LUNGRENG NGÂW.S-2...(16).
LUNGRENG NGÂW.....S-2.....16....
(PASALṬHA THANPUIA)
( M.Lusei Palian)
........... ........ .............
In khaw hma hun tur chu kan rel pui thei lo che u a, mahse he Lal hi chu inkhaw awptu tur atan chuan kan duhpui tawh lo che u a ni..... Keini hi zawng pawih ral um a kan liam zui a ngai dawn si a, khawnbawl te pawhin Khawchhung inrelbawl dan tur chu an hre em em zawk ang.Tin, tunah hian Pawih Lal khaw riat lai mai an inthurual a ni si a, ṭhuang tam taka inṭhenin Lusei ho min rawn chimih an tum si, in khua pawh hian ralveng in mamawh ngei ang a, in fimkhur tlan viau a ngai ang....! Keini zawngin kan tihtheih chu kan ti zo tawh e." mipui lam melh leh zawk chung chuan an ti a.
Pasalṭha Selzama thusawi lai chuan Thanpuia chuan a ban hliam Chawntui nula Sawii tuam sak ngei mai kha tuam ṭhat tum chuan a lo buai a, an chet vel naah khan a rawn thi ve leh kha a ni. A chetvel erawh a ti khawr lem lova, Pazawna chuan rawn hmu vatin hnim hnah damdawi a zawn sak nghal var mai a rang taka rawn let nghal vatin Thanpuia hliam chu dim lem lo chuan an buaipui ve a,
" Hliam enkawl te chu Kha nula ai khan ka thiam zawk a nia ! " nui hau chung chuan an ti a. Aimawian a lo hre phak a, a lo phur leh ber tawh ring lutuk lo chuan an thum leh hak a.
Pasalṭha Selzaman thu a sawi zawh chuan pa upa tawh tak pakhat hian aw a rawn thian ve ta kharh kharh a, mipui chuan an lo melh ṭhap mai chutah rawn ṭawngchhuak zuiin,
" Tuna pasalṭha sawi kha a dik reng mai, kan khua hian kan thiltih kan tuar ta a ni. Chutih rualin pawih sal ni mai tur min chhanchhuah avang hian kan lawm takzet a ni. Kan khaw hma hun erawh ka sawi phak a ni lova, khawnbawl eng emaw zah an la awm a an kutah dah ta ila a ṭha ber hian ka ring a ni. Pasalṭha te u kan chhuang takzet che u a, in chungah kan lawm hle a ni...!" a rawn ti ve ta boh boh mai a.
An Lal Ṭhalura lah chu phuarin ala awm reng a hawi chhuak ngam hek lo, a zak tlawk tlawk mai chu a ni.Lalnu lah a rawn inrawlh ngam tawh der si lo! Khatia Lal Ṭhalura a mit sulh a a tluk hnu khan pawih ral lam khan va hmu in an phuar hlawm ta kha a ni. Pawih ral lam khan Lal chhungkua an zawng zui nasa viau mai a mahse midang hmuh tur awm hek lo le, a mah chauh kha mak ti fe chuan an man ta a ni. A hma ni a pasalṭha te thu rawn ken kha khaw mipui tam fe chuan hre ve hek lo le, nun chan an tam phah hle a ni. Tin, pawih ral hian awlsam fe chuan khua kha an hneh mai bik lova, an mahni lam pawh an inchan ve nasa hle tho mai! Pasalṭha Selzama te ho hian khaw mipui tawrh tir kha an duh hauh lova, Hrangkhuma leh a hote pawh khan tam fe chu an rawn hruai chhuak kha a ni, mahse an Lal chapo fe kha chuan tuar ve se an ti a, an tuar ta reng bawk a ni. Tin, Kelkhum tlang kha khaw lan theihna mah ni se an let liamah erawh zawng duhtawkin in chengrang au tir mahse khaw lam hian an hre vuai vuai chauh a chuvanga tlangval ho pawh chawhmeh therhlo zawn tir kha an ni reng a ni.
Mipui phun nuai nuai karah chuan Pasalṭha Chhunthanga chu a rawn ding chhuak ve leh in mipui te chu a kut chuan an hui a an ngawi ta ṭhap a,
" Mipui te u in chunga thil thleng mek hi pawi kan ti takzet a, chhan hram che u kan duh hle a ka hmaa pasalṭha sawi ang khan thil kal dan chu in hriat vek kha... in za chuan kan chhan hman ta lo che u a ni. Tin, kan pasalṭha sawi ang khan in Lal hi he khua a rorel zel tur hian ka ring zo bik lova, nangnin in chunga rorel tur chu in hrethiam zawk in ṭha zawk in hre ngei ang. In duhthlanna ni teh se...! Tun a chinah pawih ho hi ring leh tawh ngai suh ang che u...!" An ti ṭeng ve chhuai a, mipui chuan an ngaithla uluk hle reng a ni.
Ṭhalura erawh Lal a nih avangin tuman kutthlak chu an tum chuang hauh lova, phuarhlawm chuan ala awm ve reng chu a ni. Pasalṭha te pawh chuan an duh dan chu a ni bik chiah lova, amah erawh chu a chapo em avang khan hnuh hniam chu an duh ve mai chauh a ni. Pasalṭha Tlanga leh a naute pawih la dam te dai lama va dah ṭha zo pawh an rawn let ve leh tawh a, Lal mual sirah chuan pasalṭha ho chu han ding khawm in an kalzel dan tur an sawi ho ta a. Kangzawl pasalṭha Thanglura te pui tura chhuah leh mai chu an rel ta a ni. Chutia an din khawm laih lai chuan Hrangkhuma chuan rawn pan hnaiin,
" In chungah hian engtia lawmthu han sawi tur nge....ka hre thiam hauh ta lo! In kalzel na turah chuan kan tlangval te nen hian kan zui ve ang che u...!" A rawn tichhuak ve a.
Chutah Pasalṭha Selzama chuan, " Eh...nang chu ni rih love, kha i hliam te kha i enkawl dam phawt a ngai! Tin, in khaw dinhmun siam ṭhat nan hian mipuiin an mamawh che asin, min rawn zui chu kan remti hauh lo mai!" An tih chuan midang pawh chuan an rawn tuihnih ve zel chu a ni.
An thusawi lah chu Hrangkhuma chuan dim viau chuan a hre lawi a, han hnial vak ngaihna ahre si lo! Pasalṭha ho en chung chuan tihian an ti ve leh a,
" A nih leh le...mahse ka nau Dara, ( tlangval awm khauh hmel tak chu an hui a) leh tlangval tlem azawng in an zui che u chu phal hram ang che u. Nakinah Lusei lalte ṭangrualin pawih an um thu an sawi hunah kan khaw hming a lan loh ka duh hauh lo a nia!" an ti ve ta a
Dara chu a rawn kal hnai zel a tlangval awm khauh hmel tak hmul phurh chhe fe chu a ni roh a, a awm leh a dul te chu a intia thla vek chuan an hre mai, ral rama han chet chhuah pui atan meuh chuan an iai deuh tih chu a lang reng a ni. Hrangkhuma rawn ṭawngchhuak zatin,
"Kan dar phaw a nih hi, a sakruang ngawt zawng thlir suh u..Bawkmual mikawl fei nen chauh pawh a Sapui hliam bei ngam a nih hi....! In ṭangkai pui ngei ang le....!" tiin a nau chu a rawn thual leh a. Tlangval tlem azawngin an zui ve chu an phalsak ta a ni. Pawih ho silai a man chu sawm vel an la a, an tlangval silai keng ve lo te kim chiah chu a ni, a bak erawh Bawkmual lam chanah an dah ta thung ! Chu thil zet chuan Hrangkhuma leh tlangval ho a tihlim kher mai le.
Hring nun hian hringnunah hian duhthlanna ngeiin ke chheh sual chang a siam ṭhin a ni si a, Mihmang hria chuan inzir nan a hmang a, chawrno ta lo pawh tamtak an awm bawk ṭhin si.Thil engpawh tih luatna hian chapona salah hringnun chu a hlangkai ṭhin, chu chapona ken tel erawh chhiatna a ni.
Pasalṭha Chhunthanga hmangchang hre zet chuan a naute sawm lai chu tukṭhuan rel turin kelkhum lamah a lo tir chho diam tawh a. Bawkmual khua chu ro han rel pui vak ngaihna an hre bik lo, Lal an neih hma chu khawnbawl ten lo enkawl rih mai se tih zawng chu a ni mai! An Lal fapa lah thingnawi fawm rual chauh a la ni si! Khaw mipuite lahin an lal Ṭhalura chu an ring zo tawh lo chu a ni si! Pasalṭha Hrangkhuma chu ro han nei deuh ber turah chuan an dah ta tawp mai chu a ni. Bawkmual khua hi duh aiin an chhan har hret niin alang ta, khawlaiah ruang a let hnem ngang mai! Lal chapo fe kha hrem hlak chauh an duh kha a ni. Chutih rual chuan Lal chu va tawng vak erawh an duh hauh lo thung, tun dinhmunah pawh hian mi pangngai a nih chuan hrehawm ati ve hle tawh ngei ang le.
Chu zinga Ni rawn chhuak chuan Bawkmual tan zawng lungngaihna ni a herchhuah pui ta!An chhuan ve em em Bawkmual khua chuan thuam ṭhat ava ngai nasa dawn teh lul em! Pasalṭha Selzama te ho chuan ṭin sanin Kelkhum ah Dara leh tlangvalte pawhin rawn fin mai se, Fereh san hma in Herhzawl khua pan nghal ni se an ti ta a ni. Bawkmual tlangval khaw nghakte pawhin tih tur an ngah hle ang le...! Thanpuia pawh chuan a thalfang la khawm lehin mi pasarih vel lai a lo thal hman a, a thalfang khawm lai chu Pasalṭha Chhuna chuan a lo thlir reng a ni, Lasi te lungmawi chungchang lah chu hrilh hriatna hun a nei si lova, chutih rualin venhim theih chuan venhim reng a tum a ni.
.......... ........... .......
Serzawl khaw lamah thung chuan a khaw nawtin Meikawng an sial dawn chu a ni a, chappui rawh an tum ṭan ta a ni. An ram ṭheh a zir bawk nen chappui rawh mawlh chu an nghakhlel a, Nu ho lah chuan an thlai chi rapa an rep ṭhat te an enfel mek a. Tlai chi mu hma apiang a tho hma tih an hre kar mai si, fanghma, vaimim anhnah chenin thar hma bik nih an tum ṭheuh va chu chu an kum tin zirlai zir zawh ni awm lo chu a ni. Pa ho lahin chappui rawh aṭang chuan mawngvawmba ang maia chet a ngai tih an hre ran a, pa rem hre deuh leh inhmakhua deuh chuan Thlam chak tur an ngah tawh mai reng a ni, Thlam neih loh te hi an hlau em em a, ruah phingphi siau kara Siksil khum tur neih loh te hi zahna thamah an ngai hial a, pachang mualpho theihna a ni.
An khaw nawtin mei lam phiat turin Lal pitar thih kuma an ram ṭhehna lam an pan nguah nguah mai chu a ni. Lusei fate chappui an hal in an bawhchin ramah kangmei an chhuah ngai hauh lova, fimkhur fe in meikawng an phiat a, mei an chhuah palh chuan Lal hnenah thupha an chawi hial ṭhin reng a ni, zahthlak viau ah an ngai kumkhua a ni.
Serzawl bawh ramah chuan lunglen tizual turin romei a zam kai chiai a, Berhva hram thiam te lah indi rial rialin siahthing zar an bel a. Tuklo leh Tawllawt hram te chuan lungleng mi lai ava kuai ngai em! Val rualten kumtluana an nghahhlelh chu ṭhal khua a ni, chu vallungmawlte lawmna chu a her liam mek a ni si a! Lalfanu Saipuii chuan Berhva indi chu an thlir a, chutah mal ngawih ngawih a inhriatna a nei thar a, Ni, nulate chuan zan tin rimtu an nei a ni ngai a mahse a ni erawh mi rim ngam loh Lalfanu a ni si! Lal fanu a alo piang te chu hrehawm a tih chang ava tam teh lul em!
Pasalṭha Hualroa pawh dam fel tawhin meikawng sialna lamah chuan a liam ve thei ta, Zamkunga te Thanchhinga te pawh an lawm hle a ni. Zaliana hlei hlei chu a lawm fal a, ro a rel zung zung mai! Tlangvalte chuan val upate leh pasalṭha te thu ang chuan an che zung zung mai le! An pasalṭha te chet ve chu an phal sak lo, phur tak chuan an che sur sur a ni ber e. Val lungleng deuh an han kuk raih a, an zai luah luah chu a ni ber e.
" Aw...khuanun a duang thiam e,
Ṭuangṭuah leh vau te indi rial rialin,
Valrianga di tur duang ve nang che aw.."
An han ti a, tin a lungleng zual deuh te chuan,
" Berhva te mah indi in tlai ni an leng a,
Valriangan a di a tawng love...." an han ti vei rawl nen, vau thla meuh hi chuan lunglen a kai tho a ni.
Pasalṭha te leh val upa te rorel ang chuan tlangval ho chu hmun tam fe ah an han inṭhen darh a, chan an insem ta ṭheuhva, zawh hmasak a ṭhiante puih tum ran chuan an han che a chu chu an tih dan ṭhin reng a ni.
.......... .......... .........
Pasalṭha Selzama te hovin tukṭhuan an han bar chu an ei thei tlang hle mai! Sakhi rep leh a chekte chu a kaw duak duak mai chu a ni. Sakhi chekte chu mautheiah an han thli a an han hawp ta tluar tluar mai le! An chin tur an hre lem lo bawk a, laipawng thle lawl khawp in an han ei ta a. Bukbawnga lah sahrang a hmawm a piangin an thum tlut zel a, a puar hle ta ve ang le.
Tukṭhuan an han bar zawh chuan Bawkmual tlangval pawh Dara ho chuan an rawn thleng chho ve ta. An phur hmel hle thung a ni. Pasalṭha Chhuna te ho chuan lo chiau au vatin an lo lawm hle, tlangval pasarih lai Dara...Darphawa chuan a rawn hruai a ni. Rei vaklo an ṭhut leh hnu chuan Pasalṭha Chhunthanga chu a rawn ding chhuak ta.....
( chhunzawm tur)
(PASALṬHA THANPUIA)
( M.Lusei Palian)
........... ........ .............
In khaw hma hun tur chu kan rel pui thei lo che u a, mahse he Lal hi chu inkhaw awptu tur atan chuan kan duhpui tawh lo che u a ni..... Keini hi zawng pawih ral um a kan liam zui a ngai dawn si a, khawnbawl te pawhin Khawchhung inrelbawl dan tur chu an hre em em zawk ang.Tin, tunah hian Pawih Lal khaw riat lai mai an inthurual a ni si a, ṭhuang tam taka inṭhenin Lusei ho min rawn chimih an tum si, in khua pawh hian ralveng in mamawh ngei ang a, in fimkhur tlan viau a ngai ang....! Keini zawngin kan tihtheih chu kan ti zo tawh e." mipui lam melh leh zawk chung chuan an ti a.
Pasalṭha Selzama thusawi lai chuan Thanpuia chuan a ban hliam Chawntui nula Sawii tuam sak ngei mai kha tuam ṭhat tum chuan a lo buai a, an chet vel naah khan a rawn thi ve leh kha a ni. A chetvel erawh a ti khawr lem lova, Pazawna chuan rawn hmu vatin hnim hnah damdawi a zawn sak nghal var mai a rang taka rawn let nghal vatin Thanpuia hliam chu dim lem lo chuan an buaipui ve a,
" Hliam enkawl te chu Kha nula ai khan ka thiam zawk a nia ! " nui hau chung chuan an ti a. Aimawian a lo hre phak a, a lo phur leh ber tawh ring lutuk lo chuan an thum leh hak a.
Pasalṭha Selzaman thu a sawi zawh chuan pa upa tawh tak pakhat hian aw a rawn thian ve ta kharh kharh a, mipui chuan an lo melh ṭhap mai chutah rawn ṭawngchhuak zuiin,
" Tuna pasalṭha sawi kha a dik reng mai, kan khua hian kan thiltih kan tuar ta a ni. Chutih rualin pawih sal ni mai tur min chhanchhuah avang hian kan lawm takzet a ni. Kan khaw hma hun erawh ka sawi phak a ni lova, khawnbawl eng emaw zah an la awm a an kutah dah ta ila a ṭha ber hian ka ring a ni. Pasalṭha te u kan chhuang takzet che u a, in chungah kan lawm hle a ni...!" a rawn ti ve ta boh boh mai a.
An Lal Ṭhalura lah chu phuarin ala awm reng a hawi chhuak ngam hek lo, a zak tlawk tlawk mai chu a ni.Lalnu lah a rawn inrawlh ngam tawh der si lo! Khatia Lal Ṭhalura a mit sulh a a tluk hnu khan pawih ral lam khan va hmu in an phuar hlawm ta kha a ni. Pawih ral lam khan Lal chhungkua an zawng zui nasa viau mai a mahse midang hmuh tur awm hek lo le, a mah chauh kha mak ti fe chuan an man ta a ni. A hma ni a pasalṭha te thu rawn ken kha khaw mipui tam fe chuan hre ve hek lo le, nun chan an tam phah hle a ni. Tin, pawih ral hian awlsam fe chuan khua kha an hneh mai bik lova, an mahni lam pawh an inchan ve nasa hle tho mai! Pasalṭha Selzama te ho hian khaw mipui tawrh tir kha an duh hauh lova, Hrangkhuma leh a hote pawh khan tam fe chu an rawn hruai chhuak kha a ni, mahse an Lal chapo fe kha chuan tuar ve se an ti a, an tuar ta reng bawk a ni. Tin, Kelkhum tlang kha khaw lan theihna mah ni se an let liamah erawh zawng duhtawkin in chengrang au tir mahse khaw lam hian an hre vuai vuai chauh a chuvanga tlangval ho pawh chawhmeh therhlo zawn tir kha an ni reng a ni.
Mipui phun nuai nuai karah chuan Pasalṭha Chhunthanga chu a rawn ding chhuak ve leh in mipui te chu a kut chuan an hui a an ngawi ta ṭhap a,
" Mipui te u in chunga thil thleng mek hi pawi kan ti takzet a, chhan hram che u kan duh hle a ka hmaa pasalṭha sawi ang khan thil kal dan chu in hriat vek kha... in za chuan kan chhan hman ta lo che u a ni. Tin, kan pasalṭha sawi ang khan in Lal hi he khua a rorel zel tur hian ka ring zo bik lova, nangnin in chunga rorel tur chu in hrethiam zawk in ṭha zawk in hre ngei ang. In duhthlanna ni teh se...! Tun a chinah pawih ho hi ring leh tawh ngai suh ang che u...!" An ti ṭeng ve chhuai a, mipui chuan an ngaithla uluk hle reng a ni.
Ṭhalura erawh Lal a nih avangin tuman kutthlak chu an tum chuang hauh lova, phuarhlawm chuan ala awm ve reng chu a ni. Pasalṭha te pawh chuan an duh dan chu a ni bik chiah lova, amah erawh chu a chapo em avang khan hnuh hniam chu an duh ve mai chauh a ni. Pasalṭha Tlanga leh a naute pawih la dam te dai lama va dah ṭha zo pawh an rawn let ve leh tawh a, Lal mual sirah chuan pasalṭha ho chu han ding khawm in an kalzel dan tur an sawi ho ta a. Kangzawl pasalṭha Thanglura te pui tura chhuah leh mai chu an rel ta a ni. Chutia an din khawm laih lai chuan Hrangkhuma chuan rawn pan hnaiin,
" In chungah hian engtia lawmthu han sawi tur nge....ka hre thiam hauh ta lo! In kalzel na turah chuan kan tlangval te nen hian kan zui ve ang che u...!" A rawn tichhuak ve a.
Chutah Pasalṭha Selzama chuan, " Eh...nang chu ni rih love, kha i hliam te kha i enkawl dam phawt a ngai! Tin, in khaw dinhmun siam ṭhat nan hian mipuiin an mamawh che asin, min rawn zui chu kan remti hauh lo mai!" An tih chuan midang pawh chuan an rawn tuihnih ve zel chu a ni.
An thusawi lah chu Hrangkhuma chuan dim viau chuan a hre lawi a, han hnial vak ngaihna ahre si lo! Pasalṭha ho en chung chuan tihian an ti ve leh a,
" A nih leh le...mahse ka nau Dara, ( tlangval awm khauh hmel tak chu an hui a) leh tlangval tlem azawng in an zui che u chu phal hram ang che u. Nakinah Lusei lalte ṭangrualin pawih an um thu an sawi hunah kan khaw hming a lan loh ka duh hauh lo a nia!" an ti ve ta a
Dara chu a rawn kal hnai zel a tlangval awm khauh hmel tak hmul phurh chhe fe chu a ni roh a, a awm leh a dul te chu a intia thla vek chuan an hre mai, ral rama han chet chhuah pui atan meuh chuan an iai deuh tih chu a lang reng a ni. Hrangkhuma rawn ṭawngchhuak zatin,
"Kan dar phaw a nih hi, a sakruang ngawt zawng thlir suh u..Bawkmual mikawl fei nen chauh pawh a Sapui hliam bei ngam a nih hi....! In ṭangkai pui ngei ang le....!" tiin a nau chu a rawn thual leh a. Tlangval tlem azawngin an zui ve chu an phalsak ta a ni. Pawih ho silai a man chu sawm vel an la a, an tlangval silai keng ve lo te kim chiah chu a ni, a bak erawh Bawkmual lam chanah an dah ta thung ! Chu thil zet chuan Hrangkhuma leh tlangval ho a tihlim kher mai le.
Hring nun hian hringnunah hian duhthlanna ngeiin ke chheh sual chang a siam ṭhin a ni si a, Mihmang hria chuan inzir nan a hmang a, chawrno ta lo pawh tamtak an awm bawk ṭhin si.Thil engpawh tih luatna hian chapona salah hringnun chu a hlangkai ṭhin, chu chapona ken tel erawh chhiatna a ni.
Pasalṭha Chhunthanga hmangchang hre zet chuan a naute sawm lai chu tukṭhuan rel turin kelkhum lamah a lo tir chho diam tawh a. Bawkmual khua chu ro han rel pui vak ngaihna an hre bik lo, Lal an neih hma chu khawnbawl ten lo enkawl rih mai se tih zawng chu a ni mai! An Lal fapa lah thingnawi fawm rual chauh a la ni si! Khaw mipuite lahin an lal Ṭhalura chu an ring zo tawh lo chu a ni si! Pasalṭha Hrangkhuma chu ro han nei deuh ber turah chuan an dah ta tawp mai chu a ni. Bawkmual khua hi duh aiin an chhan har hret niin alang ta, khawlaiah ruang a let hnem ngang mai! Lal chapo fe kha hrem hlak chauh an duh kha a ni. Chutih rual chuan Lal chu va tawng vak erawh an duh hauh lo thung, tun dinhmunah pawh hian mi pangngai a nih chuan hrehawm ati ve hle tawh ngei ang le.
Chu zinga Ni rawn chhuak chuan Bawkmual tan zawng lungngaihna ni a herchhuah pui ta!An chhuan ve em em Bawkmual khua chuan thuam ṭhat ava ngai nasa dawn teh lul em! Pasalṭha Selzama te ho chuan ṭin sanin Kelkhum ah Dara leh tlangvalte pawhin rawn fin mai se, Fereh san hma in Herhzawl khua pan nghal ni se an ti ta a ni. Bawkmual tlangval khaw nghakte pawhin tih tur an ngah hle ang le...! Thanpuia pawh chuan a thalfang la khawm lehin mi pasarih vel lai a lo thal hman a, a thalfang khawm lai chu Pasalṭha Chhuna chuan a lo thlir reng a ni, Lasi te lungmawi chungchang lah chu hrilh hriatna hun a nei si lova, chutih rualin venhim theih chuan venhim reng a tum a ni.
.......... ........... .......
Serzawl khaw lamah thung chuan a khaw nawtin Meikawng an sial dawn chu a ni a, chappui rawh an tum ṭan ta a ni. An ram ṭheh a zir bawk nen chappui rawh mawlh chu an nghakhlel a, Nu ho lah chuan an thlai chi rapa an rep ṭhat te an enfel mek a. Tlai chi mu hma apiang a tho hma tih an hre kar mai si, fanghma, vaimim anhnah chenin thar hma bik nih an tum ṭheuh va chu chu an kum tin zirlai zir zawh ni awm lo chu a ni. Pa ho lahin chappui rawh aṭang chuan mawngvawmba ang maia chet a ngai tih an hre ran a, pa rem hre deuh leh inhmakhua deuh chuan Thlam chak tur an ngah tawh mai reng a ni, Thlam neih loh te hi an hlau em em a, ruah phingphi siau kara Siksil khum tur neih loh te hi zahna thamah an ngai hial a, pachang mualpho theihna a ni.
An khaw nawtin mei lam phiat turin Lal pitar thih kuma an ram ṭhehna lam an pan nguah nguah mai chu a ni. Lusei fate chappui an hal in an bawhchin ramah kangmei an chhuah ngai hauh lova, fimkhur fe in meikawng an phiat a, mei an chhuah palh chuan Lal hnenah thupha an chawi hial ṭhin reng a ni, zahthlak viau ah an ngai kumkhua a ni.
Serzawl bawh ramah chuan lunglen tizual turin romei a zam kai chiai a, Berhva hram thiam te lah indi rial rialin siahthing zar an bel a. Tuklo leh Tawllawt hram te chuan lungleng mi lai ava kuai ngai em! Val rualten kumtluana an nghahhlelh chu ṭhal khua a ni, chu vallungmawlte lawmna chu a her liam mek a ni si a! Lalfanu Saipuii chuan Berhva indi chu an thlir a, chutah mal ngawih ngawih a inhriatna a nei thar a, Ni, nulate chuan zan tin rimtu an nei a ni ngai a mahse a ni erawh mi rim ngam loh Lalfanu a ni si! Lal fanu a alo piang te chu hrehawm a tih chang ava tam teh lul em!
Pasalṭha Hualroa pawh dam fel tawhin meikawng sialna lamah chuan a liam ve thei ta, Zamkunga te Thanchhinga te pawh an lawm hle a ni. Zaliana hlei hlei chu a lawm fal a, ro a rel zung zung mai! Tlangvalte chuan val upate leh pasalṭha te thu ang chuan an che zung zung mai le! An pasalṭha te chet ve chu an phal sak lo, phur tak chuan an che sur sur a ni ber e. Val lungleng deuh an han kuk raih a, an zai luah luah chu a ni ber e.
" Aw...khuanun a duang thiam e,
Ṭuangṭuah leh vau te indi rial rialin,
Valrianga di tur duang ve nang che aw.."
An han ti a, tin a lungleng zual deuh te chuan,
" Berhva te mah indi in tlai ni an leng a,
Valriangan a di a tawng love...." an han ti vei rawl nen, vau thla meuh hi chuan lunglen a kai tho a ni.
Pasalṭha te leh val upa te rorel ang chuan tlangval ho chu hmun tam fe ah an han inṭhen darh a, chan an insem ta ṭheuhva, zawh hmasak a ṭhiante puih tum ran chuan an han che a chu chu an tih dan ṭhin reng a ni.
.......... .......... .........
Pasalṭha Selzama te hovin tukṭhuan an han bar chu an ei thei tlang hle mai! Sakhi rep leh a chekte chu a kaw duak duak mai chu a ni. Sakhi chekte chu mautheiah an han thli a an han hawp ta tluar tluar mai le! An chin tur an hre lem lo bawk a, laipawng thle lawl khawp in an han ei ta a. Bukbawnga lah sahrang a hmawm a piangin an thum tlut zel a, a puar hle ta ve ang le.
Tukṭhuan an han bar zawh chuan Bawkmual tlangval pawh Dara ho chuan an rawn thleng chho ve ta. An phur hmel hle thung a ni. Pasalṭha Chhuna te ho chuan lo chiau au vatin an lo lawm hle, tlangval pasarih lai Dara...Darphawa chuan a rawn hruai a ni. Rei vaklo an ṭhut leh hnu chuan Pasalṭha Chhunthanga chu a rawn ding chhuak ta.....
( chhunzawm tur)
A ngaihnawm thin takzet. Chhiar chho zel ang aw
ReplyDelete