LUNGRENG NGÂW..S-2...(22)...
LUNGRENG NGÂW.....S-2.....22 ....
(PASALṬHA THANPUIA)
( M.Lusei Palian)
........... ........ .............
Khawvar a hnai ta hle mai, chutah pawih ho an awmna hmunah an che ta tlat mai le, chutih rualin Pasalṭha Selzama naute silai chu a puak leh ta zawt zawt mai le, an thal an thlah ve leh awmhmun an san ta zung zung mai le.. ! Chu chu an tan himna tur a ni si, a chhan pawh an silai kah puah eng zuai aṭang khan an awmna an rawn rin hriat thei tlat si a ni. Silai puak ri chu an reh fel ta a, leilung a rawn lang chhunzawm ti tih nghal nen, Pasalṭha Chhunthanga chuan a chempui hum chung chuan hmelma lam a pan ta, Thanpuian a rawn zui thuai a, Pasalṭha Tlanga leh a naute an rawn zuang chhuak zui bawk a.... Silai chuhna hun awm tawh hek lo, an milu lak chem hum chuan an inkhuai nuai ṭan leh ta! Pasalṭha Selzaman tlangval tlem hruaiin a lo hual ve mek thunga, chu lai ruam zawl lai chu thir chang inkhak riin a khat ta! Ram tana fehchhuak pasalṭha ho chu chungnun zawk inchuhin an innuai ta! Pasalṭha Chhunthanga leh Thanpuia hma chu a kaw duak duak zel mai chu a ni, Dara Darphawa ngei pawh chu a nasa hle mai, thum bul bul chung chuan a chempui an vai tak tak a le... a rik hian a ri no chawk chawk mai a ni. Lusei tlangval lam pawh an hek ve leh ta hawk mai, mihrang rualte an ni miau mai si! Serzawl mihrangte an la che thei fu mai le, Aimawia leh Pazawna te pawh an ri buan buan tawh mai a, an thlan chuan a bawh a, an rim pawh a thang huam huam hial tawh a ni.
Khua avar chiang chho ta, chulai ruam zawl lai chu thisen luanna hmunah a chang zo ta, chu inbeihna hmuna ding chhuak thei chu tam tak chu an ni tawh lo! Pasalṭha Chhunthanga chuan pawih pasalṭha chu a hmachhawn ta! An innawrna ta phian a, an bul vel thingtuai te pawh an chhawk ta hmarh hmarh mai le! Pasalṭha Selzama leh Tlanga te pawh chuan an bitum lo dah ṭha fel tawhin pawih ral tlem la bang te chu an sam phei mial mial mai a, Thanpuia pawh Aimawia te nen an hma ṭheuh chu an dah ṭha fel ta! Hliam tuar lo pawh an awm meuh tawh lo chu a ni. Pasalṭha Chhunthanga khuavang lasi te vohbik chu an Sapui tal tak tak mai chu hmuhnawm tham tak a ni. An din hual ṭhap tawh mai chu a ni.
Pawih pasalṭha pawh chu a che thei em em mai a, pasalṭha Chhuna an nawr let te chu zamna hi a nei miah lo tih a lang reng a, thahrui a ngah tak zet a ni. Pawih pasalṭha zam lo lutuk hmel chu mak an ti ṭheuh a ni.Pasalṭha Chhuna chuan a chem pui han vaiin pawih pa chu sah fuh tum tak chuan an nawr leh ta tak tak a, pawih pa pawh a hnung tawlh rawk rawk mai le, mahse chuti maia khawih fuh theih a ni bik lo a ni mahna, a lo indang zat zat zel thei a, hliam lian vak lo chu an nei dun nual tawh mai! Pawih pasalṭha chu ring fe a au chung chuan pasalṭha Chhuna chu an bawh let ve leh ta! Thanpuia chuan thil kal dik lo deuh awmin a hre ta tlat mai! Chutah an hawi kual a, thil felhlel deuh a hmu si lo. Chu zing ni chhuak sen ruih karah chuan sava hram pawh hriat tur a awm lo hial a, pasalṭha Tlanga leh Bukbawnga pawh chuan an chheh vel chik zet in an lo thlir ve reng mai! A ngaih a ṭha bik hauh lo mai, Ring per chhuai chuan,
" Tlangval te u, silai zawng zawng hi la ula sawh nghal vek ang che u, hmanhmawhin" an ti ta, tlangval ho pawh an phe nghal suau a.
Pasalṭha Chhuna te lah an daih rei em em mai a, chu pawih pasalṭha chu deh a khirh hle a ni. Ring tak chuan a au leh ṭhat ṭhin, chu tak chu a ni lusei lam ngaih ti ṭha lo tu chu..! Pasalṭha Chhunthanga pawh chuan,
" Silai kha sawh ula, ṭan hmun zawng teh u, he pawih zet hian midang koh a nei a nia!" a rawn tichhuak mai reng a. Chutih lai chuan tlangval ho pawh chuan ṭan hmun an siam ta sang sang mai!
Pasalṭha Chhunthanga chuan chu pawih pasalṭha chu a lu lak a tum viau tawh a, a kut khing hnih chu an hmang tawn ta tak tak mai le! He pawih pasalṭha hian lusei pasalṭha hi dehkhirh a ti ve takzet tawh a ni. A beidawng titih tawh tlat mai! Tin, inmal beih hi a thiam em em vei bawk nen, a hautak takzet a ni. Pasalṭha Chhunthanga chuan a chempui chu vai chhuak lehin pawih pa lu zawnah chuan an tum ta tak tak mai le, a kut lehlamin a hawlh zuai zuai bawk a. Chutah pawih pa pawh chuan inveng pahin Chhunthanga awmah chuan a hliam ve leh ta, chutih lai tak chuan Chhunthanga kut veilam chem thlawk pawh a thlawn ta bik hauh lo! Pawih pa chuan ṭe tuar chungin a dul chu a hup ta, a ṭhingṭhi ta hnawk mai! Pasalṭha Chhunthanga chuan a awm hliam chu a ngaihsak hman bik tlat lo! A kut dinglam a chem vai leh fua zawng a thlawn tawh lo, pawih pa lu chu a taksa aṭang chuan a hrang ta hlawk mai le! Chutih lai tak chuan Silai a rawn puak ta zawt zawt mai! Pasalṭha Chhunthanga pawh chu a tlu thum ve ta dawp mai le!
Pawih pasalṭha khan an lehlama tlangval rual te a lo au khawm chu niin pawih ral thawkchhuak a a hnung ber rual tam fe chuan chulai hmun chu an rawn pan ve mek hi a ni. An pasalṭha thusawi fimkhur taka rawn hual tura a tih kha pawih lam pasaṭha Kama leh Zarema hote chuan an hre pha ta si! An rawn hual ta hruau hruau mai a, Lusei tlangval ten inbeihna mual an thlir lai chuan hnung lam aṭangin rawn sai chiam se a ti kha a ni. Thawm dim fe chuan chulai hmun chu an rawn pan a, an buzawl rawn luhchhuah tumtute hi dim an tum bik hauh lo. An pasalṭha tlu lai an hmuh meuh chuan insum zo lovin ngenmu an thlawh chhuak ta a ni. Bukbawnga chuan a naute ho an au tuar a, an han chhang let ve nghal zat a, silai puak thawm chuan chulai hmun chu a khat ta! Pawih ho hmatawng len hnudal an awm tlat mai! Silai vawikhatna a puak zawh chuan a hnung lam a miten an rawn thual zui ve ta! Lusei tlangval te chu an hual bet ve ta tlat mai le! Pasalṭha Chhunthanga lah a tlu der tawh bawk si, a thih em zawng ala thi lova, an inhai a, dinchhuah a tum hle mai! A phun sap sap a, dinchhuah ngei a tum a ni. Pasalṭha Selzama pawh a buai ve ta, a hnung leh sir tuak tuakah pawih hovin an hual bet ta tlat mai! Pasalṭha Tlanga chuan awmze nei leh phen tur remchang zawng turin tlangval ho chu an au ve tuar tuar a. Silai puak thawm chuan a khat zo ta, pawmchilh turin hmelma lam tawmna a la hle mai si! Lusei tlangval an inchan hnem tawh viau mai si,an buai ta takzet a ni, tlangval pakhatin Silai pahnih zel an inchhawp a, hmelma lam an chhang let ve zel rih a,mahse an hek ve tawlh tawlh si! An vai chuan kir leh tur a awm a ngem? Lusei ram chin ni lovah hian an zal mai dawn ta niin a lang! Pawih ho lah a pachhuakin an rawn thawk ni maw, an ṭhahnem tawh hle mai si!
Thanpuia chuan Aimawia bulah chuan,
" U Aimawi, min lo veng rawh u aw, pasalṭha Chhunthanga khu ka zuk pawm chho a nge!" An ti a. Aimawia chuan,
" Thana, ni rih lo ve, a hlauhawm lutuk, min tam hneh si...!" tiin a chhang a. Thanpuia lah a thal kau sa chuan a penchhuak zui ta mai si! Pazawna chuan a ṭhianpa chu an au zui tuar a, mahse a kalchhuak hman ta!
Thanpuia chuan a thalfang a thlawh chhuak zat zat a, a ding leh dat ṭhin! Selzama chuan Thanpuia a lo hmu thuai a, a thiltum a hre nghal, a la hun si lo, a mangang hle mai, a theih ang ang chuan a veng nghal zat a.Pasalṭha Chhunthanga chu a hnaih ta viau mai, thalfang pawh ala thlawhchhuah malh malh a, a ṭhelh miah lo zel a. Pasalṭha Chhunthanga bul a thleng ta, a thal a ak a, pawm tuma a ṭhingṭhit lai tak chuan ngenmu chu a dawng ve ta nawlh mai le! Pasalṭha Chhuna chuan a lo melh ṭawk ṭawk a, a mah rawn chhan tuma ke pen chhuak tlangval huaisen, hmun hima hruaitu tur chu a melh ngawt ngawt mai chu a ni. Thanpuia pawh a thaw ve ta hawk a. Lusei fate tana nun a hlan thei tur chu a lawm hle zawk a ni, a awm aṭang chuan thisen a luangchhuak ta nguai nguai mai le!
.......... ............. ..............
Thanchhinga tapa vaibel zu a ṭhu mek chu a nghing lawih mai le! Eng emaw hian rawn su ṭhuai hian a hria a, a mak a ti hle mai! A mang lamah lah khan a fapa kha a hmu ṭha lo viau mai si a, a hlauthawng thar hle mai! A fapa hi ral ramah a han tlu hlum ta mai em ni? A thaw a ipik ta riau mai, a thlam sak lah chu a la zo lo deuh a, Thanzinga lah hi chhawr rual a la ni si lo, a buai takzet a ni. A fapa hi a ngaihtuah ta em em mai a, mahse sawichhuah a han phi cheng chu a tum si lo. Chutih lai tak chuan Zamani chuan,
" Nizan ka mang chu Thana hi thisen kai hnuang in ka lo hmu a, ka awm ava nuam lo em aw!" A rawn tichhuak ve leh ta mai. Thanchhinga lah a thil ngaihtuah lai tak, a rilru luahtu ni si a nupuiin a rawn sawichhuak ve leh ta zel chu mak a tiin a nghilh dup hial a. A ṭawngchhuak thei lawk lo, a aw an thian a,
" E...chutiang mang mai mai an sawi ngai lo!" chang fe chuan an ti a. Zamani lah la duhtawk bik hek suh,
" Ka fapa ka ngaihtuah a ni mai a, thu lah hi i sawi pui hleih theih loh..!" Ala ti ta deuh deuh a. Chutih lai tak chuan Thanzinga pawh a saihlum ak mual mual in,
" Ka u Thana....kei pawh ka mumangah ka hmu a....mahse ka hre tawh lo!" A ti liam ve puat mai si!
Chutah meuh chuan Thanchhinga pawh chuan awm mai mai har a ti ta! An chhungkua in chutia a ruala an manga an hmuh chuan eng emaw chu a thleng a ni ngat mai le! A fapa chu hmu phak ngat se, ngenmu sur karah pawh a tlanlut ve ngei ang le, a la naupang hle mai si a amah zawk hi pawih ral do hian alokal zawk lo a ni. A vaibel chu a pak mawlh mawlh a, ngaihtuah loh erawh a har an ti takzet a ni.
Upa min Phirtuala pawh a nupui Chalmawiin a mumang a hrilh keuh keuh a, a nupui mangah chuan a tupa a lo hmu a, ral ramah ngaihsaktu awm lovin a lo let reng chu a ni. Upa min Phirtuala pawh chuan a tupa chu a ngaihtuah hle mai! Ral ramah an awm si a, ngaihtuah loh zawng a har a ni. An inchhungah chuan a vei tawn sek mai chu a ni, a nupui Chalmawii chu hnem in,
" Chali, ka tupa chu a ngaihtuah awm hauh lovang, damin a lo kir leh em em ang!" An ti tak na a, a ni pawh chuan a thusawi chu thleng dik se a ti tak meuh meuh a ni.
Lal fanu Saipuii pawh a daileng zo chu a hawi vang vang a, Farṭuah par chu a thlir a...Thanpuia te zawng zan tam an thang ta, lokir har ava ti tawh tehlul em! A vahrit a thih a ṭang phei chuan a ngaih hi a ṭha thei tawh ngang lo a ni. A pate ho titi a hriat tam ber lah an pasalṭha te himin an lo kir leh angem tih chu a ni si, zan te chu rei a ti in chhun ni sei a ti em em bawk si! A thinlung khaw harna chuan chinlem a nei si lo a ni. Dem mi a ni lova,dem theih a ni hek lo, lunglai luahtu a tawng ta a ni.
........ ........... ............
Buannel ah chuan Lasi nula hmel ṭha lui eltiang mai Varparhi chu a buai hle mai, a ṭhian a zawlpa ral ramah a tlu tih a hria! Mu leh mal hi a nei thei ta lo, zing ni chhuah hnu awrh a ni si, zing lamah lehnghal chuan indona muala han tel ngawt mi a ni si lo! Amah hnem thiam ber Chawngmawii pawh chu eng ruai a ni ta bik lo. Hringfa leng zinga a thinlung luahtu chu Pasalṭha Chhunthanga bulah a let ve ngat tih a hre ta si! Inhnem thei an awm lo, an tliak dun hnawp chu a ni. Mahse innghahna tlem an la nei, pialral an la pan em hlei nem! Varparhi zawngin zan lamah a zuk enkawl thei anga, a ni erawh chuan a thei dawn si lo! An pahnih chuan Ṭan khawpui an pan dun ta vang vang mai le! Eng thil tak ti dawn chu ni maw!?
........ ........... ........
Pasalṭha Thangnghilhlova ( He mi hi next a kan thawnthu a achangtu tur, Puklui pasalṭha a ni e) beng hriatna chak tak chuan hla fe a, chengrang rawl chu a hre pha ta. An ni hi Pawih ral do tura Puklui leh Mualvum aṭanga rawn kal vang vang tlangval rual sawm ruk chuang mah an ni.An ni hian Lusei tlangval pawih run tur tam fe an liam tawh tih an hria a, an hmanhmawh ta ngang mai le..! Pasalṭha Raltawna nen hma an hruai a, chu chengrang rawl lam pan chuan hmanhmawh fe chuan tlangval rual ho nen an duk ta par par mai le... Lusei fate an la chhan hman meuh a ngem!
Vanhnuailiana pasalṭha Rala leh a hote pawh chuan Chengrang rawl tam fe kha an ral hriat a, chu ri lo chhuahna lam pan chuan kal ti tih tlan titih chuan an duk ta par par mai...An ni hi zan tam fe hnu a pawih ram lut an ni, Bawkmual te Serzawl te Chawntui te ral ramah an che mek tih an hre si!
( chhunzawm tur)
(PASALṬHA THANPUIA)
( M.Lusei Palian)
........... ........ .............
Khawvar a hnai ta hle mai, chutah pawih ho an awmna hmunah an che ta tlat mai le, chutih rualin Pasalṭha Selzama naute silai chu a puak leh ta zawt zawt mai le, an thal an thlah ve leh awmhmun an san ta zung zung mai le.. ! Chu chu an tan himna tur a ni si, a chhan pawh an silai kah puah eng zuai aṭang khan an awmna an rawn rin hriat thei tlat si a ni. Silai puak ri chu an reh fel ta a, leilung a rawn lang chhunzawm ti tih nghal nen, Pasalṭha Chhunthanga chuan a chempui hum chung chuan hmelma lam a pan ta, Thanpuian a rawn zui thuai a, Pasalṭha Tlanga leh a naute an rawn zuang chhuak zui bawk a.... Silai chuhna hun awm tawh hek lo, an milu lak chem hum chuan an inkhuai nuai ṭan leh ta! Pasalṭha Selzaman tlangval tlem hruaiin a lo hual ve mek thunga, chu lai ruam zawl lai chu thir chang inkhak riin a khat ta! Ram tana fehchhuak pasalṭha ho chu chungnun zawk inchuhin an innuai ta! Pasalṭha Chhunthanga leh Thanpuia hma chu a kaw duak duak zel mai chu a ni, Dara Darphawa ngei pawh chu a nasa hle mai, thum bul bul chung chuan a chempui an vai tak tak a le... a rik hian a ri no chawk chawk mai a ni. Lusei tlangval lam pawh an hek ve leh ta hawk mai, mihrang rualte an ni miau mai si! Serzawl mihrangte an la che thei fu mai le, Aimawia leh Pazawna te pawh an ri buan buan tawh mai a, an thlan chuan a bawh a, an rim pawh a thang huam huam hial tawh a ni.
Khua avar chiang chho ta, chulai ruam zawl lai chu thisen luanna hmunah a chang zo ta, chu inbeihna hmuna ding chhuak thei chu tam tak chu an ni tawh lo! Pasalṭha Chhunthanga chuan pawih pasalṭha chu a hmachhawn ta! An innawrna ta phian a, an bul vel thingtuai te pawh an chhawk ta hmarh hmarh mai le! Pasalṭha Selzama leh Tlanga te pawh chuan an bitum lo dah ṭha fel tawhin pawih ral tlem la bang te chu an sam phei mial mial mai a, Thanpuia pawh Aimawia te nen an hma ṭheuh chu an dah ṭha fel ta! Hliam tuar lo pawh an awm meuh tawh lo chu a ni. Pasalṭha Chhunthanga khuavang lasi te vohbik chu an Sapui tal tak tak mai chu hmuhnawm tham tak a ni. An din hual ṭhap tawh mai chu a ni.
Pawih pasalṭha pawh chu a che thei em em mai a, pasalṭha Chhuna an nawr let te chu zamna hi a nei miah lo tih a lang reng a, thahrui a ngah tak zet a ni. Pawih pasalṭha zam lo lutuk hmel chu mak an ti ṭheuh a ni.Pasalṭha Chhuna chuan a chem pui han vaiin pawih pa chu sah fuh tum tak chuan an nawr leh ta tak tak a, pawih pa pawh a hnung tawlh rawk rawk mai le, mahse chuti maia khawih fuh theih a ni bik lo a ni mahna, a lo indang zat zat zel thei a, hliam lian vak lo chu an nei dun nual tawh mai! Pawih pasalṭha chu ring fe a au chung chuan pasalṭha Chhuna chu an bawh let ve leh ta! Thanpuia chuan thil kal dik lo deuh awmin a hre ta tlat mai! Chutah an hawi kual a, thil felhlel deuh a hmu si lo. Chu zing ni chhuak sen ruih karah chuan sava hram pawh hriat tur a awm lo hial a, pasalṭha Tlanga leh Bukbawnga pawh chuan an chheh vel chik zet in an lo thlir ve reng mai! A ngaih a ṭha bik hauh lo mai, Ring per chhuai chuan,
" Tlangval te u, silai zawng zawng hi la ula sawh nghal vek ang che u, hmanhmawhin" an ti ta, tlangval ho pawh an phe nghal suau a.
Pasalṭha Chhuna te lah an daih rei em em mai a, chu pawih pasalṭha chu deh a khirh hle a ni. Ring tak chuan a au leh ṭhat ṭhin, chu tak chu a ni lusei lam ngaih ti ṭha lo tu chu..! Pasalṭha Chhunthanga pawh chuan,
" Silai kha sawh ula, ṭan hmun zawng teh u, he pawih zet hian midang koh a nei a nia!" a rawn tichhuak mai reng a. Chutih lai chuan tlangval ho pawh chuan ṭan hmun an siam ta sang sang mai!
Pasalṭha Chhunthanga chuan chu pawih pasalṭha chu a lu lak a tum viau tawh a, a kut khing hnih chu an hmang tawn ta tak tak mai le! He pawih pasalṭha hian lusei pasalṭha hi dehkhirh a ti ve takzet tawh a ni. A beidawng titih tawh tlat mai! Tin, inmal beih hi a thiam em em vei bawk nen, a hautak takzet a ni. Pasalṭha Chhunthanga chuan a chempui chu vai chhuak lehin pawih pa lu zawnah chuan an tum ta tak tak mai le, a kut lehlamin a hawlh zuai zuai bawk a. Chutah pawih pa pawh chuan inveng pahin Chhunthanga awmah chuan a hliam ve leh ta, chutih lai tak chuan Chhunthanga kut veilam chem thlawk pawh a thlawn ta bik hauh lo! Pawih pa chuan ṭe tuar chungin a dul chu a hup ta, a ṭhingṭhi ta hnawk mai! Pasalṭha Chhunthanga chuan a awm hliam chu a ngaihsak hman bik tlat lo! A kut dinglam a chem vai leh fua zawng a thlawn tawh lo, pawih pa lu chu a taksa aṭang chuan a hrang ta hlawk mai le! Chutih lai tak chuan Silai a rawn puak ta zawt zawt mai! Pasalṭha Chhunthanga pawh chu a tlu thum ve ta dawp mai le!
Pawih pasalṭha khan an lehlama tlangval rual te a lo au khawm chu niin pawih ral thawkchhuak a a hnung ber rual tam fe chuan chulai hmun chu an rawn pan ve mek hi a ni. An pasalṭha thusawi fimkhur taka rawn hual tura a tih kha pawih lam pasaṭha Kama leh Zarema hote chuan an hre pha ta si! An rawn hual ta hruau hruau mai a, Lusei tlangval ten inbeihna mual an thlir lai chuan hnung lam aṭangin rawn sai chiam se a ti kha a ni. Thawm dim fe chuan chulai hmun chu an rawn pan a, an buzawl rawn luhchhuah tumtute hi dim an tum bik hauh lo. An pasalṭha tlu lai an hmuh meuh chuan insum zo lovin ngenmu an thlawh chhuak ta a ni. Bukbawnga chuan a naute ho an au tuar a, an han chhang let ve nghal zat a, silai puak thawm chuan chulai hmun chu a khat ta! Pawih ho hmatawng len hnudal an awm tlat mai! Silai vawikhatna a puak zawh chuan a hnung lam a miten an rawn thual zui ve ta! Lusei tlangval te chu an hual bet ve ta tlat mai le! Pasalṭha Chhunthanga lah a tlu der tawh bawk si, a thih em zawng ala thi lova, an inhai a, dinchhuah a tum hle mai! A phun sap sap a, dinchhuah ngei a tum a ni. Pasalṭha Selzama pawh a buai ve ta, a hnung leh sir tuak tuakah pawih hovin an hual bet ta tlat mai! Pasalṭha Tlanga chuan awmze nei leh phen tur remchang zawng turin tlangval ho chu an au ve tuar tuar a. Silai puak thawm chuan a khat zo ta, pawmchilh turin hmelma lam tawmna a la hle mai si! Lusei tlangval an inchan hnem tawh viau mai si,an buai ta takzet a ni, tlangval pakhatin Silai pahnih zel an inchhawp a, hmelma lam an chhang let ve zel rih a,mahse an hek ve tawlh tawlh si! An vai chuan kir leh tur a awm a ngem? Lusei ram chin ni lovah hian an zal mai dawn ta niin a lang! Pawih ho lah a pachhuakin an rawn thawk ni maw, an ṭhahnem tawh hle mai si!
Thanpuia chuan Aimawia bulah chuan,
" U Aimawi, min lo veng rawh u aw, pasalṭha Chhunthanga khu ka zuk pawm chho a nge!" An ti a. Aimawia chuan,
" Thana, ni rih lo ve, a hlauhawm lutuk, min tam hneh si...!" tiin a chhang a. Thanpuia lah a thal kau sa chuan a penchhuak zui ta mai si! Pazawna chuan a ṭhianpa chu an au zui tuar a, mahse a kalchhuak hman ta!
Thanpuia chuan a thalfang a thlawh chhuak zat zat a, a ding leh dat ṭhin! Selzama chuan Thanpuia a lo hmu thuai a, a thiltum a hre nghal, a la hun si lo, a mangang hle mai, a theih ang ang chuan a veng nghal zat a.Pasalṭha Chhunthanga chu a hnaih ta viau mai, thalfang pawh ala thlawhchhuah malh malh a, a ṭhelh miah lo zel a. Pasalṭha Chhunthanga bul a thleng ta, a thal a ak a, pawm tuma a ṭhingṭhit lai tak chuan ngenmu chu a dawng ve ta nawlh mai le! Pasalṭha Chhuna chuan a lo melh ṭawk ṭawk a, a mah rawn chhan tuma ke pen chhuak tlangval huaisen, hmun hima hruaitu tur chu a melh ngawt ngawt mai chu a ni. Thanpuia pawh a thaw ve ta hawk a. Lusei fate tana nun a hlan thei tur chu a lawm hle zawk a ni, a awm aṭang chuan thisen a luangchhuak ta nguai nguai mai le!
.......... ............. ..............
Thanchhinga tapa vaibel zu a ṭhu mek chu a nghing lawih mai le! Eng emaw hian rawn su ṭhuai hian a hria a, a mak a ti hle mai! A mang lamah lah khan a fapa kha a hmu ṭha lo viau mai si a, a hlauthawng thar hle mai! A fapa hi ral ramah a han tlu hlum ta mai em ni? A thaw a ipik ta riau mai, a thlam sak lah chu a la zo lo deuh a, Thanzinga lah hi chhawr rual a la ni si lo, a buai takzet a ni. A fapa hi a ngaihtuah ta em em mai a, mahse sawichhuah a han phi cheng chu a tum si lo. Chutih lai tak chuan Zamani chuan,
" Nizan ka mang chu Thana hi thisen kai hnuang in ka lo hmu a, ka awm ava nuam lo em aw!" A rawn tichhuak ve leh ta mai. Thanchhinga lah a thil ngaihtuah lai tak, a rilru luahtu ni si a nupuiin a rawn sawichhuak ve leh ta zel chu mak a tiin a nghilh dup hial a. A ṭawngchhuak thei lawk lo, a aw an thian a,
" E...chutiang mang mai mai an sawi ngai lo!" chang fe chuan an ti a. Zamani lah la duhtawk bik hek suh,
" Ka fapa ka ngaihtuah a ni mai a, thu lah hi i sawi pui hleih theih loh..!" Ala ti ta deuh deuh a. Chutih lai tak chuan Thanzinga pawh a saihlum ak mual mual in,
" Ka u Thana....kei pawh ka mumangah ka hmu a....mahse ka hre tawh lo!" A ti liam ve puat mai si!
Chutah meuh chuan Thanchhinga pawh chuan awm mai mai har a ti ta! An chhungkua in chutia a ruala an manga an hmuh chuan eng emaw chu a thleng a ni ngat mai le! A fapa chu hmu phak ngat se, ngenmu sur karah pawh a tlanlut ve ngei ang le, a la naupang hle mai si a amah zawk hi pawih ral do hian alokal zawk lo a ni. A vaibel chu a pak mawlh mawlh a, ngaihtuah loh erawh a har an ti takzet a ni.
Upa min Phirtuala pawh a nupui Chalmawiin a mumang a hrilh keuh keuh a, a nupui mangah chuan a tupa a lo hmu a, ral ramah ngaihsaktu awm lovin a lo let reng chu a ni. Upa min Phirtuala pawh chuan a tupa chu a ngaihtuah hle mai! Ral ramah an awm si a, ngaihtuah loh zawng a har a ni. An inchhungah chuan a vei tawn sek mai chu a ni, a nupui Chalmawii chu hnem in,
" Chali, ka tupa chu a ngaihtuah awm hauh lovang, damin a lo kir leh em em ang!" An ti tak na a, a ni pawh chuan a thusawi chu thleng dik se a ti tak meuh meuh a ni.
Lal fanu Saipuii pawh a daileng zo chu a hawi vang vang a, Farṭuah par chu a thlir a...Thanpuia te zawng zan tam an thang ta, lokir har ava ti tawh tehlul em! A vahrit a thih a ṭang phei chuan a ngaih hi a ṭha thei tawh ngang lo a ni. A pate ho titi a hriat tam ber lah an pasalṭha te himin an lo kir leh angem tih chu a ni si, zan te chu rei a ti in chhun ni sei a ti em em bawk si! A thinlung khaw harna chuan chinlem a nei si lo a ni. Dem mi a ni lova,dem theih a ni hek lo, lunglai luahtu a tawng ta a ni.
........ ........... ............
Buannel ah chuan Lasi nula hmel ṭha lui eltiang mai Varparhi chu a buai hle mai, a ṭhian a zawlpa ral ramah a tlu tih a hria! Mu leh mal hi a nei thei ta lo, zing ni chhuah hnu awrh a ni si, zing lamah lehnghal chuan indona muala han tel ngawt mi a ni si lo! Amah hnem thiam ber Chawngmawii pawh chu eng ruai a ni ta bik lo. Hringfa leng zinga a thinlung luahtu chu Pasalṭha Chhunthanga bulah a let ve ngat tih a hre ta si! Inhnem thei an awm lo, an tliak dun hnawp chu a ni. Mahse innghahna tlem an la nei, pialral an la pan em hlei nem! Varparhi zawngin zan lamah a zuk enkawl thei anga, a ni erawh chuan a thei dawn si lo! An pahnih chuan Ṭan khawpui an pan dun ta vang vang mai le! Eng thil tak ti dawn chu ni maw!?
........ ........... ........
Pasalṭha Thangnghilhlova ( He mi hi next a kan thawnthu a achangtu tur, Puklui pasalṭha a ni e) beng hriatna chak tak chuan hla fe a, chengrang rawl chu a hre pha ta. An ni hi Pawih ral do tura Puklui leh Mualvum aṭanga rawn kal vang vang tlangval rual sawm ruk chuang mah an ni.An ni hian Lusei tlangval pawih run tur tam fe an liam tawh tih an hria a, an hmanhmawh ta ngang mai le..! Pasalṭha Raltawna nen hma an hruai a, chu chengrang rawl lam pan chuan hmanhmawh fe chuan tlangval rual ho nen an duk ta par par mai le... Lusei fate an la chhan hman meuh a ngem!
Vanhnuailiana pasalṭha Rala leh a hote pawh chuan Chengrang rawl tam fe kha an ral hriat a, chu ri lo chhuahna lam pan chuan kal ti tih tlan titih chuan an duk ta par par mai...An ni hi zan tam fe hnu a pawih ram lut an ni, Bawkmual te Serzawl te Chawntui te ral ramah an che mek tih an hre si!
( chhunzawm tur)
A ngaihnawm, mahse thin a phu dep dep mai, a changtu tur thar a rawn lang ta bawk si nen
ReplyDelete