LUNGRENG NGÂWS-2...(18).
LUNGRENG NGÂW.....S-2.....18....
(PASALṬHA THANPUIA)
( M.Lusei Palian)
........... ........ .............
Zanhnih an thang leh hnu chuan lentlang chu an hnaih ta hle mai! Pawih ram chhung an dai lut ṭan ta, thawm dim ṭan in uluk zawka inremin kal an han siam leh chu Silai puak zawt zawt thawm an hre ta! Pasalṭha hma hruaitu te chu an ding ta chat mai, chawpchilh fe a ruahmanna siam zung zung in silai rikna lam chu an hual dawn ta a ni.Kawng lakah vawi tam tak chet dan tur an inhrilh tawh bawk nen tlangval rual pawh an phur thar hle chu a ni. Tuna an awmna lai hi awih pang a ni a, kham a ni chiah si lo, Silai lah a puak leh zawt zawt tawh mai, silai thawm aṭang chuan ṭhahnem fe chu an awm ngei ang tih a hriat theih a. Awmze nei fe thawm dim tak chuan an hual ṭan ve ta a.
Pasalṭha ten thawm an dim thiam hle a,an hnaih ta hriau hriau mai, Thanpuia leh a ṭhiante a hma pawlah an awm a, a kut ah chuan Thal a awm leh tawh a, hetiang hunah hian a hmang duh zawk tlat a ni. Lusei tlangval zawng zawng chuan Silai an hum vek tawh a, an hnampui ni lo chu an sam zialah an hre hrang ngei dawn a. Chu chu pasalṭha te pawh in an chah dan chu a ni reng a ni. Thanpuia chuan an hma lawka pawih ho chu a hmu pha ta! Pasalṭha Chhunthanga leh a hote pawh chuan an hmu pha ve tawh a, chutiang bawkin pasalṭha dangte pawh an naute nen an rawn lawr ṭan ta! Pasalṭha Tlanga chuan chang an tum raih a, silai puakin a chhunzawm ta tak tak ale. ..
Chulai ruam chu zen rim leh silai khu in a khat ta! Silai sawhna hman a awm tawh lo...!
Pasalṭha Selzaman, " Lusei tlangval kan ni ngai e,...." tih pah chuan a milu lak chem phawrhin hmelma lamah a tlan ta...
Thanpuia chuan a dinna sawn pah zelin thalfang a thlawhchhuah zung zung mai! A thalfang thlawhchhuah a thlawn ngai hauh lo vei nen, hmelma lam an va hek nasa tehlul em! Zuang sawn pahin a hnaih zel a, Aimawia leh Pazawna chuan an zui nghal zat a, chutah le, a hma aṭang chuan an mahni lam hawi zawngin Silai a rawn puak chhunzawm ve leh ta! Phen tur zawng chuan an phe ta ruai mai le....! Awih pang lehlam a Pasalṭha Tlanga leh a hoten an lo chhawn chhunzawm ve lehnghal zat mai! Pasalṭha Selzama chuan hmelma ho chu a bawhchilh ta, a tlan chhung khan Thanpuian a lo veng a, a thalfang dahin a chempui Huaitawna pek nen chuan a tlan chho ve ta!
Helai hmunah hian Pawih rual a thawhhnihna ten Pasalṭha Thanglura te an lo hual let a lo ni! Chu chu Silai puak ri an hriat kha a ni a, chuti chuan an ni chuan Silai hmet puaktute kha an hnung lam aṭangin an kap ve leh a, pawih ral hmatawng rawn inher ve lehin an rawn kap let ve leh a lo ni! Ram chhan nana nun hlan ngam Valrualte chu lai awih pang ṭhang hmunah chuan an innuai dawn ta... tu tan mah silai sawhna hman a awm tawh lo, an inpawm chilh ta a ni.
Thanpuian hmelma ho an hma chhawn ta, a chempui ngei mai lek chuan hma an hruai a, chhipa sam zial ho chu an let tawp tawp a. Chempui in khak ri leh au ruai ruai, ṭe teng tung thawm chuan chu lai hmun chu a khat zo ta! Pasalṭha Selzama lamah chuan hmelma lam an bawr ta, Thanpuia tlan leh zuan pah chuan muzuk fei remchang chu an khawh phei ta mawlh mawlh a le, an kiam leh ta hawk mai! Aimawia chuan a chempui chu a duhtawk ta lo thingtuai lian fe chu an vai tak tak a le, a hma zawn a kaw chho ta duak duak mai bawk a, Pazawnan a hnungah mi lu lak chem nen a chhip thlak chho mial mial bawk nen....Pasalṭha Chhunthanga lah a kut pahnih a chem hum ve ve in inzo tak chuan hmelma te chu an zuan khum chho vei thul..... an va nasa ngai em! Pasalṭha Tlanga lah Chempui leh fei nen, fei a athil sa chu a chempui chuan an nawn zel mai chu a ni. Bawkmual Dara Darphawa lah a nasa, a pian mak ṭeng ṭung tak chu a phiar vei ṭung a, a kut vei lam hian thingbung zum tak a keng a a dinglamin Chempui lian tak an vai chhuak hem hem a, chutah, " Kha keimah Bawkmual Darphaw...!" an ti a, nasa tak a ni nasa tak...!
Chutah pawih ral hma lam ho kha rawn let lehin an chem nen an rawn tlan thla ve leh ta pur pur mai le...! An dinhmun tur hi sawi lawk harsa tak a ni ta, chungnun zawk inchuhin an innuai ta! Hmun rem ni hek lo le, an duh ai thui an tawlh let fo mai! Thanpuia te hmalam chu a fai ta duak a, sir tuakah pheiin hmelma rawn tla thla ho chu an han chhuk sam leh ṭan ta! Awih pang aṭang chuan zawl zim te ah an in nuai thla pah ta... Mau tluk thum awm vel hmun zawl hi alo awm ve chu niin, chulai hmunah chuan thih ngam lupu te an han innuai leh ta! Pawih ral hi heti zat chauh an lo la ni bik lo, an chhak lam aṭang chuan an rawn chim thla ve leh ta hem hem mai! An hotu Hrangchem chuan a hote chu ṭeng per chhuai chuan an au khawm tak tak a le... Hlawm hnih zet chuan an rawn dum thla ve leh ta nghuk nghuk mai!
Hlawm khat zawk dang tur chuan Pasalṭha Chhunthanga leh a naute an han tlan chho ve leh a, Pasalṭha Selzaman, " Thana...awmze neiin!" ring fe chuan an ti a, Thanpuia tlan chho chu Aimawia leh Pazawnan an zui chho leh ta... Hmun zawl deuh a mi ho lah Dara leh Pasalṭha Tlangan an lo mau bul tan hmiah hmiah mai! Changel hmuna duhtawka Chempui vai hi an ang ber tawh zawk a ni. Thanpuia chuan chem pahnih hum chungin a sapa tal ta tak tak a, Aimawia leh Pazawna an hnung tawlh leh ṭhin, an ṭhianpa chem leng hi an tawng palh ang tih an hlau a ni. Pawih ho chu an lum hlawm thla nawk nawk a, chung pawih hlawm thla ho chu Bukbawnga chuan a chempui lian tak chu a lo tawn tir mawlh mawlh zel mai chu a ni. Tu thisen ber nge tih pawh hriat loh chu an kai sen nuaih hlawm tawh a, hah sawi na hman a ni tawh lo. Pasalṭha Selzama pawh a kawng a khamin a thaw ve ta hlawi hlawi mai! Bukbawnga chu ruam zawlah an ding ang teu to va, " Thana, helamah rawn nawr liam thla teh u, ka la kham hauh love...!" An ti vei lur lur a.
Thanpuia leh a ṭhiante hma chu a kaw ta duak duak mai, Thanpuia hawi chhuak chuan A pa Selzama leh pawih palian tak inhmachhawn chu a va hmu ta tlat! Chu pawih pasalṭha chuan a nawr hle lehnghal.... Rang fe a lim phei nghal puat puat in a va thleng phei ta..." Ka pa Zam, keiman le...!" Tih pah chuan Selzama hmaah chuan an ding a, chu pawih pasalṭha ngat chu a deh a khirh hmel hle mai!A meng sen ram a, a palian hle lehnghal vei nen, a bula Thanpuia han ding ve zet chu pafa ni awm hi an ni! Midang lo awm ve te pawh chuan hmun an lo kian ta ṭhap mai, chung mihrang innuai te chu an thlir chak ṭheuh chu a ni. Thanpuia chuan a hmachhawn pa chu an en a, a mitmeng aṭang chuan mi huaisen tak a ni tih a hriat mai a, deh a khirh hle dawn a ni. Chutah chu pawih pa chu rang fe hian a rawn che ta buan buan mai le, a chem han vai te chu na tak a ni, Thanpuia chu a nawr na bawk a a tawlh ta hawn hawn mai le, tin a ke lam zel a rawn tum hmasa chu a ni. Thanpuia chuan Huaitawna thusawi a hre chhuak uai uai a, a chempui hum ṭha in ṭan an la ve ta...! An nawr let ṭan ve ta tak tak chu le, pawih pa chuan chu tlangval chu makti takin an en a, a inveng nasa hle, a inveng seng lo lek lek a ni. Pasalṭha Chhunthanga chuan,
" Thanpui, Serzawl mihrang i nih kha..Zam hauh suh, i hah a nih leh ka chhawk mai tur che ni... han ṭang teh le...!" awmze nei fe chuan a ti a.
Thanpuia te pahnih pawh tawlh zelin hmun zawl nuam laiah an ding dun ta, an han inveh leh ṭham ṭham a, inpawmchilh duh viau mahse chesual palh thei an ni tih chu hrilh hriat an ngai lo! Fimkhur tak chuan an in nuai a ni ber.... Pawih pasalṭha hian a tumpui hi dehkhirh ava ti tehlul em! Hetianga insual thiam leh inzo hi Lusei fa ah an awm reng a ring lo! Bukbawnga te lah chuan an hmachhawn te an lo chimih tawh a, hmuhnawm ti zet chuan Thanpuia te chet la vel chu an thlir ta ṭhap mai le! Thanpuia chuan theihtawpin an nawr leh a, a kut veilam a nawr pah chuan theihtawp in a kut dinglama a chem chuan an sat ta zawt zawt a, pawih pa lo indanna chempui pawh a ṭek chhawk chhawk thei hial a, a inveng thei lo ṭhelh ṭhin chu a ni. Pawih pa in a rawn nawr let ve leh a, a ke lamah zel chem a rawn vai ve thung a, a kut lehlamin a lo indang ve thei zel bawk si, pawih pa kun hniam chu a zuan kan zauh thei ṭhin a. Chu thil chu Pasalṭha Chhunthanga chuan a lo hlauhthawnpui thei hle... An thaw dun leh hawk ṭhin chu a ni.
Pawih pasalṭha chuan rawn nawr lehin rang fe fe chuan a chem chu an vai leh tak tak mai le.... Thanpuia pawh a tawlh ve leh ta hawn hawn a, chutah rang fe a inher nghal in rang fe fe chuan a chhang let a, a kut veilam a a chem vai chuan pawih pa mal hnunglam chu a tai thler ta duai mai le! Pawih pa pawh chu a ding dihlip ta auh auh mai! Rang fe chuan bawhzui lehnghalin a awm zawn ah chuan a chem chu a vai phei leh ta tak tak chu pawih pa lo indang chu a ke in lung a tai a, a tlu ta thlawrh mai le! Thanpuia chu ding nghal zatin pawih pa thawh chhuah hun a lo nghak ta! Chu thil chu pasalṭha te chuan mak an lo ti ngang mai! Pasalṭha Tlanga chuan, " Tlangval....a lu kha la nghal ta che....!" A rawn ti tuar a, pasalṭha Chhunthanga erawh a lo nui sak thung a.
Chu pawih pasalṭha pawh chuan thawhchhuah ṭuih ṭuih pah chuan a hma a tlangval pianthiam fe chu chik zetin an melh a, huaisen a tiin zam ṭha a ti hle mai! Chu pawih pasalṭha chu ding ngil ṭha thei hek lo le, a bai deuh titih ta tlat mai! Chutah Thanpuia chu rum nghat nghat pah chuan nawr let ve leh ta, a rihna zawng zawng nena rawn nawr a ni a, a nawrna hle a ni. Chutah vir zawk a lo indan pahin a chem Huaitawna pek chuan pawihpa dul zawnah an vai let chiah chu a thlawn ta hauh lo mai le! Pawih pa chu an ṭawng chuan a rak ṭhawt a, a ṭhingṭhi ta hnawk mai le.....! Aimawia leh Pazawna an lo rak ring ngang mai! Bukbawnga chuan ring per chhe zet chuan,
" Phirtuala tupa, Serzawl mihrang Thanpuia a nih saw.....!" kawk vah chung chuan an ti a. Tlangval rual ho an lo thum zui ham ham a.
Pawih pasalṭha chuan maktih hmel fe chuan Thanpuia an melh a, a bu ta nghat a, an ṭawng chuan eng emaw chu an sawi a... Thanpuia chuan pan hnaiin a chempui chu rang zet hian an vai a, a din ngil leh chuan chu pawih pasalṭha lu chu a tla ta tawp mai! A taksa nen chuan a inzawm tawh kher lovang le...! Thanpuia pawh a hah hle a ni, a thaw ve ta ham ham a, chutia an din khawm ṭhap lai chuan pawih ral la dam chhun te pawh chu Bukbawnga leh Dara chuan an rawn hmatiam phei mial mial a, Pasalṭha Chhunthanga chuan lo au in, " An chin zawh tur pahnih khat zuah teh u aw!" A rawn ti a. Bukbawnga chu a bu nghauh a, Dara Darphawa lah chuan a thingtuai ken chuan ala rawn thum phei zawt zawt mai a. Ṭeng per chhe zet hian, " Lusei tlangval kan ni ngai e!" an ti kher a.
Chutia an hneh zo ta emaw an tih lai chuan an chhak lamah chuan Silai fung ruk vel a puak leh ta tlat mai! Pachang natuar thawm chuan an zui zat a. Chutah Pasalṭha Selzama chuan,
" An lo la awm a ni maw....I han thian fel law law ang u hmiang!" an tih zet chuan Bukbawnga te Dara te chu an tlan chho ta ṭuang ṭuang a.Thanpuia pawh dawk chho ve nghalin Aimawia tlan chho chu an um chho ta a, Pasalṭha Chhuna leh Selzama erawh chuan pawih la dam pahnihte chu thu an lo zawt fiah ve thung a.
Kangzawl Pasalṭha Thanglura leh a nauten Ngurpuii chhanchhuah tuma an luhchhuah dawn lai tak khan an hnung lam aṭangin chengrang a rawn ri ta kha a ni a. Pawih pasalṭha Hrangchem leh a hoten an rawn hual let a lo ni, hmalam a miten an rawn kap ve bawk nen, an hek ve ta hle a. Chaw kawpuar lova an lo awm rei nen an chan a chau hle a lo ni. Chutah an hnung lamah Silai puak ri a inlawn awn awn a, chutih lai chuan Ngurpuii Herhzawl lal fanu chu thih tha in Pasalṭha Thanglura chuan a han chhan ta a, an hnung lamah chuan Silai puak ri leh in pawmchilh thawm an han hre bawk nen pawih ho leh lusei tlangval la damte pawh an phawk hle mai! Pawih tlanchhia chu an hruaitu hovin an rawn let leh thut a, an inrin loh laia an lal fanu hren an rawn chhan thut kha an thinrim thar hle a lo ni! Pasalṭha Thanglura lah Ngurpuii a han chhan na lamah khan hliam a tuar tawh si, pawih rawn let lehin Silai a an rawn kah leh chuan ṭang zo dawnin a inhre ta lo...! Thisen chuan a bual khat lo chauh a, Ngurpuii chu tlan turin a lo ti a, a ni lah Sailo lunglian thawkin a duh der lo!
" I thinlung luah lo mah ila, mihrang val min chhantu i ni a, i tlukna hmunah ka tlu ve mai tur lah ni!" tiin a lo ṭang tlat hi a lo ni.
Pasalṭha Thanglura chuan naute tih tham a nei tawh lo, pawih rawn let leh lah an rawn huai ta viau a, an rawn kap ta mial mial mai le! A silai kah ruah chu Ngurpuii chuan thiam lo fe chuan alo sawh sak ve zel chu a ni. Chutih lai chuan an thlang lam aṭang chuan an lam pana rawn tlan chho thawm an hre ta...!
Chu thil lan theihna hmun an han chuang chhuak chu an thinrim tlang hle mai!Pawih hovin Lusei tlangval an kah hlum te an han hmuh phei chuan huaisenna chuan a chhungkhat mup mup a. Bukbawnga an au ṭeng chhuai a, Aimawian ring leng lawngin,
" Lusei tlangval kan ni ngai e...Pawih mawngbal ho lo inring teh u...!" Tih pah chuan a silai chuan pawih ho lam chu tum bik nei lo chuan an kap a, tlangval hovin an rawn kap zui ve leh a, ṭe thawm chuan a chhunzawm ta nghal zat a. Thanpuia chuan Ngurpuii leh Thanglura ṭan lo khawhna hmun a thleng chho ta! An lo la ṭang hram hram thei chu lawmawm a ti hle a, an hmuh chuan Ngurpuii leh Thanglura an ni ang tih a hre thei mai a.
Pawih pasalṭha te pawh chu silai sawh leh hman tawh bik hek lo, chempui nen chuan an mahni tawk zawng chuan an rawn lim thla ve thung a.Lung khawkrawk hmun hi a ni a, chet lak lah chu a har phian a, pawih ho an rawn ri thla ve leh mur mur mai! Harsa fe chuan pasalṭha Thanglura chu an ding chhuak a, a mi lu lak chem chu an keng a, Ngurpuii chuan mit khap lo chuan hmangaihna thuk tak pai tel ranin a lo thlir a.
Thanpuia chuan Thanglura chu thlir in,
" Lo hah dam teh pasalṭha... kan hnungah pawh khuan lusei tlangval an la tam lutuk... hah dam teh...!" an ti a. A chhan ve hman hma chuan pawih ho tawk zawng chuan inzo tak chuan a zuang chho leh ta thauh thauh a, an thlir dun ta chu a ni. An hmuh reng lai chuan chem pahnih hum ta in a vir kual a piang chuan pawih ho chu an hlawm tawp tawp mai le....! Pasalṭha Thanglura chuan a thlir vang vang a, chu mihrang sakawl pian ṭha ang mai chu a mumanga a hmuh tawh hnu a ni ngat mai le...! Chutah pawih ho rawn chim thla lehin Thanpuia pawh arpa chan chan nan a rawn tawlh thla ve leh rih a! Aimawia leh Bukbawnga te ho pawh an kar chho tawn tawn mai! Bukbawnga chuan a theih ang angin a fei chhar chu a khawh pah zel a, a thlawn ngai hauh lo. Pazawna pawh a rawn nasa chho leh hle a. Chutihlai chuan Pasalṭha Tlanga, Vanphai pasalṭha leh a hoten an lo han hual chu niin an rawn thim thla ta mup mup mai! Chutah an la rawn 'haw haw' thla zui nen....pawih ral ho tan zawng an tawpna ni a ni ta. Zing lama an tukṭhuan kha an vankai chaw a lo ni dawn ta!
Pawih pasalṭha Chinhrang chuan hual beh vek an ni ta tih chu a hre ta, a lai a na ngang mai le....! A naute chu an au tuar tuar a, an ding ta ṭhap mai! Pasalṭha Selzama leh Chhunthanga pawh an rawn thleng chho ve ta chiah mai! Pawih Pasalṭha Chinhrang chu ring deuh chuan a rawn au ta, inbeih dan thlak a rawn rawt a lo ni... An mahni la dam zat leh Lusei tlangval te chu inmal beih a rawn ti ta tlat mai! Thanpuia te ho duh dan a ni ngat mai! Pasalṭha Thanglura lah lung behchhan chuan ala ding ve hram hram chu a ni. A bulah lah chuan Herhzawl Lal fanu hmel ṭha hming thang, chuti chen pawih ralin an man tawh hnu pawh a biang tai tek mai chuan lungchim tak hian a thlir vang vang a.
Pasalṭha Chhunthanga chuan ring fe hian, " A ṭul mai mai lo.... An chan chhe dawna an hriata an tih dan a ni....! Khawi nge tuna rawn au kha ka lo hmachhawn ve teh ang..! Bawh chhunzawm zel rawh u " a ti ve ta tlat mai! Pawih ṭawng chuan an rak chhunzawm a, pawih pasalṭha Chinhrang lam chu a pan chho ta...! Pawih ho chu an la ding ṭhap a, Lusei tlangval lam pawhin bawh chhunzawm an tum rih chuan lo, pasalṭha Tlanga te pawh chuan an rawn sam thla nual tawh si a. Pawih la dam ho chu an hual ta vek mai a, an tan chuan a thaw ipik hle ta ve ang le. Indona mualah chuan hnehtu zawk an awm a ngai ngei si!
Chinhrang pawh chuan zam hauh lovin Pasalṭha Chhunthanga chu a rawn pan ve ta chheu chheu mai le, an ṭawngkam chhe tin reng a rawn chhak chhuak zui vei nen... chu lunghmun a a rem laiah chuan pasalṭha pahnih chu an inhma chhawn ta! Chung pasalṭha pahnih chu an intia kher mai, an pian lah chu a fuh dun em em mai lehnghal a, a dingchang tur zawk hriat a har hle a ni. Pasalṭha Chhunthanga chuan, " Keimah Chhunthanga Chawntui mikawl ka ni ngai e, sa leh ralah ka zam ngai lo!" tih pah chuan a mi lu lak chem chu rang fe chuan Chinhrang nghawng zawnah an vai phei vak a, Chinhrang pawh tawlh hnuk dawrh in a lo eu dawrh mai! Chutah Chinhrang chuan rang fe hian nawr letin a mal zawnah chuan a milulak chem chu a rawn vai ve fua mai a! An milu lak chem han intawng te chu a ṭek sak sak thei hial a, an daih rei hle dawn tih a hriat mai reng a. Pasalṭha Chhunthanga an nui suk a, chutah pawr fe chuan, " I beih tham dawn e..pawih mawng hang pa...!!" An ti kher a. Pawih pasalṭha Chinhrang chuan a lo la na viau mai le....! A rawn nawr ve leh a, a chem han vai te reng reng chu a ri fua fua thei hial a, Chhuna lah nui sang chuan a lo dang thei zel a, a ke lam a rawn tum hmasa zel tih chu a hre ran a, a indang hneh hle chu a ni. Chutah Pasalṭha Chhuna chuan an nawr let ve thung a, a tum dan a thlak kual ve sek a, Chinhrang chu a indang zo lo lek lek zawk a ni, in mal beih a thiam hle tih alang reng mai! An innawr tawn zak zak mai a, pawih pasalṭha lah a che rang phian zel si... Pasalṭha Chhuna lah mahni inzo fe inveng thei leh bawh hun hre em em a ni si!
Chutia in mal beih te lam hlir an thlir lai chuan Bukbawnga chuan pawih tlangvalte chu an lo tuk thlu phei nghauh nghauh mai, amah lah chu a nui sung duh chauh lehnghal! Pasalṭha Selzama leh Tlanga chuan an hmu reng a mahse an khap duh hauh lo! An lo nuih let ve thung a.
Rei fe an innuai ta, Pawih pasalṭha pawh a thaw ve hlawi hlawi mai! Pasalṭha Chhuna lah a la nui sang thei a, pawih ṭawng chuan a be leh zauh ṭhin ngei a...! Chinhrang chuan pasalṭha Chhuna ke lam zel chu inven pah chuan a rawn tum leh ngat ngat a, ṭumkhat phei chu a awm chu a rawn vai thawi fua mai! A chem chhip chuan a awm rawn tai fua in a thi ve ta...chutah Chinhrang chuan a zuam ta sawt a, a bawh ta buan buan mai! Chhuna pawh a tawlh ve hawn hawn a, inher thutin a ṭhingṭhi thut a, Chinhrang kaihza chu thlep hnawk khawpin a vai ta tlat mai le! Engah a ke lam hlir a rawn tum vei ni...! Chutah pawih pa chu ring fe a rak ṭhawt in a thlep ta hnawk mai le! Pawih ṭawngin an be leh te te a, chutah a chempui chu an vai fua a! A chem vai chu Thanpuia chuan chik zet chuan a lo en a, a chem nen khan a inang ngat a ni!!! Pawih pasalṭha lu chu a per ta lawp mai le... Tlangval rual haw haw thawm chu bengchheng tham a ni. Chu lai hmuna Lusei val rualte hnehna aw thangkhawk chu ring tak a ni. Khaw hnai te chuan an hre pha mahna le. Pawih tlangval rual an han en leh a, tih tham an lo awm ta hauh lo, Bukbawnga lah chu a lo nui sung mai! Chutih lai tak chuan Ngurpuii Herhzawl lal fanu hmel ṭha eltiang chuan Thanglura a lo ko mawlh mawlh mai! Pasalṭha Thanglura pawh a khaw hmuh fiah lo ruai in a bula ding thawm te chu a ral hriat a, hreh chung chung chuan a tlu ve ta..! A taksa lah chu thisen hian a khat titih hial a. Rang fe chuan Thanpuia chu tlan thla in Pasalṭha Thanglura chu an sawi nawk nawk a, a mar te chu an dap nghal that that a....!
........... ......... ...........
Chawngtinleri vangkhua Ṭan tlangah chuan lasi tlangval pakhat chu hmanhmawh fe a lutin Lusei fate chet dan chu a han thlen ta a. Lasi te khawpui chu hlim leh lawmna aw chuan a thang khawk ta raih raih a. Chu hlim leh lawmna aw...zai ri te chu hringfate benga hriat theih chu a ni hauh lo..! Lusei fate ram luah chin a ni a, rawn run ṭhin pawih ral chu an lo haw ve hle a ni mahna! Nula tam tak an hlim em em a, tin, an hotunu chuan chu zanah chuan nula te chu an ṭhiante hmuh an phalsak ta zui lehnghal nen an va hlim teh lul em!
Hlim ve viau mahse lawm kim lo nula hmel ṭha em em a awm ve reng mai! Chu lasi nula hmel ṭha lui eltiang chu Chawngmawii a ni. Ni, lasi te danah hian an ṭhian atana an thlante hi inhmel hriat nan an hmuhtheih a awm a thiang a, chuta ṭang chuan an nun an enzui a, ṭhian tlak chu ṭhianah an siam ta ṭhin a ni. Mahse lungmawi an pek ngat tawh an ṭhiante chu an duh hle tihna a ni a, lungmawi an pek tawh chinah erawh an duh duhin an inlar thiang tawh mai mai lova, an koh hun an nghak tawh zawk ṭhin! An mahni an ngai ve em...an thla hlel ve em tih an hre duh ṭhin a ni. An ṭhianten an lungmawi an tih bo emaw an paih bo chuan an mahni hnawlna duhlohna angah an ngai a, an dinhmun a khirh hle ṭhin a ni. Lungmawi an hmuh kir hma loh chuan an hmu thei lova, an ṭhian pasalṭha te pawhin an hmu thei tawh bik chuang lo. Nula dang erawh an hmu thei thung a ni. Hmuh chakna leh thla hlelna in a luah mek thinlungah chuan chu sakhmel tawn theih lohna chu lungpui sut tlang zawh loh khawp a lian awm ang mai a ni. Midang hriat lohin lungbang phena mi hmuhtheih loh hmuh tum ang mai hi a ni.
Chawngmawii lah chuan lungmawi bo thu hi an hotunu a hrilh ngam der si lo, a ṭhian hnai tak Varparhi chiah a hrilh ngam a. Varparhi hian puih a tum hle a ni, hmalak pui tura intiamin an phun dun sep sep a. Chawngmawii chu a ṭhiannu chuan a hnem ve malh malh reng chu a ni. Chu zanah chuan Chawngmawii tan chuan Thanpuia chu a hmuhsak ngei ang le. Zan hun inher chu an nghakhlel hle mai le!
........ ......... ...........
Serzawl lal fanu Saipuii a hlim thei hauh lo, a hma zana a tawnmangah Thanpuia chu thisen kai hnuang hian a hmu a, chutah a Vahrit a la thi zui vei nen...! A ngaihtuahna te chu mang vek hian a hria a, a vahrit chu a chul a chul mai a, a ṭhiannu Ṭhuami lah thingphurin a kal daih mai si, a lo haw hun a nghakhlel em em a, a tham vel ruai a ni ber! An kawmthlanga farṭuah par te chu chul ta vek hian a hmu hial a.....
( Chhunzawm tur)
(Like leh comment hi a la tlem thei lutuk, han ṭang ve teh u. Chhiar kan tam ang hu hian comment leh like kan la hmu tlem tlat a nia. In tan ka ṭang sauh sauh a, han ṭang ve teh u le.
Tin, in la sawisel hreh lutuk, hreh hauh suh u, rawn sawi bawl bawl teh u.
Vau thla ( ka piancham awmna thla) a ni a, a lawmnan zanin ah ka rawn dahsei viau e....)
(PASALṬHA THANPUIA)
( M.Lusei Palian)
........... ........ .............
Zanhnih an thang leh hnu chuan lentlang chu an hnaih ta hle mai! Pawih ram chhung an dai lut ṭan ta, thawm dim ṭan in uluk zawka inremin kal an han siam leh chu Silai puak zawt zawt thawm an hre ta! Pasalṭha hma hruaitu te chu an ding ta chat mai, chawpchilh fe a ruahmanna siam zung zung in silai rikna lam chu an hual dawn ta a ni.Kawng lakah vawi tam tak chet dan tur an inhrilh tawh bawk nen tlangval rual pawh an phur thar hle chu a ni. Tuna an awmna lai hi awih pang a ni a, kham a ni chiah si lo, Silai lah a puak leh zawt zawt tawh mai, silai thawm aṭang chuan ṭhahnem fe chu an awm ngei ang tih a hriat theih a. Awmze nei fe thawm dim tak chuan an hual ṭan ve ta a.
Pasalṭha ten thawm an dim thiam hle a,an hnaih ta hriau hriau mai, Thanpuia leh a ṭhiante a hma pawlah an awm a, a kut ah chuan Thal a awm leh tawh a, hetiang hunah hian a hmang duh zawk tlat a ni. Lusei tlangval zawng zawng chuan Silai an hum vek tawh a, an hnampui ni lo chu an sam zialah an hre hrang ngei dawn a. Chu chu pasalṭha te pawh in an chah dan chu a ni reng a ni. Thanpuia chuan an hma lawka pawih ho chu a hmu pha ta! Pasalṭha Chhunthanga leh a hote pawh chuan an hmu pha ve tawh a, chutiang bawkin pasalṭha dangte pawh an naute nen an rawn lawr ṭan ta! Pasalṭha Tlanga chuan chang an tum raih a, silai puakin a chhunzawm ta tak tak ale. ..
Chulai ruam chu zen rim leh silai khu in a khat ta! Silai sawhna hman a awm tawh lo...!
Pasalṭha Selzaman, " Lusei tlangval kan ni ngai e,...." tih pah chuan a milu lak chem phawrhin hmelma lamah a tlan ta...
Thanpuia chuan a dinna sawn pah zelin thalfang a thlawhchhuah zung zung mai! A thalfang thlawhchhuah a thlawn ngai hauh lo vei nen, hmelma lam an va hek nasa tehlul em! Zuang sawn pahin a hnaih zel a, Aimawia leh Pazawna chuan an zui nghal zat a, chutah le, a hma aṭang chuan an mahni lam hawi zawngin Silai a rawn puak chhunzawm ve leh ta! Phen tur zawng chuan an phe ta ruai mai le....! Awih pang lehlam a Pasalṭha Tlanga leh a hoten an lo chhawn chhunzawm ve lehnghal zat mai! Pasalṭha Selzama chuan hmelma ho chu a bawhchilh ta, a tlan chhung khan Thanpuian a lo veng a, a thalfang dahin a chempui Huaitawna pek nen chuan a tlan chho ve ta!
Helai hmunah hian Pawih rual a thawhhnihna ten Pasalṭha Thanglura te an lo hual let a lo ni! Chu chu Silai puak ri an hriat kha a ni a, chuti chuan an ni chuan Silai hmet puaktute kha an hnung lam aṭangin an kap ve leh a, pawih ral hmatawng rawn inher ve lehin an rawn kap let ve leh a lo ni! Ram chhan nana nun hlan ngam Valrualte chu lai awih pang ṭhang hmunah chuan an innuai dawn ta... tu tan mah silai sawhna hman a awm tawh lo, an inpawm chilh ta a ni.
Thanpuian hmelma ho an hma chhawn ta, a chempui ngei mai lek chuan hma an hruai a, chhipa sam zial ho chu an let tawp tawp a. Chempui in khak ri leh au ruai ruai, ṭe teng tung thawm chuan chu lai hmun chu a khat zo ta! Pasalṭha Selzama lamah chuan hmelma lam an bawr ta, Thanpuia tlan leh zuan pah chuan muzuk fei remchang chu an khawh phei ta mawlh mawlh a le, an kiam leh ta hawk mai! Aimawia chuan a chempui chu a duhtawk ta lo thingtuai lian fe chu an vai tak tak a le, a hma zawn a kaw chho ta duak duak mai bawk a, Pazawnan a hnungah mi lu lak chem nen a chhip thlak chho mial mial bawk nen....Pasalṭha Chhunthanga lah a kut pahnih a chem hum ve ve in inzo tak chuan hmelma te chu an zuan khum chho vei thul..... an va nasa ngai em! Pasalṭha Tlanga lah Chempui leh fei nen, fei a athil sa chu a chempui chuan an nawn zel mai chu a ni. Bawkmual Dara Darphawa lah a nasa, a pian mak ṭeng ṭung tak chu a phiar vei ṭung a, a kut vei lam hian thingbung zum tak a keng a a dinglamin Chempui lian tak an vai chhuak hem hem a, chutah, " Kha keimah Bawkmual Darphaw...!" an ti a, nasa tak a ni nasa tak...!
Chutah pawih ral hma lam ho kha rawn let lehin an chem nen an rawn tlan thla ve leh ta pur pur mai le...! An dinhmun tur hi sawi lawk harsa tak a ni ta, chungnun zawk inchuhin an innuai ta! Hmun rem ni hek lo le, an duh ai thui an tawlh let fo mai! Thanpuia te hmalam chu a fai ta duak a, sir tuakah pheiin hmelma rawn tla thla ho chu an han chhuk sam leh ṭan ta! Awih pang aṭang chuan zawl zim te ah an in nuai thla pah ta... Mau tluk thum awm vel hmun zawl hi alo awm ve chu niin, chulai hmunah chuan thih ngam lupu te an han innuai leh ta! Pawih ral hi heti zat chauh an lo la ni bik lo, an chhak lam aṭang chuan an rawn chim thla ve leh ta hem hem mai! An hotu Hrangchem chuan a hote chu ṭeng per chhuai chuan an au khawm tak tak a le... Hlawm hnih zet chuan an rawn dum thla ve leh ta nghuk nghuk mai!
Hlawm khat zawk dang tur chuan Pasalṭha Chhunthanga leh a naute an han tlan chho ve leh a, Pasalṭha Selzaman, " Thana...awmze neiin!" ring fe chuan an ti a, Thanpuia tlan chho chu Aimawia leh Pazawnan an zui chho leh ta... Hmun zawl deuh a mi ho lah Dara leh Pasalṭha Tlangan an lo mau bul tan hmiah hmiah mai! Changel hmuna duhtawka Chempui vai hi an ang ber tawh zawk a ni. Thanpuia chuan chem pahnih hum chungin a sapa tal ta tak tak a, Aimawia leh Pazawna an hnung tawlh leh ṭhin, an ṭhianpa chem leng hi an tawng palh ang tih an hlau a ni. Pawih ho chu an lum hlawm thla nawk nawk a, chung pawih hlawm thla ho chu Bukbawnga chuan a chempui lian tak chu a lo tawn tir mawlh mawlh zel mai chu a ni. Tu thisen ber nge tih pawh hriat loh chu an kai sen nuaih hlawm tawh a, hah sawi na hman a ni tawh lo. Pasalṭha Selzama pawh a kawng a khamin a thaw ve ta hlawi hlawi mai! Bukbawnga chu ruam zawlah an ding ang teu to va, " Thana, helamah rawn nawr liam thla teh u, ka la kham hauh love...!" An ti vei lur lur a.
Thanpuia leh a ṭhiante hma chu a kaw ta duak duak mai, Thanpuia hawi chhuak chuan A pa Selzama leh pawih palian tak inhmachhawn chu a va hmu ta tlat! Chu pawih pasalṭha chuan a nawr hle lehnghal.... Rang fe a lim phei nghal puat puat in a va thleng phei ta..." Ka pa Zam, keiman le...!" Tih pah chuan Selzama hmaah chuan an ding a, chu pawih pasalṭha ngat chu a deh a khirh hmel hle mai!A meng sen ram a, a palian hle lehnghal vei nen, a bula Thanpuia han ding ve zet chu pafa ni awm hi an ni! Midang lo awm ve te pawh chuan hmun an lo kian ta ṭhap mai, chung mihrang innuai te chu an thlir chak ṭheuh chu a ni. Thanpuia chuan a hmachhawn pa chu an en a, a mitmeng aṭang chuan mi huaisen tak a ni tih a hriat mai a, deh a khirh hle dawn a ni. Chutah chu pawih pa chu rang fe hian a rawn che ta buan buan mai le, a chem han vai te chu na tak a ni, Thanpuia chu a nawr na bawk a a tawlh ta hawn hawn mai le, tin a ke lam zel a rawn tum hmasa chu a ni. Thanpuia chuan Huaitawna thusawi a hre chhuak uai uai a, a chempui hum ṭha in ṭan an la ve ta...! An nawr let ṭan ve ta tak tak chu le, pawih pa chuan chu tlangval chu makti takin an en a, a inveng nasa hle, a inveng seng lo lek lek a ni. Pasalṭha Chhunthanga chuan,
" Thanpui, Serzawl mihrang i nih kha..Zam hauh suh, i hah a nih leh ka chhawk mai tur che ni... han ṭang teh le...!" awmze nei fe chuan a ti a.
Thanpuia te pahnih pawh tawlh zelin hmun zawl nuam laiah an ding dun ta, an han inveh leh ṭham ṭham a, inpawmchilh duh viau mahse chesual palh thei an ni tih chu hrilh hriat an ngai lo! Fimkhur tak chuan an in nuai a ni ber.... Pawih pasalṭha hian a tumpui hi dehkhirh ava ti tehlul em! Hetianga insual thiam leh inzo hi Lusei fa ah an awm reng a ring lo! Bukbawnga te lah chuan an hmachhawn te an lo chimih tawh a, hmuhnawm ti zet chuan Thanpuia te chet la vel chu an thlir ta ṭhap mai le! Thanpuia chuan theihtawpin an nawr leh a, a kut veilam a nawr pah chuan theihtawp in a kut dinglama a chem chuan an sat ta zawt zawt a, pawih pa lo indanna chempui pawh a ṭek chhawk chhawk thei hial a, a inveng thei lo ṭhelh ṭhin chu a ni. Pawih pa in a rawn nawr let ve leh a, a ke lamah zel chem a rawn vai ve thung a, a kut lehlamin a lo indang ve thei zel bawk si, pawih pa kun hniam chu a zuan kan zauh thei ṭhin a. Chu thil chu Pasalṭha Chhunthanga chuan a lo hlauhthawnpui thei hle... An thaw dun leh hawk ṭhin chu a ni.
Pawih pasalṭha chuan rawn nawr lehin rang fe fe chuan a chem chu an vai leh tak tak mai le.... Thanpuia pawh a tawlh ve leh ta hawn hawn a, chutah rang fe a inher nghal in rang fe fe chuan a chhang let a, a kut veilam a a chem vai chuan pawih pa mal hnunglam chu a tai thler ta duai mai le! Pawih pa pawh chu a ding dihlip ta auh auh mai! Rang fe chuan bawhzui lehnghalin a awm zawn ah chuan a chem chu a vai phei leh ta tak tak chu pawih pa lo indang chu a ke in lung a tai a, a tlu ta thlawrh mai le! Thanpuia chu ding nghal zatin pawih pa thawh chhuah hun a lo nghak ta! Chu thil chu pasalṭha te chuan mak an lo ti ngang mai! Pasalṭha Tlanga chuan, " Tlangval....a lu kha la nghal ta che....!" A rawn ti tuar a, pasalṭha Chhunthanga erawh a lo nui sak thung a.
Chu pawih pasalṭha pawh chuan thawhchhuah ṭuih ṭuih pah chuan a hma a tlangval pianthiam fe chu chik zetin an melh a, huaisen a tiin zam ṭha a ti hle mai! Chu pawih pasalṭha chu ding ngil ṭha thei hek lo le, a bai deuh titih ta tlat mai! Chutah Thanpuia chu rum nghat nghat pah chuan nawr let ve leh ta, a rihna zawng zawng nena rawn nawr a ni a, a nawrna hle a ni. Chutah vir zawk a lo indan pahin a chem Huaitawna pek chuan pawihpa dul zawnah an vai let chiah chu a thlawn ta hauh lo mai le! Pawih pa chu an ṭawng chuan a rak ṭhawt a, a ṭhingṭhi ta hnawk mai le.....! Aimawia leh Pazawna an lo rak ring ngang mai! Bukbawnga chuan ring per chhe zet chuan,
" Phirtuala tupa, Serzawl mihrang Thanpuia a nih saw.....!" kawk vah chung chuan an ti a. Tlangval rual ho an lo thum zui ham ham a.
Pawih pasalṭha chuan maktih hmel fe chuan Thanpuia an melh a, a bu ta nghat a, an ṭawng chuan eng emaw chu an sawi a... Thanpuia chuan pan hnaiin a chempui chu rang zet hian an vai a, a din ngil leh chuan chu pawih pasalṭha lu chu a tla ta tawp mai! A taksa nen chuan a inzawm tawh kher lovang le...! Thanpuia pawh a hah hle a ni, a thaw ve ta ham ham a, chutia an din khawm ṭhap lai chuan pawih ral la dam chhun te pawh chu Bukbawnga leh Dara chuan an rawn hmatiam phei mial mial a, Pasalṭha Chhunthanga chuan lo au in, " An chin zawh tur pahnih khat zuah teh u aw!" A rawn ti a. Bukbawnga chu a bu nghauh a, Dara Darphawa lah chuan a thingtuai ken chuan ala rawn thum phei zawt zawt mai a. Ṭeng per chhe zet hian, " Lusei tlangval kan ni ngai e!" an ti kher a.
Chutia an hneh zo ta emaw an tih lai chuan an chhak lamah chuan Silai fung ruk vel a puak leh ta tlat mai! Pachang natuar thawm chuan an zui zat a. Chutah Pasalṭha Selzama chuan,
" An lo la awm a ni maw....I han thian fel law law ang u hmiang!" an tih zet chuan Bukbawnga te Dara te chu an tlan chho ta ṭuang ṭuang a.Thanpuia pawh dawk chho ve nghalin Aimawia tlan chho chu an um chho ta a, Pasalṭha Chhuna leh Selzama erawh chuan pawih la dam pahnihte chu thu an lo zawt fiah ve thung a.
Kangzawl Pasalṭha Thanglura leh a nauten Ngurpuii chhanchhuah tuma an luhchhuah dawn lai tak khan an hnung lam aṭangin chengrang a rawn ri ta kha a ni a. Pawih pasalṭha Hrangchem leh a hoten an rawn hual let a lo ni, hmalam a miten an rawn kap ve bawk nen, an hek ve ta hle a. Chaw kawpuar lova an lo awm rei nen an chan a chau hle a lo ni. Chutah an hnung lamah Silai puak ri a inlawn awn awn a, chutih lai chuan Ngurpuii Herhzawl lal fanu chu thih tha in Pasalṭha Thanglura chuan a han chhan ta a, an hnung lamah chuan Silai puak ri leh in pawmchilh thawm an han hre bawk nen pawih ho leh lusei tlangval la damte pawh an phawk hle mai! Pawih tlanchhia chu an hruaitu hovin an rawn let leh thut a, an inrin loh laia an lal fanu hren an rawn chhan thut kha an thinrim thar hle a lo ni! Pasalṭha Thanglura lah Ngurpuii a han chhan na lamah khan hliam a tuar tawh si, pawih rawn let lehin Silai a an rawn kah leh chuan ṭang zo dawnin a inhre ta lo...! Thisen chuan a bual khat lo chauh a, Ngurpuii chu tlan turin a lo ti a, a ni lah Sailo lunglian thawkin a duh der lo!
" I thinlung luah lo mah ila, mihrang val min chhantu i ni a, i tlukna hmunah ka tlu ve mai tur lah ni!" tiin a lo ṭang tlat hi a lo ni.
Pasalṭha Thanglura chuan naute tih tham a nei tawh lo, pawih rawn let leh lah an rawn huai ta viau a, an rawn kap ta mial mial mai le! A silai kah ruah chu Ngurpuii chuan thiam lo fe chuan alo sawh sak ve zel chu a ni. Chutih lai chuan an thlang lam aṭang chuan an lam pana rawn tlan chho thawm an hre ta...!
Chu thil lan theihna hmun an han chuang chhuak chu an thinrim tlang hle mai!Pawih hovin Lusei tlangval an kah hlum te an han hmuh phei chuan huaisenna chuan a chhungkhat mup mup a. Bukbawnga an au ṭeng chhuai a, Aimawian ring leng lawngin,
" Lusei tlangval kan ni ngai e...Pawih mawngbal ho lo inring teh u...!" Tih pah chuan a silai chuan pawih ho lam chu tum bik nei lo chuan an kap a, tlangval hovin an rawn kap zui ve leh a, ṭe thawm chuan a chhunzawm ta nghal zat a. Thanpuia chuan Ngurpuii leh Thanglura ṭan lo khawhna hmun a thleng chho ta! An lo la ṭang hram hram thei chu lawmawm a ti hle a, an hmuh chuan Ngurpuii leh Thanglura an ni ang tih a hre thei mai a.
Pawih pasalṭha te pawh chu silai sawh leh hman tawh bik hek lo, chempui nen chuan an mahni tawk zawng chuan an rawn lim thla ve thung a.Lung khawkrawk hmun hi a ni a, chet lak lah chu a har phian a, pawih ho an rawn ri thla ve leh mur mur mai! Harsa fe chuan pasalṭha Thanglura chu an ding chhuak a, a mi lu lak chem chu an keng a, Ngurpuii chuan mit khap lo chuan hmangaihna thuk tak pai tel ranin a lo thlir a.
Thanpuia chuan Thanglura chu thlir in,
" Lo hah dam teh pasalṭha... kan hnungah pawh khuan lusei tlangval an la tam lutuk... hah dam teh...!" an ti a. A chhan ve hman hma chuan pawih ho tawk zawng chuan inzo tak chuan a zuang chho leh ta thauh thauh a, an thlir dun ta chu a ni. An hmuh reng lai chuan chem pahnih hum ta in a vir kual a piang chuan pawih ho chu an hlawm tawp tawp mai le....! Pasalṭha Thanglura chuan a thlir vang vang a, chu mihrang sakawl pian ṭha ang mai chu a mumanga a hmuh tawh hnu a ni ngat mai le...! Chutah pawih ho rawn chim thla lehin Thanpuia pawh arpa chan chan nan a rawn tawlh thla ve leh rih a! Aimawia leh Bukbawnga te ho pawh an kar chho tawn tawn mai! Bukbawnga chuan a theih ang angin a fei chhar chu a khawh pah zel a, a thlawn ngai hauh lo. Pazawna pawh a rawn nasa chho leh hle a. Chutihlai chuan Pasalṭha Tlanga, Vanphai pasalṭha leh a hoten an lo han hual chu niin an rawn thim thla ta mup mup mai! Chutah an la rawn 'haw haw' thla zui nen....pawih ral ho tan zawng an tawpna ni a ni ta. Zing lama an tukṭhuan kha an vankai chaw a lo ni dawn ta!
Pawih pasalṭha Chinhrang chuan hual beh vek an ni ta tih chu a hre ta, a lai a na ngang mai le....! A naute chu an au tuar tuar a, an ding ta ṭhap mai! Pasalṭha Selzama leh Chhunthanga pawh an rawn thleng chho ve ta chiah mai! Pawih Pasalṭha Chinhrang chu ring deuh chuan a rawn au ta, inbeih dan thlak a rawn rawt a lo ni... An mahni la dam zat leh Lusei tlangval te chu inmal beih a rawn ti ta tlat mai! Thanpuia te ho duh dan a ni ngat mai! Pasalṭha Thanglura lah lung behchhan chuan ala ding ve hram hram chu a ni. A bulah lah chuan Herhzawl Lal fanu hmel ṭha hming thang, chuti chen pawih ralin an man tawh hnu pawh a biang tai tek mai chuan lungchim tak hian a thlir vang vang a.
Pasalṭha Chhunthanga chuan ring fe hian, " A ṭul mai mai lo.... An chan chhe dawna an hriata an tih dan a ni....! Khawi nge tuna rawn au kha ka lo hmachhawn ve teh ang..! Bawh chhunzawm zel rawh u " a ti ve ta tlat mai! Pawih ṭawng chuan an rak chhunzawm a, pawih pasalṭha Chinhrang lam chu a pan chho ta...! Pawih ho chu an la ding ṭhap a, Lusei tlangval lam pawhin bawh chhunzawm an tum rih chuan lo, pasalṭha Tlanga te pawh chuan an rawn sam thla nual tawh si a. Pawih la dam ho chu an hual ta vek mai a, an tan chuan a thaw ipik hle ta ve ang le. Indona mualah chuan hnehtu zawk an awm a ngai ngei si!
Chinhrang pawh chuan zam hauh lovin Pasalṭha Chhunthanga chu a rawn pan ve ta chheu chheu mai le, an ṭawngkam chhe tin reng a rawn chhak chhuak zui vei nen... chu lunghmun a a rem laiah chuan pasalṭha pahnih chu an inhma chhawn ta! Chung pasalṭha pahnih chu an intia kher mai, an pian lah chu a fuh dun em em mai lehnghal a, a dingchang tur zawk hriat a har hle a ni. Pasalṭha Chhunthanga chuan, " Keimah Chhunthanga Chawntui mikawl ka ni ngai e, sa leh ralah ka zam ngai lo!" tih pah chuan a mi lu lak chem chu rang fe chuan Chinhrang nghawng zawnah an vai phei vak a, Chinhrang pawh tawlh hnuk dawrh in a lo eu dawrh mai! Chutah Chinhrang chuan rang fe hian nawr letin a mal zawnah chuan a milulak chem chu a rawn vai ve fua mai a! An milu lak chem han intawng te chu a ṭek sak sak thei hial a, an daih rei hle dawn tih a hriat mai reng a. Pasalṭha Chhunthanga an nui suk a, chutah pawr fe chuan, " I beih tham dawn e..pawih mawng hang pa...!!" An ti kher a. Pawih pasalṭha Chinhrang chuan a lo la na viau mai le....! A rawn nawr ve leh a, a chem han vai te reng reng chu a ri fua fua thei hial a, Chhuna lah nui sang chuan a lo dang thei zel a, a ke lam a rawn tum hmasa zel tih chu a hre ran a, a indang hneh hle chu a ni. Chutah Pasalṭha Chhuna chuan an nawr let ve thung a, a tum dan a thlak kual ve sek a, Chinhrang chu a indang zo lo lek lek zawk a ni, in mal beih a thiam hle tih alang reng mai! An innawr tawn zak zak mai a, pawih pasalṭha lah a che rang phian zel si... Pasalṭha Chhuna lah mahni inzo fe inveng thei leh bawh hun hre em em a ni si!
Chutia in mal beih te lam hlir an thlir lai chuan Bukbawnga chuan pawih tlangvalte chu an lo tuk thlu phei nghauh nghauh mai, amah lah chu a nui sung duh chauh lehnghal! Pasalṭha Selzama leh Tlanga chuan an hmu reng a mahse an khap duh hauh lo! An lo nuih let ve thung a.
Rei fe an innuai ta, Pawih pasalṭha pawh a thaw ve hlawi hlawi mai! Pasalṭha Chhuna lah a la nui sang thei a, pawih ṭawng chuan a be leh zauh ṭhin ngei a...! Chinhrang chuan pasalṭha Chhuna ke lam zel chu inven pah chuan a rawn tum leh ngat ngat a, ṭumkhat phei chu a awm chu a rawn vai thawi fua mai! A chem chhip chuan a awm rawn tai fua in a thi ve ta...chutah Chinhrang chuan a zuam ta sawt a, a bawh ta buan buan mai! Chhuna pawh a tawlh ve hawn hawn a, inher thutin a ṭhingṭhi thut a, Chinhrang kaihza chu thlep hnawk khawpin a vai ta tlat mai le! Engah a ke lam hlir a rawn tum vei ni...! Chutah pawih pa chu ring fe a rak ṭhawt in a thlep ta hnawk mai le! Pawih ṭawngin an be leh te te a, chutah a chempui chu an vai fua a! A chem vai chu Thanpuia chuan chik zet chuan a lo en a, a chem nen khan a inang ngat a ni!!! Pawih pasalṭha lu chu a per ta lawp mai le... Tlangval rual haw haw thawm chu bengchheng tham a ni. Chu lai hmuna Lusei val rualte hnehna aw thangkhawk chu ring tak a ni. Khaw hnai te chuan an hre pha mahna le. Pawih tlangval rual an han en leh a, tih tham an lo awm ta hauh lo, Bukbawnga lah chu a lo nui sung mai! Chutih lai tak chuan Ngurpuii Herhzawl lal fanu hmel ṭha eltiang chuan Thanglura a lo ko mawlh mawlh mai! Pasalṭha Thanglura pawh a khaw hmuh fiah lo ruai in a bula ding thawm te chu a ral hriat a, hreh chung chung chuan a tlu ve ta..! A taksa lah chu thisen hian a khat titih hial a. Rang fe chuan Thanpuia chu tlan thla in Pasalṭha Thanglura chu an sawi nawk nawk a, a mar te chu an dap nghal that that a....!
........... ......... ...........
Chawngtinleri vangkhua Ṭan tlangah chuan lasi tlangval pakhat chu hmanhmawh fe a lutin Lusei fate chet dan chu a han thlen ta a. Lasi te khawpui chu hlim leh lawmna aw chuan a thang khawk ta raih raih a. Chu hlim leh lawmna aw...zai ri te chu hringfate benga hriat theih chu a ni hauh lo..! Lusei fate ram luah chin a ni a, rawn run ṭhin pawih ral chu an lo haw ve hle a ni mahna! Nula tam tak an hlim em em a, tin, an hotunu chuan chu zanah chuan nula te chu an ṭhiante hmuh an phalsak ta zui lehnghal nen an va hlim teh lul em!
Hlim ve viau mahse lawm kim lo nula hmel ṭha em em a awm ve reng mai! Chu lasi nula hmel ṭha lui eltiang chu Chawngmawii a ni. Ni, lasi te danah hian an ṭhian atana an thlante hi inhmel hriat nan an hmuhtheih a awm a thiang a, chuta ṭang chuan an nun an enzui a, ṭhian tlak chu ṭhianah an siam ta ṭhin a ni. Mahse lungmawi an pek ngat tawh an ṭhiante chu an duh hle tihna a ni a, lungmawi an pek tawh chinah erawh an duh duhin an inlar thiang tawh mai mai lova, an koh hun an nghak tawh zawk ṭhin! An mahni an ngai ve em...an thla hlel ve em tih an hre duh ṭhin a ni. An ṭhianten an lungmawi an tih bo emaw an paih bo chuan an mahni hnawlna duhlohna angah an ngai a, an dinhmun a khirh hle ṭhin a ni. Lungmawi an hmuh kir hma loh chuan an hmu thei lova, an ṭhian pasalṭha te pawhin an hmu thei tawh bik chuang lo. Nula dang erawh an hmu thei thung a ni. Hmuh chakna leh thla hlelna in a luah mek thinlungah chuan chu sakhmel tawn theih lohna chu lungpui sut tlang zawh loh khawp a lian awm ang mai a ni. Midang hriat lohin lungbang phena mi hmuhtheih loh hmuh tum ang mai hi a ni.
Chawngmawii lah chuan lungmawi bo thu hi an hotunu a hrilh ngam der si lo, a ṭhian hnai tak Varparhi chiah a hrilh ngam a. Varparhi hian puih a tum hle a ni, hmalak pui tura intiamin an phun dun sep sep a. Chawngmawii chu a ṭhiannu chuan a hnem ve malh malh reng chu a ni. Chu zanah chuan Chawngmawii tan chuan Thanpuia chu a hmuhsak ngei ang le. Zan hun inher chu an nghakhlel hle mai le!
........ ......... ...........
Serzawl lal fanu Saipuii a hlim thei hauh lo, a hma zana a tawnmangah Thanpuia chu thisen kai hnuang hian a hmu a, chutah a Vahrit a la thi zui vei nen...! A ngaihtuahna te chu mang vek hian a hria a, a vahrit chu a chul a chul mai a, a ṭhiannu Ṭhuami lah thingphurin a kal daih mai si, a lo haw hun a nghakhlel em em a, a tham vel ruai a ni ber! An kawmthlanga farṭuah par te chu chul ta vek hian a hmu hial a.....
( Chhunzawm tur)
(Like leh comment hi a la tlem thei lutuk, han ṭang ve teh u. Chhiar kan tam ang hu hian comment leh like kan la hmu tlem tlat a nia. In tan ka ṭang sauh sauh a, han ṭang ve teh u le.
Tin, in la sawisel hreh lutuk, hreh hauh suh u, rawn sawi bawl bawl teh u.
Vau thla ( ka piancham awmna thla) a ni a, a lawmnan zanin ah ka rawn dahsei viau e....)
A ngaihnawm hle zel e
ReplyDelete