LUNGRENG NGÂW..S-2...(3)...
LUNGRENG NGÂW.....S-2.....3.....
(PASALṬHA THANPUIA)
Aw a mawi chuang e kan zonun,
Pipu chenah an hmaih ṭhelh ngai lo riangvai chanhai te,
Chutin kan zonun liam mek hi,
Tungding leh turin nang leh kei hian mawh kan phur asin!
.......... ............ ..............
An tawmna aṭanga an han chhuak leh chu ral hnung lamah zui tawh rih lovin, Saipuk lui lam an pan ta zawk a. Ngaw hnuaia rei fe an kal hnuah chuan Saipuk lui chu an thleng ta hram a, lung phenah ngawi rengin an ṭhu ta a.
Rei tawk tak an ṭhut hnu chuan Chingpirinu a rawn hram ta dat dat mai le...!chu veleh Selzama chu a ding nghal zawt a......! Chingpirinu hram ang chiah chuan a hram ve ta dat dat a,chutah rei lote hnuah chuan Zamkunga leh tlangval sawm rual chu an rawn lang ta nghal a.Thawm an dim thiam kher lah tak a, hresa lo tan phei chuan an thawm hriattur a tlem kher mai le. Zamkunga hian a tlangval rawn hruaite hi a thlang uluk hle reng a, hnung lam aṭanga ṭan khalh tur an ni bawk a, a ngai reng a ni. Zamkunga chuan chawfun a rawn phawrh nghal a,
" Han in eipuar ula, Thingse mual lamah em ni kan chhoh mai tak ang!?" an tih chhunzawm zat a.
"Thana, hei titeh, laipawng thle lawl khawpa eitur kan nei e, Zama, i ruahmanna chu a fuh khawp ang! Khaw lam a him thei meuh ang maw!?" tih pah chuan chawfun chu an ṭhet chhunzawm nghal a. Thanpuia nen chuan an bar dun ta malh malh a.
" Him thei turah ka ngai e, Pawihbawh lamah pasalṭha Zaliana leh tlangval sawmhnih an awm anga, Mualnuam lamah Thana pa hovin tlangval sawmhnih an awm thung ang. Tin, kan lal pawh Pawihbawh lamah a chengrang leh fei nen a tel ve tlat nia, pasalṭha ho pawn dan mi niin an hre lo a ni.E khai hei! Silai kan neih belh elo!?" Tih pah chuan an bula Silai pathum chu an lek vel a.
" Thana zar liau liau a nih kha, kha kan tlangval te khan hum ve rawh se!" Selzama chuan an ti a.
Zamkunga rawn hruai tlangval zingah chuan Silai hum lo pahnih an awm ve reng a, chung te chu a kah dan an han inhrilh nawk nawk a, an hmehbel zui chu a ni nghal mai!
" Hmelma lama chengrang in lek reng rengin in ṭhelh tur a ni hauh lova, in tum kha chiang ula, alo thlawnin ngenmu kan seng ral tur a ni hauh lo!" Selzama chuan an ti leh a, chutih lai chuan an zen pai leh silaimu chu an lo insem tlang a.Khaw chhan nana thawkchhuak val rualte an ni a, hlauhna aiin an hmelah tumruhna leh chhelna a hmuh theih hial a, an khaw rawn run tum mek te chungah hian zahngaihna an lantir kher lovang le.Lusei tlangval chuan khawtlang tlang a ṭul chuan nun hi an chan ui hauh lova, ram chhan nan chuan thih huamin an bei ṭhin reng a ni.
Thanpuia ten chaw an bar zawh chuan ṭhu muang tawh lovin kal zn han rem nghal a, Selzaman hma a hruai a, Zamkungan hnu a dawl thung a.Muanna hman an nei tawh lo bawk a, chho kal mah ni se an duk par par mai chu a ni. Zamkungan Thanpuia an bekbawr zeuh a, an nui dun hak a, Thanpuia chu a zak rilru hle a, han tihvak ngaihna a awm der mai si lo. A pa Zamkunga hian ala fiam zel dawn niin alang, nge ni Lal fanu in a bulah kher fimkhur tura an chah vei ni! An hmahruaitu Selzama chu ading ta dat mai a. Chu veleh hrilh hriat chawp ngai hauh lovin an za chuan fimkhur takin hma lam chu an han en ta hlawm a. An hma lawk mau tluk sarih velah chuan hmelma lam chu an lo chawl hmur mai chu an hmu ta mai reng a. Fimkhur tak leh thawm nei hauh lo chuan an hnaih ta hriau hriau a, thlapui chhum in an hliah chu an lam ṭang ni awm tak hi a ni nghe nghe a ni.
Pasalṭha Chhunthanga hlauhawm lo thleng tur hriat lawkna nei tlat ṭhin chuan chawlh a rawt a ni. Chawntui val rualte hian tu a nih an hai lo, a ni meuh hi chu zanriah fai tel hauh lova zan tam ramhnuaia khawsa thei a ni. Thangchhuah pa niin sa tam a barh tawh a, mi leh sa ah a zam reng an hre ngai hauh lo! Chutah an ṭawng chhuak ta a,
" Ka ngaih reng a ṭha hauh lo,kan tlangval tirh te kha, helaiah hian ilo nghak teh ang u, khua pawh kan thleng har tawh lo'ng!" an ti a.
A ni renga Pasalṭha Chhunthanga hian tlawm dawn tlatin a inhria a ni. A zam hauh lo na a, nidang a ang tlat lo a ni. Chawntui val rualte an han ṭhu fel ta a, an ni pawh chu ngaihṭhat lohna riau an nei tawh a. Suakkunga leh a naute, Hluana leh a naute ho an han dawn a, tumah rawn zui reng an awm ta si lo, mak an ti hle tawh mai reng a ni.An tlangval tirhte an rawn thleng ta a, engkim khaw chhungah a kal tluang hle a, ralven buk ah erawh ralveng an awm ve, tihte chenin an rawn sawi ta a. Pasalṭha thinlung luhlulna rawn in irh so chhuakin Chhunthanga chuan,
" Aw le, tumah zam hauh suh ang che u, khua kan hnaih tawh a, insem darh lovin kan bawh huk ang a, an ralvengte kan thah laiin Chenhranga leh a hoten Zawlbuk an hual ang a, Kungpuia leh a nauten Lal in an lo han bitum ang. Khawvar hma in an khua hi kan hal hman tur a ni." An ti a. An ngaithla ṭhap a, tumah vaibel zu pawh an awm tawh lo. Rei lo deuh hnu chuan an kal leh ta a.
Khawvar a hla tawh hauh lo tih chu a boruak aṭang chuan a hriat ta! Selzama leh a naute ho chuan a kah nuam tawk aṭang chuan an zui zel a, khua an hnaih ta. Hmelma lam pawn ralven buk chu an sai pha ta tih chuan Pasalṭha Chhunthanga te ho chu an ding ta ṭhap a. Inralrin a ngai ta takzet tih chu Selzama chuan a hre ta, chutah a naute hnenah chuan,
" Zam hauh suh ang che u, a um lettu zawk kan ni a, An silai hmeh puah rual chiah khuan kan hmet nghal tur a niang, tumah ṭhelh thiang a ni lo, in bitum tur kha ngun takin thlang ula,chutah khawchhung lam amiten an rawn kah rualin silai sawhna hun remchang kan nei thei ang a, Thana nang chu i duh angin che la, min veng pah ang che!" an ti a. Hlam thum vel chuan hma an han sawn leh a.
A sawi zawh rual vel chuan Ralven buk lam aṭang chuan Silai puak ri an hre ta mai a, mak an ti hle a ni! Chutah le Chawntui val rualte chuan an silai chu an han kap ve ta tak tak a, Serzawl khaw dai chu zen rim hian a khat a ni hawt a. Selzama leh a naute pawh chuan an tum an hlah bik hauh lo, rang takin an silai an han sawh zui leh nghal a. Chutih lai chuan hmelma te chu khawchhung aṭangin an rawn kap ve leh ta bawk a, ṭan hmun mumal nei hman ta hek lo le, an hek ta hawk mai a. Rum ri in a khat a ni ta ber a, pachang na tuar rum riin an zui a, rorel danin awm theih ta hek lo le... an buai nuai tawh mai chu a ni. Chutah Pasalṭha Chhunthanga chuan a naute chu an au khawm a, a ding zeuh awm apiang lah chu Thanpuia chuan a thalfang a lo dawn tir nawlh zel mai si nen, nungdama la awmte an tlem ta hle mai! Selzama leh a nauten an han kap leh zet chu le, hmelma lam an talbuai ta!
Pasalṭha Zaliana aw tih hriat tak chuan,
" Hualbeh vek inni tawh, in pe mai rawh u, a nih loh chuan kan chimih barh mai dawn che u a nia ..!" a rawn ti ta lang lang mai.
Hmelma lam inpek mai an tum hauh lo, Pasalṭha Chenhranga ho chuan hma lam an la pan chheu chheu mai, chutah thing bul phenin khawchhung lam an pan a, a ṭhenin hnunglam an veng ve bawk a. Mahse Thanpuia chuan a thal chuan a ṭhelh hauh lo, a lum sawn a, a per kual a, a kap mial mial mai si a, sawm chuang mah a thal tawh a ni. Thalfang pawh a ngah ta lua lo, Pasalṭha Chenhranga hote silai an puak ve leh a, Selzama naute Silai an puak ve leh ta zawt zawt a. Chutah sir lam aṭangin Thanchhinga leh a naute Silai a rawn puak zui ve ta nghal mai bawk a, hmelma lam zawng sawm ṭha bak an dam tawh kher lovang le. An chan a chau ta takzet a ni. Pasalṭha Chhunthanga chuan hualbeh an ni tih a hre thiam ta, a ni khaw khat pasalṭha duai ngai lo, a lai ava na kher em!
An inkah chhung kha rei lote ni mai hian a hriat tak na a, khua alo var ṭep ta mai! An buai pheng khan ar khuang an lo ngai lo a ni mahna! Rei loteah khua avar mai dawn tih chu inhrh hriat an ngai hran kher lo mai le!
Khatia Pawihbawh lama an ralveng kha Pasalṭha Zaliana chuan hmelma lo hnai kha a hmu reng tak na a,
" Tuman thal ka thlah hma chuan thlah hauh suh ang che u, an hnung lamah Zamkunga te ho an awm dawn a, inṭhen hran an tum hunah chiah thal ka thlah anga, tuman tum ṭhelh tur ani lo, tunang hunah hian zam tur a ni hauh lo!" Tiin a naute ho an fuih a. A bula Serzawl lal pawh chuan,
" Kan pasalṭha thusawi chu in hre chiang meuh maw!" an lo ti kha a ni.
Rodawla chuan an hmelma rawn kal ho an en ṭhin a, kap fuh ngeia a inrin avangin a thal kha a thlah ta kha a ni a. An ri huk nghe nghe a, kamkhat a tawk reng a ni. Cheka chekah an chan a chhiat phah lo chauh chu ani. Lalbula meuh pawh alawm lo hle nghe nghe a ni. Mahse hnunglama mite nen, Sir lama Mualnuam lam vengtute rawn phei ta bawk nen, an chetlak a fuh ta kha a ni.
Khawvar eng ruai karah chuan Pasalṭha Chenhranga leh Chhunthanga chu an han in en a, eng ro nge an neih ang le! Leilung alan chian poh leh an che chhe ting mai dawn a, kah an nuam em em dawn si! Tlangval hliam tuar lo phei chu tihtham an nei ta lo. Pasalṭha Chenhranga phei chu a ban puam veilam chu Silai mu luhna tih hriat tak hian thisen a chhuak deuh reng mai lehnghal a..!
Chutah Pasalṭha Chhunthanga chuan,
" Aw le....kan inpe ang e, mahse thil pakhat chiah ka ngen duh che u a ni, chu chu Pasalṭha Sangchina thattu ka hmachhawn min phalsak turin, chutiang a nih dawn chuan kan inpe ang, ka hneh lo a nih pawhin Pialral lam kal ka hreh love!" An ti ve ta a.
Pawihbawh ralven buk chu an thum hak mai a, an inrawn khawm tih a hriat theih hial a, Chutih lai chuan Pasalṭha Selzama chuan lo chhan a tum a, mahse Ralven buk kiang aṭang chuan Lalbula aw ngei a rawn ri chhuak ta a,
" Chu....tlawm tawh chungpawn duhthusam ila nei cheu a ni maw! Lalbula Serzawl lal ka ni a, i awka han chheh dan chu mihrang i ang viau a, thu leh a awm dawn loh chuan i hmachhawn thei ang!" Tih pah chuan a fei keng chung chuan a rawn ding peu al mai a.
Chutah Pasalṭha Chhunthanga chuan,
" Chhunthanga Chawntui mikawl ka ni e, Lalpa thu leh a awm hauh lovang, kan tlawm tawh a hnu,ka mi hmachhawn ka hneh loh leh Pialralah a rawng ka bawl mai a niang chu...ka lo hneh a nih pawhin thutiam sut mi ka ni ngai love, kan nunna chu in kut thovah a ni a awm dawn ni!" an ti a.
Pasalṭha Chhunthanga hming an han hriat chuan Serzawl khaw mi leh sa chu an phu deuh suau thei hial a. Pasalṭha dangten an mi hmachhawn an hneh chuan nun turin Lal te hi thu an delh kilh tir ṭhin reng a, chu chu an tih dan phung a ni kumkhua ṭhin! Mahse he Pasalṭha hian chutiang chuan a ti hauh lo, mi huaisen tak a ni tih chu hai rual a ni lo. Lalbula pawh chuan chu hmelma pasalṭha chu a ngaisang ru phian mai! Lal chuan tlangval ho chu thu an pe a, hmelma te chu an zuk man ta a.
Khua a rawn var chho ṭan a, Serzawl val rualte chuan an hmelma lam chu khawmin Lal mual lam an pan pui ta a. A lo hup lettu zawk niin mi pawh an in chan tlem hle mai a, lawmin hlim viau mahse an lawm a kim thei lo a ni. Hmabak an la nei ta tlat a, chu an hmabak hmuh loh bik nih hlau chuan pitar putar leh nunau chenin Lal mual an pan khawm ta. Chawntui lam la damte chu an hnungkhirh vek hlawm a, Rodawla pawh an chet a fuh chhova a hawi ve leh valh valh tawh mai reng a. Lal mualah chuan an hmelma lam ho chu an ṭhuttir ta a, sawm ṭha lam mah an la ni! Pasalṭha Chenhranga erawh thisen a hloh tam deuh avangin a chau titih mai a, mahse a intiharh ve hram hram chu a ni.
Lal leh khawnbawl upa te chu Lal luhkapui sangah an ding ther ta fur mai a, chutih rual chuan Thanpuia chu an huphurh pui hle thung a. Chutah le Pasalṭha Chhunthanga chuan,
" Khai le, Lalpa, Pasalṭha Sangchina lo tudawltu chu tu chu nge ni? Min phalsak ta bawk a, kan hmachhawn anga, ka lo hneh ta a nih pawhin kan nun chu ka lo sawi lawk tawh angin i kutah tho a awm ang, ka naute( an melh kual a) zinga kawhmawh bawl a awm a nih chuan keimah ngeiin an lu ka la ang...! " an ti zui ta a.
Pasalṭha ho leh tlangval te chu an inmelh kual ta hrak hrak a. Pasalṭha Chhunthanga khualkai pasalṭha lasi te chuam nia an hriat chu an huphurh viau mai a ni.Rodawla hlei hlei chuan a hmachhawn tur a ni lo chu a va lawm em, midang chu awm lo se chuan beng thleng thlengin a bawp a khai hial ang chu! Mipui pawh an reh ta ṭhap mai!
Chutah le, Lal tual thingkhawn kiang aṭang chuan tlangval la naupang tak, fuke hrawl hraih mai sakawl pian ṭha ang mai a kawng fek rat leh dar pharh hlai hlap, mitmenga zamna chhete mah lang lochu a rawn pen chhuak ta a. Pasalṭha Chhunthanga lam chu a rawn pan ta chhak chhak mai a, chutah Thangbawnga chuan Lal mitmei hmu in Pasalṭha Chhunthanga phuarna chu alo zai chat thuai a, chutah ama iptepui ngei chu an pe ta a. Pasalṭha Chhunthanga chuan a piah maia ding tlangval pian ṭha leh la naupang tak chu an thlir a, mak a tih hmel hle mai! A ipte pui aṭang chuan Milu lak chem leh Chempui an phawrh a, a kut dinglam in Milu lak chem a hum a, a vei lamin a chempui a hum thung a. Han en mai pawh chuan a deh a khirh hle ang tih a hriat a ni.
Lal luhkapui sir deuha lo ding ve reng Lal nula chu hlauhthawnna hian a khat a, athin te chu su dup dup hian a hre hial a, awm ngaihna ahre lo a ni,hre ta tehreng pawh nise a awm hlei thei chuang awm love! A pa chu an thlek leh zawk ṭhin a, mahse heng mipui zozai zingah hian eng mah a sawi ngam der si lo, ava khawngaihthlak teh lul em!
Chutah le, Pasalṭha Chhunthanga chuan, "I hiau le....awih har ka va ti em! Pasalṭha Sangchina lu khaitu maw i nih a tlangval!?" an ti ṭha leh a.
Thanpuia chuan, " Kha Pasalṭha chapo zet kha em ni i sawi, mi huaisen tak chu a nih ngei kha, hei hi....( ipte pui aṭangin milu lak chem an phawrh a, Chhunthanga chuan alo thlek ha a) amah ngeiin min pe asin!" an ti zui nghal a.
Zamkunga chuan rang fe hian Thanpuia lamah muzuk fei an khawh phei a, Thanpuia sirah chuan a bur ta a. Thanpuia chuan lo phawi vatin a milu lak chem, Sangchina hnen aṭanga a neih tak chu vei lamah a keng a, a ding lamin muzuk fei a lek ta nghal a.
" Khai le, ka inpeih e pasalṭha....!" an ti zui a.
Pasalṭha Chhunthanga lasi te vohbik ngei chuan Thanpuia chu an melh a, a hmelah zamna chhete mah a hmu lo. A mitmeng sen ta ram mai an en te chuan a uar deuh pa chuan han sawi se, sar a zam e tih ngei tur a ni tlat mai! Deh a khirh hle ang tih chu a hriat nghal a, mahse zamlohna chhan lian tak a nei ru a ni. A zawlnu in a hum dawn tho tih a hre tlat a ni. An rum nghat a,
" Keimah Chhunthanga Chawntui mikawl ka ni ngai e, sa leh ralah ka zam ngai love...!" tih leh Thanpuia lama pen hnaih an rual nghal a.
Chutah le ..Upa Phirtuala Lal luhkapui a ding mek chuan, "Keimah Phirtuala tupa Sangchina thattu Thanpuia ti rawh" ring tak leh fiah tak chuan a rawn ti ve ta tlat mai!
Thanpuia chuan muzuk fei lek chung chuan Pasalṭha Chhunthanga lamah an pen sau pawk pawk a.....
(Chhunzawm tur)
( Ka buai em a, a tawi deuh tih erawh ka hria, min lo hrethiam ula, nakzanah kan tisei leh hret mai dawn nia aw...)
(PASALṬHA THANPUIA)
Aw a mawi chuang e kan zonun,
Pipu chenah an hmaih ṭhelh ngai lo riangvai chanhai te,
Chutin kan zonun liam mek hi,
Tungding leh turin nang leh kei hian mawh kan phur asin!
.......... ............ ..............
An tawmna aṭanga an han chhuak leh chu ral hnung lamah zui tawh rih lovin, Saipuk lui lam an pan ta zawk a. Ngaw hnuaia rei fe an kal hnuah chuan Saipuk lui chu an thleng ta hram a, lung phenah ngawi rengin an ṭhu ta a.
Rei tawk tak an ṭhut hnu chuan Chingpirinu a rawn hram ta dat dat mai le...!chu veleh Selzama chu a ding nghal zawt a......! Chingpirinu hram ang chiah chuan a hram ve ta dat dat a,chutah rei lote hnuah chuan Zamkunga leh tlangval sawm rual chu an rawn lang ta nghal a.Thawm an dim thiam kher lah tak a, hresa lo tan phei chuan an thawm hriattur a tlem kher mai le. Zamkunga hian a tlangval rawn hruaite hi a thlang uluk hle reng a, hnung lam aṭanga ṭan khalh tur an ni bawk a, a ngai reng a ni. Zamkunga chuan chawfun a rawn phawrh nghal a,
" Han in eipuar ula, Thingse mual lamah em ni kan chhoh mai tak ang!?" an tih chhunzawm zat a.
"Thana, hei titeh, laipawng thle lawl khawpa eitur kan nei e, Zama, i ruahmanna chu a fuh khawp ang! Khaw lam a him thei meuh ang maw!?" tih pah chuan chawfun chu an ṭhet chhunzawm nghal a. Thanpuia nen chuan an bar dun ta malh malh a.
" Him thei turah ka ngai e, Pawihbawh lamah pasalṭha Zaliana leh tlangval sawmhnih an awm anga, Mualnuam lamah Thana pa hovin tlangval sawmhnih an awm thung ang. Tin, kan lal pawh Pawihbawh lamah a chengrang leh fei nen a tel ve tlat nia, pasalṭha ho pawn dan mi niin an hre lo a ni.E khai hei! Silai kan neih belh elo!?" Tih pah chuan an bula Silai pathum chu an lek vel a.
" Thana zar liau liau a nih kha, kha kan tlangval te khan hum ve rawh se!" Selzama chuan an ti a.
Zamkunga rawn hruai tlangval zingah chuan Silai hum lo pahnih an awm ve reng a, chung te chu a kah dan an han inhrilh nawk nawk a, an hmehbel zui chu a ni nghal mai!
" Hmelma lama chengrang in lek reng rengin in ṭhelh tur a ni hauh lova, in tum kha chiang ula, alo thlawnin ngenmu kan seng ral tur a ni hauh lo!" Selzama chuan an ti leh a, chutih lai chuan an zen pai leh silaimu chu an lo insem tlang a.Khaw chhan nana thawkchhuak val rualte an ni a, hlauhna aiin an hmelah tumruhna leh chhelna a hmuh theih hial a, an khaw rawn run tum mek te chungah hian zahngaihna an lantir kher lovang le.Lusei tlangval chuan khawtlang tlang a ṭul chuan nun hi an chan ui hauh lova, ram chhan nan chuan thih huamin an bei ṭhin reng a ni.
Thanpuia ten chaw an bar zawh chuan ṭhu muang tawh lovin kal zn han rem nghal a, Selzaman hma a hruai a, Zamkungan hnu a dawl thung a.Muanna hman an nei tawh lo bawk a, chho kal mah ni se an duk par par mai chu a ni. Zamkungan Thanpuia an bekbawr zeuh a, an nui dun hak a, Thanpuia chu a zak rilru hle a, han tihvak ngaihna a awm der mai si lo. A pa Zamkunga hian ala fiam zel dawn niin alang, nge ni Lal fanu in a bulah kher fimkhur tura an chah vei ni! An hmahruaitu Selzama chu ading ta dat mai a. Chu veleh hrilh hriat chawp ngai hauh lovin an za chuan fimkhur takin hma lam chu an han en ta hlawm a. An hma lawk mau tluk sarih velah chuan hmelma lam chu an lo chawl hmur mai chu an hmu ta mai reng a. Fimkhur tak leh thawm nei hauh lo chuan an hnaih ta hriau hriau a, thlapui chhum in an hliah chu an lam ṭang ni awm tak hi a ni nghe nghe a ni.
Pasalṭha Chhunthanga hlauhawm lo thleng tur hriat lawkna nei tlat ṭhin chuan chawlh a rawt a ni. Chawntui val rualte hian tu a nih an hai lo, a ni meuh hi chu zanriah fai tel hauh lova zan tam ramhnuaia khawsa thei a ni. Thangchhuah pa niin sa tam a barh tawh a, mi leh sa ah a zam reng an hre ngai hauh lo! Chutah an ṭawng chhuak ta a,
" Ka ngaih reng a ṭha hauh lo,kan tlangval tirh te kha, helaiah hian ilo nghak teh ang u, khua pawh kan thleng har tawh lo'ng!" an ti a.
A ni renga Pasalṭha Chhunthanga hian tlawm dawn tlatin a inhria a ni. A zam hauh lo na a, nidang a ang tlat lo a ni. Chawntui val rualte an han ṭhu fel ta a, an ni pawh chu ngaihṭhat lohna riau an nei tawh a. Suakkunga leh a naute, Hluana leh a naute ho an han dawn a, tumah rawn zui reng an awm ta si lo, mak an ti hle tawh mai reng a ni.An tlangval tirhte an rawn thleng ta a, engkim khaw chhungah a kal tluang hle a, ralven buk ah erawh ralveng an awm ve, tihte chenin an rawn sawi ta a. Pasalṭha thinlung luhlulna rawn in irh so chhuakin Chhunthanga chuan,
" Aw le, tumah zam hauh suh ang che u, khua kan hnaih tawh a, insem darh lovin kan bawh huk ang a, an ralvengte kan thah laiin Chenhranga leh a hoten Zawlbuk an hual ang a, Kungpuia leh a nauten Lal in an lo han bitum ang. Khawvar hma in an khua hi kan hal hman tur a ni." An ti a. An ngaithla ṭhap a, tumah vaibel zu pawh an awm tawh lo. Rei lo deuh hnu chuan an kal leh ta a.
Khawvar a hla tawh hauh lo tih chu a boruak aṭang chuan a hriat ta! Selzama leh a naute ho chuan a kah nuam tawk aṭang chuan an zui zel a, khua an hnaih ta. Hmelma lam pawn ralven buk chu an sai pha ta tih chuan Pasalṭha Chhunthanga te ho chu an ding ta ṭhap a. Inralrin a ngai ta takzet tih chu Selzama chuan a hre ta, chutah a naute hnenah chuan,
" Zam hauh suh ang che u, a um lettu zawk kan ni a, An silai hmeh puah rual chiah khuan kan hmet nghal tur a niang, tumah ṭhelh thiang a ni lo, in bitum tur kha ngun takin thlang ula,chutah khawchhung lam amiten an rawn kah rualin silai sawhna hun remchang kan nei thei ang a, Thana nang chu i duh angin che la, min veng pah ang che!" an ti a. Hlam thum vel chuan hma an han sawn leh a.
A sawi zawh rual vel chuan Ralven buk lam aṭang chuan Silai puak ri an hre ta mai a, mak an ti hle a ni! Chutah le Chawntui val rualte chuan an silai chu an han kap ve ta tak tak a, Serzawl khaw dai chu zen rim hian a khat a ni hawt a. Selzama leh a naute pawh chuan an tum an hlah bik hauh lo, rang takin an silai an han sawh zui leh nghal a. Chutih lai chuan hmelma te chu khawchhung aṭangin an rawn kap ve leh ta bawk a, ṭan hmun mumal nei hman ta hek lo le, an hek ta hawk mai a. Rum ri in a khat a ni ta ber a, pachang na tuar rum riin an zui a, rorel danin awm theih ta hek lo le... an buai nuai tawh mai chu a ni. Chutah Pasalṭha Chhunthanga chuan a naute chu an au khawm a, a ding zeuh awm apiang lah chu Thanpuia chuan a thalfang a lo dawn tir nawlh zel mai si nen, nungdama la awmte an tlem ta hle mai! Selzama leh a nauten an han kap leh zet chu le, hmelma lam an talbuai ta!
Pasalṭha Zaliana aw tih hriat tak chuan,
" Hualbeh vek inni tawh, in pe mai rawh u, a nih loh chuan kan chimih barh mai dawn che u a nia ..!" a rawn ti ta lang lang mai.
Hmelma lam inpek mai an tum hauh lo, Pasalṭha Chenhranga ho chuan hma lam an la pan chheu chheu mai, chutah thing bul phenin khawchhung lam an pan a, a ṭhenin hnunglam an veng ve bawk a. Mahse Thanpuia chuan a thal chuan a ṭhelh hauh lo, a lum sawn a, a per kual a, a kap mial mial mai si a, sawm chuang mah a thal tawh a ni. Thalfang pawh a ngah ta lua lo, Pasalṭha Chenhranga hote silai an puak ve leh a, Selzama naute Silai an puak ve leh ta zawt zawt a. Chutah sir lam aṭangin Thanchhinga leh a naute Silai a rawn puak zui ve ta nghal mai bawk a, hmelma lam zawng sawm ṭha bak an dam tawh kher lovang le. An chan a chau ta takzet a ni. Pasalṭha Chhunthanga chuan hualbeh an ni tih a hre thiam ta, a ni khaw khat pasalṭha duai ngai lo, a lai ava na kher em!
An inkah chhung kha rei lote ni mai hian a hriat tak na a, khua alo var ṭep ta mai! An buai pheng khan ar khuang an lo ngai lo a ni mahna! Rei loteah khua avar mai dawn tih chu inhrh hriat an ngai hran kher lo mai le!
Khatia Pawihbawh lama an ralveng kha Pasalṭha Zaliana chuan hmelma lo hnai kha a hmu reng tak na a,
" Tuman thal ka thlah hma chuan thlah hauh suh ang che u, an hnung lamah Zamkunga te ho an awm dawn a, inṭhen hran an tum hunah chiah thal ka thlah anga, tuman tum ṭhelh tur ani lo, tunang hunah hian zam tur a ni hauh lo!" Tiin a naute ho an fuih a. A bula Serzawl lal pawh chuan,
" Kan pasalṭha thusawi chu in hre chiang meuh maw!" an lo ti kha a ni.
Rodawla chuan an hmelma rawn kal ho an en ṭhin a, kap fuh ngeia a inrin avangin a thal kha a thlah ta kha a ni a. An ri huk nghe nghe a, kamkhat a tawk reng a ni. Cheka chekah an chan a chhiat phah lo chauh chu ani. Lalbula meuh pawh alawm lo hle nghe nghe a ni. Mahse hnunglama mite nen, Sir lama Mualnuam lam vengtute rawn phei ta bawk nen, an chetlak a fuh ta kha a ni.
Khawvar eng ruai karah chuan Pasalṭha Chenhranga leh Chhunthanga chu an han in en a, eng ro nge an neih ang le! Leilung alan chian poh leh an che chhe ting mai dawn a, kah an nuam em em dawn si! Tlangval hliam tuar lo phei chu tihtham an nei ta lo. Pasalṭha Chenhranga phei chu a ban puam veilam chu Silai mu luhna tih hriat tak hian thisen a chhuak deuh reng mai lehnghal a..!
Chutah Pasalṭha Chhunthanga chuan,
" Aw le....kan inpe ang e, mahse thil pakhat chiah ka ngen duh che u a ni, chu chu Pasalṭha Sangchina thattu ka hmachhawn min phalsak turin, chutiang a nih dawn chuan kan inpe ang, ka hneh lo a nih pawhin Pialral lam kal ka hreh love!" An ti ve ta a.
Pawihbawh ralven buk chu an thum hak mai a, an inrawn khawm tih a hriat theih hial a, Chutih lai chuan Pasalṭha Selzama chuan lo chhan a tum a, mahse Ralven buk kiang aṭang chuan Lalbula aw ngei a rawn ri chhuak ta a,
" Chu....tlawm tawh chungpawn duhthusam ila nei cheu a ni maw! Lalbula Serzawl lal ka ni a, i awka han chheh dan chu mihrang i ang viau a, thu leh a awm dawn loh chuan i hmachhawn thei ang!" Tih pah chuan a fei keng chung chuan a rawn ding peu al mai a.
Chutah Pasalṭha Chhunthanga chuan,
" Chhunthanga Chawntui mikawl ka ni e, Lalpa thu leh a awm hauh lovang, kan tlawm tawh a hnu,ka mi hmachhawn ka hneh loh leh Pialralah a rawng ka bawl mai a niang chu...ka lo hneh a nih pawhin thutiam sut mi ka ni ngai love, kan nunna chu in kut thovah a ni a awm dawn ni!" an ti a.
Pasalṭha Chhunthanga hming an han hriat chuan Serzawl khaw mi leh sa chu an phu deuh suau thei hial a. Pasalṭha dangten an mi hmachhawn an hneh chuan nun turin Lal te hi thu an delh kilh tir ṭhin reng a, chu chu an tih dan phung a ni kumkhua ṭhin! Mahse he Pasalṭha hian chutiang chuan a ti hauh lo, mi huaisen tak a ni tih chu hai rual a ni lo. Lalbula pawh chuan chu hmelma pasalṭha chu a ngaisang ru phian mai! Lal chuan tlangval ho chu thu an pe a, hmelma te chu an zuk man ta a.
Khua a rawn var chho ṭan a, Serzawl val rualte chuan an hmelma lam chu khawmin Lal mual lam an pan pui ta a. A lo hup lettu zawk niin mi pawh an in chan tlem hle mai a, lawmin hlim viau mahse an lawm a kim thei lo a ni. Hmabak an la nei ta tlat a, chu an hmabak hmuh loh bik nih hlau chuan pitar putar leh nunau chenin Lal mual an pan khawm ta. Chawntui lam la damte chu an hnungkhirh vek hlawm a, Rodawla pawh an chet a fuh chhova a hawi ve leh valh valh tawh mai reng a. Lal mualah chuan an hmelma lam ho chu an ṭhuttir ta a, sawm ṭha lam mah an la ni! Pasalṭha Chenhranga erawh thisen a hloh tam deuh avangin a chau titih mai a, mahse a intiharh ve hram hram chu a ni.
Lal leh khawnbawl upa te chu Lal luhkapui sangah an ding ther ta fur mai a, chutih rual chuan Thanpuia chu an huphurh pui hle thung a. Chutah le Pasalṭha Chhunthanga chuan,
" Khai le, Lalpa, Pasalṭha Sangchina lo tudawltu chu tu chu nge ni? Min phalsak ta bawk a, kan hmachhawn anga, ka lo hneh ta a nih pawhin kan nun chu ka lo sawi lawk tawh angin i kutah tho a awm ang, ka naute( an melh kual a) zinga kawhmawh bawl a awm a nih chuan keimah ngeiin an lu ka la ang...! " an ti zui ta a.
Pasalṭha ho leh tlangval te chu an inmelh kual ta hrak hrak a. Pasalṭha Chhunthanga khualkai pasalṭha lasi te chuam nia an hriat chu an huphurh viau mai a ni.Rodawla hlei hlei chuan a hmachhawn tur a ni lo chu a va lawm em, midang chu awm lo se chuan beng thleng thlengin a bawp a khai hial ang chu! Mipui pawh an reh ta ṭhap mai!
Chutah le, Lal tual thingkhawn kiang aṭang chuan tlangval la naupang tak, fuke hrawl hraih mai sakawl pian ṭha ang mai a kawng fek rat leh dar pharh hlai hlap, mitmenga zamna chhete mah lang lochu a rawn pen chhuak ta a. Pasalṭha Chhunthanga lam chu a rawn pan ta chhak chhak mai a, chutah Thangbawnga chuan Lal mitmei hmu in Pasalṭha Chhunthanga phuarna chu alo zai chat thuai a, chutah ama iptepui ngei chu an pe ta a. Pasalṭha Chhunthanga chuan a piah maia ding tlangval pian ṭha leh la naupang tak chu an thlir a, mak a tih hmel hle mai! A ipte pui aṭang chuan Milu lak chem leh Chempui an phawrh a, a kut dinglam in Milu lak chem a hum a, a vei lamin a chempui a hum thung a. Han en mai pawh chuan a deh a khirh hle ang tih a hriat a ni.
Lal luhkapui sir deuha lo ding ve reng Lal nula chu hlauhthawnna hian a khat a, athin te chu su dup dup hian a hre hial a, awm ngaihna ahre lo a ni,hre ta tehreng pawh nise a awm hlei thei chuang awm love! A pa chu an thlek leh zawk ṭhin a, mahse heng mipui zozai zingah hian eng mah a sawi ngam der si lo, ava khawngaihthlak teh lul em!
Chutah le, Pasalṭha Chhunthanga chuan, "I hiau le....awih har ka va ti em! Pasalṭha Sangchina lu khaitu maw i nih a tlangval!?" an ti ṭha leh a.
Thanpuia chuan, " Kha Pasalṭha chapo zet kha em ni i sawi, mi huaisen tak chu a nih ngei kha, hei hi....( ipte pui aṭangin milu lak chem an phawrh a, Chhunthanga chuan alo thlek ha a) amah ngeiin min pe asin!" an ti zui nghal a.
Zamkunga chuan rang fe hian Thanpuia lamah muzuk fei an khawh phei a, Thanpuia sirah chuan a bur ta a. Thanpuia chuan lo phawi vatin a milu lak chem, Sangchina hnen aṭanga a neih tak chu vei lamah a keng a, a ding lamin muzuk fei a lek ta nghal a.
" Khai le, ka inpeih e pasalṭha....!" an ti zui a.
Pasalṭha Chhunthanga lasi te vohbik ngei chuan Thanpuia chu an melh a, a hmelah zamna chhete mah a hmu lo. A mitmeng sen ta ram mai an en te chuan a uar deuh pa chuan han sawi se, sar a zam e tih ngei tur a ni tlat mai! Deh a khirh hle ang tih chu a hriat nghal a, mahse zamlohna chhan lian tak a nei ru a ni. A zawlnu in a hum dawn tho tih a hre tlat a ni. An rum nghat a,
" Keimah Chhunthanga Chawntui mikawl ka ni ngai e, sa leh ralah ka zam ngai love...!" tih leh Thanpuia lama pen hnaih an rual nghal a.
Chutah le ..Upa Phirtuala Lal luhkapui a ding mek chuan, "Keimah Phirtuala tupa Sangchina thattu Thanpuia ti rawh" ring tak leh fiah tak chuan a rawn ti ve ta tlat mai!
Thanpuia chuan muzuk fei lek chung chuan Pasalṭha Chhunthanga lamah an pen sau pawk pawk a.....
(Chhunzawm tur)
( Ka buai em a, a tawi deuh tih erawh ka hria, min lo hrethiam ula, nakzanah kan tisei leh hret mai dawn nia aw...)
Comments
Post a Comment