LUNGRENG NGÂW..S-2..(15)...
LUNGRENG NGÂW.....S-2.....15....
(PASALṬHA THANPUIA)
( M.Lusei Palian)
........... ........ .............
Zanlai ar khuan hnu lawkah chuan Bawkmual ah chuan silai puak ri an hre ta! Kelkhum tlangdung aṭang chuan Bawkmual khua chu a lang chiang bawk a, a alh eng sen ta chuai chuai mai le, Silai puak ri in a zui nghal zawt zawt mai bawk a. Chung thawmte chu hai theih ni miau hek lo le nunaute pawh chuan an khaw kang duai duai chu rawn tho chhuak meuh in an thlir ta ṭhap mai le! Chutia an rawn thawhchhuah ve meuh chuan tlangval te chuan khaw lam chu an lo thlir far tawh a, Silai leh fei nen an lo ding far tawh a ni. Ral aṭanga alan dan chuan khawchhung chu a kang zo ṭep tawh chu a ni. Lalnu pawh chuan an khaw kang chu rilru nat hmel tak chuan a thlir ve reng mai le! Pasalṭha Hrangkhuma te ho chuan ṭhut mai mai har an ti hle tawh a ni, chutah pasalṭha te lah chu an tlangval hovin bel tam fe an put chhoh sak kha a mawi tawkin an han birh leh rih a.
Tlangval rualte chu an inring viau tawh mai,ma rawh chu an pasalṭha ten thu an pek hma loh chuan an che chhuak mai ngam si lo! Pasalṭha te lah chu meilum hnung puakin an vaibel an la zu khu tual tual a, khap thum bel chhung a mi chu an han in dawt chhawk a, Chutah pasalṭha Tlanga chuan,
" Tlangval te u, la hahdam rih rawh u, pasalṭha Selzaman hun a tih hma loh chuan chet chhuah loh tur a ni e...!" A aw pawr ring ṭeng chhuai chuan an ti a.
Pasalṭha Chhuna chuan tuihnih nghal zatin,
" Naute u, la chawl hahdam teh u, an lal Ṭhalura ṭhiante an nia, an fiam rih te pawh ni fahmiang, kan puihna mamawh lo an nih kha.... tui tak khan mu hahdam teh u..!" an ti ve leh ngat a. An sawi zo chu a ni pawh chu tuikhum sai ngar ngarin bel a zupui chu an dut leh rih a.
Thanpuia chuan thlir liam har a ti hle mai, an lusei pui te pawih ralin an that ṭeuh dawn chu a ni phawt mai! Amah erawh chu an Lal Ṭhalura lo tih dan khan zir miau hek lo le! An pasalṭha te thu hmu lova chet chhuah lah chu tih loh loh a ni si! A Silai chu a hum ve ngat ngat mai chu a ni. Chutih rualin zing tukṭhuan bar lai vela lamkal tlangval te kha chuan lusei pui khua te mah nise kang ral vek mahse pawi an ti der lo! An lal khan tuisik takngial pawh intir lovin a chhuah tir kha a ni si a. Nunau erawh chuan tuar nasa lo se an duh mai chauh zawk a ni. Chutah le, Aimawia chuan ring fe chuan,
" Ti r'u le ṭhiante u, i la chawl hahdam teh ang u, kei zawng ka zal leh tawh dawn a nia!" An ti a, thingbulah chuan an ṭhu mu nghal a.
Tlangval tam zawk pawh chu an rawn ṭhu mu leh fur tawh a, Bawkmual khaw tlangval leh pasalṭha Hrangkhuma chuan thlir reng chu harsa an ti takzet tawh a. An lal in khati kher kha chuan ṭawngkhum lo se, an khaw chhantur in thih ngam lu pu in an che chhuak tawh ngei ang le! Lalnu pawh chuan chutia an khaw alh eng pup mai chu rilru na fe chuan a thlir a, a pasal thiam loh a ni tih lah a hre kar mai si, chuvang tak chuan tlangval ho pawh tur ngam lo a ni reng si a. Rilru na fe chuan buk lam chu a pan ta ngawt mai a ni.
Pasalṭha zu khawn te pawh chu rui khawp chuan an in duh bik lo, Bawkmual lal chuan a phu tawk a hmu a ni an ti rilru ṭheuh va! Chutih rual chuan lusei fate chu khaw en ah chhanchhuah an tum ru hle thung a. Chhan theih pawh an inring hle, pawih ho hi an rawn kalna a thui tham a, khua ber an lak fel chuan an muangchang rih dawn tih an hre thiam a ni. Thanpuia te lah silai puak ri leh dur dur ṭhin karah mu thei bik suh an za zek zek mai chu a ni. Varṭian an nghahhlelh ṭum ber a ni hial awm e. A thal mu chu a siam belh sauh sauh mai a, a thal ngul te chu an kuai bial leh pawp mai ṭhin a, an meipui chhehna lah bukin a hual a a eng lah khawchhung lam aṭangin hmuh theih ni hek lo le!
........... ............. ..............
Khatia khual pasalṭha ten an dinhmun a hlauhthawn awm tih an rawn hrilh kha pawm duh miau hek lo le! Bawkmual Lal chuan khawnbawl upa te hmin in pawih ral nen inremna an siam tawh kha an sawi vung thar leh a, upa te lahin pawih ho an lo ṭan zawk vei tum hrang chu a nia. Nilengin kut an hmang a, an chai mup mup a. Lalpa, zupui ti lutuk vanga hnar sen hlar pawh a hawi vei lur lur a. A khua chu chuti maia inremna a siam pui tawh ten rawn runin a ring thei mawlh lo a ni. Chu lal chapo zet chu zanriah pawh bar mumal lovin a zupui in hnathawh avang chuan ṭhut muan ar khuan hma hma chuan a hnar burh burh tawh a. An ṭhanharh leh meuh chuan a khua chu a lo kang zo ṭep tawh chu a ni. A khaw tlangval huaisen zualin pawih ral chu an lo kap ve mek a, pawih ral lam lah chuan tar leh hmeichhia pawh thliar lovin an rawn vaihma hmiah hmiah mai chu a ni. Ṭawngka a sawi felna hman a awm tawh lova, sawi fel chi a ni tawh hek lo, a chapo luat a khaw mipui ten an tuar ta a ni. A ṭhan harh chiah khan a nupui fanau te pawh a hmu zo tawh lova, a mang vek a, a nghilh dup a luhka sangah chuan nikhaw hre lovin tumah bawihsawm tu pawh nei lovin a tlu bul mai chu a ni. Ngenmu leh hriamhrei hnuhma vanga tlu a ni lo, a rin loh lutuk thil thleng vanga buai zo ta a ni.
Pawih ral lahin enthlatu intirin tlai lam an chai lai tak khan khawchhung chu an lo thlir reng a, zan lamah chuan an mutui tlang dawn tih an hre kar mai si. Tin, chu khua lah chuan ralveng pawh an lo indah lo tih chu an hre leh zel a, an pasalṭha chuan zanlai an muttui laia ṭhawn thut chu a duh ta zawk a chutiang chuan an che ta a ni. Zawlbuk tlangval lah an lo mutui hlawm kher mai si, an harh meuh chuan khaw chhantu tur chu chhan ngaiin an awm ta zawk a ni.
Khawchhung pa hovin chutia an mahni rawn run ngawttu te chu lo chhang let ve in theihtawp chuan ṭan an lo khawh ve na a, lehlam in an tam hneh ngang mai si, an lo ṭang zo ta lo kha a ni. An khua leh inte chu meivapah a chang mek a ni si! An mahni chhan tuma khual val tam tak lokal te lah an lalin a lo hnar fithla ṭhak mai si kha a nia, khang thu te kha hre ve mahse an Lal berin a ṭhiante an nih thu leh an khua a him tur thu a sawi tlat mai kha a ni , an lo ring em em a chu chuan an hun tawn mekah a hruai lut ta.
Pawih ho chuan nula leh tlangval rual te an han ṭingmit ta thliah thliah a, pavalai lam te pawh chu an hmer tel zel a. Tar, naupang leh nu ho chu an that hmiah hmiah thung! Bawkmual in zahnih zeta inchhal khua, nimin lawka khaw ropui tak chu thawnthu mai a lo ni dawn ta.
Pawih ral rawn hruaitu pasalṭha Sangchem chu a rawng hle mai a, nula lam bak melh vak a nei lo hian a hriat a,a kalna lam a awm apiang naupang pawh sawi lovin a chem humlai chuan a sat ri no chawk chawk mai zel a ni. Lal mualah chuan an mi man zawng zawngte chu an khalh khawm ta vek a, khawvar a hnai ṭan ta. Heng pawih ho hian ṭhi leh dar pawh an thupui teh chiam lova, sal tam tak man an duhber niin a lang.
........... ........... ............
Kelkhum tlangah chuan Lusei fate tana penchhuak mek thingserh sat tlangval huaisen tawlhloh puan nen meuha rammua fehchhuak te chu an ding ta far mai le! Ral leh sa a zam ngai lo te chuan an silai te enfel vek tawh in pasalṭha te thu chiah an nghak ta! Pasalṭha Selzama chu rawn ding chhuakin,
" Aw le, tlangval huaisen te u, khu kan hma a khu Seifate rawn chimih tumtu te an awm ta! Kan lusei puite ngei sala man in kan farnu te an pawngsual a, an phu tawk kan hmuh tir a ngai ta. Bawkmual khua khuan an phu tawk an hmu tawh a, pawih ralin sala kan lusei puite ngei an hruai tur chu kan phal tur a ni lo, theih tawpin kan dang tlat tur a ni. Zam hun a ni lova, kan tam hneh tawh zawk a, tuman ngenmu a thlawnin sen hauh loh tur..... An hruaitu pasalṭha te erawh thu zawh fiah atan pahnih khat zuah hram kan tum chauh ang, Pasalṭha Tlangan a naute hmar lam aṭangin a rawn luhpui anga, Pasalṭha Chhunthangan a naute chhim lam aṭangin, pasalṭha Hrangkhuman tlaklam aṭangin a rawn luhpui bawk ang, keinin chhuah lamah kan lo ṭan khalh dawn nia, Pasalṭha Chhunthangan chang a tum ve leh kan silai kan hmet puak ang....Ni chhuah hma in Bawkmual khu kan lalet ngei tur a ni. Ti ru le, i kal ang u le.!" an ti ta a, a au ring hauh lo na in a fiah fai hle a, Bawkmual lam pan chuan an che chhuak ta. Pasalṭha dik tak chuan a lusei pui te sala an man thlir liam chu harsa a ti a, theihtawpa chhan tura fehchhuah chu a duh leh si!
A hma ni khan an khaw khan zawng zawng an lo chian vek tawh a, leilung a rawn lang titih tawh bawk nen an duk nghal zur zur mai chu a ni. Pasalṭha Selzaman ni chhuah hmain Bawkmual laklet tur a ti miau mai si a an hmanhmawh hle a ni. Tuibur hmuam da velah chuan an inrem fel ṭep tawh a ni, khua avar chiang chho ta. Thleng hmasa ho chu an inpeih hle tawh a, Pawih ho lah an lo inthlahdah tawh kher mai! Bawkmual khaw mite chu Lal mualah an lo khalhkhawm vek tawh a, A huptu tan pawh chet a nuam tawh kher ang chu le!
Pasalṭha Hrangkhuma chuan Pasalṭha Chhuna chu muang a ti tawh kher mai! An chengrang au tir tum ran chuan an inring hle tawh mai, chu mai a ni lo, an za zek zek tawh a ni. Thanpuia pawh a inring kher mai, Aimawia leh Pazawna te nen chuan an bitum ṭheuh hlah an tum lo hle a, a silai a kah ruah ve leh ah nghal a thalfang thlawh chhuah char char a tum a ni! A pa Selzama lah chuan i duh thalin che ang che a ti sap tawh vei nen....! Selzama hian hming chher tir a tum tlat a ni.
An inring hle tawh hlawm a, chutah chang han tum raih an hre chiah chu le an silai chu puak nghal zawt zawtin Lal mual kianga pawih ho chu " Eh....!" pawh ti hman lovin an thinglubul tluk ta thlawrh thlawrh mai le! Silai puak ri a reh ve leh hmun tin aṭang chuan tlangval ho chuan Lal mual chu hmanhmawh fe hian an chempui nen tlan chung chuan an pan ta nguah nguah mai! An tam hneh bawka an inrin loh lai tak an hup bawk nen pawih ral damchhuak an tlem hle, an pasalṭha Sangchem leh a naute panga vel lek an ni ta! Thanpuia chuan chak fe a tlan pah chuan a thalfang a thlawh chhuak hman hram a, chung pawih ho lah chuan silai a rawn kah let pawh an tum lo, an hamhaih viau ni in a lang! Pasalṭha Hrangkhuma leh a naute pawh an rawn thleng ve nghal a, chutah pasalṭha Chhuna chuan pawr chher chuai hian,
" Pawih mawngbal ho, in ralthuam kha lek hauh suh u, hmun tin ah hian hual beh vek in ni tawh..... in inpek nghal loh chuan pau tur in awm tawh hauh lovang!" An ti a.
Chutah an hotupa Sangchem chuan,
" Mi inring lo lai beih thut hi lusei thiam tawk ani maw!? A va pasalṭha zia love...Lusei hnam zingah hian mipa in awm na nge!?" Chempui lian fe keng chung leh a langsar laia rawn ding chhuak chung chuan a rawn ti pawr ve chhak mai a, a hmelah chuan zamna alang hauh lova, a thinrim hle a ni tih a hriat theih a a mitmeng pawh a sen ram mai le! A ṭhui hruaite pawh chuan an silai dahin an chemtum an hum ve ta far mai le!
Thanpuia chuan chu pawih pasalṭha pawr fe chu a milu lak chem phawrh pah chuan a pan ta chheu chheu mai! Chutah ring fe hian,
" I tum tawk Lusei pa chu awm tehreng e,khaw thim lai leh mi mutreh lai chuh a mi khaw beih thut hi a pawih pasalṭha te tih dan a lo ni maw!" tih pah chuan a pan hnai ta hriau hriau a. Tlangval rualte chuan chu tlangval chu an en ṭhap a, Bawkmual nula la damte lah chuan chu tlangval pian fuh tak, sakawl pian ṭha ang mai hmel ṭha em em chu thlir nin har an ti!
Pasalṭha Chhunthanga chuan chu mite pahnih inkhuai nuai lai chu a thlir chak hle tawh a, chutih laiin a naute an mitmei a pawih val rual chu an hual ru ve hriau hriau a. Tlangval rual ho chuan an thlir ta ṭhap mai le! Thanpuia chu a inring ve hle tawh a, chutih lai tak chuan le, a hmaah pasalṭha Hrangkhuma a rawn ding ta tlat mai, Thanpuia chu en lem lo chuan pawih pasalṭha Sangchem chu a melh ran a, zawi sap hian,
" Tlangval min hrethiam teh, mahni khaw chhan ngamlo riakah ka inngai mai dawn e, kan khaw tan kan ding ve hrim hrim ange aw!" Fiah fel zet chuan an ti a. Chutih lai tak chuan pasalṭha Selzama pawh rawn thleng hnai ve tawhin Thanpuia chu an melh a,
" Thana.... aw ti teh, han kian teh, an khaw tan a din a ngai e!" A rawn ti ve ta a. Thanpuia chu bu nghut chung chuan Lal mual sir lam Aimawia te awmna lam chu a pan ve ta thung a. Aimawia chuan lo mitmei in pawih val rualte chu an hnaih phei ta hret hret zawk a.
Sangchem chuan rum fe a Hrangkhuma melh pah chuan,
" Min hmachhawn inva chak hlawm ve...! Nang hi kan dah ṭha hmasa che ang a, a duh apiang chu ka hmachhawn zel dawn nia! " zam lo fe chuan an ti ve a.
Hrangkhuma thinkhei zawng tak a ni,
" Pawihte, i duh thalin han che teh le, chu chen aṭanga kan khua rawn run tura rawn thawkchhuak chu mawng lang kungin kan siam teh ang che...!" An ti ve leh ta ngat a. Tlangval rual tam fe chuan an thlir ta ṭhup mai le...
Hrangkhuma chu che hmasa ah an ṭang a, A milu lak chem chu sang fe an lek a, an vai ngheng mai a, Sangchem chu alo thle hman hram chu a ni. A vanduai nghal teuh kher mai! Chutah Sangchem chuan boruak ah a milu lak chem chu a thlawnin an vai ve vak mai le! A ṭumkhat nan an la inkhawih fu lo ta ve ve a, Sangchem rawn che ve thutin Hrangkhuma pum zawnah chuan rang fe chuan a milu lak chem chu an vai ve nghal zat mai chu Hrangkhuma pawh a ding ve chawt a, tlemin tawlh hnung hman lo se chu ril tla hnuangin a awm tawh ngei ang le, chutah le Hrangkhuma chuan sang fe a a chem lekin sah vak tum ang takin an awm a, a tum thlak thutin Sangchem ngal zawnah an vai phei mai chu..... chu zet zawng a thlawn ta hauh lo mai le! Sangchem chu a ṭe ṭhawt a, a ngal dinglam chu a bung ṭep chu a ni! Khawlai charah chuan a changel tluk dawp mai le! Mahse Sangchem chem vai pawh a thlawn chuang lo, Hrangkhuma awm pawh chu a kak phei raih mai le!
" Pawiha rawn tho teh le, i han zo fel law law teh ang! " ngaihno bei hauh lo chuan an ti a.
Sangchem chu an ṭhen chawk chawk a achem hawl deuh titih chuan a ding sawi ve lai lai a, " Lusei pa, i chet a va fuh ngai ve le!" A rawn ti ve chhar chhar mai, ala nui lui suk thei hial a ni.
Hrangkhuma chuan a milu lak chem chu rang fe hian an vai vir a, rang taka Sangchem pan hnaih pah chuan a nghawng chu a chhawk sak ta hmawk mai le!
" Pialralah ka rawng i bawl anga, tunah zawng no lo zetin lo han chawr ang che!" chang fe chuan an ti a, eng a tihna tak chu ni maw!
Hrangkhuma chuan pawih la dam ho chu an melh tur khai a, a pan leh lai tak chuan pasalṭha Selzama chuan,
" Pasalṭha lo chawl rih teh....!" an ti chang fak a!
Selzama chuan Thanpuia chu an melh a, Thanpuia chu rang takin a rawn che chhuak nghal a.
" Pa Zam, thu kan zawt fiah hmasa dawn nge!?" Tih pah chuan an melh a.
Selzama chu a bu nghut ringawt a, chutih lai chuan Pasalṭha Tlanga chuan,
" Eh.... kan lo che ve tawh ange, nangni zawng lo hahdam te u!" A rawn ti ve leh ta!
Pawih ho tan zawng a thla phan thlak ve hle ang chu... ! Rawn pan an tum ta ṭhuau ṭhuau mai le!
Tukṭhuan rel hun a ni chho ta, Kelkhum lama rawn tlan te pawh an rawn thleng thla ve leh tawh a, an chhuan em em an khua a chanve aia tam mah meivapah a chang ta si chu an lai a na in hrehawm an ti takzet a ni.An kangral vek lo chu an lawm ta zawk hial mai chu a ni. A chhan pawh buhkang tawh zawng a ei theih miau si loh, an hre ve kar mai si, khawdang pur an hreh ve em si a ni.
Pasalṭha Chhunthanga chuan Bawkmual Lal Ṭhalura chu an phuar ang ang chuan a rawn kai chhuak a, A meng khup lap mai le, a hmai a uang lo takzet a ni! A thinlung chu inchhirna in a khat a, tui baw hnu a ruh theih loh ang bawkin a ṭawng tawh a sut thei si lo a ni. Thil engkim kha rawn hmu ve vek mahse a ṭawngchhuak ngam hauh lova, ṭawngchhuak chi lah a ni hek lo! Nimin maiah an khaw puih tumin heng tlangvalte hi an rawn kal a, lo hnar in a khua aṭangin a um chhuak lo chauh a, chung tlangvalte lah chuan an rawn chhan leh lawi si chu mak ati a. A zak em em a, hawi pawh a hawi chhuak ngam lo hial a ni.
Pasalṭha Tlanga leh a naute chuan pawih la dam ho chu thu an zawt fiah ṭan ta a. An ner ta nung nung mai le, an rawn thawkchhuah dan an han hriat meuh chuan an chek tlak tlak mai le, chutah le nunau hmub loh turin dai lamah an liam pui ta rih a ni.
Bawkmual khaw ropui tak ni ṭhin chu thisen luanna hmunah a chang zo ta , khaw laiah chuan khaw mite ruang leh hmelma lam ruangte chu a tlim hmur thei hial a ni.Tlangval ho leh khaw mipui ladam chhun te, kelkhum aṭanga rawn chhuk te chu Lal mualah an tlim ta hmur mai a, chutah Selzama chu rawn ding chhuakin hetiang hian thu a rawn sawi zui ta a.
" Khaw mipui te u, ngun takin lo ngai thla lawk teh u le. In khua hi pawih ral hian an rawn run dawn tih hi kan hria a, chhun leh zan pawh sawi lovin Chawntui khua aṭangin kan rawn pan ta vang vang che u a ni. Ni liam ta zing khan kan rawn thleng a, in Lal, he lal tlak tlai lo zet hi kan rawn hrilh ngei a. Mahse engtin nge min chhan in hre duh em?Kan puihna a mamawh lova, pawih ral chu a ṭhiante an ni.... a ṭhiante thil tih dan chu hei in hmuh tak hi.....inkhaw mipui heti zat kan chhanhim ta lo kha pawi kan ti a, mahse a bul tumtu leh a mawh phurtu chu he in Lal ngei hi a ni. In Lal in kan puihna a mamawh tak lovah chuan han kalsan vang vang che u kha kan duh hle a, mahse kan tlangvalten an ngaingam ta ngang si lova, hetiang thil hi alo thleng ta chu a ni. In khaw hma hun tur chu kan rel pui thei lo che u a, mahse he Lal hi chu inkhaw awptu tur atan chuan kan duhpui tawh lo che u a ni.....
( chhunzawm tur)
( A va tawi ve....A ngaihnawm e... Ṭang sauh sauh teh....
Khi ti ringawt lo khian a thawnthu hi han comment teh u. Ni tin hnathawka chhuak ka ni a, ziahna hun ka nei tlem em em a ni. A tawi deuh pawhin lo hre thiam u la ka duh takzet a ni. Han sawisel teh u le...)
(PASALṬHA THANPUIA)
( M.Lusei Palian)
........... ........ .............
Zanlai ar khuan hnu lawkah chuan Bawkmual ah chuan silai puak ri an hre ta! Kelkhum tlangdung aṭang chuan Bawkmual khua chu a lang chiang bawk a, a alh eng sen ta chuai chuai mai le, Silai puak ri in a zui nghal zawt zawt mai bawk a. Chung thawmte chu hai theih ni miau hek lo le nunaute pawh chuan an khaw kang duai duai chu rawn tho chhuak meuh in an thlir ta ṭhap mai le! Chutia an rawn thawhchhuah ve meuh chuan tlangval te chuan khaw lam chu an lo thlir far tawh a, Silai leh fei nen an lo ding far tawh a ni. Ral aṭanga alan dan chuan khawchhung chu a kang zo ṭep tawh chu a ni. Lalnu pawh chuan an khaw kang chu rilru nat hmel tak chuan a thlir ve reng mai le! Pasalṭha Hrangkhuma te ho chuan ṭhut mai mai har an ti hle tawh a ni, chutah pasalṭha te lah chu an tlangval hovin bel tam fe an put chhoh sak kha a mawi tawkin an han birh leh rih a.
Tlangval rualte chu an inring viau tawh mai,ma rawh chu an pasalṭha ten thu an pek hma loh chuan an che chhuak mai ngam si lo! Pasalṭha te lah chu meilum hnung puakin an vaibel an la zu khu tual tual a, khap thum bel chhung a mi chu an han in dawt chhawk a, Chutah pasalṭha Tlanga chuan,
" Tlangval te u, la hahdam rih rawh u, pasalṭha Selzaman hun a tih hma loh chuan chet chhuah loh tur a ni e...!" A aw pawr ring ṭeng chhuai chuan an ti a.
Pasalṭha Chhuna chuan tuihnih nghal zatin,
" Naute u, la chawl hahdam teh u, an lal Ṭhalura ṭhiante an nia, an fiam rih te pawh ni fahmiang, kan puihna mamawh lo an nih kha.... tui tak khan mu hahdam teh u..!" an ti ve leh ngat a. An sawi zo chu a ni pawh chu tuikhum sai ngar ngarin bel a zupui chu an dut leh rih a.
Thanpuia chuan thlir liam har a ti hle mai, an lusei pui te pawih ralin an that ṭeuh dawn chu a ni phawt mai! Amah erawh chu an Lal Ṭhalura lo tih dan khan zir miau hek lo le! An pasalṭha te thu hmu lova chet chhuah lah chu tih loh loh a ni si! A Silai chu a hum ve ngat ngat mai chu a ni. Chutih rualin zing tukṭhuan bar lai vela lamkal tlangval te kha chuan lusei pui khua te mah nise kang ral vek mahse pawi an ti der lo! An lal khan tuisik takngial pawh intir lovin a chhuah tir kha a ni si a. Nunau erawh chuan tuar nasa lo se an duh mai chauh zawk a ni. Chutah le, Aimawia chuan ring fe chuan,
" Ti r'u le ṭhiante u, i la chawl hahdam teh ang u, kei zawng ka zal leh tawh dawn a nia!" An ti a, thingbulah chuan an ṭhu mu nghal a.
Tlangval tam zawk pawh chu an rawn ṭhu mu leh fur tawh a, Bawkmual khaw tlangval leh pasalṭha Hrangkhuma chuan thlir reng chu harsa an ti takzet tawh a. An lal in khati kher kha chuan ṭawngkhum lo se, an khaw chhantur in thih ngam lu pu in an che chhuak tawh ngei ang le! Lalnu pawh chuan chutia an khaw alh eng pup mai chu rilru na fe chuan a thlir a, a pasal thiam loh a ni tih lah a hre kar mai si, chuvang tak chuan tlangval ho pawh tur ngam lo a ni reng si a. Rilru na fe chuan buk lam chu a pan ta ngawt mai a ni.
Pasalṭha zu khawn te pawh chu rui khawp chuan an in duh bik lo, Bawkmual lal chuan a phu tawk a hmu a ni an ti rilru ṭheuh va! Chutih rual chuan lusei fate chu khaw en ah chhanchhuah an tum ru hle thung a. Chhan theih pawh an inring hle, pawih ho hi an rawn kalna a thui tham a, khua ber an lak fel chuan an muangchang rih dawn tih an hre thiam a ni. Thanpuia te lah silai puak ri leh dur dur ṭhin karah mu thei bik suh an za zek zek mai chu a ni. Varṭian an nghahhlelh ṭum ber a ni hial awm e. A thal mu chu a siam belh sauh sauh mai a, a thal ngul te chu an kuai bial leh pawp mai ṭhin a, an meipui chhehna lah bukin a hual a a eng lah khawchhung lam aṭangin hmuh theih ni hek lo le!
........... ............. ..............
Khatia khual pasalṭha ten an dinhmun a hlauhthawn awm tih an rawn hrilh kha pawm duh miau hek lo le! Bawkmual Lal chuan khawnbawl upa te hmin in pawih ral nen inremna an siam tawh kha an sawi vung thar leh a, upa te lahin pawih ho an lo ṭan zawk vei tum hrang chu a nia. Nilengin kut an hmang a, an chai mup mup a. Lalpa, zupui ti lutuk vanga hnar sen hlar pawh a hawi vei lur lur a. A khua chu chuti maia inremna a siam pui tawh ten rawn runin a ring thei mawlh lo a ni. Chu lal chapo zet chu zanriah pawh bar mumal lovin a zupui in hnathawh avang chuan ṭhut muan ar khuan hma hma chuan a hnar burh burh tawh a. An ṭhanharh leh meuh chuan a khua chu a lo kang zo ṭep tawh chu a ni. A khaw tlangval huaisen zualin pawih ral chu an lo kap ve mek a, pawih ral lam lah chuan tar leh hmeichhia pawh thliar lovin an rawn vaihma hmiah hmiah mai chu a ni. Ṭawngka a sawi felna hman a awm tawh lova, sawi fel chi a ni tawh hek lo, a chapo luat a khaw mipui ten an tuar ta a ni. A ṭhan harh chiah khan a nupui fanau te pawh a hmu zo tawh lova, a mang vek a, a nghilh dup a luhka sangah chuan nikhaw hre lovin tumah bawihsawm tu pawh nei lovin a tlu bul mai chu a ni. Ngenmu leh hriamhrei hnuhma vanga tlu a ni lo, a rin loh lutuk thil thleng vanga buai zo ta a ni.
Pawih ral lahin enthlatu intirin tlai lam an chai lai tak khan khawchhung chu an lo thlir reng a, zan lamah chuan an mutui tlang dawn tih an hre kar mai si. Tin, chu khua lah chuan ralveng pawh an lo indah lo tih chu an hre leh zel a, an pasalṭha chuan zanlai an muttui laia ṭhawn thut chu a duh ta zawk a chutiang chuan an che ta a ni. Zawlbuk tlangval lah an lo mutui hlawm kher mai si, an harh meuh chuan khaw chhantu tur chu chhan ngaiin an awm ta zawk a ni.
Khawchhung pa hovin chutia an mahni rawn run ngawttu te chu lo chhang let ve in theihtawp chuan ṭan an lo khawh ve na a, lehlam in an tam hneh ngang mai si, an lo ṭang zo ta lo kha a ni. An khua leh inte chu meivapah a chang mek a ni si! An mahni chhan tuma khual val tam tak lokal te lah an lalin a lo hnar fithla ṭhak mai si kha a nia, khang thu te kha hre ve mahse an Lal berin a ṭhiante an nih thu leh an khua a him tur thu a sawi tlat mai kha a ni , an lo ring em em a chu chuan an hun tawn mekah a hruai lut ta.
Pawih ho chuan nula leh tlangval rual te an han ṭingmit ta thliah thliah a, pavalai lam te pawh chu an hmer tel zel a. Tar, naupang leh nu ho chu an that hmiah hmiah thung! Bawkmual in zahnih zeta inchhal khua, nimin lawka khaw ropui tak chu thawnthu mai a lo ni dawn ta.
Pawih ral rawn hruaitu pasalṭha Sangchem chu a rawng hle mai a, nula lam bak melh vak a nei lo hian a hriat a,a kalna lam a awm apiang naupang pawh sawi lovin a chem humlai chuan a sat ri no chawk chawk mai zel a ni. Lal mualah chuan an mi man zawng zawngte chu an khalh khawm ta vek a, khawvar a hnai ṭan ta. Heng pawih ho hian ṭhi leh dar pawh an thupui teh chiam lova, sal tam tak man an duhber niin a lang.
........... ........... ............
Kelkhum tlangah chuan Lusei fate tana penchhuak mek thingserh sat tlangval huaisen tawlhloh puan nen meuha rammua fehchhuak te chu an ding ta far mai le! Ral leh sa a zam ngai lo te chuan an silai te enfel vek tawh in pasalṭha te thu chiah an nghak ta! Pasalṭha Selzama chu rawn ding chhuakin,
" Aw le, tlangval huaisen te u, khu kan hma a khu Seifate rawn chimih tumtu te an awm ta! Kan lusei puite ngei sala man in kan farnu te an pawngsual a, an phu tawk kan hmuh tir a ngai ta. Bawkmual khua khuan an phu tawk an hmu tawh a, pawih ralin sala kan lusei puite ngei an hruai tur chu kan phal tur a ni lo, theih tawpin kan dang tlat tur a ni. Zam hun a ni lova, kan tam hneh tawh zawk a, tuman ngenmu a thlawnin sen hauh loh tur..... An hruaitu pasalṭha te erawh thu zawh fiah atan pahnih khat zuah hram kan tum chauh ang, Pasalṭha Tlangan a naute hmar lam aṭangin a rawn luhpui anga, Pasalṭha Chhunthangan a naute chhim lam aṭangin, pasalṭha Hrangkhuman tlaklam aṭangin a rawn luhpui bawk ang, keinin chhuah lamah kan lo ṭan khalh dawn nia, Pasalṭha Chhunthangan chang a tum ve leh kan silai kan hmet puak ang....Ni chhuah hma in Bawkmual khu kan lalet ngei tur a ni. Ti ru le, i kal ang u le.!" an ti ta a, a au ring hauh lo na in a fiah fai hle a, Bawkmual lam pan chuan an che chhuak ta. Pasalṭha dik tak chuan a lusei pui te sala an man thlir liam chu harsa a ti a, theihtawpa chhan tura fehchhuah chu a duh leh si!
A hma ni khan an khaw khan zawng zawng an lo chian vek tawh a, leilung a rawn lang titih tawh bawk nen an duk nghal zur zur mai chu a ni. Pasalṭha Selzaman ni chhuah hmain Bawkmual laklet tur a ti miau mai si a an hmanhmawh hle a ni. Tuibur hmuam da velah chuan an inrem fel ṭep tawh a ni, khua avar chiang chho ta. Thleng hmasa ho chu an inpeih hle tawh a, Pawih ho lah an lo inthlahdah tawh kher mai! Bawkmual khaw mite chu Lal mualah an lo khalhkhawm vek tawh a, A huptu tan pawh chet a nuam tawh kher ang chu le!
Pasalṭha Hrangkhuma chuan Pasalṭha Chhuna chu muang a ti tawh kher mai! An chengrang au tir tum ran chuan an inring hle tawh mai, chu mai a ni lo, an za zek zek tawh a ni. Thanpuia pawh a inring kher mai, Aimawia leh Pazawna te nen chuan an bitum ṭheuh hlah an tum lo hle a, a silai a kah ruah ve leh ah nghal a thalfang thlawh chhuah char char a tum a ni! A pa Selzama lah chuan i duh thalin che ang che a ti sap tawh vei nen....! Selzama hian hming chher tir a tum tlat a ni.
An inring hle tawh hlawm a, chutah chang han tum raih an hre chiah chu le an silai chu puak nghal zawt zawtin Lal mual kianga pawih ho chu " Eh....!" pawh ti hman lovin an thinglubul tluk ta thlawrh thlawrh mai le! Silai puak ri a reh ve leh hmun tin aṭang chuan tlangval ho chuan Lal mual chu hmanhmawh fe hian an chempui nen tlan chung chuan an pan ta nguah nguah mai! An tam hneh bawka an inrin loh lai tak an hup bawk nen pawih ral damchhuak an tlem hle, an pasalṭha Sangchem leh a naute panga vel lek an ni ta! Thanpuia chuan chak fe a tlan pah chuan a thalfang a thlawh chhuak hman hram a, chung pawih ho lah chuan silai a rawn kah let pawh an tum lo, an hamhaih viau ni in a lang! Pasalṭha Hrangkhuma leh a naute pawh an rawn thleng ve nghal a, chutah pasalṭha Chhuna chuan pawr chher chuai hian,
" Pawih mawngbal ho, in ralthuam kha lek hauh suh u, hmun tin ah hian hual beh vek in ni tawh..... in inpek nghal loh chuan pau tur in awm tawh hauh lovang!" An ti a.
Chutah an hotupa Sangchem chuan,
" Mi inring lo lai beih thut hi lusei thiam tawk ani maw!? A va pasalṭha zia love...Lusei hnam zingah hian mipa in awm na nge!?" Chempui lian fe keng chung leh a langsar laia rawn ding chhuak chung chuan a rawn ti pawr ve chhak mai a, a hmelah chuan zamna alang hauh lova, a thinrim hle a ni tih a hriat theih a a mitmeng pawh a sen ram mai le! A ṭhui hruaite pawh chuan an silai dahin an chemtum an hum ve ta far mai le!
Thanpuia chuan chu pawih pasalṭha pawr fe chu a milu lak chem phawrh pah chuan a pan ta chheu chheu mai! Chutah ring fe hian,
" I tum tawk Lusei pa chu awm tehreng e,khaw thim lai leh mi mutreh lai chuh a mi khaw beih thut hi a pawih pasalṭha te tih dan a lo ni maw!" tih pah chuan a pan hnai ta hriau hriau a. Tlangval rualte chuan chu tlangval chu an en ṭhap a, Bawkmual nula la damte lah chuan chu tlangval pian fuh tak, sakawl pian ṭha ang mai hmel ṭha em em chu thlir nin har an ti!
Pasalṭha Chhunthanga chuan chu mite pahnih inkhuai nuai lai chu a thlir chak hle tawh a, chutih laiin a naute an mitmei a pawih val rual chu an hual ru ve hriau hriau a. Tlangval rual ho chuan an thlir ta ṭhap mai le! Thanpuia chu a inring ve hle tawh a, chutih lai tak chuan le, a hmaah pasalṭha Hrangkhuma a rawn ding ta tlat mai, Thanpuia chu en lem lo chuan pawih pasalṭha Sangchem chu a melh ran a, zawi sap hian,
" Tlangval min hrethiam teh, mahni khaw chhan ngamlo riakah ka inngai mai dawn e, kan khaw tan kan ding ve hrim hrim ange aw!" Fiah fel zet chuan an ti a. Chutih lai tak chuan pasalṭha Selzama pawh rawn thleng hnai ve tawhin Thanpuia chu an melh a,
" Thana.... aw ti teh, han kian teh, an khaw tan a din a ngai e!" A rawn ti ve ta a. Thanpuia chu bu nghut chung chuan Lal mual sir lam Aimawia te awmna lam chu a pan ve ta thung a. Aimawia chuan lo mitmei in pawih val rualte chu an hnaih phei ta hret hret zawk a.
Sangchem chuan rum fe a Hrangkhuma melh pah chuan,
" Min hmachhawn inva chak hlawm ve...! Nang hi kan dah ṭha hmasa che ang a, a duh apiang chu ka hmachhawn zel dawn nia! " zam lo fe chuan an ti ve a.
Hrangkhuma thinkhei zawng tak a ni,
" Pawihte, i duh thalin han che teh le, chu chen aṭanga kan khua rawn run tura rawn thawkchhuak chu mawng lang kungin kan siam teh ang che...!" An ti ve leh ta ngat a. Tlangval rual tam fe chuan an thlir ta ṭhup mai le...
Hrangkhuma chu che hmasa ah an ṭang a, A milu lak chem chu sang fe an lek a, an vai ngheng mai a, Sangchem chu alo thle hman hram chu a ni. A vanduai nghal teuh kher mai! Chutah Sangchem chuan boruak ah a milu lak chem chu a thlawnin an vai ve vak mai le! A ṭumkhat nan an la inkhawih fu lo ta ve ve a, Sangchem rawn che ve thutin Hrangkhuma pum zawnah chuan rang fe chuan a milu lak chem chu an vai ve nghal zat mai chu Hrangkhuma pawh a ding ve chawt a, tlemin tawlh hnung hman lo se chu ril tla hnuangin a awm tawh ngei ang le, chutah le Hrangkhuma chuan sang fe a a chem lekin sah vak tum ang takin an awm a, a tum thlak thutin Sangchem ngal zawnah an vai phei mai chu..... chu zet zawng a thlawn ta hauh lo mai le! Sangchem chu a ṭe ṭhawt a, a ngal dinglam chu a bung ṭep chu a ni! Khawlai charah chuan a changel tluk dawp mai le! Mahse Sangchem chem vai pawh a thlawn chuang lo, Hrangkhuma awm pawh chu a kak phei raih mai le!
" Pawiha rawn tho teh le, i han zo fel law law teh ang! " ngaihno bei hauh lo chuan an ti a.
Sangchem chu an ṭhen chawk chawk a achem hawl deuh titih chuan a ding sawi ve lai lai a, " Lusei pa, i chet a va fuh ngai ve le!" A rawn ti ve chhar chhar mai, ala nui lui suk thei hial a ni.
Hrangkhuma chuan a milu lak chem chu rang fe hian an vai vir a, rang taka Sangchem pan hnaih pah chuan a nghawng chu a chhawk sak ta hmawk mai le!
" Pialralah ka rawng i bawl anga, tunah zawng no lo zetin lo han chawr ang che!" chang fe chuan an ti a, eng a tihna tak chu ni maw!
Hrangkhuma chuan pawih la dam ho chu an melh tur khai a, a pan leh lai tak chuan pasalṭha Selzama chuan,
" Pasalṭha lo chawl rih teh....!" an ti chang fak a!
Selzama chuan Thanpuia chu an melh a, Thanpuia chu rang takin a rawn che chhuak nghal a.
" Pa Zam, thu kan zawt fiah hmasa dawn nge!?" Tih pah chuan an melh a.
Selzama chu a bu nghut ringawt a, chutih lai chuan Pasalṭha Tlanga chuan,
" Eh.... kan lo che ve tawh ange, nangni zawng lo hahdam te u!" A rawn ti ve leh ta!
Pawih ho tan zawng a thla phan thlak ve hle ang chu... ! Rawn pan an tum ta ṭhuau ṭhuau mai le!
Tukṭhuan rel hun a ni chho ta, Kelkhum lama rawn tlan te pawh an rawn thleng thla ve leh tawh a, an chhuan em em an khua a chanve aia tam mah meivapah a chang ta si chu an lai a na in hrehawm an ti takzet a ni.An kangral vek lo chu an lawm ta zawk hial mai chu a ni. A chhan pawh buhkang tawh zawng a ei theih miau si loh, an hre ve kar mai si, khawdang pur an hreh ve em si a ni.
Pasalṭha Chhunthanga chuan Bawkmual Lal Ṭhalura chu an phuar ang ang chuan a rawn kai chhuak a, A meng khup lap mai le, a hmai a uang lo takzet a ni! A thinlung chu inchhirna in a khat a, tui baw hnu a ruh theih loh ang bawkin a ṭawng tawh a sut thei si lo a ni. Thil engkim kha rawn hmu ve vek mahse a ṭawngchhuak ngam hauh lova, ṭawngchhuak chi lah a ni hek lo! Nimin maiah an khaw puih tumin heng tlangvalte hi an rawn kal a, lo hnar in a khua aṭangin a um chhuak lo chauh a, chung tlangvalte lah chuan an rawn chhan leh lawi si chu mak ati a. A zak em em a, hawi pawh a hawi chhuak ngam lo hial a ni.
Pasalṭha Tlanga leh a naute chuan pawih la dam ho chu thu an zawt fiah ṭan ta a. An ner ta nung nung mai le, an rawn thawkchhuah dan an han hriat meuh chuan an chek tlak tlak mai le, chutah le nunau hmub loh turin dai lamah an liam pui ta rih a ni.
Bawkmual khaw ropui tak ni ṭhin chu thisen luanna hmunah a chang zo ta , khaw laiah chuan khaw mite ruang leh hmelma lam ruangte chu a tlim hmur thei hial a ni.Tlangval ho leh khaw mipui ladam chhun te, kelkhum aṭanga rawn chhuk te chu Lal mualah an tlim ta hmur mai a, chutah Selzama chu rawn ding chhuakin hetiang hian thu a rawn sawi zui ta a.
" Khaw mipui te u, ngun takin lo ngai thla lawk teh u le. In khua hi pawih ral hian an rawn run dawn tih hi kan hria a, chhun leh zan pawh sawi lovin Chawntui khua aṭangin kan rawn pan ta vang vang che u a ni. Ni liam ta zing khan kan rawn thleng a, in Lal, he lal tlak tlai lo zet hi kan rawn hrilh ngei a. Mahse engtin nge min chhan in hre duh em?Kan puihna a mamawh lova, pawih ral chu a ṭhiante an ni.... a ṭhiante thil tih dan chu hei in hmuh tak hi.....inkhaw mipui heti zat kan chhanhim ta lo kha pawi kan ti a, mahse a bul tumtu leh a mawh phurtu chu he in Lal ngei hi a ni. In Lal in kan puihna a mamawh tak lovah chuan han kalsan vang vang che u kha kan duh hle a, mahse kan tlangvalten an ngaingam ta ngang si lova, hetiang thil hi alo thleng ta chu a ni. In khaw hma hun tur chu kan rel pui thei lo che u a, mahse he Lal hi chu inkhaw awptu tur atan chuan kan duhpui tawh lo che u a ni.....
( chhunzawm tur)
( A va tawi ve....A ngaihnawm e... Ṭang sauh sauh teh....
Khi ti ringawt lo khian a thawnthu hi han comment teh u. Ni tin hnathawka chhuak ka ni a, ziahna hun ka nei tlem em em a ni. A tawi deuh pawhin lo hre thiam u la ka duh takzet a ni. Han sawisel teh u le...)
A ngaihnawm lutuk. A kara mihring nungchang in phum te a chhiar tu ho zawng2 in hmuh thiam tum a, insiam that ngai kan kih chuan insiam that nana hmang turin duhsakna ka hlan e
ReplyDelete