LUNGRENG NGÂW S-2..(13)....
LUNGRENG NGÂW.....S-2.....13....
(PASALṬHA THANPUIA)
( M.Lusei Palian)
........... ........ .............
Thanpuia pawh chuan hmun ralṭi a ni tih a hria a, A pa Selzama an melh zawk a, a lu a lo bu nghut si a, Pasalṭha Chhuna lam chu a pan ta. Tlangval ho chuan Thanpuia chu an lo thlir ṭhap mai a! Hetih lai hian an hriat loh karin an bul vel thawm chu a lo reh deuh tawh a, an chik lova an hre lo mai mai a ni. Aimawia pawh chuan a zui ve nghal chu a ni mai, Pazawnan a rawn chhunzawm ve nghal zat a, an ṭhianpa hi hetiang hunah hian fimkhurpui a ngai takzet tih hi an hre kar a ni. Tlangval ṭhenkhat chuan an vaibel an pak khu talh talh hlawm tawh a, an han chawlh khawmuan deuh chuan an tih dan a ni ve reng a ni. Kal an han siam chhunzawm leh ta Aimawia leh Pazawna chuan Thanpuia hmu pha zel chuan an kal ta, an inring dun hle mai!
Pasalṭha Chhuna hian Thanpuian a lungmawi a ti bo tih a hria a, puih a tum a ni. Mahse Thanpuia ṭhiante hian an hlat duh hauh si lo, engmah phei chu a sawipui thei chuang lo! Hmalam chu an pan ta nguah nguah hlawm a, chutah an hma hruaitu pahnihte chu an ding dun ta chawt mai le! An hma lawkah chuan Rulpui lian fe hi mihring chen vela lo ding ur in a lo khap sen fuk fuk mai lehnghal, mak an ti dun hle mai! An hnunga rawn kalte pawh chuan an rawn hmu chhunzawm ve nghal zat in chu rulpui chu lian an ti ve hle mai! Hma hruaitu Pasalṭha pahnih te chu an han inmelh zawk a, chutah an chempui phawrh chhuakin hmalamah chuan an han zuang dun zawk a, an cherang dun ngang mai, an chem vai lai pawh chu hnung lam ho chuan hmu hman mang lo hial mai le! Mit khap kar lekah chuan rulpui piahah chuan an han ding chat a, chutah rulpui nghawng chu hmun hnihah a bung ta hmawk mai le! Chutah le....a meilam an inhlap tak tak mai chu an bul vela thing pawh a euh ṭhawt ṭhawt thei hial mai chu a ni. Tlangval ho awmna lamah a mei lam a awm lo hlauh chu an vannei phian ta zawk a ni. Rulpui nghawng an han chhawk chiah khan an bul velah chuan eng eng emaw hi an rak chuah chuah a, an ṭap rawih rawih hial mai! Chutah le.....thlipui a rawn thawk ta.... thingzar te chu a ri ta ṭhawt ṭhawt mai le. Pasalṭha Selzama a rawn ṭawng chhuak ta,
" Tlangval huaisen te u, zam hauh suh u, hetiang thawm mai mai chu eng a ni lo ve, Thana.....ti ru le...muang hman kan ni love...!" A sawi chu hriat pawh an hre ṭha hlawm lo!
Pasalṭha Tlanga pawh chuan chet sawn vat a ngai tih a hre mai reng a, zaizir chuan kal siam turin Pasalṭha Chhuna te chu an bia a.
Thanpuia bung huai te ngam loh chuan hma a hruai ve ta! He pangen ngaw chhunga huai zawng zawngte hi an inthurual ta vek emaw tih mai tur a ni. Pasalṭha Chhuna chuan zui zatin kal an han siam leh ta. Thli thaw nasa lutuk chuan thawk te lam lam a ti harsa a, pen pawh a sak ṭalh mai! Meichher lah a alh thei lo, aling vut ringawt mai chu a ni. Mahse rilru infuih tharin hmalam an pan ve ta zel a, lo fing khat vel an ka hnu chuan boruak a pangngai leh ta. An hma ah chuan tlangte, sang lo tak, mual pawng a ni mah zawk awm e, a awm ta! Muangchang lo chuan Thanpuia chu sat kaw chawp titih chuan a kal zel a, Pasalṭha Chhuna chuan a rawn umpha ve ta! Chu mual pawng lai an thlen chuan eng thawm mah hriat tur a awm ta hauh lo! A reh hian a reh tlawk tlawk mai chu a ni. A reh dan em em chu ngaihṭhahna chi a ni hauh lo mai, mahse chulai hmunah chuan Thanpuia chuan chawlh a rawt ta mauh mai a. An han chawl ta chu an thla a muan hmel loh kher mai le! Chutih rualin chawlh hahdam rih an mamawh takzet si a, an boruak tawn mawlh mai hi...lukawlh rawta dam lohna tham a tling tawh hrim hrim a ni.
Thanpuia hian a mumanga nula a hmuh ṭhin rim, Sanghal a kah dawna rimtui rawn nam kha a hnar hian a hre tlat a, chuvanga chawlh hahdam rawt ta kha a ni. Hlauhawm hnai hian a ring hauh rih lo a ni, chawlh nana chu hmun a thlang nalh thei chu pasalṭha te mak tih a tling takzet a ni.Paslṭhate hian hriatna ṭha zet an nei a, an hman thiam phawt chuan an himin an hlawhtling ṭhin. Heta ṭang ngat hi chuan Thanpuia hi pasalṭha hriatna ṭha tak nei a ni tih an hrethiam ta nghal chu a ni. Muangin an ṭhu ta rih a, vaibel te lakaiin an meichher te pawh chu an han thlak leh rih a. Tuibur hmuam da zet an ṭhut hahdam hnu chuan an kal leh ta a. Ngaw pui chu an paltlang ṭep tawh a, khua pawh a var har tawh hauh lovang le! Chu ngaw pui han luh meuh zawng pachan hi a ngai takzet zet a ni.
Thui vak lo an han kal leh hnu chuan boruak a hit ta var mai le! A vawt vin ta tuk mai chu a ni, chutah thawm awm mang hauh si lo hian leithil leh neltlangte chu a rawn thlawk ta fur fur mai le. Mahse an hma hruaitu Thanpuia chu din pawh a ding duh hauh lo, hre lo ang mai hian a kal hmiah hmiah mai chu a ni. Pasalṭha Chhuna chuan an melh zauh a, huaisen a ti in a chhuang takzet a ni. Tlangval dawih deuh zawng a lai an chuh far mai le! Zan nuam tak chu a ni hauh lo a ni.
Chu zanah chuan heng tlangvalte hi arsi te chuan an rawn bih dek dek ni mai hian alang reng a. Arsi te changin an bih lo, huai ho te leh lasi te chuan an bih far mai le! Heng Lusei val rualte hi an huaisen takzet a ni, huai ho te pawh in an tihlau zo meuh lo chu a ni, tin, lasi ho in an veng ve reng bawk si! Huai ho chuan Lasi te chu an haw ta kher mai, an thil tihtheihna chu lasi te hian an lo dang tlat si a ni. Ngaw chhung chu pel mai dawn hian an hria, a hma a he ngaw rawn lut ṭhin te chu an lo tihhlum loh pawhin duhtawkin an lo nghaisa a, mi pangngai ah an chhuak tawh ngai lo hial ṭhin kha a ni a, tunah zawng pakhat pawh khawih lovin an chhuah dawn ta a ni. Hma hruaituten an zir bawka an kal thei hle mai, khua pawhin var lam a pan hnai dawn ta a. Khaw chhungah awm se chuan khuan hmasa a khuang tawh ngei ang le! Mahse ngaw pui hnuaiah an la awm a, a la thim khup mai chu a ni,meichher lah chu an nei tlem tawh kher mai! Pasalṭha Chhuna pawh chuan a chhut sual emaw a ti hial tawh, khua a var har a ti ve takzet tawh a ni. An kianga thawm chuan a zui tawh lo na a, hling hmunah an lut palh tlat mai si, kal a sawt thei lo a ni. Tlangval pui pui pawh an " Eh..." leh ṭhawt mai ṭhin chu a ni.
Ngaw panna lai an han thlen chuan khua pawh alo var ṭep ta! An thawveng huai a, hmuam da velah chuan meichher ngai lovin an kal thei tawh ngei ang le! He pangen ngaw hi chhim chhak hawi zawnga inzar phei niin ramri luiah a invalh a, chu ramri lui piah lam ram chu Bawkmual ho invalhna ram chin a ni tawh a ni. Kawrte kam an han thlen chuan tuisik in in an han khawmuang leh rih a, chutah kal an han siam leh meuh chuan khua pawh a rawn eng ve ṭan ta. Chu ngaw pui a huaite chuan insehruh ṭun, thinrim em em in chung lusei tlangval te chu an thlir liam ta a ni.
.......... ........... ..........
Zing ni chhuak eng sen no nghulh chuan Bawkmual khua in zahnih nufa a inchhal chu a en zam raih a, an nghahhlelh hunpui hmang turin an inbuatsaih ṭan mek chu a ni. He khaw mipui te hian chap char kut an hmang dawn a ni. Heng mipuite hian Pawih ral an rawn lian tih chu hre tho mahse an Lalpa Ṭhalura hian a hlau tlat lo! Pawih ho chu a ṭhiante an ni si a. Tin, leido nei lo khua an ni a, pawih ho nena inrem ṭhin an ni kumkhua a chuvang chuan pawih ral an rawn lian tih hre mahse him an inring tlat a ni. A hma lamin an lo inbuatsaih nasa tawh bawk nen chu an kut pui hman tur an nghakhlel tlang hle tawh a ni. Zankhua a lo urlawk te pawh an awm tawh reng a, an demawm hauh lo ve. Mahse heng pawih ral ho hian an zuah a ngem aw...!
Pasalṭha Chhuna mi tirh tlangval pahnih pawh tukṭhuan bar hun ah meuh chuan Bawkmual kawtchhuah an thleng ta! Rei ding khaw muang lovin Khawchhung an lut ta, Lal in awmna niawm chu an rin hriat thei a an pan ding ta nal nal mai le! Bawkmual khua chu an rin ai takin a lo lian nghe nghe a.Chutah Lal Sumhmun aṭang chuan lawi luh an han dil te te a, Bawkmual Lal Ṭhalura te tukṭhuan ei lai tak a lo ni. Chutah muangchang chuan Lalnu chuan a lo chhawn ta a, inchhung a lut tur chuan a lo ti a, chutah Pasalṭha Chhuna mi tirh tlangvalte an hmuh chuan an lo mengphawk kher mai le! An tuiliak tualchhung tlangval an nih an rin tehreng nen hriat loh val an lo ni tlat si! Chutah Bawkmual Lal Ṭhalura chuan chung tlangval te chu an en he haw a,
" Zeng thil nge ni ta, pawihai a awm em ni? Tu khua te nge innih ?" thawh tharh pah chuan an ti a. An hawi vel leh a chetzia te chu chapo hle hian a hriat a.
Chutah tlangvalte chuan an kal chhan te,zankhua a pangen ngaw an rawn paltlang thu te leh pawih ral an rawn hnaih an rin tawhzia te chu an han sawi ta a. Lal lah chuan han ṭhu hahdam rawh u pawh a ti der bawk si lo, tuium hunna bulah chuan an ding ta reng mai chu a ni. Chutah Ṭhalura chuan vaibel ek han khawng thlak tlauh tlauh pah chuan,
" Ka pu damlai ata tawh khawdang puihna kan mamawh awm ka la hre hauh lova! Tin, pawih ral inti em ni? ( tlangval te chu an melh a) Kan ṭhiante an ni a, zeng pawi mah min khawihsak hauh lovang. A reng thuah pangen ngaw aṭanga rawn kal him piala rawn thlen thu va awm suh....A nih in a ni lo!Tlangval te u, in puihna chu kan mamawh awm kan hre lo a ni e...! In duh chuan min kalsan thei tawh ang....! " tlangval lam pawh en lo chuan a ti ta a.
Chung tlangval pahnihte chu an hawihai hle mai, Bawkmual Lal in alo tih dan chu mak an ti hle a ni. Rei pawh ding khawmuang lovin an chhuak leh ta nghal a, Lal in an pan lai khan khawtual mi khan an lo hmu nual si kha a ni a, Lal tualah chuan an lo ding khawm vei rawl nen....chung tlangval dingkhawm te lah chuan hmelma melh tak hian an lo melh zui leh ta nghal chu a nia. Lamkal tlangvalte chu an lai a na ngang mai! An pasalṭha te thin a na ngawt ngei ang le! Hmanhmawh zet chuan an ṭhiante fin tur chuan an kal liam ta a!
Hmun rem nuam laiah chuan Pasalṭha Selzama te ho chu an lo thu far mai a, an lamkal tirhte an lo ngaichang a ni. Hla fe a an rawn kal chu an hmu ta mai reng a, eng chanchin tak rawn thlen ang maw tih chu a ruk a an rilru a awm ber chu a ni. Chutah rawn kal hnai zel in an rawn thleng ta, tlangval pahnihte chuan an thu han thlen dan leh Lal in a lo chhan dan an han sawi zet chu le, an lai ava ngai em! An lusei pui te chhan tumin zan pawh sawi lovin an thawkchhuak kha a ni si a. An thinrim lutuk chu an thum hak mai reng a ni.
Pasalṭha Selzama chuan Vanphai pasalṭha Tlanga chu an melh a,
" Ti teh i han chian ve leh ngat teh ang, hei chen kan kal ta sa sa, Chhuna lo hahdam u la. Che chhuak thut thei turin lo inring ang che u!" A ti chang khal mai!
Pasalṭha Tlanga pawh rang fe chuan a rawn ding chhuak a, Selzama nen chuan an kal zai an rel chu a ni nghal mai a. Thanpuia chuan alo thlir liam vang vang ringawt mai! Han kalve chu a duh viau na a, lo inrawlh ve chu ni chiahin a hre si lo. Tlangval rual ho chuan Bawkmual Lal chapo zia chu an sawi sap sap a, a ṭhen chuan pawih ral run tura hnutchhiah chu an duh hial mai reng a ni. An tan chuan han thinrim loh zia a ni lo bawk atin ni! An ṭhut hmunah chuan an insawh an insawh mai a ni.
Pasalṭha Selzama te chuan Bawkmual Lungdawh an thleng ta, chutah an lam pana tlangval sawm vel rawn kal chu an hmu zui a, an hma hruaitu chu pasalṭha tak a ni tih a hriat mai a, Tlanga chuan chu pasaṭha chu a hre tawh ngat mai le.... An rawn hnaih ta kher mai!
( zanin chu a tawi viau mai! Hun ka nei lo em a ni, min lo hrethiam hram teh u)
(PASALṬHA THANPUIA)
( M.Lusei Palian)
........... ........ .............
Thanpuia pawh chuan hmun ralṭi a ni tih a hria a, A pa Selzama an melh zawk a, a lu a lo bu nghut si a, Pasalṭha Chhuna lam chu a pan ta. Tlangval ho chuan Thanpuia chu an lo thlir ṭhap mai a! Hetih lai hian an hriat loh karin an bul vel thawm chu a lo reh deuh tawh a, an chik lova an hre lo mai mai a ni. Aimawia pawh chuan a zui ve nghal chu a ni mai, Pazawnan a rawn chhunzawm ve nghal zat a, an ṭhianpa hi hetiang hunah hian fimkhurpui a ngai takzet tih hi an hre kar a ni. Tlangval ṭhenkhat chuan an vaibel an pak khu talh talh hlawm tawh a, an han chawlh khawmuan deuh chuan an tih dan a ni ve reng a ni. Kal an han siam chhunzawm leh ta Aimawia leh Pazawna chuan Thanpuia hmu pha zel chuan an kal ta, an inring dun hle mai!
Pasalṭha Chhuna hian Thanpuian a lungmawi a ti bo tih a hria a, puih a tum a ni. Mahse Thanpuia ṭhiante hian an hlat duh hauh si lo, engmah phei chu a sawipui thei chuang lo! Hmalam chu an pan ta nguah nguah hlawm a, chutah an hma hruaitu pahnihte chu an ding dun ta chawt mai le! An hma lawkah chuan Rulpui lian fe hi mihring chen vela lo ding ur in a lo khap sen fuk fuk mai lehnghal, mak an ti dun hle mai! An hnunga rawn kalte pawh chuan an rawn hmu chhunzawm ve nghal zat in chu rulpui chu lian an ti ve hle mai! Hma hruaitu Pasalṭha pahnih te chu an han inmelh zawk a, chutah an chempui phawrh chhuakin hmalamah chuan an han zuang dun zawk a, an cherang dun ngang mai, an chem vai lai pawh chu hnung lam ho chuan hmu hman mang lo hial mai le! Mit khap kar lekah chuan rulpui piahah chuan an han ding chat a, chutah rulpui nghawng chu hmun hnihah a bung ta hmawk mai le! Chutah le....a meilam an inhlap tak tak mai chu an bul vela thing pawh a euh ṭhawt ṭhawt thei hial mai chu a ni. Tlangval ho awmna lamah a mei lam a awm lo hlauh chu an vannei phian ta zawk a ni. Rulpui nghawng an han chhawk chiah khan an bul velah chuan eng eng emaw hi an rak chuah chuah a, an ṭap rawih rawih hial mai! Chutah le.....thlipui a rawn thawk ta.... thingzar te chu a ri ta ṭhawt ṭhawt mai le. Pasalṭha Selzama a rawn ṭawng chhuak ta,
" Tlangval huaisen te u, zam hauh suh u, hetiang thawm mai mai chu eng a ni lo ve, Thana.....ti ru le...muang hman kan ni love...!" A sawi chu hriat pawh an hre ṭha hlawm lo!
Pasalṭha Tlanga pawh chuan chet sawn vat a ngai tih a hre mai reng a, zaizir chuan kal siam turin Pasalṭha Chhuna te chu an bia a.
Thanpuia bung huai te ngam loh chuan hma a hruai ve ta! He pangen ngaw chhunga huai zawng zawngte hi an inthurual ta vek emaw tih mai tur a ni. Pasalṭha Chhuna chuan zui zatin kal an han siam leh ta. Thli thaw nasa lutuk chuan thawk te lam lam a ti harsa a, pen pawh a sak ṭalh mai! Meichher lah a alh thei lo, aling vut ringawt mai chu a ni. Mahse rilru infuih tharin hmalam an pan ve ta zel a, lo fing khat vel an ka hnu chuan boruak a pangngai leh ta. An hma ah chuan tlangte, sang lo tak, mual pawng a ni mah zawk awm e, a awm ta! Muangchang lo chuan Thanpuia chu sat kaw chawp titih chuan a kal zel a, Pasalṭha Chhuna chuan a rawn umpha ve ta! Chu mual pawng lai an thlen chuan eng thawm mah hriat tur a awm ta hauh lo! A reh hian a reh tlawk tlawk mai chu a ni. A reh dan em em chu ngaihṭhahna chi a ni hauh lo mai, mahse chulai hmunah chuan Thanpuia chuan chawlh a rawt ta mauh mai a. An han chawl ta chu an thla a muan hmel loh kher mai le! Chutih rualin chawlh hahdam rih an mamawh takzet si a, an boruak tawn mawlh mai hi...lukawlh rawta dam lohna tham a tling tawh hrim hrim a ni.
Thanpuia hian a mumanga nula a hmuh ṭhin rim, Sanghal a kah dawna rimtui rawn nam kha a hnar hian a hre tlat a, chuvanga chawlh hahdam rawt ta kha a ni. Hlauhawm hnai hian a ring hauh rih lo a ni, chawlh nana chu hmun a thlang nalh thei chu pasalṭha te mak tih a tling takzet a ni.Paslṭhate hian hriatna ṭha zet an nei a, an hman thiam phawt chuan an himin an hlawhtling ṭhin. Heta ṭang ngat hi chuan Thanpuia hi pasalṭha hriatna ṭha tak nei a ni tih an hrethiam ta nghal chu a ni. Muangin an ṭhu ta rih a, vaibel te lakaiin an meichher te pawh chu an han thlak leh rih a. Tuibur hmuam da zet an ṭhut hahdam hnu chuan an kal leh ta a. Ngaw pui chu an paltlang ṭep tawh a, khua pawh a var har tawh hauh lovang le! Chu ngaw pui han luh meuh zawng pachan hi a ngai takzet zet a ni.
Thui vak lo an han kal leh hnu chuan boruak a hit ta var mai le! A vawt vin ta tuk mai chu a ni, chutah thawm awm mang hauh si lo hian leithil leh neltlangte chu a rawn thlawk ta fur fur mai le. Mahse an hma hruaitu Thanpuia chu din pawh a ding duh hauh lo, hre lo ang mai hian a kal hmiah hmiah mai chu a ni. Pasalṭha Chhuna chuan an melh zauh a, huaisen a ti in a chhuang takzet a ni. Tlangval dawih deuh zawng a lai an chuh far mai le! Zan nuam tak chu a ni hauh lo a ni.
Chu zanah chuan heng tlangvalte hi arsi te chuan an rawn bih dek dek ni mai hian alang reng a. Arsi te changin an bih lo, huai ho te leh lasi te chuan an bih far mai le! Heng Lusei val rualte hi an huaisen takzet a ni, huai ho te pawh in an tihlau zo meuh lo chu a ni, tin, lasi ho in an veng ve reng bawk si! Huai ho chuan Lasi te chu an haw ta kher mai, an thil tihtheihna chu lasi te hian an lo dang tlat si a ni. Ngaw chhung chu pel mai dawn hian an hria, a hma a he ngaw rawn lut ṭhin te chu an lo tihhlum loh pawhin duhtawkin an lo nghaisa a, mi pangngai ah an chhuak tawh ngai lo hial ṭhin kha a ni a, tunah zawng pakhat pawh khawih lovin an chhuah dawn ta a ni. Hma hruaituten an zir bawka an kal thei hle mai, khua pawhin var lam a pan hnai dawn ta a. Khaw chhungah awm se chuan khuan hmasa a khuang tawh ngei ang le! Mahse ngaw pui hnuaiah an la awm a, a la thim khup mai chu a ni,meichher lah chu an nei tlem tawh kher mai! Pasalṭha Chhuna pawh chuan a chhut sual emaw a ti hial tawh, khua a var har a ti ve takzet tawh a ni. An kianga thawm chuan a zui tawh lo na a, hling hmunah an lut palh tlat mai si, kal a sawt thei lo a ni. Tlangval pui pui pawh an " Eh..." leh ṭhawt mai ṭhin chu a ni.
Ngaw panna lai an han thlen chuan khua pawh alo var ṭep ta! An thawveng huai a, hmuam da velah chuan meichher ngai lovin an kal thei tawh ngei ang le! He pangen ngaw hi chhim chhak hawi zawnga inzar phei niin ramri luiah a invalh a, chu ramri lui piah lam ram chu Bawkmual ho invalhna ram chin a ni tawh a ni. Kawrte kam an han thlen chuan tuisik in in an han khawmuang leh rih a, chutah kal an han siam leh meuh chuan khua pawh a rawn eng ve ṭan ta. Chu ngaw pui a huaite chuan insehruh ṭun, thinrim em em in chung lusei tlangval te chu an thlir liam ta a ni.
.......... ........... ..........
Zing ni chhuak eng sen no nghulh chuan Bawkmual khua in zahnih nufa a inchhal chu a en zam raih a, an nghahhlelh hunpui hmang turin an inbuatsaih ṭan mek chu a ni. He khaw mipui te hian chap char kut an hmang dawn a ni. Heng mipuite hian Pawih ral an rawn lian tih chu hre tho mahse an Lalpa Ṭhalura hian a hlau tlat lo! Pawih ho chu a ṭhiante an ni si a. Tin, leido nei lo khua an ni a, pawih ho nena inrem ṭhin an ni kumkhua a chuvang chuan pawih ral an rawn lian tih hre mahse him an inring tlat a ni. A hma lamin an lo inbuatsaih nasa tawh bawk nen chu an kut pui hman tur an nghakhlel tlang hle tawh a ni. Zankhua a lo urlawk te pawh an awm tawh reng a, an demawm hauh lo ve. Mahse heng pawih ral ho hian an zuah a ngem aw...!
Pasalṭha Chhuna mi tirh tlangval pahnih pawh tukṭhuan bar hun ah meuh chuan Bawkmual kawtchhuah an thleng ta! Rei ding khaw muang lovin Khawchhung an lut ta, Lal in awmna niawm chu an rin hriat thei a an pan ding ta nal nal mai le! Bawkmual khua chu an rin ai takin a lo lian nghe nghe a.Chutah Lal Sumhmun aṭang chuan lawi luh an han dil te te a, Bawkmual Lal Ṭhalura te tukṭhuan ei lai tak a lo ni. Chutah muangchang chuan Lalnu chuan a lo chhawn ta a, inchhung a lut tur chuan a lo ti a, chutah Pasalṭha Chhuna mi tirh tlangvalte an hmuh chuan an lo mengphawk kher mai le! An tuiliak tualchhung tlangval an nih an rin tehreng nen hriat loh val an lo ni tlat si! Chutah Bawkmual Lal Ṭhalura chuan chung tlangval te chu an en he haw a,
" Zeng thil nge ni ta, pawihai a awm em ni? Tu khua te nge innih ?" thawh tharh pah chuan an ti a. An hawi vel leh a chetzia te chu chapo hle hian a hriat a.
Chutah tlangvalte chuan an kal chhan te,zankhua a pangen ngaw an rawn paltlang thu te leh pawih ral an rawn hnaih an rin tawhzia te chu an han sawi ta a. Lal lah chuan han ṭhu hahdam rawh u pawh a ti der bawk si lo, tuium hunna bulah chuan an ding ta reng mai chu a ni. Chutah Ṭhalura chuan vaibel ek han khawng thlak tlauh tlauh pah chuan,
" Ka pu damlai ata tawh khawdang puihna kan mamawh awm ka la hre hauh lova! Tin, pawih ral inti em ni? ( tlangval te chu an melh a) Kan ṭhiante an ni a, zeng pawi mah min khawihsak hauh lovang. A reng thuah pangen ngaw aṭanga rawn kal him piala rawn thlen thu va awm suh....A nih in a ni lo!Tlangval te u, in puihna chu kan mamawh awm kan hre lo a ni e...! In duh chuan min kalsan thei tawh ang....! " tlangval lam pawh en lo chuan a ti ta a.
Chung tlangval pahnihte chu an hawihai hle mai, Bawkmual Lal in alo tih dan chu mak an ti hle a ni. Rei pawh ding khawmuang lovin an chhuak leh ta nghal a, Lal in an pan lai khan khawtual mi khan an lo hmu nual si kha a ni a, Lal tualah chuan an lo ding khawm vei rawl nen....chung tlangval dingkhawm te lah chuan hmelma melh tak hian an lo melh zui leh ta nghal chu a nia. Lamkal tlangvalte chu an lai a na ngang mai! An pasalṭha te thin a na ngawt ngei ang le! Hmanhmawh zet chuan an ṭhiante fin tur chuan an kal liam ta a!
Hmun rem nuam laiah chuan Pasalṭha Selzama te ho chu an lo thu far mai a, an lamkal tirhte an lo ngaichang a ni. Hla fe a an rawn kal chu an hmu ta mai reng a, eng chanchin tak rawn thlen ang maw tih chu a ruk a an rilru a awm ber chu a ni. Chutah rawn kal hnai zel in an rawn thleng ta, tlangval pahnihte chuan an thu han thlen dan leh Lal in a lo chhan dan an han sawi zet chu le, an lai ava ngai em! An lusei pui te chhan tumin zan pawh sawi lovin an thawkchhuak kha a ni si a. An thinrim lutuk chu an thum hak mai reng a ni.
Pasalṭha Selzama chuan Vanphai pasalṭha Tlanga chu an melh a,
" Ti teh i han chian ve leh ngat teh ang, hei chen kan kal ta sa sa, Chhuna lo hahdam u la. Che chhuak thut thei turin lo inring ang che u!" A ti chang khal mai!
Pasalṭha Tlanga pawh rang fe chuan a rawn ding chhuak a, Selzama nen chuan an kal zai an rel chu a ni nghal mai a. Thanpuia chuan alo thlir liam vang vang ringawt mai! Han kalve chu a duh viau na a, lo inrawlh ve chu ni chiahin a hre si lo. Tlangval rual ho chuan Bawkmual Lal chapo zia chu an sawi sap sap a, a ṭhen chuan pawih ral run tura hnutchhiah chu an duh hial mai reng a ni. An tan chuan han thinrim loh zia a ni lo bawk atin ni! An ṭhut hmunah chuan an insawh an insawh mai a ni.
Pasalṭha Selzama te chuan Bawkmual Lungdawh an thleng ta, chutah an lam pana tlangval sawm vel rawn kal chu an hmu zui a, an hma hruaitu chu pasalṭha tak a ni tih a hriat mai a, Tlanga chuan chu pasaṭha chu a hre tawh ngat mai le.... An rawn hnaih ta kher mai!
( zanin chu a tawi viau mai! Hun ka nei lo em a ni, min lo hrethiam hram teh u)
Tawi mahse, a ngaihnawm reng tho e
ReplyDelete