LUNGRENG NGÂW...S-2(1)
LUNGRENG NGAW...S-2.......1....
( PASALṬHA THANPUIA)
M.Lusei Palian
.......... .......... ..............
Selzama leh Zamkunga chuan an thlir dun reng a, chutah le...an piah hla fe aṭang chuan Silai a puak ta dur mai!
Thanpuia ding lai chu kham lamah chuan a liam zui ta.......!
......... ........... ...........
Selzama leh Zamkunga chuan Thanpuia eu zawk kham lama a tla lai chu an thlir liam ta ngawt mai chu a ni. An lai a va na ngai em! An nghing dun dawt thei hial a ni. Chutah rang fe chuan silai rikna lam chu an hawi rual nghal ṭhawt a, a hla tham deuh nen lo la khu chiai chiai chu an hmu na a, mihring an hmu tel ta hauh lo mai le. Uluk fe chuan an han thlir dun a, pasalṭha an ni bawk nen an hawina lam apiang chu an silai chuan a tin nghal zel chu a ni.Rei lote hnuah chuan lungkara thil che zeuh chu an hmu ta a, Zamkunga silai pawh a puak kal nghal raih mai, mahse a thil kah chu ava fuh chiah em tih a chian theih mai rih loh le! An han in mitmei nghal a, rang leh thawm dim em em chuan chengrang rawl lo chhuahna chu an pan dun ta ṭhem ṭhem a.
An rilru chuan ' hmelma an rawn hnai em ni?' tih chu an zawhna a ni ve ve a,mahrawh chu an sawi chhuak lo ve ve thung lawi a. A mak a ni, Varhva lui bul ram dai leh rehah chutia an tlangval rawn sai ngawttu chu hmelma a nih loh reng an ring si lo. An ni hi an thil tum hi fuh dawn in an hre ta tlat lo, an boruakin a zir ta rih lo em a ni. Rin aiin an kalna chu thawm dim a harsa hle lehnghal a,hmanhmawh ṭeuh chuan an awm a. Chutah silai rawn puahna hmun chu an thleng ta hlawl mai, fimkhur em em chuan chulai chu pasalṭha pahnih chuan an han chian ta nghal a. Mahse an sulhnu hmuh chu chhimchhak hawi zawngin a kal tih an hre ta! An inmelh a, an thaw dun hawk ringawt,a ngaihna reng an hre lo! Chutah Thanpuia an han ngaihtuah chhuak a, rang taka kir lehnghalin a tlakna lengkir lam chu an pan dun ta a. Thanpuia a thi emaw a dam emaw zuk chian phawt a chumi hnuah Silai rawn kaptu kha va chhui zui leh an tum a ni.
Hmanhmawh tak chuan Thanpuia tlakna lam chu an pan zel a, ṭawng zai pawh an rel thei meuh lo chu a ni. Zamkunga chuan Selzama chu a kal pel ta a, Thanpuia dinna lung chu a thleng ta ṭep mai! An ṭhian dun chuan an han inmelh leh ralh a, chutah lengkir lam chu an pan ta a. Zamkunga chu lengkir hmawrah ava ding a, a hawithlak chuan alo sang viah mai, Selzama melh pah chuan,
" E khai aw...U Selzam, a sang kher mai ka ti!Tlak palh chuan thihna ngei tur a ni, a mawng lam pawh khu zu han lang fiah thei lova...!" an ti a.
Selzama pawh chuan lengkir hmawr a rawn pan ve nghal zat a,
" A nih tak hi maw le, kan tlangvala chu aw...! Ngawi tak rawh, i phuba chu ka la mawlh ang!"an ti zui zat a.
Ni a tla lek lek tawh a ni, rei loteah ni chu a tla dawn tih a hriat reng mai,Lengkir helna tur chu an melh dun that that a, a chhak kawi hrui zamna aṭang chuan thui lo deuh a chhuk theih tih an hmu thuai a, chu lam chu an pan ta a.
Chutah Selzama chu a ding ta chat mai! Pasalṭha hian thil thleng tur hriat lawkna hi an nei ṭhin a, chu chu mi bik an nihna a ni ngei si! Zamkunga lamah chuan a hawi thuai a,
" Phen tur zawng rang rawh..!" A sawi zo chiah, an chhak mau tluk sarih awm vel aṭang chuan silai a rawn puak ta zawt zawt mai! Lungpui an phen dun nghal a, an lungpui phen ber chu an rawn kap khem ta sak sak mai! Silai rik dan aṭang chuan Mi sawm aia tam mah an ni. An ni lah pahnih chiah an ni tawh si, mahse zamna leh hlauhna an nei hauh lo!
........ ..........
Khatia Lung chunga tlangval pakhat per kai nalh a hmuh khan Pasalṭha Chhunthanga chuan a Silai chu la in a tin ta vang vang a, A kap thla ta nawlh kha a ni. Pasalṭha Chhunthanga hian Serzawl khua hi a haw em em a, an khaw mi leh sa phei chu a haw lehzual ni. A ṭhian leh a kaihhruai ber ṭhin Sangchina lo thattu te khua an ni, chu pawh an Lal duham vang lehnghal a ni an khaw ram chhungah an awm tawh tih hre rengin an inrin loh lai an zuk hup thut a. An tam hneh a, Sangchina pawh chu an that ta kha a ni. Khatiang taka dawihzep taka che duh khua kha chimih vek a duh a ni. A mi kah zuk chian a tum lai chuan a lamah chuan Silai a rawn ri ve ta tlat mai!!!
Chutah Pasalṭha Chhunthanga chuan mi eng emaw zat an nih a ring zui nghal mai a, an mahni zat chian hmasa lova Chengrang alo au tir mai chu tifuh a inti lo hle nghal mai reng a. Chutah rang taka insaseng a, a naute rual khat nena zuk finfiah vat zawk chu a duhthusam a ni ta a. Rang tak leh thawm nei lo chuan a insaseng ta a ni. An riahbuk sualna lam a pan zui nghal vang vang a, hmanhmawh taka thlena, khalaia lo ramvak te kha a naute nen va chimih vek chu a duh ta hle mai reng a ni. A hmanhmawh hle a, pasalṭha leh mahni inzo tak a lo ni bawk nen an riahbuk sualna chu a thleng har fa lua lo hle a ni.
Tlangval sawmruk chuang mah rammu a thawkchhuak an ni bawk a, buk pawh lian ṭha tak takin hmun thumah ngawt an sual mai reng a. Buk chhehvelah chuan Chawntui val rualte chu an in pel suau suau reng a ni. Pasalṭha Chhunthanga hi an hotu ber a ni na a, pasalṭha khual kai pha pahnih ngawt an tel ve thova, Chawntui tlangval ho chu pasalṭha pathum laiin an rawn ho ta a ni. An hotupa ber hmanhmawh taka buk rawn let chu an lo thlir ho mai a,tlangval pakhat chuan tui intur an lo pe vat a, an khiat ta khawlh khawlh mai a chutah rawn ṭawng chhuak thuaiin,
" Kan piah hla vak lovah sawn kan leido khua a mite an lo awm ve reng mai a, pahnih niin ka hria a, pakhat chu ka kap fuh in ka hria a.A la dam zawk chuan a ṭhianpa ruang a buaipui mek ang, tlangval sawm vel khan va chian pahin an lu va la ula, mahse va fimkhur hle ang che u, tin sulhnu inhriat theih nan chhawl ka rawn ṭhuai zel kha...." an ti ta lar lar a.
An zinga pasalṭha Chenhranga chuan mak alo ti hle mai! 'Ti nge a mah hian an lu chu a rawn lak nghal mai loh chu le?' tih chu a zawhna a ni, mahse a sawi chhuak lem hlei lova! A ngaih erawh a ṭha zan lo a ni. An mahni hi lo enthlatu an awm hial em maw ni zawk aw!
Tlangval ho chu an phur hle a, mi lu va lak mai chu an hna niin an hria a, chu pawh bel chhung sa ni tawh mai hian an hria a ni. Chutah Chhunthanga chuan ava kalna chu an kawhhmuh leh thuak a, tlangval sawm ṭha zet chu phur tak chuan an liam zui ta a.
Suakkunga tlangval huaisen tak chuan chung tlangval phur em em te chu a hova, a ni pawh chuan an ngaihtuah chiang a, thil awlsam tak ni se ti nge Pasalṭha Chhunthanga khan an lu chu a rawn lak mai loh chu le..? a ngaihtuah thleng pha ve ta tlat mai! A ding ta chat mai a, chutah a naute ho chu fimkhur turin thu a pe ta nghal a. Fimkhur takin Pasalṭha Chhunthanga sulhnu hnuhchhiah ah zel chuan an kal ta a. A sawina hmun pawh an hnaih ta hle mai!Fimkhur leh thawm nei lo thei ang ber chuan an kal kha a ni a, an thleng dawn hnai ta, chutah Suakkunga chuan an hma thui vak lova mi pahnih lung chunga per kai te ahmu nghal a. Tlangval ho chu inring tura hrilh nghalin a Silai chuan a tin zui ta nghal a. A tih dan ang chiah chuan tlangval ho pawh chuan Suakkunga silai tinna lamah chuan an tin ve ta far mai a. Chutah chung mi pahnih te chuan an mahni rawn hmu ang hrimin lungpui an phen nghal zat na a, an ni chuan an thal an lo thlah hman tawh si a.
........ ........... ..........
Selzama chuan Zamkunga chu an en a,
" Kan beisei aia hma in kan hmelma te hi an rawn thleng a nih hi....i nghak hret ang hmiang, chimih barh teh ang.." an ti zawm zat a.
" An silai thawmah kha chuan mi sawm vel an nih dawn kha....cheka chekah kan lu kan hloh lo chauh alawm maw le....lo hnai teh se, ka ṭhelh dawn hauh lo a nia...!" Zamkunga chuan an ti zui a.
An rilru erawh chuan Thanpuia zuk chian phawt kha an duh viau a, mahse an lo muang deuh nge ni, hmelma khan an rawn bawhchilh lehnghal mai si!
Chutah le, Zamkunga chuan hriat chhuah thut a nei a, a silai chu Selzama a pe a,
" U Selzam, an lo lawr chuan lo kap la, kan bukah khan Thana Silai kha a awm a,ka han la ange, min lo veng dawn nia, chutichuan kan chimih ṭhak dawn nia..!" an ti a. Chu chu ngaih dan ṭha tak a ni si a. Selzama chu a lo bu nghat a.
Thawm dim leh hmanhmawh ru tak chung si chuan Zamkunga chu buk lam pan chuan a bawkvak ta ṭhem ṭhem a, Selzama pawh Silai nena lo vengin hmelma awmna nia a hriat lam chu inring takin a lo thlek a, chutah mi pakhat rawn dak chhuak a hmu ta tlat mai! A silai chu a puak nghal ṭhuai a, a ni pasalṭha chuan a hlah hauh lo mai le! A hlawm nghal tawp a, chutah pakhat dang a rawn dak chhuak leh a, chu pawh chu alo kap lir leh nghal tawl mai bawk a. A ṭhu pil a, silai chu a sawh zui nghal mawlh mawlh mai.A piah deuh ah chuan tlangval pakhat a rawn ding chhuak leh a, chutah le Zamkunga awmna aṭang chuan alang chiang hle a, an kap thum dawt mai a, chu pawh chu a leng nawlh nghal mai reng a.
Suakkunga chuan mi pahnih mai an ni ina ring ta hauh lo, chutah a naute pathum lai an chan zui ta! Ngaih dan siam ṭhat a ngai tih a hre nghal a, a naute chu hmelma lan theih lohna laiah a hui khawm a, hual mai chu ṭha in a hre ta a. Chu pawh fimkhur taka hual a ngai dawn tih nen chuan a hrilh ta thlap a. Thawm dim tak chuan an che chhuak ta ṭham ṭham hlawm a.
Zamkunga pawh Selzama bul a thleng thla ve leh tawh a, an hmelma an mahni rawn bei tute thawm reh leh daih chuan an ngaih a ti ṭha lo hle tawh a, an rawn hual bet dawn tlatin an hria a. Chutah Selzama chuan,
" Zamkung,min hual an tum khanglang in ka hriat chu le, zam hauh lovin aw! Pialralah kan rawng min bawl saktu tur an tam dawn ta hle mai!" an ti a. Chutah ruahmanna siam dunin lo dan dantur an ngaihtuah ve ta tlat!
Ṭan hmun rem zawk an zawng dun nghal a, thawm an dim dun em em mai a, an thawm chu tlangval phur satliah chuan an hre hauh lovang le! Selzama leh Zamkunga silai chu a puak rual nghal ṭhawt a, Chawntui tlangval pahnih chu an leng zui nghal awr awr a, pialralah an thawn leh ta. An silai a puah rual chiah khan hmun khatah an awm dun nghal a, Selzama chuan Silai pakhat chuan tlangval rawn lawr chu an kap leh ta ṭhuai mai a, a tlukna aṭang chuan tho chhuak leh tur a awm tawh ngai lovang le! Zamkunga chuan silai a lo sawh ve leh mek a, an pahnih chuan an sawh dun ta nghal a. An inpeih leh hle tawh mai, chutah an sir lam aṭang chuan Tlangval pahnih an rawn lawr nghal a, an inhnaih chilh ta mah mah a ni. Silai chuan an rawn tin chawpchilh nghal mai si, an silai an lo sawh rei mah mah ani mahna! An in melh ralh a, chutah tlangval pakhat zawk chuan,
" U Suakkung, hei kan man ta e!" tiin an chhak lam chu a hawi ta a!
Chutah thing phen aṭang chuan tlangval pathum lai mai an rawn chhuk thla ta a!
Zamkunga chuan, " Eng vanga kan khawram chhunga rawn lut a, min rawn kap mai nge in nih!? " a han ti zui nghal a.
Selzama pawh chuan, " Kan ram chhungah rawn lutin min kap hmasa a, eng rilru nge maw in put le? Tu khua leh tui nge in nih!? " an ti chang khal mai a.
Silai tinreng mah ni se an zam lo dun hle mai! An mahni rawn hualtu tlangval ho chu an han melh kual a, Chempui, milu lak chem ngeia chinfel an duh dun hle mai!
Suakkunga rawn ṭawng chhuak ve nghalin, " Kan naute pialralah in thawn hnem hle mai maw! Lal sual leh thu tiam sut hmang Lalbula hrem tura rawn thawkchhuak kan ni! In lu kan la anga, in khua pawh kan hal bawk ang!" zam lo tak chuan an ti a.
Khawthim a hnai ta hle mai! Thim hlim sava te pawh an hram ṭan hial a, an buai pheleng khan an lo hre lo mai chauh a ni.
Selzama chuan, " Eng thutiam sut maw i sawia tlangval, kan Lal chuan thu tiam a sut awm kan va hre lo ve le! Han sawichiang deuh teh a!? " an ti a. Tlangval ho chuan an mi tin rengte pahnih zam miah lo chu mak an ti takzet a ni.
Suakkunga chuan, " Umnn..in lu kan la dawn thova, hriat chian induh a maw!? In hrechiang zawk lo'm ni? Kan pasalṭha Sangchina leh a hote in lalin phalna a pe a, chi an rawn teng a, chutah an inrin loh laiin inzuk bei leh si a ni lo'm ni!? Renga an silai kha han la rawh le...." an ti zui a, a hmelah chuan nuihsawh hmel a pu deuh a.
Zamkunga chuan, " I hiau le..h...phiangsen chuan le..h, Chawntui khua maw in nih a! In pasalṭha leh tlangval ho khan kan Lal an rawn dil hauh lo! Khatianga an rawn lut ngawt leh, kan chikhur min rawn ṭawm mai kha in dik lo hul hual zawk lo maw! Kan lal chuan in tlangval pali lai kha nungdamin a rawn chhuah zawk asin!" an ti ta a.
Chung tlangval te pawh chuan an thu hriat chu mak an ti hle mai! An ni hi thudik hre lo hian an lo rammu reng zawk em ni? An in melh kual ṭham ṭham a. An hotu deuh ber Suakkunga chuan a Silai chu an lek a...
Chutih lai tak chuan eng emaw hi a rawn ri fua mai a, Zamkunga te bula tlangval pakhat nghawng aṭang chuan thisen a chik nghal ṭhawt a, a rawn ri leh fua a, tlangval pahnih chu an hlawm tawp a, a ngaihna hre lo fe chuan an hawi kual nghal a, eng mah hmuh an nei lo! Thil che eih pawh an hmu ta hauh lo! Suakkunga chuan a naute pathum ngawt tlu der chu an en a, pakhat hnung zang a mi chu thalfang a ni tlat mai!
Chutia an buai lai chuan Zamkunga leh Selzama pawh chuan an silai an lo chuh hman der tawh a, Suaka leh a bula ding chu an lo tin dun ran tawh mai a.
Chutah an chhak aṭang chuan thawm a rawn awm ta a.....! Thawm a rawn dim ta vak lo. ....
Chutah le....Thanpuia chuan Thal rawn kau sa in a rawn chhuak ta zan zan mai, Zamkunga te bula tlangval pahnih chu a rawn tin ta ran mai a, mak em em chu thalfang pahnih a vuah tlat atin ni! Zamkunga leh Selzama chuan Thanpuia chu ka ho chuan an han en a, ni a mak em a ni! Thi tawh ngaihin an ngai si a! A ni lah a rawn nui sang mai si a.
Suaka chu an inher ngawt a, thalfang pahnih chu a kutah a bur ta chat mai le...
( Chhunzawm tur)
( PASALṬHA THANPUIA)
M.Lusei Palian
.......... .......... ..............
Selzama leh Zamkunga chuan an thlir dun reng a, chutah le...an piah hla fe aṭang chuan Silai a puak ta dur mai!
Thanpuia ding lai chu kham lamah chuan a liam zui ta.......!
......... ........... ...........
Selzama leh Zamkunga chuan Thanpuia eu zawk kham lama a tla lai chu an thlir liam ta ngawt mai chu a ni. An lai a va na ngai em! An nghing dun dawt thei hial a ni. Chutah rang fe chuan silai rikna lam chu an hawi rual nghal ṭhawt a, a hla tham deuh nen lo la khu chiai chiai chu an hmu na a, mihring an hmu tel ta hauh lo mai le. Uluk fe chuan an han thlir dun a, pasalṭha an ni bawk nen an hawina lam apiang chu an silai chuan a tin nghal zel chu a ni.Rei lote hnuah chuan lungkara thil che zeuh chu an hmu ta a, Zamkunga silai pawh a puak kal nghal raih mai, mahse a thil kah chu ava fuh chiah em tih a chian theih mai rih loh le! An han in mitmei nghal a, rang leh thawm dim em em chuan chengrang rawl lo chhuahna chu an pan dun ta ṭhem ṭhem a.
An rilru chuan ' hmelma an rawn hnai em ni?' tih chu an zawhna a ni ve ve a,mahrawh chu an sawi chhuak lo ve ve thung lawi a. A mak a ni, Varhva lui bul ram dai leh rehah chutia an tlangval rawn sai ngawttu chu hmelma a nih loh reng an ring si lo. An ni hi an thil tum hi fuh dawn in an hre ta tlat lo, an boruakin a zir ta rih lo em a ni. Rin aiin an kalna chu thawm dim a harsa hle lehnghal a,hmanhmawh ṭeuh chuan an awm a. Chutah silai rawn puahna hmun chu an thleng ta hlawl mai, fimkhur em em chuan chulai chu pasalṭha pahnih chuan an han chian ta nghal a. Mahse an sulhnu hmuh chu chhimchhak hawi zawngin a kal tih an hre ta! An inmelh a, an thaw dun hawk ringawt,a ngaihna reng an hre lo! Chutah Thanpuia an han ngaihtuah chhuak a, rang taka kir lehnghalin a tlakna lengkir lam chu an pan dun ta a. Thanpuia a thi emaw a dam emaw zuk chian phawt a chumi hnuah Silai rawn kaptu kha va chhui zui leh an tum a ni.
Hmanhmawh tak chuan Thanpuia tlakna lam chu an pan zel a, ṭawng zai pawh an rel thei meuh lo chu a ni. Zamkunga chuan Selzama chu a kal pel ta a, Thanpuia dinna lung chu a thleng ta ṭep mai! An ṭhian dun chuan an han inmelh leh ralh a, chutah lengkir lam chu an pan ta a. Zamkunga chu lengkir hmawrah ava ding a, a hawithlak chuan alo sang viah mai, Selzama melh pah chuan,
" E khai aw...U Selzam, a sang kher mai ka ti!Tlak palh chuan thihna ngei tur a ni, a mawng lam pawh khu zu han lang fiah thei lova...!" an ti a.
Selzama pawh chuan lengkir hmawr a rawn pan ve nghal zat a,
" A nih tak hi maw le, kan tlangvala chu aw...! Ngawi tak rawh, i phuba chu ka la mawlh ang!"an ti zui zat a.
Ni a tla lek lek tawh a ni, rei loteah ni chu a tla dawn tih a hriat reng mai,Lengkir helna tur chu an melh dun that that a, a chhak kawi hrui zamna aṭang chuan thui lo deuh a chhuk theih tih an hmu thuai a, chu lam chu an pan ta a.
Chutah Selzama chu a ding ta chat mai! Pasalṭha hian thil thleng tur hriat lawkna hi an nei ṭhin a, chu chu mi bik an nihna a ni ngei si! Zamkunga lamah chuan a hawi thuai a,
" Phen tur zawng rang rawh..!" A sawi zo chiah, an chhak mau tluk sarih awm vel aṭang chuan silai a rawn puak ta zawt zawt mai! Lungpui an phen dun nghal a, an lungpui phen ber chu an rawn kap khem ta sak sak mai! Silai rik dan aṭang chuan Mi sawm aia tam mah an ni. An ni lah pahnih chiah an ni tawh si, mahse zamna leh hlauhna an nei hauh lo!
........ ..........
Khatia Lung chunga tlangval pakhat per kai nalh a hmuh khan Pasalṭha Chhunthanga chuan a Silai chu la in a tin ta vang vang a, A kap thla ta nawlh kha a ni. Pasalṭha Chhunthanga hian Serzawl khua hi a haw em em a, an khaw mi leh sa phei chu a haw lehzual ni. A ṭhian leh a kaihhruai ber ṭhin Sangchina lo thattu te khua an ni, chu pawh an Lal duham vang lehnghal a ni an khaw ram chhungah an awm tawh tih hre rengin an inrin loh lai an zuk hup thut a. An tam hneh a, Sangchina pawh chu an that ta kha a ni. Khatiang taka dawihzep taka che duh khua kha chimih vek a duh a ni. A mi kah zuk chian a tum lai chuan a lamah chuan Silai a rawn ri ve ta tlat mai!!!
Chutah Pasalṭha Chhunthanga chuan mi eng emaw zat an nih a ring zui nghal mai a, an mahni zat chian hmasa lova Chengrang alo au tir mai chu tifuh a inti lo hle nghal mai reng a. Chutah rang taka insaseng a, a naute rual khat nena zuk finfiah vat zawk chu a duhthusam a ni ta a. Rang tak leh thawm nei lo chuan a insaseng ta a ni. An riahbuk sualna lam a pan zui nghal vang vang a, hmanhmawh taka thlena, khalaia lo ramvak te kha a naute nen va chimih vek chu a duh ta hle mai reng a ni. A hmanhmawh hle a, pasalṭha leh mahni inzo tak a lo ni bawk nen an riahbuk sualna chu a thleng har fa lua lo hle a ni.
Tlangval sawmruk chuang mah rammu a thawkchhuak an ni bawk a, buk pawh lian ṭha tak takin hmun thumah ngawt an sual mai reng a. Buk chhehvelah chuan Chawntui val rualte chu an in pel suau suau reng a ni. Pasalṭha Chhunthanga hi an hotu ber a ni na a, pasalṭha khual kai pha pahnih ngawt an tel ve thova, Chawntui tlangval ho chu pasalṭha pathum laiin an rawn ho ta a ni. An hotupa ber hmanhmawh taka buk rawn let chu an lo thlir ho mai a,tlangval pakhat chuan tui intur an lo pe vat a, an khiat ta khawlh khawlh mai a chutah rawn ṭawng chhuak thuaiin,
" Kan piah hla vak lovah sawn kan leido khua a mite an lo awm ve reng mai a, pahnih niin ka hria a, pakhat chu ka kap fuh in ka hria a.A la dam zawk chuan a ṭhianpa ruang a buaipui mek ang, tlangval sawm vel khan va chian pahin an lu va la ula, mahse va fimkhur hle ang che u, tin sulhnu inhriat theih nan chhawl ka rawn ṭhuai zel kha...." an ti ta lar lar a.
An zinga pasalṭha Chenhranga chuan mak alo ti hle mai! 'Ti nge a mah hian an lu chu a rawn lak nghal mai loh chu le?' tih chu a zawhna a ni, mahse a sawi chhuak lem hlei lova! A ngaih erawh a ṭha zan lo a ni. An mahni hi lo enthlatu an awm hial em maw ni zawk aw!
Tlangval ho chu an phur hle a, mi lu va lak mai chu an hna niin an hria a, chu pawh bel chhung sa ni tawh mai hian an hria a ni. Chutah Chhunthanga chuan ava kalna chu an kawhhmuh leh thuak a, tlangval sawm ṭha zet chu phur tak chuan an liam zui ta a.
Suakkunga tlangval huaisen tak chuan chung tlangval phur em em te chu a hova, a ni pawh chuan an ngaihtuah chiang a, thil awlsam tak ni se ti nge Pasalṭha Chhunthanga khan an lu chu a rawn lak mai loh chu le..? a ngaihtuah thleng pha ve ta tlat mai! A ding ta chat mai a, chutah a naute ho chu fimkhur turin thu a pe ta nghal a. Fimkhur takin Pasalṭha Chhunthanga sulhnu hnuhchhiah ah zel chuan an kal ta a. A sawina hmun pawh an hnaih ta hle mai!Fimkhur leh thawm nei lo thei ang ber chuan an kal kha a ni a, an thleng dawn hnai ta, chutah Suakkunga chuan an hma thui vak lova mi pahnih lung chunga per kai te ahmu nghal a. Tlangval ho chu inring tura hrilh nghalin a Silai chuan a tin zui ta nghal a. A tih dan ang chiah chuan tlangval ho pawh chuan Suakkunga silai tinna lamah chuan an tin ve ta far mai a. Chutah chung mi pahnih te chuan an mahni rawn hmu ang hrimin lungpui an phen nghal zat na a, an ni chuan an thal an lo thlah hman tawh si a.
........ ........... ..........
Selzama chuan Zamkunga chu an en a,
" Kan beisei aia hma in kan hmelma te hi an rawn thleng a nih hi....i nghak hret ang hmiang, chimih barh teh ang.." an ti zawm zat a.
" An silai thawmah kha chuan mi sawm vel an nih dawn kha....cheka chekah kan lu kan hloh lo chauh alawm maw le....lo hnai teh se, ka ṭhelh dawn hauh lo a nia...!" Zamkunga chuan an ti zui a.
An rilru erawh chuan Thanpuia zuk chian phawt kha an duh viau a, mahse an lo muang deuh nge ni, hmelma khan an rawn bawhchilh lehnghal mai si!
Chutah le, Zamkunga chuan hriat chhuah thut a nei a, a silai chu Selzama a pe a,
" U Selzam, an lo lawr chuan lo kap la, kan bukah khan Thana Silai kha a awm a,ka han la ange, min lo veng dawn nia, chutichuan kan chimih ṭhak dawn nia..!" an ti a. Chu chu ngaih dan ṭha tak a ni si a. Selzama chu a lo bu nghat a.
Thawm dim leh hmanhmawh ru tak chung si chuan Zamkunga chu buk lam pan chuan a bawkvak ta ṭhem ṭhem a, Selzama pawh Silai nena lo vengin hmelma awmna nia a hriat lam chu inring takin a lo thlek a, chutah mi pakhat rawn dak chhuak a hmu ta tlat mai! A silai chu a puak nghal ṭhuai a, a ni pasalṭha chuan a hlah hauh lo mai le! A hlawm nghal tawp a, chutah pakhat dang a rawn dak chhuak leh a, chu pawh chu alo kap lir leh nghal tawl mai bawk a. A ṭhu pil a, silai chu a sawh zui nghal mawlh mawlh mai.A piah deuh ah chuan tlangval pakhat a rawn ding chhuak leh a, chutah le Zamkunga awmna aṭang chuan alang chiang hle a, an kap thum dawt mai a, chu pawh chu a leng nawlh nghal mai reng a.
Suakkunga chuan mi pahnih mai an ni ina ring ta hauh lo, chutah a naute pathum lai an chan zui ta! Ngaih dan siam ṭhat a ngai tih a hre nghal a, a naute chu hmelma lan theih lohna laiah a hui khawm a, hual mai chu ṭha in a hre ta a. Chu pawh fimkhur taka hual a ngai dawn tih nen chuan a hrilh ta thlap a. Thawm dim tak chuan an che chhuak ta ṭham ṭham hlawm a.
Zamkunga pawh Selzama bul a thleng thla ve leh tawh a, an hmelma an mahni rawn bei tute thawm reh leh daih chuan an ngaih a ti ṭha lo hle tawh a, an rawn hual bet dawn tlatin an hria a. Chutah Selzama chuan,
" Zamkung,min hual an tum khanglang in ka hriat chu le, zam hauh lovin aw! Pialralah kan rawng min bawl saktu tur an tam dawn ta hle mai!" an ti a. Chutah ruahmanna siam dunin lo dan dantur an ngaihtuah ve ta tlat!
Ṭan hmun rem zawk an zawng dun nghal a, thawm an dim dun em em mai a, an thawm chu tlangval phur satliah chuan an hre hauh lovang le! Selzama leh Zamkunga silai chu a puak rual nghal ṭhawt a, Chawntui tlangval pahnih chu an leng zui nghal awr awr a, pialralah an thawn leh ta. An silai a puah rual chiah khan hmun khatah an awm dun nghal a, Selzama chuan Silai pakhat chuan tlangval rawn lawr chu an kap leh ta ṭhuai mai a, a tlukna aṭang chuan tho chhuak leh tur a awm tawh ngai lovang le! Zamkunga chuan silai a lo sawh ve leh mek a, an pahnih chuan an sawh dun ta nghal a. An inpeih leh hle tawh mai, chutah an sir lam aṭang chuan Tlangval pahnih an rawn lawr nghal a, an inhnaih chilh ta mah mah a ni. Silai chuan an rawn tin chawpchilh nghal mai si, an silai an lo sawh rei mah mah ani mahna! An in melh ralh a, chutah tlangval pakhat zawk chuan,
" U Suakkung, hei kan man ta e!" tiin an chhak lam chu a hawi ta a!
Chutah thing phen aṭang chuan tlangval pathum lai mai an rawn chhuk thla ta a!
Zamkunga chuan, " Eng vanga kan khawram chhunga rawn lut a, min rawn kap mai nge in nih!? " a han ti zui nghal a.
Selzama pawh chuan, " Kan ram chhungah rawn lutin min kap hmasa a, eng rilru nge maw in put le? Tu khua leh tui nge in nih!? " an ti chang khal mai a.
Silai tinreng mah ni se an zam lo dun hle mai! An mahni rawn hualtu tlangval ho chu an han melh kual a, Chempui, milu lak chem ngeia chinfel an duh dun hle mai!
Suakkunga rawn ṭawng chhuak ve nghalin, " Kan naute pialralah in thawn hnem hle mai maw! Lal sual leh thu tiam sut hmang Lalbula hrem tura rawn thawkchhuak kan ni! In lu kan la anga, in khua pawh kan hal bawk ang!" zam lo tak chuan an ti a.
Khawthim a hnai ta hle mai! Thim hlim sava te pawh an hram ṭan hial a, an buai pheleng khan an lo hre lo mai chauh a ni.
Selzama chuan, " Eng thutiam sut maw i sawia tlangval, kan Lal chuan thu tiam a sut awm kan va hre lo ve le! Han sawichiang deuh teh a!? " an ti a. Tlangval ho chuan an mi tin rengte pahnih zam miah lo chu mak an ti takzet a ni.
Suakkunga chuan, " Umnn..in lu kan la dawn thova, hriat chian induh a maw!? In hrechiang zawk lo'm ni? Kan pasalṭha Sangchina leh a hote in lalin phalna a pe a, chi an rawn teng a, chutah an inrin loh laiin inzuk bei leh si a ni lo'm ni!? Renga an silai kha han la rawh le...." an ti zui a, a hmelah chuan nuihsawh hmel a pu deuh a.
Zamkunga chuan, " I hiau le..h...phiangsen chuan le..h, Chawntui khua maw in nih a! In pasalṭha leh tlangval ho khan kan Lal an rawn dil hauh lo! Khatianga an rawn lut ngawt leh, kan chikhur min rawn ṭawm mai kha in dik lo hul hual zawk lo maw! Kan lal chuan in tlangval pali lai kha nungdamin a rawn chhuah zawk asin!" an ti ta a.
Chung tlangval te pawh chuan an thu hriat chu mak an ti hle mai! An ni hi thudik hre lo hian an lo rammu reng zawk em ni? An in melh kual ṭham ṭham a. An hotu deuh ber Suakkunga chuan a Silai chu an lek a...
Chutih lai tak chuan eng emaw hi a rawn ri fua mai a, Zamkunga te bula tlangval pakhat nghawng aṭang chuan thisen a chik nghal ṭhawt a, a rawn ri leh fua a, tlangval pahnih chu an hlawm tawp a, a ngaihna hre lo fe chuan an hawi kual nghal a, eng mah hmuh an nei lo! Thil che eih pawh an hmu ta hauh lo! Suakkunga chuan a naute pathum ngawt tlu der chu an en a, pakhat hnung zang a mi chu thalfang a ni tlat mai!
Chutia an buai lai chuan Zamkunga leh Selzama pawh chuan an silai an lo chuh hman der tawh a, Suaka leh a bula ding chu an lo tin dun ran tawh mai a.
Chutah an chhak aṭang chuan thawm a rawn awm ta a.....! Thawm a rawn dim ta vak lo. ....
Chutah le....Thanpuia chuan Thal rawn kau sa in a rawn chhuak ta zan zan mai, Zamkunga te bula tlangval pahnih chu a rawn tin ta ran mai a, mak em em chu thalfang pahnih a vuah tlat atin ni! Zamkunga leh Selzama chuan Thanpuia chu ka ho chuan an han en a, ni a mak em a ni! Thi tawh ngaihin an ngai si a! A ni lah a rawn nui sang mai si a.
Suaka chu an inher ngawt a, thalfang pahnih chu a kutah a bur ta chat mai le...
( Chhunzawm tur)
A ngaihnawm tluang zel e
ReplyDelete