LUNGRENG NGÂW.S-2...(20)....
LUNGRENG NGÂW.....S-2.....20 ....
(PASALṬHA THANPUIA)
( M.Lusei Palian)
........... ........ .............
" Lusei tlangval huaisen te u, inngaihtuah lungngai lo ula, tin, zam hauh suh u. Lusei ram tana fehchhuaka rammu kan ni a, kan ram hi a thlawna kan neih a ni lova min thlahtu pasalṭha te thisen luanna, tlang tin leh ruam tinte hi tlawmngaihna in a zam chhuah kha a ni. Keini pawh hian kan tu leh fate tan kan hum a ngai a, pen khat pawn kan hnung tawlh hi a thiang lo, ram chhan vanga nun hlan huam seifa kan ni a riangvai leh chanhaite kan hmaih ṭhelh thiang love...! Ram tana famchang ta te hi ka ngaihlu a, ka zah a, ka chhuang hle bawk a ni. Tun hun hi indawm kun hun a ni lova, hmalam pan tura huaisen taka ke pen hun a ni. Zanin chu kan hahdam rih anga naktukah chuan kan che chhuak leh tur a ni. Kan ram tan theihtawp kan chhuah anga, min dotu te do let hi kan tihtur a ni. Hahdamin zanin hi chawl ang che u...! Naktukah min dotu te dolet turin kan penchhuak leh ang..." a tih meuh chuan tlangval rual pawh an thum hak mai le! Huaisenna nei tharin an phur leh hle tawh chu a ni. Ni, an ṭhiante sun a indawm kun hman an ni lo, an rammut chhan an tihhlawhtlin ngei a ngai a ni. Chutiang tura infuih nawn chu a ngai ṭhin reng si a.Pasalṭha Selzama chuan thu a sawi zawh chuan Thanpuia te lam chu a pan ta a, tlangval te chuan an zah hle a ni, Bukbawngan a tizahawm thiam bawk em atin ni!
Pasalṭha Chhunthanga leh Thanpuia chuan an thil buaipui chu an tihmin ta a, mautheiah vahrit awmna tui chu thli chhuakin Pasalṭha Thanglura an mutna lam chu an pan pui ta a.Buk tualah chuan pasalṭha Thanglura naute pawh an lo ṭhu far mai a ni. Ngurpuii pawh khan chaw tihtham a bar thei lo, a rilru tur hi an dawnpui pha vek a, an khawngaih hle a ni.Ngurpuiin chung pasalṭha pahnih an hmuh chuan a hahdam hmel sawng sawng a, lusei fa pasalṭha te zawng an inngaihsak hle ṭhin si a. Thanpuia chuan Pasalṭha Thanglura lu lam chu chawi deuhin Chhunthanga chuan vahrit awm tui chu a lo tulh ve thung a.
" Lem tum hram teh pasalṭha, i chau lutuk ange..!" An han ti a, mahse ni khua hre mang hek lo, an tulh hlei thei lo chu a ni. A khua te lah chu a lo sik nasa mai a, an han mut ṭha leh a an tuam lum ta ngawt mai a. Ngurpuii chuan pasalṭha Thanglura chal chu a tuai sek mai a ni. Chutah Pasalṭha Selzama buk a rawn dak reng chu rawn lut ve in,
" Lal fanu, in in chhanchhuah dan chiah hi han sawi teh, hei kan pasalṭha hian hliam a tuar nasa hle mai si a. Kan rawn tlai deuh chu a ni ngat mai a, amah erawh chu kan pasalṭha pawh hi a zia leh mai ang chu maw....thil sawi hrehawm a ni em lo'ng chu maw...?" a ti dam diai a. A aw chu a zahawm thlup mai bawk a. Chu zawhna chhanna chu Thanpuia te hriat chak tak chu a ni kher bawk a,lal fanu Ngurpuii melh chuan an ṭhu bial ta ṭhap a. Ngurpuii chuan Pasalṭha Thanglura melh pah chuan a aw a thian ve ta, chutah rawn ṭawngchhuakin heti hian a rawn sawi ta a,
" Ni e, thil sawi nuam tur tak chu a ni ngei mai! Ṭawngkam ka thiam loh aleiah ka lo sawi chhawhchhi ta nuai a nih pawhin min her rem sak mai a niang chu....! Khatia min man ṭan khan lal fanu ka nih vang ni maw...min tihrehawm hauh lova, tin, eitur an neih ang ang pawh kha pawih ho khan min hlui ve zel a. Hei, Thanglura ten min rawn hual takah khan an zam hle mai a, kan bihrukna khi lung hmun a ni vei rawl nen chet lak kha a tu ve ve tan pawh khan a harsa em em a. Ni engzat chiah nge kan awm tak pawh ka hre lo, a chhan chu khilaiah khian puk a awm a. Chumi chhungah chuan min khung ta tlat mai si a, a rei viau chuan ka hria a. Mahse min rawn tlawh ve rengin eitur te min rawn pe ve reng a,kha pawih pasalṭha rin ai daihin a fel a. Midang ka hriat ang a ni hauh lo! Chu pawih pasalṭha an hotu chuan a naute chu a ruka relh ru a an mahni pui tura an ṭhiante lam belh turin a tir ta a ni awm e. A ni chu nihnih vel zet a thang ve tho a, chutichuan pawih ho rual khat chuan rawn puih tumin an rawn pan ve ta. Hetih lai hian hei Thanglura te lam pawh hian min rawn au ve rengin ka ṭhat leh ṭhat loh thu te an rawn zawt reng a, tin, an inkap deuh reng bawk. Mahse inhriat khi...a hmun khian zir ngang lo le.... Lura tan pawh rawn tlan chhoh ngawt kha a rem bik si lo. Tichuan le, vawiin khan pawih pasalṭha rual khat/ ho khat an rawn thleng ta a. Lura te ho kha an rawn hual let ve ta thung a, chutah le an rawn kap ṭan chu a ni ta mai! Chutih lai tak chuan Lura hi a rawn tlan chho ta chiam a, kei pawh pukah min dah tawh lova, lung pui phenah ka kut leh ke an phuar thung a. Lura chuan phen tur remchang a rawn zawng chho zel a..khatih laia ka mangan zia kha aw...( a insut hraih a, a mittui chu an hru leh te te a.) Chutah pawih ho hnung lam aṭangin in rawn kap ve ta a, an buai lai tak khan ka bul a rawn thleng chho a.Min mantu pasalṭha nen khan an inhmachhawn ta! Khatih lai khan a awmah khan ngenmu kha a lut daih tawh a. Ka tan khan thih huamin hliam tuar a ni tih hriat hauh loh khan an han innuai ta a, ( a insut leh hraih a, a puan tlang chuan a mittui chu an hru leh a) ka en ṭha ngam hauh lo... chutah a hneh ta a, aw....lo thlir ngam ila chuan sawi tur ka ngah deuh tur, min rawn panna lamah hmelma lam kha a rawn sam chho kha a ni ber...! Min pawm nawlh a, min tawlh pui ta a.... Chutih lai chuan tlangval, ( Thanpuia an melh a) he tlangval hian min rawn umtu te kha a um chho ve leh ta thung a, a huaisen kher mai! A nawr tawm chho ta tawn tawn kha a ni...!In chungah hian engtia lawmthu sawi chi nge ka hrethiam tawh lo a ni..." a ti ta a, ngaihnawm ti tak chuan an lo ngaithla a, a tan chuan sawi kim a la harsa ngawt ta ve ang le!
Pasalṭha Chhunthanga chu an chhuak zawk a, rang deuha rawn lut lehnghalin mauthei bawk a rawn keng a, Ngurpuii chu mauthei chu pe in, " Kha Lal fanu, hei han hawp teh...chak taka i awm a ngai a nia! Lusei fa te zingah zawng lawmthu sawi a ngai lo ve, thlamuang takin awm teh " A ti ve thung a. A ni renga he lal fanu hi a cher kuam tawh a,chaw kawpuar lovin rei tak a awm tawh tih a hriat si a! A ni pawh chuan hnar mi niin a hre lo bik lova, a lo la ve mai kha a ni. Chutah pasalṭha Selzama chuan,
" Ti teh u, pawn lamah sawn i ṭhu lawk ang u, Thana....Buka leh Dara te pasalṭha Tlanga te kha va ko tawh...!" an ti a, amah chu a chhuak ta vut a. Thana chu a tho tharh a, pasalṭha Tlanga te ho ko tur chuan a kal ta a. Rei lo teah a lo let vat a, a mi koh te pawh buk tualah chuan an rawn ding khawm nghal mai reng a.Dara zawng a naute a chan hnem deuh nen a ngawi ngul mai chu a ni. Bukbawnga erawh a vei thur thur a, pawisak hi a neih tlem hmel hliah hliah a ni. Pasalṭha Selzama chuan tihian thu kau a rawn ṭhet ta a,
" Aw le, hei naktuk lam kan chhuah dan tur rel ila, Tlanga...Awhtlang khua hi kan la hlat viau em? ( pasalṭha Tlanga chhan hma chuan) Hei pasalṭha Thanglura lah hi la khawih chet chi a ni si lo nen, tlangval tlem a zawngin an awmpui a ngai dawn si a!" a ti a.
Pasalṭha Tlanga chuan, " Hla lo ve, varṭiana kan chhuah zawngin ni tlak hma in kan ban hmanin ka ring e...!" a lo ti a. Dara pawh lo bu nghut in, " Pawih khua zawng zawng chu han nuai vek ila ti nia, kei ka lai ala na riau mai!" a ti vei khuk a, ngen hmel tak chuan a vaibel chu an pak tual tual a. A rilru tur an dawnpui a, an hrethiam kher mai!
Pasalṭha Chhunthanga chuan, " Tukṭhuan bar zet ila a ṭha lo maw... kan tlangval te hi an chau a nge. Tin, zanin lam pawh hi inrin hle kan ngai a ni, pawih ral tlan chhia kha an awm tlat mai a, ralveng pawh inchhawk ila a ṭha a nge!" a rawn ti a.
Bukbawnga rawn ṭawngchhuak ve leh zatin, " Aw le, Awhtlang khua aṭang pawhin ro kan rel leh mai tur lah ni, ṭha te te a kan awm lai ka run e min ti a, ka lai a dam thei lo...!" rum tak chuan a ti ve leh a.
Pasalṭha Selzama chuan heti hian an chhih ta a, " Aw le, naktuk tukṭhuan khamah Awhtlang khua kan pan ang, pasalṭha Thanglura hi mi pasarih vel in an awmpui anga, kan haw lamah chuan an lam haw theih mai ka ring. Ralveng tur chu Buka...i ruahman dawn nia.!" a ti ta a.
Chulai hmuna ram tana fehchhuak te chu an ṭhu hmur mai a, meipui chu an hnung puak hlawm a, an titi vawrh duh dan pawh a hrang nuai mai a ni. A khaw bil ang zawng chuan an ṭhu hrang vei far a, chu chu Bukbawngan a hmuh chuan a ngaih dan a ni tlat lo! An ṭhut kar thlak tir deuh kher a, an hotu en riau tawh a ni. Ralveng hmasa tur te an ruat a, khaw hrang hrang mite chu a thliar lovin a awmkhawm tir a a remruat dan chu ṭha an ti tlang hle chu a ni. Aimawia te ṭhian thum pawh an chau deuh a ni mahna lung ngheng in an ṭhu duai mai chu a ni.
Mak tak maiin chu zan ber kherah chuan chung lusei tlangval te chu an mut a chhuak hlawm em em mai a, an muhil ta hlawm a. Ralvengte pawh eng an ni bik lo, an muthlu vek mai chu a ni. Chutah le pasalṭha Thanglura te buk chu a eng ta pap mai le.... a ṭhianten an tlawh a ni ngat mai!
........ ......... ...........
Thanpuia chuan a ṭhiante muthlu ta vek mai chu mak a ti hle a, an hawi kual a pasalṭha Chhunthanga chu a hmu a, a ni chuan a lo hui zauh a, mak ti fe a hawi kual chung chuan a pan ta a. Chutah pasalṭha Thanglura te buk lo eng kalh mai an hmuh chuan mak a ti lehzual hle, mahse a au chhuak mai bik lo...! Pasalṭha Chhunthanga lam chu a pan ta a,
" Thana, hei ka ṭhiani hian a be lawk duh che a ni...!" Tih pah chuan ngaw hnuaia a awmna ah chuan an hui phei a. Thanpuia an hawi kual chuan Pasalṭha Chhunthanga ṭhiannu hmel ṭha lui eltiang, pian nalh em em chu a hmu ve ta. Chu nula han hmel ṭhat zia chu ṭha tih hian a phawkchhuak pha kher lovang le...Pasalṭha Chhunthanga chu rawn ṭawngchhuak lehin,
" Thana....hlauthawng suh...ka ṭhianten min rawn tlawh a ni. Tin, Thanglura an rawn kan bawk a, hlauhthawn tur a awm lo ve..!" a ti a.
Chu nula hmel ṭhatna a phuar vel chuan Thanpuia chu a tawrhhar tawk chauh hian an melh a, " Thanpuia chu i ni maw..! Eh...Chawngmawii khan a lo uar lo zawk a nih hi, I hmel pawh a ṭha hle mai..Huaitawna pawh khan a rawn hmu che a ni maw...? Tlangval...hmabak eng tak i nei e, Thangchhuah pa i la ni ngei dawn e. I ṭhian Chawngmawiin a hmu thei tlat lo che a a chhan pawh i lungmawi i hloh vang a ni, tirawh a awmna kan kawhhmuh lawk ang che...!" tih pah chuan Thanpuia chalah chuan an nem zeuh a, a kut chu a lu chungah a nghat ta a. Chutah le, Thanpuia chu lengkira a tlak lai ang chiah khan a awm leh ta, puk chhungah khan ṭhu leh hlawlin a iptepui chu an bun a, a lungmawi chu a ngaihsak hman tawh lo, lungmawi chang a ni lo, chu pukah chuan ṭhi leh dar a lo tam mai chu a ni. Lungmawi pawh la tawh lovin a thalfang chu a la a, puk pawn lamah chuan a chhuak ta a.
A rawn harh chhuah leh meuh chuan thil a hrethiam ta kuar mai le! Chu nula hmel ṭhatna a khat chu an thlir a, chutah a nak chu a thip leh zawk a, an ṭhen sak a...
" Eh...Thana hliam i nei elo? Khawi maw..!" Tih pah chuan Thanpuia nak chu an en a. A ner sak mai le, eng mah sawi lo chuan Pasalṭha Thanglura te buk chu a pan a, Pasalṭha Chhuna leh Thanpuia chuan an thlir dun hau mai! Rei lo teah rawn kir lehin a kut chuan eng emaw hi a rawn keng a, Thanpuia hliamah chuan an bel ta a, a ni pawh a ṭhen ve sawk sawk mai!
" Ti kha chuan a zia mai ang, Pasalṭha Thanglura khu a va chhel ve le....a ni pawh khu a dam vat dawn e. Nakin lawkah Lal a la ni dawn a, khuang pawh ala chawi ngei dawn e! Thanpui, lo lungngai hauh lo la, i lungmawi chu ka lo venghim rih ang, mahse i theih anga rangin lak tum ang che, Chawngmawii pawh a ṭha lutuk e.." chu nula chuan a ti a, a nuih sei mai a, a va hmel ṭha tehlul em!
Thanpuia chuan, " Ka lawm hle mai, lawmthu han sawi dan pawh ka thiam lo, Pa Chhun....ka lawm tak tak a ni( tih pah chuan Chhunthanga chu an melh leh a, a melh tawn chu a ni ber ) lo inkawm tawh r'u!" Tih pah chuan kalsan chu a tum ta a. A nak, hliam a tawrhna lai pawh chu la hit chiai in a hria a, a zang ta vah mai le!
Chu nula chuan, " Ngawi teh Thana, zanin hian pawih ralin rawn hup che u an tum a, chuvanga hmanhmawh taka rawn hmu che u kan ni, hei pasalṭha bulah chuan ka sawi nual tawh a. Muang lo u la, huaisen takin lo hmachhawn ang che u..! Kan kal a hun ṭep e..!" A ti ta tlat mai le.
Thanpuia pawh a meng kawk thei hial a, chutah pasalṭha Chhunthanga chu an melh a, a lo bu ve nghut thung a..........
(Chhunzawm tur)
(PASALṬHA THANPUIA)
( M.Lusei Palian)
........... ........ .............
" Lusei tlangval huaisen te u, inngaihtuah lungngai lo ula, tin, zam hauh suh u. Lusei ram tana fehchhuaka rammu kan ni a, kan ram hi a thlawna kan neih a ni lova min thlahtu pasalṭha te thisen luanna, tlang tin leh ruam tinte hi tlawmngaihna in a zam chhuah kha a ni. Keini pawh hian kan tu leh fate tan kan hum a ngai a, pen khat pawn kan hnung tawlh hi a thiang lo, ram chhan vanga nun hlan huam seifa kan ni a riangvai leh chanhaite kan hmaih ṭhelh thiang love...! Ram tana famchang ta te hi ka ngaihlu a, ka zah a, ka chhuang hle bawk a ni. Tun hun hi indawm kun hun a ni lova, hmalam pan tura huaisen taka ke pen hun a ni. Zanin chu kan hahdam rih anga naktukah chuan kan che chhuak leh tur a ni. Kan ram tan theihtawp kan chhuah anga, min dotu te do let hi kan tihtur a ni. Hahdamin zanin hi chawl ang che u...! Naktukah min dotu te dolet turin kan penchhuak leh ang..." a tih meuh chuan tlangval rual pawh an thum hak mai le! Huaisenna nei tharin an phur leh hle tawh chu a ni. Ni, an ṭhiante sun a indawm kun hman an ni lo, an rammut chhan an tihhlawhtlin ngei a ngai a ni. Chutiang tura infuih nawn chu a ngai ṭhin reng si a.Pasalṭha Selzama chuan thu a sawi zawh chuan Thanpuia te lam chu a pan ta a, tlangval te chuan an zah hle a ni, Bukbawngan a tizahawm thiam bawk em atin ni!
Pasalṭha Chhunthanga leh Thanpuia chuan an thil buaipui chu an tihmin ta a, mautheiah vahrit awmna tui chu thli chhuakin Pasalṭha Thanglura an mutna lam chu an pan pui ta a.Buk tualah chuan pasalṭha Thanglura naute pawh an lo ṭhu far mai a ni. Ngurpuii pawh khan chaw tihtham a bar thei lo, a rilru tur hi an dawnpui pha vek a, an khawngaih hle a ni.Ngurpuiin chung pasalṭha pahnih an hmuh chuan a hahdam hmel sawng sawng a, lusei fa pasalṭha te zawng an inngaihsak hle ṭhin si a. Thanpuia chuan Pasalṭha Thanglura lu lam chu chawi deuhin Chhunthanga chuan vahrit awm tui chu a lo tulh ve thung a.
" Lem tum hram teh pasalṭha, i chau lutuk ange..!" An han ti a, mahse ni khua hre mang hek lo, an tulh hlei thei lo chu a ni. A khua te lah chu a lo sik nasa mai a, an han mut ṭha leh a an tuam lum ta ngawt mai a. Ngurpuii chuan pasalṭha Thanglura chal chu a tuai sek mai a ni. Chutah Pasalṭha Selzama buk a rawn dak reng chu rawn lut ve in,
" Lal fanu, in in chhanchhuah dan chiah hi han sawi teh, hei kan pasalṭha hian hliam a tuar nasa hle mai si a. Kan rawn tlai deuh chu a ni ngat mai a, amah erawh chu kan pasalṭha pawh hi a zia leh mai ang chu maw....thil sawi hrehawm a ni em lo'ng chu maw...?" a ti dam diai a. A aw chu a zahawm thlup mai bawk a. Chu zawhna chhanna chu Thanpuia te hriat chak tak chu a ni kher bawk a,lal fanu Ngurpuii melh chuan an ṭhu bial ta ṭhap a. Ngurpuii chuan Pasalṭha Thanglura melh pah chuan a aw a thian ve ta, chutah rawn ṭawngchhuakin heti hian a rawn sawi ta a,
" Ni e, thil sawi nuam tur tak chu a ni ngei mai! Ṭawngkam ka thiam loh aleiah ka lo sawi chhawhchhi ta nuai a nih pawhin min her rem sak mai a niang chu....! Khatia min man ṭan khan lal fanu ka nih vang ni maw...min tihrehawm hauh lova, tin, eitur an neih ang ang pawh kha pawih ho khan min hlui ve zel a. Hei, Thanglura ten min rawn hual takah khan an zam hle mai a, kan bihrukna khi lung hmun a ni vei rawl nen chet lak kha a tu ve ve tan pawh khan a harsa em em a. Ni engzat chiah nge kan awm tak pawh ka hre lo, a chhan chu khilaiah khian puk a awm a. Chumi chhungah chuan min khung ta tlat mai si a, a rei viau chuan ka hria a. Mahse min rawn tlawh ve rengin eitur te min rawn pe ve reng a,kha pawih pasalṭha rin ai daihin a fel a. Midang ka hriat ang a ni hauh lo! Chu pawih pasalṭha an hotu chuan a naute chu a ruka relh ru a an mahni pui tura an ṭhiante lam belh turin a tir ta a ni awm e. A ni chu nihnih vel zet a thang ve tho a, chutichuan pawih ho rual khat chuan rawn puih tumin an rawn pan ve ta. Hetih lai hian hei Thanglura te lam pawh hian min rawn au ve rengin ka ṭhat leh ṭhat loh thu te an rawn zawt reng a, tin, an inkap deuh reng bawk. Mahse inhriat khi...a hmun khian zir ngang lo le.... Lura tan pawh rawn tlan chhoh ngawt kha a rem bik si lo. Tichuan le, vawiin khan pawih pasalṭha rual khat/ ho khat an rawn thleng ta a. Lura te ho kha an rawn hual let ve ta thung a, chutah le an rawn kap ṭan chu a ni ta mai! Chutih lai tak chuan Lura hi a rawn tlan chho ta chiam a, kei pawh pukah min dah tawh lova, lung pui phenah ka kut leh ke an phuar thung a. Lura chuan phen tur remchang a rawn zawng chho zel a..khatih laia ka mangan zia kha aw...( a insut hraih a, a mittui chu an hru leh te te a.) Chutah pawih ho hnung lam aṭangin in rawn kap ve ta a, an buai lai tak khan ka bul a rawn thleng chho a.Min mantu pasalṭha nen khan an inhmachhawn ta! Khatih lai khan a awmah khan ngenmu kha a lut daih tawh a. Ka tan khan thih huamin hliam tuar a ni tih hriat hauh loh khan an han innuai ta a, ( a insut leh hraih a, a puan tlang chuan a mittui chu an hru leh a) ka en ṭha ngam hauh lo... chutah a hneh ta a, aw....lo thlir ngam ila chuan sawi tur ka ngah deuh tur, min rawn panna lamah hmelma lam kha a rawn sam chho kha a ni ber...! Min pawm nawlh a, min tawlh pui ta a.... Chutih lai chuan tlangval, ( Thanpuia an melh a) he tlangval hian min rawn umtu te kha a um chho ve leh ta thung a, a huaisen kher mai! A nawr tawm chho ta tawn tawn kha a ni...!In chungah hian engtia lawmthu sawi chi nge ka hrethiam tawh lo a ni..." a ti ta a, ngaihnawm ti tak chuan an lo ngaithla a, a tan chuan sawi kim a la harsa ngawt ta ve ang le!
Pasalṭha Chhunthanga chu an chhuak zawk a, rang deuha rawn lut lehnghalin mauthei bawk a rawn keng a, Ngurpuii chu mauthei chu pe in, " Kha Lal fanu, hei han hawp teh...chak taka i awm a ngai a nia! Lusei fa te zingah zawng lawmthu sawi a ngai lo ve, thlamuang takin awm teh " A ti ve thung a. A ni renga he lal fanu hi a cher kuam tawh a,chaw kawpuar lovin rei tak a awm tawh tih a hriat si a! A ni pawh chuan hnar mi niin a hre lo bik lova, a lo la ve mai kha a ni. Chutah pasalṭha Selzama chuan,
" Ti teh u, pawn lamah sawn i ṭhu lawk ang u, Thana....Buka leh Dara te pasalṭha Tlanga te kha va ko tawh...!" an ti a, amah chu a chhuak ta vut a. Thana chu a tho tharh a, pasalṭha Tlanga te ho ko tur chuan a kal ta a. Rei lo teah a lo let vat a, a mi koh te pawh buk tualah chuan an rawn ding khawm nghal mai reng a.Dara zawng a naute a chan hnem deuh nen a ngawi ngul mai chu a ni. Bukbawnga erawh a vei thur thur a, pawisak hi a neih tlem hmel hliah hliah a ni. Pasalṭha Selzama chuan tihian thu kau a rawn ṭhet ta a,
" Aw le, hei naktuk lam kan chhuah dan tur rel ila, Tlanga...Awhtlang khua hi kan la hlat viau em? ( pasalṭha Tlanga chhan hma chuan) Hei pasalṭha Thanglura lah hi la khawih chet chi a ni si lo nen, tlangval tlem a zawngin an awmpui a ngai dawn si a!" a ti a.
Pasalṭha Tlanga chuan, " Hla lo ve, varṭiana kan chhuah zawngin ni tlak hma in kan ban hmanin ka ring e...!" a lo ti a. Dara pawh lo bu nghut in, " Pawih khua zawng zawng chu han nuai vek ila ti nia, kei ka lai ala na riau mai!" a ti vei khuk a, ngen hmel tak chuan a vaibel chu an pak tual tual a. A rilru tur an dawnpui a, an hrethiam kher mai!
Pasalṭha Chhunthanga chuan, " Tukṭhuan bar zet ila a ṭha lo maw... kan tlangval te hi an chau a nge. Tin, zanin lam pawh hi inrin hle kan ngai a ni, pawih ral tlan chhia kha an awm tlat mai a, ralveng pawh inchhawk ila a ṭha a nge!" a rawn ti a.
Bukbawnga rawn ṭawngchhuak ve leh zatin, " Aw le, Awhtlang khua aṭang pawhin ro kan rel leh mai tur lah ni, ṭha te te a kan awm lai ka run e min ti a, ka lai a dam thei lo...!" rum tak chuan a ti ve leh a.
Pasalṭha Selzama chuan heti hian an chhih ta a, " Aw le, naktuk tukṭhuan khamah Awhtlang khua kan pan ang, pasalṭha Thanglura hi mi pasarih vel in an awmpui anga, kan haw lamah chuan an lam haw theih mai ka ring. Ralveng tur chu Buka...i ruahman dawn nia.!" a ti ta a.
Chulai hmuna ram tana fehchhuak te chu an ṭhu hmur mai a, meipui chu an hnung puak hlawm a, an titi vawrh duh dan pawh a hrang nuai mai a ni. A khaw bil ang zawng chuan an ṭhu hrang vei far a, chu chu Bukbawngan a hmuh chuan a ngaih dan a ni tlat lo! An ṭhut kar thlak tir deuh kher a, an hotu en riau tawh a ni. Ralveng hmasa tur te an ruat a, khaw hrang hrang mite chu a thliar lovin a awmkhawm tir a a remruat dan chu ṭha an ti tlang hle chu a ni. Aimawia te ṭhian thum pawh an chau deuh a ni mahna lung ngheng in an ṭhu duai mai chu a ni.
Mak tak maiin chu zan ber kherah chuan chung lusei tlangval te chu an mut a chhuak hlawm em em mai a, an muhil ta hlawm a. Ralvengte pawh eng an ni bik lo, an muthlu vek mai chu a ni. Chutah le pasalṭha Thanglura te buk chu a eng ta pap mai le.... a ṭhianten an tlawh a ni ngat mai!
........ ......... ...........
Thanpuia chuan a ṭhiante muthlu ta vek mai chu mak a ti hle a, an hawi kual a pasalṭha Chhunthanga chu a hmu a, a ni chuan a lo hui zauh a, mak ti fe a hawi kual chung chuan a pan ta a. Chutah pasalṭha Thanglura te buk lo eng kalh mai an hmuh chuan mak a ti lehzual hle, mahse a au chhuak mai bik lo...! Pasalṭha Chhunthanga lam chu a pan ta a,
" Thana, hei ka ṭhiani hian a be lawk duh che a ni...!" Tih pah chuan ngaw hnuaia a awmna ah chuan an hui phei a. Thanpuia an hawi kual chuan Pasalṭha Chhunthanga ṭhiannu hmel ṭha lui eltiang, pian nalh em em chu a hmu ve ta. Chu nula han hmel ṭhat zia chu ṭha tih hian a phawkchhuak pha kher lovang le...Pasalṭha Chhunthanga chu rawn ṭawngchhuak lehin,
" Thana....hlauthawng suh...ka ṭhianten min rawn tlawh a ni. Tin, Thanglura an rawn kan bawk a, hlauhthawn tur a awm lo ve..!" a ti a.
Chu nula hmel ṭhatna a phuar vel chuan Thanpuia chu a tawrhhar tawk chauh hian an melh a, " Thanpuia chu i ni maw..! Eh...Chawngmawii khan a lo uar lo zawk a nih hi, I hmel pawh a ṭha hle mai..Huaitawna pawh khan a rawn hmu che a ni maw...? Tlangval...hmabak eng tak i nei e, Thangchhuah pa i la ni ngei dawn e. I ṭhian Chawngmawiin a hmu thei tlat lo che a a chhan pawh i lungmawi i hloh vang a ni, tirawh a awmna kan kawhhmuh lawk ang che...!" tih pah chuan Thanpuia chalah chuan an nem zeuh a, a kut chu a lu chungah a nghat ta a. Chutah le, Thanpuia chu lengkira a tlak lai ang chiah khan a awm leh ta, puk chhungah khan ṭhu leh hlawlin a iptepui chu an bun a, a lungmawi chu a ngaihsak hman tawh lo, lungmawi chang a ni lo, chu pukah chuan ṭhi leh dar a lo tam mai chu a ni. Lungmawi pawh la tawh lovin a thalfang chu a la a, puk pawn lamah chuan a chhuak ta a.
A rawn harh chhuah leh meuh chuan thil a hrethiam ta kuar mai le! Chu nula hmel ṭhatna a khat chu an thlir a, chutah a nak chu a thip leh zawk a, an ṭhen sak a...
" Eh...Thana hliam i nei elo? Khawi maw..!" Tih pah chuan Thanpuia nak chu an en a. A ner sak mai le, eng mah sawi lo chuan Pasalṭha Thanglura te buk chu a pan a, Pasalṭha Chhuna leh Thanpuia chuan an thlir dun hau mai! Rei lo teah rawn kir lehin a kut chuan eng emaw hi a rawn keng a, Thanpuia hliamah chuan an bel ta a, a ni pawh a ṭhen ve sawk sawk mai!
" Ti kha chuan a zia mai ang, Pasalṭha Thanglura khu a va chhel ve le....a ni pawh khu a dam vat dawn e. Nakin lawkah Lal a la ni dawn a, khuang pawh ala chawi ngei dawn e! Thanpui, lo lungngai hauh lo la, i lungmawi chu ka lo venghim rih ang, mahse i theih anga rangin lak tum ang che, Chawngmawii pawh a ṭha lutuk e.." chu nula chuan a ti a, a nuih sei mai a, a va hmel ṭha tehlul em!
Thanpuia chuan, " Ka lawm hle mai, lawmthu han sawi dan pawh ka thiam lo, Pa Chhun....ka lawm tak tak a ni( tih pah chuan Chhunthanga chu an melh leh a, a melh tawn chu a ni ber ) lo inkawm tawh r'u!" Tih pah chuan kalsan chu a tum ta a. A nak, hliam a tawrhna lai pawh chu la hit chiai in a hria a, a zang ta vah mai le!
Chu nula chuan, " Ngawi teh Thana, zanin hian pawih ralin rawn hup che u an tum a, chuvanga hmanhmawh taka rawn hmu che u kan ni, hei pasalṭha bulah chuan ka sawi nual tawh a. Muang lo u la, huaisen takin lo hmachhawn ang che u..! Kan kal a hun ṭep e..!" A ti ta tlat mai le.
Thanpuia pawh a meng kawk thei hial a, chutah pasalṭha Chhunthanga chu an melh a, a lo bu ve nghut thung a..........
(Chhunzawm tur)
Chhiar a nuam tak zet zet a ni
ReplyDelete