LUNGRENG NGÂW..S-3..(10)...
LUNGRENG NGÂW...S-3....10...
( PASALṬHA THANPUIA)
M.Lusei Palian
........ ......... ...........
Uluk fe chuan hnuhma te bihin an han hawi kual a, chutah Thanpuia chuan an thlang hmun awih deuh a, sapui hniak ngei chu a hmu ta! An chhuk deuh a, Sapuiin a saseh a hnuhna lo pe vekvuk chu an hmu ta mai le! Chulai hmunah chuan ran thisen chu an hmu ta, Sapuiin chetna hnu ngei a ni tih an hre ta! Thanpuia chu Aimawia leh Pazawna te chuan an rawn fin nghal a, vangvat leh thosi lah chu duhthusam hi a ni ngawt a. An mit bul vel chu an kut chuan an hai vai leh ṭhin bawk a. Thanpuia te chuan Sapuiin a saseh a hnuhthlakna lam chu fimkhur tak chuan an pan thla ta a! An inring tlang hle chu a ni. Chulai hmun lah chu hmun awih tlan, a dam deuh lai a ni bawk si!Pazawna phei chu a duh ai thui a tawlh leh ṭhin, a nal em bawk a ni! Sapui hnu chu an chhui thla ta zel a, chil pik phak velah chuan Saruang chu an hmu ta! A bawp ṭhalai tlem chu alo ei hman tawh a ni.Chutih lai tak chuan thawm pawh an mahni rawn fin zawng chuan a awm ṭan ta! Pasalṭha Selzama aw rawn thian kharh kharh chu an hre ta a! An hawi chhuak vat a, Zamkunga te, Selzama te leh Thanchhinga te chu thawm pawh chhuah lo chuan an rawn thleng ṭep a ni. Thosi lah chu a rawn pung ta hluai emaw tih mai tur lah ni, favai ṭhap ang mai chu a ni.Zamkunga chuan Thanpuia te chu an melh a,
" Eh....kha inlo chhuhsak thei tawh e lo!?" an ti chhuak a,chutih lai chuan an hnung lamah pawh tlangval rual thawm a rawn awm ṭan ta!
Aimawia chuan, " Kan chhuhsak pawh a ni chiah lo, hei ka hmu ve deuh chauh a ni!" tiin alo chhang thuai a.
Thanpuia pa Thanchhinga chuan sapui hnu chu an bih thuak thuak a, Selzaman azui thuai a, an ni pawh chuan fimkhur fe chuan an zui ta a! Sapui chimawm an kawl ta niin a lang! Khua in Sapui chimawm tak an kawl hian pasalṭha te hian zahthlak hle ah an ngai a, an kawlrei phei chuan zahthlak an ti ṭhin hle a ni. Chutih rualin Sapui ran rawn hel chin hi an fing viau tawhin tawn hriat ngah tak an lo ni tawh ṭhin a. Hnu pawh an thup thiam hle tawh ṭhin a ni.A hnu aṭanga alan dan chuan Hlaiba emaw Sairal emaw a ni ngat mai! Tin, heng ranvulh rawn seh chin ngat hi zawng Sapui tar, ramsa seh thei tawh lo, ṭuan ṭha fe, hringmi te tan pawha hlauhawm eltiang la ni si a ni ṭhin! Lo fing khat ala tling lo deuh tih chuan chu Sapui hnu chu a rulchuk ta tlat mai le! Thanchhinga te ṭhian ho chu an inmelh ta, Sapui hnu a rulchuk reng rengin an chhui zui ngai lo, vanduaina a ni. An buai ta map mai le! Hreh hle mahse an ṭin san a ngai dawn ta a ni. Chutah Zamkunga chuan,
" Ti ru le, kan ṭin phawt a ngai a nih hi...ṭum dangah kan la chhui zui tawh mai dawn nia!" Thanpuia te melh pah chuan an ti a.
An ni pawh chuan an hrethiam kher mai! Vangvat leh thosi lah chu duhthusam a ni hawt mai si a, an rilru tak chuan chhuizui an duh hle, an cho chu a ni lo va, mahse hetianga rawn huaisar hi an haw hle a ni.An letsan ta rih a, an chhukna lamah chho lehin sapui saseh awmna hmun an han thlen hma chuan an mahni tawk zaeng chuan tlangval ho an rawn chhuk ve ta a. Val upa Hnunan a rawn ho hi a ni, Rodawla pawh a hma pawlah a rawn awm ve a, a huai hmel lar lar khawp mai! Chutah le Rodawla chuan Selzama te en pah chuan,
" E he...! Pasalṭha rualin in rawn tlanchhiat san mai e lo? Chengrang rawl lah kan hre hauh si lo!" a rawn ti kher a.
Pasalṭhate chuan an en ang he haw a. Aimawia ngaih dan a ni hauh lo, tihian an chhang let ve a,
" Tlanchhia a ni mai ang chu...! Duh chuan i zuk chhui thei reng e, zuk kal rawh zuk kal rawh..!" bung fe chuan an ti ve kher a.
Chutihlai chuan Val upa Hnuna chuan pasalṭha ho chu chin chang a lo zawt a, Selzama chuan,
" A hnu a rul chuk ṭan tlat mai a, tin ruah lah hian banzai a rel si lo, thawm hriat a har deuh a ni!" an ti a. An hrethiam hle mai!
Hetih lai tak hian Aimawia te hian mau tuai te an lo la a, raw tuai lian fe fe chu an lo kheh pah mawlh mawlh a. Rodawla zawng a zia a chhuah leh ta..
" Pasalṭha kan tam vei nen....A sehtu pawh tihlum hawt si lova han awm mai chu...!" a lo la ti ve bai bai a. Tlangval ho chuan an en ta he haw a, chutah Zamkunga thin ter tek a thawk ta!
" Dawla....ti teh, a hnu tawpna ka zuk hmuh ang che, ti rawh...! I duh leh i chhui dawn nia...!" Tih pah chuan Rodawla banah chuan a va kai ta a, a chak phian mai si, a hnuk thla dawn ta! Tlangval rual ho lah chuan an lo thlir ṭhap mai si, Rodawla lah a lo ṭang fun lawi a, chhantu tur melhin a hawi kual vat vat a. A mangang hle mai le! Chutah Aimawia chuan,
" U Zam, zuk hruai rawh....zuk hruai rawh, kan zawn thla mai tur lah ni...!" tiin Rodawla zakdawha nghet zetin an man ta mai le! Chutah an chawi zui lawp a,
" Ar awp chawi i va ang sit set ve le...! Pasalṭhaten a hnu a rul chuk ti na na na, Sapui hnu chutianga a rul chuk chuan chhui zui mi a ni lo, i huai viau chuan zuk kal teh...!" tih pah chuan a tuai khehna me te chu an tat ang tuar a.
Chutah meuh chuan Thanchhinga chuan,
" A tawk e, kan tlawm hauh lo va, kan khaw awm dan hian zir mawlh hek lo, thawm hriat a har em a, naktuk lamah duh leh kan bihzui dawn nia, unau hmel hai a hnai ta si! Khi Pu Tawka te sial ruang hlawm tur a la awm si, ti teh u, i chho tawh zawk ang u!"an tih chuan an pawm tlang hle mai! Rodawla tan erawh hawi ngamna chi a ni mawlh lo! A hawichhuak ngam ta reng reng lova, ngawi reng chuan a pen ve ta nghauh nghauh a, a pu nihna nen han tichiam dawn pawh ni se, a tawngte kha pasalṭha te an ni miau mai si a! Aimawia chungah zawng phuba lak a tum ruh hle thung a ni.
Thanpuia te ṭhian ho chuan mautuai leh rawtuai te chu an lo kheh hnem hman hle a, chhung thum tlai zet an lo ak hman tawh a ni. Chingal fir nen an han bai eng sat anga, a tui hle ang chu le! Se ruang hlawm tur chuan an thawk chho ta zawk a. Chu sepa tuai lah chuan a lo lian phian mai si! An neitupa pawh a rawn thleng tawh a, a ui hmel hle mai! A sa chu an phawk hlawk hlawk a, an inah sem ta a. Pu Tawka te inah an dah ang a, an phal chuan chung tlangval ho chu an sem ve leh ang. Dan tlangpuiin chhung tlai zet hian an sem ṭhin a, mahse a ran neitu te in an thlen hmasa ṭhin a ni. Khawchhung lam chu an pan ta sang sang a, Pasalṭha ho erawh hnu an dawl thung a.
Serzawl khuaah chuan Sapui an kawl thu chu a tlang thang nghal a, an ṭi ru hle ta mai! Thanchhinga te khan a tirah khan chan an duh hle a, mahse a hnu a alan dan khan a saseh kha rilṭam vanga rawn seh a nih ang ring ta lo. Ni ngat se chuan a saseh kha a lo hauhna ngawt ang! Kangzawl khaw ho sawi ṭhin sapui chimawm a ni ang tih an hlau takzet a ni.Kangzawl ho Sapui kawl pasalṭha Thanglura sahhlum tak pawh kha ran a rawn seh a, tlemte tak tak a hmingin a ei ve a mahse a khawih zui ngai lo. A khat tawkin a dang a rawn seh leh mai ṭhin! A chang leh a reh leh vang vang ṭhin a ni! Pasalṭha ho hian a tuka chhuizui an tum leh ngat a ni.
Zanriah kil hun hma deuh chuan ruah tla cherh cherh chu a reh ta a, khua a thiang leh ta vuk a. Zan lam ropuina pawh a rawn inlar ṭan daih mai! An khaw awm dan chu a mak hle a, chu chang a ni lo, chhawrthlapui lah a rawn dak leh dek dek lawi chu a ni.Fur khawthiang kara chhawrthla eng zawng a mawi bik em a ni. Hetih mek lai hian tlangval ho lah an inring ru em em mai a, Zawlbuka meichher tur an dah sa te pawh a ṭang hle hlawm a. In tinin meichher ṭang fe an kawl vek chu a ni. Mak ta ber erawh chu an Sapui kawl chu tuman an la hmu lo, a hniak chiah an la hmu a ni. Rin dan mai lo chuan sawi zui ngaihna a awm rih lo a ni.
Hetih mek lai hian Lal fanu erawh a lunglawm hi a kim ṭan viau a, Thanpuia pawh a lenglut ve ta zauh zauh a! Thinlung erawh la inpuan tawn lo mahse an mitmei erawh hai theih rual a ni. Pasalṭha Thanpuia mikawl thinlung sak tak hi Saipuii tawnah a nem zo ta mai em ni le!? Khuanu sam suih tur meuh zawng tawnni her zing dup lo mahse a thinlung chhunga thu awm te chu an chhek khawm a, a ṭul huna phuhchhuah mai tur in an tuai hriam nawm fo si a. Chu chu seifate zinga thu kal dan a ni ṭhin si! Chu fur khawtiang kara chhawrthla eng meuh zawng a mawi ngang mai, chutih rual erawh chuan an huntawn chuan zir miau hek lo, Serzawl khua chu a reh raih mai a! Naupang pawnto tur pawh an awm lo hial a, an ṭi ru hle chu a ni.
Zan thla eng chu chhum dum hian a hliah leh zauh zauh ṭhin chu a ni. Hetih lai hian Pasalṭha Selzama te inah chuan pasalṭha hoten Sapui chhui zui dan tur an rel ho ve mek a. A rawn chet leh ngei an ring ni! Thanpuia te pawh leng chhuak lo chuan zawlbukah an tawm a, upa ho titi chu an ngaithla kar mai a. Upa ho lah chuan tunhma a Sapui an beih dan te chu an han sawi a, a hun tawn hian a zir em bawk a, an ngaithla ngun hle hlawm chu a ni. Tin, an beng an chhi ngun hle hlawm a, ṭul thuta tlanchhuak mai thei turin an inring hle hlawm a ni. Lenghnawt ar a khuan thleng pawh chuan thawm danglam, Sapui thawm chu hriattur a awm hauh lo! An han mu te pawh chu an nghar mup hlawm a, amah erawh chu chu zan zankhua mai chuan eng thil thleng mah a awm lo a ni.
Zingah ni chhuakin ruah erawh a tla tawh em lo va, Serzawl khua leh a chhehvel pawh lo thar ta vukin zing ni chhuak sara thinghnah chunga ruah far chambang niin alo chhun tlet sar te chu ava mawi em! An hun tawn phei chuan zir se, kuk pui raih raih tur hi a ni hial reng mai a ni. Tukṭhuan kham hnu chuan pasalṭha ho pawh chu innghak khawmin an kim hnu chuan Khuaihnuai lam chu an pan ta! Pasalṭha Thanchhingan hma a hruai a, an ri phei laih laih mai chu a ni. Khaw mipuite lah chuan Sapui chu pasalṭha ten an chhui zui dawn tih an hria a, an thla alo muang em em mai a ni. Pasalṭha ho chuan a sepa sehna aṭang chuan uluk fe chuan an chhui zui leh ta a, hnu thar an hmu ta hauh lo mai! A hnu rul chukna an han thleng thla a, pahnih zela inkawpin an han chhui zui leh a, Sapui hnu chhui hi thil nuam a ni hauh lova. An hawina lam apiang chu an silai kaw hmawr chuan a tin ve nghal zel mai chu a ni.Fimkhurna chu an pianpui emaw tihmai tur hi a ni a, chu Sapui hnu lah chu a chang leh an hloh thul...! Nilenga an chhui hnu pawh chuan eng an ang thei bik lo a ni. Hlawhchham in an haw ta! Sapui mak tak a ni tichung chuan khaw lam chu an pan ta a ni.
Ni thum lai a liam leh ta, Serzawl khaw mi nawlpui nun pawh a ralmuang ta deuh a, ruah lah chu khaw tinal tawk lekin a la tla zeuh zeuh a. Thanpuia chuan luhkapui vel chu chawhma lamin a thawm ṭha a, chawhnu lam hnang la pah a rawtuai vel khawrh tur chuan khurchhe mual lam a pan a. Aimawia chu a sawm phei na a, a lo hman si lo! Pazawna lah sehuang hungin a buai leh viau tawh bawk a. Khurchhe mual mawng lam chu a pan ta a. Sapui rawn chetna ala rei loh avang chuan a silai pawh chu a ak tel nghe nghe a. Thui lo deuh a kal hnu chuan raw hung ṭha fe chu a hmu a, a tuai pawh alo tam ngang mai! Rawtuai ala ṭan chiah chu le,a piah lam hla vak lo aṭang chuan se awn thawm a hre ta. Mihrang val chuan hmanhmawh leh fimkhur em em chuan a pan phei ta! Thawm dim ngailoh hun a ni bawk a, a kal thei phian mai! Chutah le...a silai chu uluk fe a tin chuan a kap puak ta dur mai le! Chu Sapui chuan a rawn hmu ve hman tlat mai a, a inher hret hman chu a ni. Awihṭenah chuan a lum thla buan buan a, Thanpuia pawh chuan Sapui lumna lam chu a pan thla ve ta nghal a. A silai chu a sawh zui nghal zat a, Sapui lumna kawrte chu a pan thla a, chutah mihrang chuan fimkhurna a hlauh ta em ni, awihṭen hmun nalah chuan a tleng thla ve ta! Sapui lo tawmna bul chiahah chuan a zuk ding ta mai le...Chu Sapui lah ngenmu a kawlh tawk chauhva dawng Sapui lian Hlaiba ngat a lo ni si! Thanpuia chuan a Silai pawh a tin hman ta bik lo.....!
( chhunzawm tur )
( A tawi deuh, ka buai em a ni. Lo hrethiam u la, nakzanah kan tisei leh mai tur lah ni!)
( PASALṬHA THANPUIA)
M.Lusei Palian
........ ......... ...........
Uluk fe chuan hnuhma te bihin an han hawi kual a, chutah Thanpuia chuan an thlang hmun awih deuh a, sapui hniak ngei chu a hmu ta! An chhuk deuh a, Sapuiin a saseh a hnuhna lo pe vekvuk chu an hmu ta mai le! Chulai hmunah chuan ran thisen chu an hmu ta, Sapuiin chetna hnu ngei a ni tih an hre ta! Thanpuia chu Aimawia leh Pazawna te chuan an rawn fin nghal a, vangvat leh thosi lah chu duhthusam hi a ni ngawt a. An mit bul vel chu an kut chuan an hai vai leh ṭhin bawk a. Thanpuia te chuan Sapuiin a saseh a hnuhthlakna lam chu fimkhur tak chuan an pan thla ta a! An inring tlang hle chu a ni. Chulai hmun lah chu hmun awih tlan, a dam deuh lai a ni bawk si!Pazawna phei chu a duh ai thui a tawlh leh ṭhin, a nal em bawk a ni! Sapui hnu chu an chhui thla ta zel a, chil pik phak velah chuan Saruang chu an hmu ta! A bawp ṭhalai tlem chu alo ei hman tawh a ni.Chutih lai tak chuan thawm pawh an mahni rawn fin zawng chuan a awm ṭan ta! Pasalṭha Selzama aw rawn thian kharh kharh chu an hre ta a! An hawi chhuak vat a, Zamkunga te, Selzama te leh Thanchhinga te chu thawm pawh chhuah lo chuan an rawn thleng ṭep a ni. Thosi lah chu a rawn pung ta hluai emaw tih mai tur lah ni, favai ṭhap ang mai chu a ni.Zamkunga chuan Thanpuia te chu an melh a,
" Eh....kha inlo chhuhsak thei tawh e lo!?" an ti chhuak a,chutih lai chuan an hnung lamah pawh tlangval rual thawm a rawn awm ṭan ta!
Aimawia chuan, " Kan chhuhsak pawh a ni chiah lo, hei ka hmu ve deuh chauh a ni!" tiin alo chhang thuai a.
Thanpuia pa Thanchhinga chuan sapui hnu chu an bih thuak thuak a, Selzaman azui thuai a, an ni pawh chuan fimkhur fe chuan an zui ta a! Sapui chimawm an kawl ta niin a lang! Khua in Sapui chimawm tak an kawl hian pasalṭha te hian zahthlak hle ah an ngai a, an kawlrei phei chuan zahthlak an ti ṭhin hle a ni. Chutih rualin Sapui ran rawn hel chin hi an fing viau tawhin tawn hriat ngah tak an lo ni tawh ṭhin a. Hnu pawh an thup thiam hle tawh ṭhin a ni.A hnu aṭanga alan dan chuan Hlaiba emaw Sairal emaw a ni ngat mai! Tin, heng ranvulh rawn seh chin ngat hi zawng Sapui tar, ramsa seh thei tawh lo, ṭuan ṭha fe, hringmi te tan pawha hlauhawm eltiang la ni si a ni ṭhin! Lo fing khat ala tling lo deuh tih chuan chu Sapui hnu chu a rulchuk ta tlat mai le! Thanchhinga te ṭhian ho chu an inmelh ta, Sapui hnu a rulchuk reng rengin an chhui zui ngai lo, vanduaina a ni. An buai ta map mai le! Hreh hle mahse an ṭin san a ngai dawn ta a ni. Chutah Zamkunga chuan,
" Ti ru le, kan ṭin phawt a ngai a nih hi...ṭum dangah kan la chhui zui tawh mai dawn nia!" Thanpuia te melh pah chuan an ti a.
An ni pawh chuan an hrethiam kher mai! Vangvat leh thosi lah chu duhthusam a ni hawt mai si a, an rilru tak chuan chhuizui an duh hle, an cho chu a ni lo va, mahse hetianga rawn huaisar hi an haw hle a ni.An letsan ta rih a, an chhukna lamah chho lehin sapui saseh awmna hmun an han thlen hma chuan an mahni tawk zaeng chuan tlangval ho an rawn chhuk ve ta a. Val upa Hnunan a rawn ho hi a ni, Rodawla pawh a hma pawlah a rawn awm ve a, a huai hmel lar lar khawp mai! Chutah le Rodawla chuan Selzama te en pah chuan,
" E he...! Pasalṭha rualin in rawn tlanchhiat san mai e lo? Chengrang rawl lah kan hre hauh si lo!" a rawn ti kher a.
Pasalṭhate chuan an en ang he haw a. Aimawia ngaih dan a ni hauh lo, tihian an chhang let ve a,
" Tlanchhia a ni mai ang chu...! Duh chuan i zuk chhui thei reng e, zuk kal rawh zuk kal rawh..!" bung fe chuan an ti ve kher a.
Chutihlai chuan Val upa Hnuna chuan pasalṭha ho chu chin chang a lo zawt a, Selzama chuan,
" A hnu a rul chuk ṭan tlat mai a, tin ruah lah hian banzai a rel si lo, thawm hriat a har deuh a ni!" an ti a. An hrethiam hle mai!
Hetih lai tak hian Aimawia te hian mau tuai te an lo la a, raw tuai lian fe fe chu an lo kheh pah mawlh mawlh a. Rodawla zawng a zia a chhuah leh ta..
" Pasalṭha kan tam vei nen....A sehtu pawh tihlum hawt si lova han awm mai chu...!" a lo la ti ve bai bai a. Tlangval ho chuan an en ta he haw a, chutah Zamkunga thin ter tek a thawk ta!
" Dawla....ti teh, a hnu tawpna ka zuk hmuh ang che, ti rawh...! I duh leh i chhui dawn nia...!" Tih pah chuan Rodawla banah chuan a va kai ta a, a chak phian mai si, a hnuk thla dawn ta! Tlangval rual ho lah chuan an lo thlir ṭhap mai si, Rodawla lah a lo ṭang fun lawi a, chhantu tur melhin a hawi kual vat vat a. A mangang hle mai le! Chutah Aimawia chuan,
" U Zam, zuk hruai rawh....zuk hruai rawh, kan zawn thla mai tur lah ni...!" tiin Rodawla zakdawha nghet zetin an man ta mai le! Chutah an chawi zui lawp a,
" Ar awp chawi i va ang sit set ve le...! Pasalṭhaten a hnu a rul chuk ti na na na, Sapui hnu chutianga a rul chuk chuan chhui zui mi a ni lo, i huai viau chuan zuk kal teh...!" tih pah chuan a tuai khehna me te chu an tat ang tuar a.
Chutah meuh chuan Thanchhinga chuan,
" A tawk e, kan tlawm hauh lo va, kan khaw awm dan hian zir mawlh hek lo, thawm hriat a har em a, naktuk lamah duh leh kan bihzui dawn nia, unau hmel hai a hnai ta si! Khi Pu Tawka te sial ruang hlawm tur a la awm si, ti teh u, i chho tawh zawk ang u!"an tih chuan an pawm tlang hle mai! Rodawla tan erawh hawi ngamna chi a ni mawlh lo! A hawichhuak ngam ta reng reng lova, ngawi reng chuan a pen ve ta nghauh nghauh a, a pu nihna nen han tichiam dawn pawh ni se, a tawngte kha pasalṭha te an ni miau mai si a! Aimawia chungah zawng phuba lak a tum ruh hle thung a ni.
Thanpuia te ṭhian ho chuan mautuai leh rawtuai te chu an lo kheh hnem hman hle a, chhung thum tlai zet an lo ak hman tawh a ni. Chingal fir nen an han bai eng sat anga, a tui hle ang chu le! Se ruang hlawm tur chuan an thawk chho ta zawk a. Chu sepa tuai lah chuan a lo lian phian mai si! An neitupa pawh a rawn thleng tawh a, a ui hmel hle mai! A sa chu an phawk hlawk hlawk a, an inah sem ta a. Pu Tawka te inah an dah ang a, an phal chuan chung tlangval ho chu an sem ve leh ang. Dan tlangpuiin chhung tlai zet hian an sem ṭhin a, mahse a ran neitu te in an thlen hmasa ṭhin a ni. Khawchhung lam chu an pan ta sang sang a, Pasalṭha ho erawh hnu an dawl thung a.
Serzawl khuaah chuan Sapui an kawl thu chu a tlang thang nghal a, an ṭi ru hle ta mai! Thanchhinga te khan a tirah khan chan an duh hle a, mahse a hnu a alan dan khan a saseh kha rilṭam vanga rawn seh a nih ang ring ta lo. Ni ngat se chuan a saseh kha a lo hauhna ngawt ang! Kangzawl khaw ho sawi ṭhin sapui chimawm a ni ang tih an hlau takzet a ni.Kangzawl ho Sapui kawl pasalṭha Thanglura sahhlum tak pawh kha ran a rawn seh a, tlemte tak tak a hmingin a ei ve a mahse a khawih zui ngai lo. A khat tawkin a dang a rawn seh leh mai ṭhin! A chang leh a reh leh vang vang ṭhin a ni! Pasalṭha ho hian a tuka chhuizui an tum leh ngat a ni.
Zanriah kil hun hma deuh chuan ruah tla cherh cherh chu a reh ta a, khua a thiang leh ta vuk a. Zan lam ropuina pawh a rawn inlar ṭan daih mai! An khaw awm dan chu a mak hle a, chu chang a ni lo, chhawrthlapui lah a rawn dak leh dek dek lawi chu a ni.Fur khawthiang kara chhawrthla eng zawng a mawi bik em a ni. Hetih mek lai hian tlangval ho lah an inring ru em em mai a, Zawlbuka meichher tur an dah sa te pawh a ṭang hle hlawm a. In tinin meichher ṭang fe an kawl vek chu a ni. Mak ta ber erawh chu an Sapui kawl chu tuman an la hmu lo, a hniak chiah an la hmu a ni. Rin dan mai lo chuan sawi zui ngaihna a awm rih lo a ni.
Hetih mek lai hian Lal fanu erawh a lunglawm hi a kim ṭan viau a, Thanpuia pawh a lenglut ve ta zauh zauh a! Thinlung erawh la inpuan tawn lo mahse an mitmei erawh hai theih rual a ni. Pasalṭha Thanpuia mikawl thinlung sak tak hi Saipuii tawnah a nem zo ta mai em ni le!? Khuanu sam suih tur meuh zawng tawnni her zing dup lo mahse a thinlung chhunga thu awm te chu an chhek khawm a, a ṭul huna phuhchhuah mai tur in an tuai hriam nawm fo si a. Chu chu seifate zinga thu kal dan a ni ṭhin si! Chu fur khawtiang kara chhawrthla eng meuh zawng a mawi ngang mai, chutih rual erawh chuan an huntawn chuan zir miau hek lo, Serzawl khua chu a reh raih mai a! Naupang pawnto tur pawh an awm lo hial a, an ṭi ru hle chu a ni.
Zan thla eng chu chhum dum hian a hliah leh zauh zauh ṭhin chu a ni. Hetih lai hian Pasalṭha Selzama te inah chuan pasalṭha hoten Sapui chhui zui dan tur an rel ho ve mek a. A rawn chet leh ngei an ring ni! Thanpuia te pawh leng chhuak lo chuan zawlbukah an tawm a, upa ho titi chu an ngaithla kar mai a. Upa ho lah chuan tunhma a Sapui an beih dan te chu an han sawi a, a hun tawn hian a zir em bawk a, an ngaithla ngun hle hlawm chu a ni. Tin, an beng an chhi ngun hle hlawm a, ṭul thuta tlanchhuak mai thei turin an inring hle hlawm a ni. Lenghnawt ar a khuan thleng pawh chuan thawm danglam, Sapui thawm chu hriattur a awm hauh lo! An han mu te pawh chu an nghar mup hlawm a, amah erawh chu chu zan zankhua mai chuan eng thil thleng mah a awm lo a ni.
Zingah ni chhuakin ruah erawh a tla tawh em lo va, Serzawl khua leh a chhehvel pawh lo thar ta vukin zing ni chhuak sara thinghnah chunga ruah far chambang niin alo chhun tlet sar te chu ava mawi em! An hun tawn phei chuan zir se, kuk pui raih raih tur hi a ni hial reng mai a ni. Tukṭhuan kham hnu chuan pasalṭha ho pawh chu innghak khawmin an kim hnu chuan Khuaihnuai lam chu an pan ta! Pasalṭha Thanchhingan hma a hruai a, an ri phei laih laih mai chu a ni. Khaw mipuite lah chuan Sapui chu pasalṭha ten an chhui zui dawn tih an hria a, an thla alo muang em em mai a ni. Pasalṭha ho chuan a sepa sehna aṭang chuan uluk fe chuan an chhui zui leh ta a, hnu thar an hmu ta hauh lo mai! A hnu rul chukna an han thleng thla a, pahnih zela inkawpin an han chhui zui leh a, Sapui hnu chhui hi thil nuam a ni hauh lova. An hawina lam apiang chu an silai kaw hmawr chuan a tin ve nghal zel mai chu a ni.Fimkhurna chu an pianpui emaw tihmai tur hi a ni a, chu Sapui hnu lah chu a chang leh an hloh thul...! Nilenga an chhui hnu pawh chuan eng an ang thei bik lo a ni. Hlawhchham in an haw ta! Sapui mak tak a ni tichung chuan khaw lam chu an pan ta a ni.
Ni thum lai a liam leh ta, Serzawl khaw mi nawlpui nun pawh a ralmuang ta deuh a, ruah lah chu khaw tinal tawk lekin a la tla zeuh zeuh a. Thanpuia chuan luhkapui vel chu chawhma lamin a thawm ṭha a, chawhnu lam hnang la pah a rawtuai vel khawrh tur chuan khurchhe mual lam a pan a. Aimawia chu a sawm phei na a, a lo hman si lo! Pazawna lah sehuang hungin a buai leh viau tawh bawk a. Khurchhe mual mawng lam chu a pan ta a. Sapui rawn chetna ala rei loh avang chuan a silai pawh chu a ak tel nghe nghe a. Thui lo deuh a kal hnu chuan raw hung ṭha fe chu a hmu a, a tuai pawh alo tam ngang mai! Rawtuai ala ṭan chiah chu le,a piah lam hla vak lo aṭang chuan se awn thawm a hre ta. Mihrang val chuan hmanhmawh leh fimkhur em em chuan a pan phei ta! Thawm dim ngailoh hun a ni bawk a, a kal thei phian mai! Chutah le...a silai chu uluk fe a tin chuan a kap puak ta dur mai le! Chu Sapui chuan a rawn hmu ve hman tlat mai a, a inher hret hman chu a ni. Awihṭenah chuan a lum thla buan buan a, Thanpuia pawh chuan Sapui lumna lam chu a pan thla ve ta nghal a. A silai chu a sawh zui nghal zat a, Sapui lumna kawrte chu a pan thla a, chutah mihrang chuan fimkhurna a hlauh ta em ni, awihṭen hmun nalah chuan a tleng thla ve ta! Sapui lo tawmna bul chiahah chuan a zuk ding ta mai le...Chu Sapui lah ngenmu a kawlh tawk chauhva dawng Sapui lian Hlaiba ngat a lo ni si! Thanpuia chuan a Silai pawh a tin hman ta bik lo.....!
( chhunzawm tur )
( A tawi deuh, ka buai em a ni. Lo hrethiam u la, nakzanah kan tisei leh mai tur lah ni!)
Awi, ka hlauthawng lutuk. Chhiar leh vat teh ang
ReplyDelete