LUNGRENG NGÂW ...S-3...(26)...
LUNGRENG NGÂW...S-3...26. ..
( PASALṬHA THANPUIA)
M.Lusei Palian
........ ......... ...........
Ngurṭhuama pawh Tawllawt pang par tlan haw lam ang mai in a inti ngeng vei lurh mai le, Saipuii chu han chawi lawp tum chuan a hnaih hriau hriau a, a naute ho lah thingkhawn phenah lo biru bo diam mai si! Saipuii a hnaih hriau hriau lai chuan Saithuama rawn tlanchhuakin suk a titlu a le, Ngurthuama luah a khawn ta ! A ri fawk mai le.... arsi a hmu hnai chiai ngei ang le! A " awiah!" ṭhawt mai, Saipuii lah a phu zawk a, chutia a hnung lam aṭanga thawm dim fea rawn pantu chu an melh a a luhsan ta daih mai! He Hriangmual lal fapa lakah hian fimkhur hle a ngai dawn a ni, a lian thur a, a tuai ngut mai si! Saipuii hian Ngurṭhuama rawn hnaih lai chu a hre hauh lo kha mak a inti viau mai, engtia rawn tih tum nge a nih ang tih chu a dawn ve reuh reuh mai!
Ngurṭhuama thung chuan a tum rawn titlawlhtu chu a haw hle mai, lal fapa ni lo ngat se chuan a phekphelen duh hial ang! Saipuii hriatah ber kher an awiah ṭhawt kha a ni a, a zak hle mai! Chu suk lah chu a lian vei fu si a, a chal chu a pawng ta,naupang pawnto ve tur lo khin ur ur lah thil tih chi va ni hawt lo chuan....a chal chu a tuai vut vut a, a zak hle. Thingkhawn phena biru te lah insum thei suh, Tlangchhuaka leh Thangluaia chu an nui dir char char ta mai, an lal fapa chuan nuih a tiza em a ni. Lal fanu a luh takah chuan nui hui chuan an rawn chhuak ta, Ngurṭhuama lah chuan achal alo la tuai vut vut a,chu suk chu an tung ṭha a, inchhung lamah chuan lawiluh an han dil a. Lalnu chuan a lo chhawn thuai a, khiangrah tla ang mai chuan an han tek lut ta a. Ngurṭhuama hmel han en in nuihzui na chi a ni lo, an insum ruh ṭung mai!
Lalnu chuan a lo chhawn ve thuai a, Saipuii lah chuan khum lam a pan san daih thung, he lal fapa hi a lawm lo a ni. Lalnu lah chuan a fanu lah chu a nawr lui duh der lo thung, Lalbula chuan kam ṭha in han kawm tlangnel tur chuan a fanu chu an ti ve bawk a, mahse a ni pawhin a nawr lui bik lo! Ngurṭhuama erawh beidawng mi a ni lo, a tum tawh tum bur a, a duh tawh chu neih ngei a tum ṭhin! Lalnu chuan, " Saii hei.....rawn ṭhu chhuak ve che....hawh awi u....lo ṭhu teh u! Han awiah thawm te kha ka hriat chu..." a ti a.
Rang fe hian Ngurṭhuama chuan, " Ni...insuk tun a tlu pek kha a ni, tumah na an awm lo ve!" awlsam fe chuan an ti a. Tlangval ho lah an lo thum hak a, mahse an thum rei lo!
Saipuii pawh rei lo deuh hnu chuan a rawn chhuak ve leh mai bawk a. Lal fanu hian han rimtu a nei zen zen lo va, han awm dan pawh chu a thiam meuh lo. Thanpuia leh a ṭhiante ang a ni lo va, an dip a na viau mai si! Lal leh upa ho lah chu an piahah chuan an thum leh hak ṭhin! Titi hrang hrang an han vawrh a, lal in mizia hre pha chin an ni ve bawk a, a awm tawk an hre ve hle mai, Thanpuia te an rawn lan ṭum a hunbi a kal chak ṭhin vei nen, Hriangmual khual ho an rawn chuankai hian hunbi hi a kal muang ṭhin em em lawi si! Saipuii chuan Ngurṭhuama mizia awm ang chu a dawn ru reuh reuhva, a nel loh zawng tak a ni tlat! Ngurṭhuama leh a naute pawh rei mawi tawk hnu chuan ṭin zai an rel ve ta! Ngaihtuahna thar hman an ngai takzet a ni.
Saipuii chu an inleng te an haw hnu chuan mut pahin a inngaihtuah a, Thanpuia te lo kir har a ti tawh hle mai! Thangkim nana kal a ni a, thangchhuah pa a ni thei angem! Thangchhhuah pa niin khua a rawn lut a ngem aw... Tunah te hian thangkim hlado han chham se a ti takzet a ni.
Thanpari upa tunu hmel ṭha pawhin inleng a ngah ṭhin hle a, Upa Phirtuala hian a tu hmuh hmasak a nih avangin an inlamah an kawl rawt mai a ni. Nula fel tak a ni a, upa in mah ni se inleng a nei zur zut mai a ni. A pu in a hrilhruk angin chhunlamah Thangchhuah puan a tah ṭhin a, a zo ṭep tawh a ni. Upa Phirtuala hian a tupa Thanpuia hian thang a chhuah ngei a ring tlat a, chumi hun atan chuan a inbuatsaih ru ve a ni. Thanpari pawh hian a nau Thanpuia hi a chhuang ve hle tawh a, a lal fanu in a ngaihsak ṭhin zia lah a hai lo! An lal fanu rawn heltu Hriangmual lal tlangval te chin pawh a lo bengkhawn ru ve hle a. A inlengte kam aṭang chuan Zawlbukah khual valte an phusa viau ṭhin tih a hria a, a nau leh a ṭhiante rawn haw tawh se a ti ve hle a ni.
...... .. ....... .......
Khamlairang lal inah chuan an ri le lu a, Lalphunga chuan, " Upa Phirtuala tupa kha lo phei teh se...Khawnge ka fanu Saimawii kha... lo chhuak teh un...!" awmze nei fe chuan a ti a. Thanpuia pawh lal leh upa te lamah chuan a phei ta a, a bulah chuan Khamlairang lal fanu chu a ding ve ta zan mai a. Khamlairang lal fanu chu an in chhung mah ni se a zak hle mai le, chutah Lalphunga chuan, " Saimawi, kan thangchhuahpa chu diar han khim tir tawh....E khai in va inhmeh em.! ...pasalṭha ka fanu hi hawn ta mai che...!" a tichhuak phawng mai! Saimawii lah a pa in chutiang ṭawngkam a hmang mai chu mak a ti a, a lawm a a zak em em bawk si!
Thanpuia chuan thangchhuah diar khim tir mektu Saithani chu a khur der der tih a hre thei a, a mitmeng vel lan danah chuan Zawlpuan a phah pui thei ngat ang le! Lal inchhunga mite chuan mit tla dawnin Thanpuia te chu an lo thlek a, an lal fanu chu an lo chhuang ve hle mai! Upa pakhat chuan,
"Eh..khaih...Saithanii pa, Kan tlang thanna an hawn daih mai zawngin...Khamlairang khua a har a nga sin!" a lo ti vei khuk a.
Lalphunga lah vaibel petin a nui huk a, a fiamthu satliah lo, he pasalṭha tan hi chuan afanu hi a phal zan mai le! Aimawia lah Hranghluni a lo inthiar pui leh hman pek a, an mitmei kha Pazawnan alo hmuchiang hle mai si! Pasalṭha Chhunthanga pawh chuan Thanpuia te lam a thlir a, a kiai ve suk a! Thanpuia lah Thangchhuah diar khimin a hawi ta lur mai le! Nula tam tak mitfukna ava ni dawn rua em!
Tlangaupa chuan zai an vawr a, tuium te an sawh a, an hlim hle mai, Pasalṭha Chhuna chuan Zawlbuk kai a hun tawh viauin a hria a, Lalphunga lah chu a phur phengin tlaivar a rawt hial ta mai le! Chutih lai chuan Lal in a hlimzai an han sa chu a hman hmanin zubel pu in an rawn chhim ve ta...! Rei lo teah an pung ta hluai a, an rawn belh zel a, lal inchhungah leng ta hek lo le, lal tualah meipui chhepin an ṭhu kual a, an zai ta! Aimawia leh Hranghluni pawh pawr phang hian an rawn let leh tawh a, Pazawna lah chuan an nek salh salh a. Khamlairang Lal fanu pawh chuan inthiar pui turin Thanpuia a sawm ve ta tlat mai le....! Pasalṭha Chhunthanga lah belpui bulah a ṭhu a, a chim sang ve tawh hle mai!
Chu zanah meuh chuan mu thei a ram an awm bar lo a ni e. Zing lamah lah Sepa chal zawk an han talh a, Khamlairang pathlawi leh val upa ho an buai hle a, vangpui hlimna an chen a ni ber! Pasalṭha Thanpuia chuan naupang tihtlak deuh hruaiin Sawia te inlam a pan ta a.Naupang chu a zui zela, tuikhur kawng ni awm hi an pan a, an thleng ve ta. Thanpuia chuan kaiṭen an rap a, lawiluh an dil a, chutah nu upa lam hian a lo chhang thuai a. Naupang chuan a kir san ta, inchhung lamah an lut a, Nu upa tawh tak chuan,
" A tu chu nge i nih le...Taia, lo lenglut teh...ka khaw hmuh hi a fiah ta lo deuh chu a ni...!?" an ti a, chu nu upa tawh lam chu a awr a puar lehnghal a.
" Ka pi Sawia hi a awm na nge! Thanpuia ka ni e, Serzawl lam khua ka ni e!" ṭhut hmun han rem pah chuan a ti a.
Sawia nu chuan chiang fe hian a rawn en ṭha leh a, " Pawih ral umtu pasalṭha huaisen, Serzawl mikawl upa Phirtuala tupa an tih kha maw..... nangmah hi maw.... !! " mak tih hmel fe chuan a ti a.
Thanpuia chhan leh hma chuan Sawia chu tuium nen a rawn lut ta a. Thanpuia a lo ṭhu reng a hmuh chuan a zah hmel hle mai, chu chu a lo hrethiam thuai a, Thanpuia chuan a lo be sawk sawk a. Sa kha an hawn hnem nen an rep tlem viau mai chu mak a ti a ni! Sawia nu lah chu a lo phul ve sek bawk a, rei vak lo a ṭhu a, Vunga te inlama leng leh tur chuan a chhuahsan ta. Sawia chuan Vunga te inthleng chuan a va hruai a, an hlim vei dar dar hle a. Chhunlama in hmu leh tur chuan tukṭhuan bar tur chuan an inṭhen ta rih a.
Mahni hna tlin em em chungturni pawh in a hmun rawn luahin a hna atlin leh hle tawh a. Khamlairang khua zawng an chai mup mup mai le! Aimawia leh Pazawna pawh an phusa ve hle mai! Lal fanu Saithani lah chuan an thangchhuahpa chu a intineitu viau ta mai le! Lalphunga lah chuan a hmu lo der mai mai niin a lang a, an kalsan hun chuan a thinlung a hnim raih ngei ang le! Hunbi ngai te te in a kal a, ropui taka hun an hman hnu in ni pawh an hmang liam ta! Zan hun an her leh zet zawng Aimawia duhthusam hun a thleng leh ta... Hranghluni lah a ta chei hmiah mai bawk a, a hawi khi sung reng tawh mai! Zan chhinchhiah tlak hun an hmang leh ta.
Leilung lan a nih meuh chuan pasalṭhate leh tlangvalte chu Khamlairang kawtchhuahah an ding far a, sazuk lu pakhat kha Khamlairang lalin mawi turin an hnutchhiah ta a ni. Chu zing thiang kak maiah chuan pasalṭhate chu han thlah liamtu an nei ve tlat mai! Pasalṭha Chhunthanga lah a kiai sung reng mai, engkim hretu Tuahan ala sawichhuak ngei ang a, an la phul hlut ang chu! Chung nulate tan chuan Khamlairang khua chu a reh ve huai ngei ang. Khamlairang lal lah chuan Se sa lah chu a hawn tir leh nual mai si, an la rit hle mai, mahni phur ṭheuh an ṭanin an inher liam ta!
Pazawna chu awmze nei fea zai lung lungin a hmasa berah a kal a, ngaih huat tur ni chiah lo, tum nei ran hian a zai mar reng chu Aimawia chuan a haw hle mai! Phur rit viau lo se chuan a um anga a keuh tawh ngei ang. Kawrte kamah chawlin tukṭhuan an han buatsaih ṭan a, zan lamah an che na deuh nge an zawi hmel hle mai! Tuaha leh Pazawna lah awmze nei fe fe hian an inbe lung lung mai a, pasalṭha te pawh chu an khi leh sung ṭhin! Khaw karkawngah zankhat an riak leh anga, Serzawl an thleng dawn a ni.
Tlai lamah chuan a hmaa an riahbuk hlui an va thleng ta! Zanriahte an han buatsaih leh ta zung zung a, Pazawna chuan Pasalṭha Thanpuia a en ang he haw a,
" Lal in kawmchar kha thosi an tam nen khan..engtia rei fe va awm thei nge maw in nih le!?" an ti chhuak phut mai chu...an vai nuih zo ta. Chutah Tuaha chuan,
" Eh...U Aimawia pawh...kha nula tlawntlai ṭha zet...Hrangpiangi...a khaih ...Hrangluti...a...ka hriat theih loh chu...!" a rawn tih lai chuan Aimawia chuan rang fe in hla phuah chawp ring takin a lo sa luah luah a. Pasalṭha Chhunthanga pawh a nui nasa hle mai!
Pazawna chuan pasalṭha Chhuna han melh pah chuan, " Kha...an Siamthangi pui kha...i delh hman nual a ni maw!?" an ti ve leh a. An thum ta ham ham mai le! Chutah fiamthu han thawh lehin chulai hmun chu pasalṭha te leh tlangval ho nui thawm chuan a khat ta! Zana buk tuala an thut lai chuan pasalṭha Thanpuia chuan Vunga ka aṭanga Sawia chanchin a hriat chu an sawi ta a.
" An ina ka va lenluh kha sa tlem azawng chauh an rep a, mak ka ti hle mai... Vunga kha a rukin an chanchin ka zawt ta a. Sawia khan Ruala an tih Silai kha a lo hman sak a, Ruala chu upa fapa a ni awm e. Tichuan, Silai manah sarep duhtawk an laksak ta a ni awm e, ka hriat tirh chuan ka lai a na hle a.Hmeithai fapa tiin an lo sit viau ṭhin a ni awm e. Hrilh mai che u kha ka duh rum rum a, mahse ka insum a Lal fanu kha hma lo laksak turin ka duh a ka kal fal pui thei ta kha a ni, Zawna lah chuan ka delh a lo ring em em chu niin...Sawia hnenah khan lo zin vat turin ka hrilh ta a, a lo zin a nih chuan a Silai tur lo ngaihtuah sak ila ka ti hle mai!" a ti ta daih mai, he pasalṭha hi an rinang a lo ni hauh lo chu niin....an ngawi ṭhap mai! Pasalṭha Chhuna chuan,
" Eh...i sawi tlai hle mai, a rawn zin a nih ngat chuan rawn tlang pui u la, Sial lah kan ngah....siam tlak a ni ngat mai! Pemah kan lo sawm lo a ni aw...! Tlangval kan neih tlem nen aw ..." a ti chhuak ve leh ta. An khawngaih tlang kher mai!
Titi hrang hrang an vawrh hnu chuan mut zai an rel ta! Pasalṭha te erawh chu muhil mai lovin an ṭhiante an lo nghak thung a. Zan lama mawina chhuah ho pawh an mawi leh tawh viau a ni.
Chhunzan zawma rawn kuantu Ngurṭhuama chu lal fanu chuan a ning hle tawh mai.... inchhung dung bak a pel duh bik hauh lo va, he lal fapa hi a ring lo takzet a ni.Ni suk chen a la thleng lo deuh tih ah chuan, Luhkasangah lal fanu chu a ding thlan dai a, Ngurṭhuama chuan a la zui ta cheu..... Chutah le...kawtchhuah lungdawh aṭang chuan hlado fan raih mai chu an hre ta......
"Mual liai e,Reng ngawpuiah khan e,
Valpa'n Tumpang ka chhaih awk e,
Zantiang e, ka man loh e,
Runah thang kip nan ka tlun e" silai puakin a zui ta... Saipuii chu a nghing lawih a, kha leh chen a lo thlir.....aw...kha rawl ngei kha ....
( chhunzawm tur)
( PASALṬHA THANPUIA)
M.Lusei Palian
........ ......... ...........
Ngurṭhuama pawh Tawllawt pang par tlan haw lam ang mai in a inti ngeng vei lurh mai le, Saipuii chu han chawi lawp tum chuan a hnaih hriau hriau a, a naute ho lah thingkhawn phenah lo biru bo diam mai si! Saipuii a hnaih hriau hriau lai chuan Saithuama rawn tlanchhuakin suk a titlu a le, Ngurthuama luah a khawn ta ! A ri fawk mai le.... arsi a hmu hnai chiai ngei ang le! A " awiah!" ṭhawt mai, Saipuii lah a phu zawk a, chutia a hnung lam aṭanga thawm dim fea rawn pantu chu an melh a a luhsan ta daih mai! He Hriangmual lal fapa lakah hian fimkhur hle a ngai dawn a ni, a lian thur a, a tuai ngut mai si! Saipuii hian Ngurṭhuama rawn hnaih lai chu a hre hauh lo kha mak a inti viau mai, engtia rawn tih tum nge a nih ang tih chu a dawn ve reuh reuh mai!
Ngurṭhuama thung chuan a tum rawn titlawlhtu chu a haw hle mai, lal fapa ni lo ngat se chuan a phekphelen duh hial ang! Saipuii hriatah ber kher an awiah ṭhawt kha a ni a, a zak hle mai! Chu suk lah chu a lian vei fu si a, a chal chu a pawng ta,naupang pawnto ve tur lo khin ur ur lah thil tih chi va ni hawt lo chuan....a chal chu a tuai vut vut a, a zak hle. Thingkhawn phena biru te lah insum thei suh, Tlangchhuaka leh Thangluaia chu an nui dir char char ta mai, an lal fapa chuan nuih a tiza em a ni. Lal fanu a luh takah chuan nui hui chuan an rawn chhuak ta, Ngurṭhuama lah chuan achal alo la tuai vut vut a,chu suk chu an tung ṭha a, inchhung lamah chuan lawiluh an han dil a. Lalnu chuan a lo chhawn thuai a, khiangrah tla ang mai chuan an han tek lut ta a. Ngurṭhuama hmel han en in nuihzui na chi a ni lo, an insum ruh ṭung mai!
Lalnu chuan a lo chhawn ve thuai a, Saipuii lah chuan khum lam a pan san daih thung, he lal fapa hi a lawm lo a ni. Lalnu lah chuan a fanu lah chu a nawr lui duh der lo thung, Lalbula chuan kam ṭha in han kawm tlangnel tur chuan a fanu chu an ti ve bawk a, mahse a ni pawhin a nawr lui bik lo! Ngurṭhuama erawh beidawng mi a ni lo, a tum tawh tum bur a, a duh tawh chu neih ngei a tum ṭhin! Lalnu chuan, " Saii hei.....rawn ṭhu chhuak ve che....hawh awi u....lo ṭhu teh u! Han awiah thawm te kha ka hriat chu..." a ti a.
Rang fe hian Ngurṭhuama chuan, " Ni...insuk tun a tlu pek kha a ni, tumah na an awm lo ve!" awlsam fe chuan an ti a. Tlangval ho lah an lo thum hak a, mahse an thum rei lo!
Saipuii pawh rei lo deuh hnu chuan a rawn chhuak ve leh mai bawk a. Lal fanu hian han rimtu a nei zen zen lo va, han awm dan pawh chu a thiam meuh lo. Thanpuia leh a ṭhiante ang a ni lo va, an dip a na viau mai si! Lal leh upa ho lah chu an piahah chuan an thum leh hak ṭhin! Titi hrang hrang an han vawrh a, lal in mizia hre pha chin an ni ve bawk a, a awm tawk an hre ve hle mai, Thanpuia te an rawn lan ṭum a hunbi a kal chak ṭhin vei nen, Hriangmual khual ho an rawn chuankai hian hunbi hi a kal muang ṭhin em em lawi si! Saipuii chuan Ngurṭhuama mizia awm ang chu a dawn ru reuh reuhva, a nel loh zawng tak a ni tlat! Ngurṭhuama leh a naute pawh rei mawi tawk hnu chuan ṭin zai an rel ve ta! Ngaihtuahna thar hman an ngai takzet a ni.
Saipuii chu an inleng te an haw hnu chuan mut pahin a inngaihtuah a, Thanpuia te lo kir har a ti tawh hle mai! Thangkim nana kal a ni a, thangchhuah pa a ni thei angem! Thangchhhuah pa niin khua a rawn lut a ngem aw... Tunah te hian thangkim hlado han chham se a ti takzet a ni.
Thanpari upa tunu hmel ṭha pawhin inleng a ngah ṭhin hle a, Upa Phirtuala hian a tu hmuh hmasak a nih avangin an inlamah an kawl rawt mai a ni. Nula fel tak a ni a, upa in mah ni se inleng a nei zur zut mai a ni. A pu in a hrilhruk angin chhunlamah Thangchhuah puan a tah ṭhin a, a zo ṭep tawh a ni. Upa Phirtuala hian a tupa Thanpuia hian thang a chhuah ngei a ring tlat a, chumi hun atan chuan a inbuatsaih ru ve a ni. Thanpari pawh hian a nau Thanpuia hi a chhuang ve hle tawh a, a lal fanu in a ngaihsak ṭhin zia lah a hai lo! An lal fanu rawn heltu Hriangmual lal tlangval te chin pawh a lo bengkhawn ru ve hle a. A inlengte kam aṭang chuan Zawlbukah khual valte an phusa viau ṭhin tih a hria a, a nau leh a ṭhiante rawn haw tawh se a ti ve hle a ni.
...... .. ....... .......
Khamlairang lal inah chuan an ri le lu a, Lalphunga chuan, " Upa Phirtuala tupa kha lo phei teh se...Khawnge ka fanu Saimawii kha... lo chhuak teh un...!" awmze nei fe chuan a ti a. Thanpuia pawh lal leh upa te lamah chuan a phei ta a, a bulah chuan Khamlairang lal fanu chu a ding ve ta zan mai a. Khamlairang lal fanu chu an in chhung mah ni se a zak hle mai le, chutah Lalphunga chuan, " Saimawi, kan thangchhuahpa chu diar han khim tir tawh....E khai in va inhmeh em.! ...pasalṭha ka fanu hi hawn ta mai che...!" a tichhuak phawng mai! Saimawii lah a pa in chutiang ṭawngkam a hmang mai chu mak a ti a, a lawm a a zak em em bawk si!
Thanpuia chuan thangchhuah diar khim tir mektu Saithani chu a khur der der tih a hre thei a, a mitmeng vel lan danah chuan Zawlpuan a phah pui thei ngat ang le! Lal inchhunga mite chuan mit tla dawnin Thanpuia te chu an lo thlek a, an lal fanu chu an lo chhuang ve hle mai! Upa pakhat chuan,
"Eh..khaih...Saithanii pa, Kan tlang thanna an hawn daih mai zawngin...Khamlairang khua a har a nga sin!" a lo ti vei khuk a.
Lalphunga lah vaibel petin a nui huk a, a fiamthu satliah lo, he pasalṭha tan hi chuan afanu hi a phal zan mai le! Aimawia lah Hranghluni a lo inthiar pui leh hman pek a, an mitmei kha Pazawnan alo hmuchiang hle mai si! Pasalṭha Chhunthanga pawh chuan Thanpuia te lam a thlir a, a kiai ve suk a! Thanpuia lah Thangchhuah diar khimin a hawi ta lur mai le! Nula tam tak mitfukna ava ni dawn rua em!
Tlangaupa chuan zai an vawr a, tuium te an sawh a, an hlim hle mai, Pasalṭha Chhuna chuan Zawlbuk kai a hun tawh viauin a hria a, Lalphunga lah chu a phur phengin tlaivar a rawt hial ta mai le! Chutih lai chuan Lal in a hlimzai an han sa chu a hman hmanin zubel pu in an rawn chhim ve ta...! Rei lo teah an pung ta hluai a, an rawn belh zel a, lal inchhungah leng ta hek lo le, lal tualah meipui chhepin an ṭhu kual a, an zai ta! Aimawia leh Hranghluni pawh pawr phang hian an rawn let leh tawh a, Pazawna lah chuan an nek salh salh a. Khamlairang Lal fanu pawh chuan inthiar pui turin Thanpuia a sawm ve ta tlat mai le....! Pasalṭha Chhunthanga lah belpui bulah a ṭhu a, a chim sang ve tawh hle mai!
Chu zanah meuh chuan mu thei a ram an awm bar lo a ni e. Zing lamah lah Sepa chal zawk an han talh a, Khamlairang pathlawi leh val upa ho an buai hle a, vangpui hlimna an chen a ni ber! Pasalṭha Thanpuia chuan naupang tihtlak deuh hruaiin Sawia te inlam a pan ta a.Naupang chu a zui zela, tuikhur kawng ni awm hi an pan a, an thleng ve ta. Thanpuia chuan kaiṭen an rap a, lawiluh an dil a, chutah nu upa lam hian a lo chhang thuai a. Naupang chuan a kir san ta, inchhung lamah an lut a, Nu upa tawh tak chuan,
" A tu chu nge i nih le...Taia, lo lenglut teh...ka khaw hmuh hi a fiah ta lo deuh chu a ni...!?" an ti a, chu nu upa tawh lam chu a awr a puar lehnghal a.
" Ka pi Sawia hi a awm na nge! Thanpuia ka ni e, Serzawl lam khua ka ni e!" ṭhut hmun han rem pah chuan a ti a.
Sawia nu chuan chiang fe hian a rawn en ṭha leh a, " Pawih ral umtu pasalṭha huaisen, Serzawl mikawl upa Phirtuala tupa an tih kha maw..... nangmah hi maw.... !! " mak tih hmel fe chuan a ti a.
Thanpuia chhan leh hma chuan Sawia chu tuium nen a rawn lut ta a. Thanpuia a lo ṭhu reng a hmuh chuan a zah hmel hle mai, chu chu a lo hrethiam thuai a, Thanpuia chuan a lo be sawk sawk a. Sa kha an hawn hnem nen an rep tlem viau mai chu mak a ti a ni! Sawia nu lah chu a lo phul ve sek bawk a, rei vak lo a ṭhu a, Vunga te inlama leng leh tur chuan a chhuahsan ta. Sawia chuan Vunga te inthleng chuan a va hruai a, an hlim vei dar dar hle a. Chhunlama in hmu leh tur chuan tukṭhuan bar tur chuan an inṭhen ta rih a.
Mahni hna tlin em em chungturni pawh in a hmun rawn luahin a hna atlin leh hle tawh a. Khamlairang khua zawng an chai mup mup mai le! Aimawia leh Pazawna pawh an phusa ve hle mai! Lal fanu Saithani lah chuan an thangchhuahpa chu a intineitu viau ta mai le! Lalphunga lah chuan a hmu lo der mai mai niin a lang a, an kalsan hun chuan a thinlung a hnim raih ngei ang le! Hunbi ngai te te in a kal a, ropui taka hun an hman hnu in ni pawh an hmang liam ta! Zan hun an her leh zet zawng Aimawia duhthusam hun a thleng leh ta... Hranghluni lah a ta chei hmiah mai bawk a, a hawi khi sung reng tawh mai! Zan chhinchhiah tlak hun an hmang leh ta.
Leilung lan a nih meuh chuan pasalṭhate leh tlangvalte chu Khamlairang kawtchhuahah an ding far a, sazuk lu pakhat kha Khamlairang lalin mawi turin an hnutchhiah ta a ni. Chu zing thiang kak maiah chuan pasalṭhate chu han thlah liamtu an nei ve tlat mai! Pasalṭha Chhunthanga lah a kiai sung reng mai, engkim hretu Tuahan ala sawichhuak ngei ang a, an la phul hlut ang chu! Chung nulate tan chuan Khamlairang khua chu a reh ve huai ngei ang. Khamlairang lal lah chuan Se sa lah chu a hawn tir leh nual mai si, an la rit hle mai, mahni phur ṭheuh an ṭanin an inher liam ta!
Pazawna chu awmze nei fea zai lung lungin a hmasa berah a kal a, ngaih huat tur ni chiah lo, tum nei ran hian a zai mar reng chu Aimawia chuan a haw hle mai! Phur rit viau lo se chuan a um anga a keuh tawh ngei ang. Kawrte kamah chawlin tukṭhuan an han buatsaih ṭan a, zan lamah an che na deuh nge an zawi hmel hle mai! Tuaha leh Pazawna lah awmze nei fe fe hian an inbe lung lung mai a, pasalṭha te pawh chu an khi leh sung ṭhin! Khaw karkawngah zankhat an riak leh anga, Serzawl an thleng dawn a ni.
Tlai lamah chuan a hmaa an riahbuk hlui an va thleng ta! Zanriahte an han buatsaih leh ta zung zung a, Pazawna chuan Pasalṭha Thanpuia a en ang he haw a,
" Lal in kawmchar kha thosi an tam nen khan..engtia rei fe va awm thei nge maw in nih le!?" an ti chhuak phut mai chu...an vai nuih zo ta. Chutah Tuaha chuan,
" Eh...U Aimawia pawh...kha nula tlawntlai ṭha zet...Hrangpiangi...a khaih ...Hrangluti...a...ka hriat theih loh chu...!" a rawn tih lai chuan Aimawia chuan rang fe in hla phuah chawp ring takin a lo sa luah luah a. Pasalṭha Chhunthanga pawh a nui nasa hle mai!
Pazawna chuan pasalṭha Chhuna han melh pah chuan, " Kha...an Siamthangi pui kha...i delh hman nual a ni maw!?" an ti ve leh a. An thum ta ham ham mai le! Chutah fiamthu han thawh lehin chulai hmun chu pasalṭha te leh tlangval ho nui thawm chuan a khat ta! Zana buk tuala an thut lai chuan pasalṭha Thanpuia chuan Vunga ka aṭanga Sawia chanchin a hriat chu an sawi ta a.
" An ina ka va lenluh kha sa tlem azawng chauh an rep a, mak ka ti hle mai... Vunga kha a rukin an chanchin ka zawt ta a. Sawia khan Ruala an tih Silai kha a lo hman sak a, Ruala chu upa fapa a ni awm e. Tichuan, Silai manah sarep duhtawk an laksak ta a ni awm e, ka hriat tirh chuan ka lai a na hle a.Hmeithai fapa tiin an lo sit viau ṭhin a ni awm e. Hrilh mai che u kha ka duh rum rum a, mahse ka insum a Lal fanu kha hma lo laksak turin ka duh a ka kal fal pui thei ta kha a ni, Zawna lah chuan ka delh a lo ring em em chu niin...Sawia hnenah khan lo zin vat turin ka hrilh ta a, a lo zin a nih chuan a Silai tur lo ngaihtuah sak ila ka ti hle mai!" a ti ta daih mai, he pasalṭha hi an rinang a lo ni hauh lo chu niin....an ngawi ṭhap mai! Pasalṭha Chhuna chuan,
" Eh...i sawi tlai hle mai, a rawn zin a nih ngat chuan rawn tlang pui u la, Sial lah kan ngah....siam tlak a ni ngat mai! Pemah kan lo sawm lo a ni aw...! Tlangval kan neih tlem nen aw ..." a ti chhuak ve leh ta. An khawngaih tlang kher mai!
Titi hrang hrang an vawrh hnu chuan mut zai an rel ta! Pasalṭha te erawh chu muhil mai lovin an ṭhiante an lo nghak thung a. Zan lama mawina chhuah ho pawh an mawi leh tawh viau a ni.
Chhunzan zawma rawn kuantu Ngurṭhuama chu lal fanu chuan a ning hle tawh mai.... inchhung dung bak a pel duh bik hauh lo va, he lal fapa hi a ring lo takzet a ni.Ni suk chen a la thleng lo deuh tih ah chuan, Luhkasangah lal fanu chu a ding thlan dai a, Ngurṭhuama chuan a la zui ta cheu..... Chutah le...kawtchhuah lungdawh aṭang chuan hlado fan raih mai chu an hre ta......
"Mual liai e,Reng ngawpuiah khan e,
Valpa'n Tumpang ka chhaih awk e,
Zantiang e, ka man loh e,
Runah thang kip nan ka tlun e" silai puakin a zui ta... Saipuii chu a nghing lawih a, kha leh chen a lo thlir.....aw...kha rawl ngei kha ....
( chhunzawm tur)
Awii, a van nuam ina van phur awm tak emmmm
ReplyDelete