LUNGRENG NGÂW...S-3...(12).
LUNGRENG NGÂW...S-3....12..
( PASALṬHA THANPUIA)
M.Lusei Palian
........ ......... ...........
Chutah le, an ar talh tur ke ṭawn beh thla han zap chu le...thlam chhuat a khawng det det si, Saipuii phu zawk chuan Thanpuia a kuah ta thlawp mai le! Sakawl pian ṭha ang mai a awm pharh hlai hlep hlawp ah chuan a bei ta vang a. Mikawl thinlung lung ang maia sak chu a nem zo ta em ni le? Saipuii rawn kuahna chu alo thing thla phal bik hauh lo! Chu hunah meuh chuan thil engkim mai chu chawl ta ṭhiap hian an hria a, chung thinlung inhnaih telh telh tan zawng hun nuam ava ni tehlul em! Thinphu su dup dup pawh an inhriat tawn sak thei hial niin a lang a, chu lal nula lah chuan pasalṭha a kuahna chu thlah a hnekin a ti nghet telh telh thung a. Chutih lai tak chuan Aimawia hlo thlo han ding chhuak chuan thlam lam a rawn hawi a,
" Saii....In va reh ve le...a hmin ṭep tawh ang chu maw!?" ring fe chuan a rawn ti a.
Chutah meuh chuan thinlung lam inhnaih ta em em thlam chhunga awmte chu an inthlah rang kher mai. Saipuii lah a zak thar leh chu a sen ṭan ṭan mai le, chungte hlei hlei chuan a ṭhat a belhchhah mai si! Thanpuia pawh chuan chu lal nula hmel chu thlir nin har a ti hle a ni. Thanpuia zak ve tho chuan ar ho chu a khai ai phei tuar tuar a, thlam pawnah ava talh ta hlawm a. Ar talh te lah chu he pasalṭha hian alo thiam phian a ni, a puah zo zung zung mai a ni. Chutah bel lian fe chuan zo buh tlem nen an han chhum so ta barh barh a, a hmin hnaih chuan anthur te thlakin a rim a tui ngang tawh mai! Pazawna nu pawh anhnah pawm ṭun chuan thlam a rawn lut ve ta. Thanpuia pawh hnah la in a chhuak zui zat a, kar lovah a rawn pawm ṭun tawh mai! Chawfak hma chuan rei lo deuh lawm rual chu an va pui ve hman a. Thlam lam a miten chawfak hunah chuan an rawn au ta raih raih hlawm a.Bukbawnga pek lah chuan,
" A ri a va mawi khawk tehlul em! Ti r'u le...!" tih pah chuan a inher vut a, fanghma chu a keih phei buan buan bawk a. Vaimim tlai deuh lah a zakzeh phei vei ṭun mai a ni.
Thlam chhungah leng ta hek lo le, kaiṭen bul hmun zawlah chuan changel hnah an han phah a, mautheiah chuan antui chu a tak telin an han thli a. Maian tui taka bai, a titui tura sakhi rep thlak meuh zawng a tui hle ang le. Chawfun an han bun khawm a, a laiah arsa pum chhum lian tak tak a phawh hlawk hlawk pawhsawm chu a khu vung vung mai a. Chi khur nei an nih avangin a tui tawk turin an la al zui ta vei nen, Bukbawnga chuan " Ti r'u le...!" tih pah chuan a ka khat tawn chuan chaw a bar a, antui hang chuan a tleng thla zui a. Lawm lungrualte chuan an han ṭan ve ta a, an buh hmui hiam leh arsa te chu a kaw duh hawk hawk hle mai! Buh changrum leh sa an han ei meuh zawng an hmuhnawm hle a ni. An nula te chuan an ei ṭha ngam lovang tih hlauvin sa ṭha ṭha chu an lamah an han thehphei sak a. Thanpuian lalfanu lama ar thin a theh phei zet zawng Aimawia chu a nui huk thei hial a. Saipuii lah chuan Aimawian a lo hmu tih a hriat chuan a zak thar hle mai chu a ni. A kun ta chal ringawt mai a ni. Pazawna leh Buka erawh an ri lar lar thung a. Nuam an va ti tehlul em! Saipuii pawh a ei thei phian mai, ni tin feh ve theih chu a chak em em si a, mahse a thei ve ṭhin si lo.
Chawfak kham chuan fanghma te han ei leh rihin titi phung leng an han sawi a, hmabak an nei tlem tawh hle. Pazawna nu chuan anhnah lian fe fe in a tel hlawm a, lawm ho chu a hawn tir dawn a ni. Chawhnu bun an hun a, Buka chu a tho leh tharh a, kawltu chawia kal vut pah chuan an zai leh ta,
"Sianglen bukthlam khar nan e,
Lungmawla bawh-ar fam chiang ngei e,
Hawng thuai thuai ang in lam siangah,
Kan dawnah chawlhtui lo paw riai e,
Lengza awithang chawmkhuang kal ruaiin,
Zai lo awi e, lal lai par kan tlan e,
Vangpui kan awi e.....!" an tih meuh zawngin kuk raih raihin hmatiang an sawn leh ta! Pawhchhiat mai mai a ni tawh a, hmabak an nei tlem bawk a, rei lo deuh a an zo ta! Fanghma chhawlṭhuai tur te an lo ta hlawm a. Chutah an piah ngaw kara Sakhi huk thawm chu an hre ta! Bukbawnga chuan Thanpuia han melh pah chuan,
" Pasalṭha....i chet ava hun ve le....!" an ti kher a.
Aimawia pawh chuan, " Thana, ti teh va kap teh..!" a ti zui ve zat a.
Thanpuia lah chu a lo la ṭang ṭung a, Pazawna chu kah tir a tum hle thung a. A ni lah chuan Silai ka keng hauh lo tiin alo hnar ve thung a. Lal fanu pawh chuan,
" Thana, a ngal ka duh a nia," awmze nei taka melh pah chuan a lo ti ve ta!
Thanpuia pawh chuan hnial mi niin a hre ta lo a ni mahna, thlama a silai dah chu la in ngaw chhung lam chu thawm dim fe hian a pan ta! Lal fanu lah chuan a lo ring tawk em em a. Reilo deuhah silai a puak ta, Bukbawnga chuan,
" Kan nauva chu a fuh ngat mai ka ti, a puak ri kha a tawi tuk mai, he nau zet hi zawng...!" a sawi zui duh leh ta lova. A nui huah huah thung, thlawhlaiah chuan an la ṭhu muang a. Thanpuia pawh Sakhi paw bahlat chungin a rawn lang ta! An hlim ava zual em!
Kuk leh raih raih chungin thlam lam an pan ta! Chutah nula ho chuan an lawmpa te thawmhnaw te an han phurh haw sak hlawm a, Pazawna nu thlai hnah lakte chu phur bawkin an haw dawn ta! Buka chuan Sakhi zawn chu a rawt mauh mai pek a, tlangval rual chuan an zawn ta ngei a, an la haw haw zui vei nen, Seifa nula tlangval hlim vanglai a ni.
An thlawhhma a awl tlang bawk a, lawm lungrual an ṭhahnem bawk nen an zo zung zung mai a ni. Lal fanu pawh a tel ve zauh zauh ṭhin nghe nghe a ni. Tunah meuh zawng favang an chuangkai ta. ' Fa' tih hi buh tihna a ni a, 'vang' tih hi vanglai tihna a ni bawk a, favang hi buh ṭhat vanglai tihna a ni. Buh te lo ṭha tawhin awllen lai ngang a ni tawh a, pasalṭhate duhthusam hun a thleng ta le! Thanpuia pawh a pa chuan zen a den khawl sak sauh sauh a, chutiang bawkin Aimawia te ho pawh chu a inbuatsaih nasa ve hle mai le! Hetih lai hian an thlawhhma lamah Nghalrual an lo che ve ṭan ta bawk a. Pasalṭha Selzama te ho chuan an duhthusam thil an tawng ta, nghalrual chu an suat hem hem reng mai le!
Thanchhinga te Sanghal rep hmeha zanriah an kil lai tak chuan an sumhmun rawn riin pen thawm chu a rawn hnai zel a, Chawntui pasalṭha Chhunthanga leh tlangval pathum an rawn lang ta heu mai le! Thanpuia te ho zanriah lokil mek chuan an lo chhawn vat a, an Silai te tungin an iptepui te an han bang ta hlawm a. Thanpari awm lai tak alo ni nen, chaw chu an chhum belh nghal zat mai le! Thanchhinga hian Lungreng ngaw luh an tum tih alo hre tawh a, a fate ṭhian ho zawng an la tuai tih a hria a, pasalṭha Chhunthanga telve tur chu a lawm hle mai le! Amah tak pawh hian han daidar a chak ve viau mai, mahse pafa a han chhuah meuh zawng an thlawhhma lamah Nghalrual an tal nasa lutuk ang tih a hlauhawm phian si! Pasalṭha Chhunthanga te chu an lo be luam a, chaw an chhum belh chu an nghak ta rih a. Inhmuh loh chhung kha a rei deuh bawk a, pasalṭha Chhuna chuan Thanpuia pawh lo puitling tawh hle hian a hria a, a awmah ser thar a neih belh tih erawh a hmuh hmaih hauh lo thung! An chaw chhum a hmin chuan Pasalṭha Chhuna leh a naute chuan an han bar ve leh ta a, pasalṭha inah nge nge puar el euh chuan an bar ve leh ta a! Duhtawka Sanghal sa an han lim meuh zawng an laipawng pawh a tlum kuk thei hial ang le!
Hetia pasalṭha Chhunthanga te zanriah bar lai hian Thanpuia chuan a nau Thanzinga chu a ṭhiante lam turin alo tir ve mek a. Thanchhinga te inah hian ro an rel dawn a ni. Zamani erawh chu hlauhthawnna hian a lo khat thung a, a fapa chu Lungreng ngaw ah chuan kal ve lo se a lo duh hle thung a.Mahse mipa fa hi zawng hmun hlauhawm han pal darhte hi an chak sakhai mai si! Dan mi niin a hre si lo! Reilo te ah chuan Aimawia leh Pazawna pawh an rawn thleng ta! Pasalṭha Chhuna leh a naute an han hmuh chuan an han inbeng thak thak hlawm a, an hlim tlang hle a ni. An thu reltur hre sa ni awm tak chuan Pasalṭha Selzama leh Zamkunga pawh an rawn chuangkai ve hlawl mai le! Chutah Pasalṭha Selzaman Chhunthanga te ho an hmuh meuh chuan an hlim hle zawng a ni. Chhan sen loh zawhna an inzawt deuh mawlh mawlh mai chu a ni.
Chu zana thla de ṭan tirin Serzawl a en raih lai chuan Pasalṭha Thanchhinga te inah chuan Lungreng ngaw luhchhuah tum lusei tlangval huaisen te chuan ro pui an rel ta! A tukah chuan Khamlairang khua an pan ang a, chutah chuan zankhat an riak anga, Lungreng ngaw pan chuan an kalzui leh dawn a ni.Pasalṭha lo awm ve te chuan Khamlairang Lal rawn hmasa phawt tur chuan an chah a, chu chu thil nihphung a ni si! Thla ral hun pawha an let lo a nih chuan pasalṭha ho hian an va zawng dawn a ni. Chu chu an thu delhkilh dan chu a ni. An rorel an zawh hnu chuan tlangval ho chu pasalṭha Chhunthanga ho chuan Zawlbuk an pan ta! Zawlbuk hi tlangval zin veivak hian an kai ngei ngei tur a ni a, chu chu an zia a bet tlat an dan a ni a, khawtual tlangval pawn an lo buan ngei ṭhin! Chawntui valrual te chuan a ruk chuan an hreh hle mai, mahse inremna sa-ui tan tawh an ni a. Heng khawhnihte hian an bawhchhe thiang lo a ni. Zawlbuk an han kai ta a, Serzawl valte pawh chuan pasalṭha Chhunthanga leh a naute chu an lo hre hle tawh a, an lo inbeng ve thak thak hlawm a! Pawih ral um ho phei kha chu an innel zual em em a ni. Rei an ṭhut hma chuan tlangval rualte chuan nula rimpui turin an hruai chhuak ta hlawm a, hma taka haw a inbuan a ngai ngei dawn si!
Pasalṭha Chhunthangan Lal hmuh a duh avang chuan Thanpuia te ṭhian ho nen Lal in an pan ta a. Aimawia lah chuan Thanpuia an fiam zauh a, pasalṭha ta na na na chuan Aimawia thu chu a man rang kher mai le! Thanpuia chu an melh kher a, a nui sak thung! Lal inah chuan chuankai an han dil te te a, an han lut chu le...Serzawl Lal Lalbula chuan,
" E heu! Chawntui pasalṭha Chhunthanga lah ni rengin, pawihai a awm ta em ni le...Eh..ka pasalṭha te pawh chu...lo chuangkai mawlh teh u!" a ti a. Awmze nei fe chuan tlangaupa chu an melh raih a. Tlangaupa lah chuan a tihtur a hai lo, rap chungsanga bel chu a chawi thla ṭuih ṭuih a.Saipuii pawh a rawn inlar rang kher mai le!
Pasalṭha Chhunthanga chuan an kal chhan te an sawi meuh chuan Lalbula pawh a meng kawk kawk mai! Lungreng ngaw chanchin chu a lo hre ve nual tawh si a. Chutah pasalṭha Chhuna leh a pasalṭhate chu an melh a,
" Aw le, va chuan mawlh teh u, mahse va fimkhur u la, tin, Khamlairang Lal hnenah khan ka dam ṭhat thu inlo hrilh dawn nia!Hei...inchhawl han hnawm teh u!" tih pah chuan dawnfung an pen kauh kauh a.
Pasalṭha Chhuna chuan an dawt hmasa a, Thanpuia te chuan tlem tlem chu an han dawt ve leh a, an han ṭhumuang ta a. Saipuii chuan Thanpuia chu a lo melh ngun hle mai, Lungreng ngaw daidar a tum thu kha a lo hrilh tawh ngei si a! Sailo lal nula chuan Thanpuia chu kal ve tawh lo se a duh kher mai le, hmana pawih ral an um lai lah khan mutmu a tuah ṭha thei lo hial kha a ni si! Mahse dan mi niin a hre si lo, a rilru ava hah leh dawn tehlul em! Titi phung leng te sawiin Pasalṭha Chhuna pawh chuan an lal dam ṭhat thute pawh an sawi tlai khaw hnu ve leh a. Lenghnawt ar a khuan hma chuan an ṭin ve ta a. Aimawia chu kal hmasa tharh in Thanpuia chu a rawn muang ta deuh ngei chu a ni. Saipuii tan chuan sawitur tam tak sawi zawh hleih theih si loh sawi tum ang a ni. Hun an nei tlem hle mai si a! Ui takin tawng leh turin an inṭhen leh ta rih a ni.
Zawlbuk an han thleng chu le, pasalṭha Chhunthanga naute pawh an lo buan nak nak tawh a, mahse a hming maiin an ti a ni. Rodawla bawk chu a ã fal leh a, mahse val upa ten an lo khap thuai a. Pasalṭha Chhunthanga erawh an buan ve hauh lo, thangchhuahpa a nih vang nge ni...! Tlangval ho chuan an mikhualte chu pawnthuah an han thehchhuah ta hlawm a, Serzawl val nge nge a vum thur hial a ni. Tui takin chu favang thla chawhma lama zanah chuan an mu ta hlawm a.
Varṭianah chuan Serzawl khaw daiah mihrang val rual an ding khawm ta ṭhap mai le!
( chhunzawm tur)
( PASALṬHA THANPUIA)
M.Lusei Palian
........ ......... ...........
Chutah le, an ar talh tur ke ṭawn beh thla han zap chu le...thlam chhuat a khawng det det si, Saipuii phu zawk chuan Thanpuia a kuah ta thlawp mai le! Sakawl pian ṭha ang mai a awm pharh hlai hlep hlawp ah chuan a bei ta vang a. Mikawl thinlung lung ang maia sak chu a nem zo ta em ni le? Saipuii rawn kuahna chu alo thing thla phal bik hauh lo! Chu hunah meuh chuan thil engkim mai chu chawl ta ṭhiap hian an hria a, chung thinlung inhnaih telh telh tan zawng hun nuam ava ni tehlul em! Thinphu su dup dup pawh an inhriat tawn sak thei hial niin a lang a, chu lal nula lah chuan pasalṭha a kuahna chu thlah a hnekin a ti nghet telh telh thung a. Chutih lai tak chuan Aimawia hlo thlo han ding chhuak chuan thlam lam a rawn hawi a,
" Saii....In va reh ve le...a hmin ṭep tawh ang chu maw!?" ring fe chuan a rawn ti a.
Chutah meuh chuan thinlung lam inhnaih ta em em thlam chhunga awmte chu an inthlah rang kher mai. Saipuii lah a zak thar leh chu a sen ṭan ṭan mai le, chungte hlei hlei chuan a ṭhat a belhchhah mai si! Thanpuia pawh chuan chu lal nula hmel chu thlir nin har a ti hle a ni. Thanpuia zak ve tho chuan ar ho chu a khai ai phei tuar tuar a, thlam pawnah ava talh ta hlawm a. Ar talh te lah chu he pasalṭha hian alo thiam phian a ni, a puah zo zung zung mai a ni. Chutah bel lian fe chuan zo buh tlem nen an han chhum so ta barh barh a, a hmin hnaih chuan anthur te thlakin a rim a tui ngang tawh mai! Pazawna nu pawh anhnah pawm ṭun chuan thlam a rawn lut ve ta. Thanpuia pawh hnah la in a chhuak zui zat a, kar lovah a rawn pawm ṭun tawh mai! Chawfak hma chuan rei lo deuh lawm rual chu an va pui ve hman a. Thlam lam a miten chawfak hunah chuan an rawn au ta raih raih hlawm a.Bukbawnga pek lah chuan,
" A ri a va mawi khawk tehlul em! Ti r'u le...!" tih pah chuan a inher vut a, fanghma chu a keih phei buan buan bawk a. Vaimim tlai deuh lah a zakzeh phei vei ṭun mai a ni.
Thlam chhungah leng ta hek lo le, kaiṭen bul hmun zawlah chuan changel hnah an han phah a, mautheiah chuan antui chu a tak telin an han thli a. Maian tui taka bai, a titui tura sakhi rep thlak meuh zawng a tui hle ang le. Chawfun an han bun khawm a, a laiah arsa pum chhum lian tak tak a phawh hlawk hlawk pawhsawm chu a khu vung vung mai a. Chi khur nei an nih avangin a tui tawk turin an la al zui ta vei nen, Bukbawnga chuan " Ti r'u le...!" tih pah chuan a ka khat tawn chuan chaw a bar a, antui hang chuan a tleng thla zui a. Lawm lungrualte chuan an han ṭan ve ta a, an buh hmui hiam leh arsa te chu a kaw duh hawk hawk hle mai! Buh changrum leh sa an han ei meuh zawng an hmuhnawm hle a ni. An nula te chuan an ei ṭha ngam lovang tih hlauvin sa ṭha ṭha chu an lamah an han thehphei sak a. Thanpuian lalfanu lama ar thin a theh phei zet zawng Aimawia chu a nui huk thei hial a. Saipuii lah chuan Aimawian a lo hmu tih a hriat chuan a zak thar hle mai chu a ni. A kun ta chal ringawt mai a ni. Pazawna leh Buka erawh an ri lar lar thung a. Nuam an va ti tehlul em! Saipuii pawh a ei thei phian mai, ni tin feh ve theih chu a chak em em si a, mahse a thei ve ṭhin si lo.
Chawfak kham chuan fanghma te han ei leh rihin titi phung leng an han sawi a, hmabak an nei tlem tawh hle. Pazawna nu chuan anhnah lian fe fe in a tel hlawm a, lawm ho chu a hawn tir dawn a ni. Chawhnu bun an hun a, Buka chu a tho leh tharh a, kawltu chawia kal vut pah chuan an zai leh ta,
"Sianglen bukthlam khar nan e,
Lungmawla bawh-ar fam chiang ngei e,
Hawng thuai thuai ang in lam siangah,
Kan dawnah chawlhtui lo paw riai e,
Lengza awithang chawmkhuang kal ruaiin,
Zai lo awi e, lal lai par kan tlan e,
Vangpui kan awi e.....!" an tih meuh zawngin kuk raih raihin hmatiang an sawn leh ta! Pawhchhiat mai mai a ni tawh a, hmabak an nei tlem bawk a, rei lo deuh a an zo ta! Fanghma chhawlṭhuai tur te an lo ta hlawm a. Chutah an piah ngaw kara Sakhi huk thawm chu an hre ta! Bukbawnga chuan Thanpuia han melh pah chuan,
" Pasalṭha....i chet ava hun ve le....!" an ti kher a.
Aimawia pawh chuan, " Thana, ti teh va kap teh..!" a ti zui ve zat a.
Thanpuia lah chu a lo la ṭang ṭung a, Pazawna chu kah tir a tum hle thung a. A ni lah chuan Silai ka keng hauh lo tiin alo hnar ve thung a. Lal fanu pawh chuan,
" Thana, a ngal ka duh a nia," awmze nei taka melh pah chuan a lo ti ve ta!
Thanpuia pawh chuan hnial mi niin a hre ta lo a ni mahna, thlama a silai dah chu la in ngaw chhung lam chu thawm dim fe hian a pan ta! Lal fanu lah chuan a lo ring tawk em em a. Reilo deuhah silai a puak ta, Bukbawnga chuan,
" Kan nauva chu a fuh ngat mai ka ti, a puak ri kha a tawi tuk mai, he nau zet hi zawng...!" a sawi zui duh leh ta lova. A nui huah huah thung, thlawhlaiah chuan an la ṭhu muang a. Thanpuia pawh Sakhi paw bahlat chungin a rawn lang ta! An hlim ava zual em!
Kuk leh raih raih chungin thlam lam an pan ta! Chutah nula ho chuan an lawmpa te thawmhnaw te an han phurh haw sak hlawm a, Pazawna nu thlai hnah lakte chu phur bawkin an haw dawn ta! Buka chuan Sakhi zawn chu a rawt mauh mai pek a, tlangval rual chuan an zawn ta ngei a, an la haw haw zui vei nen, Seifa nula tlangval hlim vanglai a ni.
An thlawhhma a awl tlang bawk a, lawm lungrual an ṭhahnem bawk nen an zo zung zung mai a ni. Lal fanu pawh a tel ve zauh zauh ṭhin nghe nghe a ni. Tunah meuh zawng favang an chuangkai ta. ' Fa' tih hi buh tihna a ni a, 'vang' tih hi vanglai tihna a ni bawk a, favang hi buh ṭhat vanglai tihna a ni. Buh te lo ṭha tawhin awllen lai ngang a ni tawh a, pasalṭhate duhthusam hun a thleng ta le! Thanpuia pawh a pa chuan zen a den khawl sak sauh sauh a, chutiang bawkin Aimawia te ho pawh chu a inbuatsaih nasa ve hle mai le! Hetih lai hian an thlawhhma lamah Nghalrual an lo che ve ṭan ta bawk a. Pasalṭha Selzama te ho chuan an duhthusam thil an tawng ta, nghalrual chu an suat hem hem reng mai le!
Thanchhinga te Sanghal rep hmeha zanriah an kil lai tak chuan an sumhmun rawn riin pen thawm chu a rawn hnai zel a, Chawntui pasalṭha Chhunthanga leh tlangval pathum an rawn lang ta heu mai le! Thanpuia te ho zanriah lokil mek chuan an lo chhawn vat a, an Silai te tungin an iptepui te an han bang ta hlawm a. Thanpari awm lai tak alo ni nen, chaw chu an chhum belh nghal zat mai le! Thanchhinga hian Lungreng ngaw luh an tum tih alo hre tawh a, a fate ṭhian ho zawng an la tuai tih a hria a, pasalṭha Chhunthanga telve tur chu a lawm hle mai le! Amah tak pawh hian han daidar a chak ve viau mai, mahse pafa a han chhuah meuh zawng an thlawhhma lamah Nghalrual an tal nasa lutuk ang tih a hlauhawm phian si! Pasalṭha Chhunthanga te chu an lo be luam a, chaw an chhum belh chu an nghak ta rih a. Inhmuh loh chhung kha a rei deuh bawk a, pasalṭha Chhuna chuan Thanpuia pawh lo puitling tawh hle hian a hria a, a awmah ser thar a neih belh tih erawh a hmuh hmaih hauh lo thung! An chaw chhum a hmin chuan Pasalṭha Chhuna leh a naute chuan an han bar ve leh ta a, pasalṭha inah nge nge puar el euh chuan an bar ve leh ta a! Duhtawka Sanghal sa an han lim meuh zawng an laipawng pawh a tlum kuk thei hial ang le!
Hetia pasalṭha Chhunthanga te zanriah bar lai hian Thanpuia chuan a nau Thanzinga chu a ṭhiante lam turin alo tir ve mek a. Thanchhinga te inah hian ro an rel dawn a ni. Zamani erawh chu hlauhthawnna hian a lo khat thung a, a fapa chu Lungreng ngaw ah chuan kal ve lo se a lo duh hle thung a.Mahse mipa fa hi zawng hmun hlauhawm han pal darhte hi an chak sakhai mai si! Dan mi niin a hre si lo! Reilo te ah chuan Aimawia leh Pazawna pawh an rawn thleng ta! Pasalṭha Chhuna leh a naute an han hmuh chuan an han inbeng thak thak hlawm a, an hlim tlang hle a ni. An thu reltur hre sa ni awm tak chuan Pasalṭha Selzama leh Zamkunga pawh an rawn chuangkai ve hlawl mai le! Chutah Pasalṭha Selzaman Chhunthanga te ho an hmuh meuh chuan an hlim hle zawng a ni. Chhan sen loh zawhna an inzawt deuh mawlh mawlh mai chu a ni.
Chu zana thla de ṭan tirin Serzawl a en raih lai chuan Pasalṭha Thanchhinga te inah chuan Lungreng ngaw luhchhuah tum lusei tlangval huaisen te chuan ro pui an rel ta! A tukah chuan Khamlairang khua an pan ang a, chutah chuan zankhat an riak anga, Lungreng ngaw pan chuan an kalzui leh dawn a ni.Pasalṭha lo awm ve te chuan Khamlairang Lal rawn hmasa phawt tur chuan an chah a, chu chu thil nihphung a ni si! Thla ral hun pawha an let lo a nih chuan pasalṭha ho hian an va zawng dawn a ni. Chu chu an thu delhkilh dan chu a ni. An rorel an zawh hnu chuan tlangval ho chu pasalṭha Chhunthanga ho chuan Zawlbuk an pan ta! Zawlbuk hi tlangval zin veivak hian an kai ngei ngei tur a ni a, chu chu an zia a bet tlat an dan a ni a, khawtual tlangval pawn an lo buan ngei ṭhin! Chawntui valrual te chuan a ruk chuan an hreh hle mai, mahse inremna sa-ui tan tawh an ni a. Heng khawhnihte hian an bawhchhe thiang lo a ni. Zawlbuk an han kai ta a, Serzawl valte pawh chuan pasalṭha Chhunthanga leh a naute chu an lo hre hle tawh a, an lo inbeng ve thak thak hlawm a! Pawih ral um ho phei kha chu an innel zual em em a ni. Rei an ṭhut hma chuan tlangval rualte chuan nula rimpui turin an hruai chhuak ta hlawm a, hma taka haw a inbuan a ngai ngei dawn si!
Pasalṭha Chhunthangan Lal hmuh a duh avang chuan Thanpuia te ṭhian ho nen Lal in an pan ta a. Aimawia lah chuan Thanpuia an fiam zauh a, pasalṭha ta na na na chuan Aimawia thu chu a man rang kher mai le! Thanpuia chu an melh kher a, a nui sak thung! Lal inah chuan chuankai an han dil te te a, an han lut chu le...Serzawl Lal Lalbula chuan,
" E heu! Chawntui pasalṭha Chhunthanga lah ni rengin, pawihai a awm ta em ni le...Eh..ka pasalṭha te pawh chu...lo chuangkai mawlh teh u!" a ti a. Awmze nei fe chuan tlangaupa chu an melh raih a. Tlangaupa lah chuan a tihtur a hai lo, rap chungsanga bel chu a chawi thla ṭuih ṭuih a.Saipuii pawh a rawn inlar rang kher mai le!
Pasalṭha Chhunthanga chuan an kal chhan te an sawi meuh chuan Lalbula pawh a meng kawk kawk mai! Lungreng ngaw chanchin chu a lo hre ve nual tawh si a. Chutah pasalṭha Chhuna leh a pasalṭhate chu an melh a,
" Aw le, va chuan mawlh teh u, mahse va fimkhur u la, tin, Khamlairang Lal hnenah khan ka dam ṭhat thu inlo hrilh dawn nia!Hei...inchhawl han hnawm teh u!" tih pah chuan dawnfung an pen kauh kauh a.
Pasalṭha Chhuna chuan an dawt hmasa a, Thanpuia te chuan tlem tlem chu an han dawt ve leh a, an han ṭhumuang ta a. Saipuii chuan Thanpuia chu a lo melh ngun hle mai, Lungreng ngaw daidar a tum thu kha a lo hrilh tawh ngei si a! Sailo lal nula chuan Thanpuia chu kal ve tawh lo se a duh kher mai le, hmana pawih ral an um lai lah khan mutmu a tuah ṭha thei lo hial kha a ni si! Mahse dan mi niin a hre si lo, a rilru ava hah leh dawn tehlul em! Titi phung leng te sawiin Pasalṭha Chhuna pawh chuan an lal dam ṭhat thute pawh an sawi tlai khaw hnu ve leh a. Lenghnawt ar a khuan hma chuan an ṭin ve ta a. Aimawia chu kal hmasa tharh in Thanpuia chu a rawn muang ta deuh ngei chu a ni. Saipuii tan chuan sawitur tam tak sawi zawh hleih theih si loh sawi tum ang a ni. Hun an nei tlem hle mai si a! Ui takin tawng leh turin an inṭhen leh ta rih a ni.
Zawlbuk an han thleng chu le, pasalṭha Chhunthanga naute pawh an lo buan nak nak tawh a, mahse a hming maiin an ti a ni. Rodawla bawk chu a ã fal leh a, mahse val upa ten an lo khap thuai a. Pasalṭha Chhunthanga erawh an buan ve hauh lo, thangchhuahpa a nih vang nge ni...! Tlangval ho chuan an mikhualte chu pawnthuah an han thehchhuah ta hlawm a, Serzawl val nge nge a vum thur hial a ni. Tui takin chu favang thla chawhma lama zanah chuan an mu ta hlawm a.
Varṭianah chuan Serzawl khaw daiah mihrang val rual an ding khawm ta ṭhap mai le!
( chhunzawm tur)
A ngaihnawm takzet e
ReplyDelete