LUNGRENG NGAW...9....
LUNGRENG NGAW.....9....
( M.Lusei Palian)
........ ............ ..........
Thanpuia chu Sangchina chuan a nawr na phian a, an nawr leh ta tak tak a thingzungah inpal palh in hnung lamah a tlu ta tlat mai le...!
A tluk rual chiah chuan Thanpuia luzawn chu a ri fua mai a, a lo inbum hman hram hram zel chu a ni, vanneih a siamin a tlu lai chu Sangchina chuan a rawn bawh chhunzawm lo hlauh a, cheka chekah a thi lo chauh a ni.Serzawl val rual an lo thaw dep dep tawh a, chutih rualin Chawntui tlangval lam chu an tin leh ṭhap tawh a, an silai pawh an sawh leh hman tawh tlat a ni. Tlangval pali bak dam chhuak an awm tawh lova, chet an tum chuan ngenmu dawn nawlh a, tluk thum dawt chu an hmabak a ni mai!
A tlukna lamah chuan muzuk fei,a sah chhum tawh hmalam a chhar tel ta a, rang taka tho leh in Thanpuia chuan a tha tawpin Sangchina chu a nawr let ve ta thung a,a mit meng pawh a danglam ta daih a, an taksa chu a pem nual tawh mai! Sangchina pawh chuan he tlangval hi tawh khirh a ti hle a, an innawr a ni deuh ber a, an thiam pawh a inchen viau a ni.A lo hmutu tlangval rualte chuan hmuhnawm ti em em in an lo thlir a, Thanpuia chu an han thlir ṭhin a, chuti taka hmanraw chelek leh insual a thiam mai chu mak an ti a ni. Sangchina chuan tha tawp a chhuah tak meuh meuh a, Thanpuia lu sah chhum a tum apiang chuan ala hlawhchham zel si ani.Mak a ti hle a, chutah Thanpuia chuan muzuk fei bung chu thiam takin an hmang ta tak tak a le, Sangchina pawh a inveng seng ta lo, a awmah chuan fei bung chu a rawn lut thawih mai a,a tha alo hmang hnem tawh nen a chau lutuk chu a ṭhing ṭhi ta hnawk mai a. Sangchina chu a rawn hawi chhuak ta ṭawk ṭawk a, a thaw ri ta hrawp hrawp a,
" Vala, ka mi lulak chem hian ka lu chu la ang che,tin, i nei chhunzawm nghal dawn nia, pialral ka kai hma in i hming ka hre duh e..!" Khuh bawrh bawrh chuan a rawn ti chhuak ta a.
Thanpuia chuan pasalṭha Hualroa chu ava mitmei a,a ni chuan alu a lo bu nghut a. Chutah Thanpuia chuan a ke chuan Sangchina mi lu lak chem leia awm chu an thai phei a,
" Ka hming chu Thanpuia, Thanchhinga fapa ka ni e...!" a sawi zawh rual chuan rang taka mi lu lak chem chu la in Sangchina nghawngah chuan an sat ta ngheng mai a, Chawntui pasalṭha Sangchina a ruala mi pathum bei thei hiala an sawi chu a lu leh a taksa chu a hrang ta nawlh mai a. Chu thil chik zeta lo thlirtu te chuan Thanpuia chet ran zia chu mak an ti hial a.
Chutah Thanpuia chuan Chawntui tlangval lam chu an hawi leh a,
" Tharum a sawi fel duh inla awm em!" an ti leh a, tumah reng chu an ṭawng lo, che chang ngam an awm ta hauh lo, an ni tan chet ngamna chi a ni lo reng a ni.
A thisen lum an reh chuan Thanpuia chuan mi a that a, mi lu an la mai chu nuam a ti chiah lova, eng emaw hian ṭham er er hian a hre nghe nghe a. Mahse a thah mai loh chuan amah zawk chu a thi dawn si a ni. Mipa a nia, inbeihna mualah a ding a, chungnung zawk a ni a, mi lu a khai ta a. Pasalṭha huaisen leh ralhrat tak pawh hian vawikhatna hi hrehawm ti takin an lo kalpel a ni tih la hre hek lo le!
Chutih lai chuan Thangbawnga chuan pasalṭha Hualroa chu a lo ṭhut pui a, a ni hi a hniam hret hretin a hria a, Thanpuia te inbei lai chu an lo thlir ve reng a.Thangbawnga hian pasalṭha Hualroa chu in thlen pui vat a ngai tih a hrechiang hle a.Chutah Thangbawnga a rawn ṭawngchhuak ta a,
" Tlangvalte u, khang ho kha an hnung khirh rawh u le, ṭhenkhat khan an silai kha khawm bawk ula, " tih pah chuan pasalṭha Hualroa chu an melh a, a ni chu alo bu nghut a. Chutah tlangval ho chuan an tih tur an ti sang sang a, an hmelma lam pawh kawhmawh han bawl tum reng an awm lova.
Chutah Pasalṭha Hualroa chu a rawn ding chhuak a, ring lutuk lo chuan,
" Khang....kha laia mureng ho kha an lu la ula, an ruang kha chi khur hlat deuhah sawn va senghawi tawh u!" an ti a. A awm a ngenmu luhna chu a dawm reng a, a na thawkhat tih chu a hriat mai reng a ni. Hmun rem laiah chuan an ṭhu hahdam leh rih a. Serzawl val rualte chuan an pasalṭha ngenmu dawng chu an khawngaih kher mai a, a ti ngui rawih thei hial a. A hnehtu zawk ni mahse an lawm a kim thei lo!
Pasalṭha Hualroa thusawi chu tlangval ho rilrem zawng tak a ni.An phu leh nghal siau a, mi lu hawn ngei chu tlangval duhthusam a ni si a. Thanpuia pawh a ban veilam an en chu thisen hian a lo bual huh zui tawh mai a,na deuh viau mahse midangin a na em tia an zawh chuan " Na lo ve, chaw ei ti tui tham pawh a ni pha lo" nui sang chuan an ti a. Lamthanga chuan an chian sak a, Sangchina chuan alo hliam thuk hle chu niin! Hnim hnah pem leh hliama sawr chi/ hnawih chi an zawn sak vat a, an hnawih sak a a diar pawt thla in a tuam sak ta a.
An tih tur an tih zawh hnu chuan tlangval ho chuan Pasalṭha Hualroa thu an ngaichang ta far a, chutah Thangbawnga chuan tlangval ho hnenah chuan,
"Hlang han siam ula, U Hualroa hi a inhliam tlat mai a, kal kan sawt zawk a nge! Tin, Denga leh Phira khan khaw lam lo han pan u la, kan chanchin hi Lal hnenah in lo han thlen dawn nia!" an ti a.
Pasalṭha Hualroa chuan, " Naute u, a ngai lo ve....ka kal thei lutuk a nia!" an ti tak na a. Tlangval ho chu hlang tur buaipui in an vir nghal a, rei kal thei chi niin an hre lo a ni. An mi man chawntui tlangval te erawh an hnung khirh a,chung zinga a huai fal deuh chuan Serzawl tlangval che vel chu an melh zeuh ngam ṭawk a, an vaia an lu an laksak lo chu vannei an inti in an lawm tawk hle a ni.
Denga leh Phira pawh hmanhmawh takin meichher an siam a,hmanhmawh takin kal zai an rel ta a. Kawnga an titi ber chu Thanpuia chet ran zia leh chempui nena insual a thiam zia chu a ni. Tlangval chhuak awrh Zawlbuk a kaina pawh ala rei lo hle si a,Mak an ti hle a ni!
Pasalṭha Hualroa chuan bawihsawm ngaia a awm chu hrehawm a ti kher mai! Mahse a duhthu renga awm a ni bik si lo, tlangval hovin zawn an tum chuan a duh bau lo!
" Khua ka thleng thei lutuk ang!" tih chu a chhanna a ni.
Hma an hruai a, a kut veilamin a awm a dawm a, a pai leh khat ṭhin. Thangbawngan alo chelh hman hlauh zel a! An mi man te chu Lamthanga leh Thanpuia chuan an chhawm hnak hnak a. An silai man te chu an in ah sem hlawm a. Ṭhep zawl chu an chhuah san ṭan ta a. Tlangval ho chuan hlang chu a ruakin an la zawn reng thova. Kawi thum vel an kal chuan Pasalṭha Hualroa chu a ding a, a khuh ta bawrh bawrh a.....
Chutah Thangbawnga khabe sep thiam zetin ngunthluk fahranin an sawm leh ta a,
" U Hualro, i kal thei lo kan ti hauh lova, mahse hei kan miman te nen meuh khua kan thlen chuan thisen i hloh hnem dawn tlat! Tin, kan tlangvalte hian khaw thlenpui vat che a, Bawlpu in enkawl thuai che se la an duh em em a, a chhan pawh i kaihhruaina hnuaia rammut leh ramvah an chak em vang a ni. Tlangvalte hmai eng tal hi zah la, chuan kan kal sawt ang a, i dam hma na tur a ni si a!" an tih meuh zawngin Pasalṭha Hualroa chu an zawn thei ta mai reng a. Chuta chin chu an kal chak ta phian a. Tlangval thaza rual ngang an ni a, Pasalṭha Hualroa chu rit tih hmel loh tak chuan an kalpui vawk vawk a. Thangbawngan hma an hruai a, an mi man Chawntui tlangvalte chu alaiah an kal tir a, Thanpuia chuan hnu a dawl a thung a.
Denga leh Phira pawh hmanhmawh tak chuan khaw lam an pan zel a,an hmanhmawh bawk a,ramchin hria ni tin a an an chhir a ni bawk a an kal thei phian a. Khawvar hma chuan Kawtchhuah Lungdawh an thleng ta reng mai a.Thawk an han la a, khawchhung an pan ta a, tumah la tho reng an awm lo, khawvar a la hla deuh a ni. Lal in lam chu an pan ta zel a, kaiṭen an thleng ta.
Thangbawnga chuan tlangval ho chu a chawlh pui leh zauh zauh ṭhin a. Tui awmna hmunah chuan an han chawl a, Pasalṭha Hualroa chu tui tlem an intir a. A hliam tan ṭhat an rin loh avangin an in tam tir ngam lova, kamsahulh hnah an hmu a, silaimu luhna hmuam hma ah chuan an hnawih sak ta a. An mi man te pawh tui intir ve in an han ṭhut chawlh pui ve a, ṭawng chhuak ngam reng an awm lova. Chutah Thangbawnga chuan an mi mante chu an melh a,
" Engah kan Lal hrilh hmasa hawt lova kan chikhur min rawn ṭawm mai nge in nih?" an ti leh hnu hnawh a.
"Kan rawn kal dawn kha chuan kan Lal Lalvura khan in Lal rawn hmasa a, dil hmasa phawt tur chuan min chah ngei tak na a, mahse kan hotupa Sangchina khan a duh tlat lova....!" Tlangval pakhat chuan an ti chuai raih a. An Lal chuan a nun angem? tih chu a ruk a an inzawh fur chu a ni. Ngaih ngam lo fe chuan an thihna tur nia an rin lam chu an pan zel a ni si a, an phuarna te lah chu han tal chhuahna tur chi hi a ni si lo. Han tlan chhuam thei hlauh pawh ni se, an tan chuan kawng chin hriat loh nen thil huphurhawm tak chu ala ni!
" In nunna hi chu kan kut a ni tawh lova, kan Lal thu thu a ni tawh ang," Thangbawnga chuan an ti leh a.Chutih lai chuan an mi mante phuarna chu an han endik ṭha leh a, tlanchhuak palh an awm an hlau a ni. Reivak lo an han ṭhut leh hnu chuan kal zai an rel leh ta a. Mual nuam ram chu an lut ta a, khawvar pawh an hlat tawh vak lova, ngaw chhungah an lut leh ṭan ta. Thawm mak tak tak an awm ṭhin vei nen, dawih deuh tan chuan a nuam vak lovang le...! Tlangval ho chuan mi lu pasarih lai an ak hawng a, an tan chuan hnehna ropui tak a ni.
An mi mante chuan Thanpuia chu an melh leh zauh ṭhin a. Tlanchhuahna remchang pawh awm se Thanpuia hian a dim hauh lovang tih an ring a, an mahni rawn kaihruaitu a hneh mai thei kha mak an ti hle a ni, ani lah tlangval la naupan hmel tak a ni si a.An mahni rawn kaihruaitu Sangchina kha an lo chhuan ṭhin teh lul nen, mi lu vawi tam a la tawh a, Sapui vawi tam a that tawh ṭhin si a! Mahse Pasalṭha Chhunthanga a rawn che ve ngei ang le, tih chu an rilru a ni. Pasalṭha Chhunthanga meuh hi chu zan riak buhfai pawh pai lo hian rei fe fe ram lamah a thang bo thei ṭhin a. Mi leh sa ah a zam ngai lo, nupui lam leh hmeichhe lam pawh a ngaihsak ngai miah lo, chu Pasalṭha meuh chuan he tlangval hi a dim hauh lovang le!
Ngaw dur khup chhunga kal an ni a, an meichher pawn a en thui ṭhin lo hle a, an inchhuih leh khut khut ṭhin. Thawm mak pui pui leh inbe sur sur thawm chuan a hnaih chilh ve reng mai! Mahse chung thawm rawn chhuahtu te chu hmuh theih a ni hauh si lo! Tlangval ṭhenkhat phei chuan an mi lu ah te chu rawn che leh zauh zauh ṭhin hialin an hria a, an inmelh kual leh hrak hrak ṭhin! Thanpuia hmelah erawh zamna leh hlauhna a lang hauh lo, chung thawm mak tak tak awm reng karah pawh hnu dalah a ṭang zel thei chu a ni. Thangbawnga pawh chuan a chhuang hle nghe nghe a,'pasalṭha kan neih belh e' tih chu a rilru a awm ber chu a ni.
Thanpuia chuan thlifim lo thawh dan aṭang chuan khawvar a hla tawh hauh lo tih a hre ta a. An kalna kawng hian zir miau hek lo, an kal chak hleithei lo a ni. Mual nuam an chhuahsan hnu chuan Thangbawnga chuan chawlh an rawt leh a, an han chawl khawmuang leh ta a. Kawng zawh nuam tak a nih loh avangin Pasalṭha Hualroa hi a chau lutuk ang tih a hlau a ni. Vaibel te an han zu a, khawlam pawh a hla lutuk tawh lo a ni. Hetiang a an kal chuan tukṭhuan man hmanin an thlen theih an ring a ni. Khawvar a hnai a, arsi pawh khawvar lam arsi chiah hmuh tur a awm tawh a. Rei vak lo hnuah chuan kal zai an rel leh ta a.
Tuibur hmuam da vel an kal leh hnu chuan khua pawh a rawn var ṭan ta mai reng a. Khua an hnaih ta hle bawk a, chutah an lam pana tlangval rual thawm lo chhuak chu an hre zui nghal a. An mahni hmuak turin an lokal ta ngei tih an hria a, Serzawl val rualte an hlim hle mai! Rawlrala che leh rammu a chhuak an nih loh avang chuan an mahni lo dawnsawn dan turah Lal leh upate pawh an buai angreng hle a. Kawtchhuaha lo hmuah ni se tih chu an thu tlukna a ni.
Rei lote hnuah chuan Thangbawnga te ho chu an khaw tlangval rual chuan an rawn pawh ta a.An hlim nak nak hle mai, pasalṭha Hualroa zawntute chu an han chhawk nghal a, an chanchin an lo hre tawh bawk a, Thanpuia chu ngaihsan hmel takin an melh leh ṭhin. An mi mante chu an han piai liam liam a,an chhaih rei hma chuan Thangbawnga chuan a khap ta hlawm a. Chak zawka kal in khaw lam chu an pan ta a.
Kawtchhuah lungdawhah chuan Lalbula chu vakul chang tawnin a lo ding lur a, a bulah chuan khawnbawl upa te pawh awmin an pasalṭha te an lo hmuak hlawm a. Upa Phirtuala pawh a phur hle mai, Phira te ṭawngkam aṭangin Chawntui pasalṭha chu a tupa in alo tudawl a ni. Chu thu chuan khawvar rualin khua a thang chhuak nghal a, rammu leh rawlrala va che an nih chiah loh avang chuan kawtchhuahah an mahni hmuak turin Serzawl khaw mipui an tlim hmur tawh a, nula lam pawn arkeziak nen Lungdawh pan tumin an inring ve viau tawh a ni.
Thangbawnga chuan hma hruai chhunzawmin Lungdawh an thleng ta, Lal leh upa te an mahni lo hmuaktute a hmuh meuh chuan pasalṭha ral hrat mi tak niin a inhre hial mai reng a ni. Bawlpu pawh lo telve in Pasalṭha Hualroa chu an bawihsawm zui nghal char char a, chutah inlam a panpui ta zawk a. Tlangval ho chuan van lam hawiin an silai chu an han hmet puak ta dur dur mai a. Chumi ni Ni chhuak chu Serzawl khaw ho tan chuan hnehna ni a ni satliah lova, hmalam panna leh an khaw ram humhalh tura khaw mipuite inlungrualna ni a ni. Chutah Silai chu an puak ta tak tak a, an khaw tlangval chhuanawm te hmuak tur chuan zufang khuhhriang leh seki a dah nen arkeziak nen nula lam pawn kawtchhuah Lungdawh an pan ta sang sang mai! Nula te hian an lawmpa te arkeziak an lo ban ṭhin a ni.
Chutah ropui takin khua an lut ta a,Lal mual zawl chu an pan ta hlawm a, an hlim tlang takzet a ni. Chutih rualin Pasalṭha Hualroa te In lamah pasalṭha ho an kalkhawm nghal thuai a. Dam leh vat turin an duh a, eng nge tihsak theih kan neih tih chu an hriat duh a ni. Ṭhiante tana nun hlan ngam, khaw mipuite thlamuanna pasalṭhate hi zawng an hlu em asin! Lal duhsak anni thin pawh hi an phu hle a, sa leh ral lakah khaw muantu an ni si a.
Lal tualah an mi man te chu an han dah khawm a, tlangval ho chuan an veng ṭhap mai a, Lal inah chuan chung an mi mante chungchang chu an ngaihtuah a ni.An mi mante lah an lo hlauthawng kher mai, an thi ang nge an dam ang, nge mipuiin an chilhlum zawk dawn! An rilru chu a hah tlang hle a ni. Rei tawk fang hnuah chuan Lal leh upa te chu an lo chhuak ta a, an mi mante hnenah chuan,
" Ka duh chuan tihlum thei che u ka ni a, mahse induh reng vanga min rawn lo in ni lovin ka hria, in pasalṭha in a hruai luih vang che u a ni awm a, hei hi a dik em?" tiin an mi mante chu an zawt a.
Chutah an zinga upa deuh ber alang chuan, " Aw dik e, Lalpa" a rawn ti chhuak a.
" Umnn....ka nun ang che u, mahse hei hi in Lal Lalvura hnenah chuan in hrilh ngei tur a ni. Tun a chinah ka ram chhungah hian ka phalna la lovin eng thil mah tih ka phal lo a ni. Tin, hei in silai kan man hi Silai pakhat zel hi se sawm in in rawn tlan tur a ni ang. Tun aṭanga chhiara thla det vawi thumna thlenga in rawn tlan loh chuan in tlan duh lovah kan ngai anga, a mantu ho ka pe ang.. Tin, ka khaw lam hawia min rawn do tura in rawn pen leh a nih ngai chuan kan pasalṭha hoten an hmuhna hmun hmunah che u in thi nghal ang...!" an ti a.
Ba chhum lian leng lawng paruk vel leh chempui pakhat ipte pui pakhat ah an dah a, tlangval pakhat chu an ah tir a. Chutah tlangval ho chuan an mi mante an phuarna chu an zai chah sak a. An intuai vat vat a, rang takin ram lamah an tlan liam zui ta a.
Chu mi ni chuan Lal chuan an ral that te chu Dan pangngaiin a ai sak ta a. Tin, mipui pawh chuan leido khua an nei ṭan tih an hrethiam ta kher mai. Mi tin an fimkhur ṭan ta! Leido neih hi an duhreng vang a ni hauh lova, an hun tawn hian a keng tel si, zalen lo taka an awm a ngai ṭan ta a ni.
......... .......... ...........
Ni tam a liam leh ta a, Thanpuia te pafa pawn an lovah an zo ta bawk a, hun nuam tak an hmang chho dawn ta. Chap char awl lai hi hman lai nuna hun hlimawm tak a ni si a. An lo nghahhlelh leh an er em em Chapchar Kut a hnai ta sawt a ni. Pi pute khan kut pui pathum an nei a, Chapchar Kut, Pawl kut leh Mim kut te a ni, heng bak chi Mi neinung deuhte Khuangchawi a ni leh mai a.Kum dang ang lo takin mimir chuan zalen lo riau in an inhria a, a dik reng a ni. Tunah chuan leido khua nei an ni ta si a, kawng engkimah an fimkhur ṭan em em a ni.
Selzama te ṭhian ho chu vahsan lak zawha Khamlairang khaw bul Lungreng ngaw va dai dar an tum kha a ni a, mahse an boruak tawn chuan a zir rihlo em a ni. Mahse an thinlungah chuan a riak reng thung a, zan lama an inhmuhkhawm reng reng hian an sawi zui leh ṭhin. Engtikah emaw chuan va chuan ngei an tum ve ran tho a ni.
Chu zan thla eng chu a hnim raih mai a, Ar kai den zan chuan an khaw ti ralṭi tu chu Thanpuia te ṭhian dun chuan fiah ngei an tum a, tum dan pawh an nei sa thlap tawh a ni. Thanpuia chuan lenna tur hre hek lo le, Pazawna nen chuan zawlbukah putarte thusawi ngaithla in an titi ah an dak leh ta reng a, chutah putar pakhat chuan heti hian a pu hnen aṭanga a thu hriat an sawi ta a..
( M.Lusei Palian)
........ ............ ..........
Thanpuia chu Sangchina chuan a nawr na phian a, an nawr leh ta tak tak a thingzungah inpal palh in hnung lamah a tlu ta tlat mai le...!
A tluk rual chiah chuan Thanpuia luzawn chu a ri fua mai a, a lo inbum hman hram hram zel chu a ni, vanneih a siamin a tlu lai chu Sangchina chuan a rawn bawh chhunzawm lo hlauh a, cheka chekah a thi lo chauh a ni.Serzawl val rual an lo thaw dep dep tawh a, chutih rualin Chawntui tlangval lam chu an tin leh ṭhap tawh a, an silai pawh an sawh leh hman tawh tlat a ni. Tlangval pali bak dam chhuak an awm tawh lova, chet an tum chuan ngenmu dawn nawlh a, tluk thum dawt chu an hmabak a ni mai!
A tlukna lamah chuan muzuk fei,a sah chhum tawh hmalam a chhar tel ta a, rang taka tho leh in Thanpuia chuan a tha tawpin Sangchina chu a nawr let ve ta thung a,a mit meng pawh a danglam ta daih a, an taksa chu a pem nual tawh mai! Sangchina pawh chuan he tlangval hi tawh khirh a ti hle a, an innawr a ni deuh ber a, an thiam pawh a inchen viau a ni.A lo hmutu tlangval rualte chuan hmuhnawm ti em em in an lo thlir a, Thanpuia chu an han thlir ṭhin a, chuti taka hmanraw chelek leh insual a thiam mai chu mak an ti a ni. Sangchina chuan tha tawp a chhuah tak meuh meuh a, Thanpuia lu sah chhum a tum apiang chuan ala hlawhchham zel si ani.Mak a ti hle a, chutah Thanpuia chuan muzuk fei bung chu thiam takin an hmang ta tak tak a le, Sangchina pawh a inveng seng ta lo, a awmah chuan fei bung chu a rawn lut thawih mai a,a tha alo hmang hnem tawh nen a chau lutuk chu a ṭhing ṭhi ta hnawk mai a. Sangchina chu a rawn hawi chhuak ta ṭawk ṭawk a, a thaw ri ta hrawp hrawp a,
" Vala, ka mi lulak chem hian ka lu chu la ang che,tin, i nei chhunzawm nghal dawn nia, pialral ka kai hma in i hming ka hre duh e..!" Khuh bawrh bawrh chuan a rawn ti chhuak ta a.
Thanpuia chuan pasalṭha Hualroa chu ava mitmei a,a ni chuan alu a lo bu nghut a. Chutah Thanpuia chuan a ke chuan Sangchina mi lu lak chem leia awm chu an thai phei a,
" Ka hming chu Thanpuia, Thanchhinga fapa ka ni e...!" a sawi zawh rual chuan rang taka mi lu lak chem chu la in Sangchina nghawngah chuan an sat ta ngheng mai a, Chawntui pasalṭha Sangchina a ruala mi pathum bei thei hiala an sawi chu a lu leh a taksa chu a hrang ta nawlh mai a. Chu thil chik zeta lo thlirtu te chuan Thanpuia chet ran zia chu mak an ti hial a.
Chutah Thanpuia chuan Chawntui tlangval lam chu an hawi leh a,
" Tharum a sawi fel duh inla awm em!" an ti leh a, tumah reng chu an ṭawng lo, che chang ngam an awm ta hauh lo, an ni tan chet ngamna chi a ni lo reng a ni.
A thisen lum an reh chuan Thanpuia chuan mi a that a, mi lu an la mai chu nuam a ti chiah lova, eng emaw hian ṭham er er hian a hre nghe nghe a. Mahse a thah mai loh chuan amah zawk chu a thi dawn si a ni. Mipa a nia, inbeihna mualah a ding a, chungnung zawk a ni a, mi lu a khai ta a. Pasalṭha huaisen leh ralhrat tak pawh hian vawikhatna hi hrehawm ti takin an lo kalpel a ni tih la hre hek lo le!
Chutih lai chuan Thangbawnga chuan pasalṭha Hualroa chu a lo ṭhut pui a, a ni hi a hniam hret hretin a hria a, Thanpuia te inbei lai chu an lo thlir ve reng a.Thangbawnga hian pasalṭha Hualroa chu in thlen pui vat a ngai tih a hrechiang hle a.Chutah Thangbawnga a rawn ṭawngchhuak ta a,
" Tlangvalte u, khang ho kha an hnung khirh rawh u le, ṭhenkhat khan an silai kha khawm bawk ula, " tih pah chuan pasalṭha Hualroa chu an melh a, a ni chu alo bu nghut a. Chutah tlangval ho chuan an tih tur an ti sang sang a, an hmelma lam pawh kawhmawh han bawl tum reng an awm lova.
Chutah Pasalṭha Hualroa chu a rawn ding chhuak a, ring lutuk lo chuan,
" Khang....kha laia mureng ho kha an lu la ula, an ruang kha chi khur hlat deuhah sawn va senghawi tawh u!" an ti a. A awm a ngenmu luhna chu a dawm reng a, a na thawkhat tih chu a hriat mai reng a ni. Hmun rem laiah chuan an ṭhu hahdam leh rih a. Serzawl val rualte chuan an pasalṭha ngenmu dawng chu an khawngaih kher mai a, a ti ngui rawih thei hial a. A hnehtu zawk ni mahse an lawm a kim thei lo!
Pasalṭha Hualroa thusawi chu tlangval ho rilrem zawng tak a ni.An phu leh nghal siau a, mi lu hawn ngei chu tlangval duhthusam a ni si a. Thanpuia pawh a ban veilam an en chu thisen hian a lo bual huh zui tawh mai a,na deuh viau mahse midangin a na em tia an zawh chuan " Na lo ve, chaw ei ti tui tham pawh a ni pha lo" nui sang chuan an ti a. Lamthanga chuan an chian sak a, Sangchina chuan alo hliam thuk hle chu niin! Hnim hnah pem leh hliama sawr chi/ hnawih chi an zawn sak vat a, an hnawih sak a a diar pawt thla in a tuam sak ta a.
An tih tur an tih zawh hnu chuan tlangval ho chuan Pasalṭha Hualroa thu an ngaichang ta far a, chutah Thangbawnga chuan tlangval ho hnenah chuan,
"Hlang han siam ula, U Hualroa hi a inhliam tlat mai a, kal kan sawt zawk a nge! Tin, Denga leh Phira khan khaw lam lo han pan u la, kan chanchin hi Lal hnenah in lo han thlen dawn nia!" an ti a.
Pasalṭha Hualroa chuan, " Naute u, a ngai lo ve....ka kal thei lutuk a nia!" an ti tak na a. Tlangval ho chu hlang tur buaipui in an vir nghal a, rei kal thei chi niin an hre lo a ni. An mi man chawntui tlangval te erawh an hnung khirh a,chung zinga a huai fal deuh chuan Serzawl tlangval che vel chu an melh zeuh ngam ṭawk a, an vaia an lu an laksak lo chu vannei an inti in an lawm tawk hle a ni.
Denga leh Phira pawh hmanhmawh takin meichher an siam a,hmanhmawh takin kal zai an rel ta a. Kawnga an titi ber chu Thanpuia chet ran zia leh chempui nena insual a thiam zia chu a ni. Tlangval chhuak awrh Zawlbuk a kaina pawh ala rei lo hle si a,Mak an ti hle a ni!
Pasalṭha Hualroa chuan bawihsawm ngaia a awm chu hrehawm a ti kher mai! Mahse a duhthu renga awm a ni bik si lo, tlangval hovin zawn an tum chuan a duh bau lo!
" Khua ka thleng thei lutuk ang!" tih chu a chhanna a ni.
Hma an hruai a, a kut veilamin a awm a dawm a, a pai leh khat ṭhin. Thangbawngan alo chelh hman hlauh zel a! An mi man te chu Lamthanga leh Thanpuia chuan an chhawm hnak hnak a. An silai man te chu an in ah sem hlawm a. Ṭhep zawl chu an chhuah san ṭan ta a. Tlangval ho chuan hlang chu a ruakin an la zawn reng thova. Kawi thum vel an kal chuan Pasalṭha Hualroa chu a ding a, a khuh ta bawrh bawrh a.....
Chutah Thangbawnga khabe sep thiam zetin ngunthluk fahranin an sawm leh ta a,
" U Hualro, i kal thei lo kan ti hauh lova, mahse hei kan miman te nen meuh khua kan thlen chuan thisen i hloh hnem dawn tlat! Tin, kan tlangvalte hian khaw thlenpui vat che a, Bawlpu in enkawl thuai che se la an duh em em a, a chhan pawh i kaihhruaina hnuaia rammut leh ramvah an chak em vang a ni. Tlangvalte hmai eng tal hi zah la, chuan kan kal sawt ang a, i dam hma na tur a ni si a!" an tih meuh zawngin Pasalṭha Hualroa chu an zawn thei ta mai reng a. Chuta chin chu an kal chak ta phian a. Tlangval thaza rual ngang an ni a, Pasalṭha Hualroa chu rit tih hmel loh tak chuan an kalpui vawk vawk a. Thangbawngan hma an hruai a, an mi man Chawntui tlangvalte chu alaiah an kal tir a, Thanpuia chuan hnu a dawl a thung a.
Denga leh Phira pawh hmanhmawh tak chuan khaw lam an pan zel a,an hmanhmawh bawk a,ramchin hria ni tin a an an chhir a ni bawk a an kal thei phian a. Khawvar hma chuan Kawtchhuah Lungdawh an thleng ta reng mai a.Thawk an han la a, khawchhung an pan ta a, tumah la tho reng an awm lo, khawvar a la hla deuh a ni. Lal in lam chu an pan ta zel a, kaiṭen an thleng ta.
Thangbawnga chuan tlangval ho chu a chawlh pui leh zauh zauh ṭhin a. Tui awmna hmunah chuan an han chawl a, Pasalṭha Hualroa chu tui tlem an intir a. A hliam tan ṭhat an rin loh avangin an in tam tir ngam lova, kamsahulh hnah an hmu a, silaimu luhna hmuam hma ah chuan an hnawih sak ta a. An mi man te pawh tui intir ve in an han ṭhut chawlh pui ve a, ṭawng chhuak ngam reng an awm lova. Chutah Thangbawnga chuan an mi mante chu an melh a,
" Engah kan Lal hrilh hmasa hawt lova kan chikhur min rawn ṭawm mai nge in nih?" an ti leh hnu hnawh a.
"Kan rawn kal dawn kha chuan kan Lal Lalvura khan in Lal rawn hmasa a, dil hmasa phawt tur chuan min chah ngei tak na a, mahse kan hotupa Sangchina khan a duh tlat lova....!" Tlangval pakhat chuan an ti chuai raih a. An Lal chuan a nun angem? tih chu a ruk a an inzawh fur chu a ni. Ngaih ngam lo fe chuan an thihna tur nia an rin lam chu an pan zel a ni si a, an phuarna te lah chu han tal chhuahna tur chi hi a ni si lo. Han tlan chhuam thei hlauh pawh ni se, an tan chuan kawng chin hriat loh nen thil huphurhawm tak chu ala ni!
" In nunna hi chu kan kut a ni tawh lova, kan Lal thu thu a ni tawh ang," Thangbawnga chuan an ti leh a.Chutih lai chuan an mi mante phuarna chu an han endik ṭha leh a, tlanchhuak palh an awm an hlau a ni. Reivak lo an han ṭhut leh hnu chuan kal zai an rel leh ta a. Mual nuam ram chu an lut ta a, khawvar pawh an hlat tawh vak lova, ngaw chhungah an lut leh ṭan ta. Thawm mak tak tak an awm ṭhin vei nen, dawih deuh tan chuan a nuam vak lovang le...! Tlangval ho chuan mi lu pasarih lai an ak hawng a, an tan chuan hnehna ropui tak a ni.
An mi mante chuan Thanpuia chu an melh leh zauh ṭhin a. Tlanchhuahna remchang pawh awm se Thanpuia hian a dim hauh lovang tih an ring a, an mahni rawn kaihruaitu a hneh mai thei kha mak an ti hle a ni, ani lah tlangval la naupan hmel tak a ni si a.An mahni rawn kaihruaitu Sangchina kha an lo chhuan ṭhin teh lul nen, mi lu vawi tam a la tawh a, Sapui vawi tam a that tawh ṭhin si a! Mahse Pasalṭha Chhunthanga a rawn che ve ngei ang le, tih chu an rilru a ni. Pasalṭha Chhunthanga meuh hi chu zan riak buhfai pawh pai lo hian rei fe fe ram lamah a thang bo thei ṭhin a. Mi leh sa ah a zam ngai lo, nupui lam leh hmeichhe lam pawh a ngaihsak ngai miah lo, chu Pasalṭha meuh chuan he tlangval hi a dim hauh lovang le!
Ngaw dur khup chhunga kal an ni a, an meichher pawn a en thui ṭhin lo hle a, an inchhuih leh khut khut ṭhin. Thawm mak pui pui leh inbe sur sur thawm chuan a hnaih chilh ve reng mai! Mahse chung thawm rawn chhuahtu te chu hmuh theih a ni hauh si lo! Tlangval ṭhenkhat phei chuan an mi lu ah te chu rawn che leh zauh zauh ṭhin hialin an hria a, an inmelh kual leh hrak hrak ṭhin! Thanpuia hmelah erawh zamna leh hlauhna a lang hauh lo, chung thawm mak tak tak awm reng karah pawh hnu dalah a ṭang zel thei chu a ni. Thangbawnga pawh chuan a chhuang hle nghe nghe a,'pasalṭha kan neih belh e' tih chu a rilru a awm ber chu a ni.
Thanpuia chuan thlifim lo thawh dan aṭang chuan khawvar a hla tawh hauh lo tih a hre ta a. An kalna kawng hian zir miau hek lo, an kal chak hleithei lo a ni. Mual nuam an chhuahsan hnu chuan Thangbawnga chuan chawlh an rawt leh a, an han chawl khawmuang leh ta a. Kawng zawh nuam tak a nih loh avangin Pasalṭha Hualroa hi a chau lutuk ang tih a hlau a ni. Vaibel te an han zu a, khawlam pawh a hla lutuk tawh lo a ni. Hetiang a an kal chuan tukṭhuan man hmanin an thlen theih an ring a ni. Khawvar a hnai a, arsi pawh khawvar lam arsi chiah hmuh tur a awm tawh a. Rei vak lo hnuah chuan kal zai an rel leh ta a.
Tuibur hmuam da vel an kal leh hnu chuan khua pawh a rawn var ṭan ta mai reng a. Khua an hnaih ta hle bawk a, chutah an lam pana tlangval rual thawm lo chhuak chu an hre zui nghal a. An mahni hmuak turin an lokal ta ngei tih an hria a, Serzawl val rualte an hlim hle mai! Rawlrala che leh rammu a chhuak an nih loh avang chuan an mahni lo dawnsawn dan turah Lal leh upate pawh an buai angreng hle a. Kawtchhuaha lo hmuah ni se tih chu an thu tlukna a ni.
Rei lote hnuah chuan Thangbawnga te ho chu an khaw tlangval rual chuan an rawn pawh ta a.An hlim nak nak hle mai, pasalṭha Hualroa zawntute chu an han chhawk nghal a, an chanchin an lo hre tawh bawk a, Thanpuia chu ngaihsan hmel takin an melh leh ṭhin. An mi mante chu an han piai liam liam a,an chhaih rei hma chuan Thangbawnga chuan a khap ta hlawm a. Chak zawka kal in khaw lam chu an pan ta a.
Kawtchhuah lungdawhah chuan Lalbula chu vakul chang tawnin a lo ding lur a, a bulah chuan khawnbawl upa te pawh awmin an pasalṭha te an lo hmuak hlawm a. Upa Phirtuala pawh a phur hle mai, Phira te ṭawngkam aṭangin Chawntui pasalṭha chu a tupa in alo tudawl a ni. Chu thu chuan khawvar rualin khua a thang chhuak nghal a, rammu leh rawlrala va che an nih chiah loh avang chuan kawtchhuahah an mahni hmuak turin Serzawl khaw mipui an tlim hmur tawh a, nula lam pawn arkeziak nen Lungdawh pan tumin an inring ve viau tawh a ni.
Thangbawnga chuan hma hruai chhunzawmin Lungdawh an thleng ta, Lal leh upa te an mahni lo hmuaktute a hmuh meuh chuan pasalṭha ral hrat mi tak niin a inhre hial mai reng a ni. Bawlpu pawh lo telve in Pasalṭha Hualroa chu an bawihsawm zui nghal char char a, chutah inlam a panpui ta zawk a. Tlangval ho chuan van lam hawiin an silai chu an han hmet puak ta dur dur mai a. Chumi ni Ni chhuak chu Serzawl khaw ho tan chuan hnehna ni a ni satliah lova, hmalam panna leh an khaw ram humhalh tura khaw mipuite inlungrualna ni a ni. Chutah Silai chu an puak ta tak tak a, an khaw tlangval chhuanawm te hmuak tur chuan zufang khuhhriang leh seki a dah nen arkeziak nen nula lam pawn kawtchhuah Lungdawh an pan ta sang sang mai! Nula te hian an lawmpa te arkeziak an lo ban ṭhin a ni.
Chutah ropui takin khua an lut ta a,Lal mual zawl chu an pan ta hlawm a, an hlim tlang takzet a ni. Chutih rualin Pasalṭha Hualroa te In lamah pasalṭha ho an kalkhawm nghal thuai a. Dam leh vat turin an duh a, eng nge tihsak theih kan neih tih chu an hriat duh a ni. Ṭhiante tana nun hlan ngam, khaw mipuite thlamuanna pasalṭhate hi zawng an hlu em asin! Lal duhsak anni thin pawh hi an phu hle a, sa leh ral lakah khaw muantu an ni si a.
Lal tualah an mi man te chu an han dah khawm a, tlangval ho chuan an veng ṭhap mai a, Lal inah chuan chung an mi mante chungchang chu an ngaihtuah a ni.An mi mante lah an lo hlauthawng kher mai, an thi ang nge an dam ang, nge mipuiin an chilhlum zawk dawn! An rilru chu a hah tlang hle a ni. Rei tawk fang hnuah chuan Lal leh upa te chu an lo chhuak ta a, an mi mante hnenah chuan,
" Ka duh chuan tihlum thei che u ka ni a, mahse induh reng vanga min rawn lo in ni lovin ka hria, in pasalṭha in a hruai luih vang che u a ni awm a, hei hi a dik em?" tiin an mi mante chu an zawt a.
Chutah an zinga upa deuh ber alang chuan, " Aw dik e, Lalpa" a rawn ti chhuak a.
" Umnn....ka nun ang che u, mahse hei hi in Lal Lalvura hnenah chuan in hrilh ngei tur a ni. Tun a chinah ka ram chhungah hian ka phalna la lovin eng thil mah tih ka phal lo a ni. Tin, hei in silai kan man hi Silai pakhat zel hi se sawm in in rawn tlan tur a ni ang. Tun aṭanga chhiara thla det vawi thumna thlenga in rawn tlan loh chuan in tlan duh lovah kan ngai anga, a mantu ho ka pe ang.. Tin, ka khaw lam hawia min rawn do tura in rawn pen leh a nih ngai chuan kan pasalṭha hoten an hmuhna hmun hmunah che u in thi nghal ang...!" an ti a.
Ba chhum lian leng lawng paruk vel leh chempui pakhat ipte pui pakhat ah an dah a, tlangval pakhat chu an ah tir a. Chutah tlangval ho chuan an mi mante an phuarna chu an zai chah sak a. An intuai vat vat a, rang takin ram lamah an tlan liam zui ta a.
Chu mi ni chuan Lal chuan an ral that te chu Dan pangngaiin a ai sak ta a. Tin, mipui pawh chuan leido khua an nei ṭan tih an hrethiam ta kher mai. Mi tin an fimkhur ṭan ta! Leido neih hi an duhreng vang a ni hauh lova, an hun tawn hian a keng tel si, zalen lo taka an awm a ngai ṭan ta a ni.
......... .......... ...........
Ni tam a liam leh ta a, Thanpuia te pafa pawn an lovah an zo ta bawk a, hun nuam tak an hmang chho dawn ta. Chap char awl lai hi hman lai nuna hun hlimawm tak a ni si a. An lo nghahhlelh leh an er em em Chapchar Kut a hnai ta sawt a ni. Pi pute khan kut pui pathum an nei a, Chapchar Kut, Pawl kut leh Mim kut te a ni, heng bak chi Mi neinung deuhte Khuangchawi a ni leh mai a.Kum dang ang lo takin mimir chuan zalen lo riau in an inhria a, a dik reng a ni. Tunah chuan leido khua nei an ni ta si a, kawng engkimah an fimkhur ṭan em em a ni.
Selzama te ṭhian ho chu vahsan lak zawha Khamlairang khaw bul Lungreng ngaw va dai dar an tum kha a ni a, mahse an boruak tawn chuan a zir rihlo em a ni. Mahse an thinlungah chuan a riak reng thung a, zan lama an inhmuhkhawm reng reng hian an sawi zui leh ṭhin. Engtikah emaw chuan va chuan ngei an tum ve ran tho a ni.
Chu zan thla eng chu a hnim raih mai a, Ar kai den zan chuan an khaw ti ralṭi tu chu Thanpuia te ṭhian dun chuan fiah ngei an tum a, tum dan pawh an nei sa thlap tawh a ni. Thanpuia chuan lenna tur hre hek lo le, Pazawna nen chuan zawlbukah putarte thusawi ngaithla in an titi ah an dak leh ta reng a, chutah putar pakhat chuan heti hian a pu hnen aṭanga a thu hriat an sawi ta a..
Comments
Post a Comment