ding chat a, Thanpuia chuan kal theih a nih a ring tawh lo, mahse Chawngmawii chuan eng emaw an nam zauh a, lung chu a che a, luh theihna tur tawk vel chuan a rawn kau ta a. Chawngmawii chu a lut nghal zat a, Thanpuia pawh a lut zui ve ta...E heu leh...a tlet hian a tle sut mai le! Hmun ropui tak a lo ni, Thanpuia tan han sawifiah thiam rual a ni lo! Hmun mak tak a ni, chutah le, a laiah chuan tui fim em em mai chu a lo tling a, tuihna a hmu hauh lo! Chawngmawii chuan Thanpuia mak ti hmel chu a lo thlir reng a, a ṭhiana hian an nihna hi ala hrechiang hauh lo a ni. Tuikhur chu a hmu ta ngei mai le, chu puk ropui takah chuan lung te lam deuh tle mawi hlawm em em mai hi lungbangah te chuan a bet far a, chu chuan enna a pe a ni. Tuikhur chu an thlir a, Lungsum hi ang ber hian a hria tui fim em em te chu a thlir a, a chil pawh a lem ri khawlh thei hial a ni. Mahse a ma thu chuan a in ta hauh lo, a ding chat a Chawngmawii chu a melh ta. Chawngmawii tan chu tak chu thil lawmawm em em a ni, he pasalṭha hi a namai lo, amah a rawn hmasa tlat, chu thinlung tak chu a ni he nula duh chu ni! He lusei pasalṭha zet hi zawng rilru ṭhatna hian a tuam vel a ni ber e, thangchhuahpa nih pawh a tlin takzet dawn a ni. Chawngmawii chuan han nuihsak pah chuan Thanpuia la hmuh ngai hauh loh no chu a rawn lek chhuak a, Thanpuia a rawn pe ta a....Thanpuia chuan tui fim ṭha zet chu a thal a, Chawngmawii an melh leh zeuh a, a buk tak nghatah chuan tui chu a inta!!! Tuisik satliah a ni hauh lo, a thiang kak a hrawk a fah em em mai a ni.Hetiang reng renga tui thiang tui hi ala in ngai hauh lo le...! Chutah amah chu a zang ta hai mai le! A tui inna no chu Chawngmawii chu a pe let leh ta, chu thil zet zawng a ropui a ni. He tuikhur thuhruk hi hringmi pasalṭha pahnihin an in tawh a, mahse an inna no pek let nachang hria an la awm lo. Lasi te chuan Malsawm tlak an hmu ta! No an pek let thlap hian an hawihhawm zia leh an rilru ṭhat zia alang a, chu chu Lasi nula tan chuan an sawi chhuah thiang lo malsawm tlak an thlirna a ni. An chanchin chuan Ṭan khawpui a thleng rang kher ang le! He pasalṭha zet hi chu Huaitawna pawh khan chem a lo pe ngei tawh kha a ni. A chempui hmelma lama an hum te pawh khan a inthunun thei hram ṭhin kha a ni.
Thanpuia chu a hawi kual leh thuak thuak a, Chawngmawii a thlir ta! Chhuak tawh turin a inpeih tawh hle a ni. Chawngmawii chuan a hrethiam hle a, puk pawnah chuan a chhuak ta. An chhuah pah chuan Thanpuia chuan an thlir nawn leh thuak a, an luhna erawh a hmu thei tawh hauh lo mai! Hmun rem laiah chuan an ṭhu ta a, Chawngmawii chuan,
" Tunah zawng mibik i ni ta, i dam khua pawh a sei ang, tin, i ri hriatna te leh i chakna a pung dawn a ni. He i chakna hi midang tan hmang ṭhin ang che, ramhnuai nun zirtir i ngai tawh lo va,Thangchhuah pa i ni vat ang," a sawi zawh chuan Purun tlang lam chu an thlir vang vang a.
Thanpuia chuan aw an thian te te a, a ṭawngchhuak ta, " I bulah hian engtia lawmthu han sawi chi nge ka hre hauh lo, hun harsaah min pui a! ( a ngawi hlek a) Min thlir reng ṭhin tih ka hria, i nihna chiang hauh lo mah ila ka tan i hlu hle a ni. I chungah hian ka lawm a ni." a tichhuak ve ta, a rilru asawi chiang hle a ni.
Chu lasi nula hmel ṭha tak chu a hlim ve hle tih chu a hmelah a lang a, he tlangval sakawl pian ṭha ang mai hian a rilru a hneh a ni. Thanpuia awm sapui hamna avanga ser awm ta a, a kut mam no nalh tak chuan an chul a, titi thlak ta daihin,
" Kha ...Hlaiba..i beih lai khan i bulah ka awm reng asin! Thunun hleihtheih a ni ta lo va, in ran rual a suat tam hma a i lo that thei kha a zia hle a ni. Sapui tar ho hi enkawl an har ṭhin khawp mai! A tuai ho ai hian chaw lah hi an heh a, an duhtui hle mai nen...!" a ti chhuak ta daih a.
Thanpuia chuan, " Eh....a lo nih chu...kha Sapui kha thahrui nei lo hle khan ka hria a, min lo puih vang a lo ni reng mai....! Lawmthu ka sawi zo thei ngai dawn lo lah ni a!" a nui ve hak a.
Lasi nula pawh chu a hlim ve hle mai le, chutih lai chuan hun pawh a liam ve duak duak a Chawngmawii chuan,
" Pasalṭha....he Fangfar puk hnaihah hian riahbuk chu in sual tawh dawn nia, tui chu puk hnuai lawkah khuan a awm a. In fimkhur hle dawn nia, Lungrengte leh pukpui saw chu hnaih lo u la aw...Sazuk ki phir hi chu kap lo hram la, an thlahah a mah chiah hi a dam tawh a, Tumpang chu naktuk lamah i pel dawn nia. Sazuk dang pawh an tam kha aw...I ṭhian te an rawn hnai e...!" tih pah chuan Thanpuia chu a melh ralh a. Puk sir lamah chuan a liam ta a.
Thanpuia chuan a thlir zui vang vang a, an ṭhiante riahbuk sual tur an rawn hnai a ni ngat mai! Ngengkhuai lamah chuan a kal ta a, ngaw chhung lah chu a nuam vei phian a chhunlam boruak a nih vang nge a hip pawh a na ta em em lo! Amah chu an inchik a, a ri hriatna han ṭha ta em em mai te, a mitmeng han fiah ta kak te chu mak a inti hle a ni. Rei lo deuh hnu chuan sa thawm a hre ta, uluk fe chuan thawm awmna lam chu a pan ta a. Thui lo deuh a kal hnu chuan Sazuk lian tak hi a hmu ta a, Chawngmawii thusawi a hrechhuak nghal a! Chu Sazuk lah chu a lo ding reng mai chu niin, Thanpuia chuan a Silai chuan a tin vang vang a, a silai chu a puak ta dur mai le! Sazuk chu a zuang dawrh a, thui a kal lo a tlu thlep ta hnawk a.
....... ........ .........
Hetih mek lai hian Pasalṭha Chhunthanga te chu ngaw chhung chhuah lamah an lo vak ve thung a. Heti taka hmun rem leh ṭha hi engtizia a khua a din lo nge an nih tih chu a rilru a zawhna lian ber a ni. Ngaw chhunga thing ngir khup te lah chu lian tak tak hi a ni hlawm a. Aimawia chuan sih ṭha fe chu a hmu ta, a hlim kher mai le, Sahnu han thar zia lah chu.....a phur kher mai le! A piah deuh a pasalṭha Chhunthanga pawh a rawn phei ve ta, an han inen a an kiai suk mai le! He mite hian Sakhi te Sanghal te chu an hmu nual a, mahse Sazuk emaw Tumpang emaw a nih loh chuan thal thlah loh ni se an ti si! An thlir liam mgawt zel kha a ni si a, chu sih chu Sazuk leh Tumpangchal chuan a tlan tih an hre thei si. Thingah lawnin an inring sauh sauh mai chu a ni.
Pazawna te lah chuan Sabual an chhuahsan a, Sanghal ringawt an hmu chu a nia, a ning ṭan hle, Sanghal han kah dawp mai te chu a duh rum rum tawh mai a ni. Thal a lo keng ve lo a ni te a ti rilru a, mahse a kap fuh thei ngut chuan a ring si lo! Sazuk tal hmu ila tih chu an rilru a ni. Rochhuma lah chuan ui hmel fe chuan Sanghal chu a thlir ve tho tih a hria a, an kual an kual mai chu a ni. Thanpuia silai ri erawh an hre hauh lo! An beidawng ti tih ta, riahbuk sual te puih zai an rel dun a, riahbuk an pan ta a.
......... ... ............ ..........
Thanpuia chuan a Sazuk kah chu an chian a, a lian kher mai le! Chutih rualin Tumpangchal beih tumin ngaihtuah chiang hman lova Sazuk a kap chu a inthiam lo hle a. Mahse Sazuk emaw Tumpangchal a nih loh chuan thalfang thlah loh tur an tih kha an ngaihtuah let a a inthiam ve leh ta deuh a. A kahna a hnai bawk nen a nghawng tum kha a ni a, a fuh chiang hle a ni. A ki chu phir chiah lo mahse, a hlim ve leh ta deuh a. A ki chu an chian a, a mawi hle mai le! Riahbuk sual tura lokal nia a rin te lam chu a pan ta! A mak hle mai, a silai puak ri an hriat kha chuan rawn kuk ve awm tak a ni asin maw le! An kal chho chu a rinaiin a lo kal thui hle tih a hre ta!
Fangfar puk bulah chuan Tuaha te ho chuan riahbuk an lo buatsaih malh malh a. Pali lai an lo ni, Thanpuian a thlir chuan Khamlairang tlangvalte khan an rawn pawh ve ta tih a hre thiam a. An riahbuk sualnaah zuk pawhin Sazuk a kah thu chu a hrilh ta a! An hlim hmel hle mai, sazuk sa la tur chuan an kal ta a! Ni pawh a her ta laih mai le, Thanpuia hian a chaw fun kha ala bar lo a ni. Sazuk a kahna hmun an thleng ta, chu Sazuk an han hmu chu lian an ti hlawm kher mai le....an phawhlawh a, an pu ta tliar tliar a, a lian ber chu Thanpuia chuan a pu a, a kalpui ta vawk vawk mai le! Riahbuk an han thleng chu le...Pazawna leh Rochhuma pawh an lo ṭhu dun ran mai a. An ṭhiante an hmuh chuan an hlim hle mai le, Silai puak ri an hre hauh si lo! An han innghat fel a, hnah lo la pawl an awm a a ṭhenin thing an lo fawm bawk a. An sa chu nau lu tia dawn dawn hian an han chan a, chhum tur an buatsaih pah bawk a.
A repna tur tul buatsaih an lo awm bawk a, an indaih zai hle a ni. Ni suk chen vel a nih chuan an zo ta mai reng a. Riahbuk an la zawh loh te chu an han thawm leh te te a.
Pasalṭha Chhunthanga te pahnih chu thingah chuan an ṭhu rei ta kher mai le! Ni pawh a hniam ṭan ta. Chu sih chu sa tenau deuh pawh chuan an rawn tlawh zur ve zut a, mahse an la thlir liam zel chu a ni. Boruak a inthlak ta...vaihmite an rawn pung a, tlip lah chu duhthusam a ni hawt tawh a. Tawrh a har ngawt ang le... Chutah sih lam rawn pan thawm an hre ta...Aimawia hnungzangah chuan tlip hi a tlep hian an tlep tuar tawh a..thawm lah chu a rawn hnai ta zel a....
( chhunzawm tur)
Comments
Post a Comment