LUNGRENG NGÂW..S-2...(23)...
LUNGRENG NGÂW.....S-2.....23 ....
(PASALṬHA THANPUIA)
( M.Lusei Palian)
........... ........ .............
( Thuhma: Pasalṭha Thangnghilhlova kha he 'Lungreng ngâw' thawnthu a changtu tur ni lovin, thawnthu dang a mi tur a ni e. Lungreng ngâw tawp hunah kan chhiar thei turah ngai ang! )
........ ... ........... ..........
Vanhnuailiana pasalṭha Rala leh a hote pawh chuan Chengrang rawl tam fe kha an ral hriat a, chu ri lo chhuahna lam pan chuan kal ti tih tlan titih chuan an duk ta par par mai...An ni hi zan tam fe hnu a pawih ram lut an ni, Bawkmual te Serzawl te Chawntui te ral ramah an che mek tih an hre si! An hnaih ve ta viau mai le!
Pazawna leh Aimawia chuan an ṭhianpa ṭhingṭhi hnawka tlu ta riai riai kha an hmu reng a, Ngenmu ala ving fia fia mai si! Hmun hima hruai an duh hle tawh a ni. Pasalṭha Selzama chuan Silai sawh hun chhung pawh rei a ti tawh chu a ni, Thana, Thanpuia hi boral ta se a ṭhianpa Thanchhinga a hmu ngam dawn em ni? A fapa ang maia a en a ni a, a ring tawk em em ṭhin kha a ni. Bukbawnga chu a fing hmaah a rawn ṭang ta, awmze neia lakchhuah dan tur a rel nghal a, Amah ngei zuk pen chhuah a tum a ni. Pasalṭha Selzama hnenah chuan mi panga vel nen lo veng turin a ti a, Aimawia chu an au tuar a. Dara, Darphawa chuan, "keimah nen le!" A lo ti vat thung! An inpeih chiah chuan Thanpuia leh Chhunthanga tlukna lam chu rang fe chuan an pan ta. Ngenmu chu an mahni lamah chuan a la rawn thlawk zel chu a ni, chu tak chu pasalṭha Selzama te, Pazawna te, Aimawia te ho chuan a ti ṭi tur chuan an lo sai ve thung a. An silai an kah ruah hnu chuan ho khatin an rawn thual leh a, mahse pawih ho tawmna a ṭha zawk tlat mai si! Chengrang rawl a han ta rih! Bukbawnga leh Darphawan Mihrang pahnih an han pawm sawn dawn chiah chu le, an sir tuak tuak chuan le, Silai a rawn puak ta zawt zawt mai le...!
" Lusei tlangval kan lo thleng e!" Tih pah chuan pasalṭha, ram tana thih ngam lu pu leh lam lehlamah an rawn lang ta! Vanhnuailiana pasalṭha Rala leh tlangval rual, pasalṭha Thangnghilhlova leh Pasalṭha Raltawna te an rawn lang ta! An silai a puah zawh ve leh an chempui an phawrh a, Pasalṭha Selzama te lo hualtu pawih ho chu an rawn luang hmun sam ta hmiah hmiah mai le! Pawih ho pawh an hek ve leh ta hiau hiau mai le, Silai an hmang thei bik lo, an tawmna kha ṭha viau mahse hnung lam aṭangin an rawn hup ve ta si, hmalamah tlan dawn se hmelma lam a ni si, hnung lamah pawh thihna tho a ni.
Pasalṭha Selzama te hovin puitu an nei tih an hriat ve leh chuan rang fe in an pasalṭha pahnih hliam tuar mekte chu hmun himah an dah thei ta! Bukbawnga leh Aimawia te hian Pasalṭha Thanglura an mutna bulah an pawm chho ta kha a ni. Pazawna chuan zui chho nghalin Thanpuia chu a ko mawlh mawlh mai a, a rilru na leh thinrim lutuk chu a mengsen vek tawh hial a ni.Thanpuia awmah chuan ngenmu a lut tih a hriat reng mai a thi nasa viau mai, pasalṭha Chhunthanga pawh pawih pa hliamna nen ngenmu luhna nen thisen chuan a bual huh dun zui mai le! Ngurpuiin Thanpuia an hmuh chuan a lo khawngaih kher mai, an mahni rawn chhantu kha a ni tih a hre mai a, pasalṭha Chhuna nen chuan a en tawn sek mai a ni.Pasalṭha Thanglura lah tui taka muhil ang hian a awm reng mai si! Bukbawnga chuan a diar la in Thanpuia awm chu an hrufai te te a, chutah le Thanpuia chu rawn mengin a rawn khap fak fak a, Bukbawnga an hmuh chuan,
" Eh....Pa Buk, ka ṭha e, ka lo tlu a ni maw!? " harsa fe chuan a rawn ti a, thawh an tum a Bukbawnga ngaih dan a ni hauh lo, nam mut pah chuan, " Thana, ṭawng suh...ṭawng rih loh tur!" A ti a, a hliam hnu hma chu a lo hrufai a, an chian sak meuh chuan ngenmu luhna chu hnuai hret se... an nauva hi pialral a thleng ngei ang le! Bukbawnga chu a khi suk a, Thanpuia en pah chuan,
"Thana, eng a ni hauh lo, i vannei hle mai! Amah erawh chu ngenmu hi kan lakchhuah a ngai dawn a ni!" An ti khuk a. Darphawa pawh chuan, " Pasalṭha Chhuna hian ngenmu hi hmun hnihah a dawng a nih hi,mahse a ni pawh hei a thaw pawh a pangngai viau e!" a rawn ti a. "Mihrang val meuh zawng an hnuk hi a hla bik e an ti ṭhin a, a lo dik ngei a nih dawn hi!" an ti dun sup a. Ngenmu lakchhuah an tum ta a! Aimawia leh Pazawna chuan an ṭhianpa chu an han thlir a, chhel an ti hle mai, a ban a nak, a awmah te chuan hliam a tuar chu a ni si a. Bukbawnga ten an buaipui lai chuan hmelma tam thei ang ber nuai tum chuan an tlan thla leh rih a.!
Pasalṭha Thangnghilhlova hian hma rawn hruaiin chik takin Silai puahna a rawn en a, pawih ral hovin Lusei an hual tih a hriat ve leh pasalṭha Raltawna nen chuan an rawn che nghal a. An hnungah tlangval tam fe chuan an rawn zui bawk a, silai an kah ruah hnuah chempui nen an rawn ri phei mial mial ta kha a ni. Pasalṭha Thangnghilhlova chuan pawih ral ho chu a vai kaw duai duai mai a, chutah an pasaṭha Zarema nen chuan an inhmachhawn ta! Pawih pasalṭha Zarema chu a lian kher mai le, a len tehreng nen a che rang phian bawk si! A laiah inmal beihin an chempui a intawng ṭek ta sak sak mai le, Pasalṭha Thangnghilhlova chu a che zei kher mai, a sah ṭhelh pawn a ke chuan a tlawh hman zel a, Zarema tlu lai chu a bawhzui duh miah lo! Zarema lah rang fe chuan a rawn tho lehzel a, a tha a ṭha hle mai! Zarema chuan a tumpuipa ke lam hlir chu a tumsak a, Pasalṭha Thangnghilhlova chu a lo inveng hram hram chu a ni, eng vanga a ke lam hlir tum chu ni maw?
Hetih lai hian Vanhnuailiana pasalṭha Rala leh Kama pawih pasalṭha pawh an lo inbei nasa hle mai a, Pasalṭha Rala phei chu a malpui a kak sen duai tawh mai a, pawih pa chet dan mak a ti hle a ni. Rala chuan chu pawih pasalṭha han chak dan te lah chu mak a ti riau lehnghal a,mahse a zam hauh lo a thinrim hle zawk a, a lusei puite an lo hual bet a, tamfe an lo that tih a hmuh ngat phei chuan thinrimna in a kentel thahrui tam tak a neih belh hial a ni. Kama chuan a tum chu a thlak chhen zel a, a palian vei fu si! Rala chuan hun ṭha a hmu thei meuh lo chu a ni! Pasalṭha Rala chuan, " Pawiha, han ṭang teh, vir vut vut teh suh, mawng hang pa!" An tih zet chuan a thawk ṭha kher mai! Pawih pasalṭha Kama chuan fimkhurna hloh ṭanin a rawn bawh ta tak tak a le.... chu tak chu pasalṭha Rala tum a ni. Kama chuan a chempui chuan Rala lu zawnah a rawn vai ngheng ngheng mai a, a ma rihna nen a mah pawh chu a her lawp mai zel a ni. Chu tak chu remchangah Rala chuan a la ta a, Pawih pasalṭha Kama chem vai natak chu kun zeuh a lo bumin a rawn inher leh hma chuan lu phel phawkin a lo sat ta chawrh mai le! Chu pawih pasalṭha chu nunna nei tawh lo tih hriat tak hian a tlu thum ta ṭawk mai le...! A sir vel an hawi kual chu a naute ho pawn pawih ho chu a lo sat sawk sawk a hmu a, a kiai ve suk ta mai! A tlangval hruai Thangzaa chu a huaisenin a nasa kher lah tak a, a hmazawn a vai eng duak zel thei chu a ni. Pawih la dam ho zawng, Sava naute a pui thihsan ang mai an ni ta! An mahni in eng mah an tithei tawh hauh si lo va!
Pasalṭha Thangnghilhlova te lamah ve thung chuan Zarema chu a hawi thi sung tawh mai a, a chem fawng chuan a lo tuk a ni. Tin, a hnung zang te chu chem pheka hemna tih hriat tak hian a lo sen tet tut tawh mai a, Pasalṭha Thangnghilhlova Puklui leh Mualvum khaw dunga lar em em hian a chhaih kual vel mai mai tawh a lo ni! Lusei tlangval rual an lo hual a an lo chimih chiam avang chuan rei deuh hlek na tawrh tir chu a lo duh a ni, a duh hun hunah a lu a laksak thei tih a hriat tawh tlat a ni. An bul hnaia lo thlir ve rengtu a ṭhianpa Raltawna chuan,
" Thanga, hrehawm a tuar rei ta....!" A lo ti vei khuk a. Chutah le, pasalṭha Thangnghilhlova chu kun zeuh in Zarema khupah chuan an kik zeuh a, chu veleh Zarema chu ṭe ṭhawtin a tlu nghal a, Pasalṭha Thangnghilhlova chuan Raltawna en pah chuan, " A nih a hnu...!" Tih pah chuan a chem chu an vai leh ta fua a, chu pawih pasalṭha Zarema lu chu a lir ta hlawl mai chu a ni. He pasalṭha Thangnghilhlova hi engtiang taka chak leh huaisen chu ni maw, a lo thlir tute pawhin a pian ṭha em em mai te, a dar pharh hlai hlap leh a awma khuavang chhinchhiah awm kalh te chu an hmuh hmaih lo!
Chulai hmuna pawih ral Lusei tlangval rawn hualtu te chu pathum chiah nungdam an awm ta, chumi te pawh chu ke a kal thei zia zang an ni tawh lo! Pasalṭha Tlanga chuan zawhna a lo zawt a, an chhan loh chuan a taksa bung an hloh zel mai si! A duh ang chhanna a hmuh hnu pawh chuan a thin dam thei miau hek lo le, a chempui hriam chuan pialralah a tir ta zel mai chu a ni.He lai hmuna an inbeihnaah hian Pasalṭha Tlanga nauten nunna an chan hnem ber a, a thinrim hle pawh hi an hrethiam tlang hle a ni. Chulai ruam meuh zawng thisen leh ruangin a khat ta. Chutih hunlai chu ferehsan vel a ni tawh hial a, an rin aiin hun a kal chak hle a lo ni.
Pasalṭha Raltawna chuan Pasalṭha Tlanga chu an melh a, " Kan rawn tlai deuh chu a pawi hle mai a, lusei tlangval engzat nge kan chan hman le...!" An ti chuai raih a.
Pasalṭha Tlanga chu ala meng sen ram mai a, " Kan la chian tlang dawn nia, in lo thleng chu kan lawm hle mai!" An ti ve khuk a. In haw hauh si lo hian an inmelh ram ram mai a ni. Vanhnuailiana pasalṭha Tualte val Rala a rawn ṭawng chhuak ve leh a,
" Keini aiin in lo hma hret a ni maw! A hun takah kan rawn pan che u niin a lang, tlangval te u, lusei valte ruang hi senghawi ila hmun khatah i dah tlang ang u hmiang,ram tana an thil tih theih sang ber an ti a nih hi....!" Thupui fe chuan an ti a. He pasalṭha zet hi chu thu a thiamin a zahawm thlap mai chu a ni.!
Pasalṭha Selzama a rawn chhuk chiah a, chung pasalṭha te chu an melh kual te te a,
" Pasalṭha te u, inchunga kan lawmna hi ṭawngka hian kan sawifiah zo dawn lo ve, khang pawih ho khan an ram chhan an lo pe na ve nek a, kan mang lo chauh a ni, kan ral hmatawng pasalṭha te phei chu khi kan enkawl viau an ngai dawn a ni. Han insingsa fel ila, kan kalzel dan tur kan rel dawn nia!" A rawn ti ta a, pasalṭha lo thleng thar te ho chuan an hotu a ni tih an hre mai reng a, a thu ang chuan an han che ve ta sang sang a.
Bukbawnga chuan Aimawia chu hruaiin ramhmul damdawi hnim hnah a zawnpui a, an ni pawh chu an nguai raih mai le! Buka chuan, " Serzawl mihrang, kan chan mai ang tih ka va hlau kher em! Midang nun chhan nana hliam han tawrh chu a ropui hle mai ka ti..!" An ti kher a. Chu thu chuan Buka fin zia leh Thanpuia a chawimawi thiam zia a pho chhuak hle reng a ni. Aimawia chuan, " A ni ngawt mai! Mahse Pa Buk, a ṭha leh mai ang ti raw...?" Naupang thil zawt ang mai chuan an ti let a, Aimawia chu a ni nghulh hian a inhria a, a ṭhiana tel lo hian Serzawl luh leh chu thih hreh in a hreh si a. Hnim hnah damdawi tur chu la zung zungin an let leh ta, an fimkhur hle a ni ral rama awm ngang an ni si a. Aimawia leh Bukbawnga an let chuan tlangval ho chuan tukṭhuan an lo buaipui mek a ṭhenkhat chuan lusei tlangval ruang chu an lo phum ve mek thung a. An ruang han haw pui ngawt dawn se an rimchhe hman dawn si a, lusei ram tana nun hlantu te chu zah takin thuahriat hnuaiah an zalh ta hlawm a ni. Serzawl lam pawh tlangval pali laiin nun an chan leh a, an ṭhahnem fa lua tawh lo hle chu a ni. Vanphai lam hian an tlangval an chan hnem ber a, Dara pawh chuan a naute pathum ngawt a chan leh ta chu a ni.
Tukṭhuan an bar zawh chuan pasalṭha ho chuan ro an rel ta! Pasalṭha Rala, Thangnghilhlova te ho chu chhak pawih nawr tawm turin an kal leh ang a, Pasalṭha Tlanga ten an zui bawk ang! Pasalṭha Selzama te chu awmhmun sawn hlekin hliam enkawl pahin an lo awm anga, a ṭul a nih chuan tlangval in an rawn ko ve leh thung ang!
Chu mi ni chuan Pasalṭha Selzama leh a naute an nguai rawih a, Pasalṭha Chhunthanga naute pawh eng an ni bik lo! An awmhmun an sawn a,thui lutukah phei chuan an sawn thei rih lo, buk zau leh lian fe fe in an sa a, a lian berah chuan pasalṭha hliam tuar te chu an dah a. An chhel hlawm kher mai, an harh vek na a, an che hlei thei rih lo chu a ni. Pasalṭha Thanglura pawh a ṭha chak viau mai, a dam thuai dawn niin a lang a, a dam chak zia erawh mak an ti in a ruka sawi a hlawh hle a ni. Thanpuia chuan chutia buaipui ngaia a awm chu hrehawm a ti kher mai, mahse a chetsawn chu a pa Selzama chuan a phal si lo, a mut meuh chuan a lo chau ve deuh nen a muhil ve leh ṭhin! Pasalṭha Chhunthanga pawh a rum chhuak miah lo, a meng ve leh zauh ṭhin a, Herhzawl Lal fanu chuan enkawl a ngah ta hle mai! Bawlpu awm lohna hmun ngang a ni a, an thiam ang angin an in enkawl tlang ta a ni.
Tlai lam a lo nih chuan Pasalṭha Selzama chu vahrit awm tur zawngin a chhuak a, Tlangval dangte pawh chu chawhmeh therhlo zawngin an vak chhuak ve hlawm a. Zing lama an thawm ṭhat vang nge ni, sa leh va an vang viau mai! Lusei ram chin lama vah an duh ta zawk a, lusei bawh ram hnaih lamah chuan an vak ta hlawm a. Ram ala ngaw ṭha bawk nen unau hmel hai ah meuh chuan an buk kawt chu Satina hmun hi a ni leh hawt tawh e. Daran Nghalpui a kap a, midangin Sakhi te kap ve bawkin sa an ngah kher mai! Herhzawl aṭanga faisa an ah belh lah an la ngah mai si a, zanriah chu an lim thei khawp ang le! Pasalṭha Selzama chuan vahrit pahnih lai a hawn a, chung chu awmin a tui a chu pasalṭha hliam tuarte a tulh mek a, Ngurpuiin a lo pui bawk a an buai dun kher mai! Bukbawnga lah chu inla Bawlpu zet hian a vei thurh thurh a, mi nawlpui luh chhuah chu an khap vei bawk a. Tuman an hnial lem lo, an pasalṭha te chu hmu chak viau mahse hahdam se an duh vek hlawm a ni. Herhzawl leh Kangzawl tlangval ho lah chuan an khua panpui mai ni se an lo ti ve chhen bawk a, mahse thui lakal pui chi an ni si lo a ni.
Chu zan thla eng chu a tia ve/ chanve ai mah chuan a lian ta! Zan lam ropuina te chu van lamah chuan a inphochhuak leh ta iar mai le. Tlangval ho lah an hah deuh a niang, fiamthu han thawh pawh chu an awm mang meuh lo, a phawk zual chu an ri laih laih a. Herhzawl tlangval lamin ral an veng thung a, an inchhawk dawn a ni. Pasalṭha Selzama chuan tlangval mei lum hnung puak ho hnenah chuan an chin tur te an sawi dap dap a, tlangval ho chu chawl hahdam turin an ti a, a thu an zawm ṭha kher mai! Ralveng thlak tur te pawh inruatin an inring ru leh hle tawh a. Amah erawh chu an chhak pawih ral lamah pasalṭha eng emaw zat an luh chhova, zan dang ai chuan an thla a muang awm e.Tlangval ho pawh an chau ve hle a niang, khawchhunga lenghnawt ar khuan hma awm velah chuan an hnar ta thluah thluah mai. Pasalṭha Selzama leh Bukbawnga pawh buk tualah chuan ṭhu deuh reuh hian an bu lawp lawp a.
.......... ........... ...........
Lasi nula hmel ṭha lui el tiang pahnih chu chu zan nghakhlel em em tute an ni! Varparhi chu a phi sek tawh mai a, chhun lamah pawh khan an awm hle hle thei tawh lova, an lalnu Chawngtinleri hnenah damdawi lamin an dil hial tawh kha a ni.Chawngtinleri lah chuan a lo phalsak be mai bawk a, fimkhur tur chuan a chah nasa hle thung a. Lasi te damdawi ṭha em em mai chu an hringmi ṭhiante tan an keng dawn chu a ni, engtiang takin nge hna a thawh ang!?
Lusei tlangvalte buk kawtah chuan lasi nula hmel ṭha tak chu a ding ta zan mai a, buk chhungah chuan tute nge awm tih chu a hrechiang hle a ni. ....
( chhunzawm tur)
(PASALṬHA THANPUIA)
( M.Lusei Palian)
........... ........ .............
( Thuhma: Pasalṭha Thangnghilhlova kha he 'Lungreng ngâw' thawnthu a changtu tur ni lovin, thawnthu dang a mi tur a ni e. Lungreng ngâw tawp hunah kan chhiar thei turah ngai ang! )
........ ... ........... ..........
Vanhnuailiana pasalṭha Rala leh a hote pawh chuan Chengrang rawl tam fe kha an ral hriat a, chu ri lo chhuahna lam pan chuan kal ti tih tlan titih chuan an duk ta par par mai...An ni hi zan tam fe hnu a pawih ram lut an ni, Bawkmual te Serzawl te Chawntui te ral ramah an che mek tih an hre si! An hnaih ve ta viau mai le!
Pazawna leh Aimawia chuan an ṭhianpa ṭhingṭhi hnawka tlu ta riai riai kha an hmu reng a, Ngenmu ala ving fia fia mai si! Hmun hima hruai an duh hle tawh a ni. Pasalṭha Selzama chuan Silai sawh hun chhung pawh rei a ti tawh chu a ni, Thana, Thanpuia hi boral ta se a ṭhianpa Thanchhinga a hmu ngam dawn em ni? A fapa ang maia a en a ni a, a ring tawk em em ṭhin kha a ni. Bukbawnga chu a fing hmaah a rawn ṭang ta, awmze neia lakchhuah dan tur a rel nghal a, Amah ngei zuk pen chhuah a tum a ni. Pasalṭha Selzama hnenah chuan mi panga vel nen lo veng turin a ti a, Aimawia chu an au tuar a. Dara, Darphawa chuan, "keimah nen le!" A lo ti vat thung! An inpeih chiah chuan Thanpuia leh Chhunthanga tlukna lam chu rang fe chuan an pan ta. Ngenmu chu an mahni lamah chuan a la rawn thlawk zel chu a ni, chu tak chu pasalṭha Selzama te, Pazawna te, Aimawia te ho chuan a ti ṭi tur chuan an lo sai ve thung a. An silai an kah ruah hnu chuan ho khatin an rawn thual leh a, mahse pawih ho tawmna a ṭha zawk tlat mai si! Chengrang rawl a han ta rih! Bukbawnga leh Darphawan Mihrang pahnih an han pawm sawn dawn chiah chu le, an sir tuak tuak chuan le, Silai a rawn puak ta zawt zawt mai le...!
" Lusei tlangval kan lo thleng e!" Tih pah chuan pasalṭha, ram tana thih ngam lu pu leh lam lehlamah an rawn lang ta! Vanhnuailiana pasalṭha Rala leh tlangval rual, pasalṭha Thangnghilhlova leh Pasalṭha Raltawna te an rawn lang ta! An silai a puah zawh ve leh an chempui an phawrh a, Pasalṭha Selzama te lo hualtu pawih ho chu an rawn luang hmun sam ta hmiah hmiah mai le! Pawih ho pawh an hek ve leh ta hiau hiau mai le, Silai an hmang thei bik lo, an tawmna kha ṭha viau mahse hnung lam aṭangin an rawn hup ve ta si, hmalamah tlan dawn se hmelma lam a ni si, hnung lamah pawh thihna tho a ni.
Pasalṭha Selzama te hovin puitu an nei tih an hriat ve leh chuan rang fe in an pasalṭha pahnih hliam tuar mekte chu hmun himah an dah thei ta! Bukbawnga leh Aimawia te hian Pasalṭha Thanglura an mutna bulah an pawm chho ta kha a ni. Pazawna chuan zui chho nghalin Thanpuia chu a ko mawlh mawlh mai a, a rilru na leh thinrim lutuk chu a mengsen vek tawh hial a ni.Thanpuia awmah chuan ngenmu a lut tih a hriat reng mai a thi nasa viau mai, pasalṭha Chhunthanga pawh pawih pa hliamna nen ngenmu luhna nen thisen chuan a bual huh dun zui mai le! Ngurpuiin Thanpuia an hmuh chuan a lo khawngaih kher mai, an mahni rawn chhantu kha a ni tih a hre mai a, pasalṭha Chhuna nen chuan a en tawn sek mai a ni.Pasalṭha Thanglura lah tui taka muhil ang hian a awm reng mai si! Bukbawnga chuan a diar la in Thanpuia awm chu an hrufai te te a, chutah le Thanpuia chu rawn mengin a rawn khap fak fak a, Bukbawnga an hmuh chuan,
" Eh....Pa Buk, ka ṭha e, ka lo tlu a ni maw!? " harsa fe chuan a rawn ti a, thawh an tum a Bukbawnga ngaih dan a ni hauh lo, nam mut pah chuan, " Thana, ṭawng suh...ṭawng rih loh tur!" A ti a, a hliam hnu hma chu a lo hrufai a, an chian sak meuh chuan ngenmu luhna chu hnuai hret se... an nauva hi pialral a thleng ngei ang le! Bukbawnga chu a khi suk a, Thanpuia en pah chuan,
"Thana, eng a ni hauh lo, i vannei hle mai! Amah erawh chu ngenmu hi kan lakchhuah a ngai dawn a ni!" An ti khuk a. Darphawa pawh chuan, " Pasalṭha Chhuna hian ngenmu hi hmun hnihah a dawng a nih hi,mahse a ni pawh hei a thaw pawh a pangngai viau e!" a rawn ti a. "Mihrang val meuh zawng an hnuk hi a hla bik e an ti ṭhin a, a lo dik ngei a nih dawn hi!" an ti dun sup a. Ngenmu lakchhuah an tum ta a! Aimawia leh Pazawna chuan an ṭhianpa chu an han thlir a, chhel an ti hle mai, a ban a nak, a awmah te chuan hliam a tuar chu a ni si a. Bukbawnga ten an buaipui lai chuan hmelma tam thei ang ber nuai tum chuan an tlan thla leh rih a.!
Pasalṭha Thangnghilhlova hian hma rawn hruaiin chik takin Silai puahna a rawn en a, pawih ral hovin Lusei an hual tih a hriat ve leh pasalṭha Raltawna nen chuan an rawn che nghal a. An hnungah tlangval tam fe chuan an rawn zui bawk a, silai an kah ruah hnuah chempui nen an rawn ri phei mial mial ta kha a ni. Pasalṭha Thangnghilhlova chuan pawih ral ho chu a vai kaw duai duai mai a, chutah an pasaṭha Zarema nen chuan an inhmachhawn ta! Pawih pasalṭha Zarema chu a lian kher mai le, a len tehreng nen a che rang phian bawk si! A laiah inmal beihin an chempui a intawng ṭek ta sak sak mai le, Pasalṭha Thangnghilhlova chu a che zei kher mai, a sah ṭhelh pawn a ke chuan a tlawh hman zel a, Zarema tlu lai chu a bawhzui duh miah lo! Zarema lah rang fe chuan a rawn tho lehzel a, a tha a ṭha hle mai! Zarema chuan a tumpuipa ke lam hlir chu a tumsak a, Pasalṭha Thangnghilhlova chu a lo inveng hram hram chu a ni, eng vanga a ke lam hlir tum chu ni maw?
Hetih lai hian Vanhnuailiana pasalṭha Rala leh Kama pawih pasalṭha pawh an lo inbei nasa hle mai a, Pasalṭha Rala phei chu a malpui a kak sen duai tawh mai a, pawih pa chet dan mak a ti hle a ni. Rala chuan chu pawih pasalṭha han chak dan te lah chu mak a ti riau lehnghal a,mahse a zam hauh lo a thinrim hle zawk a, a lusei puite an lo hual bet a, tamfe an lo that tih a hmuh ngat phei chuan thinrimna in a kentel thahrui tam tak a neih belh hial a ni. Kama chuan a tum chu a thlak chhen zel a, a palian vei fu si! Rala chuan hun ṭha a hmu thei meuh lo chu a ni! Pasalṭha Rala chuan, " Pawiha, han ṭang teh, vir vut vut teh suh, mawng hang pa!" An tih zet chuan a thawk ṭha kher mai! Pawih pasalṭha Kama chuan fimkhurna hloh ṭanin a rawn bawh ta tak tak a le.... chu tak chu pasalṭha Rala tum a ni. Kama chuan a chempui chuan Rala lu zawnah a rawn vai ngheng ngheng mai a, a ma rihna nen a mah pawh chu a her lawp mai zel a ni. Chu tak chu remchangah Rala chuan a la ta a, Pawih pasalṭha Kama chem vai natak chu kun zeuh a lo bumin a rawn inher leh hma chuan lu phel phawkin a lo sat ta chawrh mai le! Chu pawih pasalṭha chu nunna nei tawh lo tih hriat tak hian a tlu thum ta ṭawk mai le...! A sir vel an hawi kual chu a naute ho pawn pawih ho chu a lo sat sawk sawk a hmu a, a kiai ve suk ta mai! A tlangval hruai Thangzaa chu a huaisenin a nasa kher lah tak a, a hmazawn a vai eng duak zel thei chu a ni. Pawih la dam ho zawng, Sava naute a pui thihsan ang mai an ni ta! An mahni in eng mah an tithei tawh hauh si lo va!
Pasalṭha Thangnghilhlova te lamah ve thung chuan Zarema chu a hawi thi sung tawh mai a, a chem fawng chuan a lo tuk a ni. Tin, a hnung zang te chu chem pheka hemna tih hriat tak hian a lo sen tet tut tawh mai a, Pasalṭha Thangnghilhlova Puklui leh Mualvum khaw dunga lar em em hian a chhaih kual vel mai mai tawh a lo ni! Lusei tlangval rual an lo hual a an lo chimih chiam avang chuan rei deuh hlek na tawrh tir chu a lo duh a ni, a duh hun hunah a lu a laksak thei tih a hriat tawh tlat a ni. An bul hnaia lo thlir ve rengtu a ṭhianpa Raltawna chuan,
" Thanga, hrehawm a tuar rei ta....!" A lo ti vei khuk a. Chutah le, pasalṭha Thangnghilhlova chu kun zeuh in Zarema khupah chuan an kik zeuh a, chu veleh Zarema chu ṭe ṭhawtin a tlu nghal a, Pasalṭha Thangnghilhlova chuan Raltawna en pah chuan, " A nih a hnu...!" Tih pah chuan a chem chu an vai leh ta fua a, chu pawih pasalṭha Zarema lu chu a lir ta hlawl mai chu a ni. He pasalṭha Thangnghilhlova hi engtiang taka chak leh huaisen chu ni maw, a lo thlir tute pawhin a pian ṭha em em mai te, a dar pharh hlai hlap leh a awma khuavang chhinchhiah awm kalh te chu an hmuh hmaih lo!
Chulai hmuna pawih ral Lusei tlangval rawn hualtu te chu pathum chiah nungdam an awm ta, chumi te pawh chu ke a kal thei zia zang an ni tawh lo! Pasalṭha Tlanga chuan zawhna a lo zawt a, an chhan loh chuan a taksa bung an hloh zel mai si! A duh ang chhanna a hmuh hnu pawh chuan a thin dam thei miau hek lo le, a chempui hriam chuan pialralah a tir ta zel mai chu a ni.He lai hmuna an inbeihnaah hian Pasalṭha Tlanga nauten nunna an chan hnem ber a, a thinrim hle pawh hi an hrethiam tlang hle a ni. Chulai ruam meuh zawng thisen leh ruangin a khat ta. Chutih hunlai chu ferehsan vel a ni tawh hial a, an rin aiin hun a kal chak hle a lo ni.
Pasalṭha Raltawna chuan Pasalṭha Tlanga chu an melh a, " Kan rawn tlai deuh chu a pawi hle mai a, lusei tlangval engzat nge kan chan hman le...!" An ti chuai raih a.
Pasalṭha Tlanga chu ala meng sen ram mai a, " Kan la chian tlang dawn nia, in lo thleng chu kan lawm hle mai!" An ti ve khuk a. In haw hauh si lo hian an inmelh ram ram mai a ni. Vanhnuailiana pasalṭha Tualte val Rala a rawn ṭawng chhuak ve leh a,
" Keini aiin in lo hma hret a ni maw! A hun takah kan rawn pan che u niin a lang, tlangval te u, lusei valte ruang hi senghawi ila hmun khatah i dah tlang ang u hmiang,ram tana an thil tih theih sang ber an ti a nih hi....!" Thupui fe chuan an ti a. He pasalṭha zet hi chu thu a thiamin a zahawm thlap mai chu a ni.!
Pasalṭha Selzama a rawn chhuk chiah a, chung pasalṭha te chu an melh kual te te a,
" Pasalṭha te u, inchunga kan lawmna hi ṭawngka hian kan sawifiah zo dawn lo ve, khang pawih ho khan an ram chhan an lo pe na ve nek a, kan mang lo chauh a ni, kan ral hmatawng pasalṭha te phei chu khi kan enkawl viau an ngai dawn a ni. Han insingsa fel ila, kan kalzel dan tur kan rel dawn nia!" A rawn ti ta a, pasalṭha lo thleng thar te ho chuan an hotu a ni tih an hre mai reng a, a thu ang chuan an han che ve ta sang sang a.
Bukbawnga chuan Aimawia chu hruaiin ramhmul damdawi hnim hnah a zawnpui a, an ni pawh chu an nguai raih mai le! Buka chuan, " Serzawl mihrang, kan chan mai ang tih ka va hlau kher em! Midang nun chhan nana hliam han tawrh chu a ropui hle mai ka ti..!" An ti kher a. Chu thu chuan Buka fin zia leh Thanpuia a chawimawi thiam zia a pho chhuak hle reng a ni. Aimawia chuan, " A ni ngawt mai! Mahse Pa Buk, a ṭha leh mai ang ti raw...?" Naupang thil zawt ang mai chuan an ti let a, Aimawia chu a ni nghulh hian a inhria a, a ṭhiana tel lo hian Serzawl luh leh chu thih hreh in a hreh si a. Hnim hnah damdawi tur chu la zung zungin an let leh ta, an fimkhur hle a ni ral rama awm ngang an ni si a. Aimawia leh Bukbawnga an let chuan tlangval ho chuan tukṭhuan an lo buaipui mek a ṭhenkhat chuan lusei tlangval ruang chu an lo phum ve mek thung a. An ruang han haw pui ngawt dawn se an rimchhe hman dawn si a, lusei ram tana nun hlantu te chu zah takin thuahriat hnuaiah an zalh ta hlawm a ni. Serzawl lam pawh tlangval pali laiin nun an chan leh a, an ṭhahnem fa lua tawh lo hle chu a ni. Vanphai lam hian an tlangval an chan hnem ber a, Dara pawh chuan a naute pathum ngawt a chan leh ta chu a ni.
Tukṭhuan an bar zawh chuan pasalṭha ho chuan ro an rel ta! Pasalṭha Rala, Thangnghilhlova te ho chu chhak pawih nawr tawm turin an kal leh ang a, Pasalṭha Tlanga ten an zui bawk ang! Pasalṭha Selzama te chu awmhmun sawn hlekin hliam enkawl pahin an lo awm anga, a ṭul a nih chuan tlangval in an rawn ko ve leh thung ang!
Chu mi ni chuan Pasalṭha Selzama leh a naute an nguai rawih a, Pasalṭha Chhunthanga naute pawh eng an ni bik lo! An awmhmun an sawn a,thui lutukah phei chuan an sawn thei rih lo, buk zau leh lian fe fe in an sa a, a lian berah chuan pasalṭha hliam tuar te chu an dah a. An chhel hlawm kher mai, an harh vek na a, an che hlei thei rih lo chu a ni. Pasalṭha Thanglura pawh a ṭha chak viau mai, a dam thuai dawn niin a lang a, a dam chak zia erawh mak an ti in a ruka sawi a hlawh hle a ni. Thanpuia chuan chutia buaipui ngaia a awm chu hrehawm a ti kher mai, mahse a chetsawn chu a pa Selzama chuan a phal si lo, a mut meuh chuan a lo chau ve deuh nen a muhil ve leh ṭhin! Pasalṭha Chhunthanga pawh a rum chhuak miah lo, a meng ve leh zauh ṭhin a, Herhzawl Lal fanu chuan enkawl a ngah ta hle mai! Bawlpu awm lohna hmun ngang a ni a, an thiam ang angin an in enkawl tlang ta a ni.
Tlai lam a lo nih chuan Pasalṭha Selzama chu vahrit awm tur zawngin a chhuak a, Tlangval dangte pawh chu chawhmeh therhlo zawngin an vak chhuak ve hlawm a. Zing lama an thawm ṭhat vang nge ni, sa leh va an vang viau mai! Lusei ram chin lama vah an duh ta zawk a, lusei bawh ram hnaih lamah chuan an vak ta hlawm a. Ram ala ngaw ṭha bawk nen unau hmel hai ah meuh chuan an buk kawt chu Satina hmun hi a ni leh hawt tawh e. Daran Nghalpui a kap a, midangin Sakhi te kap ve bawkin sa an ngah kher mai! Herhzawl aṭanga faisa an ah belh lah an la ngah mai si a, zanriah chu an lim thei khawp ang le! Pasalṭha Selzama chuan vahrit pahnih lai a hawn a, chung chu awmin a tui a chu pasalṭha hliam tuarte a tulh mek a, Ngurpuiin a lo pui bawk a an buai dun kher mai! Bukbawnga lah chu inla Bawlpu zet hian a vei thurh thurh a, mi nawlpui luh chhuah chu an khap vei bawk a. Tuman an hnial lem lo, an pasalṭha te chu hmu chak viau mahse hahdam se an duh vek hlawm a ni. Herhzawl leh Kangzawl tlangval ho lah chuan an khua panpui mai ni se an lo ti ve chhen bawk a, mahse thui lakal pui chi an ni si lo a ni.
Chu zan thla eng chu a tia ve/ chanve ai mah chuan a lian ta! Zan lam ropuina te chu van lamah chuan a inphochhuak leh ta iar mai le. Tlangval ho lah an hah deuh a niang, fiamthu han thawh pawh chu an awm mang meuh lo, a phawk zual chu an ri laih laih a. Herhzawl tlangval lamin ral an veng thung a, an inchhawk dawn a ni. Pasalṭha Selzama chuan tlangval mei lum hnung puak ho hnenah chuan an chin tur te an sawi dap dap a, tlangval ho chu chawl hahdam turin an ti a, a thu an zawm ṭha kher mai! Ralveng thlak tur te pawh inruatin an inring ru leh hle tawh a. Amah erawh chu an chhak pawih ral lamah pasalṭha eng emaw zat an luh chhova, zan dang ai chuan an thla a muang awm e.Tlangval ho pawh an chau ve hle a niang, khawchhunga lenghnawt ar khuan hma awm velah chuan an hnar ta thluah thluah mai. Pasalṭha Selzama leh Bukbawnga pawh buk tualah chuan ṭhu deuh reuh hian an bu lawp lawp a.
.......... ........... ...........
Lasi nula hmel ṭha lui el tiang pahnih chu chu zan nghakhlel em em tute an ni! Varparhi chu a phi sek tawh mai a, chhun lamah pawh khan an awm hle hle thei tawh lova, an lalnu Chawngtinleri hnenah damdawi lamin an dil hial tawh kha a ni.Chawngtinleri lah chuan a lo phalsak be mai bawk a, fimkhur tur chuan a chah nasa hle thung a. Lasi te damdawi ṭha em em mai chu an hringmi ṭhiante tan an keng dawn chu a ni, engtiang takin nge hna a thawh ang!?
Lusei tlangvalte buk kawtah chuan lasi nula hmel ṭha tak chu a ding ta zan mai a, buk chhungah chuan tute nge awm tih chu a hrechiang hle a ni. ....
( chhunzawm tur)
Ka thaw huai mai. Hlauhthawnna atangin beiseina thar nen chhiar leh char2 mai ang aw
ReplyDelete